အခန်း (၆၇၄-၆၇၆)

အခန်း ၆၇၄ - မိစ္ဆာဘုရင်သည် တကယ်ပဲ မရှုံးနိမ့်နိုင်သူလား

【ဗုံး!】

ကြီးမားသော ပေါက်ကွဲမှုတစ်ခု ရုတ်တရက် ဖြစ်ပေါ်လာသည်။

လှိုင်းလုံးကဲ့သို့ တက်လာသော ထိတ်လန့်တုန်လှုပ် စရာပေါက်ကွဲမှုက ယဲ့ယွီကို ဆယ်လှမ်းခန့် နောက်ဆုတ်သွားစေသော်လည်း သူ၏ လက်သည် ချူးဝမ်မျောင်၏ ဝိညာဉ်ကို ညှပ်တူပမာ မြဲမြံစွာ ဆုပ်ကိုင်ထားဆဲ ဖြစ်သည်။

ရှေ့ကို ကြည့်လိုက်သောအခါ ပေါက်ကွဲမှုကြောင့် ဖြစ်ပေါ်လာသော မီးခိုး တိမ်တိုက်များ သိပ်သီးထူထပ်စွာလွင့်ပြန်‌ေနသည်။

ယဲ့ယွီ၏ မျက်နှာအမူအရာက လေးနက်လာသည်။

ဘာကြောင့်လဲဆိုတော့ သူသည် အလွန် ကြောက်မက်ဖွယ်ကောင်းသောအရှိန်အဝါ ဩဘာကို ရှေ့မှာ ရှင်းရှင်းလင်းလင်း ခံစားနိုင်ခဲ့သောကြောင့် ဖြစ်သည်။

【မိစ္ဆာသခင်ဘုံ ကျင့်ကြံမှုအဆင့်ကိုပင် အလွန် ကျော်လွန်သော အဆင်မြင့်ဆုံးမိစ္ဆာကောင်ရောက်ရှိလာခြင်းဖြစ်သည်။!】

【မိစ္ဆာစွမ်းအင် ပြန်လည် နိုးထမှုကို ပြန်လည် သတိရလိုက်သည်။】

ဒါဟာ... မိစ္ဆာဘုရင်အဆင့်ရှိ ကျင့်ကြံသူ ဖြစ်နိုင်မလား...?

(မိစ္ဆာများ၏ ဘုံများမှာ- မိစ္ဆာ နတ်အဆင့် လျှို့ဝှက်ဆန်းကြယ်သော မိစ္ဆာအဆင့်၊၊ မြေမိစ္ဆာအဆင့်၊ ကောင်းကင်မိစ္ဆာအဆင့်၊ ရွှေမိစ္ဆာအဆင့်၊ မိစ္ဆာသခင်အဆင့် ၊ မိစ္ဆာဘုရင်အဆင့်၊ မိစ္ဆာဧကရာဇ်အဆင့်

မကြာမီ အငွေ့များ ပျောက်ကွယ်သွားပြီး ဧရာမ ရေပုံးပုံစံ ကဲ့သို့သော ပုံရိပ်တစ်ခု ယဲ့ယွီရှေ့တွင် ပေါ်လာသည်။

ဟုတ်ပါတယ်၊ ဒါဟာ ရေပုံးတစ်ခုပါ။

【၁.၆ မီတာ မြင့်ပြီး ၁.၆ မီတာ ကျယ်တဲ့ အမျိုးအစားပါ။】

【လုံးဝန်းသော ရေပုံး။】

【သူ့မျက်နှာမှာလည်း တော်တော်လေး ရှည်လျားပြီး မျက်စိပသာဒရှိသော မုတ်ဆိတ်နှစ်ချောင်း ပါရှိသည်။】

ဒါက ခုနကရုပ်ထုကြီးရဲ့ ပုံစံရှိတဲ့ မိစ္ဆာကောင်ပဲ ဒါပေမယ့် ဒီကောင်ကတော့ပိုသေးတယ်။

သူ့ရဲ့ အသွင်အပြင်ကို ကြည့်ရတာ ခေါင်းကြီး ကိုသေး ငါးကြီး တစ်ကောင် ဖြစ်ပုံရသည်။

သူ့ကို မြင်လိုက်သောအခါ အားအင် ကုန်ခမ်းနေခဲ့သော ချူးဝမ်မျောင်သည် ချက်ချင်း စိတ်လှုပ်ရှားသွားသည်။

【သူမ အော်ဟစ်လိုက်သည်- "သခင် အန်းဇီ၊ ခင်ဗျား နောက်ဆုံးတော့ နိုးလာပြီ! ကျွန်တော်က ချူးဝမ်မျောင်ပါ၊ ကျွန်တော့်ကို မှတ်မိသေးလား။"】

【အန်းဇီဟု ခေါ်သော ဝဝကစ်ကစ်ရှိသူက သူ့ရဲ့ လက်တို၊တိုလေးတစ်ချောင်းကို ဆန့်ထုတ်ပြီး ပါးစပ်ကိုယ်အုပ်ကာသမ်းလိုက်သည်။】

ထို့နောက် သူသည် တိတ်ဆိတ်နေပြီး လက်နှစ်ဖက်ဖြင့် ဗိုက်ကို ပွတ်သပ်ရင်းကိုင်ထားကာ မျက်နှာအမူအရာက ပုံစံနှင့်မလိုက်ဖတ်စွာ လေးနက်နေသည်။

【လတ်တလောသေဆုံးထားသော မိစ္ဆာသွေး၏ အငွေ့အသက်များ ရေထဲတွင် ဝေ့ဝဲနေစဉ်။】

【အန်းဇီသည် ရုတ်တရက် စိတ်လှုပ်ရှားလာပြီး ရေထုကြီး တစ်ခုလုံးကို အငမ်းမရ မြိုချတော့မည့်အလား ပါးစပ်ကို ကျယ်ကျယ်ဖွင့်ကာ မတ်တပ်ရပ်နေသည်။】

နောက် စက္ကန့်မှာတော့ ကြောက်မက်ဖွယ်ကောင်းသော စုပ်ယူမှု စွမ်းအားတစ်ခု ရုတ်တရက် ပေါ်လာသည်။

ပတ်ပတ်လည်မှာ တိုက်ခိုက်နေကြတဲ့ ရေနေမိစ္ဆာတွေအားလုံး အန်းဇီရဲ့ ဗိုက်ထဲကို တစ်ဝေးဝေး ‌အသံထွက်သည်အထိ လျင်မြန်စွာ စုပ်ယူခံလိုက်ရသည်။

အနီးဆုံးမှာရှိတဲ့ ယဲ့ယွီက တခြားမိစ္ဆာများထက် ပိုပြီး အန္တရာယ်ရှိနေသည်။

【သူသည် သူ၏ မိစ္ဆာစွမ်းအားအားလုံးကို ထုတ်လွှတ်လိုက်ပြီး ခြေဖဝါးတွေစုဆောင်းကာ ခိုင်မြဲစွာ ရပ်တည်နိုင်လိုက်သဖြင့် အန်းဇီရဲ့ မြိုချခြင်းကို ရှောင်လွှဲနိုင်ခဲ့သည်။】

လုပ်ငန်းစဉ်တစ်ခုလုံးသည် မွှေးတိုင်တစ်တိုင် လောင်ကျွမ်းကုန်ဆုံးသည်အထိကျသွားခဲ့သည်။

ယဲ့ယွီမှလွဲ၍ ပတ်ပတ်လည်ရှိ မိစ္ဆာအားလုံးကို အန်းဇီက မြိုချပစ်ခဲ့သည်။

ထိုစုပ်ယူမှုသည်အားပြင်းလွန်းလှသဖြင့်

ပင်လယ်ရေအဆင့်တစ်ခုလုံး အနည်းငယ် နိမ့်ကျသွားတာကိုတောင် ရှင်းရှင်းလင်းလင်း ခံစားနိုင်ခဲ့သည်။】

ဒါက လုံးဝ ကြောက်မက်ဖွယ်ရာပါ။

သူ၏ ဧရာမ ဗိုက်က အောက်ခြေမရှိသော တွင်းအနက်ကြီးဖြစ်နေတာလား။

【အင့်.... (လေချဉ်တက်သံ)】

အန်းဇီသည် ကြာရှည်စွာ လေချဉ်တက်လိုက်ပြီး ပင်လယ်ရေများစွာအပြင် သဲများစွာကိုပါ အန်ထုတ်လိုက်သည်။

