သခင် ဒီနတ်သမီး ရှင့်ကို တစ်နှစ်ပတ်လုံး လှောင်ရတော့မယ်

ဒါက အလိုလိုကြောက်စိတ် ဖြစ်ကြောင်း ချိချင်းရှန်း သေချာပေါက် သိသည်။ မူလက သူသည် သေးငယ်သော အငယ်တန်းဖြင့် ဂိုဏ်းကို မြှူရန်စီစဉ်ထား၏။ ထို့နောက် လီကျစ်ရွှမ်းကို စုံစမ်းစစ်ဆေးရန် အခွင့်အရေး တစ်ခုရှာသည်။ အောင်မြင်မှုတစ်ခုကို ရှာဖွေပြီးနောက် နောက်ထပ် အချက်အလက်များကို ထုတ်ယူရန် သဲလွန်စများ​နောက်ကို လိုက်ချင်ခဲ့သည်။

သို့သော် ဤအရာကို ခေါ်ထုတ်မိမယ်လို့ မမျှော်လင့်ခဲ့ပေ။

ငါးသေးသေးလေးက ငါးကြီးတစ်ကောင်ကို တကယ်ဖမ်းမိခဲ့ပေမယ့် ပြဿနာက ငါးကြီးပဲ မဟုတ်ဘဲ မုန်တိုင်းပါ ပါလာခြင်းပင်။ အနှီမုန်တိုင်းကြောင့် ငါးဖမ်းလှေက ချက်ချင်း နစ်မြုပ်သွား၏။ သူ့ရဲ့ လက်ရှိစိုးရိမ်မှုဟာ စုံစမ်းစစ်ဆေးမှုအတွက် မဟုတ်ပေမယ့် ဒီဓားရေးဆရာတွေနဲ့ ရင်ဆိုင်ရနိုင်ပါ့မလား ဆိုတာ ဖြစ်သွားချေပြီ။

ဒါကိုတွေးကြည့်ကာ တစ်ယောက်တည်း ထုံကျင်သွားတော့သည်။ အေးစက်သော ချွေးများက သူ့နဖူးပေါ်သို့ စီးကျလာပြီး ကြောက်စိတ်များက မှင်ကဲ့သို့ နှလုံးသားထဲသို့ ပျံ့နှံ့သွားသည်။ ထိုလူတွေဟာ သူတို့နှစ်ယောက် ခွန်အားကို ပေါင်းစပ်လိုက်လျှင်ပင် အခြေခံအားဖြင့် သေဒဏ်ပဲ ကျလိမ့်မည်။

"ချင်းရှန်း... မင်းကြောက်လား"

လျိုဝူရွှမ်းသည် ချိချင်းရှန်း၏ ပုံမှန်မဟုတ်သော အပြုအမူကို သတိပြုမိကာ မျက်မှောင်ကြုတ်ကာ အနည်းငယ် ဖော်ရွေသော အမူအရာဖြင့် ပြောလာခဲ့သည်။

"မင်းအရင်က ဓားနတ်ဘုရားရဲ့ ဂိုဏ်းကို တွေ့ဖို့ တောင်းဆိုခဲ့သူပဲလေ.. အခု မင်း သူတို့ကို တွေ့ရပြီ အခု မင်း ကြောက်နေပြီလား? မင်း အဲဒီချင်းကောင်လေးကို စောစောက မေးခွန်းထုတ်တုန်းက ဘာလို့ မစဥ်းစားခဲ့တာလဲ"

သူစကားပြောနေစဉ်တွင် လက်နှစ်ဖက်ကို ဖြန့်ကာ အစောပိုင်းက ကဲ့ရဲ့​နေခြင်းမှ ဒေါသအားလုံးကို ဖြေဖျောက်ချင်လာသည်။

"မင်းရဲ့ ရက်စက်တဲ့ ကိုယ်ရည်ကိုယ်သွေးကို ငါ ပိုကြိုက်​နေတုန်းပဲ!"

