ယောကျ်ားတွေကို စိတ်မဝင်စားဘူး

နန်းကုန်းချင်ရ၏ စကားကို ကြားသောအခါ နန်းကုန်းချင်ရ ဘာကြောင့် ချန်ရန်ကမ္ဘာထိ လာချင်ရသလဲ ဆိုတာကို နန်းကုန်းယွဲ့ဟွာ ရိပ်မိသလို ဖြစ်သွားသည်။

သူမကို တကယ် စောင့်ကြည့်ချင်နေတာပဲ။

နန်းကုန်းချင်ရ ဆိုလိုသည်မှာ သူမ အာဏာရသွားပါက အချစ်တော်များ ထားခြင်း သို့မဟုတ် လုချန်းကို သစ္စာဖောက်သည့် ကိစ္စများ လုပ်ခြင်း ဖြစ်သည်။

ထိုအခါ လုချန်း စုံစမ်းစစ်ဆေးမည့်အချိန် ရောက်လျှင် သူမ၏ ညီမဖြစ်သူ နန်းကုန်းချင်ရပါ အပြစ်ဒဏ်ပေးခံရမည် ဖြစ်သည်။

သူမတို့က ညီအစ်မများ ဖြစ်ကြသဖြင့် သဘာဝအတိုင်း ပတ်သက်ဆက်နွယ် နေကြသည်။ ထို့ကြောင့် သူမ အမှားမလုပ်မိစေရန် နန်းကုန်းချင်ရ ကိုယ်တိုင် စောင့်ကြည့်ရမည် ဖြစ်သည်။

နန်းကုန်းချင်ရ၏ ရည်ရွယ်ချက်ကို နားလည်ပြီးနောက် နန်းကုန်းယွဲ့ဟွာ၏ မျက်နှာထား ချက်ချင်း ဆိုးဝါးသွားပြီး

“ငါ့ကို နင်နဲ့ တူတယ်လို့ မထင်နဲ့။ ငါက ယောကျ်ားတွေကို စိတ်မဝင်စားဘူး။ ယင်ယန်မျှခြေလောက်ပဲ သိတဲ့ နင်လို မိစ္ဆာကျင့်ကြံသူ မဟုတ်ဘူး”

ဟု အေးစက်စွာ ပြောလိုက်သည်။

နန်းကုန်းချင်ရက ပြုံးပြီး

“အို... ဟုတ်လို့လား”

“လွန်ခဲ့တဲ့ ရက်ပိုင်းက ချန်ရန်ကမ္ဘာမှာ အရိပ်ဖမ်းကျောက်တုံးတစ်တုံး ရခဲ့တယ်။ အဲဒီထဲမှာ မြင်ကွင်းတော်တော်များများကို မှတ်တမ်းတင်ထားတယ်ဆိုရင် အစ်မ စိတ်ဝင်စားမလား မသိဘူး။”

ထိုအချိန်တွင် နန်းကုန်းချင်ရ ရပ်တန့်လိုက်ပြီး ဆက်မပျံသန်းတော့ပေ။

နန်းကုန်းချင်ရ၏ စကားကို ကြားသောအခါ နန်းကုန်းယွဲ့ဟွာ ရုတ်တရက် ဇဝေဇဝါ ဖြစ်သွားပြီး နန်းကုန်းချင်ရက ယခုအချိန်ကျမှ ဘာလို့ ဒါကို ပြောနေရသလဲဟု တွေးမိလိုက်သည်။

နန်းကုန်းယွဲ့ဟွာလည်း ရပ်တန့်လိုက်ပြီး နန်းကုန်းချင်ရဘက်သို့ လှည့်ကာ

“ဘာမြင်ကွင်းတွေလဲ”

ထိုအခါ နန်းကုန်းချင်ရက အရိပ်ဖမ်းကျောက်တုံးကို ထုတ်လိုက်ပြီး နတ်လှေပေါ်ရှိ အတွင်းနန်းဆောင်၌ နန်းကုန်းယွဲ့ဟွာ အော်ဟစ်ညည်းတွားနေသည့် မြင်ကွင်းကို တိုက်ရိုက် ပြသလိုက်သည်။

