ဘုရင်မနှစ်ပါး တစ်ယောက်နဲ့တစ်ယောက်မျက်နှာချင်းမဆိုင်တာပဲကောင်းပါတယ်။

တုန်းဖန် ဖောသည် သူ့ ရှေ့ရှိ ဧရာမ သတ္တဝါကြီးကို မော့ကြည့်သည်။ သူ့ မျက်နှာပေါ်ရှိ အမူအရာသည် လုံးဝ သတိလက်လွတ် ကြောင်အမ်းနေခဲ့သည်။ ဒါက ရိုးရှင်းတဲ့ အတုအယောင်အာရုံမှား အရိပ် တစ်ခု မဟုတ်ဘဲ တကယ် ရှိတဲ့ သတ္တဝါကြီး ဖြစ်ကြောင်း သူ့ နတ်ဘုရား အသိအာရုံ နှင့် ထောက်လှမ်းနိုင်သော ကြောင့် ဖြစ်သည်။ ဒါက နည်းနည်း လွန်လွန်းမနေဘူးလား။

ပုံမှန်အားဖြင့် ဝေးရာမှ ကြည့်လျှင် ဒါက ယဲ့ယွီ၏ တာအိုဓမ္မကိုသုံးကာ ထင်ရောင်ထင်မှားဖြစ်အောင်လုပ်ထားသော ပုံရိပ်ယောင် ပုံသဏ္ဌာန် ဖြစ်သည်ဟု ဘယ်သူမဆို ထင်မိကြလိမ့်မည်။ကျင့်ကြံသူ လူတိုင်း ဒီ အတုအယောင် ပုံရိပ်ဖော် နည်းစနစ်ကိုသုံးနိုင်ကြသည် ။ ထိုပုံရိပ်များသည် မည်မျှလောက်ပင်ကြီးမားပါ‌ေစ တကယ်မဟုတ်သောအတုအယောင် အလင်းယောင်များသာ ဖြစ်သည်။ ဒါကြောင့် ဒါက သိပ် အထူး အဆန်း မဟုတ်ပေ၊ အဲဒါက အဆင့် နိမ့် နတ်ဆိုးများကို လှည့်ဖြားဖို့ လုံလောက်သည်။ နောက်ဆုံးတော့ ဓမ္မ ပုံသဏ္ဌာန် ဖော်ထုတ်ခြင်းက အထူး အဆင့်မြင့်သော နည်းပညာ မဟုတ်ပေ။

ဒါပေမဲ့ ဒီကောင်လေးက ကျင့်ကြံမှုအလယ်တန်းစား နတ်ဆိုး သခင် တစ်ဦးမျှသာ ဖြစ်သည်။ ရုတ်တက် အာရုံမှားမဟုတ်ပဲ တကယ်တည်ရှိသော စစ်မှန်သော ဓမ္မ ပုံသဏ္ဌာန် ဖန်တီးခဲ့သည်၊ ပြီးတော့ ဒါက ပေ တစ်သောင်းကျော်အောင်မြင့်မာကြီးထွားးလှသည် ။ဒါကြီးကိုဘယ်လိုချရမှာလဲ။ဒီလောကမှာတရားမျှတမှု မရှိတော့ဘူးလား။ နတ်ဆိုး ဘုံ၏ ရူပဗေဒ ဥပဒေကို မင်းကကျတော့ လိုက်နာဖို့ မလိုဘူးလား။ နည်းလမ်း မရှိတော့ဘူးလား။ ဒီကောင်နဲနဲ ယုတ္တိရှိရှိ တိုက်ပွဲဝင်ဖို့ ဘယ်သူမှ တာဝန် ယူတာ မရှိတော့ဘူးလား။

