ဂိုဏ်းချုပ်လင်း.. ခင်ဗျား ဒါကို ချင်မုဂိုဏ်းကလူတွေ မသိစေချင်ဘူး မဟုတ်လား(၃)။

သို့သော် ယခု ကျိုးစွေ့ ပေါ်လာခဲ့သည်။ သူ၏ ပကတိယန် ခန္ဓာကိုယ်သည် သူမ၏ သစ်သား ကိုယ်ခန္ဓာ အသွင်ပြောင်းလဲခြင်း ပြဿနာကို ဖြေရှင်းရာတွင် ကူညီပေးနိုင်ပုံ ရသည်။

တူနှစ်ကိုယ်ကျင့်ကြံခြင်း တစ်ကြိမ် ပြုလုပ်ပြီးနောက်၊ လင်းယာကျူ သည် မူလက သစ်သား အသွင်ပြောင်းခြင်း၏ သားကောင် ဖြစ်နေသော သူမ၏ ခန္ဓာကိုယ်သည် သက်သာရာ ရသွားပြီး၊ ခန္ဓာကိုယ် အတွင်းရှိ သစ်သားဓာတ် ကျင့်ကြံမှုစွမ်းအားသည်ပင် ပြန်လည် တက်ကြွလှုပ်ရှားလာကြောင်း ဝမ်းမြောက်စွာ တွေ့ရှိလိုက်ရသည်။

ဤအချက်က သူမသည် ချင်မုဂိုဏ်းမှ ရှေ့လူများ၏ ခြေရာကို လိုက်စရာ မလိုတော့ကြောင်း ညွှန်ပြနေသည်။ သူမ၏ နှလုံးသားထဲမှ ပျော်ရွှင်မှုကို စိတ်ကူးကြည့်နိုင်သည်၊ ၎င်းကို ရိုးရှင်းစွာ ဖော်ပြ၍ မရနိုင်ပေ။

"အဲ့ဒီယောက်ျားက ငါ့ရဲ့ ကျင့်ကြံမှုကို တကယ်ပဲ ကြီးကြီးမားမား ကူညီပေးတာပဲ.." လင်းယာကျူ အလွန် စိတ်လှုပ်ရှားနေသည်။

အမှန်တကယ်တွင်၊ ကျိုးစွေ့ က ရှန်ပိချန်ကို ထိုက်ယင် စိတ်ဝိညာဉ်မီးပြဿနာ ဖြေရှင်းပေးခဲ့ကြောင်း သိလိုက်ရကတည်းက၊ သူမ ဤယောက်ျားကို ရဖို့ မစောင့်နိုင်တော့ပေ။ ဤယောက်ျားသည် သူမ၏ ကျင့်ကြံခြင်း ပြဿနာများကို ဖြေရှင်းပေးနိုင်မည်မှာ သေချာပေသည်။ ကံမကောင်းစွာဖြင့်၊ လွန်ခဲ့သော ငါးနှစ်တာ ကာလအတွင်း သူမ အခွင့်အရေး မရခဲ့ပေ။

ယခုမှသာ ဝူကျိမဟာမိတ်အဖွဲ့၏ ပင်လယ်ပြင် ဧရိယာနှင့် ကျွန်းပေါ်သို့ ရောက်ရှိလာသောအခါမှ၊ သူမ ဤယောက်ျားနှင့် နှစ်ယောက်တည်း ရှိနေရန် အခွင့်အရေး ရရှိခဲ့သည်။

အပေါ်ယံတွင် ကျိုးစွေ့ က သူမကို ရရှိသွားသကဲ့သို့ ထင်ရသည်။ သို့သော် အမှန်တကယ်တွင် သူမက သူ့ကို ရရှိလိုက်ခြင်း ဖြစ်သည်။ သူမသာ ခွင့်မပြုပါက အခြေတည်အဆင့်သို့သာ ရောက်ရှိထားသော ကျင့်ကြံသူတစ်ဦးသည် သူမကဲ့သို့ ရွှေအမြုတေ ဆရာသခင်တစ်ဦးကို မည်သို့ ချဉ်းကပ်နိုင်မည်နည်း။

