နတ်ဆိုးဘုရားကျောင်းမှ ခြိမ်းခြောက်မှု၊ ကိုယ်တိုင်ရိုက် ပြကွက်လား။

နတ်ဆိုးတာအိုမူလအစကျောက်တိုင်မှ ဖြစ်ပေါ်လာသည့် ဖြစ်စဉ်သည် အတော်လေး ထိတ်လန့်စရာ ကောင်း၏။ ၎င်း၏လှုပ်ခါမှုသည် အတော်လေး ကြီးမားသည်။ အလင်းများ တောက်ပလာခဲ့ပြီး နတ်ဆိုးစွမ်းအားများသည် ကောင်းကင်ယံ၌ မြင့်တက်လာခဲ့၏။ ထို့နောက် လျင်မြန်စွာဖြင့် နတ်ဆိုးကမ္ဘာ၏ ထာဝရအထွတ်အထိပ်ကောင်းကင်တစ်ခုလုံးကို ပျံ့နှံ့သွားတော့သည်။

တစ်ချိန်တည်းမှာ ချင်ယွီအပြင် ဝမ်ရှန်း၊ စီနီယာအစ်ကိုစု၊ ဒုတိယစီနီယာအစ်ကိုနှင့် တခြားသော ကိုယ်ပိုင်တပည့်များသည်လည်း နတ်ဆိုးတာအိုမူလအစကျောက်တိုင်ထဲမှ အပြောင်းအလဲများကို ခံစားမိလိုက်သည်။

"ဂျူနီယာမောင်လေး"

"ဆရာက ဆယ်နှစ်ယောက်မြောက် ကိုယ်ပိုင်တပည့်ကို လက်ခံလိုက်တာလား။ ကျောက်တိုင်ပေါ်မှာ နာမည်ကို တစ်ကြိမ်ရေးထိုးလိုက်ရုံနဲ့ နတ်ဆိုးထူးခြားဖြစ်စဉ် ဖြစ်လာတာပဲ။ ငါ တစ်ခါမှ ဒီလိုဖြစ်တာ မမြင်ဖူးဘူး။"

"ဒီဂျူနီယာညီလေးက အတော်လေး ထူးခြားတာပဲ။"

"စိတ်ဝင်စားဖို့ကောင်းတယ်။"

အခြားသော ကိုယ်ပိုင်တပည့်များသည် နတ်ဆိုးကမ္ဘာ၏ ထာဝရအထွတ်အထိပ်ကောင်းကင်တွင် မဟုတ်ပေ။ ထိုအစား သူတို့သည် အခြားသော နေရာများတွင် ရောက်နေကြသည်။ သူတို့သည် မတူညီသည့် နေရာများသို့ ရောက်နေသော်လည်း နတ်ဆိုးတာအိုမူလအစကျောက်တိုင်ထဲက အပြောင်းအလဲများကို ခံစားနိုင်ကြသည်။

"အလောတကြီး မလုပ်နဲ့။"

အထက်ကမ္ဘာကိုးကမ္ဘာတွင်။

ထိုသူက အထူးခြားဆုံးဖြစ်သည့် အကြီးဆုံးစီနီယာအစ်ကိုဖြစ်သည်။ သူသည် မျက်လုံးဖွင့်လိုက်သည်။ ထိုမျက်လုံးများထဲတွင် စကြာဝဠာကြီးနှစ်ခုထွန်းလင်းနေသည့်အလား တောက်ပနေသည်။

သူ့အပေါ်တွင် ဟောက်တျန်းမဟာတာအိုသည် ပြီးပြည့်စုံနေသည်။

အကြီးဆုံးစီနီယာအစ်ကိုသည် ဟောက်တျန်းဧကရာဇ်၏ အမွေအနှစ်အစစ်ကို မပိုင်ဆိုင်နိုင်ခဲ့သော်လည်း သူသည်လည်း တူညီသည့်လမ်းကြောင်းကို ခြေချနိုင်ခဲ့သည်။