ထိုအရာကို မြင်သောအခါ နန်းကုန်းယွဲ့ဟွာ၏ မျက်နှာထား ချက်ချင်း ပြောင်းလဲသွားပြီး ဒေါသများ ပြည့်နှက်သွားကာ နန်းကုန်းချင်ရ လက်ထဲမှ အရိပ်ဖမ်းကျောက်တုံးကို လုယူရန် ပြေးဝင်သွားသည်။

သို့သော် နန်းကုန်းချင်ရက သူမကို သတိထားနေခဲ့ပြီးဖြစ်သည်။ နန်းကုန်းယွဲ့ဟွာ အနားကပ်လာသည်ကို မြင်သည်နှင့် အရိပ်ဖမ်းကျောက်တုံးကို သိမ်းဆည်းကာ လျင်မြန်စွာ ရှောင်တိမ်းလိုက်သည်။

နန်းကုန်းယွဲ့ဟွာက

“အရှက်မရှိလိုက်တာ”

နန်းကုန်းချင်ရက ရယ်မောပြီး

“အရိပ်ဖမ်းကျောက်တုံးထဲက မြင်ကွင်းမှာ အော်ဟစ်နေတာက ငါ မဟုတ်ဘူးလေ။ အစ်မပဲဟာကို... ဘယ်သူက အရှက်မရှိတာလဲ။”

နန်းကုန်းယွဲ့ဟွာက သူမ၏ အငွေ့အသက်ကို ချက်ချင်း ထုတ်လွှတ်လိုက်ပြီး

“နင့်လက်ထဲက အရိပ်ဖမ်းကျောက်တုံးကို အခုပေး။ မပေးရင် ငါ့ကို ရိုင်းတယ်လို့ အပြစ်မတင်နဲ့။”

အခြားသူများက သူမ၏ အားနည်းချက်အား ကိုင်ထားခြင်းကို နန်းကုန်းယွဲ့ဟွာ မလိုလားပေ။ အထူးသဖြင့် မိစ္ဆာမ နန်းကုန်းချင်ရ ဖြစ်နေလျှင် ပို၍ပင် မလိုလားပေ။

နန်းကုန်းချင်ရက

“အစ်မက ငါနဲ့ တိုက်ခိုက်ချင်လို့လား”

“လုပ်လေ... ဒါပေမဲ့ ငါတို့ တစ်ယောက်စီတိုင်းမှာ မင်းကြီးရဲ့ ရုပ်သေးရုပ်တွေ ရှိနေတယ်ဆိုတာ မမေ့နဲ့နော်”

ဟု ပေါ့ပါးစွာ ပြောလိုက်သည်။

ရေအေးတစ်ပုံးဖြင့် လောင်းချခံလိုက်ရသကဲ့သို့ နန်းကုန်းယွဲ့ဟွာ ခံစားလိုက်ရသည်။

သူမသာ ယခု နန်းကုန်းချင်ရကို တိုက်ခိုက်လိုက်လျှင် လုချန် ရောက်လာမှာ သေချာသည်။ သူမသည် အနေအထိုင် တည်ငြိမ်သူ ဖြစ်သဖြင့် လုချန်းကို ဤကိစ္စ သိစေလိုမည် မဟုတ်ပေ။

နန်းကုန်းချင်ရက ဆက်ပြောလိုက်သည်။

“ဒါဆို အစ်မ... ယောကျ်ားတွေကို စိတ်မဝင်စားဘူးလို့ ပြောနိုင်သေးလား။”

နန်းကုန်းယွဲ့ဟွာ အေးစက်စွာ နှာခေါင်းရှုံ့လိုက်ပြီး နန်းကုန်းချင်ရနှင့် ဆက်လက် ငြင်းခုံမနေတော့ပေ။ နန်းကုန်းချင်ရသည် လုချန်း၏ အမျိုးသမီး အစေခံ ဖြစ်နေသဖြင့် လုချန်း ပါဝင်နေသည့် ဤကိုယ်ရေးကိုယ်တာ ပုံရိပ်များကို သူတစ်ပါးအား မျှဝေမည် မဟုတ်ကြောင်း သူမ ကောင်းစွာ သိသည်။

