နတ်ဆိုးကျောက်စိမ်းမျှော်စင်သခင်...

Vol. 51 Ch. 757

လင်းယွမ်က နတ်ဆိုးကျောက်စိမ်းနေရာသို့ ဆင်းသက်သွားခဲ့သည်။ နတ်ဆိုးကျောက်စိမ်းမျှော်စင်သခင် ချမှတ်ခဲ့သော စည်းမျဉ်းများအရ မျှော်စင်ကို စိန်ခေါ်သူများ ရရှိသော ဆုလာဘ်များက သူတို့၏ စွမ်းဆောင်ရည်ပေါ်တွင် မူတည်သည်။

ထို့ကြောင့် လင်းယွမ်က အလွှာဆယ့်နှစ်သို့ မတက်လှမ်းမီ အဋ္ဌမအထပ်ကို ဖြတ်ကျော်လိုခြင်းဖြစ်သည်။ သူရရှိသော ဆုလာဘ်များက အလွှာဆယ့်နှစ်သို့ ရောက်ချိန်ထက် ပိုမိုမြင့်မားပေလိမ့်မည်။

နတ်ဆိုးကျောက်စိမ်းနေရာ၏ အနက်ရောင်မျှော်စင်၏ ရှေ့တွင် လင်းယွမ်က ပေါ်လာသည်။

" မင်းလာပြီလား။ " ကျောက်ရုပ်တုရှန်းကျိက ထွက်လာပြီး လင်းယွမ်ကို ကြည့်လိုက်သည်။

သူက ထိုကဲ့သို့ ကြောက်စရာကောင်းသော ပါရမီရှစ်တစ်ယောက်နှင့် ကြုံတွေ့ရလိမ့်မည်ဟု တစ်ခါမှမတွေးခဲ့ဖူးပေ။ လင်းယွမ်နှင့် ယှဉ်လျှင် နတ်ဆိုးကျောက်စိမ်းမျှော်စင်သခင်ကဲ့သို့သော ဖရိုဖရဲအဆင့် မဟာသူတော်စင်ပင် သာမန်ဖြစ်နေပုံရသည်။

" ကျွန်တော် အဋ္ဌမအထပ်ကို စမ်းကြည့်မယ်။ " လင်းယွမ်က တည်ငြိမ်စွာ တွေးလိုက်၏။

" ကောင်းပြီ။ " ကျောက်ရုပ်တုရှန်းကျိက ခေါင်းညိမ့်လိုက်သည်။

လင်းယွမ်က အနက်ရောင်မျှော်စင်၏ အဋ္ဌမအထပ်သို့ ဝင်ရောက်သွားသည်။ ကျောက်ရုပ်တုရှန်းကျိကလည်း ချက်ချင်း စတင်ကြည့်ရှုလိုက်သည်။

ဤတစ်ကြိမ်တွင် လင်းယွမ်က တုန့်ဆိုင်းခြင်းမရှိဘဲ ဖရိုဖရဲစွမ်းအားကို အသုံးပြု၍ သူ့ကိုသူ အားဖြည့်လိုက်သည်။ သူက အဋ္ဌမအထပ်၏ နောက်ဆုံးအဆင့်သို့ ရောက်သွားသည်။

" ပေါက်ကွဲစမ်း " လင်းယွမ်၏ အသက်အနှစ်သာရက ပေါက်ကွဲသွားပြီး အဋ္ဌမအထပ်၏ အဆုံးသို့ ရောက်ရှိသွားသည်။

" အောင်မြင်ပြီ။ " လင်းယွမ်က ဝမ်းသာသွားသည်။

ယခုအချိန်တွင် သူက ကိုယ်ပိုင်အကန့်အသတ်သို့ ရောက်နေပြီဖြစ်သည်။ အကယ်၍ ယခု သူက အနက်ရောင်မျှော်စင်၏ အဋ္ဌမအထပ်ကို မဖြတ်ကျော်နိုင်ခဲ့လျှင် အလွှာဆယ့်နှစ် လမ်းစဉ်ခွဲထွက်ခြင်းအဆင့်သို့ တက်လှမ်းပြီးမှ ထပ်ကြိုးစားရပေလိမ့်မည်။

