အတွင်းစကြာဝဠာ....

Vol. 52 Ch. 770

" ငါ့ရဲ့ ကပ်ဘေးမျိုးနွယ်က နဂါးငွေ့တန်းကြယ်သခင်ကို မဆန့်ကျင်ခဲ့တာ ကံကောင်းတာပဲ။ မဟုတ်ရင် မဟာသူတော်စင်က သူ့ရဲ့ ခွန်အားကို ပြန်လည်ရရှိတာနဲ့ ငါတို့ စကြာဝဠာထဲမှာ ပုန်းနေရင်တောင် မလွယ်လောက်ဘူး။ "

စကြာဝဠာက ပုံမှန် ဖရိုဖရဲအဆင့်နှင့် ညီမျှပြီး မဟာသူတော်စင်များက စကြာဝဠာကို အပြီးတိုင် မဖျက်ဆီးနိုင်လျှင်တောင် စကြာဝဠာကို အကြိမ်ကြိမ် ပြန်လည်ဖြစ်ပေါ်စေနိုင်သည်။ ပြန်လည်ဖြစ်ပေါ်ခြင်း အကြိမ်ရေများလွန်းလျှင် ပုန်းအောင်နေသော ကပ်ဘေးမျိုးနွယ်ပင် ခံနိုင်ရည်ရှိမည်မဟုတ်ပေ။ စကြာဝဠာပျက်ဆီးခြင်းနှင့် ပြန်လည်ဖြစ်ပေါ်ခြင်းကြားတွင် မဟာသူတော်စင်တစ်ပါးက တန်ဖိုးတစ်ခုသာ ပေးဆပ်ခဲ့လျှင် စကြာဝဠာအတွင်းမှ အရာများကို သက်ရောက်မှုရှိစေနိုင်သည်။

ရွှမ်ဟွမ်လျို့ဝှက်နယ်မြေတွင် လက်ခြောက်ဖက်နှင့် ပုံရိပ်ကလည်း စကြာဝဠာ၏ ပြောင်းလဲမှုများကို သတိပြုမိသည်။

" သခင်က အလွှာဆယ့်နှစ်ကို တက်လှမ်းနေပြီလား။ " လက်ခြောက်ဖက်နှင့် ပုံရိပ်က ရွှမ်ဟွမ်လျို့ဝှက်နယ်မြေမှတစ်တင့် ပြင်ပအချက်အလက်များကို လေ့လာနိုင်သည်။

" အချိန်လေဟာနယ် သတ္တမအဆင့် ဖရိုဖရဲနိယာမ... သခင်ရဲ့ အခြေခံအုတ်မြစ်က ဒီလောက်မကလောက်ဘူး။ " လက်ခြောက်ဖက်နှင့် ပုံရိပ်က အလင်နှစ်တစ်သန်း အက်ကြောင်းကို ကြည့်ပြီး တွေးလိုက်သည်။

အချိန်လေဟာနယ် သတ္တမအဆင့်နှင့် ဖရိုဖရဲနိယာမကို နားလည်ထားသော အခြေခံအုတ်မြစ်က အလင်းနှစ်တစ်သန်း အက်ကြောင်းကို ဆုတ်ဖြဲရန် မဖြစ်နိုင်ပေ။

" ဧကရာဇ် ပြန်လည်ဝင်စားလာတာလား။ " လက်ခြောက်ဖက်နှင့် ပုံရိပ်က တိုးညှင်းစွာ ရေရွတ်လိုက်သည်။

ဧကရာဇ်ရွှမ်ဟွမ်က ဒဏ္ဍာရီလာ ဖရိုဖရဲမဟာသူတော်စင်တစ်ပါးဖြစ်ပြီး ပြန်လည်ဝင်စားရန် အခွင့်အလမ်းရှိသည်။ ပုံမှန်အားဖြင့် ဖရိုဖရဲအဆင့်များက ပြန်လည်ဝင်စားနိုင်စွမ်းရှိသည်။ သို့သော် ဖရိုဖရဲအဆင့်တွင် ပြန်လည်ဝင်စားပြီးနောက် အလွှာဆယ့်နှစ်သို့ မရောက်မီ မှတ်ဉာဏ်များကို ထိန်းသိမ်းထားနိုင်စွမ်းမရှိပေ။