“ငါ…”

ဒါကိုကြားတော့ ချိချင်းရှန်းသည် ချင်းယန်ကို စောစောက ဖိနှိပ်ခဲ့တဲ့ အရိပ်အယောင်ကို သတိရပြီး အေးစက်တဲ့ ချွေးတွေ ထွက်လာလေတော့သည်။

ယခင် စုံစမ်းစစ်ဆေးမှုများအပေါ် အခြေခံလိုက်ရင် ဓားနတ်ဘုရားရဲ့ ဂိုဏ်းအကြောင်း မသိသူအများအပြား ရှိသော်လည်း ၎င်းတို့မှာ ပြင်းထန်သော ကာကွယ်မှု ရှိကြောင်းတော့ သေချာပါသည်။ သားရဲ ဒီရေ တိုက်ခတ်ချိန်မှာ အဲဒီတော်ဝင်အဆင့် ကြယ်သားရဲတွေကို မျက်လုံးတောင်မမှိတ်ဘဲ မဆိုင်းမတွ သတ်ပစ်လိုက်သည်။

ယခု သူတို့တပည့်ကို ထိခိုက်နစ်နာစေခဲ့တာမို့ ဓားနတ်ဘုရားရဲ့ဂိုဏ်းက သူ့ကို တကယ်ခွင့်လွှတ်မှာလား။

“ကောင်းပြီ... အဲဒါကို တွေးနေလည်း အသုံးမ၀င်ဘူး... ဒါကို ဘယ်လိုကျော်ဖြတ်မလဲ စဉ်းစားကြည့်ရအောင်”

ချိချင်းရှန်းရဲ့ အတွေးတွေကို ဖတ်ရင်းနဲ့ လျိုဝူရွှမ်း အနည်းငယ် သက်ပြင်းချလိုက်သည်။

"ကံကောင်းချင်တော့ ငါတို့ သူတို့ကို အဲဒီတုန်းက မသတ်ခဲ့ဘူး မဟုတ်ရင် ငါတို့ နှစ်ယောက်လုံး ရုန်းမထွက်နိုင်​လောက်ဘူး ဒါပေမယ့် အခွင့်အရေး ရှိသေးတယ်"

ချိချင်းရှန်း သူ့ဓားကို ကိုင်လိုက်ပြီး :“ဘာကိုဆိုလိုတာလဲ? ဒါဆို မင်းဘာလုပ်ဖို့ ကြံစည်နေတာလဲ”

“သူတို့နဲ့ အရင်သွားဆွေးနွေးမယ်...သူတို့က နတ်ဆိုးဂိုဏ်းရဲ့ မကောင်းဆိုးဝါးတွေ မဟုတ်ဘူး ငါတို့ ညှိနှိုင်းနိုင်သရွေ့ ဆွေးနွေးဖို့ နေရာရှိတယ်"

ရုတ်တရက်!

"မင်းတို့နှစ်ယောက်... မင်းတို့ရဲ့ သီးသန့်စကားဝိုင်း ပြီးသွားပြီလား!"

ကျယ်လောင်သော အသံတစ်သံက သူတို့ရဲ့ အတွေးများကို ဝင်နှောင့်ယှက်လိုက်သည်။ နှစ်ယောက်သား တစ်ပြိုင်နက် မျှော်ကြည့်နေကြပေမယ့် ဘယ်တစ်ယောက်က ပြောနေမှန်း မသိနိုင်ကြပါဘူး။

ရုပ်ပုံများက ကောင်းကင်ယံ၌သာ တဖျပ်ဖျပ်ခတ်နေသည်။

သူတို့၏မျက်နှာများသည် နားမလည်နိုင်လောက်အောင်ပင်။ သူတို့ရဲ့ အသံတွေတောင် ကွဲလွဲနေပြီး သူတို့ကို တိုက်ရိုက် မလေ့လာနိုင်တဲ့ လျှို့ဝှက်ချက်တွေကို ထုတ်ဖော်ဖို့ ခဲယဥ်းလိမ့်မည်။