သူသည် အတော်လေးဝေးဝေးတောင် ရောက်နေခဲ့ပြီဖြစ်သည်။

သူသည် ဧကရာဇ်ဟောက်တျန်းကို မှီလုနီးနီးပင်။

ချီမင်၏ပုံစံနှင့် ဟောက်တျန်းမဟာတာအိုကျမ်း၏ပုံစံကို ထိုအကြီးဆုံးစီနီယာအစ်ကိုက သိထားပြီးသားပေ။ ထို့အပြင် ချီမင်၏လက်ထဲတွင် ဧကရာဇ်ဟောက်တျန်း၏အမွေအနှစ် ရှိကြောင်း သိထားသည်။

" ငါက နောက်ကျသွားတာပဲ။"

ထိုအကြီးဆုံးစီနီယာအစ်ကိုသည် စကားလုံးအနည်းငယ်ပြောပြီးနောက် သူသည် မျက်လုံးထပ်မံ မှိတ်ကာ အဆုံးအစမဲ့ အတွေးနှင့် တာအိုနားလည်မှုထဲသို့ ကျဆင်းသွားတော့သည်။ ထိုသူသည် ပိုပို၍ပင် နားလည်ရခက်လာခဲ့သည်။

အကြီးဆုံးစီနီယာအစ်ကိုသည် သူ၏တံခါးပိတ်ကျင့်ကြံမှုတွင် အရေးကြီးဆုံးအခိုက်အတန့်တွင် ဖြစ်သည်။

နေ့တစ်ဝက်ကြာပြီးနောက် နတ်ဆိုးတာအိုမူလအစကျောက်တိုင်၏ ထူးခြားဖြစ်စဉ်များ ပျောက်ကွယ်သွားတော့သည်။

နတ်ဆိုးတာအိုမူလအစကျောက်တိုင်မှ အနက်ရောင်အလင်းစီးကြောင်းတစ်ခု ပျံသန်းထွက်လာပြီး ချီမင်၏လက်ထဲက နတ်ဆိုးအရှင်၏ကိုယ်ပိုင်တပည့်တိုကင်ထဲသို့ ဝင်ရောက်သွားသည်။ နောက်ဆုံးတော့ သူသည် အထက်ကမ္ဘာ၏နတ်ဆိုးတာအိုမူလအစမျိုးနွယ်ဝင် ဖြစ်လာတော့သည်။

"ဂျူနီယာညီလေးချီ။"

စီနီယာအစ်ကိုစုသည် လက်ဆန့်ထုတ်ပြီး ပြုံးကာ ပြောလိုက်သည်။ "ဂိုဏ်းကနေ ကြိုဆိုပါတယ်။"

"ဂျူနီယာညီလေးကို ဂုဏ်ပြုပါတယ်။"

ချင်ယွီ၊ ဝမ်ရှန်းနှင့် စီနီယာအစ်ကို တိကျင်းတို့သည် အသာအယာ ပြုံးလိုက်သည်။

"စီနီယာအစ်ကို အစ်မတို့ကို ကျေးဇူးတင်ပါတယ်။"

ချီမင်သည် လက်နှစ်ဖက်ကို ယှက်ကာ ကျေးဇူးတင်လိုက်သည်။

စီနီယာအစ်ကိုစုသည် ခေါင်းညိတ်ကာ ပြောလိုက်သည်။ "မင်းတို့ ပြန်လို့ရပြီ။ ဆယ်နှစ်ယောက်မြောက် ကိုယ်ပိုင်တပည့်ရဲ့ခန်းမက အချိန်တိုလေးအတွင်းမှာ ပြီးသွားလိမ့်မယ်။"

" အရင်တုန်းက နတ်ဆိုးကမ္ဘာရဲ့ထာဝရအထွတ်အထိပ်ကောင်းကင်မှာ မင်းအတွက် နေရာကောင်း မရှိခဲ့ဘူး။"

"အခုတော့ ခဏနေထားဦး။"

"အချိန်ကျလာရင်..."