ဒီအန်းဇီဆိုတဲ့ကောင်ကအရမ်းဆာနေတော့ရေတွေကောသဲတွေကိုတစ်ခါတည်းအကုန်လုံးကိုမျိုချလိုက်တော့အခုကျမှပြန်အံထုတ်နေတော့တယ်။ 【သူကဘာမှ မစဉ်းစားတော့ဘူး၊ နှစ်ပေါင်းများစွာအိပ်ပျော်ကာ ဘာမှမစားခဲ့ရတော့ အရေးကြီးဆုံးကတော့ အစားအစာကို ပါးစပ်ထဲ ရောက်ဖို့ပါပဲ၊ ကျန်တာတွေက အရေးမကြီးတော့ဘူး။】

အန်းဇီသည် သွားကြထိုးနေရင်း ချူးဝမ်မျောင်ကို တည်ငြိမ်စွာ ကြည့်လိုက်သည်။

【အိုး၊ ရှောင်မျောင်ပါလား! နှစ်ပေါင်း ထောင်သောင်းချီ ကြာခဲ့ပြီ။ မင်းလည်း သိပ် အခြေအနေ မကောင်းပုံရတယ်။】

【ရွှေမိစ္ဆာဘုံလေးပဲရှိသေးတဲ့ မျောက်မိစ္ဆာတစ်ကောင်ရဲ့ ဖမ်းဆီးခြင်းကို ခံခဲ့ရတာ! ဟုတ်လား။မင်းက အိုလာတော့တော်တော်ကိုအသုံးမကျဖြစ်လာတာပဲ။ဒါပေမယ့်မင်းကိုချီးကျူးစရာတစ်ခုတော့ရှိတယ်။ခုနကမင်းရဲ့သွေးအနံ့ကိုငါရခဲ့တယ်။မင်းကငါ့ရုပ်တုကိုမင်းအသွေးအသားနဲ့ပေါင်းစပ်ပြီးပက်ဖြန်းပေးခဲ့တာငါသိလိုက်ရတယ်။ "မင်းရဲ့ သွေးနဲ့ အလုံးစုံသော ဝိညာဉ် နတ်ပင်လယ်အရည် မပါရင် ငါ ဒီလောက် မြန်မြန် နိုးထလာမှာ မဟုတ်ဘူး!"

"ဒီ ခင်မင်ရင်းနှီးမှုကို ထည့်သွင်း စဉ်းစားပြီး ငါ မင်းကို ကူညီပေးပါ့မယ်။"

【ဒါပေမဲ့ ငါ အရင် ရှင်းရှင်းလင်းလင်း ပြောပါရစေ၊ မိစ္ဆာခန္ဓာကို ပိုင်ဆိုင်ဖို့နဲ့ ကိုယ့်ကိုယ်ကို ပြန်လည် ပုံဖော်ဖို့ စတဲ့ ကိစ္စတွေမှာ ငါ မကူညီပေးနိုင်ဘူး !】

ချူးဝမ်မျောင်သည် ချက်ချင်း အလွန် စိတ်လှုပ်ရှားလာသည်။

လက်ရှိမှာ သူ ဝိညာဉ်၏ အငွေ့အသက်တစ်ခုတည်းသာ ကျန်တော့သည်။ သူ၏ ပန်းတိုင်ကတော့ အသက်ရှည်စွာ နေထိုင်ပြီး သူ၏ အထွတ်အထိပ် ကျင့်ကြံမှု အဆင့်သို့ ပြန်လည် ကောင်းမွန်စေဖို့ ဖြစ်သည်။

နည်းလမ်းတစ်ခုတည်းသာ ရှိသည်- သူသိမ်းပိုက်ဝင်စားကာ ပြန်လည် မွေးဖွားရန် သင့်လျော်သော မိစ္ဆာခန္ဓာကို ရှာဖွေရန်ဖြစ်သည်။

ဒီကိစ္စက ခက်ခဲပေမဲ့ ချူးဝမ်မျောင်က နတ်ပင်လယ်အဖွဲ့အစည်းရဲ့ ခွန်အားနဲ့ သင့်လျော်တဲ့ မိစ္ဆာခန္ဓာကို ရှာဖွေဖို့ သိပ် မခက်ခဲသင့်ဘူးလို့ ယုံကြည်သည်။

ဒါကြောင့် သခင် အန်းဇီက သူ့ကို မိစ္ဆာခန္ဓာ ရှာပေးသည်ဖြစ်စေ မရှာပေးသည်ဖြစ်စေ အရေးမကြီးပါ။

【သူ့ကို ခုကယ်ပေးရင်အရာရာကလွယ်သွားမှာပဲ။ဆက် လုပ်ရမယ့်ကိစ္စတွေက အဓိပ္ပာယ်ရှိမှာပါပဲ!】

ဒီလို စဉ်းစားပြီး ချူးဝမ်မျောင်သည် လေထဲမှာ ချက်ချင်း ဒူးထောက်လိုက်သည်။

【"သခင် အန်းဇီ၊ ကျွန်တော့်ကို အသက်ကယ်ပေးတာ ကျေးဇူး အများကြီး တင်ပါတယ်။ ခင်ဗျားရဲ့ ကြင်နာမှုကို ကျွန်တော် ဘယ်တော့မှ မမေ့ပါဘူး..."】

【ချူးဝမ်မျောင် စကားမဆုံးမီ။】

ပြင်းပြသော မီးလျှံတစ်ခု လေထဲကနေ ရုတ်တရက် ပေါ်လာပြီး ချူးဝမ်မျောင်၏ ဝိညာဉ်တစ်ဝက်ကို ပြင်းထန်စွာလောင်ကျွမ်းပြီး မီးရှို့လိုက်သည်။

ပြင်းထန်သော နာကျင်မှုက သူ့ကို မြေပြင်ပေါ်တွင် နာကျင်စွာ လူးလဲစေခဲ့သည်။

လုပ်ဆောင်သူက အမြဲတမ်းလက်ဦးမှုကိုရယူတတ်သူ ယဲ့ယွီ ဖြစ်သည်။

သူသည် ချူးဝမ်မျောင်၏ မောက်မာသော အမူအရာကို မခံမရပ်နိုင်ဖြစ်ခဲ့သည်။

"ခင်ဗျားကသောက်သပ်ကြည့်ပြီးတော်တော်လေးကိုဟာသပြောတာပဲ။"

"ဒီ ခေါင်းကြီး ငါးကြီးက မင်းဒူးထောက်တောင်းပန်တာနဲ့ ပြောရင် တကယ် ကယ်တင်မှာလား။"

"သူက မိစ္ဆာဘုရင်ဘုံမှာ ရှိရင် ဘာဖြစ်လဲ။"

"ဒီအဆင့်လောက်ကိုမင်းတို့လိုငါးနုတွေကတော့အရမ်းအထင်ကြီးကြမှာပဲ။"

【အဟမ်း!】

တကယ်တော့ ဒီ မိစ္ဆာစွမ်းအင် ပြန်လည် နိုးထမှုရဲ့ အစောပိုင်း အဆင့်မှာ မိစ္ဆာဘုရင်တွေဟာ တကယ်ပဲ မရှုံးနိမ့်နိုင်ခဲ့ပါဘူး။

အကြောင်းရင်းက ရိုးရှင်းလွန်းသည်- မိစ္ဆာဘုံမှာ ဘေးအန္တရာယ် မဖြစ်ပွားမီကတောင် မိစ္ဆာဘုရင်ဘုံမှာ ရှိသူတွေဟာ အလွန် ရှားပါးပြီး ထူးခြားတဲ့ ပုဂ္ဂိုလ်တွေ ဖြစ်ခဲ့ကြတယ်။

မိစ္ဆာဧကရာဇ်ဘုံ သို့ရောက်ရှိအောင်ကျင့်ကြံနိုင်သောမိတ်ဆာဆိုသည်မှာ! နှစ်ပေါင်း သန်းနဲ့ချီအောင် ဒီအကြောင်းကို မကြားဖူးခဲ့ဘူး!】

【မိစ္ဆာဘုံကို အားကောင်းတဲ့ မိစ္ဆာဘုရင်တွေကပဲ အမြဲတမ်း အုပ်ချုပ်ခဲ့တယ်။】

မိစ္ဆာစွမ်းအင် ပြန်လည် နိုးထလာတဲ့အခါ မိစ္ဆာဘုရင်တစ်ပါးက မရှုံးနိမ့်နိုင်ဘူးလို့ ကြွေးကြော်တာက သူ့ကိုယ်သူအထင်ကြီးပြီးပရမ်းပတာပြောတယ်လို့ပြောလို့မရပါဘူး။

ထို့ကြောင့် အန်းဇီသည် လက်များကို နောက်ပစ်ပြီး ယဲ့ယွီကို လှောင်ပြောင်သော အမူအရာဖြင့် ကြည့်လိုက်သည်။

