အခန်း (၁၁၃၈-၁၁၄၀)

အခန်း ၁၁၃၈ ဘက်ထရီတုံးနှင့် ဘက်ထရီအိုး

ထိုက်ဟွာ ဘက်ထရီကုမ္ပဏီသည် နောက်ပေါက်မှ သွားခဲ့ရာ မူပိုင်ခွင့်ဌာန၏စစ်ဆေးမှုသည် အလွန်လျင်မြန် ခဲသည်။ တရုတ်၏ မူပိုင်ခွင့်ဌာနကို လျိုချွမ်ကျစ်၏ ဖခင်က ဦးဆောင် စတင်ခဲ့ခြင်းဖြစ်ရာ သူကိုယ်တိုင် ကြားဝင်ပေးပါက လမ်းကြောင်းသည် လုံးဝ ပွင့်လင်း နေသည်။

ကမ္ဘာပေါ်တွင်လည်း ဤကဲ့သို့ ဆင်တူသော မူပိုင်ခွင့် များ မရှိခဲ့ပေ။ ဘက်ထရီ၏ မူပိုင်ခွင့် နည်းပညာများ များပြားသော်လည်း ဤသို့ ပြောင်းလဲပေးနိုင်သော မူပိုင်ခွင့် မှာ မရှိသေးပေ။

ထိုက်ဟွာ ဘက်ထရီကုမ္ပဏီသည် ဤPower Bank၏ မူပိုင်ခွင့်ကို လျှောက်ထားပြီးသည်နှင့် ထုတ်လုပ်မှုကို စတင်ချဲ့ထွင်နေချိန်တွင် Sonyသည် ၎င်းတို့၏ PSONE အတွက် Power Bankကို နောက်ဆုံး၌ ထုတ်ဖော်ကြေညာခဲ့သည်။

ဖုန်းယွီသည် အနည်းငယ် အံ့အားသင့်သွားသည်။ Sony၏ ဘက်ထရီ နည်းပညာသည်လည်း ဤမျှအစွမ်းထက် လိမ့်မည်ဟု မထင်မှတ်ခဲ့ပေ။ ဤသို့ဆိုလျှင် ထိုက်ဟွာ ဘက်ထရီသည် ဤ ယာယီ ဈေးကွက် လက်ဝါးကြီးအုပ်မှုမှ အမြတ် ကို မရရှိနိုင်တော့ပေ။

သို့သော် ဖုန်းယွီသည် Sony၏ Power Bankကို မြင်လိုက်ရသောအခါ ရယ်မော လုနီးပါး ဖြစ်သွားသည်။

ထိုက်ဟွာ ဘက်ထရီကုမ္ပဏီမှ ထုတ်လုပ်သော Power Bankကို ဘက်ထရီတုံး ဟု ခေါ်ဆိုနိုင်သော်လည်း Sonyမှ ထုတ်လုပ်သော Power Bankကို ဘက်ထရီအိုးဟု ခေါ်ဆိုလျှင် ပို၍ သင့်တော်ပေလိမ့်မည်!

၎င်း၏ အရွယ်အစား၊ ထုထည်နှင့် အလေးချိန်မှာ ရှင်းဟွာ အဘိဓာန် လောက်ရှိသော လေးထောင့်တုံးကြီး ဖြစ်ပြီး အုတ်ခဲထက်ပင် ပိုကြီးသည်။

ဖုန်းယွီ သက်ပြင်းချ လိုက်သည်။ ဤသို့ဆိုလျှင် ပြိုင်ဆိုင်မှုကို ကြောက်စရာ မလို တော့ပေ။

Sony၏ ဤPower Bankသည် အသုံးပြုမှု အလွန်ကျဉ်းမြောင်းသည်။ သူတို့၏ ဂိမ်းစက်အတွက်သာ အသုံးပြုနိုင်သည်။ သို့သော် သူတို့၏ စီမံကိန်းသည် ကားထဲတွင် ထားရှိရန်၊ ကားသုံး ပါဝါရင်းမြစ် အဖြစ် သတ်မှတ်ထားသောကြောင့် အရွယ်အစား ကြီးမားသော်လည်း ပခုံးပေါ် ထမ်းပိုးရန် မလိုအပ် သဖြင့် ပြဿနာ မရှိပေ။

သို့သော် ဤစက်ကို အသုံးပြု၍ ဂိမ်းစက်နှင့် LCD မျက်နှာပြင်တစ်ခုကို မောင်းနှင်ပါက 3D ဂိမ်းများကို နှစ်နာရီခန့်၊ 2D ဂိမ်းများကို သုံးနာရီခန့် သာ ကစားနိုင်မည် ဖြစ်သည်။ ဖုန်းယွီ ယူဆသည်မှာ ၎င်းသည် အသုံးဝင်မှု မရှိသလောက် ပင် ဖြစ်သည်။

တကယ်လို့ အပြင်ကို ယူသွားပြီး ကစားချင်တယ်ဆိုရင် နင်တဲန်ဒိုး၏ လက်ကိုင် ဂိမ်းစက်က ပိုမိုအဆင်ပြေသည်။ အသုံးပြုချိန် ပိုကြာပြီး အရွယ်အစားကလည်း ပိုမိုသေးငယ်သည်။ တက်ဘလက် ကွန်ပျူတာ အရွယ်အစားနှင့် ညီမျှသော်လည်း နည်းနည်း ပိုထူသည်။

သို့သော် ဤPower Bank ဈေးကွက်သို့ ရောက်ရှိလာပြီးနောက် Sony၏ ဂိမ်းစက် ရောင်းအားကို အမှန်တကယ် လှုံ့ဆော် ပေးခဲ့သည်။ ဤသို့ဆိုလျှင် ဤထုတ်ကုန်သည် Sonyအတွက် အောင်မြင်သည် ဟု ယူဆနိုင်သည်။

အိုဂါ နိုရီအိုသည် ဤရက်များတွင် စိတ်ကောင်းဝင်နေသည်။ လွန်ခဲ့သည့် အကြိမ်က ခိုနိုဂီ အစ်ချီရိုးသည် ကိုယ့်ကိုယ်ကို အထင်ကြီးလွန်း ပြီး ဖုန်းယွီနှင့် ပူးပေါင်းဆောင်ရွက်ရန် သွားရောက် ဆွေးနွေးခဲ့သော်လည်း ဖုန်းယွီ၏ မျက်နှာကိုပင် မမြင်တွေ့ရဘဲ ဖုန်းယွီ၏လက်အောက်ခံများက ပြန်လွှတ်ခဲ့သည်။

ဤသို့ အတိုက်အခိုက် ခံရပြီးနောက် ခိုနိုဂီ အစ်ချီရိုးသည် ပို၍လိမ္မာလာသည်။ သူသည် ဥက္ကဋ္ဌထံ သွားရောက်၍ အနာဂတ်တွင် ဥက္ကဋ္ဌ ရာထူးကို သူ ရနိုင်မရနိုင် စမ်းသပ် မေးမြန်းခဲ့သော်လည်း ဥက္ကဋ္ဌက တိုက်ရိုက် အဖြေမပေးခဲ့သော်လည်း တိုက်ရိုက်လည်း မငြင်းပယ် ခဲ့ပေ။

ဤသို့ဆိုလျှင် သူ့အတွက် အခွင့်အရေး ရှိနေသေးသည်။ ဥက္ကဋ္ဌသည် တွေဝေနေဆဲဖြစ်သည်။

ဘာပဲဖြစ်ဖြစ် ဥက္ကဋ္ဌ၏ ကျန်းမာရေးသည် မကောင်း ပေ။ ထို့ကြောင့် ဥက္ကဋ္ဌသည် ဤရာထူးကို အချိန်ကြာကြာ တွယ်တာဝံ့မည် မဟုတ်ပေ။ မဟုတ်ပါက ဥက္ကဋ္ဌ ရုတ်တရက် ပြင်းထန်စွာ ဖျားနာလျှင် ဤသတင်းသည် ရှယ်ယာဈေးနှုန်းကို ပြင်းထန်စွာ ကျဆင်း စေမည်မှာ သေချာသည်။

ဤကာလအတွင်း ဆက်ခံသူကို လေ့ကျင့်ပေးခြင်းနှင့် ရာထူး လွှဲပြောင်းပေးခြင်းသည် အမှန်ကန်ဆုံး ရွေးချယ်မှုဖြစ်ပြီး ခိုနိုဂီ မိသားစု၏ အကျိုးစီးပွားကိုလည်း မထိခိုက်စေရန် အာမခံနိုင်သည်။