"မင်းအတွက် ခန်းမလုပ်ပြီးတာနဲ့ လာပြောလိမ့်မယ်။ မင်း နတ်ဆိုးအရှင်ရဲ့ကိုယ်ပိုင်တပည့်အမိန့်ပြားနဲ့ နတ်ဆိုးကမ္ဘာရဲ့ထာဝရအထွတ်အထိပ်ကောင်းကင်ကို တစ်ခါတည်း ပြန်လာလို့ရတယ်။"

"ဟုတ်တယ်။" ချီမင်က ခေါင်းညိတ်လိုက်သည်။

"သွားတော့။" စီနီယာအစ်ကိုစုသည် လက်ဝှေ့ယမ်းလိုက်၏။ "မင်းရဲ့ လက်ထဲက နတ်ဆိုးအရှင်ရဲ့ကိုယ်ပိုင်တပည့်အမိန့်ပြားကို အသက်သွင်းလို့ရတယ်။ ဒါဆို မင်းနဲ့ နတ်ဆိုးတာအိုမူလအစကျောက်တိုင်ကြားကို ဆက်သွယ်လို့ရတယ်။ မင်းရဲ့ တာအိုစွမ်းအားကို သုံးပြီး အန္တိမနတ်ဆိုးတာအိုနဲ့လည်း ဆက်သွယ်လို့ရတယ်။ ဒါဆို မင်း အဆုံးအစမဲ့ အချိန်နေရာလွတ်ကို ဖြတ်သန်းပြီး ကြိုက်တဲ့နေရာကို သွားလို့ရတယ်။"

"နားလည်ပါပြီဗျ။"

အတွေးတစ်ချက်ဖြင့် ချီမင်သည် သူ၏လက်ထဲက တာအိုစွမ်းအားကို လည်ပတ်လိုက်ပြီး နတ်ဆိုးအရှင်၏ကိုယ်ပိုင်တပည့်တိုကင်ထဲသို့ ထည့်လိုက်၏။ သူသည် နတ်ဆိုးတာအိုမူလအစကျောက်တိုင်နှင့် အန္တိမနတ်ဆိုးတာအိုကို အာရုံခံမိလိုက်သည်။

"တတိယအထက်ကမ္ဘာ"

"ကမ္ဘာဦးကောင်းကင်"

နတ်ဆိုးအရှင်၏ကိုယ်ပိုင်တပည့်တိုကင်သည် အလင်းများတောက်ပလာပြီး ချီမင်၏တစ်ကိုယ်လုံးကို ဖုံးအုပ်သွားတော့သည်။ သူသည် လေထုထဲတွင် အနက်ရောင်အလင်းစီးကြောင်းတစ်ခုပမာ ပျောက်ကွယ်သွားတော့သည်။

ချီမင်သည် နတ်ဆိုးကမ္ဘာ၏ထာဝရအထွတ်အထိပ်ကောင်းကင်မှ ထွက်ခွာသွားပြီး ကမ္ဘာဦးအထွတ်အထိပ်ကောင်းကင်အရှင်၏ ကမ္ဘာဦးကောင်းကင်သို့ ရောက်သွားတော့သည်။ သူ၏မျက်လုံးထဲတွင် ရင်းနှီးနေသည့် အရာများ ပေါ်လာသည်။

ပုံရိပ်ခုနစ်ခုပေါ်လာခဲ့သည်။

သူတို့က ဝါနက်ကောင်းကင်အရှင်၊ ကောင်းကင်အရှင်ယွီလင်းတို့ ဖြစ်ကြသည်။

မာရနှင့် ချူးဝမ်တောက်တို့လည်း ရောက်နေကြသည်။

"စီနီယာအစ်ကိုချီ" ကမ္ဘာဦးအထွတ်အထိပ်ကောင်းကင်အရှင်သည် လက်နှစ်ဖက်ကို ယှက်ကာ နှုတ်ဆက်လိုက်သည်။

"ဆရာဦးလေးချီကို အရိုအသေပြုပါတယ်။"

ဝါနက်ကောင်းကင်အရှင်နှင့် ကောင်းကင်အရှင်ယွီလင်းတို့သည်လည်း ဦးညွှတ်လိုက်သည်။ သူတို့၏အသံသည် လေးစားမှုများဖြင့် ပြည့်နှက်နေသည်။