သူမသည် အပေါ်ယံတွင် သားကောင် ဖြစ်သော်လည်း၊ အမှောင်ထဲတွင်မူ မုဆိုး ဖြစ်သည်။

"ငါတို့ ချင်မုဂိုဏ်းရဲ့ ချင်မုအသက်ရှည်ခြင်း ပညာရပ်မှာ နောက်ဆုံးတော့ အဖြေ ရှိသွားပြီ"

လင်းယာကျူ သူမ၏ လက်သီးသေးသေးလေးကို ဆုပ်လိုက်သည်။ အမှန်အတိုင်းဆိုရလျှင်၊ ချင်မုဂိုဏ်း၏ စစ်မှန်သော မျိုးဆက်အမွေအနှစ် ဖြစ်သည့် ချင်မုအသက်ရှည်ခြင်း ပညာရပ်သည် ရှေးဟောင်းအပျက်အစီးတစ်ခုမှ ချင်မုဂိုဏ်း ကို တည်ထောင်သူ ဆရာသခင်က လက်ဆင့်ကမ်းရရှိခဲ့ခြင်း ဖြစ်သည်။

ဤနည်းစနစ်သည် ရာစုနှစ်များစွာ ကြာရှည်တည်တံ့ခဲ့သော ချင်မုဂိုဏ်း ကို တည်ထောင်ပေးခဲ့သည်။ ဤနည်းစနစ်သည် အဆုံးမရှိသော နက်နဲမှုများနှင့်အတူ နတ်ဘုရားအသွင်ပြောင်း နယ်ပယ်သို့ တိုက်ရိုက် ညွှန်ပြနေသည်။

ထို့အပြင်၊ သင်ယူကျင့်ကြံရန်လည်း အလွန် ရိုးရှင်းသည်။ အဆင့်နိမ့် စိတ်ဝိညာဉ်အမြစ်ရှိသူပင်လျှင် ဤနည်းစနစ်ကို ကျင့်ကြံနိုင်သည်။ ထို့အပြင်၊ ဤနည်းစနစ်သည် တူညီသော အဆင့်ရှိ မည်သည့် ကျင့်ကြံသူထက်မဆို လူတစ်ဦး၏ သက်တမ်းကို သိသိသာသာ မြှင့်တင်ပေးနိုင်သည်။

ဥပမာအားဖြင့် အခြား ရွှေအမြုတေ ကျင့်ကြံသူများသည် နှစ် ၅၀၀ခန့်သာ နေထိုင်နိုင်သည်။ သို့သော် တစ်စုံတစ်ယောက်သည် ချင်မုအသက်ရှည်ခြင်း ပညာရပ်ကို လေ့ကျင့်ပါက၊ နှစ် ၆၀၀မှ ၇၀၀အထိ အသက်ရှင် နေထိုင်နိုင်သည်။ အခြား ကျင့်ကြံသူများထက် နှစ်ပေါင်း တစ်ရာမှ နှစ်ရာအထိ ပိုမို အသက်ရှည်သည်။

ဤအချက်က အခြား နည်းစနစ်များနှင့် မယှဉ်နိုင်သော ဤနည်းစနစ်၏ ထူးခြားမှုကို ပြသနေသည်။ သူမသည် အသက် ၃၀၀ဝန်းကျင် ရှိပြီဟု ထင်ရသော်လည်း၊ တကယ်တမ်းတွင် သူမသည် အခြား ရွှေအမြုတေ ကျင့်ကြံသူများထက် ငယ်ရွယ်နေသေးသည်။