အ? ငါ ဘာလို့ ဖြစ်ရတာလဲ။ တုန်းဖန် ဖော သူ့ စိတ်ထဲမှာ ဒေါသ ထွက် စပြုလာသည်။ သူ အရမ်း ထိတ်လန့်သွားပြီး အနည်းငယ် စိတ်ပျံ့လွင့်သွားသည်။ သူတို့ သတိ ပြန်ဝင်လာသောအခါ ကမ္ဘာသည် မယုံနိုင်လောက်အောင် မှောင်မိုက်နေသည်။ မော့ကြည့်လိုက်တော့ ဝိညာဉ် ခေါ် နဖူးစည်းသည် ကောင်းကင်နဲ့ မြေကြီးကို ဖုံးလွှမ်းနေတာကို တွေ့လိုက်ရသည်။ နဖူးစည်းပေါ်ရှိ ထူးဆန်းသော မှော်အင်းကွက် ပုံစံများသည် လူများကို ရှင်းပြလို့ မရသော စိတ်မသက်မသာ ခံစားမှု ပေးသည်။

တုန်းဖန် ဖော သူ့ သွားများကို ကြိတ်ပြီး သူ့ နတ်ဆိုး စွမ်းအင်ကို လှည့်ပတ်ကာ သူ့ စိတ်ကို အတင်းအကြပ် တည်ငြိမ်စေသည်၊ တိုက်ခိုက်ဖို့ ပြင်ဆင်နေသည်။ ဒါပေမဲ့ သူ့ ဘေးတွင် အနီရောင် မျက်လုံး လင်းနို့များနဲ့ သရဲများ တစ်စု ဘယ်လိုမှ မထင်မှတ်စွာပေါ်လာသည်ကို သူ တွေ့လိုက်ရသည်။ ထိုတစ္ဆေသရဲအုပ်စုသည် သူ့ကိုမည်သည့် ထိခိုက်မှုမှ မဖြစ်စေနိုင်သော်လည်း ဒီလောက်ထိအများကြီးပေါ်လာတာကစိတ်ကိုထိတ်လန့်စေခဲ့သည်။

ထို့ကြောင့် တုန်းဖန် ဖောသည် နတ်ဘုရားသုတ်သင် ဝိညာဉ် ခေါ် နဖူးစည်း မိုးပေါ်မှ တစ်လောကလုံးကိုဖုံးလွမ်းပြီးကျလာတာကို မတတ်နိုင်ဘဲ ကြည့်နေခဲ့ရသည်။

"ဘုန်း!"

ချက်ချင်းမှာ ကျူးကွက် စီရင်စု တစ်ခုလုံး တုန်ယင်သွားခဲ့သည်။ ပတ်ဝန်းကျင်ရှိ တောင်များသည် တုန်ခါမှုကြောင့် ပြားသွားခဲ့သည်။

ချိုင်ကျိကော့နဲ့ အခြား နတ်ဆိုး သခင်ဘုံ ကျွမ်းကျင်သူ သုံးဦးသည် လေထဲတွင် သူတို့၏ ခန္ဓာကိုယ်ကို ထိန်းထားဖို့ မနည်း ကြိုစားလိုက်ရသည်။ ယဲ့ယွီ ပြုံးလိုက်သည်။ နောက်ဆုံးတော့၊ နောက်ဆုံးတော့ နတ်ဆိုး သခင်ဘုံ ကျွမ်းကျင်သူ တစ်ဦး သေသွားပြီလား။

ဒီပြင်းထန်သောတိုက်ခိုက်မှုကအားကောင်းလွန်းလှသည်။နတ်ဆိုးကမ္ဘာတွင် တစ်ခါမှမကြုံဖူးသော ပြင်းထားသော တိုက်ခိုက်မှုကြီးတစ်ခုဖြစ်သည်။ဒါကပင်တုန်းဖန် ဖော သေဖို့ ကြမ္မာ ပါကြောင်း သက်သေ ပြသည်။