"သခင်" မာရနှင့် ချူးဝမ်တောက်သည်လည်း တစ်ပြိုင်နက်ပြောလိုက်သည်။

ချီမင်က ခေါင်းညိတ်လိုက်သည်။

နတ်ဆိုးကမ္ဘာ၏ ထာဝရအထွတ်အထိပ်ကောင်းကင်။

ချီမင်ကိုယ်ပိုင်တပည့်ခန်းမသည် တည်ဆောက်နေပြီဖြစ်သည်။ ၎င်းကို အတွင်းစည်းတပည့်များဖြင့် တည်ဆောက်ခြင်းဖြစ်ကာ အတော်လေးအဖိုးတန်သော ကုန်ကြမ်းများလည်း သုံးထားသည်။ အချိန်တော့ အတော်လေးယူရသည်။

"ငါ အကြီးဆုံးစီနီယာအစ်ကို အထွတ်အထိပ်အင်မော်တယ်ရဲ့ အရှိန်အဝါက ပြောင်းသွားတာကို ခံစားမိတယ်။"

တိကျင်းသည် အသံခပ်နိမ့်နိမ့်ဖြင့် ပြောသည်။ "သူက ချီမင်ကို စုံစမ်းနေတာပဲ။"

"ဒါက.."စီနီယာအစ်ကိုစုတို့သည် ခဏမျှ စဉ်းစားနေသည်။

"အကြီးဆုံးစီနီယာအစ်ကိုက ပြန်လာပြီလား။" ဝမ်ရှန်းက ပျော်ရွှင်စွာဖြင့် ပြောသည်။

ရက်အနည်းငယ် ကြာသွားခဲ့သည်။

ချီမင်သည် ကမ္ဘာဦးအထွတ်အထိပ်ကောင်းကင်အရှင်ကို နှုတ်ဆက်ပြီး ကမ္ဘာဦးကောင်းကင်မှ ထွက်ခွာခဲ့သည်။ သူသည် ပထမအထက်ကမ္ဘာသို့ ပြန်လာခဲ့သည်။

နောက်ထပ်တစ်နှစ်ကြာသွားတော့သည်။

ထိုနှစ်အတွင်း ချီမင်သည် ဟောက်တျန်းမဟာတာအိုကျမ်းနှင့် နတ်ဆိုးတာအိုမူလအစကျမ်း ကို နားလည်ဆင်ခြင်ခဲ့သည်။ သူသည် ကမ္ဘာဦးမဟာတာအိုကျမ်းကို တွက်ချက်ခဲ့ပြီးနောက် တဖြည်းဖြည်း နားလည်လာခဲ့သည်။ သို့သော်လည်း အနည်းငယ် ကွာခြားချက်ရှိနေသည့်အတွက် သူသည် ကမ္ဘာဦးမဟာတာအိုကျမ်းကို ပြီးပြည့်စုံအောင် မလုပ်နိုင်သေးပေ။

နောက်ထပ် သုံးနှစ်ကြာသွားသည်။

လွန်ခဲ့သည့် နှစ်အနည်းငယ်က ချီမင်သည် ကမ္ဘာဦးလောကတွင် နေထိုင်ခဲ့ပြီး မည်သည့်အခါမျှ မထွက်ခွာခဲ့ပေ။ သို့သော်လည်း အဖွဲ့အစည်းများစွာ၏ သံတမန်များသည် တစ်ယောက်ပြီးတစ်ယောက် ရောက်လာကာ ချီမင်နှင့် ဆက်ဆံရေးကောင်း တည်ဆောက်ခဲ့သည်။

ဥပမာအနေဖြင့် ပထမအထက်ကမ္ဘာ၏အဖွဲ့အစည်းကြီး ငါးခုဖြစ်သည်။

ထာဝရအင်မော်တယ်ဌာနချုပ်တွင်။

အင်မော်တယ်ကမ္ဘာအရှင်တည်ဆောက်ထားခဲ့သော အဖွဲ့အစည်းဖြစ်ပြီး အထက်ကမ္ဘာ၏ အင်မော်တယ်တာအိုမူလအစမျိုးနွယ်က ဖြစ်သည်။ ၎င်းက အထက်ကမ္ဘာ၏နတ်ဆိုးတာအိုမူလအစမျိုးနွယ်နှင့် ယှဉ်နိုင်ပေသည်။