ခိုနိုဂီ မိသားစုသည် Sony၏ အဓိက ရှယ်ယာရှင်ကြီး များ ဖြစ်နေဆဲဖြစ်ရာ သူ့ကို ဥက္ကဋ္ဌ တစ်ကြိမ် လုပ်ခွင့်ပေးခြင်းသည် အဘယ်အရာမျှ မဟုတ်ပေ။ အနာဂတ်တွင် ခိုနိုဂီ မိသားစု၏ လက်ထဲသို့ ပြန်လည်ရောက်ရှိ လာမည် မဟုတ်လား။

သူ ကိုယ်တိုင် ဦးဆောင်၍ မိတ်ဆက်ခဲ့သော ဤPower Bankကြောင့် ဂိမ်းစက် ရောင်းအား အချို့ တိုးတက် လာခဲ့ပြီး ဂိမ်းစက်၏ ပြင်ပ LCD မျက်နှာပြင် ရောင်းအားကိုလည်း တိုးမြှင့် ပေးခဲ့ရာ Sonyတွင် သူ၏ ဩဇာအာဏာ ကို ထပ်မံ မြှင့်တင်ပေးခဲ့သည်။

အိုဂါ နိုရီအို စိတ်ကျေနပ် နေချိန်တွင် ရုတ်တရက် အကြီးအကျယ် ဖြစ်ရပ် တစ်ခု ဖြစ်ပွားခဲ့သည်။ တစ်စုံတစ်ယောက်က သတင်းစာတွင် Sonyကို လှောင်ပြောင် ခဲ့သည်။ Sony လုပ်ခဲ့သည်မှာ Power Bankဟု လုံးဝ မခေါ်ဆိုနိုင်ဘဲ၊ လုပ်ဆောင်ချက် အလွန်ညံ့ဖျင်းသည်၊ အသုံးပြုမှု နယ်ပယ် အလွန်ကျဉ်းမြောင်းသည်။ ဘက်ထရီအိုး အပျက်တစ်ခုသာ ဖြစ်သည်ဟု ဖော်ပြခဲ့သည်။

အိုဂါ နိုရီအို သည် အလွန် ဒေါသထွက် ခဲ့သည်။ သူ့၏ စိတ်ကူး၊ Sonyကိုပင် အသရေဖျက် ရဲသည် ဟုတ်လား။ ဒါ ဘယ်သူလဲ။ ဘာကြောင့်လဲ။

စုံစမ်းကြည့်လိုက်သောအခါ ဘာကြောင့် ဖြစ်သည်ကို ချက်ချင်း သိလိုက်ရသည်။ အဘယ်ကြောင့်ဆိုသော် မီဒီယာများက အားသွင်းဘဏ်ဟု ခေါ်သော ထုတ်ကုန်အသစ်၏ ကြော်ငြာများကို စတင် ပြသလာသောကြောင့် ဖြစ်သည်။

ဤအားသွင်းဘဏ်သည်လည်း Power Bankပင် ဖြစ်သော်လည်း ဖုန်းအားသွင်းရန်အတွက် ဖြစ်သည်။ ကြိုးတစ်ချောင်းဖြင့် ဤအားသွင်းဘဏ်နှင့် ဖုန်းကို ချိတ်ဆက်လိုက်ပါက ဖုန်းဘက်ထရီကို အားသွင်းနိုင်မည်။

ဤအားသွင်းဘဏ်သည် မော်ဒယ်လ် အမျိုးအစားများစွာ ရှိပြီး စွမ်းအင်ပမာဏ အမျိုးမျိုး ရှိသည်။ ၎င်းတို့မှာ 1600mAh, 3200mAh နှင့် 4800mAh တို့ ဖြစ်ကြပြီး ကြော်ငြာတွင် ခရီးသွား၊ အပန်းဖြေခရီးများအတွက် မရှိမဖြစ် ပစ္စည်းဟု ဖော်ပြထားသည်။

ဒါက ဖုန်းအားသွင်းဖို့ အတွက်လား။ ဒါ ဘယ်ကုမ္ပဏီလဲ၊ ဒီလို ထုတ်ကုန်ကို တီထွင်နိုင်ခဲ့တာ။ သူတို့ Sonyလည်း သုတေသန လုပ်နေတာပဲ။ ဒါပေမဲ့ Sonyရဲ့ ဘက်ထရီ နည်းပညာပိုင်းက ကျွမ်းကျင်မှု မရှိဘဲ ဒုတိယတန်းစားဟု ဆိုနိုင်ပြီး အခုထိ မအောင်မြင် သေးပေ။

ဤဘက်ထရီ၏အမှတ်တံဆိပ်ကို မြင်လိုက်ရသောအခါ အိုဂါ နိုရီအိုသည် Sonyကို ဒုက္ခပေးနေသူသည် မည်သူဖြစ်သည်ကို နောက်ဆုံးတွင် သိလိုက်ရသည်။

ထိုက်ဟွာ အမှတ်တံဆိပ် ၊ ဒါ ဟို ဖုန်းယွီ ပဲ မဟုတ်လား။

အိုဂါ နိုရီအို၏ မူလက ကောင်းမွန်နေသော စိတ်ခံစားချက်သည် ချက်ချင်း အလွန်ဆိုးရွားသွားသည်။

သူတို့ Sony ဘာလုပ်လုပ် ဟိုဖုန်းယွီက ဘာလို့ လိုက်လုပ်နေရတာလဲ။ မင်း ဖုန်းယွီ ရင်းနှီးမြှုပ်နှံထားတဲ့ လုပ်ငန်းတွေက ဒီလောက် ရှုပ်ထွေးနေတာ အာရုံစိုက်နိုင်ရဲ့လား။ Sonyရဲ့ရင်းနှီးမြှုပ်နှံမှုတွေက ဖုန်းယွီရဲ့ ရင်းနှီးမြှုပ်နှံမှုတွေထက် ပိုရှုပ်ထွေးတယ်ဆိုတာကိုတော့ သူ ဘယ်တုန်းကမှ မစဉ်းစားခဲ့ပေ။

သို့သော် ဤအရာက Sonyကို သတိပေးခဲ့သည်။ ဤPower Bankကို ဖုန်းများတွင် တကယ်ပင် အသုံးပြု နိုင်ခဲ့သည်။ အခြားသူများ သုတေသန လုပ်နိုင်ပါက Sonyလည်း လုပ်နိုင် သည်။

ထိုက်ဟွာ အမှတ်တံဆိပ် အားသွင်းဘဏ် အချို့ကို ဝယ်ယူပြီး ဖြုတ်ချ လေ့လာ ရုံသာ ဖြစ်သည်။ Sonyသည်လည်း ဤနယ်ပယ်တွင် သုတေသနပြုထားပြီး ဉာဏ်ပွင့်သည့် အခိုက်အတန့်သာ လိုအပ်တော့သည်။

Sonyသာမက အခြား အီလက်ထရွန်နစ် ထုတ်လုပ်သူများ သည်လည်း ဤ ထိုက်ဟွာ အမှတ်တံဆိပ် အားသွင်းဘဏ်ကို သတိထားမိကြသည်။ မူလက ဤကဲ့သို့သော ပစ္စည်းမျိုးကို နောက်ထပ် နှစ်အနည်းငယ် ကြာမှ သုတေသန လုပ်နိုင်မည်ဟု ၎င်းတို့ ယူဆခဲ့ကြသော်လည်း ယခုအခါ ပေါ်လာခဲ့ပြီ ဖြစ်သည်။

ဈေးကွက်တင်ပြီးနောက် ရောင်းအားကို ကြည့်ကြရအောင်။ အချို့သော ကုမ္ပဏီများသည် အစုလိုက် ဝယ်ယူခဲ့ကြောင်း သတင်းရရှိသည်။ အရောင်းဝန်ထမ်းများ ခရီးသွားသည့်အခါ ဖုန်းအားကုန်သွားခြင်းသည် အကြီးမားဆုံး ပြဿနာဖြစ်သည်။