မျှော်လင့်ထားသည့်အတိုင်း။ ယဲ့ယွီ သူ့ နတ်ဘုရားစွမ်းအင်များကို အစွမ်းကုန်ထုတ်သုံးရင်း ဧရာမ ဝိညာဉ် ခေါ် နဖူးစည်းကို မြှောက်လိုက်သည်။ မြေပြင်တွင် ကြီးမားပြီး အောက်ခြေ မမြင်ရနိုင်လောက်အောင်ထိနက်ရှိုင်းသော အက်ကွဲကြောင်း တစ်ခု ပေါ်လာခဲ့သည်။ တုန်းဖန် ဖော၏ ဩဘာ လည်း လုံးဝ ပျောက်ကွယ်သွားခဲ့သည်။

တုန်းဖန်ဖော၏ ခန္ဓာကိုယ် ကတော့ ၊ ပေ ထောင်ပေါင်းများစွာ မြင့်သော နဖူးစည်းပေါ်ရှိ များပြားလှသော တစ္ဆေ ပုံရိပ်များကြားမှ သေးငယ်သောပုံလေးတစ်ခုအဖြစ်သာကျန်ရှိတော့သည်။ ဒီတိုက်ပွဲကတော့ တကယ်ပဲ အရမ်း ခက်ခဲသည်။ ဒါ့အပြင် ဒီလို ကြီးမားတဲ့ စွမ်းအား အောက်မှာ နတ်ဆိုး သခင် တစ်ဦးပင် ပြာ ဖြစ်သွားတာက ကျောချမ်းစရာကောင်းလွန်းသည်။ ဒါက လုံးဝ အဓိပ္ပာယ် မရှိပေ။

ယဲ့ယွီကို တကယ် စိတ်ဝင်စားစေသည်မှာ... တုန်းဖန် ဖော၏ နတ်ဘုရား ဝိညာဉ်ကို စုပ်ယူပြီးနောက် ဝိညာဉ် ခေါ် နဖူးစည်း၏ အဆင့်သည် ထပ်မံ မြှင့်တင်ခဲ့ပြီး နဖူးစည်း မျက်နှာပြင်ပေါ်ရှိ ပုံစံများလည်း သိသာစွာ ပြောင်းလဲသွားခဲ့သည်။ ဒါ့အပြင် လှိုင်းထန်နေသော မီးခိုး နက်များကောင်းကင်တခုလုံးကိုမဲမှောင်စေခဲ့သည်။ထိုနေရာရှိလူများအတွက် ထိုမီးခိုးနက်များကို

ကြည့်ရသည်မှာ အေးစက်ပီးထိတ်လန့်သောခံစားမှုကိုရစေသည်။

ယဲ့ယွီ နတ်ဘုရား သတ်ခြင်း၏ ဝိညာဉ် ခေါ် နဖူးစည်းကို သူ့ ပခုံးပေါ်တွင် ခမ်းနားစွာရစ်ပတ်ကာ အေးစက်စွာ ပြောလိုက်သည်- "သေချင်တဲ့ကောင် ရှိသေးလား၊ ဒီကို လာခဲ့ကြ။"

ချိုင်ကျိကော့ သူ့ သွားများကို ကြိတ်ပြီး တိတ်ဆိတ်စွာ နေသည်။သူ၏ ဘယ်နဲ့ ညာရှိ သွေး နတ်ဆိုးများ တစ်ချိန်တည်းမှာ လှည့်ပြီး သွေးရူးသွေးတမ်းနှင့်ထိုနေရာမှ ထွက်ခွာသွားသည်။ မူလက စည်းစိမ် ချမ်းသာ များစွားရရှိနိုင်မည်ဟူစိတ်ကူးယဉ်ခဲ့သော နတ်ဆိုး သခင်ဘုံ ကျွမ်းကျင်သူ ငါးဦးထဲက တစ်ဦး သေပြီး နှစ်ဦး ထွက်ပြေးသွားသည်။ နှစ်ဦးသာ ကျန်သည်နှင့် သူတို့သည် ယဲ့ယွီ နှင့် မယှဉ်နိုင်တော့ပေ။ ဒီ ကလေး အလားတူ ကြောက်မက်ဖွယ် နတ်ဆိုး နည်းပညာ တစ်ခု ထပ်မံ ထုတ်လွှတ်ခဲ့ရင်... သူတို့သည် တုန်းဖန် ဖော နှင့် တူညီသော ကံကြမ္မာကို ကြုံတွေ့ရဖို့ အလွန် ဖြစ်နိုင်သည်။