ပြန်လည်ဝင်စားခြင်းက ရုပ်ခန္ဓာ၊ သွေးမျိုးဆက်၊ နတ်စွမ်းရည်၊ အရည်အချင်းနှင့် မှတ်ဉာဏ်များအားလုံးပျောက်ကွယ်သွားသောကြောင့် အစမှ အလွှာဆယ့်နှစ်သို့ တစ်ဖန်ရောက်ရှိရန် အလွန်ပင်ခက်ခဲသည်။ ထို့ကြောင့် သာမန်ဖရိုဖရဲအဆင့် ပြန်လည်ဝင်စားခြင်း၏ အဆုံးသတ်က အခြေခံအားဖြင့် သေဆုံးခြင်းနှင့် မကွာခြားပေ။

သို့သော် ဖရိုဖရဲမဟာသူတော်စင်နှင့် ဒဏ္ဍာရီလာဖရိုဖရဲသူတော်စ်များက ပြန်လည်ဝင်စားပြီးနောက် မှတ်ဉာဏ်အပိုင်းအစအနည်းငယ်ကို ထိန်းသိမ်းထားနိုင်သည်။ သူတို့၏ မှတ်ဉာဏ်အနည်းငယ်က မယုံကြည်နိုင်လောက်အောင် တန်ဖိုးကြီးမားသည်။ ၎င်းက အလွှာဆယ့်နှစ်သို့ ပြန်လည်ရောက်ရှိရန် ဖြစ်နိုင်ခြေကို သိသိသာသာ တိုးမြှင့်ပေးသည်။

အလင်းနှစ်တစ်သန်း စကြာဝဠာအက်ကြောင်း၏ အောက်တွင် လင်းယွမ်က ထိုင်ပြီး အပေါ်သို့ မော့ကြည့်နေသည်။

" အလင်းနှစ်တစ်သန်း..." လင်းယွမ်က အံ့အားသင့်သွားသည်။

" ရောက်လာပြီ။ "

ကြောက်မက်ဖွယ်ကောင်းသော ဖရိုဖရဲဟင်းလင်းပြင် မူလရင်းမြစ်က အလင်းနှစ်တစ်သန်း စကြာဝဠာအက်ကြောင်းမျ အင်အားကြီးစွာ စီးဝင်လာသည်။

" စုပ်ယူမယ် စုပ်ယူမယ်...." လင်းယွမ်က သူ၏ အတွင်းကမ္ဘာကို ဖရိုဖရဲဟင်းလင်းပြင် မူလရင်းမြစ်အား လွတ်လပ်စွာ စုပ်ယူခွင့်ပေးထားသည်။ သူ၏ ရုပ်ခန္ဓာနှင့် စိတ်ဝိညာဉ်ကလည်း အလားတူ လုပ်ဆောင်နေပြီး မူလစိတ်ဝိညာဉ်နှစ်ခုလည်း အတူတူပင်ဖြစ်သည်။

ဖရိုဖရဲဟင်းလင်းပြင် မူလရင်းမြစ်က ဖရိုဖရဲဟင်းလင်းပြင်၏ အသန့်စင်ဆုံး စွမ်းအားဖြစ်ပြီး ဖရိုဖရဲသလင်းကျောက်များထက် များစွာ သာလွန်ကာ မည်သည့်သက်ရှိအတွက်မဆို အကျိုးကျေးဇူးများစွာ ရရှိသည်။

ဝုန်း ဝုန်း...

ဖရိုဖရဲဟင်းလင်းပြင် မူလရင်းမြစ်ကို စုပ်ယူခြင်းနှင့်အတူ လင်းယွမ်၏ ခန္ဓာကိုယ်ထဲမှ အတွင်းကမ္ဘာက ရူးသွပ်စွာ ကျယ်ပြန့်လာသည်။ ခဏအတွင်း သူ၏ အတွင်ကမ္ဘာက အလင်းနှစ်တစ်သောင်းသ်ု့ ရောက်ရှိသွားသည်။