ထာဝရအင်မော်တယ်ဌာနချုပ်တွင်။

အရှင်တစ်ပါး၊ ဘိုးဘေးနှစ်ပါး၊ သန့်စင်ခြင်းသုံးပါး၊ ကာကွယ်သူလေးပါးနှင့် အကြီးအကဲ ငါးပါးရှိသည်။

အမြင့်ဆုံးကတော့ အင်မော်တယ်ကမ္ဘာ၏အရှင်ဖြစ်သည်။

ဘိုးဘေးနှစ်ပါး၊ သန့်စင်ခြင်းသုံးပါး၊ ကာကွယ်သူလေးပါးနှင့် အကြီးအကဲငါးပါးသည် အင်မော်တယ်ကမ္ဘာအရှင်၏ နောက်လိုက်များဖြစ်ကြသည်။ ထိုသူတို့၏အဆင့်အတန်းသည် မြင့်မားကြပြီး အတော်လေးသန်မာကြသည်။

သူတို့၏အဆင့်အတန်းသည် နတ်ဆိုးကမ္ဘာအရှင်၏ကိုယ်ပိုင်တပည့်နှင့် တူညီသည်။

ထာဝရအင်မော်တယ်ဌာနချုပ်၏သံတမန်သည် အကြီးအကဲငါးပါးထဲက တစ်ပါးဖြစ်သည့် ဗဟိုဝါရောင်အဆုံးစွန်သာလွန်သူဧကရာဇ်အရှင်ဖြစ်သည်။ သူ၏နာမည်အရင်းကတော့ ဟွမ်ထိုက်ဂျီဖြစ်သည်။ သူ၏ကျင့်ကြံခြင်းသည် သဘာဝအတိုင်း ထာဝရအထွတ်အထိပ်ကောင်းကင်အရှင် နဝမအဆင့်က ဖြစ်သည်။ ထို့အပြင် သူသည် ဗဟိုမဟာတာအိုကို အသေးစားအောင်မြင်မှုအဆင့်ထိ ကျင့်ကြံထားသည်။

မာရသည်ပင် သူ၏ပြိုင်ဘက်မဟုတ်ပေ။ .

ဟွမ်ထိုက်ဂျီသည် ထာဝရအင်မော်တယ်ဌာနချုပ်မှ ကောင်းမွန်သည့်စေတနာကို ဖော်ပြရန် လာရောက်ခြင်းဖြစ်၏။

ထို့အပြင် ထာဝရအသက်ဧကရာဇ်မင်းဆက်၊ အင်မော်တယ်တာအိုကောင်းကင်ခံတပ်နှင့် ကောင်းကင်အရှင်မဟာမိတ်တို့က သံတမန်များ စေလွှတ်ခဲ့သည်။

နတ်ဆိုးဘုရားကျောင်းသာ မလွှတ်ခဲ့ပေ။

တစ်လကြာပြီးနောက် နတ်ဆိုးဘုရားကျောင်း၏လူက ရောက်ရှိလာသည်။

ထိုသူက မဟာအကြီးအကဲဖြစ်၏။

ကျင့်ကြံခြင်းအဆင့်က နက်နဲလေသည်။

အင်အားကလည်း မာရနှင့်ယှဉ်နိုင်သည်။

သူသည် ကောင်းမွန်သည့်ရည်ရွယ်ချက်ဖြင့် လာရောက်ခြင်းမဟုတ်ပေ။

နတ်ဆိုးဘုရားခန်းမ၏မဟာအကြီးအကဲသည် မောက်မာသည့် အပြုအမူကို ထုတ်ဖော်ခဲ့သည်။ သူက ချီမင်ကို အပြစ်တင်ခဲ့ပြီ သူ့ကိုပင် တောင်းပန်စေချင်ပြီး ထိုအကြောင်းကို အထက်ကမ္ဘာကိုးကမ္ဘာသို့ ကြေညာစေချင်ခဲ့သည်။