ယခုအခါ အများအားဖြင့် ဖုန်းဘက်ထရီ တစ်လုံးကို အရန်သင့်ထားလေ့ ရှိသော်လည်း တစ်ခါတစ်ရံ အလုပ်များနေချိန်တွင် ဘက်ထရီ နှစ်လုံးပင် မလုံလောက် နိုင်တော့ပေ။

ထိုအခါ သူတို့သည် ရထားပေါ်တွင် ရောင်းချသော အားအပြည့်သွင်းထားသည့် ဘက်ထရီများ ကို ဝယ်ယူရန် မဖြစ်မနေ လိုအပ်လာသည်။ ၎င်းသည်လည်း ထိုက်ဟွာ အမှတ်တံဆိပ် ဖြစ်သော်လည်း အပြင်ဈေးထက် များစွာ ဈေးကြီး သည်။

ထိုအချိန်က လူများစွာသည် ဖုန်းအားသွင်းနိုင်သော နေရာတစ်ခု ရှိပါက မည်မျှ ကောင်းမည်နည်းဟု တွေးခဲ့ကြသည်။ ကံမကောင်းစွာဖြင့် ရထားပေါ်တွင် အားသွင်းနိုင်သော နေရာများ ရှိသော်လည်း ရထားဝန်ထမ်းများ၏ ရုံးခန်း ထဲတွင်သာ ရှိပြီး ၎င်းတို့ကို လုံးဝ အသုံးပြုခွင့် မပေး ခဲ့ပေ။

ထိုရထားဝန်ထမ်းများက ဘက်ထရီရောင်းပြီး ငွေရှာရန် စောင့်မျှော်နေကြခြင်း ဖြစ်သည်။ အင်း၊ ရထားဝန်ထမ်းများကို ဘက်ထရီ ရောင်းချရန် ထိုက်ဟွာ ဘက်ထရီကုမ္ပဏီ၏ အရောင်းဌာနကို ဖုန်းယွီ သတိပေးခဲ့ခြင်း ဖြစ်သည်။

ယခုအခါ ထိုရထားဌာနများသည်လည်း အားသွင်းဘဏ် အမြောက်အများကို ဝယ်ယူခဲ့ကြသည်။ ဤတွင် ရည်ရွယ်ချက် နှစ်မျိုးရှိသည်။ ရောင်းချခြင်း နှင့် ငှားရမ်းခြင်း ။

ရောင်းချခြင်းက ဘက်ထရီကဲ့သို့ပင် ဈေးကွက်ထက် အနည်းငယ် ပိုဈေးကြီး သည်။ ရထားပေါ်တွင် ဘာမဆို ဈေးမကြီးတာ ရှိလို့လား။

ငှားရမ်းခြင်းကတော့ ဈေးသက်သာသော်လည်း အချိန်အတိုင်းအတာတစ်ခုသာ သုံးစွဲနိုင်သည်။ ဘာပဲဖြစ်ဖြစ် ရထားဝန်ထမ်းတွေအတွက်တော့ အရှုံးမရှိပါ။ သူတို့ရဲ့လျှပ်စစ်ဓာတ်အားက အစိုးရပိုင် ဖြစ်ပြီး ပိုက်ဆံပေးစရာ မလို ပါ။ ဒါဟာ သွယ်ဝိုက်သောအားဖြင့် လျှပ်စစ်ဓာတ်အားရောင်းပြီး ငွေရှာခြင်း နှင့် ညီမျှသည်။

ဖုန်းယွီသည် အားသွင်းဘဏ်၏ ကြော်ငြာကို အရှိန်မြှင့် ခိုင်းနေစဉ် Sony၏ Power Bankကိုလည်း ပြင်းပြင်းထန်ထန် ဝေဖန်ခဲ့သည်။ အလေးချိန် များခြင်း၊ သယ်ယူရခက်ခဲခြင်း၊ လုံခြုံမှု အားနည်းခြင်း၊ သက်တမ်း ညံ့ဖျင်းခြင်း စသည်ဖြင့် အပြစ်ရှာနိုင်သမျှ အားလုံးကို ရှာဖွေ ဖော်ထုတ်ခဲ့သည်။

ထိုက်ဟွာ ဘက်ထရီသည် ယခုအခါ အဆင့်အတန်းမီ ကမ္ဘာ့အဆင့် ဘက်ထရီ ထုတ်လုပ်ရေး ကုမ္ပဏီ ဖြစ်နေပြီ။ ထိုက်ဟွာ ဘက်ထရီကို ဖိအားပေးနိုင်သူမှာ Nanfu ဘက်ထရီ သာလျှင် ရှိသည်။ ဤဘဝတွင် ဖုန်းယွီက သမိုင်းကို ပြောင်းလဲခဲ့သည် ရှိ၊ မရှိ မသိရသော်လည်း Nanfuသည် နိုင်ငံခြား ရင်းနှီးမြှုပ်နှံမှု လက်အောက်သို့ မကျရောက်ဘဲ နိုင်ငံခြားနှင့် ပူးပေါင်းဆောင်ရွက်ခဲ့သော်လည်း လုံးဝ ထိန်းချုပ်ထားသူမှာ တရုတ် ဖြစ်နေဆဲဖြစ်သည်။

လက်ရှိ ပြည်တွင်းတွင်သာမက အာရှတွင်ပါ ထိုက်ဟွာ ဘက်ထရီနှင့် Nanfu ဘက်ထရီတို့ အားပြိုင်နေကြပြီး ထိုက်ဟွာ ဘက်ထရီသည်လည်း ဥရောပနှင့် အမေရိကန် ဈေးကွက်သို့ တက်ကြွစွာ ဝင်ရောက် နေသည်။ အနာဂတ်တွင် မည်သူက လုပ်ငန်းခွင်၏ ခေါင်းဆောင် ဖြစ်လာမည်ကို မပြောနိုင်တော့ပေ!

...

*******

အခန်း ၁၁၃၉ Amazon အမြတ်ရရှိ

မကြာခင် (၂၀၀၁) ခုနှစ်သို့ ရောက်ရှိတော့မည်။ ဖုန်းယွီသည် အမေရိကန်နိုင်ငံ၊ စီယက်တဲလ်မြို့သို့ ရောက်ရှိလာသည်။ ၎င်းသည် ဂျက်ဖ် ဘေးဇို့စ်က ဖုန်းယွီအား သတင်းကောင်းတစ်ခု ပြောပြလို၍ တကူးတက ဖိတ်ခေါ် ခဲ့ခြင်း ဖြစ်သည်။

"လူကြီးမင်းတို့ ခင်ဗျာ၊ ဒီနေ့ သတင်းကောင်းတစ်ခု ကြေညာပါရစေ။ စတုတ္ထသုံးလပတ် အမြတ်အစွန်း တိုးတက်လာမှုကြောင့် ကျွန်တော်တို့ Amazonဟာ စတင် တည်ထောင်ခဲ့သည့် အချိန်မှစ၍ ပထမဆုံးအကြိမ် အမြတ်ရရှိ ခဲ့ပါပြီ!"

ဒါရိုက်တာ ဘုတ်အဖွဲ့ဝင်များနှင့် အကြီးတန်း အမှုဆောင်များအားလုံး အားရပါးရ လက်ခုပ်တီး ကြသည်။ နှစ်ပေါင်းများစွာကြာပြီးနောက် Amazonသည် နောက်ဆုံးတွင် အမြတ်ရရှိခဲ့ပြီ။

မူလက Amazonသည် စာရင်းသွင်းဖို့ အစောပိုင်းကတည်းက ဖြစ်နိုင်သော်လည်း အဓိက ရှယ်ယာရှင်၏ ကန့်ကွက်မှု ကြောင့် ကုမ္ပဏီသည် စာရင်းမသွင်းနိုင်ခဲ့ပေ။ ထိုအချိန်က အွန်လိုင်းကုမ္ပဏီများ၏ နွေဦး ရာသီ ဖြစ်ပြီး စာရင်းသွင်းပြီးနောက် ရှယ်ယာဈေးနှုန်းများ အလွန်တက်ခဲ့ သည်။