【ဆံပင်ဖြူ မျောက်မိစ္ဆာ၊ မင်း တကယ်ကို သတ္တိရှိတာပဲ! ဘာလဲ၊ ငါ ဒီ မိစ္ဆာကို ကာကွယ်မယ်လို့ ပြောတာကို မင်းက သူ့ကို နာကျင်အောင် လုပ်ရဲတာလား။ မင်း ငါ့ကို၊ မိစ္ဆာဘုရင်ကို ဒီနေရာမှာ မရှိဘူးလို့ ထင်နေတာလား။】

【ဒီ စကားတွေ ပါးစပ်ကနေ မထွက်မီမှာပင်။】

ကြောက်မက်ဖွယ်ကောင်းသော ဖိအားတစ်ခု ရုတ်တရက် ပေါ်လာသည်။

ယဲ့ယွီ ရပ်နေတဲ့ နေရာက ရုတ်တရက် ပြိုကျသွားပြီး ဧရာမ တွင်းနက်ကြီးတစ်ခု ဖြစ်ပေါ်လာသည်။

ပတ်ပတ်လည်ရှိ နေရာပင် ရေလှိုင်းကြီးများတလိပ်လိပ် လူးလာကာ ပြင်းထန်စွာမတည်မငြိမ် ဖြစ်စပြုလာသည်။

မိစ္ဆာဘုရင်တစ်ပါးရဲ့ ဖိနှိပ်မှု ဩဘာအရှိန်အဝါက ကြောက်မက်ဖွယ်ကောင်းပြီး စိတ်ကူးပင် မယဉ်နိုင်လောက်အောင် ဖြစ်သည်။

အန်းဇီသည် သက်သောင့်သက်သာ လျှောက်သွားသကဲ့သို့ တွင်း၏ အစွန်းသို့ လျှောက်သွားသည်။

အောက်ကို ကြည့်လိုက်တော့ ယဲ့ယွီဟာ တိုင်းတာလို့ မရနိုင်တဲ့ရေအောက်ကြမ်းပြင် အနက်ထိပပြားပြားဝတ်နေအောင် ဖိအားပေးခံထားရပြီး ဖြစ်သည်။

အန်းဇီကတော့ ပြောင်းသလိုနောက်သလိုလေသံဖြင့် ရိုးရိုးလေး ပြောသည်- "ရှောင်မျောင်ရဲ့ ဝိညာဉ်ကို ဒီဘုရင်ကြီးကို ရိုသေစွာ ပေးလိုက်ပါ။ ဖြစ်နိုင်ရင် စိတ်ကောင်းဝင်နေတဲ့ ဒီ မိစ္ဆာဘုရင်က မင်းကို ပြည့်စုံတဲ့ အလောင်းကောင်အဖြစ်တောင် သေခွင့်ပေးကောင်း ပေးလိမ့်မယ်။"

"မဟုတ်ရင် မင်း သမုဒ္ဒရာ အနက်ပိုင်းရဲ့ အဆုံးစွန်သော ထိတ်လန့်မှု နဲ့နာကျင်မှုကို ခံစားရလိမ့်မယ်!"

"မင်း ဘယ်လမ်းကို ရွေးမလဲဆိုတာကို တကယ်ပဲ သေချာ စဉ်းစားဖို့ လိုတယ်!"

ခဏတာကြာပြီးနောက် အောက်ကနေ တုံ့ပြန်မှု ဘာမှ မရှိသေးပါ။

ဒါက အန်းဇီကို အနည်းငယ် မျက်မှောင်ကြုတ်သွားစေသည်။

【မဖြစ်နိုင်ဘူး?!】

"မိစ္ဆာတွေရဲ့ ကိုယ်ခန္ဓာတွေက အခု ဒီလောက်ပဲ နုနယ်နေတာလား။ ဖိအားသက်သက်နဲ့ပဲ ရွှေမိစ္ဆာဘုံ အထွတ်အထိပ် မိစ္ဆာကို သတ်နိုင်တာလား။"

"ဒါက နည်းနည်း နုနယ်လွန်းမနေဘူးလား။"

"ရှောင်မျောင်ရဲ့ ဝိညာဉ်ကော။ ပျောက်သွားပြီလား။"

အန်းဇီ ဒီလို စဉ်းစားနေတုန်းမှာ သူ့ရဲ့ မျက်နှာအမူအရာက ရုတ်တရက် ပြင်းထန်စွာ ပြောင်းလဲသွားသည်။

သူ၏ ပုံရိပ်သည် ချက်ချင်း ထိုနေရာမှ ပျောက်ကွယ်သွားသည်။

【နောက်တစ်စက္ကန့်။】

【ဧရာမ မျောက်မိစ္ဆာရဲ့ ခန္ဓာကိုယ်တစ်ခု ပေါ်လာသည်။】

【ခမ်းနားထည်ဝါသော ထို‌ေမျာက်ကြီးသည် ပေတစ်သောင်း မြင့်ပြီး ပင်လယ်ထဲတွင် ခန့်ညားစွာ မတ်တပ်ရပ်နေသည်။】

သူသည် လက်သီးများကို ကျစ်ကျစ်ပါအောင် ဆုပ်ပြီး ကောင်းကင်နှင့် မြေကြီးကို ပစ်မှတ်ထားကာ သူ့အတွက်သာ ထူးခြားသော ဟိန်းဟောက်သံကို ထုတ်လွှတ်လိုက်သည်။

ဒီ ချက်ချင်းမှာပဲ ပင်လယ်ရေက နောက်ပြန် စီးဆင်းပြီး ဒီ ဧရိယာမှာ လေဟာနယ် ဇုန်တစ်ခုကို ဖန်တီးလိုက်သည်!

အန်းဇီသည် အနည်းငယ် မျှသာဝေးကွာသော အကွာအဝေးတွင် ရပ်နေရင်း မျက်လုံးများကို ရုတ်တရက် အံ့သြတကြီး ချဲ့လိုက်သည်။

【မယုံနိုင်စရာ- ကောင်းကင်မိစ္ဆာ သုတ်သင်ရေး နည်းစနစ် ဟုတ်လား။ ဒီ ကောင်လေးက ဒီလို မိစ္ဆာ နတ်ဘုံ နည်းစနစ်ကို ဘယ်လိုလုပ် သိနိုင်တာလဲ။】

၆၇၅

အခန်း ၆၇၅ - အစစ်အမှန်နှင့် ပွားယူထားသော ဗားရှင်းတို့၏ ခြားနားချက်

နတ်ပင်လယ်အဖွဲ့အစည်း၏ ဌာနခွဲခေါင်းဆောင် အန်းဇီသည် လွန်ခဲ့သော နှစ်ပေါင်း ၁၇၀,၀၀၀ ခန့်က ဘာအန်းပင်လယ် ဒေသတစ်ခုလုံးကို ဖိန့်ဖိန့်တုံအောင် လွှမ်းမိုးခဲ့သည်။

ပင်လယ်အောက်တွင်သာမက နာမည်ကျော်ရုံမက၊

【ကုန်းမြေပေါ်တွင်လည်း အလွန် ကျော်ကြားသော ပုဂ္ဂိုလ်ဖြစ်သည်။】

သူ၏ မိစ္ဆာ ဘုရင်အဆင့်သည် မိစ္ဆာ မျိုးနွယ် အချင်းချင်း အကြိမ်ရေ မရေမတွက်နိုင်သော တိုက်ပွဲများ၊ သေခြင်းနှင့် ရှင်ခြင်းတို့၏ ကြားတွင် အမြဲလိုလို ရပ်တည်နေရသော အသက်လုပွဲ အခြေအနေများမှတစ်ဆင့် ပိုင်ဆိုင်ခဲ့ခြင်း ဖြစ်သည်။

【ထို့အပြင် သူ့ သက်တမ်းမှာအလွန် ရှည်လျားပြီး ခေတ်အဆက်ဆက်ကိုဖြတ်ကျော်နိုင်ခဲ့သည် 】

အန်းဇီကို မိစ္ဆာ ဘုံ၏ သက်ရှိ ကျောက်ဖြစ်ရုပ်ကြွင်းဟု ခေါ်ဆိုခြင်းသည် ချဲ့ကားခြင်း မဟုတ်ပေ။

ချစ်ရှောင်း ယန်ကျွင်း ကဲ့သို့သော သတ္တဝါများသည် ကောင်းကင်မိစ္ဆာ သုတ်သင်ရေး နည်းစနစ်၏ မူရင်းကို မသိရှိနိုင်ပေ။