နတ်ဆိုးဘုရားကျောင်းသည် ချီမင်က နတ်ဆိုးကမ္ဘာအရှင်၏ ကိုယ်ပိုင်တပည့်ဖြစ်ရုံမျှဖြင့် သည်းမခံပေ။ ထိုအစား သူတို့က ပိုပြီးတောင် မောက်မာလာသည်။ သူတို့သည် ချီမင်နှင့် ထိပ်တိုက်တွေ့လိုကြောင်း ထင်ရှားနေသည်။

ထို့ကြောင့် ပိုမိုကြီးမားသော ကမ္မက ဖြစ်ပေါ်လာသည်။

သုံးရက်ကြာပြီးနောက်မှာ နတ်ဆိုးဘုရားကျောင်း၏မဟာအကြီးအကဲက ပြန်သွားသည်။

သူ ထွက်သွားချိန်တွင် အသံနက်ကြီးဖြင့် အော်သွားသေးသည်။ "မင်းမှာ အချိန်တစ်လပဲ ရမယ်။ တစ်လအတွင်း လာမတောင်းပန်ရင် နတ်ဆိုးဘုရားကျောင်းက မင်းရဲ့ ကမ္ဘာဦးလောကကို ဖျက်ဆီးပစ်မယ်။"

ချီမင်သည် လက်နှစ်ဖက်ကို နောက်ပစ်လျက် နတ်ဆိုးဘုရားကျောင်း၏မဟာအကြီးအကဲထွက်သွားသည်ကို ကြည့်နေခဲ့သည်။ သူ၏အကြည့်သည် အေးစက်နေပြီး သတ်ဖြတ်လိုစိတ်များဖြင့် ပြည့်နှက်နေခဲ့သည်။ "ဒီလိုဆိုမှတော့ နတ်ဆိုးဘုရားကျောင်းဆိုပြီး တည်ရှိခွင့် မပေးတော့ဘူး။"

ထိုအခြေအနေများအောက်တွင် သူတို့သည် ပြန်လှည့်လို့မရတော့သည့် အခြေအနေသို့ ကျရောက်သွားတော့သည်။

သုံးရက်ကြာသွားတော့သည်။

ထိုနေ့တွင် ချီမင်သည် သူနှင့်ရင်းနှီးသည့်အဖွဲ့အစည်းများကို ဖိတ်ခေါ်ခဲ့သည်။ ပထမအထက်ကမ္ဘာ၏အဖွဲ့အစည်းကြီးလေးခုဖြစ်သည့် ထာဝရအင်မော်တယ်ဌာနချုပ်၊ အင်မော်တယ်တာအိုကောင်းကင်ခံတပ်၊ ထာဝရအသက်ဧကရာဇ်မင်းဆက်နှင့် ကောင်းကင်အရှင်မဟာမိတ်တို့ ဖြစ်ကြသည်။