သူမကိုယ်တိုင်သာ ကြည့်ရှုပေလိမ့်မည်။

သူမ တစ်ယောက်တည်း ကြည့်ဖို့ဆိုလျှင် စိုးရိမ်စရာ မရှိပေ။

သူမ ကြည့်ချင်လျှင် သိမ်းထားပြီး အေးဆေး ကြည့်ပါစေလေ။

ဘာပဲဖြစ်ဖြစ် သူမနှင့် လုချန်းတို့ ရင်းနှီးကျွမ်းဝင်နေချိန်တွင် ဤကောင်မလေးက စိုက်ကြည့်နေကျပင် ဖြစ်သည်။

ထိုသို့ ကြည့်ရှုခြင်းက သူမကို မထိခိုက်တော့ပေ။

ထိုအကြောင်းကို တွေးမိပြီးနောက် နန်းကုန်းယွဲ့ဟွာ နန်းကုန်းချင်ရကို ဂရုမစိုက်တော့ပဲ ကျိရှောင်နိုင်ငံတော်သို့ အလျင်အမြန် ပြန်သွားလိုက်သည်။

ယခု ထျန်းချန်ကမ္ဘာနှင့် ကျိယန်ကမ္ဘာတို့ လုံးဝ ပေါင်းစည်းသွားပြီ ဖြစ်သော်လည်း ကျိရှောင်နိုင်ငံတော်တွင် ကိုင်တွယ်ဖြေရှင်းစရာ ကိစ္စရပ်များစွာ ရှိနေသေးသဖြင့် သူမတွင် ထိုမိစ္ဆာမနှင့် ရန်ဖြစ်နေဖို့ အချိန်မရှိပေ။

နန်းကုန်းချင်ရ ချန်ရန်ကမ္ဘာသို့ ဘာကြောင့် လိုက်ချင်ရသလဲ ဆိုတာကိုလည်း သူမ သိပ် ဂရုမစိုက်တော့ပေ။ နန်းကုန်းချင်ရသည် သူမကို စောင့်ကြည့်ချင်ရုံထက် ဘာမှ မပိုပေ။ ထို့ပြင် နန်းကုန်းချင်ရသည် လုချန်း၏ အမျိုးသမီး ဖြစ်နေသဖြင့် သူမကို သစ္စာဖောက်ရန် မဖြစ်နိုင်ချေ။

နန်းကုန်းချင်ရ ပြဿနာ မရှာသရွေ့၊ သူမနှင့် အာဏာလုရန် မကြိုးစားသရွေ့ ချန်ရန်ကမ္ဘာတွင် သူမ ကြိုက်သလောက် နေနိုင်သည်။

ထွက်ခွာသွားသော နန်းကုန်းယွဲ့ဟွာ၏ ပုံရိပ်ကို ကြည့်ရင်း နန်းကုန်းချင်ရ ပေါ့ပါးစွာ ရယ်မောလိုက်သည်။

သူမရဲ့ အစ်မက ဟန်ဆောင်ကောင်းလိုက်တာ...

လုချန်းနှင့် ရင်းနှီးနေချိန်က သူမ ဒီလောက်အထိ မာန်မတက် သိက္ခာမကြီးပြ‌ပေ။

ထပ်မံ တွေးတောမနေတော့ပဲ နတ်မဟာမိတ်အဖွဲ့ရှိ ကိစ္စရပ်များကို ကိုင်တွယ်ရန် နန်းကုန်းချင်ရ အလျင်အမြန် ပြန်သွားလိုက်သည်။

သူမ ချန်ရန်ကမ္ဘာသို့ သွားခြင်းမှာ နန်းကုန်းယွဲ့ဟွာကို စောင့်ကြည့်ဖို့ ဖြစ်သော်လည်း သူမ ပြောခဲ့သကဲ့သို့ လုချန်းနှင့် အကွာအဝေး တစ်ခု ထားရှိရန်လည်း ပါဝင်သည်။

လုချန်းနှင့် ကမ္ဘာတစ်ခုထဲ နီးကပ်စွာ ရှိနေလျှင် သူ့နှင့် ရင်းနှီးကျွမ်းဝင်ရန် အမြဲ ဆန္ဒရှိနေမည်ဖြစ်ပြီး သူမကိုယ်သူမ ထိန်းချုပ်နိုင်မည် မဟုတ်ပေ။