ဒါကြောင့် များစွာ စဉ်းစားပြီးနောက်... ချိုင်ကျိကော့ ဆက်လက် မနေရဲတော့ဘဲ လှည့်ပြီး ထွက်ခွာသွားသည်။ ကျန်ရှိသော နတ်ဆိုးသည် ပေါ့ပေါ့တန်တန် မလုပ်ရဲတော့ဘဲ အတွေး တစ်ခုဖြင့် နေရာမှ တယ်လီပို့လုပ်ခါ ပျောက်ကွယ်သွားခဲ့သည်။

ဒီ နတ်ဆိုး သခင်ဘုံ ကျွမ်းကျင်သူများ ထွက်ခွာပြီးနောက်။ ယဲ့ယွီသည် ကောင်းကင် နတ်ဆိုး ဖျက်ဆီးခြင်း နည်းပညာကို ချက်ချင်းရပ်ဆိုင်းလိုက်သည်၊ သူ့ ခန္ဓာကိုယ်သည် မူလ အရွယ်အစားသို့ ပြန်ရောက်ခဲ့သည်။ သူသည် ဝိညာဉ် ခေါ် နဖူးစည်းကို ချက်ချင်း ဆုပ်ကိုင်ပြီး စစ်ဆေးကြည့်ရင်း ပြန်လည်သိမ်းဆည်းရန်ပြင်ဆင်သည်။ ဒီလောက် ကြာအောင် တိုက်ခိုက်ပြီးနောက် သူ့ ခန္ဓာကိုယ် အတွင်းရှိ နတ်ဘုရား စွမ်းအင်သည် လုံးဝ ကုန်ဆုံးသွားခဲ့သည်။ အထူးသဖြင့် ကောင်းကင် နတ်ဆိုး ဖျက်ဆီးခြင်း နည်းပညာသည် တစ်ခါ ထုတ်လွှတ်ပြီးသည်နှင့် အလွန်ပင်ဖျက်ဆီးနိုင်စွမ်းအားကြီးသည်။ သို့သော်လည်း စွမ်းအားများကို စားသုံးမှုသည်လည်း အလွန် မြင့်မားသည်။

ရိုးသားစွာ ပြောရရင် ဒီ နတ်ဆိုး သခင်ဘုံ ကျွမ်းကျင်သူ လေးဦးသာ အလျော့မပေးပဲ ဆက်လက် တိုက်ခိုက်ခဲ့ရင်... ယဲ့ယွီ တကယ်ပဲ ကြီးမားသော အန္တရာယ် နှင့် ရင်ဆိုင်ရနိုင်ပေသည်။ ကံကောင်းစွာနဲ့ပဲ အခု အားလုံး ပြီးဆုံးသွားပါပြီ။

ဒီ အချိန်မှာ ဓား ဝိညာဉ် ရှန်စီးဇီသည် အားကုန်ကာယိမ်းယိုင်နေသော ယဲ့ယွီကို ကူညီဖို့ ရှေ့သို့ တက်လာသည်။ ဒါပေမဲ့ ယဲ့ယွီ သူ့ကို လက် ဝှေ့ယမ်းပြီးအကူညီမလိုကြောင်းပြောပြသည် "ငါတို့ အရမ်း ကြာကြာ မနေနိုင်ဘူး။ ကျူးကွက် စီရင်စုမှာ ငါတို့ ဖြစ်ပေါ်စေခဲ့တဲ့ ဆူပူ အုံကြွမှုက အရမ်း ကြီးမားပြီး အခြား နတ်ဆိုးများ၏ အာရုံစူးစိုက်မှုကို ရှောင်လွှဲလို့ မရနိုင်ဘူး။" ငါတို့ တတ်နိုင်သမျှ အမြန်ဆုံး ထွက်ခွာဖို့ လိုတယ်။