သူတို့သည် ဖုန်းယွီအား တစ်ကိုယ်တော် အပြစ်တင်သည်မှာ တစ်ကြိမ်မက ရှိခဲ့သည်။ ၁၉၉၇ ခုနှစ်တွင် Amazonသာ စာရင်းသွင်းခဲ့ပါက ၁၉၉၉ ခုနှစ်တွင် ငွေသားအဖြစ် ထုတ်ယူ နိုင်မည်ဖြစ်ပြီး အမြတ်အစွန်း အနည်းဆုံး အဆ ဆယ်ဆ ရရှိမည်ဟု ယူဆခဲ့ကြသည်။

eBay ကို ကြည့်ပါ။ စာရင်းသွင်းပြီးနောက် ကုမ္ပဏီ၏ တန်ဖိုးက အဆ တစ်ရာ တက်ခဲ့သည်။ Amazonက eBay ကို မမီနိုင်ရင်တောင် သိပ်မကွာခြားဘူး မဟုတ်လား။ ၎င်းတို့၏ စိတ်ထဲတွင် Amazonသည် eBay ထက် ပိုမို လူကြိုက်များ နိုင်သည်ဟုပင် ထင်ခဲ့ကြသည်။ အဘယ်ကြောင့်ဆိုသော် Amazon၏ အဓိက ရှယ်ယာရှင်မှာ ဖုန်းယွီ ဖြစ်သည်။ ၎င်းသည် ရွှေတံဆိပ် ဖြစ်ပြီး ရှယ်ယာရှင်များကို ကုမ္ပဏီမှ ကြီးမားသော အကျိုးအမြတ် များ ပေးမည်ဟု ယုံကြည်စေသည့် အာမခံချက်ဖြစ်သည်။

ဖုန်းယွီသည် အသက်အငယ်ဆုံး ဒေါ်လာ ဘီလီယံ ဆယ်ဂဏန်း ပိုင်ရှင်ဖြစ်ပြီး ကမ္ဘာပေါ်တွင် ဒုတိယ အချမ်းသာဆုံး ဖြစ်သည်။ ဆိုရော့စ်ကိုပင် အနိုင်ယူခဲ့သူဖြစ်ရာ ရင်းနှီးမြှုပ်နှံမှု လောကတွင် နာမည်ကျော်လှသည်။

ကံမကောင်းစွာဖြင့် ဖုန်းယွီသည် စာရင်းမသွင်းလိုပါ။ ကုမ္ပဏီက ငွေလိုတယ်ဆိုရင် သူက ဆက်လက် ရင်းနှီးမြှုပ်နှံပေးသည်။ ဘေးဇို့စ်၏ ထောက်ခံမှုကိုပါ ရရှိခဲ့သောကြောင့် သူတို့လို ရှယ်ယာရှင်ငယ်များသည် ဘာမှမတတ်နိုင် ဖြစ်ခဲ့ရသည်။

ဖုန်းယွီ၏ လက်ထောက် ရဲလ်ဖ်က ပြောခဲ့သည် မဟုတ်လား။ "ခင်ဗျားတို့ထဲက ဘယ်သူမဆို ကန့်ကွက်ရင် ကိစ္စမရှိဘူး။ ဈေးကွက်ဈေးနှုန်းအတိုင်း ၁၀ ရာခိုင်နှုန်း ပိုပေးပြီး ခင်ဗျားတို့ရဲ့ ရှယ်ယာတွေကို ဝယ်ယူ မယ်" တဲ့။

၎င်းတို့ကတော့ လုံးဝ မရောင်း ကြပါဘူး။

အစောပိုင်းတွင် ၎င်းတို့သည် စာရင်းသွင်းပြီးနောက် ငွေသား ထုတ်ယူပြီး ငွေရှာရန် စိတ်ကူးထားခဲ့ကြသည်။ သို့သော် နောက်ပိုင်းတွင် Amazon၏ အလားအလာကိုလည်း မြင်လာကြသည်။

အွန်လိုင်း စျေးဝယ်စင်တာသည် စတိုးဆိုင်များထက် အရေးကြီးသော အားသာချက် တစ်ခု ရှိသည်။ ၎င်းမှာ သုံးစွဲသူများအား ပိုမို ကြွယ်ဝသော ထုတ်ကုန်ရွေးချယ်မှုများကို ပေးစွမ်းနိုင်ခြင်း ဖြစ်ပြီး လုပ်ဆောင်ရသည်ကလည်း ရိုးရှင်းသည်။

အမေရိကန်တွင် လူလတ်တန်းစား အများစုသည် မြို့ဆင်ခြေဖုံးတွင် နေထိုင်ကြပြီး ပတ်ဝန်းကျင် ကောင်းမွန်ကာ နေရာကျယ်ပြီး သက်သောင့်သက်သာရှိသော ဘဝကို ဖြတ်သန်းကြသည်။

ထိုသူတို့သည် များသောအားဖြင့် တစ်ပတ်လျှင် တစ်ကြိမ် စူပါမားကတ်သို့ သွားရောက်၍ တစ်ပတ်စာ လိုအပ်သော ပစ္စည်းများကို ဝယ်ယူလေ့ရှိသည်။ အမြဲတမ်း ပင်ပန်းရပြီး တစ်ခါတစ်ရံ ပစ္စည်းတစ်ခု ဝယ်ယူရန် အချိန်အကြာကြီး ရှာဖွေရသည်။

သို့သော် Amazon၏ အွန်လိုင်း စျေးဝယ်စင်တာတွင်တော့ မတူပါ။ ကီးဘုတ်ကို အနည်းငယ် နှိပ်၍ ရှာဖွေလိုက်ရုံဖြင့် လိုအပ်သော ထုတ်ကုန်ကို ရှာတွေ့နိုင်သည်။ ထို့နောက်မှာယူပြီး အိမ်အရောက် ပို့ဆောင်ပေးခြင်းကို စောင့်ဆိုင်းရုံသာ ဖြစ်သည်။

အစပိုင်းတွင် Amazonသည် ပစ္စည်းရောက်မှ ငွေချေ စနစ်ကို အသုံးပြုခဲ့သော်လည်း စားသုံးသူ အချို့က အကြွေစေ့ အမြဲပြင်ဆင် နေရ၍ ရှုပ်ထွေးသည်ဟု ခံစားခဲ့ရသည်။

သို့သော် နောက်ပိုင်းတွင် Amazonသည် အွန်လိုင်းဘဏ် မှတစ်ဆင့် ကြိုတင် ငွေပေးချေနိုင်သောအခါ ဤပြဿနာကို ဖြေရှင်းနိုင်ခဲ့သည်။ အချို့သော သုံးစွဲသူများသည် Amazon၏ ဂုဏ်သိက္ခာ ကို ယုံကြည်လာကြပြီး တဖြည်းဖြည်း ဤကဲ့သို့သော သုံးစွဲသူများ ပိုမို များပြား လာခဲ့သည်။

Amazon၏ ထုတ်ကုန် အမျိုးအစားများသည်လည်း ပိုမိုကြွယ်ဝလာသည်။ တရားဝင်သော ထုတ်ကုန်မှန်သမျှ ရောင်းချနိုင်သည်။ သွားကြားထိုးတံကဲ့သို့ သေးငယ်သော ပစ္စည်းမှစ၍ ရေခဲသေတ္တာ၊ အဝတ်လျှော်စက် ကဲ့သို့သော အိမ်သုံးလျှပ်စစ်ပစ္စည်းကြီးများအထိ Amazonမှတစ်ဆင့် ဝယ်ယူနိုင်ပြီး အိမ်အရောက် ပို့ဆောင်ပေးသည်။

ထိုရှယ်ယာရှင်များက မှတ်ပုံတင်ထားသော သုံးစွဲသူများ ပိုများလာခြင်း၊ ရောင်းအား ပိုမို မြင့်မားလာခြင်း၊ အရှုံး လျော့နည်းလာခြင်းတို့ကို မြင်သောအခါ ဆက်လက်၍ ဘာမှမပြောကြတော့ပေ။

သူတို့၏ရှယ်ယာများသည် နည်းပါးသော်လည်း အနာဂတ်တွင် ဤရှယ်ယာများသည် သူတို့အား များပြားသော အကျိုးအမြတ်များ ဆောင်ကျဉ်းပေးမည်ဟု ယုံကြည်ကြသည်။ ဤနေ့သည်လည်း မဝေးတော့ပေ။

Amazonသည် တောင်အမေရိကသို့ ဝင်ရောက်ရန် စီစဉ်နေသည်။ ထိုအခါ ဈေးကွက်သည် ပိုမို ကြီးမား လာမည်ဖြစ်ပြီး အမြတ်လည်း ပိုမိုများပြားလာမည် ဖြစ်သည်။