"သူတို့ကို အရင်တက်ပြီး နှုတ်ဆက်ရအောင်"

လျိုဝူရွှမ်း သူ့ပုခုံးများကို ဖိကာ သက်ပြင်းချလိုက်၏။ ထို့နောက် တုံ့ဆိုင်းမနေဘဲ လေထဲသို့ ခုန်တက်သွားခဲ့သည်။

မနက်လင်းခါနီးပါပြီ။

အရှေ့ဘက်မှ ခရမ်းရောင် အမှုန်အမွှား အနည်းငယ် တက်လာပြီး မိုးသောက်ချိန် တဖြည်းဖြည်း ပြိုကျလာသည်။ အနီးကပ် စစ်ဆေးပြီးနောက် လျိုဝူရွှမ်း ထိုလူများကို ရှင်းရှင်းလင်းလင်း မြင်လိုက်ရသည်။

သူတို့သည် ဝါးဦးထုပ်များနှင့် အနက်ရောင် ၀တ်စုံရှည်များကို ၀တ်ဆင်ထားကြ၏။ အချို့မှာ ဓား ကိုင်ဆောင်ထားကြပြီး အချို့မှာ လက်နက်မဲ့သူများဖြစ်ကာ အပြင်ပန်းက​တော့ သာမန်လူများနှင့် မကွာခြားပေ။

သို့ပေမယ့် လျိုဝူရွှမ်းနဲ့ ချိချင်းရှန်း ပေါ့ဆမနေဝံ့ဘဲ လက်သီးဆုပ်ကာ ချက်ချင်းပင် ဂါဝရပြုလိုက်သည်။

"အဓိပတိမဟာမိတ်က လျိုဝူရွှမ်းနဲ့ ချိချင်းရှန်း အားလုံးကို နှုတ်ဆက်ပါတယ်"

ဆန့်ကျင်ဘက် လူခုနစ်ယောက်သည် တစ်စုံတစ်ခုကို ဆွေးနွေးနေကြပုံပေါ်၏။ အသက်ရှူချိန် အနည်းငယ်ကြာပြီးနောက် ခေါင်းညိတ်ကာ သူတို့အမည်များကို ကြေငြာလိုက်သည်။

"ဒီအရှင်က ကောင်းကင်ဖုံးလက်ဝါး ယဲ့ဖန်!"

ရှေ့သို့ ပထမဆုံး ခြေတစ်လှမ်း လှမ်းခြင်းမှာ ကြယ်စွမ်းအင်အား ပိုအားကောင်းလာ​စေပြီး မိုးခြိမ်းသံကဲ့သို့ သူ၏ အသံသည်လည်း ကောင်းကင်တခွင် ကျယ်လောင်စွာ ထွက်ပေါ်လာသည်။ သူ စလိုက်တာနဲ့ တခြားသူများကလည်း ၎င်းတို့၏ အမည်များကို ကြေငြာလိုက်ကြသည်။

"ဒီအရှင်က ကောင်းကင်အကျဥ်းချ လက်ချောင်း လင်တုံ့!"

"ဒီအရှင်က သတ်ဖြတ်သူ ယဲ့ဝူချွဲ!"

"ငါက..."

တန်ခိုးကြီးပြီး ကြီးစိုးသောအသံများသည် တိမ်တိုက်များကြားတွင် လွင့်ပျံလာကာ အရှိန်အဟုန်ဖြင့် လျင်မြန်စွာ ထွက်ပေါ်လာသည်။ သူတို့သည် လက်သီး၊ လက်ဝါးမှသည် ဓားနှင့် ဓားသွားများအထိ ကိုယ်ခံပညာ အမျိုးမျိုးကို ကျွမ်းကျင်ကြသည်။ ထို့အပြင် သူတို့အားလုံးဟာ အဓိပတိနယ်ပယ်မှာ ရှိနေကြ၏။

ထိုအချက်ကတင် သူတို့ကို ဘယ်သူမှ လျှော့မတွက်ရဲကြတော့ချေ။

"ဒါတွေက ငါတို့ အကြီးအကဲ​တွေရဲ့ နာမည်တွေလား"

အနီးနားရှိ ကြယ်စစ်သည်များသည် ဤအမည်များကို တလေးတစား ကျက်မှတ်ပြီး လေးနက်စွာ ရပ်နေခဲ့ကြသည်။

"အစ်မချင်းဟဲ ဒါတွေအားလုံးက ငါတို့လူကြီးတွေပဲ!"