ဝမ်းနည်းစရာမှာ၊ ဤနည်းစနစ်သည် ထင်သလောက် ကျင့်ကြံရန် မလွယ်ကူခြင်းပင် ဖြစ်သည်။ အထူးသဖြင့် ရွှေအမြုတေ နယ်ပယ်သို့ ဝင်ရောက်ပြီးနောက်၊ သစ်သားဓာတ် မှော်စွမ်းအား၏ တိုက်စားမှုကြောင့် ခန္ဓာကိုယ်သည် သစ်သား အသွင်ပြောင်းခြင်း လက္ခဏာများ ပြသလာသည်။ ယခင် ချင်မုဂိုဏ်း ခေါင်းဆောင်တိုင်း ဤအခြေအနေကို ကြုံတွေ့ခဲ့ရပြီး သစ်ပင်ကြီးများအဖြစ် ပြောင်းလဲသွားခဲ့ကြသည်။

မှန်ပေသည်၊ ဤပြဿနာကို ဖြေရှင်းနိုင်မည့် နည်းလမ်းများ ရှိသည်။ ပထမနည်းလမ်းသည် သစ်သား အသွင်ပြောင်းခြင်း အခြေအနေကို ပြောင်းပြန်လှန်ပေးနိုင်သည့် နှစ်တစ်သောင်း မြေကမ္ဘာအဆီအနှစ် စိတဝိညာဉ်ရည်ဟု ခေါ်သော အထူး စိတ်ဝိညာဉ်ဆေးဝါးကို ရှာဖွေရန် ဖြစ်သည်။

သို့သော် ယင်းသည် အင်မော်တယ်မြူခိုးကျွန်းတွင် မရှိချေ။ ချန်လန်ပင်လယ်၏ ကျယ်ပြောလှသည့် နယ်မြေတွင်ပင် ကြားသာကြားဖူးပြီး မမြင်ဖူးသော ဒဏ္ဍာရီလာ ပစ္စည်းတစ်မျိုး ဖြစ်၏။

ထို့ကြောင့် မျိုးဆက်အလိုက် ချင်မုဂိုဏ်း ခေါင်းဆောင်များသည် သူတို့ကိုယ်သူတို့ သစ်သားအဖြစ် ပြောင်းလဲကာ သစ်ပင်များအဖြစ် အသွင်ပြောင်းသွားသည်ကို လက်ပိုက်ကြည့်နေရုံသာ တတ်နိုင်ခဲ့ကြသည်။

သို့သော် ယခု အခြေအနေ ပြောင်းလဲသွားပြီ ဖြစ်သည်။ မည်သည့် ယခင်ဂိုဏ်းချုပ်မျှ မဖြေရှင်းနိုင်ခဲ့သော ပြဿနာတစ်ခုသည် သူမ၏ မျိုးဆက်တွင် ဖြေရှင်းပြီး ဖြစ်သည်။

ဤယောက်ျားသည် သူမကို ဝိညာဉ်သန္ဓေသားအဆင့် ဖွဲ့စည်းနိင်ရန် အခွင့်အရေး ပေးသည့် ရှားပါး စိတ်ဝိညာဉ်ဆေးဝါး တစ်လက်ပင်။

"နှမြောစရာပဲ.. ဒီယောက်ျားကို တစ်ယောက်တည်း ပိုင်ဆိုင်ခွင့် ရရင် ကောင်းမှာပဲ.." လင်းယာကျူ အနည်းငယ် နောင်တရမိသည်။

ဖြစ်နိုင်မည်ဆိုလျှင်၊ ဤယောက်ျားကို ပြန်ပေးဆွဲကာ တခြား မိန်းမများနှင့် မမျှဝေဘဲ သူမ တစ်ယောက်တည်း သိမ်းထားချင်မိသည်။

နေ့ရောညပါ မူစကူဒူးလိုက်ရင်ဖြင့်၊ သူမ မကြာခင် ဝိညာဉ်သန္ဓေသားအဆင့် ဖွဲ့စည်းခြင်းကို ရရှိဖို့ အခွင့်အလမ်း ရှိကောင်း ရှိလာနိုင်ပေသည်။

သို့သော် သေချာစဉ်းစားပြီးနောက် သူမ ထိုအကြံအား လက်လျှော့လိုက်သည်။ သူမ ရှန်ပိချန်နှင့် လန်ယွဲ့ရှ်တို့ကြောင့် ကိုယ့်ကိုယ်ကိုယ် ဒုက္ခမပေးချင်ပေ။

"ထားလိုက်ပါတော့.. ဖြည်းဖြည်းချင်း သွားတာ ပိုကောင်းပါတယ်.."