ဘာကြောင့်လဲဆိုတော့ သူတို့ရဲ့ တည်ရှိမှုဟာ အရမ်း တိုတောင်းခဲ့လို့ပဲ။

ယန်ရှောင်းနှင့် မတူဘဲ အန်းဇီက ကောင်းကင်မိစ္ဆာ သုတ်သင်ရေး နည်းစနစ်သည် လွန်ခဲ့သော နှစ်ပေါင်း နှစ်သိန်းနီးပါးက မိစ္ဆာ ဘုံတွင် အစွမ်းအထက်ဆုံး ကျင့်ကြံခြင်း နည်းစနစ်အဖြစ် လူသိများခဲ့ကြောင်း ကောင်းကောင်း သိခဲ့သည်။

ဒီ မိစ္ဆာ နည်းစနစ်ကို ဖန်တီးခဲ့သူဟာ ပိုင်အန်းရှာ လို့ အမည်ရတဲ့ ကျိုင်းကောင်မိစ္ဆာ ဘုရင် ဖြစ်သည်။

သူသည် အံ့မခန်း အစွမ်းထက်သည်။ သူ၏ အရိုးဓားနှစ်ချောင်းသည် လွှာစက်ကြီးနှစ်ခုလို မရပ်မတန့် တိုက်ခိုက်နိုင်သည်။

သို့သော်လည်း သူ၏ ခန္ဓာကိုယ်က သေးငယ်သောကြောင့် ဒုက္ခများစွာ ခံစားခဲ့ရသည်။

【ထို့နောက် ရုတ်တရက်ဉာဏ် အလင်းပွင့်လာချိန်တွင် သူသည် ကောင်းကင်မိစ္ဆာ သုတ်သင်ရေး နည်းစနစ်ကို ဖန်တီးခဲ့သည်။】

【ကျိုင်းကောင်၏ ခန္ဓာကိုယ်ဖြင့် ကောင်းကင်နှင့် မြေကြီးတို့ကြားရှိသူရဲကောင်းများနှင့် ပခုံးချင်းယှဉ် ရပ်တည်နိုင်သည်။】

【သူသည် မိစ္ဆာ ဘုရင်ဘုံ အစောပိုင်း အဆင့်ရှိ ကျင့်ကြံမှု အဆင့်ဖြင့်ပင် မိစ္ဆာ ဘုရင် ဆယ့်သုံးပါးကို တိုက်ပွဲတစ်ခုတည်းတွင် သုတ်သင်ဖျက်ဆီးခဲ့ပြီး တစ်ခါတည်းနှင့် နာမည်ကျော်ကြားခဲ့သည်။】

ဒီ ဆယ့်သုံးဦးထဲမှာ နှစ်ဦးက မိစ္ဆာ ဘုရင်ဘုံရဲ့ အထွတ်အထိပ်ကို ရောက်ရှိနေပြီး ဒဏ္ဍာရီလာ မိစ္ဆာ ဧကရာဇ်ဘုံမှ တစ်လှမ်းသာ ဝေးတော့သည်။】

ဒီလိုဆိုရင်တောင်မှ မိစ္ဆာဧကရာဇ်လောင်း များအပါအဝင် သူတို့အားလုံး ချက်ချင်း သေဆုံးခဲ့ကြသည်။

ထို တိုက်ပွဲက ပိုင်အန်းရှာ၏ မရှုံးနိမ့်နိုင်သော ဂုဏ်သတင်းကို ခိုင်မာစေခဲ့ပြီး သူ၏ ကောင်းကင်မိစ္ဆာ သုတ်သင်ရေး နည်းစနစ်ကိုလည်း မိစ္ဆာ ဘုံ၏ အစွမ်းအထက်ဆုံး နည်းစနစ်အဖြစ် ချီးကျူးခဲ့ကြသည်။

ထိုအချိန်တွင် မိစ္ဆာ ဘုံရှိ မိစ္ဆာ မျိုးနွယ်အားလုံးက ယုံကြည်ကြသည်မှာ...

ပိုင်အန်းရှာသည် မိစ္ဆာ ဘုံတွင် အစွမ်းအထက်ဆုံး မိစ္ဆာ ဧကရာဇ် ဖြစ်လာနိုင်သည်ဟု ထင်ခဲ့ကြသည်။

သို့သော် ဘဝသည် ကြိုတင်ခန့်မှန်းလို့မရနိုင်ပေ။

ငါးနှစ်အကြာတွင် အံ့မခန်း စွမ်းရည်ဖြင့် ရုတ်တရက် ပေါ်လာခဲ့သော ပိုင်အန်းရှာသည် လုံးဝ ပျောက်ကွယ်သွားခဲ့သည်။

အချို့က သူသည် ထို တိုက်ပွဲအတွင်း အတွင်းဒဏ်ရာ ရခဲ့သည်ဟု ဆိုကြသည်။

【ဒဏ်ရာကို လုံးဝ မကုသနိုင်ဘဲ တစ်စတစ်စအခြေအနေပိုဆိုလာကာ သေဆုံးခြင်းကို ဖြစ်စေခဲ့သည်။】

【အချို့က ပိုင်အန်းရှာသည် မိစ္ဆာ ဧကရာဇ်ဘုံကို ဖောက်ထွင်း ချိုးဖျက်ပြီး မိစ္ဆာ ဘုံတွင် မရှုံးနိမ့်နိုင်သူ ဖြစ်သွားခဲ့သည်ဟုပင် ဆိုကြသည်။】

မိစ္ဆာ ဧကရာဇ်ဖြစ်သွားသော ပိုင်အန်းရှာ ဟင်းလင်းပြင်ကို ချိုးဖျက်ပြီး နတ်ဘုရားများ၏ အမြင့်ဆုံးဘုံသို့ အပြိုင်စကြာဝဠာများကိုချိုးဖျက်ကာသွားခဲ့သည်ဟုယူဆကြသည် 】

ဟုတ်ပါတယ်၊ ပုံပြင်ရဲ့ ဗားရှင်းအမျိုးမျိုးရှိတယ်၊ စိတ်ကူးနိုင်သမျှ အရာအားလုံး ရှိသည်။

သို့သော် မည်သို့ပင်ဖြစ်စေ ပိုင်အန်းရှာ လုံးဝ ပျောက်ကွယ်သွားသည်ဟူသော အချက်ကို မပြောင်းလဲနိုင်ပေ။

သို့သော် သူ ပျောက်ကွယ်သွားသော်လည်း ကောင်းကင်မိစ္ဆာ သုတ်သင်ရေး နည်းစနစ်၏ ဂုဏ်သတင်းမှာ ယခင်ကဲ့သို့ပင် ဖိန့်ဖိန့်တုန်အောင်အစွမ်းထက်နေဆဲ ဖြစ်သည်။

ပြန်ပြောင်းကြည့်လျှင် အန်းဇီသည်လည်း ဒီ နည်းစနစ်ကို နေရာတိုင်း ရှာဖွေခဲ့ရပြီး ထို့နောက်တွင် ကုန်းမြေပေါ်သို့ အထိတက်ရောက်ခါရှာဖွေတွေ့ရှိခဲ့ခြင်းဖြစ်သည်

ကံမကောင်းစွာပဲ အရာရာတိုင်းက စီစဉ်ထားတဲ့အတိုင်း မဖြစ်ခဲ့ပါဘူး။

ပိုင်အန်းရှာ ပျောက်ကွယ်သွားခြင်းနဲ့အတူ ကောင်းကင်မိစ္ဆာ သုတ်သင်ရေး နည်းစနစ်လည်း လုံးဝ ပျောက်ကွယ်သွားခဲ့သည်။

မိစ္ဆာ ဘုံ၏ သမိုင်းမှတ်တမ်းများမှာလဲ ရေပွက်ပမာမတည်မြဲသော လျင်မြန်စွာ မေ့လျော့ပျောက်ကွယ်သွားသော တိမ်မြုပ်မှုတစ်ခုနှင့် တူသည်။

【ဒါပေမဲ့ အန်းဇီ ဘယ်တော့မှ မမျှော်လင့်ခဲ့တာက နိုးထလာချိန်မှာ ဒီ ကျင့်ကြံခြင်း နည်းစနစ်ကို ပင်လယ်အောက်မှာ တွေ့ရှိရလိမ့်မယ်လို့ပဲ။】

သူသည် တုန်လှုပ်သော်လည်း အလွန် ဝမ်းသာခဲ့သည်။

【ဒါဟာ မိစ္ဆာ နတ်ဘုရားတစ်ပါးအတွက် တကယ်ပဲ မျက်စိပွင့်စေတဲ့ အတွေ့အကြုံပါပဲ!】

ဒါဟာ သူ့အတွက် အလွန်ကြီးမားတဲ့ အခွင့်အရေးတစ်ခု ဖြစ်နိုင်တယ်။

ဒီငါ့ရှေ့က ဆံပင်ဖြူ မျောက်မိစ္ဆာ ကို အနိုင်ယူပြီး သူ့ဝိညာဉ်ကို ထုတ်ယူမယ်ဆိုရင် ဒီ ကျင့်ကြံခြင်း နည်းစနစ်ကို ရရှိနိုင်လိမ့်မယ်။】