လီကျစ်ရွှမ်းသည် အထက်လူကြီးများကို ကြည့်ကာ သူမ၏ စိတ်ခံစားမှုများက ရုတ်တရက် ရင်ခုန်သံမြန်လာစေကာ သူမ၏ မျက်နှာသည် စိတ်ခံစားချက် အမျိုးမျိုးကို ပြသနေသည်။

လီချင်းဟဲ: "ငါ့မှာ အကြီးတန်း ဦးလေး နဲ့ ဦးငယ်လေးတွေ အများကြီး ရှိနေတာပဲ! ဒီဦးလေးကြီးတွေနဲ့ ဦးငယ်​လေးတွေနဲ့ဆို နယ်ပယ်တိုးဖို့ မဖြစ်နိုင်တာမျိုး မရှိတော့ဘူး... "

ထိုအတောအတွင်း အကြီးအကဲလီနှင့် ဦးစီးချုပ်ကလည်း စုရုံးကာ အကြည့်ချင်းဖလှယ်ကာ တစ်ခုခုကို နားလည်သွားကြသည်။ ဒီခေါင်းစဉ်တွေကို ကြားလိုက်ရုံနဲ့ သူမတို့ဟာ ထူးထူးခြားခြား နေရာရှိကြောင်း ပြောနိုင်ပါ၏။

"ဒါဆို ဓားနတ်ဘုရားရဲ့ဂိုဏ်းက အစွမ်းထက်တာပဲ!"

…

ဤအခိုက်အတန့်တွင် နေလုံးကြီးက ဝေးကွာသော မိုးကုပ်စက်ဝိုင်းကို ဖြတ်ကျော်ကာ မိုးသောက်ချိန်နီးလာပြီ ဖြစ်သည်။ ယဲ့ဖန်သည် ကောင်းကင်ကို ဖုံးအုပ်ထားသည့် လက်ဝါးကို ဖြန့်ကာ ဖြည်းညှင်းစွာ လွင့်ထွက်လာပြီး ရှေ့ဆုံးမှ ရပ်တန့်လိုက်သည်။

"ဒါဆို မင်းက အဓိပတိမဟာမိတ်ရဲ့ ခေါင်းဆောင်လား"

ယဲ့ဖန်သည် လေးနက်သော အသံဖြင့် ပြောကာ စိစစ်နေသော မျက်လုံးဖြင့် လျိုဝူရွှမ်းကို ​ကြည့်​နေ၏။ သူ့မျက်နှာပြင်က ငြိမ်သက်နေသော်လည်း သူ့စကားများက သတ်ဖြတ်ချင်နေသည့် ရည်ရွယ်ချက်ကို ဖုံးကွယ်ထားခြင်းမရှိပေ။

"မင်းငါ့ကိုဘာလို့ မရှင်းပြတာလဲ မင်းက ငါတို့ ဖောက်ခွဲကောင်းကင်ဂိုဏ်းရဲ့ တပည့်ကို ဘာလို့ ထပ်ခါထပ်ခါ အနိုင်ကျင့်နေတာလဲ ဒီကျယ်ပြောလှတဲ့ ကမ္ဘာကြီးက မင်းရဲ့ အဓိပတိမဟာမိတ်ရဲ့ တစ်ခုတည်းသော ပါဝါလို့များ ထင်နေတာလား"