လွန်ခဲ့သော နှစ်နှစ်က Amazonသည် သီချင်းစတိုး တစ်ခု ဖွင့်လှစ်ခဲ့သည်။ ၎င်းတွင် တိပ်ခွေ၊ CD၊ MD၊ DVD ကဲ့သို့သော ဂီတထုတ်ကုန် အမျိုးမျိုးကို ရောင်းချခဲ့ပြီး ဖွင့်စက်များ၊ နားကြပ်များ စသည့် ဆက်စပ် ထုတ်ကုန်များလည်း ပါဝင်သည်။ ထိုအချိန်တွင် Amazonသည် MP3 အား ငွေပေး၍ ဒေါင်းလုဒ် လုပ်ခြင်း စနစ်ကိုလည်း စတင်ခဲ့သည်။

ထိုအချိန်က လူအများအပြား ကန့်ကွက်ခဲ့ကြပြီး ဒါရိုက်တာ ဘုတ်အဖွဲ့ဝင် အချို့ပင်လျှင် ပြင်းပြင်းထန်ထန် ကန့်ကွက်ခဲ့သည်။ ဤငွေပေး၍ ဒေါင်းလုဒ်လုပ်ခြင်း စိတ်ကူးသည် ကောင်းသော်လည်း မည်သူက ဝယ်ယူမည်နည်း ဟု ပြောဆိုခဲ့ကြသည်။

သို့သော် မကြာမီ ၎င်းတို့သည် ဤသည်မှာ မည်သည့် ထုတ်ကုန်ကို ရည်ရွယ်သည်ကို သိရှိသွားခဲ့ကြသည်။ AIWA သည် အမေရိကန်၏ အသံသွင်း လုပ်ငန်းအဖွဲ့အစည်းမှ တရားစွဲခံခဲ့ရသည်။ ထို့နောက် MP3 ဖွင့်စက် သည် အမေရိကန်တွင် လျင်မြန်စွာ ရေပန်းစား လာခဲ့ပြီး၊ မြောက်အမေရိက၊ တောင်အမေရိက၊ အာရှ၊ ဥရောပတို့တွင်ပါ ရေပန်းစားခဲ့ရာ ၎င်းတို့၏ MP3 အသံဖိုင် ဒေါင်းလုဒ် ပမာဏသည် တဟုန်ထိုး တက် လာခဲ့သည်။

၎င်းတို့တွင် သုံးစွဲသူ ပိုများပြီး AIWA ထုတ်ကုန်များ၏ ရောင်းချသူများထဲမှ တစ်ဦးလည်း ဖြစ်သောကြောင့် လူအများအပြားသည် ၎င်းတို့၏ သီချင်းစတိုးတွင် MP3 ဒေါင်းလုဒ်လုပ်ရန် ရွေးချယ်ခဲ့ကြသည်။ ထိုအခါ ၎င်းတို့၏ ဒေါင်းလုဒ် ပမာဏသည် AIWA ထက်ပင် ကျော်လွန်သွားခဲ့သည်။

ယခုအခါ ၎င်းတို့တွင် လစဉ် တစ်သန်းကျော် ဒေါင်းလုဒ် ပမာဏ ရှိပြီး AIWA မှ MP3 မော်ဒယ်လ်အသစ် မိတ်ဆက်ပြီးနောက် ၎င်းတို့၏ ဒေါင်းလုဒ် ပမာဏသည် ထပ်မံ အလွန်အမင်း တိုးတက်ခဲ့သည်။ ဤသီချင်းစတိုးသည် စာအုပ်ဆိုင်နှင့်အတူ Amazon၏ အမြတ်အစွန်း အဓိက ရရှိရာ ဖြစ်လာခဲ့သည်။

ပြီးခဲ့သည့်လက ၎င်းတို့၏ သီချင်းစတိုးသည် AIWA ၏ ဂီတဝက်ဘ်ဆိုက်ကို ဝယ်ယူ ပေါင်းစည်းခဲ့ပြီးနောက် ဒေါင်းလုဒ် ပမာဏသည် ထပ်မံမြင့်တက် ခဲ့သည်။

ထိုဒါရိုက်တာ ဘုတ်အဖွဲ့ဝင်များနှင့် အကြီးတန်း အမှုဆောင်များသည် ဘေးဇို့စ်ကို အလွန်အထင်ကြီးလာကြပြီး သူ၏အမြော်အမြင်ကြီးမားမှုကို ချီးကျူးကြသည်။ သို့သော် ဘေးဇို့စ်သည် သူ့စိတ်ထဲတွင် ရှင်းရှင်းလင်းလင်း သိသည်။ မူလက MP3 ဒေါင်းလုဒ် လုပ်ရန် စီစဉ်စဉ်က သူသည်လည်း ငြင်းပယ် ခဲ့သူ ဖြစ်သည်။

ရဲလ်ဖ်သည် ဖုန်းယွီ ကိုယ်စား တင်းတင်းကျပ်ကျပ် ဤအရာကို လုပ်ဆောင်ရန် တောင်းဆိုခဲ့သည်။ ဖုန်းယွီသည် အဓိက ရှယ်ယာရှင်ဖြစ်သော်လည်း Amazon၏ စီမံခန့်ခွဲမှုကို လက်ဝင်စွက် ခြင်း မရှိခဲ့ပေ။ တရုတ်ဈေးကွက်နှင့် အရှေ့ဥရောပ ဈေးကွက်သို့ မဝင်ရောက်ရန်သာ မှာကြားခဲ့သည်။

ယခု ဖုန်းယွီက ဤအရာအတွက် သူ့ကို တောင်းဆိုခဲ့သည်မှာ MP3 ဒေါင်းလုဒ် ကို အလွန်အလေးထားကြောင်း ဖော်ပြနေသည်။ သူက မလိုက်နာဘဲ ဘယ်ဝံ့ပါ့မလဲ။

ထို့ကြောင့် ဤအောင်မြင်မှုသည် သူ၏ ထူးချွန်သော ဆုံးဖြတ်ချက် နှင့် အမြော်အမြင်ကြီးမားမှု ဖြစ်သွားခဲ့သည်။

Amazonသည် ယခုအခါ အကြီးဆုံး အွန်လိုင်း စာအုပ်ဆိုင် သာမက အကြီးဆုံး စာအုပ်ဆိုင်၊ အကြီးဆုံး သီချင်းစတိုး နှင့် အကြီးဆုံး အွန်လိုင်း လက်လီအရောင်းဆိုင် ဖြစ်နေပြီဟု ဆိုနိုင်သည်။

ယခုအခါ Amazon၏ ကြွေးကြော်သံမှာ "အကြီးဆုံး အွန်လိုင်း လက်လီအရောင်းဆိုင်" ဖြစ်ပြီး အလွန်ရဲတင်းသည်။

သို့သော် အခြားသူများလည်း ဘာမှ မတတ်နိုင်ကြပေ။ ထုတ်ကုန် အမျိုးအစား၊ မှတ်ပုံတင်ထားသော သုံးစွဲသူများနှင့် ရောင်းအား စသည်တို့အရ Amazonသည် ဤ "အကြီးဆုံး" ဘွဲ့ကို ခံယူထိုက်သည်။

ဟုတ်တယ်၊ ဈေးကွက်တန်ဖိုးအရ ကြည့်မည်ဆိုပါက Amazonသည် စာရင်းမသွင်းရသေးသောကြောင့် အနည်းငယ် နိမ့်ကျနေသည်။

ယခုအခါ Amazonသည် ၎င်းတို့၏ ကြွေးကြော်သံတွင် "ဖောက်သည်ကို အဓိက အလေးပေးဆုံး လုပ်ငန်း" ဟူသော စကားစုကို ထပ်မံ ထည့်သွင်းရန် ပြင်ဆင်နေသည်။ လုပ်ငန်း အများအပြား၏ ကြွေးကြော်သံများတွင် ဖောက်သည်ကို အဓိက အလေးပေး ဟူသည် ပါဝင်သော်လည်း Amazonက "ဆုံး" ဟူသော စကားလုံးကို ထည့်လိုက်ခြင်းက အခြား လုပ်ငန်းများမှ Amazonကို အဆက်မပြတ် ဝေဖန် စေခဲ့သည်။

