နတ်ဆိုးသစ်ပင် နှင့် နေမင်းကြွေကျခြင်း

ရှန်းချန်ကောသည် မှိုင်းညို့နေသော အမှောင်မြူခိုးများအတွင်း တစ်လှမ်းချင်း လျှောက်လှမ်းနေသည်။

ထိုအချိန်တွင်...

'လွတ်မြောက်ခြင်းအဆင့်' အစောပိုင်းအဆင့်ရှိသော အကြီးအကဲ၏မျက်လုံးများသည် သွေးကဲ့သို့ နီရဲနေပြီး သူသည် အမှောင်မြူခိုးများအတွင်း နတ်ဆိုးအပင်ကို အသည်းအသန် ရှာဖွေနေသည်။

သူသည် သူ့ဓားကို လက်ထဲတွင် ကိုင်ထားသည်။

သို့သော် သူ ဘာမှ အာရုံခံ၍ မရပေ။

သို့သော် ထိုအချိန်တွင်...

သူ့ရှေ့တွင် လူပုံသဏ္ဌာန်တစ်ခုကို မြင်လိုက်ရသည်။

သူ့မျက်လုံးများ ကျုံ့သွားသည်။

အဘယ်ကြောင့်ဆိုသော် ထိုပုံရိပ်သည် အနည်းငယ် ရင်းနှီးနေသောကြောင့် ဖြစ်သည်။

ထိုသူသည် ရိုးသားဖြောင့်မတ်ပုံရသော်လည်း တိတ်ဆိတ်နေလေသည်။

ခေါင်းမှခြေအဆုံး အနက်ရောင်ဝတ်စုံ ဝတ်ဆင်ထားပြီး သူ့မျက်နှာသည် ဖြူဖျော့ပြီး အသက်မရှိသကဲ့သို့ ဖြစ်နေသည်။

သူက မိုချင်းချန်ပဲ။

"ချင်း..." အကြီးအကဲ စကားပြောတော့မလို ပြုလိုက်သော်လည်း မိုချင်းချန်သည် သူ့ကို အမှောင်ထဲမှစိုက်ကြည့်နေသည်ကို ချက်ချင်း သတိပြုမိလိုက်သည်။

ရုတ်တရက် သူ့မျက်လုံးများမှ လူတိုင်း၏ ကျောချမ်းသွားစေမည့် မှိုင်းညို့သောအလင်းရောင် ထွက်ပေါ်လာသည်။

သို့သော် ထိုအခိုက်အတန့်တွင် မိုချင်းချန်၏နောက်ဘက်၌ ကြီးမားသော အရိပ်ကြီးတစ်ခု ရုတ်တရက် ပေါ်လာသည်။

မျက်စိဖြင့် မြင်နိုင်သည်မှာ ထိုအရိပ်သည် စောစောက အမြစ်များ၏အဆုံးမဲ့ အစုအဝေး ဖြစ်နေသည်။

မျက်တောင်တစ်ခတ်အတွင်း ၎င်းတို့သည် လေထဲသို့ တက်လာပြီး အရူးအမူးပုံစံဖြင့် အရပ်ရပ်သို့ ဝဲပျံသွားကြသည်။

ဝူး...

အမြစ်များ အကြီးအကဲဆီသို့ လာနေသည်။

အကြီးအကဲ၏မျက်လုံးများ ကျုံ့သွားသည်။

သူသည် သူ့ 'သဏ္ဍာန်ဖော်ခြင်းဓား' ကို လက်ထဲတွင် ကိုင်ထားပြီး သူ့ 'တိုက်ခိုက်ခြင်းဓား' က သူ့ခေါင်းပေါ်တွင် ပျံဝဲနေသည်။

သူ စွမ်းအားကို ထုတ်လွှတ်လိုက်သည်။

ဘုန်း...

သစ်ပင်အမြစ်များ ကြွေကျပြီး မြေပြင်ပေါ်၌ ပြန့်ကျဲသွားသည်။

သို့သော် ထိုသစ်ပင်အမြစ်များသည် အဆုံးမရှိသကဲ့သို့ ဆက်လက်ဝင်ရောက်လာပြီး အကြီးအကဲ၏ခန္ဓာကိုယ်အနှံ့ ဒဏ်ရာများ ဖြစ်ပေါ်စေသည်။

သွေးများ မြေပြင်ပေါ် စီးကျနေခဲ့၏။

သူ့မျက်နှာ ချက်ချင်းဖြူဖျော့သွားပြီး တစ်ကိုယ်လုံး တုန်ယင်နေလေ၏။

ဒဏ်ရာများတစ်လျှောက် သူ့ခန္ဓာကိုယ်မှဝိညာဉ်စွမ်းအင်များ လျင်မြန်စွာ ယိုစိမ့်ထွက်သွားသည်။