သူ့စကားတွေကျသွားတာနဲ့ ကျန်တဲ့ ခြောက်ယောက်က သူတို့ရဲ့ ရောင်ဝါတွေကို ဖြန့်ကျက်လာ၏။ သူတို့အားလုံးသည် လျိုဝူရွှမ်းကို စိုက်ကြည့်ကြပြီး ၎င်းတို့၏လက်နက်များကို တင်းတင်းကြပ်ကြပ် ဆုပ်ကိုင်ကာ ခင်းကျင်းထားသည့်ပုံစံများ ဆူညံနေပြီး သူ့တုံ့ပြန်မှုကို စောင့်မျှော်နေကြသည်။

သို့သော်လည်း ဒါကိုမြင်လိုက်ရတော့ လျိုဝူရွှမ်း တကယ့်ကို ထိတ်လန့်သွား၏။

သူ့အာရုံစူးစိုက်မှုက သူကြားဖူးတဲ့ စကားတစ်ခွန်းအပေါ် လုံးလုံးလျားလျား အာရုံစိုက်နေတာကြောင့် ခဏလောက်အထိ အံ့အားသင့်သွားခဲ့သည်။

ဘယ်ဂိုဏ်းလဲ။

"ဖောက်ခွဲ... ကောင်းကင်ဂိုဏ်း?"

အဲဒါ ဘယ်ဂိုဏ်းလဲ။

လျိုဝူရွှမ်းသည် ထူးဆန်းတဲ့ အရိပ်အယောင်နဲ့ နာမည်ကို တွေးရင်း မိမိဘာသာ ငြီးတွားလိုက်သည်။ သူသည် သူ့ဘေးနားရှိ ချိချင်းရှန်းကို စိုက်ကြည့်လိုက်ရာ တစ်ဖက်လူကလည်း အံ့သြသွားသော အမူအရာဖြင့် သူ့ကို ကြည့်နေသည်ကို တွေ့လိုက်ရသည်။

ထူးဆန်းတယ်။

ဒီနာမည်ကို လုံးဝ မသိသေးချေ။

"ထူးဆန်းလိုက်တဲ့ နာမည်! ဖောက်ခွဲကောင်းကင်ဂိုဏ်း... ဖောက်ခွဲကောင်းကင်ဂိုဏ်း "

လျိုဝူရွှမ်းသည် ၎င်းကို တိတ်တဆိတ် ထပ်ခါတလဲလဲ ရွတ်ကြည့်ပြီးမှ သော့ချက်စကားလုံးကို ဖမ်းဆုပ်နိုင်ခဲ့သည်။ ဟိုးအရင်က မိမိကိုယ်မိမိ ပျက်စီး ဖောက်ခွဲသွားခဲ့သော ဓားနတ်ဘုရားနှင့် သူ့အဖွဲ့ကို ပြန်သတိရကာ အတွေးစတစ်ခု တစ်ခုဝင်လာတော့၏။

"သူတို့က ကိုယ့်ကိုယ်ကို ဖျက်ဆီးတာကို သိပ်ကြိုက်နေကြတာ အံ့သြစရာ မဟုတ်ပါဘူး ဒီ 'ဖောက်ခွဲ' နည်းကိုက သူတို့ရဲ့ အယူဝါဒပဲကိုး..."

ချိချင်းရှန်း: "မင်း နားမလည်ပါဘူး ဝူရွှမ်း ငါ့မှာ အကြံတစ်ခုရှိတယ်... ကျန်းဟိုင်ဓားနတ်ဘုရားရဲ့ ဂိုဏ်းက အမြဲတမ်း လျှို့ဝှက်ထားတယ် အပြင်လူတွေကို ဖွင့်မ​ပြခဲ့ဘူး ဒီ 'ဖောက်ခွဲကောင်းကင်ဂိုဏ်း' ရဲ့ နာမည်က နည်းနည်းကြမ်းပေမယ့် 'ကောင်းကင်ကို ပေါက်ကွဲတယ်' လို့ အဓိပ္ပာယ်ဖွင့်ဆိုလို့ရတယ်... ဒါပေမယ့် လောကထဲကို ဝင်လာတာဟာလည်း ကမ္ဘာကြီးကို လိုသလို လုပ်တော့မယ်လို့ သက်သေပြနေတာပဲ..."