" အလင်းနှစ်တစ်သောင်း..." လင်းယွမ်က အနည်းငယ် မယုံကြည်နိုင်ဖြစ်နေသည်။

သူ၏ အတွင်းကမ္ဘာက အနိမ့်ဆုံး ကန့်သတ်ချက်သို့ ရောက်နေပြီဖြစ်သည်။ ပုံမှန်အားဖြင့် အလွှာဆယ့်တစ်မှ အလွှာဆယ့်နှစ်သို့ တက်လှမ်းပြီးသောအခါ နှစ်ပေါင်းထောင်ချီအတွင်း အတွင်းကမ္ဘာက အလင်းနှစ်တစ်သောင်းမှ အလင်းနှစ် တစ်သိန်းသို့ တိုးတက်လာပေလိမ့်မည်။ သို့သော် ယခု လင်းယွမ်က ဖရိုဖရဲဟင်းလင်းပြင် မူလရင်းမြစ်ကို စုပ်ယူ၍ မပြီးသေးမီ အတွင်ကမ္ဘာက အလင်းနှစ်တစ်သောင်းသို့ ရောက်ရှိသွားခဲ့သည်။

" ငါ့ရဲ့ အတွင်းကမ္ဘာက... မဟုတ်ဘူး ဒါကို အတွင်းစကြာဝဠာလို့ ခေါ်သင့်တယ်။ " လင်းယွမ်က ကျယ်ပြန့်သော အတွင်းစကြာဝဠာ၏ အော်ရာကို ခံစားလိုက်ရသည်။

ဖရိုဖရဲဟင်းလင်းပြင် မူလရင်းမြစ်က ဆက်လက်စီးဝင်နေသည်။ အသက်ရှူချိန် ၂၀၀၊ အသက်ရှူချိန် ၃၀၀၊ အသက်ရှူချိန် ၃၃၀။ နောက်ဆုံး အသက်ရှူချိန် ၃၃၃တွင် ဖရိုဖရဲဟင်းလင်းပြင် မူလရင်းမြစ်က ရပ်တန့်သွားခဲ့သည်။

ယခုအချိန်တွင် လင်းယွမ်၏ ခန္ဓာကိုယ်ထဲမှ အတွင်းစကြာဝဠာက အလင်းနှစ် တစ်သိန်းကို ကျော်လွန်သွားခဲ့ပြီး အလင်းနှစ်တစ်သိန်းရှစ်သောင်းသို့ ရောက်ရှိသွားခဲ့သည်။

အလွှာဆယ့်တစ်မှ အလွှာဆယ့်နှစ်သို့ တက်လှမ်းချိန်တွင် အတွင်းကမ္ဘာက အလင်းတစ်ဆယ်သို့ ရောက်ရှိသွားမည်ဖြစ်သည်။ ထို့နောက် အမြင့်ဆုံး ခုန်ပျံကျော်လွှာခြင်းကို လုပ်ဆောင်မည်ဖြစ်သည်။ ထိုကာလအတွင်း အတွင်းကမ္ဘာက ဖရိုဖရဲဟင်းလင်းပြင် မူလရင်းမြစ်ကို စုပ်ယူပြီး အလင်းနှစ်တစ်သောင်းသို့ ရောက်ရှိကာ အတွင်းစကြာဝဠာသို့ ဦးတည်သွားပလိမ့်မည်။

နောက်ဆုံးတွင် အတွင်းစကြာဝဠာ၏ စွမ်းအားကို အသုံးပြုပြီး အမြင့်ဆုံးခုန်ပျံကျော်လွှားမှုကို အောင်မြင်အောင် လုပ်ဆောင်ရမည်ဖြစ်သည်။ ရိုးရှင်းစွာ ပြောရလျှင် အလွှာဆယ့်တစ်မှ အလွှာဆယ့်နှစ်သို့ တက်လှမ်းရန် လုပ်ဆောင်ချက်နှစ်ခုလိုအပ်သည်။

တစ်ခုမှာ အချိန်မြစ်နှင့် စကြာဝဠာ၏ တန်ပြန်တိုက်ခိုက်မှာကို ခုခံနိုင်ရန်ဖြစ်သည်။ နောက်တစ်ခုမျာ အတွင်းကမ္ဘာကို အတွင်းစကြာဝဠာအဖြစ် ပြောင်းလဲခြင်းကို လမ်းညွှန်ရန် ဖြစ်သည်။