"ကောင်းကင်ပြိုကျခြင်း"

သူ့ဓားသည် အလွန်ပြင်းထန်သော အရှိန်အဝါဖြင့် တောက်ပလာသည်။

ပတ်ဝန်းကျင်ရှိ သစ်ပင်အမြစ်များ ချက်ချင်း ပျောက်ကွယ်သွားသည်။

သို့သော် သူ့ဓားသည် မိုချင်းချန်၏ရှေ့တွင် ပျံဝဲနေပြီးနောက် ရပ်တန့်သွားသည်။

စွပ်...

ကြောက်မက်ဖွယ် သစ်ပင်အမြစ်တစ်ခုသည် သူ့ပခုံးကို ချက်ချင်း ဖောက်ထွင်းသွားသည်။

အရှိန်က အလွန်မြန်သဖြင့် သူ တုံ့ပြန်နိုင်ခြင်းပင် မရှိလိုက်ပေ။

အကြီးအကဲသည် ခြောက်သွေ့သောအမြစ်များမှ ကြီးမားသော စုပ်ယူအားကို ခံစားလိုက်ရသည်။

"အူး..."

သူ့သတိ တဖြည်းဖြည်း မှေးမှိန်သွားသည်။

သစ်ပင်အမြစ်များက သူ့ကိုပါ ရစ်ပတ်ချည်နှောင်ရန် အသည်းအသန် ပြေးဝင်လာသည်။

၎င်းတို့သည် လမ်းကြောင်းမျိုးစုံဖြင့် ပျံ့နှံ့နေသည်။

ထိုအချိန်တွင် ထိုနေရာသည် ထူထပ်သော သစ်ပင်အမြစ်များဖြင့် ဖုံးလွှမ်းနေပြီး ကြီးမားသော ခြောက်သွေ့သည့် ကွန်ရက်ကြီးတစ်ခုအဖြစ် ပုံဖော်ထားသည်။

သို့သော် ထိုအခိုက်အတန့်တွင်...

ဝူး... ရှဲ...

ကြောက်မက်ဖွယ် တစ်စုံတစ်ရာကို အာရုံခံမိသကဲ့သို့ ကြီးမားသော အမြစ်များအရေအတွက်သည် ရုတ်တရက် နောက်သို့ ဆုတ်ခွာသွားသည်။

အုံမှိုင်းနေသောအမှောင်ထုကြားတွင် အကြီးအကဲ ထိတ်လန့်စွာ ထိုင်နေသည်။

နတ်ဆိုးအပင်ကိုပင် ကြောက်ရွံ့စေနိုင်သော အရာက ဘာလဲ။

သူ ဖြည်းညှင်းစွာ အိပ်မောကျသွားသည်။

သို့သော် သူ့သတိ လုံးဝပျောက်ကွယ်မသွားမီတွင် လင်းလက်တောက်ပသော ဓားအလင်းတန်း၊ ထွက်ပြေးနေသော သစ်ပင်အမြစ်များ၊ ဓားဖြင့် ထိုးဖောက်ခံထားရသော မိုချင်းချန်နှင့် အမှောင်ထုထဲတွင် အားထုတ်မှုမရှိဘဲ ရှေ့သို့ လျှောက်နေသော ကြောက်မက်ဖွယ် ပုံရိပ်တစ်ခုကို သူ မြင်လိုက်ရသကဲ့သို့ ရှိသည်။

ထိုအချိန်တွင် ရှန်းချန်ကော ရောက်လာသည်။

သူ အကြီးအကဲကို တစ်ချက်ကြည့်လိုက်သည်။

သစ်ပင်အမြစ်များ၏အဆိပ်အတောက်ကြောင့်သာ သူထုံထိုင်းသွားခြင်း ဖြစ်သည်။

ထို့နောက် သူ ဓားဖြင့် ထိုးဖောက်ထားသော မိုချင်းချန်ကို ကြည့်လိုက်သည်။

သူသည် 'ပြန်လည်မွေးဖွားခြင်း' နည်းစနစ်ကို ကျွမ်းကျင်ထားသည်။

ပြန်လည်မွေးဖွားခြင်းသည် လျှို့ဝှက်ပုံတူဖန်တီးခြင်း နည်းစနစ်ဖြစ်သော်လည်း သူသည် သူ၏ လက်နက်တိုက်ထဲတွင် 'စိတ်ဝိညာဉ်လမ်းညွှန်ခြင်း ' ကဲ့သို့သော စိတ်ဝိညာဉ်အသက်ရှူခြင်း နည်းစနစ်ကိုလည်း ပိုင်ဆိုင်ထားသည်။