ကံမကောင်းစွာဖြင့် ဤဝေဖန်မှုများသည် Amazon၏ ဖွံ့ဖြိုးတိုးတက်မှုကို မထိခိုက်စေဘဲ Amazon၏ ကျော်ကြားမှုကို ပို၍ တိုးမြှင့် စေကာ Amazon၏ ရောင်းအားကို တိုးတက် စေခဲ့သည်။

ဘေးဇို့စ်သည် ဝင်ငွေ၏ သုံးပုံတစ်ပုံကို သုံးစွဲသူများဆီမှ ရရှိမည့် စျေးကွက်ရှာဖွေရေး လှုပ်ရှားမှုများတွင် လက်ဖွာစွာ ရင်းနှီးမြှုပ်နှံခြင်း မရှိခဲ့လျှင် Amazonသည် လွန်ခဲ့သော လအနည်းငယ်ကပင် အမြတ်ရရှိခဲ့ပြီး ဖြစ်ပေမည်။

သို့သော် ယခု အမြတ်ရရှိခဲ့သည်မှာလည်း မနောက်ကျ သေးပေ။ ဖုန်းယွီသည် ဤအပေါ်တွင် အလွန်ကျေနပ်သည်။

အခြား အွန်လိုင်းကုမ္ပဏီများ အရှုံးပေါ်နေချိန်တွင် Amazon အမြတ်ရရှိ ခြင်းသည် အောင်မြင်မှုပင် ဖြစ်သည်။

ဖုန်းယွီသည် စာရင်းဇယားကို ယူပြီး ထိုင်ကာ ဖွင့်ကြည့်သည်။ သူလည်း ဤစာရင်းဇယားကို ကြည့်၍ Amazonက သူ့ကို မည်မျှ အံ့အားသင့် စေမည်ကို ကြည့်လိုသည်။

သို့သော် ဖုန်းယွီသည် နောက်ဆုံး အမြတ်ရရှိသော ဂဏန်းကို အသေးစိတ် ကြည့်လိုက်သောအခါ မျက်လုံးလှန် မိမတတ် ဖြစ်သွားသည်။

အမြတ်ငွေ ပမာဏသည် ဒေါ်လာ သုံးသောင်းကျော် ဖြစ်သည်။

ဟေ့လူ၊ ကမ္ဘာ့အကြီးဆုံး အွန်လိုင်း လက်လီအရောင်းဆိုင်က တစ်နှစ်လုံး အမြတ်ရတာ ဒေါ်လာ သုံးသောင်းကျော် တဲ့။ ဒါကိုများ ငါ့ကို သတင်းကောင်း လာပြောသေးတယ်။

...

******

အခန်း ၁၁၄၀ ဦးတည် ရန်ပုံငွေ ရှာဖွေခြင်း

ဘေးဇို့စ်သည် ဖုန်းယွီကို ကြည့်နေသည်။ ဖုန်းယွီသည် သူ့အား သတင်းပို့စဉ်က မျက်နှာ ပျော်ရွှင် နေသော်လည်း စာရင်းဇယားကို ကြည့်ပြီးနောက် ချက်ချင်း မျက်နှာပျက် သွားသည်မှာ ဘာကြောင့်ပါလိမ့်။

ဒီစာရင်းဇယားမှာ ဘာပြဿနာမှ မရှိပါဘူး။ ငွေကြေးဌာနမှာ ဖုန်းယွီ စေလွှတ်ထားတဲ့ လူတွေလည်း ရှိပါတယ်။ သူလည်း လိမ်ဝံ့မှာ မဟုတ်ပါဘူး။

ဖုန်းယွီသည် နောက်ဆုံး အမြတ်ငွေ ပမာဏကို စိုက်ကြည့်နေသည်ကို မြင်သောအခါ သူ သဘောပေါက် လိုက်သည်။ ဖုန်းယွီသည် အသားတင် အမြတ် ကို မကျေနပ်ခြင်း ဖြစ်သည်။

"မန်နေဂျာဖုန်း၊ ကြည့်ပါဦး။ ကျွန်တော်တို့ ခြောက်လပတ် မှာတောင် အရှုံးပေါ် နေသေးတာ။ ဒုတိယ ခြောက်လပတ်မှပဲ အမြတ်ရလာတာပါ။ နောက်ဆုံး သုံးလပတ်မှာဆိုရင် ကျွန်တော်တို့ရဲ့ အမြတ်ဟာ ဒေါ်လာ သုံးသန်း အထိ ရောက်ခဲ့ပါတယ်"

ဖုန်းယွီသည် ထိုအခါမှ သေသေချာချာ စစ်ဆေး လိုက်သည်။ မူလက အရှုံးများလွန်းသဖြင့် ဒုတိယ ခြောက်လပတ်မှသာ အရှုံးကို ပြန်လည် ဖြည့်ဆည်း နိုင်ခဲ့ခြင်း ဖြစ်သည်။ ဒုတိယ ခြောက်လပတ်ကို တစ်ခုတည်း ကြည့်မည်ဆိုလျှင် ဒေါ်လာ ငါးသန်း နီးပါး အမြတ်ရခဲ့ရာ ဖုန်းယွီသည် ကျေနပ်နေခဲ့သည်။

ဘာပဲဖြစ်ဖြစ် ဤအချိန်တွင် အွန်လိုင်းမှ စျေးဝယ်ခြင်းသည် အဓိက ရေစီးကြောင်း မဟုတ်သေးပေ။ ထို့အပြင် ယခုနှစ်တွင် အင်တာနက် ပူဖောင်း ပေါက်ကွဲခဲ့ရာ လူများစွာသည် ထိုကြောင့်ပင် ဒေဝါလီခံ ခဲ့ရသည်။ ဤကဲ့သို့ စီးပွားရေး အခြေအနေ မကောင်းမွန်သော နှစ်တွင်ပင် အရှုံးမှ အမြတ်သို့ ပြောင်းလဲနိုင်ခဲ့ခြင်းသည် ဘေးဇို့စ်၏စွမ်းဆောင်ရည် မဆိုးကြောင်း ပြသနေသည်။

ယခုနှစ်တွင် အင်တာနက် ပူဖောင်း ပေါက်ကွဲမှုကြောင့် ပိတ်သိမ်းခဲ့ရသော အွန်လိုင်း နည်းပညာ ကုမ္ပဏီများသည် မြောက်အမေရိကတွင်သာ တစ်ရာကျော် ရှိပြီး ၎င်းတို့ထဲမှ တစ်ဝက်ကျော်သည် စာရင်းဝင် လုပ်ငန်းများ ဖြစ်ကြသည်။

ဤအရေအတွက်သည်လည်း ဆက်လက် တိုးပွား နေဆဲ ဖြစ်သည်။

အခြားလုပ်ငန်းနယ်ပယ်အချို့၏ ရှယ်ယာဈေးနှုန်းများသည် အင်တာနက် ပူဖောင်း၏ သက်ရောက်မှုကြောင့် ကျဆင်းခဲ့ပြီး ယခုအခါ တစ်စိတ်တစ်ပိုင်း ပြန်လည်နာလန်ထူ လာသော်လည်း အွန်လိုင်း နည်းပညာနှင့် သက်ဆိုင်သော ကုမ္ပဏီများမှာမူ ဘာမှ ထူးထူးခြားခြား တိုးတက်မှု မရှိသေးပေ။

ဘဝဟောင်းတွင် နောက်နှစ် ဒုတိယ ခြောက်လပတ်မှသာ ပြန်လည် ထူထောင်ရန် စတင်နိုင်မည် ဖြစ်သော်လည်း ထိုဖြစ်ရပ်၏ သက်ရောက်မှုကြောင့် အလုံးစုံ ထပ်မံ ကျဆင်း ခဲ့ပြီး ဆွဲတင်၍ မရခဲ့ပေ။

၂၀၀၄ ခုနှစ်အထိ ပြန်လည် နာလန်ထူ ခြင်း မရှိခဲ့ပေ။

ဖုန်းယွီ ခေါင်းညိတ်လိုက်ပြီး "ကောင်းတယ်။ ကုမ္ပဏီ ဖွံ့ဖြိုးမှု ကောင်းတယ်။ ဒီလောက် နည်းပါးတဲ့ ရန်ပုံငွေ ကို အသုံးပြုပြီး ဒီအဆင့်အထိ ဖွံ့ဖြိုးနိုင်ခဲ့တာ မင်း တော်တယ်"