" ဂုဏ်ပြုပါတယ်။ မင်းက နတ်ဆိုးကျောက်စိမ်းမျှော်စင်ရဲ့ အဋ္ဌမအထပ်ကို ဖြတ်ကျော်နိုင်ခဲ့တဲ့ ၁၄၂ ဦးမြောက် အဖွဲ့ဝင်ပဲ။ " ကျောက်ရုပ်တုရှန်းကျိက ပေါ်လာပြီး ပြောလိုက်သည်။

" ၁၄၂ဦးမြောက်....." လင်းယွမ်က အနည်းငယ် အံ့အားသင့်သွားသည်။

" ဒါက အတော်လေး များနေပြီ။ " ကျောက်ရုပ်တုရှန်းကျိက သက်ပြင်းချလိုက်သည်။

အနက်ရောင်မျှော်စင်၏ အဋ္ဌမအထပ်ကို ဖြတ်ကျော်နိုင်သူများက အများအားဖြင့် လွှမ်းမိုးခြင်းအဆင့် အထွတ်အထိပ်တွင် ရှိကြသည်။ နတ်ဆိုးကျောက်စိမ်းမျှော်စင်၏ ခေတ်ကာလတွင် လွှမ်းမိုးခြင်းအဆင့် အထွတ်အထိပ် ၁၄၂ယောက်၊ ဖရိုဖရဲအဆင့်များနှင့်အတူ မဟာသူတော်စင်အဖြစ် နတ်ဆိုးကျော်စိမ်းမျှော်စင်သခင် ရှိနေသည်။

လက်တွေ့တွင် ဖရိုဖရဲအဆင့်သို့ ရောက်သောအခါ မဟာသူတော်စင်၏ လက်အောက်သို့ ဝင်ရောက်ခြင်းမရှိကြပေ။ အကြောင်းမှာ ဖရိုဖရဲအဆင့် အရှင်သခင်များများက ကိုယ်ပိုင်ဖရိုဖရဲကုန်းမြေကို တည်ထောင်ပြီး လွတ်လပ်စွာ နေထိုင်နိုင်ကြသည်။

ဖရိုဖရဲအဆင့် အရှင်သခင်တစ်ယောက်က မိမိကိုယ်ကို သတ်သေရန် မကြိုးစားသရွေ့ သေဆုံးရန် ခက်ခဲသည်။ ဖရိုဖရဲမဟာသူတော်စင်တစ်ပါးက ဖရိုဖရဲအဆင့် အရှင်သခင်တစ်ယောက်ကို လုံးဝသတ်ပစ်နိုင်ရန် ခက်ခဲသည်။ ဖရိုဖရဲအဆင့် အရှင်သခင်များ၏ များပြားလှသော အသက်ကယ်နည်းလမ်းများကို လျှော့မတွက်သင့်ပေ။

ဖရိုဖရဲအရှင်သခင်မှ ဖရိုဖရဲမဟာသူတော်စင်ဖြစ်လာရန် မိမိကိုယ်သာ အားကိုးရသည်။ ကုမင်၏ ဖရိုဖရဲကုန်းမြေတွင် ဖမ်းဆီးထားသော ဖရိုဖရဲနဂါးသားရဲက ဖရိုဖရဲအရှင်သခင်နှင့် နီးစပ်ရုံသာဖြစ်ပြီး နှိုင်းယှဉ်နိုင်ခြင်းမရှိသေးပေ။

" အတော်လေးများတယ်။ " လင်းယွမ်က ခဏစဉ်းစားပြီးနောက် သူ့ကိုသူ လျှော့တွက်မိသည်ဟု ခံစားလိုက်ရသည်။

အခြားကဏ္ဍများကို ဘေးဖယ်ထားလျှင်တောင် သူက နိယာမများပင် လွှမ်းမိုးခြင်းအဆင့် အများစုထက် ကျော်လွန်နေပြီဖြစ်သည်။ နတ်ဆိုးကျောက်စိမ်းမျှော်စင်၏ ခေတ်မှာပင် သူက ထိပ်ဆုံးနှစ်ရာထဲတွင် ရှိပေလိမ့်မည်။

" ဒါက အဋ္ဌမအထပ်အတွက် ဆုလာဘ်တွေပဲ။ " ကျောက်ရုပ်တုရှန်းကျိက သူ၏ လက်ကို ဝှေ့ရမ်းလိုက်ပြီး လင်းယွမ်၏ ရှေ့တွင် အလင်းမျက်နှာပြင်တစ်ခု ပေါ်လာသည်။