ဤနှစ်ခုကို ပေါင်းစပ်လိုက်သောအခါ ဤမိုချင်းချန်သည် အတုအယောင် ဖြစ်သည်ကို သူ တစ်ချက်ကြည့်ရုံဖြင့် ချက်ချင်း သိလိုက်သည်။

၎င်းသည် နတ်ဆိုးမှ ထိန်းချုပ်ထားသော ပုံတူတစ်ခုသာ ဖြစ်သည်။

"ဒီနတ်ဆိုးက စိတ်ဝင်စားဖို့ကောင်းတယ်။ သူ ချုပ်နှောင်ထားတဲ့သူတွေရဲ့ပုံတူကို ဖန်တီးနိုင်တာပဲ။ ဒီလို နတ်ဆိုးတွေအကြောင်း ငါ ကြားဖူးတယ်လို့ ထင်တယ်။ဂျူနီယာညီလေးကို လုံးဝ ချေဖျက်လိုက်နိုင်ရင် သူ့ရဲ့ စွမ်းအားအားလုံးကို ပိုင်ဆိုင်ပြီး သူ့ပုံစံနဲ့ ဟန်ဆောင်နိုင်တော့မှာပေါ့။"

"ငါ အမြန်လုပ်ရမယ်။ အကြီးအကဲကို ဒီမှာ ထားခဲ့တာ အဆင်ပြေမှာပါ။ ငါ့ရဲ့ အရှိန်အဝါတချို့ကို ချန်ထားခဲ့တယ်။ ဒါဆို ဒီနတ်ဆိုးတွေ သူ့ကို ချဉ်းကပ်ဖို့ သတ္တိရှိမှာ မဟုတ်ဘူးလို့ ထင်တယ်..."

ရှန်းချန်ကော ပြောလိုက်သည်။

သူ ဓားတစ်ချက် ခုတ်ပိုင်းလိုက်သည်။

ဘုန်း...

ဤတိုက်ခိုက်မှုသည် သူရိယဓားနည်းစနစ်၏ အရှိန်အဝါနှင့် ကောင်းကင်ဘုံဓားကျမ်း၏ ကျယ်ပြန့်မှုတို့ ပါဝင်သည်။

မျက်တောင်တစ်ခတ်အတွင်း တောက်ပသော ရွှေရောင်ဓားအလင်းတန်း ထွက်ပေါ်လာပြီး အမှောင်ထုကြားရှိ ထာဝရအလင်းတန်းတစ်ခုကဲ့သို့ အမှောင်မြူခိုးများကို ဖြတ်သန်းသွားသည်။

ပတ်ဝန်းကျင်ရှိ နတ်ဆိုးများ ကြောက်မက်ဖွယ် အရှိန်အဝါကို ခံစားမိပြီးနောက် မြေပြင်ပေါ်သို့ ချက်ချင်း ဝပ်တွားသွားကြသည်။

စစ်မှန်သောကောင်းကင်ဘုံဓားကျမ်းမှ ထုတ်လွှတ်သော အရှိန်အဝါသည် အလွန် ခမ်းနားထည်ဝါလှသည်။

ရှန်းချန်ကောသည် သဘာဝအလင်းတန်းတစ်ခုကဲ့သို့ ဟင်းလင်းပြင်ကို ဖြတ်ကျော်ကာ အမှောင်ထုထဲသို့ ပျောက်ကွယ်သွားသည်။

ထိုအချိန်တွင် ရေခဲတမျှ အေးစက်နေသော အမှောင်မြူခိုးများ ဖြည်းညှင်းစွာ ရွေ့လျားနေကြသည်။

အတွင်းမှ ထူးခြားဆန်းကြယ်သော အရာများသည် ထောင်ပေါင်းများစွာသော ချည်မျှင်များအဖြစ် ပြောင်းလဲသွားပြီး ဦးရေပြားများ ထုံကျင်သွားအောင် အချင်းချင်း ရစ်ပတ်နေကြသည်။

အမှောင်မြူခိုးများ အပြင်းထန်ဆုံးဖြစ်သည့် ဗဟိုချက်တွင် ဧရာမသစ်ပင်သေကြီးတစ်ပင် တည်ရှိနေလေသည်။

