အကြီးတန်း ဦးလေးနဲ့ သခင်အားလုံး ကောင်းကင်ကိုတက်ဖို့ တောင်းဆိုခြင်း

ဖောက်ခွဲ ကောင်းကင်ဘုံဂိုဏ်း၏ အဖွဲ့ဝင်ခုနစ်ဦးတွင် "ဖွဲ့စည်းခြင်းဘုရင်" ဖြစ်သော မုချန်က သူ့ရဲ့တိုက်ခိုက်မှုကို စတင်ခဲ့သည်။ သူက ချင်းယန်ရဲ့ အခင်းအကျင်း ဖွဲ့စည်းတည်ဆောက်ပုံကို ကိုယ်စားပြုသည်။ ချင်းယန်သည် မုချန် အခင်းအကျင်းဖွဲ့စည်းမှုကို စတင်နိုင်အောင် အခွင့်အရေး ပေးရန်အတွက် တိုက်ခိုက်မှုကို နှောင့်နှေးခဲ့သည်။

ခဏအတွင်း ကြယ်ရောင် ရုတ်တရက် ပေါ်ထွက်လာပြီး ကောင်းကင်မှာ ခုနှစ်စင်ကြယ်ကို ချိတ်ဆက်လိုက်သည်။

ဗုန်း!

အခင်းအကျင်း ဖွဲ့စည်းမှုပုံစံကြီး ပေါ်ထွက်လာသည်။ တိုက်ခန်းအပေါ်က ကောင်းကင်ကြီးက ရုတ်တရက် မှောင်သွားလေ၏။

"မှောင်သွားပြီလား?"

တိုက်ခန်း၏ အတားအဆီးအပြင်တွင် ရှဟဲ ကောင်းကင်က တိုက်ပွဲကို စောင့်ကြည့်နေခဲ့သည်။ ရုတ်တရက် ကောင်းကင်ကြီးက အဆုံးမဲ့ မြူခိုးများဖုံးလွှမ်းနေသကဲ့သို့ လုံးလုံးလျားလျား မည်းမှောင်သွားလေသည်။

လျှို့ဝှက်ဆန်းကြယ်သော ကြယ်ခုနစ်လုံးက တောက်ပစွာ ထွန်းလင်းနေပြီး ၎င်းတို့၏ ဆက်နွယ်နေသော လိုင်းများသည် မုန့်ထျန်းရွှမ်၏ အနေအထားကို သော့ခတ်ချိတ်ပိတ်လိုက်ပေ၏။

"ကောင်းလိုက်တဲ့ အခင်းအကျင်း!"

မုန့်ထျန်းရွှမ်သည် သူ့အား ချည်နှောင်ထားသည့် ကြယ်စွမ်းအင်ကြိုးများကို ငုံ့ကြည့်ကာ အစွမ်းထက်သော ရုပ်ပုံသဏ္ဌာန်ကို မနေနိုင်စွာ ချီးကျူးလိုက်သည်။

"ဒါပေမယ့် ဒါက ငါ့ကို ထောင်ချောက်ဆင်နိုင်မယ်လို့ ထင်နေတာလား မင်းတို့က နုံအလွန်းတာပဲ... ကောင်းကင်အရှင်နဲ့ မြေအဓိပတိရဲ့ ကွာဟချက်က ဖြတ်ကျော်လို့တောင် မရနိုင်ဘူး.. ဒီအခင်းအကျင်း ဖွဲ့စည်းပုံက ဘယ်လောက်လေးနက်နေပါစေ ကန့်သတ်ချက်တွေ ရှိနေတုန်းပဲ”

မုန့်ထျန်းရွှမ်သည် လက်ဖဝါးကို မြှောက်လိုက်ပြီး ဖွဲ့စည်း၏အူတိုင်ကို အားဖြည့်ပေးနေသော မုချန်ကို ဖိချလိုက်သည်။ ကြီးမားပြီး လွှမ်းခြုံထားနိုင်သော အင်အားကြီးတစ်ခု ဖြတ်ကျော်ဝင်ရောက်ကာ လေထုကို ဖြိုချပစ်လိုက်သည်။

ဝုန်း!