"???"

လျိုဝူရွှမ်း အံ့အားသင့်သွားသည်။ ချိချင်းရှန်းရဲ့ စကားကို ကြားပြီးတဲ့ နောက်မှာတော့ သူ ပိုလို့တောင် စိတ်ရှုပ်လာခဲ့၏။

ဒါက ရှင်းပြ​နေတာလား။

ဒီအတိုင်း ရှင်းပြလို့ ရတယ် !

လောကကို ဝင်ရောက်ခြင်းသည်လည်း သေမျိုးလောကကို နှလုံးသွင်းထားကြောင်း ဆိုလို၏။ မိမိကိုယ်ကို ဖျက်ဆီးရခြင်းကို ရူးသွပ်သော်လည်း ကောင်းကင်ဘုံ၏ သဘောသဘာဝကို ပြောင်းလဲနိုင်လျှင် ထူးထူးခြားခြား ဖြစ်လာလိမ့်မည်။

လျိုဝူရွှမ်းသည် သက်ရောက်မှုများကို တွေးတောရင်း လက်ခုပ်တီးကာ နားလည်မှုတချို့ ရသွားခဲ့ကာ တစ်ဆက်တည်း စိတ်လှုပ်ရှားမှုကိုလည်း တစ်ဟုန်ထိုး ခံစားလာရသည်။

………..

"ဖောက်ခွဲ ကောင်းကင်ဂိုဏ်း?"

အောက်က လီချင်းဟဲသည် သူမနားထဲ တိုးလာသော စကားလုံးများကို ကြားသည်နှင့် သူမရဲ့ ခံစားချက်က နက်နဲလာပါသည်။ အရင်တုန်းကတော့ ဂိုဏ်းအပေါ် သံသယတွေ ရှိခဲ့ဖူးသည်။

ဒါပေမယ့် အထက်က အကြီးတန်း ဦးလေးတွေနဲ့ ဦးငယ်လေးတွေကို မြင်ပြီးတာနဲ့ သူမ သံသယတွေ ရှင်းသွားသည်။ ဖောက်ခွဲကောင်းကင်ဂိုဏ်းကို အဓိပတိနယ်ပယ် သက်ကြီးရွယ်အိုများက လုံးလုံးလျားလျား ဦးဆောင်ထားသည်။

ပွဲ၏ ကျယ်ပြောလှသော အတိုင်းအတာသည် ကြယ်စစ်သည် အများအပြားကို ဆွဲဆောင်ခဲ့ပြီး အားလုံးကလည်း အံ့အားသင့်သွားကြသည်။ အချို့က အခင်းဖြစ်ရာကို မှတ်တမ်းတင်ပြီး အွန်လိုင်းတွင် မျှဝေ​နေကြသဖြင့် အင်တာနက်မှာလည်း ဆွေးနွေးမှု လှိုင်းလုံးကြီးများ ဖြစ်ပေါ်လာခဲ့၏။

……….

"ဓားနတ်ဘုရားတောင်ကြား" ဖိုရမ်ပေါ်မှာလည်း အပြင်းအထန် ဆွေးနွေးနေကြသည်။

[အကြီးအကဲ ဓားနတ်ဘုရားက တကယ်တော့ ဖောက်ခွဲကောင်းကင်ဂိုဏ်းကလား ငါကသူ့ကို လေလွင့်ကျင့်ကြံသူလို့ ထင်နေတာ!]