စာရင်းထဲတွင် ဖရိုဖရဲအဆင့် ရတနာများ ပါဝင်သည်။ အနက်ရောင်မျှော်စင်၏ အဋ္ဌမအထပ်ကို ဖြတ်ကျော်ခြင်းအတွက် ဆုလာဘ်များက အများအားဖြင့် လွှမ်းမိုးခြင်းအဆင့် ရတနာများဖြစ်ကြပြီး တစ်ခုတစ်ရံ ဖရိုဖရဲအဆင့် ရတနာတစ်ခုနှစ်ခု ပါတတ်သည်။ သို့သော် လင်းယွမ်က အလွှာဆယ့်တစ်ဖြင့် ဖြတ်ကျော်ခဲ့သောကြောင့် ရတနာအားလုံးက တန်ဖိုးအကြီးဆုံးဖြစ်သည်။

" ရတနာတွေ..." လင်းယွမ်က အံ့အားသင့်သွားသည်။

ကန်ဝေယန်းထားခဲ့သော ရတနာများပင် ထိုဆုလာဘ်စာရင်း၏ အောက်ဆုံးတွင် ပါဝင်ရန် အရည်အချင်း မပြည့်မီပေ။ ဖရိုဖရဲအရှင်သခင်များအတွက် ဖရိုဖရဲအဆင့် ရတနာများက တန်ဖိုးကြီးမားသည်ဟု မယူဆကြပေ။ ၎င်းတို့ထဲမှ အများစုက ဖရိုဖရဲအရှင်သခင်များက ပေါ့ပေါ့ပါးပါး ဖန်တီးထားခြင်းသာ ဖြစ်သည်။

မဟုတ်လျှင် ကန်ဝေယန်းတွင် ဖရိုဖရဲအဆင့် ရတနာသုံးခု ရှိနေမည်မဟုတ်ပေ။ သို့သော် လမ်းစဉ်ခွဲထွက်ခြင်းအဆင့်နှင့် လွှမ်းမိုးခြင်းအဆင့်များအတွက် ဖရိုဖရဲအဆင့် ရတနာများက တန်ဖိုးကြီးမားနေဆဲ ဖြစ်သည်။

" ဘယ်တစ်ခုကို ရွေးရမလဲ။ " လင်းယွမ်က ခဏစိတ်ရှုပ်သွားသည်။

ပထမဦးစွာ လက်နက်ရတနာများကို ဖယ်ထုတ်ရမည်ဖြစ်သည်။ လက်နက်ရတနာများက ထိပ်တန်းဖရိုဖရဲအဆင့် ရတနာများဖြစ်ကြပြီး လင်းယွမ်က အလွှာဆယ့်နှစ်သို့ တက်လှမ်းသည့်တိုင် အချိန်အတော်ကြာသည်အထိ သန့်စင်နိုင်မည်မဟုတ်ပေ။

" ထားလိုက်တော့။ အလွှာဆယ့်နှစ်ကို တက်လှမ်းပြီးမှ ရွေးချယ်တော့မယ်။ " လင်းယွမ်က ခဏစဉ်းစားပြီး ဆုံးဖြတ်ချက် ချလိုက်သည်။

လက်ရှိ အလွှာဆယ့်တစ်တွင် ရတနာတစ်ခု ကို ရွေးချယ်ပြီး အလွှာဆယ့်နှစ်သို့ ရောက်သောအခါ အသုံးမဝင်တော့လျှင် အရှုံးဖြစ်ပေလိမ့်မည်။ မည်သို့ပင်ဖြစ်စေ သူက ယခုအချိန်တွင် လိုအပ်ချက်များမရှိသောကြောင့် အလျင်စလို ရွေးချယ်ရန် မလိုအပ်ပေ။

" ကျွန်တော် နောက်မှပဲ ရွေးတော့မယ်။ " လင်းယွမ်က ကျောက်ရုပ်တုရှန်းကျိကို ကြည့်ပြီး ပြောလိုက်သည်။