စိမ်းလန်းစိုပြေသော အကိုင်းအခက်များ သို့မဟုတ် အရွက်များ မရှိပေ။

အသက်မဲ့နေသော ကြီးမားသည့် မြေပြန့်လွင်ပြင်တစ်ခုသာ ရှိသည်။

သစ်ပင်ပေါ်ရှိ အကြောများနှင့် အက်ကြောင်းများသည် ကောက်ကျစ်စဉ်းလဲစွာ ပြုံးနေသော မျက်နှာတစ်ခုအဖြစ် ပုံဖော်ထားသည်။

၎င်းသည် ရှေးဟောင်းပြီး ထူးဆန်းနေသည်။

သစ်ပင်တွင် ကြီးမားသော ပန်းပွင့်သုံးပွင့်ဖြင့် ချည်နှောင်ခံထားရသော ပုံရိပ်သုံးခု ရှိသည်။

၎င်းတို့မှာ လင်းချင်ရှန်း၊ ချင်းချွမ်နှင့် မိုချင်းချန်တို့ ဖြစ်ကြလေ၏။

ထိုအချိန်တွင် သူတို့သည် အမှောင်မြူခိုးများ ဖုံးလွှမ်းခံထားရပြီး သတိမေ့မြောနေကြသည်။

သို့သော် ထိုအချိန်တွင်...

"အင်း..."

မိုချင်းချန် နိုးလာပြီး မျက်လုံးဖွင့်လိုက်သည်။

သူ့မျက်နှာ ဖြူဖျော့နေပြီး သူ့မျက်လုံးများ အနည်းငယ် ဝေဝါးနေသည်။

ခုနက ဘာဖြစ်သွားတာလဲ။

ဘာလို့ ငါ့စိတ်ထဲမှာ မှတ်ဉာဏ်အပိုင်းအစတချို့ ဝင်လာနေသလို ခံစားနေရတာလဲ။

ထိုမှတ်ဉာဏ်များထဲတွင် ငါ... အကြီးအကဲကို သတ်လိုက်သလိုပဲ။

ပြီးတော့... စီနီယာအစ်ကိုကြီးဆီကလို့ ငါ ယူဆရတဲ့ ကြောက်မက်ဖွယ် ဓားအလင်းတန်းကို မြင်လိုက်ရတယ်။

သူ့မျက်လုံးတွေက ကြမ်းတမ်းပြီး ဒေါသအပြည့်နဲ့။

သူ ငါ့ကို ဓားချက်တစ်ချက်တည်းနဲ့ သတ်လိုက်တာလား။

သူ နောက်သို့ ဆုတ်သွားမိသည်။

"စီနီယာအစ်ကိုကြီးက လိမ္မာပါးနပ်တဲ့သူ တစ်ယောက်တော့ ဟုတ်ပါတယ်။ ဒါပေမဲ့... သူ ဒီလောက်ထိ စွမ်းအားမကြီးပါဘူး" ဟု သူ ယုံကြည်မှုရှိစွာ ရေရွတ်လိုက်သည်။

ထို့နောက် ၎င်းတို့သည် သူ စိတ်ရှုပ်ထွေးနေသောကြောင့် ဖြစ်ပေါ်လာသည့် အတွေးမှားယွင်းမှုများသာ ဖြစ်သည်ဟု သူ ကောက်ချက်ချလိုက်သည်။

သူသည် သူ့ဘေးမှ ဂျူနီယာညီမလေးနှင့် ချင်းချွမ်ကို ကြည့်လိုက်သည်။

ကယ်သင့်လား မကယ်သင့်လား။

သူသာ သူတို့ကို ကယ်ထုတ်မယ်ဆိုရင် နတ်ဆိုးအပင်က သူ့ကိုပြန်ရှာတွေ့ပြီး ပြန်ချုပ်နှောင်ခံရဖို့ အခွင့်အရေး အများကြီး ရှိနေသည်။

မိုချင်းချန် အံကြိတ်လိုက်သည်။

သို့သော် ထိုအချိန်တွင် မိုချင်းချန် တုံ့ပြန်နိုင်ခြင်း မရှိသေးခင်မှာပင် နတ်ဆိုးအပင် ရုတ်တရက် လှုပ်ရှားလိုက်သည်။

၎င်း၏တွန့်လိမ်ပြီး မာကျောသော အခေါက်များသည် တွားသွားလာပြီး ကြောက်မက်ဖွယ် ပြုံးနေသော မျက်နှာတစ်ခုအဖြစ် ပုံဖော်လိုက်သည်။

ထို့နောက် ထူးဆန်းသော အစိမ်းရောင် မီးပုံးကဲ့သို့ မျက်လုံးတစ်စုံကို ဖော်ပြလိုက်သည်။

ဘုန်း...