[ဖောက်ခွဲကောင်းကင်ဂိုဏ်းမှာ ငါတို့ ပါဝင်နိုင်မလား မသိဘူးနော်]

[ကြည့်ရသလောက်တော့ အရည်အချင်းပေါ် မူတည်လိမ့်မယ်]

[ဒါဆို အရည်အချင်း နည်းနည်းတော့ လိုမယ်မလား]

[ဖောက်ခွဲကောင်းကင်ဂိုဏ်းက ဘယ်လိုဂိုဏ်းမျိုးလဲ... သူတို့ဘယ်ကလာတာလဲ အမြင့်မြတ်ဆုံးနယ်ပယ်က ကျွမ်းကျင်သူတွေ ကျန်းဟိုင်မှာ ရှိနေသေးလား မသိဘူး]

[အဲဒါ ပြောရခက်တယ်.. ကျန်းဟိုင်ဓားနတ်ဘုရားက သူရဲ့ ဖြူစင်ပြီး သိမ်မွေ့တဲ့ သဘာဝကြောင့် တည်ရှိနေခဲ့တာ.... ကျန်တဲ့ ခုနစ်​ယောက်ကတော့ စကားပြောရတာ လွယ်ပုံမပေါ်ပါဘူး]

တိုက်ရိုက် ထုတ်လွှင့်ခြင်း မျက်နှာပြင်အား "ဓားတောင်ကြား" ဖိုရမ်မှ ထုတ်လွှင့်ခဲ့ပြီး အင်တာနက်တစ်ခွင် လျင်မြန်စွာ ပျံ့နှံ့သွားခဲ့သည်။ နာမည်ကျော် "ဖောက်ခွဲကောင်းကင်ဂိုဏ်း" သည် ၎င်း၏ကျော်ကြားမှုအား ခဏအတွင်း ရရှိသွားခဲ့ပြီး ခေတ်စားနေသော ရှာဖွေမှုစာရင်းတွင် ထိပ်ဆုံးမှ ရပ်တည်ခဲ့သည်။

...

ကီလိုမီတာများစွာ အကွာအဝေးက ဖုဟိုင်ဗီလာ လူနေရပ်ကွက်တွင်။

"ဟားဟားဟား... သခင်!"

"ရှင် ဒီနတ်သမီးကို ရယ်​​ပြီး သေသွားအောင်လုပ်ဖို့များ ကြိုးစားနေတာလား"

တိုက်ရိုက်ထုတ်လွှင့်မှုကို ရုပ်မြင်သံကြားတွင်လည်း ပြသခဲ့သည်။ ရှောင်ပိုင်သည် သူမ၏ တံမြက်စည်းကို ပစ်ချကာ တီဗွီမှ ထုတ်လွှင့်မှုကို ကြည့်ရင်း ဗိုက်နှိပ်ရယ်နေရာမှ တဖြည်းဖြည်း မြေပြင်ပေါ်သို့ လူးလိမ့်သွားသည်။

"ငါတော့ ရယ်သေတော့မယ်! သူတို့ကိုယ်သူတို့ 'ဖောက်ခွဲ ကောင်းကင်ဂိုဏ်း' လို့တောင် နာမည်ပေးထားတယ်တဲ့... သခင် အဲဒီနာမည်ကို ဘယ်လို စဥ်းစားလိုက်တာလဲ!"

"သူတို့ကို ဆက်ပြီး လိမ်နေတာလား... ဝါး...... အားလုံးပဲမင်္ဂလာပါ ငါ မြေခွေးဖြူက မသေနိုင်တဲ့ အမတပါ ဒါကို ကောင်းကောင်းမှတ်ထားနော်... ငါက ဖောက်ခွဲ ကောင်းကင်ဂိုဏ်းရဲ့ ဘွားဘွားပဲ"

ဆံပင်ဖြူကလေးမလေးသည် မျက်ရည်များကို သုတ်ရင်း နှုတ်ခမ်းစူကာ လေးနက်ဟန်ဆောင်လိုက်သည်။ သူမက နာမည်ကြီး ကြယ်ပွင့်များ၏ မြင်ကွင်းကို အတုယူကာ လက်ချောင်းလေးများကို မြှောက်လိုက်ရင်း။

"ဒီ​နေ့ မင်း ဒီအဘွားကြီးရဲ့တပည့်​ကို ဒဏ်​ရာရ​အောင် လုပ်လိုက်​လို့ ငါ မင်းဆီ​ အရောက်​လာခဲ့တာ​!"