မြင်သာသော အက်ကွဲရာတစ်ခု ပေါ်လာသည်။ ခုနှစ်စင်ကြယ် အခင်းအကျင်းက ချက်ချင်းတော့ မဖြတ်ကျော်နိုင်ခဲ့ချေ။

"မကောင်းတော့ဘူး အခင်းအကျင်းက ကွဲတော့မယ်"

ဒါကိုမြင်လိုက်တာနဲ့ မုချန်ရဲ့အမူအရာက သိသိသာသာ ပြောင်းလဲသွားသည်။ သူက အခြားသူများကို သတိပေးရန် အမြန်လှည့်အော်၏။

"အားလုံး ရှောင်ဖို့ပြင်ထား!"

နောက်အခိုက်အတန့်၌ ပေသို့ခုနှစ်စင်ကြယ် အခင်းအကျင်းကြီး ကွဲအက်သွားကာ မိုးရွာနေသော ကြယ်ရောင်များလို မရေမတွက်နိုင်သော အပိုင်းအစများအဖြစ် ပြောင်းလဲသွားသည်။ ဖောက်ခွဲကောင်းကင်ဂိုဏ်းမှ အဖွဲ့ဝင်များသည် တိုက်ခိုက်မှု၏ အကွာအဝေးကို ရှောင်ရှားကာ အလျင်အမြန် ဆုတ်ခွာသွားလေ၏။

မီးပွားများ လွင့်စင်သွားသည်။ အချို့သော ဓားရှည်များသည် ဓားနတ်ဘုရား စွမ်းအင်နယ်မြေ၏ ပြင်းထန်သော အပူအောက်တွင် အရည်ပျော်ပြီး အငွေ့ပျံသွားသည်။

"မဆိုးပါဘူး... အခင်းအကျင်းက ထူးခြားသားပဲ"

အဓိပတိ မဟာမိတ်ခေါင်းဆောင်သည် သူ၏ ၀တ်ရုံများပေါ်က ဖုန်မှုန့်များအား ခါထုတ်လိုက်သည်။ သူ့အမူအရာက ငြိမ်သက်နေကာ ဖောက်ခွဲ ကောင်းကင်ဂိုဏ်း၏ ကွဲကွာနေသော အဖွဲ့ဝင်များကို ကြည့်ကာ အမှုမဲ့ အမှတ်မဲ့ ပြောသည်-

"ဒါပေမယ့် ဒီမဟာမိတ်ခေါင်းဆောင်အတွက်ကတော့ ဝေးနေသေးတယ်..."

...

တိုက်ရိုက်ထုတ်လွှင့်မှုမှာ ဒီမြင်ကွင်းကို မြင်တွေ့ခဲ့ရတဲ့ အင်တာနက် သုံးစွဲသူတွေအားလုံး စိတ်ပျက်လက်ပျက် ဖြစ်သွားခဲ့ကြသည်။ မုန့်ထျန်းရွှမ်၏ အဓိပတိပုံစံ စွမ်းအားကြောင့်လည်း အားလုံး အံ့အားသင့်သွားကြရသည်။

[ဒီအဓိပတိ မဟာမိတ် ခေါင်းဆောင်က ဘယ်လို မကောင်းဆိုးဝါးကြီးလဲ?]

[သူတို့ရဲ့ ခွန်အားက လုံးဝ အကွာကြီး!]

["ဒီလိုမျိုးသာဆို ဘယ်လိုလုပ် တိုက်နိုင်မှာလဲ... အဓိပတိ မဟာမိတ် ခေါင်းဆောင်က အရမ်း သန်မာတယ် ကရုဏာ တောင်းသင့်တယ် ထင်တယ်!"]