"ရှန်ပိချန်... အဆုံးသတ်မှာတော့ နင် ငါ့ကို ယှဉ်နိုင်မှာ မဟုတ်ပါဘူး.."

"ချစ်သူတစ်ယောက်က လက်တွဲဖော်ထက် ပိုကောင်းတယ်.."

"အိမ်က ပန်းတွေထက် တောပန်းတွေက အမြဲတမ်း ပိုမွှေးတယ်မလား.."

လင်းယာကျူ အနည်းငယ် ပြုံးလိုက်သည်။ သူမ၏ ညှို့ယူဖမ်းစားနိုင်သော ဆွဲဆောင်မှုရှိသည့် အပြုံးက နှလုံးသားများကို ဖမ်းစားနိုင်စွမ်း ရှိသည်။

သူမသည် ယခင်က အပျိုစင် တစ်ဦး ဖြစ်ခဲ့သော်လည်း၊ သူမ၏ ရှည်လျားသောသက်တမ်းက သူမအား ကျယ်ပြန့်သော လောကအသိပညာများကို ပေးသနားခဲ့သည်။ သူမ ဝက်သား မစားဖူးလျှင်ပင်၊ ဝက်ပြေးသည်အား မြင်ဖူးပေသည်။ လောကကြီးထဲက ယောက်ျားအားလုံးသည် အမျိုးအစား အတူတူသာ ဖြစ်၏။

…

ရက်အနည်းငယ်ကြာပြီးနောက်...။

ရေကြယ်ကျွန်း၊ အင်မော်တယ်ရှားဂိုဏ်း။

တစ်လကျော် တည်ဆောက်ရေး လုပ်ငန်းများ လုပ်ဆောင်ပြီးနောက်၊ ရေကြယ်ကျွန်းသည် အတော်လေး ခမ်းနားထည်ဝါ နေပြီ ဖြစ်သည်။ တောင်ထိပ်တိုင်းတွင် ရိုးရှင်းသော အဆောက်အအုံ အများအပြားကို တည်ဆောက်ထားသည်။

ကျွန်းသည် နေထိုင်သူ သုံးထောင်ကို လက်ခံနိုင်လောက်အောင် ကျယ်ဝန်းပြီး၊ များပြားလှသော ကျင့်ကြံသူများ နေထိုင်လေ့ကျင့်ရန် လုံလောက်သော နေရာ ဖြစ်သည်။

အရေးကြီးဆုံးမှာ၊ တတိယအဆင့် စိတ်ဝိညာဉ်စုစည်းခြင်း အစီအရင်နှင့် တတိယအဆင့် ထိပ်တန်း ခရမ်းမြူခိုးယင်ယန်အစီအရင်တို့ကို ခင်းကျင်းတည်ဆောက်ထားခြင်းက ပြင်ပကျူးကျော်မှုများကို ပြိုင်ဘက်ကင်းစွာ ကာကွယ်ပေးထားသည်။ ဤအချက်က အင်မော်တယ်ရှားဂိုဏ်းမှ ကျင့်ကြံသူများကို လုံခြုံမှု ခံစားချက် ပေးစွမ်းသည်။

ဤအခိုက်အတန့်တွင် ရေကြယ်ကျွန်း၏ အမြင့်ဆုံး တောင်ထိပ်ဖြစ်သော အင်မော်တယ်ရှားဂိုဏ်း၏ ပင်မတောင်ထွတ်တွင် တတိယအဆင့် ဝိညာဉ်ကြော၏ အရင်းအမြစ် တည်ရှိနေသည်။