"ကျစ် သူတို့ ယုံမယ်လို့ ထင်လား"

ချင်းယန်သည် ရယ်မောသံကြောင့် မတုန်မလှုပ် သမ်းဝေကာ သူ့စာအုပ်ကို အေးအေးဆေးဆေး လှန်လှောရင်း ဖြူစင်သော ကလေးမလေး၏ ပြက်လုံးများကို လျစ်လျူရှုလျက် သူ့စာအုပ်ထဲကိုသာ အာရုံစိုက်နေခဲ့သည်။

မရေမတွက်နိုင်သော နယ်ပယ်များမှ တန်ခိုးကြီးသော သတ္တဝါအားလုံးကို သူ့ကိုယ်ပွားများဖြင့်သာ စေလွှတ်ခဲ့သည်။

သူ ဘာဆက်လုပ်နိုင်မလဲ။

သူ လိုချင်သလောက် ဆက်လှည့်စားရမှာပေါ့။

လျိုဝူရွှမ်းတို့နှစ်ယောက်ကို လုံးလုံး လှည့်စားနိုင်မှာတော့ သူသေချာသည်။

"ဘာတွေ ပေါက်ကွဲနေတဲ့ ကောင်းကင်ဘုံကဂိုဏ်းလဲ...ဟိုငတုံးနှစ်ယောက်ကို ကြည့်ကြည့်လိုက်... တစ်ယောက်က ပြောရဲဆိုရဲနဲ့ နောက်တစ်ယောက်က မယုံရဲဘူး... သခင် သူတို့ကို ရူးသွပ်သွားအောင် မလှည့်စားရဲဘူးလား..."

ရှောင်ပိုင်သည် ဆိုဖာအစွန်းတွင် ထိုင်ကာ ချင်းယန်ကို ဖက်ထားရင်း အော်ဟစ်လိုက်သည်။

"သခင် ငတုံးကို လိမ်တာက ဥပဒေကို ဆန့်ကျင်တယ်နော် ကောင်းကင်ဖုံးလက်ဝါး ဆိုတဲ့ အမည်ပြောင်က ရိုင်းစိုင်းလွန်းတယ်.. ဒီနတ်သမီးတော့ သခင့်ကို တစ်နှစ်ပတ်လုံး လှောင်ရတော့မယ်"

"..."

ချင်းယန်သည် ဆိုဖာပေါ်တွင် လှဲလျောင်းနေပြီး ညာဖက်မျက်လုံးကို အခြားလက်ဖြင့် အုပ်ထားကာ သူပြောင်းသွားသည့် အခင်းအကျင်းမှ အခြေအနေကို စစ်ဆေးရန် သူ၏ သွေးမျှော့ အမြင်အာရုံမျှဝေမှုကို အသက်သွင်းလိုက်သည်။

ဒါကိုကြားတော့ သူ့နှုတ်ခမ်းတွေ အနည်းငယ် တွန့်ကွေးသွားကာ လက်ပြန်ချလိုက်သည်။

"မင်း သိချင်လား... ငါ့မှာနာမည်ပြောင် ရှိသေးတယ်"

"ဘာလဲ?"

ရှောင်ပိုင်မှာ တစ်ခုခုမှားနေတာကို ခံစားလိုက်ရပြီး နောက်ကဖင်ကိုပိတ်ပြီး ထွက်ပြေးဖို့ ကြိုးစားပေမယ့် မလှုပ်ရသေးခင်မှာပဲ ချင်းယန်က ရှောင်ပိုင်ရဲ့ ခေါင်းကို လက်တစ်ဖက်နဲ့ ဆုပ်ကိုင်လိုက်ပြီး အေးစက်စွာ ရယ်မောလိုက်လေ၏။

"ဒီသခင်ရဲ့ နာမည်က မြေခွေးအမွေးချွတ်တဲ့... ငါက မင်းလို မြေခွေးလေးတွေကို အရေခွံခွာတဲ့ နေရာမှာ ကျွမ်းကျင်တယ်!!"