ဒါဆိုရင်တော့ သူသည် ပင်လယ်တစ်ခုလုံးကို လုံးဝ အုပ်ချုပ်နိုင်လိမ့်မည်။

【စဉ်းစားရုံနဲ့တင် စိတ်လှုပ်ရှားစရာကောင်းတယ်!】

အန်းဇီသည် သူ့ရဲ့ ဖောင်းကားနေသော လက်သေးသေးလေးများဖြင့် သူ့ရဲ့ မုတ်ဆိတ်ကို ညင်သာစွာ ပွတ်သပ်လိုက်သည်။

【စိတ်လှုပ်ရှားမှုက သူ့ရဲ့ မျက်လုံးတွေမှာ တောက်ပနေသည်။】

【”မျောက်မိစ္ဆာ လေးရေငါမင်းကိုအရမ်းကြီးပြင်းပြင်းထန်ထန်တိုက်ခိုက်မိမှာလည်းကြောက်မိတယ်။အရမ်းကြီးအားပါသွားလို့ရှိရင်မင်းရဲ့ခန္ဓာကိုယ်ရောဝိညာဉ်မှာတစ်ခါတည်းတစ်စစီဖြစ်သွားမှာကိုလည်းဆိုရင်လည်းကွာ။နည်းနည်းတော့တောင့်ခံပြီး‌နေပေး

နော်။ တစ်စစီဖြစ်မသွားစေနဲ့ “

သူ့စကားဆုံးသွားသည်နှင့်

အန်းဇီ၏ ကိုယ်ခန္ဓာမှ မျက်စိကျိန်းစေသော အနက်ရောင် အလင်းတစ်ခု ပေါက်ကွဲထွက်လာသည်။

မိစ္ဆာ ဘုရင်ဘုံ အစောပိုင်း အဆင့်ရှိသူများအတွက် ထူးခြားသော အားကောင်းသည့် အရှိန်အဝါဩဘာသည် ဧရိယာတစ်ခုလုံးကို လွှမ်းမိုးသွားသည်။

ချက်ချင်းဆိုသလိုပင် အန်းဇီသည် ပါးစပ်ကို ကျယ်ကျယ်ဖွင့်လိုက်ပြီး ပတ်ပတ်လည်ရှိ ပင်လယ်ရေကို ရူးသွပ်စွာ စုတ်ယူခဲ့သည် စီးဝင်လာသည်။

【ဧရာမ ရေဝဲတစ်ခု ဖြစ်ပေါ်လာခဲ့သည်။】

ခဏအတွင်းမှာပဲ ဘာအန်းပင်လယ်တစ်ခုလုံးရဲ့ ရေမျက်နှာပြင်ဟာ ပေအနည်းငယ်ထက်မက ကျဆင်းသွားခဲ့သည်။

【ပြီးတော့ အန်းဇီရဲ့ အရွယ်အစားဟာ ပေတစ်သောင်းကျော်အထိ ဖောင်းပွသွားသည်။】

ဒီလိုဆိုရင်တောင် သူသည် ယဲ့ယွီကို ယှဉ်ဖို့ မလုံလောက်သေးဘူးလို့ ခံစားရသည်။

မိစ္ဆာဘုရင်၏စွမ်းအားကလည်းတကယ်ကိုဘယ်လောကကြီးကိုဖျက်ဆီးနိုင်လောက်အောင်စွမ်းအား ကြီးမားလွန်းလှတယ်

သို့သော်လည်း ကောင်းကင်မိစ္ဆာ သုတ်သင်ရေး နည်းစနစ်နဲ့ နှိုင်းယှဉ်ရင်...

ဒီ နည်းလမ်းက အရမ်းပဲ အားနည်းနေသေးသည်

သူ၏ကြီးမားသောခန္ဓာကိုယ်မှ ခုနတုန်းကဆုတ်ယူထားသောပင်လယ်ရေများ ရေတံခွန်များသဖွယ် တဝေါဝေါယ်ိုကာ ကျဆင်းနေသည်ကို တွေ့ရသည်

ယဲ့ယွီ

သည် ဒီအချက်ကို ပြတ်ပြတ်သားသား သတိပြုမိပြီး ချက်ချင်း အေးစက်စွာ ရယ်မောလိုက်သည်။

ဒါက ကောင်းကင်မိစ္ဆာ သုတ်သင်ရေး နည်းစနစ်ကို အတုခိုးတယ်လို့ သတ်မှတ်လို့ရမလား။

【ဒါက လုံးဝ အဓိပ္ပာယ်မရှိဘူး!】

ဒီ အန်းဇီရဲ့ နည်းစနစ်သက်ရောက်မှုတွေက အရွယ်အစား ပိုကြီးလာရုံထက်မပိုဘူးဆိုတာကို သူတို့ သတိမထားမိခဲ့ကြပါဘူး။

【 ဒါပေမဲ့ အန်းဇီက မိစ္ဆာဘုရင်တပါး ဖြစ်တဲ့အတွက် သူ့စွမ်းအားတွေကို ထုတ်လွှတ်လိုက်တာနဲ့ ခန္ဓာကိုယ်အတွင်းရှိ မိစ္ဆာ ဘုရင်စွမ်းအားနဲ့ ခွန်အားဟာ မိုးနဲ့မြေကိုသိမ့်သိမ့်တုံစေပြီးတော့ အထွတ်အထိပ်ကို ရောက်ရှိသွားသည်။】

၎င်း၏ အနှစ်သာရမှာ ကောင်းကင်နှင့် မြေကြီးတို့နှင့် တန်းတူ တည်ရှိနိုင်ခြင်းပင် ဖြစ်သည်။

【ဗုံး!】

ယဲ့ယွီ၏ ပထမဆုံး ခြေလှမ်းဖြင့် ပင်လယ်အောက်တစ်ခုလုံး ပြင်းထန်စွာ တုန်ခါသွားသည်။

သူသည် ချက်ချင်း လက်ကို မြှောက်ပြီး လက်သီးတစ်ချက် ထိုးလိုက်သည်။

ဧရာမ ခန္ဓာကိုယ်က ရေလှိုင်းများနှင့် လေပြင်းများကို မွှေနှောက်လိုက်သည်။

【လက်သီးတောင် မထိသေးဘဲ လေမုန်တိုင်းက အရင် ရောက်လာခဲ့ပြီ!】

လေက အန်းဇီ၏ ဖောင်းကားနေသော မျက်နှာပေါ်တွင် အရေးအကြောင်းများ ဖြစ်ပေါ်စေခဲ့သည်။

သူသည် လက်နှစ်ဖက်ကို ရှေ့တွင် ပိုက်ပြီး လက်သီးကို ကာကွယ်ဖို့ ကြိုးစားသည်။

သို့သော် အန်းဇီက ကောင်းကင်မိစ္ဆာ သုတ်သင်ရေး နည်းစနစ်၏ စွမ်းအားကို ရှင်းရှင်းလင်းလင်း လျှော့တွက်မိခဲ့သည်။

【လက်သီးတစ်ချက်တည်းဖြင့် မိုင်တစ်သောင်းအတွင်းရှိ အရာအားလုံးကို ထိတ်လန့်တုန်လှုပ်စရာစွမ်းအားသက်ရောက်မှုက ချိုးဖျက်ပစ်လိုက်သည်။】

အန်းဇီ၏ မိုးမျှော် ခန္ဓာကိုယ်သည် ချက်ချင်း နောက်ပြန် လွင့်စင်သွားသည်။

ပင်လယ်ရေသည် သူ့ခန္ဓာကိုယ်ရှိ အပေါက် ခုနစ်ခုမှ ပန်းထွက်လာသည်။

သူ၏ ခန္ဓာကိုယ်တစ်ခုလုံးသည် မြင်သာသောနှုန်းဖြင့် ကျုံ့ဝင်နေသည်။

မကြာမီ အန်းဇီသည် မိုင်ရှစ်ရာအကွာရှိ မြေပြင်ပေါ်သို့ ပြင်းထန်စွာ ကျသွားသည်။

ထိုအချိန်တွင် သူ့ရဲ့ ပုံမှန် အရွယ်အစားဖြစ်တဲ့ ပုံးပုံစံသို့ ပြန်လည် ရောက်ရှိသွားပြီ။】