အင်မော်တယ်ရှားတောင်ထွတ်ဟု အမည်ပေးထားသော ဤတောင်ထွတ်သည် ဂိုဏ်းချုပ်၏ နေထိုင်ရာ နေရာလည်း ဖြစ်သည်။ အခြား အခြေတည်အဆင့် အကြီးအကဲများတွင်လည်း သူတို့၏ ကိုယ်ပိုင် တောင်များ ရှိကြသည်။

ဤနေရာသည် ကျိုးစွေ့ နှင့် သူ၏ ဇနီးမယားများအတွက် သဘာဝအတိုင်း နိဗ္ဗာန်ဘုံတစ်ခု ဖြစ်သည်။

"ယောက်ျား... ရှင့်ရဲ့ ကျင့်ကြံမှုက အခြေတည်အဆင့် နှောင်းပိုင်းအဆင့်ကို ဒီလောက် မြန်မြန် ရောက်လာလိမ့်မယ်လို့ ကျွန်မ မထင်ထားခဲ့ဘူး.."

"အခုဆိုရင် ရွှေအမြုတေ နယ်ပယ်က ယောက်ျားအတွက် သိပ်မဝေးတော့ဘူးလို့ ကျွန်မ သံသယ ရှိတယ်.."

ကျိပင်းယွီက ခံစားချက်အပြည့်ဖြင့် ပြောလိုက်သည်။

ကျိုးစွေ့ ၏ အရှိန်အဝါသည် ယခုအခါ အခြေတည်အဆင့် နှောင်းပိုင်းအဆင့် ကျင့်ကြံသူတစ်ဦး၏ အရှိန်အဝါ ဖြစ်နေသည်ကို သူမ သတိပြုမိလိုက်သည်။ သူတို့ စတွေ့တုန်းက သူသည် ချီသန့်စင်ခြင်း အဆင့်(၁)ရှိ ကျင့်ကြံသူလေး တစ်ဦးမျှသာ ဖြစ်သည်။ ယခု သူသည် သူမကို ကျော်တက်သွားပြီး အခြေတည်အဆင့် နှောင်းပိုင်းသို့ ရောက်ရှိနေပြီ ဖြစ်သည်။

ထို့အပြင်၊ သူ့အသက်သည် လေးဆယ် ပြည့်ရုံသာ ရှိသေးသည်။

ဤကဲ့သို့သော တိုးတက်မှု နှုန်းသည် လန်ယွဲ့ရှီ၏ ခေတ်ထက်ပင် ပိုမို မြန်ဆန်နေသည်။ သူမခင်ပွန်း၏ ကျင့်ကြံမှု ဤမျှလျင်မြန်စွာ တိုးတက်နေသဖြင့် သူ့တွင် အဆင့်နိမ့် စိတ်ဝိညာဉ်အမြစ် အမှန်တကယ် ရှိရဲ့လားဟုပင် သူမ သံသယ ဝင်မိသည်။

မည်သို့ပင်ဆိုစေကာမူ၊ ပဉ္စမအဆင့် စိတ်ဝိညာဉ်အမြစ်ရှိသော သူမသည် အခြေတည် အလယ်အလတ်အဆင့်ကိုပင် မဖောက်ထွက်နိုင်သေးပေ။

အခြေတည်အဆင့်တွင် ကျင့်ကြံခြင်းသည် မည်မျှ ခက်ခဲကြောင်း ထင်ရှားနေသည်။

"အဲ့ဒီကို ရောက်ဖို့ ဝေးပါသေးတယ်.."

"အမြုတေ ဖွဲ့စည်းခြင်း အောင်မြင်ဖို့ဆိုရင် မှော်စွမ်းအားကို ပြီးပြည့်စုံစွာ ပိုင်နိုင်ဖို့ လိုအပ်တယ်.."

"ပြီးတော့ ငါ့ရဲ့ ဒန်တျန် ချီပင်လယ်က သာမန် အခြေတည်အဆင့် ကျင့်ကြံသူတွေထက် ပိုကြီးတယ်.."