သူ စကားပြောနေစဉ် ယဲ့ယွီ အတွေး တစ်ခုထုတ်လွတ်ကာ နတ်ဘုရား ပစ္စည်း အမျိုးမျိုး အားလုံးကို ပြန်လည် သိမ်းဆည်းလိုက်သည်။ ပြီးနောက် သူသည် နတ်ဘုရား ကျောက်တုံး နှစ်တုံးကို ထုတ်ပြီး သူ့ လက်ထဲတွင် ကိုင်ထားသည်၊ ပျောက်ကွယ်သွားခဲ့သော နတ်ဘုရား စွမ်းအင်ကို ပြန်လည် ရရှိသည်။ နယ်နိမိတ် ပုလဲသည် အခု စွမ်းအင် အပြည့်အဝ ပြန်ဖြည့်ထားပြီးသား ဖြစ်သည်။ သို့သော်လည်း တည်နေရာ ပြဿနာက လုံးဝ မဖြေရှင်းရသေးဟု ထင်ရသည်။

ယဲ့ယွီ သူတို့ နောက် ဘယ်ကို သွားမလဲဆိုတာကို တကယ်ပဲ မသိပေ။ ထို့ကြောင့် မမျှော်လင့်သော အခြေအနေ အမျိုးမျိုးကို ကိုင်တွယ်နိုင်ဖို့ မထွက်ခွာမီ မိမိ နတ်ဘုရား စွမ်းအင်၏ တစ်ဝက် ကျော်ကို ပြန်လည် ရရှိဖို့ လိုအပ်သည်။

သို့သော်လည်း အရာများက မကြာခဏ စီစဉ်ထားသည့်အတိုင်း မဖြစ်ပေ။ ယဲ့ယွီ သူ့ လက်ထဲရှိ နတ်ဘုရား ကျောက်တုံး၏ နတ်ဘုရား စွမ်းအင်ကို စုပ်ယူလို့ မပြီးခင်မှာ... ရုတ်တက် အေးစက်မှု တစ်ခု သူ့ တစ်ကိုယ်လုံး ဖြတ်ပြေးသွားသည်။ သူသည် ရှက်စရာ ကောင်းသော ကြွေးကြော်သံများနဲ့ လုပ်ရပ်များကို မျက်နှာပြောင်တိုက်ကာအော်ဟစ်လိုက်ပီး နယ်နိမိတ် ပုလဲကို ချက်ချင်း ထုတ်ပြီး ဖျော်ဖြေမှုဂါထာများကိုရွတ်ခဲ့သည်။

"နယ်နိမိတ် ပုလဲ ကောင်းတယ်၊ နယ်နိမိတ် ပုလဲ အံ့သြစရာ ကောင်းတယ်၊ နယ်နိမိတ် ပုလဲ ထူးခြားတယ်!"

နောက်တစ်စက္ကန့်တွင် နယ်နိမိတ် ပုလဲ အတွင်းရှိ နက်ဗျူလာမှ အားကောင်းသော အလင်း ထွက်ပေါ်လာသည်။ ရုတ်တက် သူနဲ့ ယဲ့ယွီသည် နေရာမှ ပျောက်ကွယ်သွားခဲ့သည်။ တစ်ချိန်တည်းမှာ ဧရာမ နတ်ဆိုး ခြေသည်း နှစ်ချောင်း ရုတ်တက်ထိုနေရာသို့ ကြောက်စရာအင်အားကြီးဖြင့် မြေပြင်ကိုတုန်ခါစေကာ ရိုက်ချလိုက်သည်၊

"ဝုန်း..."