ဒါပေမဲ့ သူ၏ လက်များက ပြင်းထန်သောမီး လောင်ကျွမ်းနေသော အနံ့ကို ထုတ်လွှတ်နေသည်။

အဖြူရောင် ရေနွေးငွေ့များ လေထဲသို့ တက်လာသည်။

အန်းဇီသည် ခက်ခက်ခဲခဲ ထရပ်ပြီး ပါးစပ်မှ သွေးတစ်ပွက်ကို ချောင်းဆိုးလိုက်သည်။

သူ့မျက်လုံးများ ထိတ်လန့်မှုများဖြင့် ပြည့်နှက်နေသည်။

ရှေးကာလ အချိန်က ကောင်းကင်မိစ္ဆာ သုတ်သင်ရေး နည်းစနစ်ကို အလွန်လိုချင်ခဲ့သောသူတစ်ဦးဖြစ်သဖြင့် ဤ နည်းစနစ်ကို ကိုယ်တိုင် မရရှိနိုင်သောကြောင့် သူသည် အရွယ်အစား တိုးမြှင့်ခြင်း နည်းစနစ် ကိုကိုယ်တိုင် သုတေသနပြုလုပ်ခဲ့သည်။

အန်းဇီ၏ အတွေးက ရိုးရှင်းသည်- ပိုင်အန်းရှာ၊ ကျိုင်းကောင်တစ်ကောင်တည်းသာဖြစ်ပြီး ကောင်းကင်မိစ္ဆာ သုတ်သင်ရေး နည်းစနစ်ကို ဖန်တီးနိုင်ခဲ့ရင် ငါ ဘာလို့ မလုပ်နိုင်ရမှာလဲ။

【ဒါဟာ ပိုကြီးလာရုံသက်သက် မဟုတ်ဘူးလား။】

ဒါပေမဲ့ ဒီနေ့ လက်တွေ့တိုက်ပွဲမှာ မြင်ရတဲ့အခါ အန်းဇီဟာ အစစ်အမှန် ထုတ်ကုန်နဲ့ ပွားယူထားသော ထုတ်ကုန်တို့ရဲ့ ခြားနားချက်ကို တကယ်ပဲ နားလည်သွားခဲ့သည်။

သူတို့သည် ဆင်တူပုံရသော်လည်း ခြားနားချက်များမှာ တကယ်ပဲ ကြီးမားသည်။

ရိုးရိုးသားသားပြောရရင် အန်းဇီက ချက်ချင်း ထိုးနှက်ခံရပြီး သေလုနီးပါး ဖြစ်ခဲ့ရတယ်လို့တောင် ခံစားလိုက်ရသည်။

ဒီ စွမ်းအားက အရမ်းပဲ ကြောက်မက်ဖွယ်ရာ မဟုတ်ဘူးလား။

အန်းဇီ၏ မျက်နှာအမူအရာက လေးနက်လာသည်။

သို့သော် သူ ဆက်တွေးဖို့ မစဉ်းစားခင်မှာ ပတ်ပတ်လည်ရှိ နေရာက ရုတ်တရက် မှောင်မိုက်သွားသည်။

အန်းဇီသည် မော့ကြည့်လိုက်ပြီး သူ့အပေါ်မှာ ဧရာမ အနီရောင်သမ်းနေသော ခြေထောက် ကြီး တစ်ချောင်း ပေါ်လာတာကို တွေ့လိုက်ရသည်။

ထိုခြေထောက်ကြီးသည်မိုးကုတ်စက်ဝိုင်းအထိ အဆုံးအစမရှိဘူး!

အန်းဇီသည် ရုတ်တရက် မျက်လုံးကို ကျယ်ကျယ်ဖွင့်လိုက်သည်။

နောက် စက္ကန့်မှာတော့ ပင်လယ်တစ်ခုလုံး တဖန် တုန်ခါသွားပြီး ပတ်ပတ်လည်ရှိ ပင်လယ်ရေ များ ရေခွက်ထဲးမှသွန်ချလိုက်သလို ပေါက်ကွဲသွားသည်။

ဒါပေမဲ့ ယဲ့ယွီသည် အနည်းငယ် မျက်မှောင်ကြုတ်လိုက်သည်၊ ဘာလို့လဲဆိုတော့ သူ ဘာကိုမှ မနင်းမိဘူးဆိုတာကို ခံစားမိလို့ပဲ။

ထိုအချိန်တွင် အန်းဇီသည် ကီလိုမီတာတရာအကွာတွင် ရုတ်တရက် ပေါ်လာသည်။

【သူ၏ လက်များက ရှုပ်ထွေးသော တာအိုဝါဒီ ဟန်းဆိုင်းမုဒြာ ဖွဲ့စည်းထားပြီး သူ့မျက်နှာအမူအရာက လေးနက်နေသည်!】

၆၇၆

အခန်း ၆၇၆ - မင်းကို သတ်လိုက်ရင်တောင် ပစ္စည်းတွေက ငါ့ပစ္စည်းပဲ

ကောင်းကင်မိစ္ဆာ သုတ်သင်ရေး နည်းစနစ်သည် မိစ္ဆာဘုံ၏ အစွမ်းအထက်ဆုံး ကျင့်ကြံခြင်း နည်းလမ်းအဖြစ် တကယ်ပဲ ဂုဏ်သတင်းနှင့် ထိုက်တန်သည်။

“မျောက်စုတ် ကလေးရေမင်းက မိစ္ဆာဘုရင် ရောက်နေတယ်ဆိုရင်လည်းငါက တစ်ခါတည်းထွက်ပြေးသွားမှာပေါ့။

ဒါပေမဲ့ အခု မင်းက ရွှေမိစ္ဆာဘုံ အထွတ်အထိပ်ရှိ ကျင့်ကြံသူ သက်သက်ပဲ!"

မင်းနဲ့ငါ့ရဲ့ ကျင့်ကြံမှု အဆင့် ခြားနားချက်က အလွန်ကြီးမားတယ်။ မင်း ငါ့ကို သတ်နိုင်မယ်လို့ တကယ် ထင်နေတာလား။】

【အန်းဇီသည် ဟိန်းဟောက်လိုက်သည်!】

ချက်ချင်းမှာပဲ ရေအောက်ကြမးပြင်မှ အနက်ရောင် ဒေါင်လိုက် မျဉ်းများ လှပသော ရောင်စင်များလင်းလက်ကာ ပေါ်လာသည်။

【အလှည့်ကျ ပေါင်းစပ်မှုများဖြင့် လောကအဆုံးထိကြီးကြီးမားသည်ဟုထင်ရသော စစ်တုရင်ခုံတစ်ခုကို ဖန်ဆင်းခဲ့သည် ။

ယဲ့ယွီ၏ မိုးထီးအောင်မြင်မှားသော မျောက်ဝံ ကြီးသည်ပင်လျှင် စစ်တုရင်ခုံပေါ်တွင် နေရာတစ်ခုတည်းကိုသာ နေရာယူထားသည်။

【အန်းဇီ၏ ခြေထောက်များအောက်တွင် ဧရာမ၊ အနက်ရောင် ခေါင်းကြီးငါး၏ အရိပ်တစ်ခု ပေါ်လာသည်။】

ထိုငါးသည် စစ်တုရင်ခုံပေါ်မှာ ဖြည်းဖြည်းချင်း ရွေ့လျားနေသည်။】

အမြီး လှုပ်တိုင်း မြို့ကြီးတစ်မြို့ကို ဖုန်လွှမ်းနိုင်လောက်သော မင်ရည်များ ပန်းထုတ်နေခဲ့သည်

【အန်းဇီ၏ ကျယ်လောင်သော အော်ဟစ်သံနှင့်အတူ!】

ခေါင်းကြီးငါး၏ အရိပ်သည် လျှို့ဝှက်ဆန်းကြယ်သော လမ်းညွှန်မှုကို ရရှိပုံရပြီး ၎င်း၏ မျက်လုံးများ သွေးရောင်တောက်လာသည်။

【ထို့နောက် ယဲ့ယွီ၏ ဦးတည်ရာသို့ အရှိန်အဟုန်ဖြင့် ထွက်ခွာသွားသည်။】

၎င်း ဖြတ်သန်းသွားရာတိုင်းတွင် တစ်ချိန်က ရွှေရောင်ရှိခဲ့သော ပင်လယ်အောက်မြေသည် အသက်မဲ့သော အနက်ရောင်သို့ ပြောင်းလဲသွားသည်။

ဒီလိုမြင်တော့ ယဲ့ယွီသည် နောက်တခါမတွေးတော့ဘဲ ထူးဆန်းသော စစ်တုရင်ခုံမှ ခုန်ထွက်ရမ်းကြိုးစားလိုက်သည်။

ဒါပေမဲ့ အံ့သြစရာကောင်းတာက...

မည်သည့်အချိန်ကမှန်းမသိ အနက်ရောင် ချည်မျှင်များက မျောက်ကြီး၏ ကိုယ်ခန္ဓာကို လုံးဝ ရစ်သိုင်းကာထိန်းချုပ်ထားပြီ။】

ဘယ်လောက်ပဲ ကြိုးစားပေမဲ့ တစ်လက်မတောင် ရွှေ့လို့မရဘူး!