သို့သော် ယခုအခါ လင်းယွမ်၏ အတွင်းကမ္ဘာက အလင်းနှစ် တစ်သိန်းရှစ်သောင်းသို့ ရောက်ရှိခဲ့ပြီး အတွင်းစကြာဝဠာ၏ အတိုင်းအတာကို ကျော်လွန်သွားခဲ့သည်။ အတွင်းကမ္ဘာကျယ်ပြန့်မှုက အမြင်ဆုံးခုန်ပျံကျော်လွှားမှုကို မပြုလုပ်ခင်ကပင် အတွင်းစကြာဝဠာအဖြစ် ပြောင်းလဲသွားခဲ့သည်။

" အတွင်းစကြာဝဠာရဲ့ အရွယ်အစားက တိုးတက်နေတုန်းပဲ။ " လင်းယွမ်က နှစ်သိန်းနီးပါး အရွယ်အစားရှိသော သူ၏ အတွင်းစကြာဝဠာကို ကြည့်လိုက်သည်။ ဖရိုဖရဲဟင်းလင်းပြင် မူလရင်းမြစ် စုပ်ယူမှုပြီးဆုံးသွားသောအခါ အတွင်းစကြာဝဠာက ဆက်လက်ကျယ်ပြန့်လာပြီး အလင်းနှစ်ငါးသိန်းကို ကျော်လွန်သွားခဲ့သည်။

" ငါ့ရဲ့ လက်ရှိခွန်အားက..." လင်းယွမ်က အနည်းငယ် စိတ်လှုပ်ရှားသွားသည်။

သူက အလွှာဆယ့်နှစ်သို့ တက်လှမ်းခြင်းတစ်ဝက်သာ ရှိသေးသော်လည်း သူ၏ တိုက်ခိုက်ရေးစွမ်းအားက လမ်းစဉ်ခွဲထွက်ခြင်းအဆင့် အထွတ်အထိပ်ကို ရောက်ရှိပြီး ၎င်းထက်ပင် ကျော်လွန်နေခဲ့သည်။

လင်းယွမ်၏ ကိုယ်ပွားက အလွှာဆယ့်နှစ် အင်အားကြီးသူများ စုဝေးရာ ကုမင်ဖရိုဖရဲကုန်းမြေတွင် နေထိုင်နေသောကြောင့် လမ်းစဉ်ခွဲထွက်ခြင်းအဆင့် အထွတ်အထိပ်၏ ခွန်အားကို ခွဲခြားနိုင်သည်။

လမ်းစဉ်ခွဲထွက်ခြင်းအဆင့် အထွတ်အထိပ်၏ အတွင်းစကြာဝဠာက အလင်းနှစ် တစ်သန်းငါးသိန်းမှ အလင်းနှစ် နှစ်သန်းကျယ်ဝန်းသည်။ လင်းယွမ်၏ အတွင်းကမ္ဘာက အလင်းနှစ် ငါးသိန်းသာ ရှိသော်လည်း သူ၏ နိယာမများအပေါ် နားလည်မှုက လမ်းစဉ်ခွဲထွက်ခြင်းအဆင့် အထွတ်အထိပ်များထက် သာလွန်သည်။

အထူးသဖြင့် ဖရိုဖရဲနိယာမက လွှမ်းမိုးခြင်းအဆင့် အထွတ်အထိပ်များ လိုချင်တောင့်တနေသော အရာဖြစ်သည်။အရာအားလုံးကို ထည့်သွင်းစဉ်းစားလျှင် လင်းယွမ်၏ လက်ရှိ တိုက်ခိုက်ရေးစွမ်းအားက လမ်းစဉ်ခွဲထွက်ခြင်းအဆင့်အထွတ်အထိပ်ကို အနည်းငယ် ကျော်လွန်သွားပြီဖြစ်သည်။

" နောက်တစ်ခုက အမြင့်ဆုံးခုန်ပျံကျော်လွှားမှု လာတော့မယ်။ " လင်းယွမ်၏ အမူအရာက အနည်းငယ် လေးနက်သွားသည်။

အမြင့်ဆုံးခုန်ပျံကျော်လွှားမှုက အပိုင်းနှစ်ပိုင်းဖြစ်ပြီး ဖရိုဖရဲဟင်းလင်းပြင်၏ ကောင်းချီးတစ်ခုဖြစ်သော မူလရင်းမြစ်ကို စုပ်ယူခြင်းဖြစ်သည်။ ဒုတိယတစ်ခုမှာ အမြင့်ဆုံးခုန်ပျံကျော်လွှားခြင်းဖြစ်ပြီး အချိန်မြစ်နှင့် စကြာဝဠာ၏ တန်ပြန်မှုကို ရင်ဆိုင်ရန် ဖြစ်သည်။