" ပြဿနာမရှိဘူး။ " ကျောက်ရုပ်တုရှန်းကျိက ပြန်ဖြေလိုက်သည်။

" ကျွန်တော် နဝမအထပ်ကို ကြည့်ချင်တယ်။ " လင်းယွမ်က အနက်ရောင်မျှော်စင်၏ နဝမအထပ်ကို ကြည့်လိုက်သည်။

၎င်းက အနက်ရောင်မျှော်စင်၏ နောက်ဆုံးအထပ်လည်း ဖြစ်သည်။ နဝမအထပ်ကို ဖြတ်ကျော်နိုင်ရန် ဖရိုဖရဲအဆင့် အထွတ်အထိပ်ခွန်အားကို လိုအပ်ပြီး ဖရိုဖရဲမဟာသူတော်စင်ဖြစ်လာရန် မဝေးတော့ပေ။

" သွားပါ။ " ကျောက်ရုပ်တုရှန်းကျိက အနည်းငယ် ထူးဆန်းသော အမူအရာကို ပြလိုက်သော်လည်း ခေါင်းညိမ့်နေဆဲ ဖြစ်သည်။

လင်းယွမ်က အနက်ရောင်မျှော်စင်၏ နဝမအထပ်သို့ ရောက်လာခဲ့သည်။ ထိုနေရာတွင် ဖိအားများမရှိသကဲ့သို့ နိယာမများလည်း မရှိပေ။ နဝမအထပ်တွင် မည်သည့်အရာမှ မရှိသောကြောင့် လင်းယွမ်က အံ့အားသင့်နေသည်။

" နဝမအထပ်က ဘာကို စမ်းသပ်တာလဲ။ " လင်းယွမ်က စဉ်းစားနေသည်။

ထိုအချိန်တွင် နဝမအထပ်တစ်ခုလုံး ရုတ်တရက် မှေးမှိန်သွားသည်။ ခန့်ညားထည်ဝါသော ပုံရိပ်တစ်ခုက စုစည်းလာသည်။ သူက အနက်ရောင်ဝတ်ရုံကို ဝတ်ဆင်ထားပြီး သူ၏ အကြည့်က တာအို၏ နိယာမများကို ဖော်ညွှန်းနေသကဲ့သို့ ဖြစ်သည်။

" အဲ့ဒါက..." လင်းယွမ်၏ အမူအရာက ပြောင်းလဲသွားပြီး ထိုပုံရိပ်နှင့် အကြည့်ချင်းဆုံလိုက်ချိန်တွင် သူ၏ စိတ်အသိတစ်ခုလုံး ကျဆင်းသွားသကဲ့သို့ ခံစားလိုက်ရပြီး ပြန်လည်ကောင်းမွန်လာသောအခါ အနက်ရောင်မျှော်စင်၏ အပြင်ဘက်သို့ ရောက်ရှိနေသည်။

" နဝမအထပ်က..." လင်းယွမ်၏ အမူအရာက လေးနက်သွားသည်။

" မှန်တယ်။ နဝမအထပ်ကို ဖြတ်ကျော်ဖို့ မူလပိုင်ရှင်ရဲ့ ပုံရိပ်ကို အနိုင်ယူဖို့ လိုအပ်တယ်။ " ကျောက်ရုပ်တုရှန်းကျိက ပြောလိုက်သည်။

" နတ်ဆိုးကျောက်စိမ်းမျှော်စင်သခင်ရဲ့ ပုံရိပ်လား။ " လင်းယွမ်က ပြောစရာစကားမရှိတော့ပေ။

သူက နဝမအထပ်ကို ခက်ခဲမည်ဟု ထင်ခဲ့သော်လည်း ဤမျှစိန်ခေါ်မှုကြီးမားလိမ့်မည်ဟု မမျှော်လင့်ခဲ့မိပေ။ နတ်ဆိုးကျောက်စိမ်းမျှော်စင်သခင်က ဖရိုဖရဲမဟာသူတော်စင်တစ်ပါးဖြစ်ပြီး သူ၏ ပုံရိပ်က ဖရိုဖရဲအဆင့်တစ်ယောက် ကိုင်တွယ်နိုင်သောအရာမဟုတ်ပေ။

နတ်ဆိုးကျောက်စိမ်းနေရာတွင် ပေါ်လာသူများအားလုံးက စိတ်အသိမျှင်တစ်ခုဖြင့် ဖွဲ့စည်းထားခြင်း ကိုယ်ပွားများသာ ဖြစ်သည်။