ဒါပေမဲ့ ကံကောင်းစွာနဲ့ပဲ လွဲသွားခဲ့သည်။

မကြာခင် ချိုင်ကျိကော့သည် သစ်သား ကြိမ်လုံး ကိုင်လျက် ဖြည်းဖြည်းချင်း လျှောက်လာသည်။ သူမ၏ အမူအရာသည် အလွန် လေးနက်နေသည်။ သူမသည် မကြာခင်ကမှ ပြန်ရောက်လာသည် မဟုတ်ပေ။ သူမ၏ ရည်ရွယ်ချက်က ရုတ်တရက် တိုက်ခိုက်ဖို့နဲ့ ယဲ့ယွီ တကယ်ပဲ ဆက်လက် တိုက်ခိုက်ဖို့ ခွန်အား ရှိသေးသလား၊ ဒါမှမဟုတ် ရိုးရှင်းစွာ ဟန်ဆောင်နေတာလား ကြည့်ဖို့ ဖြစ်သည်။

ထင်ထားသည့်အတိုင်း။ ချိုင်ကျိကော့၏ ထင်မြင်မှုက မှန်ကန်ခဲ့သည်၊ ယဲ့ယွီ တကယ်ပဲ ဟန်ဆောင်နေခဲ့သည်။ ဒါကြောင့် သူမ တိတ်တိတ် လေး လာပြီး သူမ၏ လှုပ်ရှားမှု လုပ်ဖို့ ပြင်ဆင်ခဲ့သည်။သူမတို့အတွက်ကတော့ ကံမကောင်းစွာနဲ့ပဲ ယဲ့ယွီက လက်ဉီးမှုရရယူကာ တစ်မုဟုတ်ချင်းတယ်လီပို့လုပ်သွားသဖြင့် တိုက်ခိုက်မှုမှာ နောက်ကျသွားခဲ့သည်။ ဒါက အရမ်း နှမြောစရာ ကောင်းသည်။

သို့သော်လည်း ဒီ ကလေးကို မသတ်ရသေးတာက ဖြစ်နိုင်ခြေရှိတဲ့ ပြဿနာ ဖြစ်နေဆဲပင်။ နတ်ဘုရား စွမ်းအင်၊ နတ်ဆိုး စွမ်းအင်နဲ့ တစ္ဆေ စွမ်းအင် သုံးမျိုးလုံးကို ကျွမ်းကျင်စွာထုတ်ဖော်သုံးနိုင်တဲ့ နတ်ဘုရား တစ်ဦးက ကြောက်စရာ ကောင်းသည်။ ဒီ ကလေး နတ်ဆိုး ဘုံမှာ ထပ်မံ ပေါ်လာတာကို တွေ့ရှိသည်နှင့် အခြား အင်အားကြီး ပုဂ္ဂိုလ်များ နှင့် ချက်ချင်း ပူးပေါင်းရမည်။ သူ့ကို ချက်ချင်း သတ်ရမည်။ မဟုတ်ရင် ဒါက သေချာပေါက် ကြီးမားသော ဘေးအန္တရာယ် ဖြစ်ပေါ်စေလိမ့်မည်။

ဒီလို စဉ်းစားပြီး ချိုင်ကျိကော့၏ ခန္ဓာကိုယ်သည် အလင်းတခုဖြစ်သွားပြီး လေဟာနယ်ထဲသို့ ပျောက်ကွယ်သွားခဲ့သည်။

လူ့ ဘုံ၏ ဗဟို တိုက်တွင်၊ သန့်ရှင်းသော ချင်ယွင် ဂိုဏ်း၏ လက်ငါးချောင်း ထိပ်ပေါ်တွင်။ ဟုန် လွမ်း

သူမ၏ ခေါင်းကို ရူးသွပ်စွာ ကုတ်နေသည်။ ယုတ်မာသည်၊ ယုတ်မာသည်၊ ယုတ်မာသည်!