["မဟုတ်ဘူး! ကျေးဇူးပြုပြီး ငါတို့ဓားနတ်ဘုရားရဲ့ ခြေရာအတိုင် မလိုက်ပါစေနဲ့..."]

"ဖောက်ခွဲ ကောင်းကင်ဂိုဏ်းက ဒီတစ်ကြိမ်ရော သူတို့ဒီအတိုင်း ထပ်လုပ်မှာလား"

["သူတို့ကို ဘယ်သူက ကယ်နိုင်မှာလဲ"]

အပျက်သဘောဆောင်သော စကားသံများက အွန်လိုင်းတွင် တဖြည်းဖြည်း တိုးလာသည်။

အင်တာနက် အသုံးပြုသူများသည် ဖောက်ခွဲကောင်းကင်ဂိုဏ်းကနှင့် ပတ်သက်၍ အဆိုးမြင်မှုများ ပိုများလာခဲ့သည်။ အကြွင်းမဲ့ လွှမ်းခြုံသော ခွန်အားနှင့် ရင်ဆိုင်ရသောအခါ လူတိုင်းသည် အဆိုးဆုံး ဖြစ်လာမည်ဟု ထင်မြင်လာကြသည်။

"မကောင်းတော့ဘူး ချင်းဟဲ... မင်းမှာ တခြားဂိုဏ်းက အကြီးအကဲတွေကို ဆက်သွယ်ဖို့ နည်းလမ်းရှိလား"

ထိုအခိုက်အတန့်တွင် လူအိုလီသည် သူ့ဘေးမှ လီချင်းဟဲကို လှည့်ကြည့်ကာ ဆိုလာသည်။

"သူတို့ကို ကူကြစို့... မသေသေးသရွေ့ မျှော်လင့်ချက် ရှိသေးတယ် ဒီထက်ပိုပြီး အချိန်ဆွဲနေရင် ကောင်းကင်က သခင်ခုနစ်ယောက်တောင် မထိန်းနိုင်မှာ ကြောက်ရတယ်!"

"လူတွေကို ဖိတ်ခေါ်ဖို့လား..."

လီချင်းဟဲ ခဏတာ အံ့အားသင့်သွားပြီး သူ့ကိုယ်သူ လက်ညှိုးထိုးပြကာ အံသြသွားသည်။

ရုတ်တရက် စိတ်ညစ်စရာတွေက သူမကို လွှမ်းခြုံသွားလေ၏။ သူမ ဆန္ဒမရှိခဲ့တာမဟုတ်ဘဲ ဂိုဏ်းထဲတောင် တရားဝင်မ၀င်ရသေးတာ ဖြစ်နေခဲ့သည်။

ဒါကိုတွေးပြီး လီချင်းဟဲရဲ့ စိတ်တည်ငြိမ်မှု ပျက်ပြားသွားတော့သည်။ ချင်းယန်နဲ့ သူမရဲ့ ဆရာဘိုးဘိုးကလွဲရင် သူမဂိုဏ်းမှာ သိတဲ့ တစ်ခုတည်းသော လူတွေက မရှိသလောက်ပင်။

…

…

ဖုဟိုင် လူနေရပ်ကွက်တွင်မူ။

မွန်းတည့်ခါနီးအချိန် ရောက်နေပြီ။

တောက်လောင်နေသော နေမင်းကြီးသည် ကောင်းကင်ယံအထိ မြင့်တက်သွား၏။ ဆူညံသံများက အဝေးကို ရောက်နေတာမို့ အဖြူရောင် အဆောက်အဦများကြားတွင်တော့ တိတ်ဆိတ် ငြိမ်သက်နေခဲ့သည်။

ရှောင်ပိုင်မှာ ချက်ပြုတ်ရင်း အလုပ်ရှုပ်နေတာကြောင့် မီးဖိုချောင်မှာ အိုးတွေ၊ ဒယ်အိုးတွေရဲ့ အသံတွေနဲ့ စည်ကားနေ၏။ ချင်းယန်သည် ဆိုဖာပေါ်တွင် လှဲလျောင်းနေပြီး တိုက်ရိုက်ထုတ်လွှင့်မှုကို ကြည့်နေခဲ့သည်။