" အမြင့်ဆုံးခုန်ပျံကျော်လွှားခြင်း..." လင်းယွမ်က ဖရိုဖရဲဟင်းလင်းပြင် မူလရင်းမြစ်ကို စုပ်ယူပြီးနောက် အသက်ရှူချိန်ဆယ်ကြမ်အတွင်း အမြင့်ဆုံးခုန်ပျံကျော်လွှားမှုကို ပြုလုပ်ရမည်ဖြစ်သည်။

ထိုခဏတွင် လင်းယွမ်၏ တည်ရှိမှုက ရုတ်တရက် ပျောက်ကွယ်သွားသည်။ ၎င်းက လုံးဝ ပျောက်ကွယ်သွားခြင်းဖြစ်ပြီး စကြာဝဠာအတွင်းရှိ မည်သည့်နေရာတွင်မဆို မရှိတော့ပေ။ သူ၏ ကြောင်းကျိုးဆက်နွယ်မှုများလည်း ပျောက်ကွယ်သွားခဲ့သည်။

" လင်းယွမ် အမြင့်ဆုံးခုန်ပျံကျော်လွှားမှုကို စတင်လိုက်ပြီ။ "

လင်းယွမ်၏ တည်ရှိမှုပျောက်ကွယ်သွားသည်နှင့် လူသားမျိုးနွယ်၏ ကြီးမြတ်သူကိုးယောက်က အခြေအနေကို ချက်ချင်း နားလည်လိုက်သည်။

အမြင့်ဆုံးခုန်ပျံကျော်လွှားမှုက အသက်အနှစ်သာရကို အသွင်ပြောင်းလဲခြင်းဖြစ်ပြီး အချိန်မြစ်ထဲမှ အရာအားလုံး ခုန်ထွက်ခြင်းဖြစ်သည်။ ထိုအချိန်အတွင်း တည်ရှိမှုနှင့် ကြောင်းကျိုးဆက်နွယ်မှုများအားလုံး အချိန်မြစ်ထဲမှ ခုန်ထွက်သွားမည်ဖြစ်သည်။

" လင်းယွမ် မင်းအောင်မြင်ရမယ်..." ကြီးမြတ်သူရှချင်က မျှော်လင့်ချက်များနှင့် ရေရွတ်လိုက်သည်။

လင်းယွမ် အလွှာရှစ်သို့ ရောက်သည်ကို မြင်တွေ့ပြီးနောက် သူက လင်းယွမ်ကို အတော်လေး သဘောကျခဲ့သည်။ လူသားမျိုးနွယ်အပေါ် သက်ရောက်မှုကို ထည့်မတွက်လျှင်တောင် ကြီးမြတ်သူရှချင်က လင်းယွမ်ကို အောင်မြင်ရန် စိတ်ရင်းမှန်ဖြင့် မျှော်လင့်နေသည်။

" လင်းယွမ်က အလွှာဆယ့်နှစ်ကို သေချာပေါက် ဝင်ရောက်လိမ့်မယ်။ " ကြီးမြတ်သူရွှမ်ယွမ်က အခြားကြီးမြတ်သူရှစ်ယောက်ဘက်သို့ လှည့်ပြီး လေးနက်စွာ ပြောလိုက်သည်။

" လင်းယွမ်ရဲ့ အခြေခံအုတ်မြစ်နဲ့ သူသာ အလွှာဆယ့်နှစ်ကို မရောက်ရင် ဘယ်သူရောက်နိုင်မှာလဲ။ ငါတို့တောင် ရောက်နိုင်မှာမဟုတ်ဘူး။ "

" မှန်တယ်။ လင်းယွမ်က အလွှာဆယ့်နှစ်ကို သေချာပေါက် ဝင်ရောက်လိမ့်မယ်။ " လူသားမျိုးနွယ်၏ ကြီးမြတ်သူများက ခေါင်းညိမ့်လိုက်ကြသည်။ သူတို့အားလုံးက လင်းယွမ်အပေါ် ကြီးမားသော ယုံကြည်မှုရှိကြသည်။