【အနက်ရောင် ခေါင်းကြီးငါး ပိုမို နီးကပ်လာတာကိုပဲ လုပ်မရပြုမရဖြင့် အားမရှိစွာ ကြည့်နေနိုင်ခဲ့သည်။】

အန်းဇီလည်း ဒီအချက်ကို သတိပြုမိသည်။

သူသည် ချက်ချင်း ဟစ်အော်ကာ ရယ်မောလိုက်သည်။

【မျောက်မိစ္ဆာလေး၊ မင်းက တကယ်ပဲ အစွမ်းထက်တယ်။ ဒါပေမဲ့ မင်းရဲ့ စွမ်းရည်တွေ ဘယ်လောက်ပဲ အစွမ်းထက်ပါစေ၊ မင်းရဲ့ ကျင့်ကြံမှု အဆင့်ဟာ အကြီးမားဆုံး အားနည်းချက် ဖြစ်နေဆဲပါပဲ!】

"ကျင့်ကြံမှု နယ်ပယ်ရဲ့ အဆင့်ဟာ မိစ္ဆာစွမ်းအား ပမာဏကိုသာ ဆုံးဖြတ်တယ်လို့ မယူဆပါနဲ့!"

"မိစ္ဆာနတ်ဘုရားအထက် တစ်ဘုံဟာ ကမ္ဘာတစ်ခုလုံးကွာ ခြားနေသလို ပါပဲ ဆိုတဲ့ စကားဟာ အချည်းနှီး မဟုတ်ဘူးဆိုတာ နားလည်ရမယ်!"

【မင်း ဘုံတစ်ခုကို ဖောက်ထွင်းချိုးဖြတ်နိုင်တဲ့အခါတိုင်း မင်းရဲ့ မိစ္ဆာစွမ်းအားပဲ ပိုသန်မာလာတာ မဟုတ်ဘူး။】

【ဒီ ကမ္ဘာရဲ့ စွမ်းအားအပေါ် မင်းရဲ့ နားလည်မှုကလည်း ပါလာတယ်။】

"ဒီနေ့ မင်း ကျွမ်းကျင်မှု အဆင့် ခြားနားချက်ကြောင့် ရှုံးနိမ့်ခဲ့တာ၊ ဒါပေမဲ့ ဒါက မင်းရဲ့ အပြစ် မဟုတ်ဘူး!"

"ဒါပေမဲ့ နောက်ဆုံးမှာတော့ မင်း ဒီ ရလဒ်ကို မပြောင်းလဲနိုင်ဘူး!"

"လိမ္မာပါးနပ်တဲ့ အပျိုပေါက် ကောင်မလေးတစ်ယောက်လို ငါပြုသမျှကိုနုနေလိုက်စမ်း ၊ မင်းရဲ့ ခန္ဓာကိုယ်ကို ငါ့ရဲ့ အာဟာရ ဖြစ်ပါစေ!"

"သေလိုက်!"

【အန်းဇီသည် လက်များကို အသွင်ပြောင်းလိုက်သည်။】

【အနက်ရောင် ခေါင်းကြီးငါး၏ အရိပ်ပေါ်တွင် အပြာရောင် အကြေးခွံများ ပေါ်လာသည်။】

ဒါဟာ လုံးဝ အိပ်မက်တစ်ခုမှနေသလိုပင် အလွန်အမင်း ပြင်းထန်သောစွမ်းအားရောင်စင်များစွာ လောကတစ်ခုလုံးကို ဝုန်းဒိုင်ကျဲသည့်အထိ ရိုက်ခတ်နေခဲ့ကြသည်

ဒီ အရေးကြီးတဲ့ အချိန်မှာ ယဲ့ယွီသည် ဖြည်းဖြည်းချင်း မျက်လုံးများကို မှိတ်လိုက်သည်။

အန်းဇီက ယဲ့ယွီ လုံးဝအရှုံးပေးလိုက်ပြီဟုထင်သွားသည်

မဟုတ်ဘူး!

【နောက်တစ်စက္ကန့်မှာ!】

အနက်ရောင် မီးလျှံလှိုင်းတစ်ခု ရုတ်တရက် ထိုးတက်လာသည်။

【ထို့နောက် စစ်တုရင်ခုံတစ်ခုလုံးကို လွှမ်းခြုံသွားသည်!】

အနက်ရောင် ခေါင်းကြီးငါး၏ အရိပ်သည် ချက်ချင်း ပျောက်ကွယ်သွားသည်။

ဝေးလံသော အကွာအဝေးတွင် ရှိနေသော အန်းဇီပင် မျက်လုံးကို ကျယ်ကျယ်ဖွင့်လိုက်သည်။

【ဒါ ဘယ်လိုလုပ် ဖြစ်နိုင်မှာလဲ!】

ဒီ မိစ္ဆာဘုံမှာ ဒီလောက် သိပ်သည်းတဲ့ တစ္ဆေ ဩဘာက ဘယ်လိုလုပ် ပေါက်ကွဲထွက်နိုင်မှာလဲ။

ငါတို့ရှေ့က ဒီ ဆံပင်ဖြူ မျောက်မိစ္ဆာက ဘယ်သူလဲ။

ယွမ်အန်းဇီ ဒီမေးခွန်းကို ကြာကြာ မစဉ်းစားခဲ့ပါ။

သူသည် အနက်ရောင် မီးလျှံများဖြင့် ချက်ချင်း ဝါးမြိုခံလိုက်ရပြီး နားခွဲမတတ် အော်ဟစ်လိုက်သည်။

【ခဏအကြာမှာ။】

အရာအားလုံး ငြိမ်သက်သွားသောအခါ!

ယဲ့ယွီ၏ ခန္ဓာကိုယ်သည် ပုံမှန်လူ၏ အရွယ်အစားသို့ ပြန်ရောက်သွားသည်။

သူ့အတွင်းရှိ မိစ္ဆာစွမ်းအင်သည် လုံးဝ ကုန်ဆုံးသွားသော်လည်း။

ဒါပေမဲ့ သူ့မျက်နှာပေါ်မှာ အပြုံးတစ်ခု ပေါ်လာသည်။

ငါ ထင်တဲ့အတိုင်းပဲ!

ကိုယ်ခန္ဓာကို ထိန်းချုပ်ထားသော်လည်း ကိုယ်ခံပညာ နည်းစနစ်များကို အသုံးပြုနိုင်ပါသေးသည်!

【ပြီးပြည့်စုံသော အဆင့်သို့ ကျင့်ကြံထားသော ယဲ့ယွီသည် မည်သည့် ဟန်းဆိုင်းမုဒြာကိုမှ ဖွဲ့စည်းရန် မလိုအပ်တော့ပါ၊ စဉ်းစားရုံဖြင့် အတွေးတချက်ဖြင့်ပင်အသက်သွင်းနိုင်သည်!】

【ထို့အပြင် ဒါက အချက်တစ်ချက်ကိုလည်း အတည်ပြုပေးသည်!】

【ကောင်းကင်မိစ္ဆာ သုတ်သင်ရေး နည်းစနစ်သည် ကိုယ်ခန္ဓာကိုသာမက မိစ္ဆာစွမ်းအားကိုပါ မြှင့်တင်ပေးသည်!】

【ယဲ့ယွီသည် ဒီ နည်းစနစ်ကို အရင်က အသုံးပြုခဲ့တုန်းက ရုပ်ပိုင်းဆိုင်ရာ ခွန်အားတစ်ခုတည်းဖြင့် အရာအားလုံးကို ရှင်းလင်းနိုင်ခဲ့သည်။】

ဒီတခါကတော့ ကောင်းကင်မိစ္ဆာ သုတ်သင်ရေး နည်းစနစ်ရဲ့ သက်ရောက်မှုအောက်မှာ မှော်ဆန်တဲ့ စွမ်းအားများကို ပထမဆုံးအကြိမ် အသုံးပြုခြင်းပဲ။

【၎င်း၏ စွမ်းအား ဒီ အဆင့်အထိ တိုးလာလိမ့်မယ်လို့ ဘယ်တုန်းကမှ မတွေးခဲ့မိဘူး!】

ဒါဟာ မျှော်လင့်မထားတဲ့ အရာပဲ!