ထုတ်လွှင့်မှုတွင် အပျက်သဘောဆောင်သော မှတ်ချက်များ ရွေ့လျားသွားသည်။ လူရှစ်ဦးသည် မဟာမိတ်ခေါင်းဆောင်ကို ဝိုင်းရံထားသော်လည်း နောက်ဆုံးတွင် အားနည်းချက်က ရှိနေဆဲ။

"ကောင်းကင်အဓိပတိမှာ ဒီလိုခန္ဓာကိုယ် ရှိမယ်လို့တောင် မမျှော်လင့်ထားဘူး"

ချင်းယန် အတွေးနက်နက်ဖြင့် မေးစေ့ကို ပွတ်သပ်လိုက်သည်။

"ကောင်းကင်နဲ့မြေကြီးရဲ့ တရားဓမ္မခန္ဓာလိုမျိုးလား... ဒါဆို ငါ ကောင်းကင်အဓိပတိ ရောက်သွားရင် ငါ့ရဲ့ အဓိပတိခန္ဓာကရော ဘယ်လိုဖြစ်မလဲ မသိဘူး"

သူသည်ကား လောဘကြီးသူမျိုး မဟုတ်ပေ။

မုန့်ထျန်းရွှမ်ကဲ့သို့ တစ်စုံတစ်ယောက်သည် မြင့်မားသော ရွှေရောင်ကိုယ်ထည်ကို ဖြည့်ဆည်းပေးနိုင်သောကြောင့် သူ့ကိုယ်သူ ဖန်တီးပေးတာကလည်း ပြဿနာ မဟုတ်နိုင်ပေ။

"ပြီးသွားပြီ သခင်!"

ရှောင်ပိုင် သူမ၏ ဖုန်းကိုကိုင်ကာ ခါးစည်းဝတ်ထားလျက်မှ ဧည့်ခန်းထဲသို့ ပြေးဝင်လာသည်။

"အဲဒီကောင်က သခင့်ရဲ့ အခင်းအကျင်းကို ချိုးဖျက်လိုက်ပြီ ကျွန်မတို့ ဘာလုပ်ကြတော့မလဲ"

"မလန့်ပါနဲ့!"

ချင်းယန် လက်ဖက်ရည် မော့သောက်ပြီး ရှောင်ပိုင်ရဲ့ဆံပင်တွေကို ထိုးဖွလိုက်သည်။

"အခြေအနေက မင်းသခင်ရဲ့ ထိန်းချုပ်မှုအောက်မှာ ရှိနေတုန်းပဲ"

"အိုကေ ဒါဆို မြန်မြန်သွားလုပ်တော့လေ!"

ရှောင်ပိုင်က သူ့အမြီးကို စိတ်အားထက်သန်စွာ တွန့်ပြလိုက်ပြီး :"မြန်မြန် မှုတ်ထုတ်လိုက်တော့! ပေါက်ကွဲသံကြီးကြီးကို ကြားချင်နေပြီ အသံကျယ်ကြီးနော်.... မြန်မြန်လုပ်ပါ သခင်ရယ်... သခင် သူ့ကို ဘယ်လိုမှ မရိုက်နိုင်ဘူးလေ.. ဘာလို့ ကိုယ့်ဘာသာကိုယ် မဖျက်ဆီးပစ်သေးတာလဲ"

"အလျင်မလိုဘူး။"

ချင်းယန်သည် သူ့လက်ဖက်ရည်ခွက်ကို ချလိုက်ပြီး တိုက်ခန်းဆီသို့ ငေးကြည့်ရင်း အသက်မရေမတွက်နိုင်အောင် ကုန်ဆုံးသွားသလိုမျိုး သူ့မျက်လုံးများက နက်နဲလာသည်။