Amazonသည် စာရင်းမသွင်းရသေးသောကြောင့် ဘဝဟောင်းကဲ့သို့ ရန်ပုံငွေ အများအပြား မရရှိသေးပေ။ ထို့ကြောင့် လက်တွေ့တွင် Amazon၌ ယခုအချိန်အထိ ဘဝဟောင်းထက် ရင်းနှီးမြှုပ်နှံထားသော ငွေကြေး နည်းပါး နေသေးသည်။ ဟုတ်ပေတယ်၊ စတင် တည်ထောင်ချိန်တွင် ရရှိခဲ့သော ငွေကြေးက ဘဝဟောင်းထက် များစွာ ပိုများသောကြောင့် အစပိုင်းတွင် အားသာချက်များ အပြည့်အဝရရှိ ခဲ့သည်။

"မန်နေဂျာဖုန်း၊ ကျွန်တော်တို့ နောက်နှစ်မှာ တကယ်ပဲ စာရင်းမသွင်းဘူးလား။ ဒီလိုဆိုရင် ကျွန်တော်တို့ တောင်အမေရိက၊ ဥရောပဘက်က သယ်ယူပို့ဆောင်ရေး အခြေစိုက်စခန်း တွေကို မတည်ဆောက်နိုင်တော့ဘူး။ အဲဒီ ရင်းနှီးမြှုပ်နှံမှုတွေက မနည်းတဲ့ ပမာဏ နော်"

လက်ရှိတွင် Amazon၏ ကနေဒါရှိ သယ်ယူပို့ဆောင်ရေး အခြေစိုက်စခန်းများကိုပင် ချေးငွေဖြင့် တည်ဆောက် ထားရသည်။

ဖုန်းယွီ စဉ်းစားလိုက်သည်။ Amazonသည် အမေရိကန် ကုမ္ပဏီဖြစ်သောကြောင့် အမေရိကန်တွင် စာရင်းသွင်းပြီးမှ ပြန်လည် ရုပ်သိမ်းပါက Amazon၏ အမှတ်တံဆိပ်ကို အကြီးအကျယ် ထိခိုက် စေမည်။

၎င်းသည် Sina စသည့် ကုမ္ပဏီများနှင့် မတူပါ။ ၎င်းတို့သည် အဓိကအားဖြင့် တရုတ်ဝက်ဘ်ဆိုက်များကို လုပ်ကိုင်ပြီး သုံးစွဲသူများမှာလည်း အဓိကအားဖြင့် တရုတ်လူမျိုးများဖြစ်သည်။ Nasdaq မှ ရုပ်သိမ်းပြီးနောက် ဟောင်ကောင်တွင် ပြန်လည် စာရင်းသွင်း နိုင်သည်။

သို့သော် Amazonသာ Nasdaqမှ စာရင်းသွင်းပြီး ပြန်လည် ရုပ်သိမ်းပါက နယူးယောက် စတော့အိတ်ချိန်းတွင်ပင် စာရင်းသွင်းရန် ခက်ခဲ သွားမည်။ ငွေကြေး ဖွံ့ဖြိုးတိုးတက်မှု အဆင့်အရ ဟောင်ကောင်၊ တိုကျို သို့မဟုတ် လန်ဒန်တို့သည် နယူးယောက်ထက် မသာ နိုင်ပေ။

Amazonသည် စာရင်းသွင်းဖို့က အချိန်မရွေး ဖြစ်နိုင်ပါသည်။ အွန်လိုင်း လက်လီရောင်းချရေး ကုမ္ပဏီများ၏ ရင်းနှီးမြှုပ်နှံမှုသည် အဆုံးမရှိသော တွင်းနက် တစ်ခုဟု မဆိုနိုင်သော်လည်း လက်လီရောင်းချသူများထက် ငွေပိုသုံး ရသည်။

ဖုန်းယွီ ဆက်လက် ရင်းနှီးမြှုပ်နှံပါကလည်း တတ်နိုင်သည်။ သို့သော် ထိုသို့ဆိုလျှင် အခြား ရှယ်ယာရှင်များ၏ရှယ်ယာများကို ဆက်လက် လျှော့ချ ရပေမည်။ ဖုန်းယွီသည် ဘေးဇို့စ်အား ကတိပေးထားသည်မှာ ကုမ္ပဏီ ရန်ပုံငွေ မရှာသရွေ့ သူ၏ ရှယ်ယာပမာဏကို အာမခံ ပေးမည်ဖြစ်ပြီး လုံးဝ လျှော့ချမည် မဟုတ်ပေ။ ဤသို့ဆိုလျှင် ဖုန်းယွီသည် အရှုံးပေါ် နိုင်သည်။

ဖုန်းယွီသည် ကတိကို လုံးဝ ဖျက်နိုင်သော်လည်း ထိုသို့ မလုပ်ချင်ပေ။ ကောင်းသော ဂုဏ်သတင်းသည် သူ့ကို ငွေပိုရှာရန် ကူညီနိုင်သည်။ ဂုဏ်သတင်း ပျက်စီးသွားပါက ပြန်လည် ပြုပြင်ရန် ပို၍ကုန်ကျမည်ဖြစ်သည်။

ထို့အပြင် ဘေးဇို့စ်သည်လည်း ထူးချွန်သော ပါရမီရှင် ဖြစ်ပြီး ဖုန်းယွီသည် ဤအကြောင်းကြောင့် သူ့ကို ဆုံးရှုံးစေလိုခြင်း မရှိပေ။ ငွေကို တန်ဖိုးဖြတ်နိုင်သော်လည်း ပါရမီရှင်ကို ရရန် ခက်ခဲ သည်။ ပါရမီရှင်တစ်ဦးသည် သူ့အား ငွေပိုရှာ ရန် ကူညီနိုင်သည်။

"ငါ စဉ်းစားလိုက်ဦးမယ်"

ညဘက်တွင် ဖုန်းယွီသည် ဖူရုန်ချီအား ဖုန်းဆက်၍ ဤပြဿနာကို အကြံဉာဏ် တောင်းခံသည်။

"ဖုန်း တူလေး၊ မင်း အစကတည်းက သူ့ကို အဲဒီကတိ မပေးခဲ့သင့်ဘူး။ ကုမ္ပဏီမှာ မင်းက အဓိက ရှယ်ယာရှင်ဖြစ်နေသရွေ့ မင်း ဆုံးဖြတ်ခွင့် ရှိတယ်။ သူက ပိုက်ဆံ ထုတ်နိုင်ရင် မင်းနဲ့အချိုးအစားအလိုက် ရင်းနှီးမြှုပ်နှံ လိုက်၊ မဟုတ်ရင် ရှယ်ယာ လျှော့ချမှုကို လက်ခံဖို့ပဲ ရှိတယ်။" ဖူရုန်ချီက သက်ပြင်းချလိုက်ပြီး "ကုမ္ပဏီရဲ့ အာဏာကို ကိုယ့်လက်ထဲမှာ ခိုင်မြဲစွာ ဆုပ်ကိုင် ထားသင့်တယ်။ ဘယ်လိုလုပ် အလွယ်တကူ လက်လွှတ်ရမှာလဲ"

"ဒါပေမဲ့ အဲလိုဆိုရင် ကုမ္ပဏီကိစ္စ အားလုံးကို ကျွန်တော် ကိုယ်တိုင် ဆုံးဖြတ်ရမယ်။ ပင်ပန်း လွန်းတယ်လေ"

ဖူရုန်ချီ "..."