အထူးသဖြင့် မကြာသေးမီက စိတ်ဝိညာဉ်မိုးရေနှင့် ကြုံတွေ့ပြီးနောက် လုချန်းအပေါ် ထားရှိသည့် သူမ၏ ဆန္ဒများ ပိုမိုပြင်းထန်လာခဲ့သည်။ သူမသည် မိစ္ဆာကျင့်ကြံသူ တစ်ဦး ဖြစ်သဖြင့် ကာမဂုဏ် လိုက်စားခြင်းက ပြဿနာ မဟုတ်သော်လည်း အလွန်အကျွံ ဖြစ်လာလျှင်တော့ ကျင့်ကြံခြင်းကို ထိခိုက်စေသည်။

လူတိုင်းက လုချန်းနှင့် မတူပေ။ လုချန်းသည် ရင်းနှီးကျွမ်းဝင်မှုမှတစ်ဆင့် သူ၏ ကျင့်စဉ်အဆင့်ကို အဆုံးမရှိ မြှင့်တင်နိုင်သည်။ သို့သော် မိစ္ဆာလမ်းစဉ် ကျင့်ကြံသူများအတွက်ပင် စုံတွဲကျင့်စဉ်ဖြင့် သွားနိုင်သော အတိုင်းအတာ တစ်ခု ရှိသည်။

ထို့ပြင် နန်းကုန်းချင်ရသည် လုချန်းနှင့် စုံတွဲကျင့်စဉ် ကျင့်ကြံသည့်အခါတိုင်း အစပိုင်းတွင်သာ စိတ်ကို ရှင်းလင်းစွာ ထားနိုင်ပြီး စုံတွဲကျင့်စဉ် နည်းစနစ်ကို လုပ်ဆောင်နိုင်သော်လည်း နောက်ပိုင်းတွင် လုချန်း ပေးစွမ်းသည့် သာယာမှုတွင်သာ နစ်မျောသွားပြီး ကျင့်ကြံရန် အတွေးမရှိတော့ပေ။

လုချန်း၏ လိုအင်ဆန္ဒများကို ဖြည့်ဆည်းပေးရုံ သက်သက်ဖြစ်သည့် အရာဝတ္ထုတစ်ခု သူမ လုံးဝ မဖြစ်ချင်ပေ။ လုချန်းကို ကူညီပံ့ပိုးပေးနိုင်မည့် အမျိုးသမီး တစ်ဦးလည်း သူမ ဖြစ်ချင်သည်။

လုချန်း၏ အမျိုးသမီးများ တစ်ယောက်ပြီးတစ်ယောက် ထူးချွန်လာကြသည်ကို မြင်တွေ့ရကတည်းက သူမ၏ စိတ်နေသဘောထားများ များစွာ ပြောင်းလဲလာခဲ့သည်။

အမှန်တကယ်တော့ ထျန်းချန်ကမ္ဘာရှိ စိတ်ဝိညာဉ်စွမ်းအားများ မယုံနိုင်လောက်အောင် သိပ်သည်းလာသဖြင့် သူမသာ

ပိုအားကောင်း ချင်လျှင် ထျန်းချန်ကမ္ဘာတွင် နေထိုင်ပြီး ကျင့်ကြံခြင်းက အလွန် အကျိုးရှိနိုင်ကြောင်း နန်းကုန်းချင်ရ နားလည်သည်။

သို့သော် လုချန်းနှင့် ပိုနီးကပ်လေလေ သူ့နှင့် ရင်းနှီးကျွမ်းဝင်လိုစိတ် ပိုများလေလေ ဖြစ်သည်ကို ထည့်သွင်းစဉ်းစားပြီးနောက် အဆင့်နိမ့်သော ချန်ရန်ကမ္ဘာသို့ သွားရန် သူမ ဆုံးဖြတ်လိုက်ခြင်း ဖြစ်သည်။ နေ့တိုင်း လုချန်းနှင့် ရင်းနှီးကျွမ်းဝင်ဖို့ချည်း တွေးနေလျှင် ကျင့်ကြံခြင်းအပေါ် သူမ မည်သို့ အာရုံစိုက်နိုင်မည်နည်း။