မြေကြီး ကွဲအက်သွားပြီး ထူထပ်သော သစ်ပင်အမြစ်များသည် နတ်ဆိုးများ၏ခြေလက်များကဲ့သို့ ရူးသွပ်စွာ ထွက်ပေါ်လာသည်။

၎င်းတို့၏သွားများနှင့် ကခုန်နေသော ခြေသည်းများကို ဖြန့်ကျဲကာ ကောင်းကင်နှင့် နေမင်းကို ဖုံးအုပ်လိုက်သည်။

"သောက်ကျိုးနည်း"

မိုချင်းချန်၏နှုတ်ခမ်းထောင့်များ လှုပ်ယမ်းသွားပြီး မျက်နှာ ချက်ချင်းဖြူဖျော့သွားသည်။

သို့သော် ထူထပ်သော ကြောက်မက်ဖွယ် အမြစ်များက သူ့ကို ဝိုင်းရံတော့မည့် အချိန်တွင်...

ဘုန်း...

ရုတ်တရက် ကြီးမားသော ပေါက်ကွဲသံတစ်ခု ပဲ့တင်ထပ်လာလေ၏။

အမှောင်မြူခိုးများကြားတွင် ရုတ်တရက် တောက်ပသော နေမင်းကြီးတစ်စင်း ထွက်ပေါ်လာသကဲ့သို့ ခံစားလိုက်ရသည်။

အမှောင်မြူခိုးထဲတွင် အလင်းစီးဆင်းမှုနည်းပါးသော်လည်း ထိုအချိန်တွင် တောက်လောင်နေသော နေမင်းကြီးတစ်စင်း ကောင်းကင်ပေါ်တွင် ရပ်တည်နေပြီး လင်းလက်တောက်ပသော အလင်းများကို ဖြာထွက်နေသည်။

အဆုံးမဲ့ အလင်းပမာဏများ ရွာချလာသည်။

နှေးကွေးသော်လည်း ကြောက်မက်ဖွယ် ကောင်းလှသည်။

ဝူး...

ဓားအလင်းတန်းတစ်ခု ရုတ်တရက် ဆင်းသက်လာသည်။

တိုက်ခိုက်ခြင်းနည်းစနစ် - နေမင်းကြွေကျခြင်း

သူရိယဓားဂိုဏ်းက တစ်ယောက်ယောက်များလား။

မိုချင်းချန်၏မျက်လုံးများ ကျုံ့သွားလေ၏။

ဤကြောက်မက်ဖွယ် တိုက်ခိုက်ခြင်းနည်းစနစ်ကို သူ ချက်ချင်း မှတ်မိလိုက်သည်။

သို့သော် သူ့ကို အလွန်ထိတ်လန့်စေသောအရာမှာ ဤတိုက်ခိုက်ခြင်းနည်းစနစ်သည် တကယ်ကြီးကို 'အမှန်တရားပြန်လည်ခြင်းအဆင့်' တိုက်ခိုက်ခြင်းနညိးစနစ်အဖြစ် သတ်မှတ်နိုင်သည်အထိ သန့်စင်နေခြင်း ဖြစ်သည်။

အလင်းများ စိမ့်ဝင်လာခဲ့သည်။

သစ်ပင်အမြစ်အားလုံး အရည်ပျော်ကျသွားသကဲ့သို့ ဖြစ်သွားလေ၏။

သူ့အမြင်အရဆိုလျှင် ထိုသစ်ပင်အမြစ်များသည် အလွန်ကြောက်မက်ဖွယ် ကောင်းလှသည်။

သို့သော် ထိုဓားအောက်တွင် ၎င်းတို့သည် အလွန်ပျက်စီးလွယ်နေပုံရသည်။

အလင်းရောင်သည် သစ်ပင်အမြစ်များကို နောက်သို့ တွန်းထုတ်လိုက်ပြီး နတ်ဆိုးအပင်ကို ကြောက်လန့်တုန်လှုပ်စေခဲ့သည်။

ထိတ်လန့်တုန်လှုပ်ခြင်း

မိုချင်းချန်သည် သူ့မျက်စိရှေ့မှ မြင်ကွင်းကြောင့် တုန်လှုပ်သွားသည်။

ဒီလိုအချိန်မျိုးမှာတောင် သူရိယဓားဂိုဏ်းမှာ ဒီလို ကြောက်မက်ဖွယ် စွမ်းအားရှင် ရှိနေသေးတာလား။

မိုချင်းချန်၏မျက်နှာတွင် ကြီးမားသော ထိတ်လန့်တုန်လှုပ်မှုများ ထွက်ပေါ်လာလေ၏။

စာစဉ်၂ပြီး#