ပင်ပန်းရမှာကို မကြိုက်ဘူး၊ ဒါပေမဲ့ ပိုက်ဆံလည်း ရှာချင်တယ်၊ ဘယ်မှာလဲ အဲဒီလို ကောင်းတာတွေ။

ဒါပေမဲ့ ဒီဖုန်းယွီက အာဏာအားလုံးကို ခွဲဝေ ပေးလိုက်ပြီး တခြားသူတွေကို သူ့အတွက် စီးပွားရေး စီမံခန့်ခွဲစေကာ အိပ်နေရင်း ပိုက်ဆံရှာ နေတာတော့ တကယ်ပါ။

"ဒီလိုဆိုရင် မင်းအတွက် ရန်ပုံငွေ ရှာဖွေခြင်း တစ်ခုတည်းသာ လမ်းရှိတော့တယ်" ကုမ္ပဏီက ချေးငွေ ရှိပြီးသားဖြစ်ရာ ထပ်မံ ချေးငွေ ယူပါက ပမာဏ သိပ်မများနိုင်ပေ။ ဖုန်းယွီ၏ စကားအရ သူသည် ဤAmazonကို ဥရောပနှင့် အမေရိကန် ဈေးကွက် အများစုတွင် နေရာယူ စေလိုသည်။

ယခုအချိန်တွင် လုပ်ငန်းခွင် ဖွဲ့စည်းပုံကို အလျင်အမြန် စီစဉ်ရန် လိုအပ်သည်။ အဘယ်ကြောင့်ဆိုသော် ဤအချိန်တွင် အွန်လိုင်း စျေးဝယ်စင်တာ လုပ်ကိုင်သော ကုမ္ပဏီများသည် Amazon တစ်ခုတည်း မဟုတ်ပေ။ အကယ်၍ အခြားသူများက ဈေးကွက်ကို ဦးစွာ သိမ်းပိုက်ပါက ပြန်လည်ရယူရန် အလွန်ခက်ခဲပေလိမ့်မည်။

ဟုတ်တယ်၊ ဒုတိယ နည်းလမ်းလည်း ရှိသည်။ ၎င်းမှာ ဈေးကြီးပေး၍ ဝယ်ယူ ပေါင်းစည်းခြင်း ဖြစ်သည်။ ဤနည်းဖြင့် သုံးစွဲသူ အဖွဲ့အစည်းကိုလည်း အသင့်အတင့် ရရှိနိုင်သည်။

ဘဝဟောင်းတွင် Amazonသည် ဤချဲ့ထွင်မှု နည်းဗျူဟာကို အသုံးပြုခဲ့သည်။ ဥပမာအားဖြင့် တရုတ်တွင် ၎င်းတို့သည် Joyo ဝက်ဘ်ဆိုက်ကို ဝယ်ယူပြီး Joyo Amazon ကုမ္ပဏီ အဖြစ် ပြောင်းလဲခဲ့သည်။

ဝယ်ယူရန် ငွေကြေးကိုလည်း ရန်ပုံငွေ ရှာဖွေ ခြင်းမှ ရရှိခဲ့ခြင်း ဖြစ်သည်။

ဤကဲ့သို့သော စာရင်းဝင် ကုမ္ပဏီများသည် အခြားသူများ၏ပိုက်ဆံကို အသုံးပြု၍ ၎င်းတို့၏ စီးပွားရေးကို ချဲ့ထွင်ရန် အလွန်ကျွမ်းကျင်ကြသည်။ အရွယ်အစား တစ်ခုအထိ ကြီးမားလာသောအခါ လက်ဝါးကြီးအုပ်မှုကို ဖြစ်ပေါ်စေပြီးနောက် ငွေများစွာ အလွယ်တကူ ရှာဖွေနိုင်မည် ဖြစ်သည်။

"ဒါပေမဲ့ အခု စာရင်းသွင်းမယ်ဆိုရင် ရန်ပုံငွေ အများကြီး ရချင်မှ ရမှာ" အခုချိန်မှာ အွန်လိုင်း ကုမ္ပဏီတွေ စာရင်းသွင်းဖို့ အလွန်ခက်ခဲတဲ့အပြင် စာရင်းသွင်းပြီးရင်လည်း အေးစက်နေတတ်သည်။ စာရင်းသွင်းဖို့ ကြိုးစားနေတဲ့ ကုမ္ပဏီ အများအပြားဟာ ရှယ်ယာတွေ လူမေးမရှိလို့ တိုက်ရိုက် ရုပ်သိမ်းခဲ့ရသလို နှစ်ခုကတော့ တစ်လမပြည့်ခင် ဒေဝါလီခံ ခဲ့ရသည်။

Nasdaqတွင် ထိုကဲ့သို့ စာရင်းသွင်းမှု မအောင်မြင်ဘဲ တစ်လအတွင်း ဒေဝါလီခံရမည့် ကုမ္ပဏီများကိုပင် စာရင်းသွင်းခွင့် ပေးခဲ့သည်ကို ကြည့်ခြင်းဖြင့် Nasdaq၏ စီမံခန့်ခွဲမှုတွင်လည်း ကွက်လပ်များ ရှိနေသည်ကို သိနိုင်သည်။

"ရန်ပုံငွေ ရှာဖွေဖို့က စာရင်းသွင်းဖို့ မလို ဘူးလေ" ဖူရုန်ချီက ပြုံးကာ ပြောလိုက်သည်။

စာရင်းမသွင်းဘဲ ရန်ပုံငွေ ရှာဖွေခြင်းလား။ ဖူရုန်ချီ ဆိုလိုသည်မှာ ဦးတည် ရန်ပုံငွေ ရှာဖွေခြင်းလား။

"ဖူ ဦးလေး၊ ခင်ဗျား Amazon ရှယ်ယာတွေ ဝယ်ဖို့ ရည်ရွယ်ချက် ရှိနေတာလား" အခုချိန်က အင်တာနက် ပူဖောင်း ပေါက်ကွဲနေတဲ့ အချိန်ဖြစ်ပြီး အွန်လိုင်း ကုမ္ပဏီတွေမှာ ရင်းနှီးမြှုပ်နှံရဲသူက ရှားပါး သည်။

"ဘာလဲ၊ မရဘူးလား" ဖူရုန်းချီက ပြန်မေးသည်။

ယခုအခါ စတော့ဈေးကွက် အခြေအနေ မကောင်းဘဲ အတက်အကျ အလွန် ပြင်းထန်နေသည်။ ရွှေ၊ ရေနံတို့သည် အတက်အကျ သိပ်မရှိဘဲ ငွေလဲနှုန်းလည်း သိပ်မပြောင်းလဲရာ ရင်းနှီးမြှုပ်နှံသင့်သည့် အရာ သိပ်မရှိပေ။

ဖူရုန်ချီတွင် သုံးစွဲရန် ငွေရှိနေပြီး ဖုန်းယွီသည်လည်း ဤကုမ္ပဏီအပေါ် ကြီးမားသော မျှော်လင့်ချက် ထားရှိသည်။ သူလည်း ဤကုမ္ပဏီ၏ အလားအလာကို မြင်သည်။ ဘာလို့ ရင်းနှီးမြှုပ်နှံခြင်း မလုပ်ရမှာလဲ။

ဖုန်းယွီသည် သူ့ကို သင့်လျော်သော ဈေးနှုန်း ပေးမည်ဖြစ်ပြီး အရှုံးပေါ်စေမည် မဟုတ်ဟုလည်း သူ ယုံကြည်သည်။ ထို့အပြင် ဤနည်းဖြင့် ဖုန်းယွီနှင့် ဆက်ဆံရေး ပိုမို ခိုင်မာ စေနိုင်သည်။

ဤမျှ ငယ်ရွယ်သော အာရှ၏ အချမ်းသာဆုံး ပုဂ္ဂိုလ်သည် လီချောင်းရင်ကို ကျော်လွန်ပြီး ဘီလ် ဂိတ်ကို ဖမ်းမိမည့် အလားအလာ ရှိနေသူ ဖြစ်ရာ ဆက်ဆံရေးကို ဝေးကွာသွားခွင့် မပြုသင့်ပေ။ ဖူကွမ်းကျန့်နှင့် ဖူကွမ်းဝေတို့အပေါ် သက်သက် အားကိုးလို့ မရနိုင်တော့ရာ သူသည် သူ၏သားအားလည်း ဖုန်းယွီနှင့် ရင်းနှီးသော ဆက်ဆံရေး တည်ဆောက် စေပြီး မိသားစုနှစ်ခုကို တင်းတင်းကျပ်ကျပ် ချိတ်ဆက် ထားရန် ရည်ရွယ်သည်။

"ဖူ ဦးလေး၊ ဒါဆိုရင် ခင်ဗျား ဘယ်လောက် ရင်းနှီးမြှုပ်နှံ နိုင်မလဲ" ဖုန်းယွီက မေးသည်။

"အမေရိကန်ဒေါ်လာ တစ်ဘီလီယံ အောက်ဆိုရင် ပြဿနာ မရှိဘူး"

"ကောင်းပြီ ဖူ ဦးလေး၊ ကျွန်တော် ခင်ဗျားကို သင့်တော်တဲ့ ဈေးနှုန်း ပေးပါ့မယ်"

...

******