အဆုံးတွင် ထျန်းချန်ကမ္ဘာ၌ ကျင့်ကြံခြင်းက အဆင့်နိမ့်ကမ္ဘာတွင် ကျင့်ကြံခြင်းလောက်ပင် ထိရောက်မှု ရှိချင်မှ ရှိလိမ့်မည်။

မိမိကိုယ်ကို ထိန်းချုပ်နိုင်စွမ်းက တစ်ယောက်နှင့် တစ်ယောက် မတူကြပေ။ ယွမ်ရှန်ရှန်ဆိုလျှင်တော့ လုချန်းနှင့် အခန်းတစ်ခန်းတည်း အတူရှိနေလျှင်ပင် မိမိကိုယ်ကို တည်ငြိမ်အောင် ထိန်းပြီး ကျင့်ကြံနိုင်လိမ့်မည်။

လမ်းမှားရောက်နေသော မိစ္ဆာကျင့်ကြံသူ တစ်ဦးအနေနှင့် နန်းကုန်းချင်ရ ထိုသို့ မလုပ်နိုင်ပေ။ နန်းကုန်းချင်ရသည် သူမ၏ စွဲလမ်းမှုကို ဖြတ်တောက်ရန် မိမိကိုယ်ကို တွန်းအားပေးနေခြင်း ဖြစ်သည်။

နန်းကုန်းချင်ရနှင့် နန်းကုန်းယွဲ့ဟွာတို့ ထွက်ခွာသွားပြီးနောက် ယခုအခါ နတ်သစ်ပင်ဟု ခေါ်ဆိုနိုင်သည့် ပုံသဏ္ဍာန်မဲ့ မိုးမခပင် အနားသို့ လုချန်း ရောက်လာခဲ့သည်။

ကောင်းကင်ဘုံ၏ အသိစိတ်သည် အားရကျေနပ်နေပြီး ၎င်း၏ စွမ်းအားများ အဆက်မပြတ် ထွက်ပေါ်နေသည်ကို လုချန်း ခံစားလိုက်ရသည်။ ထျန်းချန်ကမ္ဘာအနီးရှိ ကမ္ဘာအစိတ်အပိုင်းများနှင့် ဥက္ကာခဲများသည် ထျန်းချန်ကမ္ဘာ၏ အစွန်းဘက်သို့ စုဝေးရောက်ရှိနေကြဆဲ ဖြစ်ပြီး ထျန်းချန်ကမ္ဘာသည် အချိန်နှင့်အမျှ အရွယ်အစား ကြီးမားလာခဲ့သည်။

ထို့ပြင် ထျန်းချန်ကမ္ဘာသည် ယခင်ကလို စက်ဝိုင်းခြမ်းပုံစံ မဟုတ်တော့ဘဲ ယခုအခါ လုံးဝန်းသော စက်လုံးပုံစံ ဖြစ်လာခဲ့သည်။ အနီးနားရှိ ကမ္ဘာအစိတ်အပိုင်းများနှင့် ဥက္ကာခဲများက ထျန်းချန်ကမ္ဘာ၏ အခြားတစ်ဖက်ကို ဖြည့်ဆည်းပေးလိုက်ကြသည်။

ကျိယန်ကမ္ဘာနှင့် ပေါင်းစည်းပြီးနောက် ထျန်းချန်ကမ္ဘာသည် သုံးပုံတစ်ပုံခန့် ပို ကြီးလာခဲ့သည်။

ထာဝရကလကဲ့သို့ ထင်ရပြီးနောက် ထျန်းချန်ကမ္ဘာသည် နောက်ဆုံးတွင် တည်ငြိမ်သွားပြီး ထျန်းချန်ကမ္ဘာ၏ ပြောင်းလဲမှုများ တဖြည်းဖြည်း ရပ်တန့်သွားခဲ့သည်။

အားလုံး ပြီးဆုံးသွားပြီးနောက် လုချန်း သက်ပြင်းချလိုက်ပြီး စိတ်သက်သာရာ ရသွားသကဲ့သို့ ခံစားလိုက်ရသည်။ ထိုအချိန်တွင် သူ၏ စိတ်ထဲ၌ ယခင်က ကြုံတွေ့ခဲ့ရသော အာရုံခံစားမှု ပုံရိပ်ယောင်များဖြင့်ပြန်လည် ပြည့်နှက်လာခဲ့သည်။