စနစ်က သူ့လက်ထဲတွင် ရှိနေသဖြင့် သူသည် အခြားသူများထက် နှစ်ငါးရာ အားသာချက်ကို ပိုရှင်းလင်းစွာ မြင်နိုင်စေခဲ့သည်။ ဤတိုက်ပွဲကို ရှုမှတ်ခြင်းက မယုံနိုင်လောက်အောင် အကျိုးရှိသည်။ ကောင်းကင်ဘုံရှင်တစ်ဦးအနေဖြင့် မုန့်ထျန်းရွှမ်ရဲ့ လှုပ်ရှားမှုတိုင်းက အလွန်အကျိုးရှိလှသည်။

"ဒါပေမယ့်... အချိန်တန်ရင် အဆုံးအဖြတ် ပေးရမယ့် အချိန်ရောက်လာမှာပဲ"

………

"ဘယ်လိုလဲ... အရှုံးကို ဝန်မခံသေးဘူးလား"

ကောင်းကင်ယံက တိုက်ပွဲသည် အထွတ်အထိပ်သို့ ရောက်ရှိလာခဲ့ပြီး လေထုထဲ လှိုင်းထန်နေခဲ့သည်။ မုန့်ထျန်းရွှမ်၏ ၀တ်စုံများသည် သူ့ဘေးနားရှိ ကြယ်ပါဝါအပိုင်းအစများကို ရိုက်ခတ်ကာ လင်တုံ့တို့ကို ဆန်းစစ်ကြည့်လိုက်သည်။

သူတို့အားလုံး စိတ်မသက်မသာ ဖြစ်နေရတဲ့ အခြေအနေတွင် ရှိနေခဲ့ပြီ။ ကြယ်စွမ်းအားများက သူတို့ကိုယ်ခန္ဓာမှ ဖြာထွက်နေသည်။

"မင်းတို့ရဲ့ ဖောက်ခွဲ ကောင်းကင်ဂိုဏ်းချုပ်သာ ထွက်လာရင် အားလုံး ဒီမှာပဲ အဆုံးသတ်သွားမှာ..."

မုန့်ထျန်းရွှမ်က အခွင့်အရေးကို ဆုပ်ကိုင်ရင်း ချော့မော့လိုက်သည်။

"မဟာမိတ်ခေါင်းဆောင်... မင်းအိပ်မက်များ မက်နေတာလား"

လင်တုံ့က သူ့စကားကို ဆက်မစောင့်ဘဲ သူ့ပါးစပ်က သွေးတွေကို သုတ်လိုက်ပြီး ပြန်ပြောလေ၏။

"မင်းလိုတူတဲ့ နိမ့်ကျတဲ့ ကောင်းကင်အရှင်က ငါတို့ဂိုဏ်းချုပ်ကို ဘယ်လိုလုပ် တွေ့နိုင်မှာလဲ?"

အဲဒါနဲ့ သူ ညာလက်ကို မြှောက်လိုက်ပြီး ယဲ့ဖန်နဲ့ တခြားသူတွေနောက်ကို လိုက်ကာ ထောင်သွင်းအကျဉ်းချနေတဲ့ ကောင်းကင်လက်ချောင်း တိုက်ခိုက်မှုကို ထပ်မံ လွှတ်ပေးလိုက်ပြန်၏။

ဧကရာဇ်အဆင့် ကိုယ်ခံပညာ ခုနစ်ခုကို တစ်ပြိုင်တည်း ထုတ်လွှတ်လိုက်ကြကာ ချင်းယန်၏ ကောင်းကင်တံခါးဖွင့်ဓားကိုပါ ပေါင်းထည့်လိုက်သည်။ ၎င်းတို့သည် ကောင်းကင်ယံတွင် ဓားမီးတောက်များ၊ လက်သီးများနှင့် လက်ဖဝါးများကို ထုတ်လွှတ်လိုက်ပြီး အားလုံးက အဓိပတိမဟာမိတ်ခေါင်းဆောင်ကို ရည်ရွယ်ထားသော်လည်း သူ့ခန္ဓာကိုယ်အပေါ် သက်ရောက်မှုမရှိပေ။