တစ်ချိန်တည်းမှာ ဒုတိယအထက်ကမ္ဘာ ဗုဒ္ဓကမ္ဘာ၏ အနောက်သုခဘုံလည်း ရောက်ရှိလာခဲ့သည်။

လေးခုမြောက် အထက်ကမ္ဘာ မိစ္ဆာကမ္ဘာ၏ ရွှေကျီးမိစ္ဆာခံတပ်လည်း ရောက်ရှိလာခဲ့သည်။

ပဥ္စမအထက်ကမ္ဘာ တာအိုကမ္ဘာ၏ ကမ္ဘာဦးတာအိုဂိုဏ်း၊

ဆဋ္ဌမအထက်ကမ္ဘာ အမှန်တရားကမ္ဘာ၏ စုန်းမြင့်မြတ်တောင်၊

သတ္တမအထက်ကမ္ဘာ မြင့်မြတ်ကမ္ဘာ၏ မြင့်မြတ်နိုင်ငံတော်၊

အဋ္ဌမအထက်ကမ္ဘာ အထွတ်အထိပ်ကမ္ဘာ၏ မူလဘူတနဂါးအင်ပါယာ၊

နဝမအထက်ကမ္ဘာ ထာဝရကမ္ဘာ၏ အဆုံးမဲ့ထာဝရမျှော်စင်တို့ ရောက်လာကြသည်။

တတိယအထက်ကမ္ဘာ နတ်ဆိုးကမ္ဘာအတွက်တော့

ချီမင်သည် နတ်ဆိုးကမ္ဘာအရှင်၏ကိုယ်ပိုင်တပည့်ဖြစ်သည်။ နတ်ဆိုးကမ္ဘာ၏အဖွဲ့အစည်းများအားလုံးသည် သဘာဝအတိုင်း သူ့ဘက်ကဖြစ်သည်။ ကမ္ဘာဦးအထွတ်အထိပ်ကောင်းကင်အရှင်တို့သည်လည်း သူ့ကို ကူညီကြသည်။

ကောင်းကင်ဉာဏ်အလင်းဧကရာဇ်မင်းဆက်၏ ကောင်းကင်ခံတပ်တွင်။

မြင့်မြတ်ကောင်းကင်ရတနာခန်းမတွင်။

ချီမင်သည် ဧကရာဇ်ပုလ္လင်တွင် ထိုင်နေသည်။

သူ့အောက်တွင် လူများက ထိုင်သူကထိုင် ထသူကထရပ်နေကြသည်။

ထိုသူတို့အားလုံးသည် အဖွဲ့အစည်းအသီးသီးက ဖြစ်ကြသည်။

သူတို့၏ကျင့်ကြံခြင်းအဆင့်သည် အတော်လေးမြင့်မားကာ အတော်လေးလည်း စွမ်းအားကြီးကြသည်။

တစ်ယောက်ချင်းစီတိုင်းက ထာဝရအထွတ်အထိပ်ကောင်းကင်အရှင်များ ဖြစ်ကြသည်။

အသန်မာဆုံးမှာ ဟွမ်ထိုက်ဂျီတို့ဖြစ်ကြပြီး မဟာတာအိုကို အသေးစားအောင်မြင်မှုအဆင့်တွင် ရှိပြီး ထာဝရအထွတ်အထိပ်ကောင်းကင်အရှင်နဝမအဆင့်တွင် ဖြစ်သည်။

ထိုအခိုက် သူတို့က ချီမင်၏ဖိတ်ခေါ်မှုကြောင့် ရောက်လာခြင်းဖြစ်ပြီး နတ်ဆိုးဘုရားကျောင်းကို ဖျက်ဆီးဖို့ သူကို ကူညီရန် ရောက်လာကြခြင်းဖြစ်သည်။

"အတင့်ရဲလိုက်တဲ့ နတ်ဆိုးဘုရားကျောင်း"

ရွှေကျီးမိစ္ဆာခံတပ်၏သံတမန်က ရွှေရောင်ဆံပင်ဖြင့် အမျိုးသားတစ်ဦးဖြစ်သည်။ သူ၏အမူအရာသည် ဒေါသတကြီးဖြစ်နေပြီး လေးနက်သည့်အသံဖြင့် အော်သည်။ "ကိုယ်ပိုင်တပည့်ချီက နတ်ဆိုးကမ္ဘာအရှင်ရဲ့ ကိုယ်ပိုင်တပည့်ဖြစ်နေပြီ။ သူ့ရဲ့အဆင့်အတန်းက မြင့်တယ်။ ဒါတောင် နတ်ဆိုးဘုရားကျောင်းက ရန်လိုမှုကို မိတ်ဖွဲ့မှုဖြစ်အောင် ပြောင်းဖို့ မစဉ်းစားဘူး။ ကိုယ်ပိုင်တပည့်ချီကိုတောင် ခြိမ်းခြောက်ရဲတယ်။ ငါတို့တွေ နတ်ဆိုးဘုရားကျောင်းကို ဖျက်ဆီးဖို့ ကိုယ်ပိုင်တပည့်ချီကို ကူညီပေးရမယ်။"

"ဟုတ်တယ်။"

"နတ်ဆိုးဘုရားကျောင်းလို နေရာလေးကများ။"

"ငါတို့သာ ပူးပေါင်းလိုက်ရင် နတ်ဆိုးဘုရားကျောင်းကို အသာလေးဖျက်ဆီးလို့ရတယ်။"