ယဲ့ယွီသည် သူ၏ သိုလှောင်ကွင်းမှ ဆေးလုံးများစွာကို ထုတ်ယူပြီး တစ်ပြိုင်နက်တည်း မျိုချလိုက်သည်။

【သူ့ ခန္ဓာကိုယ်အတွင်းရှိ မိစ္ဆာစွမ်းအင်သည် လျင်မြန်စွာ ပြန်လည် ကောင်းမွန်လာနေသည်!】

【နတ်ထိန်းချုပ်မှု စိတ်နည်းစနစ် သည် တကယ်ပဲ အံ့ဖွယ်ကောင်းသော အရာဖြစ်ကြောင်း ပြောရမည်။】

ယဲ့ယွီသည် ဖုန်းကျန့်ရှင်းကို သူ၏ ထိန်းချုပ်မှုအောက်သို့ ရောက်ရှိပြီးနောက် လျန်ရှင်းဖန်သည် သူ၏ သီးသန့် ကစားကွင်း ဖြစ်လာခဲ့သည်။

အကောင်းဆုံး ရှားပါးပြီး တန်ဖိုးကြီးသော ဆေးဖက်ဝင် အပင်များ၊ ဆေးဖက်ဝင် ဆေးလုံးများ၊ နှင့် ကျင့်ကြံခြင်း နည်းစနစ်များအားလုံး သူ့ အိတ်ကပ်ထဲကို ရောက်ရှိသွားခဲ့သည်။

ယဲ့ယွီသည် ယခုအခါ တကယ်ပဲ ချမ်းသာပြီး အစွမ်းထက်ကြောင်း ပြောလို့ရသည်။

သူ ဆောင်ထားတဲ့ ဆေးလုံးတွေဟာ သဘာဝအတိုင်းပဲ အရမ်းကို အရည်အသွေးမြင့်ပါတယ်။

သူ၏ မိစ္ဆာစွမ်းအင် အချို့ကို ပြန်လည် ရရှိပြီးနောက် ယဲ့ယွီသည် ထွက်ခွာဖို့ ရည်ရွယ်လိုက်သည်။

ဒါပေမဲ့ ရုတ်တရက် ကီလိုမီတာအကွာမှာ မိစ္ဆာစွမ်းအင် လှိုင်းများ ရှိနေသေးတာကို သတိပြုမိသည်။

ထို့ကြောင့် မိစ္ဆာစွမ်းအားနည်းစနစ်တစ်ခုကိုအသုံးပြုကာ

【လက်ကို အနည်းငယ် မြှောက်လိုက်သည်။】

မျက်မြင်မရသော စွမ်းအားတစ်ခုသည် ပင်လယ်အောက်မြေကို ချက်ချင်း နှစ်ပိုင်း ခွဲလိုက်သည်။

သွေးများဖြင့် ဖုံးလွှမ်းနေသော ပုံရိပ်တစ်ခု အတွင်းမှ ပေါ်ထွက်လာသည်။

ဒီလူက အန်းဇီ၊ "ခေါင်းကြီးငါးကြီး" မှလွဲ၍ တခြားသူ မဟုတ်ပေ။

သူသည် ဒဏ်ရာများ မရေမတွက်နိုင်အောင် ရရှိထားသော်လည်း အံ့သြစရာကောင်းတာက စီးထွက်လာတဲ့ သွေးတွေဟာ ရွှေဝါရောင် ဖြစ်နေသည်။

ဒါ့အပြင် ဒါက ကိုးပါးသော မြေအောက် ငရဲ၏ မီးလောင်ကျွမ်းမှုကို ရှင်သန်နိုင်ခဲ့တဲ့ ပထမဆုံး မိစ္ဆာ ဖြစ်သည်။

【ဝိုး၊ တကယ်ပဲ မိစ္ဆာဘုရင်ရဲ့ခန္ဓာကိုယ်က ခိုင်မာတာပဲ!】

အန်းဇီ ရှင်သန်ခဲ့သော်လည်း သူသည် ပြင်းထန်စွာ ဒဏ်ရာရရှိခဲ့သည်။

အနက်ရောင် တစ္ဆေမီးခဲများသည် သူ့ ခန္ဓာကိုယ်ကို လောင်ကျွမ်းစေခဲ့ရုံသာမက သူ့အတွင်းရှိမိစ္ဆာ စွမ်းအင် စီးဆင်းမှုကိုပါ အနှောင့်အယှက် ပေးခဲ့သည်။

【အခုအချိန်မှာ သူ့အတွက် ကသောင်းကနေစီးဆင်းနေသောကြောင့် မိစ္ဆာစွမ်းအားကို ထိန်းချုပ်ဖို့ အရမ်းခက်ခဲနေခဲ့သည်။လက်ချောင်းတစ်ချောင်း ရွှေ့ဖို့တောင် ကောင်းကင်ကို တက်ရသလောက် ခက်ခဲနေသည်။】

သူ ယဲ့ယွီကို တစ်ဖန် မြင်လိုက်သောအခါ သူ၏ မျက်လုံးများ ကြောက်ရွံ့မှုများဖြင့် ပြည့်နှက်နေသည်။

"မင်း... မင်း ငါ့ကို မသတ်ရဘူး! ငါ နတ်ပင်လယ်အဖွဲ့အစည်းရဲ့ ဌာနခွဲခေါင်းဆောင်ပဲ!"

"ငါ သေသွားရင် နတ်ပင်လယ်အဖွဲ့အစည်းက မင်းကို လွှတ်ပေးလိမ့်မယ်လို့ ထင်နေလား။"

【ငါ့ အသက်ကို ချမ်းသာပေးပါ၊ ဘာအန်းပင်လယ်က နှစ်ပေါင်း တစ်သန်းနီးပါး စုဆောင်းထားတဲ့ အလုံးစုံသော ဝိညာဉ် နတ်ပင်လယ်အရည် အားလုံးကို မင်းကို ပေးပါ့မယ်!】

"ဘယ်လိုလဲ။ ကောင်းလား။"

ယဲ့ယွီသည် တည်ငြိမ်နေပြီး သူ၏ ညာဘက်လက်ကို မြှောက်ကာ လေကို ပေါ့ပေါ့ပါးပါး ပုတ်လိုက်သည်။

လျှပ်စီးများ ပစ်ချလိုက်ပြီး အန်းဇီကို ချက်ချင်း ထိမှန်လိုက်သည်။

ပြင်းထန်စွာ ဒဏ်ရာရရှိထားသူဖြစ်သော သူသည် သုံးဆယ့်ခုနစ်ကြိမ်မြောက် ကောင်းကင် မိုးကြိုးဒဏ်ကို ခံနိုင်ပြီးနောက် လုံးဝ သေဆုံးသွားခဲ့သည်။

ရိုးရိုးသားသားပြောရရင် ဒီ ခေါင်းကြီးငါးကြီးမှာ အလွန်အမင်း မာကျောသောကိုခန္ဓာရှိသည်။

ဒီလိုဆိုရင်တောင် သူတို့ သေရမှာပဲ!

ယဲ့ယွီသည် အန်းဇီ၏ အလောင်းကို စိုက်ကြည့်ပြီး တည်ငြိမ်စွာ ပြောသည်- "မင်းကို သတ်လိုက်ရင် မင်း ပြောခဲ့တဲ့ အရာအားလုံးကလည်း ငါ့ပစ္စည်းတွေပဲ!"

【ထို့နောက်။】

ယဲ့ယွီသည် အလျင်စလို မထွက်ခွာသေးဘဲ အလုံးစုံသော ဝိညာဉ် နည်းစနစ် ကို အသုံးပြုပြီး အန်းဇီ၏ ဝိညာဉ်ကို ထုတ်ယူလိုက်သည်။

အလုံးစုံသော ဝိညာဉ် နတ်ပင်လယ်အရည်ဆိုတာ ဘာလဲဆိုတာကို တိတိကျကျ မသိပေမဲ့။

ဒါပေမဲ့ ဒါက ယဲ့ယွီ၏ စပ်စုမှုကို အောင်မြင်စွာ နှိုးဆွခဲ့သည်။

နတ်ပင်လယ်အဖွဲ့အစည်းမှာ နှစ်ပေါင်း တစ်သန်းနီးပါး စုဆောင်းထားတဲ့ ဒီ ထုတ်ကုန်က အတိအကျ ဘာလဲဆိုတာကို သူ တကယ်ပဲ သိချင်ခဲ့သည်။

【ဒါပေမဲ့ အန်းဇီရဲ့ မှတ်ဉာဏ်တွေကို ဖတ်ပြီးနောက်။】

ယဲ့ယွီ၏ မျက်နှာအမူအရာသည် ချက်ချင်း အလွန် ထူးဆန်းသွားသည်။

【စိတ်ပျက်စရာ၊ လုံးဝ စိတ်ပျက်စရာပဲ!】

အလုံးစုံသော ဝိညာဉ် နတ်ပင်လယ် ဆေးရည်၏ အဓိက ကုန်ကြမ်းသည် ရေနေမိစ္ဆာများ၏ ခန္ဓာကိုယ်မှ သန့်စင်ထုတ်လုပ်ထားခြင်း ဖြစ်သည်!