ကျွမ်းကျင်မှု ကွာခြားချက်မှာ ရိုးရှင်းလွန်းလှသည်။ တိုက်ခိုက်မှုများစွာကို လက်ခံပြီးနောက် မုန့်ထျန်းရွှမ်ဟာ မတုန်မလှုပ်ဘဲ အခင်းဖြစ်ပွားရာနေရာအား စူးစမ်းလေ့လာနေခဲ့သည်။

"ကောင်းပြီ ငါပြောတာကို မင်းတို့ကျေကျေနပ်နပ် လက်မခံမှတော့ မင်းတို့အားလုံး သေရမယ်!"

မုန့်ထျန်းရွှမ်သည် သူ့လက်ကို လှန်လိုက်ပြီး သူ့ပတ်ဝန်းကျင်ကို စကင်န်ဖတ်ကာ ကြယ်စွမ်းအင်ကို ဂရုတစိုက် အာရုံခံကာ အော်ဟစ်လိုက်သည်။

"ဖောက်ခွဲကောင်းကင်ဂိုဏ်းချုပ်! မင်း ထွက်မလာဘူးလား?! မင်း ခဏနေလို့မှ ထွက်မလာရင် မင်းရဲ့ တန်ဖိုးကြီးတဲ့ ဂိုဏ်းတပည့်တွေအားလုံး သေလိမ့်မယ်!"

သို့သော်လည်း တုံ့ပြန်မှု မရှိလာသေးပါ။

"ဟားဟား"

လင်တုံ့ မသိမသာ ရယ်လိုက်သည်။

"မင်း အဆုတ်ပေါက်သွားတဲ့အထိ အော်ဟစ်နေရင်တောင် ငါတို့ဂိုဏ်းချုပ်က မင်းလိုလူအတွက် သူ့ကိုယ်သူ ပြမှာ မဟုတ်ဘူး!"

"ဘာလို့လဲ? ငါ အတင်းအကြပ် လုပ်နေလို့လား?"

"မှားပြီ ဟားဟား... အခုထိ မင်း နားမလည်သေးဘူးလား။"

လင်တုံ့ ကျယ်လောင်စွာ ရယ်မောလိုက်သည်။ သူ့ရောင်ဝါက ရှင်းရှင်းလင်းလင်း ပျက်ယွင်းသွားသော်လည်း မုန့်ထျန်းရွှမ်ကို သာလွန်သော လေဖြင့် ငုံ့ကြည့်ကာ ပြောနိုင်ဆဲ။

"ငါတို့ကို အတင်းအကျပ် ခိုင်းစေတာက တစ်ခုတည်းပါ... ဒါပေမယ့် အဲဒါက အဓိက အကြောင်းပြချက်တော့ မဟုတ်ဘူး"

"ဒါဆို ဘာလို့လဲ?"

မုန့်ထျန်းရွှမ် မျက်မှောင်ကြုတ်လိုက်သည်။

"ခင်ဗျားနဲ့ မထိုက်တန်လို့လေ!"

ချင်းယန်က ယခင်ဒဏ်ရာကို ထပ်စော်ကားလိုက်ပြန်သည်။

"မင်း ဘာပြောလိုက်တယ်!?!"

မုန့်ထျန်းရွှမ် ပြင်းထန်စွာ တုန်လှုပ်သွားသဖြင့် သူ၏ ကြီးမားသော ခန္ဓာကိုယ်ကပါ တုန်ခါသွားသည်။ ဤစကားများက သူ့ကို အူတိုင်ထိအောင် ရိုက်ခတ်စေသည့်အပြင် သူ့အပေါ် ကြီးမားသော သက်ရောက်မှုကိုလည်း လူတိုင်းအား မြင်နိုင်သွားစေသည် ။

"ငါ မထိုက်တန်ဘူး!?"