ယဲ့ယွီ နတ်ဘုံမှာ အချိန် အတော်ကြာ နေခဲ့သည်၊ ပြီးတော့ ဒီ ကာလ အတွင်းမှာ သူမ၏ ညီအစ်မများ ပိုမို များပြားလာပြီး အောင်မြင်စွာ ကောင်းကင်ဘုံသို့တက်လှမ်းခဲ့ကြသည်။ ကျိုးယင်ချွန် ၊ ပိုင် မြောင်လန့် ပြီးတော့ လင် မြောင်ရွှဲ့ ပင်လျှင် အားလုံး အောင်မြင်ခဲ့သည်။ ဒီ မိန်းကလေး တစ်ချိန်က သူမ၏ အငယ်တန်းတပည့်လေး ဖြစ်ခဲ့တာကို သတိရမိသည်။

ဗဟို တိုက်၏ အုပ်ထိန်းသူနဲ့ လက်ငါးချောင်း တောင်ထိပ်၏ သခင် အဖြစ် သူ ကြာမြင့်စွာ ကတည်းက နတ် ဘုံသို့တက်လှမ်းသွားသင့်နေပြီဖြစ်သည်။ ဒါပေမဲ့ သူ လူ့ ကမ္ဘာမှာ မနေချင်ဘဲ ဆက်လက် နေနေရသည်။ ဒါက အရမ်း ရှက်စရာ ကောင်းသည်။

ဟုန် လွမ်း ပိုမို စိတ်လှုပ်ရှားလာပြီး ထို အချိန်မှာ နဂါး ဝတ်ရုံ ဝတ်ထားသော လီ ရော့ဝမ် သည် ဝါး အိမ်၏ တံခါးကို ဖွင့်လိုက်သည်။ သူမ ထွက်ဖို့ ပြင်ဆင်နေစဉ် သူမသည် ဝေးလံသော နေရာမှ ဟုန် လွမ်းကို ရုတ်တရက် တွေ့လိုက်ရသည်။ မိန်းမ နှစ်ဦး ခဏ မျက်လုံးချင်း ဆုံသွားသည်။

လီ ရော့ဝမ် စိတ်ပျက်စွာ တံခါးကို ပိတ်လိုက်သည်။ သူမ ဟုန် လွမ်း နှင့် မည်သည့် ပြဿနာမှ မရှိပေ။ သူမ ရှက် မိရုံသာ ဖြစ်သည်။ ပိုင် မြောင်လန့်နဲ့ ကျူအို ယင်ချွန် နတ် ဘုရားမဖြစ်ခင်တုန်းက။ လီ ရော့ဝမ်သည် သူ နတ်ဘုံသို့တက်လှမ်းချင်း ဖြစ်မယ့် နောက်တစ်ဦး ဖြစ်မယ်လို့ အမြဲတမ်း ယုံကြည်ပြီး ကြမ်းတမ်းသော စကားများ အမျိုးမျိုးကို ပြောခဲ့သည်။ ဒါပေမဲ့ လက်တွေ့မှာ သူမ တစ်ခါမှ မရောက်ခဲ့ပေ။ အဲဒီ ကြီးကျယ်တဲ့ ကြေညာချက်တွေ အားလုံးက သူမကို ပြန်လည် စဉ်းစားမိတိုင်းအရှက်ရစေခဲ့သည်။ သူမ၏ နှလုံးသားကို တကယ် နာကျင်စေခဲ့သည်။

ထို့ကြောင့် လီ ရော့ဝမ်နဲ့ ဟုန် လွမ်း နှစ်ဦးလုံး အဆင်မပြေသော အနေအထားတွင် ရှိနေသည်။ နှလုံးသားတွင်ဒဏ်ရာရနေသော ဘုရင်မနှစ်ပါး တစ်ယောက်နဲ့တစ်ယောက်မျက်နှာချင်းမဆိုင်တာပဲကောင်းပါတယ်။။