ရွှမ်ဟွမ်လျို့ဝှက်နယ်မြေတွင် လင်းယွမ်က မျက်လုံးများဖွင့်လိုက်သည်။

" ကြည့်ရတာ မျှော်စင်သခင်ရဲ့ စွမ်းအားက ဧကရာဇ်ရွှမ်ဟွမ်အောက် မနိမ့်လောက်ဘူး။ " လင်းယွမ်က တွေးလိုက်သည်။

ယခင် ဧကရာဇ်ရွှမ်ဟွမ်က ရွှမ်ဟွမ်လျို့ဝှက်နယ်မြေ ၃၃၃၃၃ခုအား ဖွင့်လှစ်သည်ကို သူက မြင်တွေ့ခဲ့ရပြီး ဧကရာဇ်ရွှမ်ဟွမ်က နတ်ဆိုးကျောက်စိမ်းမျှော်စင်သခင်ထက် ပိုမိုအစွမ်းထက်သည်ဟု ခံစားခဲ့ရသည်။

" အဲ့ဒီကိစ္စတွေကို စိတ်ပူဖို့ မလိုဘူး။ " လင်းယွမ်က သူ၏ အတွေးများကို စုစည်းပြီး ကြယ်စကြာဝဠာကို ကြည့်လိုက်သည်။

လွန်ခဲ့သော ရာစုနှစ်အတွင်း လင်းယွမ်၏ ကိုယ်ပွားများက စကြာဝဠာထဲတွင် လှည့်လည်သွားလာနေခဲ့ပြီး အခြားမျိုးနွယ်များမှ အလွှာဆယ့်နှစ် ကြီးမြတ်သူများ၏ ကြောင်းကျိုးဆက်နွယ်မှုများမှ ထောက်လှမ်းမှုများကို မကြာခဏ ခံစားခဲ့ရသည်။

သို့သော် သူတို့၏ ကြောင်းကျိုးနိယာမအပေါ် နားလည်မှုက လင်းယွမ်ထက် နိမ့်ကျသောကြောင့် လင်းယွမ်က မူလစိတ်ဝိညာဉ်နှစ်ခုနှင့် ကိုယ်ပွားများကို စေလွှတ်ထားသော်လည်း သူတို့က လင်းယွမ်၏ တည်နေရာကို ရှာဖွေနိုင်ခြင်းမရှိကြသေးပေ။

" ငါမင်းတို့ကို အခွင့်အရေးပေးခဲ့ပေမယ့် အသုံးမဝင်ဘူး။ " လင်းယွမ်က သက်ပြင်းချလိုက်သည်။ ယခုအချိန်တွင် သူက ကဏ္ဍအမျိုးမျိုး၌ အထွတ်အထိပ်သို့ ရောက်နေပြီး မည်သည့်အချိန်တွင်မဆို အလွှာဆယ့်နှစ်သို့ တက်လှမ်းနိုင်ပြီဖြစ်သည်။

ခန်းမကြီးတစ်ခုထဲတွင် အလွှာဆယ့်နှစ်ကြီးမြတ်သူများက တဖန်ပြန်လည်စုဝေးနေကြသည်။ သူတို့၏ အမူအရာများက လွန်ခဲ့သော နှစ်တစ်ရာက ယုံကြည်မှုရှိသော အမူအရာများ မဟုတ်ကြပေ။ သူတို့က နှစ်တစ်ရာလုံး ကြောင်းကျိုးဆက်နွယ်မှုများမျှတစ်ဆင့် နဂါးငွေ့တန်းကြယ်သခင်ကို ရှာဖွေရန် ကြိုးစားခဲ့ကြသည်။

သို့သော် ရလဒ်များက စိတ်ပျက်စရာကောင်းပြီး တိုးတက်မှုမရှိခဲ့ပေ။ အလွှာဆယ့်နှစ်ကြီးမြတ်သူများက ကြောင်းကျိုးဆက်နွယ်မှုများမှတစ်ဆင့် နဂါးငွေ့တန်းကြယ်သခင်က စကြာဝဠာအတွင်းရှိသည်ကို သိကြသော်လည်း တည်နေရာအတိအကျကို ရှာဖွေနိုင်ခြင်းမရှိပေ။