"ငါ့ရဲ့အစွမ်းအစက ကောင်းကင်ကို အံတုပြီး ဖောက်ခွဲ ကောင်းကင်ဂိုဏ်းရဲ့ မြင့်မြတ်တဲ့ သတ္တဝါခုနစ်ကောင်ကို လက်ဗလာနဲ့ ချေမှုန်းခဲ့တာ...ဒါက မင်းနဲ့တွေ့ဖို့ မထိုက်တန်သေးဘူးလား?"

"ဖောက်ခွဲ ကောင်းကင်ဂိုဏ်းချုပ်က တစ်ချက်တောင် မကြည့်နိုင်ဘူးလား?"

"ဒါက ဘယ်လိုလုပ်ဖြစ်နိုင်မှာလဲ! ကောင်လေး.. မင်းငါ့တာအိုနှလုံးသားကို နှောင့်ယှက်ရဲသေးတယ်ပေါ့?"

မုန့်ထျန်းရွှမ် ထိတ်လန့်သွားသော်လည်း သူသည် တည်ငြိမ်မှုကို အလျင်အမြန် ပြန်လည်ရရှိစေခဲ့သည်။

"ကျစ် နည်းနည်း လိုနေသေးတယ်"

ဘေးကနေကြည့်နေတဲ့ ချင်းယန် မျက်မှောင်ကြုတ်လိုက်သည်။ မုန့်ထျန်းရွှမ်၏ စိတ်ပိုင်းဆိုင်ရာ အားနည်းချက်မှာ ခဏတာပင်ဖြစ်သော်လည်း ၎င်းကို ဖမ်းမိခဲ့သည်။

"ဒါပေမယ့် ဒီ ဒုတိယအကြိမ် ကာကွယ်ရေး ချိုးဖောက်မှုက စနစ်ရဲ့ ဆုလာဘ်ကို စတင်ဖို့ မလုံလောက်ဘူး! သနားစရာပဲ..."

ထိုသရုပ်ဆောင်မှု အားလုံး ပြီးသွားသောအခါတွင် သူတို့သည် ခြေတစ်လှမ်း လှမ်း၍ ငြိမ်သွားပုံရသည်။ မုန့်ထျန်းရွှမ် ကမ်းပေါ်တက်ပြီး အရာတွေကို ထုပ်ပိုးစပြုနေချိန်မှာ ချင်းယန် ဝမ်းနည်းစွာ သက်ပြင်းချလိုက်၏။

"ကောင်းပြီလေ... ဖောက်ခွဲ ကောင်းကင်ဂိုဏ်းချုပ်က မလာတော့ဘူးတဲ့လား..."

မုန့်ထျန်းရွှမ်သည် အချိန်ဖြုန်းရန် ရည်ရွယ်ချက် မရှိတော့သဖြင့် လူတိုင်းကို စိုက်ကြည့်ကာ ခြိမ်းခြောက်လိုက်သည်။

"ဒါဆို မင်းတို့အားလုံး သွားသင့်ပြီ"

သို့သော် သူပြောပြီးသည်နှင့် ဖောက်ခွဲကောင်းကင်ဂိုဏ်း၏ တုံ့ပြန်မှုက သူ့ကို ထိတ်လန့်စေခဲ့သည်။ ကြောက်ရွံ့ခြင်းမရှိ ဝမ်းနည်းပုံမရဘဲ တစ်လျှောက်လုံး ပြင်ဆင်ထားပုံရသည်။ လင်တုံ့က အေးအေးဆေးဆေး ပြုံးလိုက်သည်။

"ဒီလူကြီးပြောတာ မှန်တယ် သွားရမယ့် အချိန်ရောက်ပြီ"

ယဲ့ဖန် ခေါင်းညိတ်လိုက်သည်။

"ဆရာဦးလေးနဲ့ ဦးငယ်လေးတို့ အားလုံးကို လေးစားစွာ ဖိတ်ကြားအပ်ပါတယ်"

ချင်းယန်သည် လင်တုံ့နှင့် အခြားသူများကို တည်တည်ငြိမ်ငြိမ်နှင့် ငြိမ်သက်စွာ ဦးညွှတ်လိုက်သည်။

"ဒီအငယ်တန်းက ဦးလေးတို့ကို ကောင်းကင်ပေါ်တက်ဖို့ ဖိတ်ခေါ်ချင်ပါတယ်!"