"ဒါကြောင့်.. ငါ မှော်စွမ်းအား ပိုစုဆောင်းဖို့ လိုအပ်တယ်.. အဲ့ဒါက အချိန် ပိုကြာစေတယ်"

"အခြေတည်အဆင့် ပြီးပြည့်စုံမှုကို ရောက်ဖို့ အနည်းဆုံး ဆယ်နှစ်လောက် ကျင့်ကြံရဦးမယ်.."

ကျိုးစွေ့ ခေါင်းခါလိုက်သည်။

သူ၏ ကျင့်ကြံမှုအရှိန်နှုန်းသည် ထင်သလောက် မမြန်ဆန်ပေ။ အကယ်၍ သူ၏ ရွှေအမြုတေ တာအိုလက်တွဲဖော်နှစ်ဦး၏ အကူအညီသာ မပါဝင်ခဲ့လျှင်၊ အခြေတည်အဆင့် အလယ်အလတ်အဆင့်သို့ တိုးတက်ခြင်းကပင် ကြီးမားသော အောင်မြင်မှုတစ်ခု ဖြစ်နေပေလိမ့်မည်။ ယခုကဲ့သို့ အဆင့်မျိုး ရောက်ရှိရန် နည်းလမ်း ရှိမည် မဟုတ်ပေ။

မည်သို့ပင်ဆိုစေကာမူ၊ သူသည် လောလောဆယ်တွင် ပဉ္စမအဆင့် စိတ်ဝိညာဉ်အမြစ်သာ ဖြစ်သေးသည် မဟုတ်ပါလော။

"ဆယ်နှစ်တောင် တော်တော် မြန်နေပါပြီ.."

"တခြား အခြေတည်အဆင့် နှောင်းပိုင်း ကျင့်ကြံသူတွေဆိုရင် ပြီးပြည့်စုံတဲ့ အဆင့်ကို ရောက်ဖို့ အနည်းဆုံး နှစ်ငါးဆယ်လောက် လိုတာ.."

"မကြာခင်မှာပဲ ယောက်ျားက အင်မော်တယ်ရှားဂိုဏ်းရဲ့ ဒုတိယမြောက် ရွှေအမြုတေ ကျင့်ကြံသူ ဖြစ်လာလိမ့်မယ်လို့ ကျွန်မ ထင်တယ်.."

မုဇီယန်က ကျိုးစွေ့ကို ချစ်ခင်မြတ်နိုးစွာ ကြည့်လိုက်ပြီး၊ မျက်နှာပေါ်တွင် ပျော်ရွှင်မှုများ ပြည့်နှက်နေသည်။

ငယ်စဉ်က သူမ၏ အနာဂတ်ခင်ပွန်းသည် ရွှေအမြုတေ ဆရာသခင်တစ်ဦး ဖြစ်လာလိမ့်မည်၊ သူမက သူ့ထက် အသက်ကြီးနေလိမ့်မည်ဟု တစ်စုံတစ်ယောက်က ပြောခဲ့လျှင်၊ သူတို့ ရူးနေပြီဟု သူမ သေချာပေါက် ထင်မိပေလိမ့်မည်။ ယင်းသည် သူမ အိပ်မက်ပင် မမက်နိုင်ခဲ့သည့်အရာတစ်ခုပင်။

"ယောက်ျားရဲ့ ပါရမီနဲ့ဆိုရင်.. အမြုတေ ဖွဲ့စည်းခြင်း အောင်မြင်ဖို့က သေချာပေါက် ပြဿနာ မဟုတ်ပါဘူး.."

ရှားကျင်းယန်က သူမ၏ လက်သီးသေးသေးလေးကို ဆုပ်လိုက်သည်။ ကျိုးစွေ့အပေါ် ယုံကြည်မှု အပြည့်ရှိပြီး၊ သူတို့ တွေ့ဆုံချိန်ကတည်းက သူ တစ်စုံတစ်ရာ ကျရှုံးသည်ကို သူမ မမြင်ဖူးခဲ့ပေ။ သူသည် မည်သည့်အရာကိုမဆို စွမ်းဆောင်နိုင်ပုံ ရသည်။