အဖွဲ့အစည်းအသီးသီး၏ သံတမန်များက ဆွေးနွေးနေကြသည်။

သူတို့အားလုံးက ချီမင်ကို ကူညီပြိး နတ်ဆိုးဘုရားကျောင်းကို ဖျက်ဆီးပစ်ရန် ဆန္ဒရှိကြသည်။

"အဟွတ်...ဟွတ်"

ထိုအခိုက် ဟွမ်ထိုက်ဂျီက ချောင်းဟန့်လိုက်သည်။

အဖွဲ့အစည်းများစွာကြားတွင် ကြီးကြီးငယ်ငယ် အဖွဲ့အစည်းများစွာ ရောနှောနေသော်လည်း ဟွမ်ထိုက်ဂျီကတော့ အထက်ကမ္ဘာ၏ အင်မော်တယ်တာအိုမူလအစမျိုးနွယ်ကဖြစ်သည်။ သူ၏အဆင့်အတန်းသည် ချီမင်နှင့် ယှဉ်နိုင်သည်။

သူတို့ထဲတွင် အခြားသော အထက်ကမ္ဘာမူလအစမျိုးနွယ်ခုနစ်ကို ကိုယ်စားပြုနိုင်သူများကတော့ ထပ်မရှိတော့ပေ။

"ဒီကိစ္စက မရိုးရှင်းဘူး။" ဟွမ်ထိုက်ဂျီက ပြောသည်။ "ငါအထင်တော့ နတ်ဆိုးဘုရားကျောင်းရဲ့နောက်မှာ တစ်ယောက်ယောက် ရှိမယ်ထင်တယ်။ မဟုတ်ရင် သူတို့က ဒီလိုလုပ်ရဲမှာ မဟုတ်ဘူး။"

"မတိုက်ခိုက်ခင် ငါတို့က ရန်သူ့ရဲ့ထောင်ချောက်ထဲ ကျမသွားအောင် စစ်ဆေးရမယ်။"

"ဒါက.."

"နောက်ကွယ်ကသူလား။"

"ဟုတ်လောက်မယ်။"

"ဖြစ်နိုင်တယ်။"

"ကျုပ်တို့က ဘယ်လိုစုံစမ်းကြမလဲ။"

အဖွဲ့အစည်းအသီးသီး၏ သံတမန်များက ဆွေးနွေးနေကြသည်။

ဟွမ်ထိုက်ဂျီက ရယ်လိုက်သည်။ "စုံစမ်းဖို့ကို ကျုပ်ကိစ္စထားလိုက်။"

"ကိုယ်ပိုင်တပည့်ချီကရော ဘယ်လိုတွေးလဲ။" ဟွမ်ထိုက်ဂျီက မေးလိုက်သည်။

"ကောင်းပြီလေ။" ချီမင်က သူ့ကို နက်ရှိုင်းစွာ ကြည့်လိုက်သည်။

"ကိုယ်ပိုင်တပည့်ချီ မစိုးရိမ်ပါနဲ့။"

ဟွမ်ထိုက်ဂျီက ပြောလိုက်သည်။ "ဒီကိစ္စက ခင်ဗျားကို စိတ်မပျက်စေရပါဘူး။"

"ဒီလိုဆို.."ချီမင်က ပြောသည်။ "ကျွန်တော် ခင်ဗျားကို စောင့်နေပါ့မယ်။"

ဟွမ်ထိုက်ဂျီ၏ပုံရိပ်က ပျောက်ကွယ်သွားတော့သည်။

"ဟီးဟီး" ချီမင်သည် ခပ်ဖျော့ဖျော့ ပြုံးကာ ထွက်ခွာသွားသည့်ဘက်သို့ ကြည့်လိုက်၏။ သူသည်တွေးနေလိုက်သည်။ "ကောင်းလိုက်တဲ့ ပြပွဲ။ မင်းက ဘယ်လိုသရုပ်ဆောင်ရမလဲ သိတာပဲ။"

ချီမင်သည် အရာအားလုံးကို သိထားပြီးသားပင်။

သူ့ကို ဖုံးကွယ်ဖို့ဆိုတာ မဖြစ်နိုင်သလောက်ပင်။