မုန့်ထျန်းရွှမ် : "???"

ပြင်ပလူများအတွက် ဤလုပ်ရပ်သည် အလွန်အမင်း ကြီးကျယ်ခမ်းနားပုံပေါက်ပြီး အဓိပ္ပာယ်မဲ့လှသော်လည်း မုန့်ထျန်းရွှမ် ၎င်းကို လျှော့မတွက်ဝံ့ဘဲ သူ့အမူအရာက ပို၍လေးနက်လာသည်။

ဒီလူတွေ တကယ် ရူးသွပ်တာကလွဲလို့ တခြားဘာမှ မဖြစ်နိုင်တော့ပေ။ ဖောက်ခွဲကောင်းကင်ဂိုဏ်းကသည် မိမိကိုယ်မိမိ ဖျက်ဆီး၍ ဂိုဏ်းအတွင်း လျှို့ဝှက်ချက်အချို့ကို ဖုံးကွယ်ထားတတ်ကာ သေခြင်းတရားကို ရင်ဆိုင်ရာတွင် မကြောက်မရွံ့ ရှိကြသည်။

မုန့်ထျန်းရွှမ် အတွေးပျောက်နေချိန်မှာပဲ။

"ဆရာတူညီအကိုတို့... ဒီအစ်ကိုက ဦးဆောင်မှာပါ"

လင်တုံ့သည် ဖောက်ခွဲ ကောင်းကင်ဂိုဏ်း၏ ကျန်ရှိနေသေးသော ဂိုဏ်းသားများကို ငုံ့ကြည့်ကာ ငြိမ်သက်လှသော နှုတ်ဆက်အပြုံးဖြင့် ရှေ့သို့ တိုးသွားခဲ့သည်။

သူသည် ခြေတစ်လှမ်းသာလှမ်းကာ ၎င်းတို့ကြားရှိ အကွာအဝေးကို ကျုံ့သွားစေသည်။ တောက်ပသော နေရောင်အောက်တွင် ခြေလှမ်းရာနှင့်ချီ ပျောက်ကွယ်သွားကာ အဓိပတိမဟာမိတ်ခေါင်းဆောင်နှင့် တိုက်ရိုက် မျက်နှာချင်းဆိုင် ရပ်လိုက်ကာ နှစ်ရှည်လများ ပျောက်ကွယ်သွားသော သူငယ်ချင်းနှင့် တွေ့သကဲ့သို့ အေးအေးဆေးဆေး ရင်ဆိုင်လိုက်ကြသည်။

"မင်း အရူးပဲ!!!"

မုန့်ထျန်းရွှမ် ထိတ်လန့်သွားပြီး သူ့တစ်ကိုယ်လုံး တုန်လှုပ်သွားသည်။ လင်တုံ့ကို အနီးကပ်မြင်လိုက်ရတော့ ကြောက်ရွံ့မှုကြီးက သူ့ရင်ထဲမှာ ပေါက်ကွဲသွားပြီး သူ့ကျောရိုးကနေ သူ့ခေါင်းထိပ်ကို တည့်တည့် ပစ်လွှတ်လိုက်၏။

ချက်ချင်းပင် ရှေ့သို့ ပြေးလာသော လင်တုံ့ရဲ့ အရေပြားက အက်ကွဲစပြုလာပြီး ကြယ်အလင်းတန်းများက သူ့ခန္ဓာကိုယ်မှ ပေါက်ကြားလာသည်။

"ကိုယ့်ကိုယ်ကို ဖျက်ဆီးမယ် !?"