မဟာမိတ်ခေါင်းဆောင် ထွက်ပြေးသွားပြီ

ဗုန်း!

မုန့်ထျန်းရွှမ်၏ ခန္ဓာကိုယ်သည် နေရာလွတ်တစ်ခုသို့ ဖြတ်သွားနေခိုက် မရေမတွက်နိုင်သော အလင်းတန်းများကို လက်ဖြင့် လွှတ်တင်လိုက်သောကြောင့် ဆူညံသော ပေါက်ကွဲသံတစ်ချက် ထွက်ပေါ်လာခဲ့သည်။ တစ်ချိန်တည်းမှာပင် သူ၏အရေပြားပေါ်တွင် အက်ကွဲကြောင်းများပေါ်လာပြီး သူ၏ မမျှတသော အခြေအနေကို ပေါ်လွင်လာစေ၏။

ပတ်ဝန်းကျင်က နေရာတွေ ပုံပျက်ပန်းပျက် ဖြစ်လာပြီးနောက် တခဏအတွင်း ကောင်းကင်အဓိပတိ၏ မိမိကိုယ်ကို ဖျက်ဆီးခြင်းသည် မျှော်လင့်ထားတာထက် များစွာ ကျော်လွန်သွားကြောင်း သက်သေပြနေတော့သည်။

"ကောင်းကင်အဓိပတိက ကိုယ့်ကိုကိုယ် ဖျက်ဆီးတော့မယ်ပေါ့?"

ဖောက်ခွဲ ကောင်းကင်ဂိုဏ်း၏ လက်ကျန်ခေါင်းဆောင်များသည် ဒါကိုမြင်သည်နှင့် သူ့ကို လျှော့မတွက်ဝံ့တော့ပေ။

တခဏအတွင်း ကောင်းကင်အထက်၌ အရိပ်ခုနစ်ခု ဖြတ်ပြေးသွားသည်။

"လာလေ!"

မုန့်ထျန်းရွှမ် ဒေါသတကြီးဟောက်ရင်း သူ့မျက်လုံးများထဲက သွေးများ စီးကျလာသည်။ ၎င်းက ကောင်းကင်ယံတွင် ပျံဝဲနေကာ ပြိုင်ဘက်ခြောက်ယောက်ကို လက်တစ်ဖက်တည်းဖြင့် တွန်းထုတ်နေ၏။ သူ့ကိုယ်သူ အမှန်တကယ် ပြာချတော့မည်ဟု ဆိုထားသည့်အတိုင်း ခန္ဓာကိုယ်က ကွဲကြေသွားသည်။

"အားလုံးသတိထားကြ!"

ဒါကိုမြင်တာနဲ့ လူအိုလီလည်း ချက်ချင် လှည့်အော်လိုက်သည်။ အသီးသီး ပြေးပုန်းနေကြပြီး လီချင်းဟဲမှာ ကောင်းကင်ကို စေ့စေ့ကြည့်ကာ ရလဒ်ကို စိတ်အားထက်သန်စွာ စောင့်မျှော်နေပါ၏။ ကောင်းကင်အဓိပတိ၏ မိမိကိုယ်ကို ဖျက်ဆီးခြင်းသည် ကျယ်ပြန့်သော သက်ရောက်မှုကို ဖြစ်စေလိမ့်မည်။

သို့သော် နောက်အခိုက်အတန့်၌။

ဗုန်း!

တယ်လီပို့စနစ် အခင်းအကျင်းကို အသက်သွင်းလိုက်ပြီ။

ကောင်းကင်က လူခုနစ်ယောက် ထိပ်တိုက်တွေ့ခါနီးတွင် မုန့်ထျန်းရွှမ်၏ရုပ်သွင်က ပျောက်ကွယ်သွားပြီး သူတို့၏ မျက်စိရှေ့တွင်ပင် တိုက်ရိုက် ပျောက်ကွယ်သွားခဲ့သည်။ ကြီးမားကျယ်ပြန့်သော ကောင်းကင်၌ သူ၏အရိပ်ကို လုံးဝ မမြင်နိုင်တော့ပေ။

အားလုံးက သူတို့ရှေ့မှ မြင်ကွင်းကို မယုံကြည်နိုင်စွာ စိုက်ကြည့်နေကြသည်။

“???”

ဘာတွေဖြစ်နေတာလဲ?

သူဘယ်ကိုသွားတာလဲ။

သူ ဒီလိုပဲ ထားခဲ့တာလား။

ထိပ်တိုက်ရင်ဆိုင်သင့်တာ မဟုတ်ဘူးလား?!

အားလုံး အံ့သြနေကြစဥ် ကောင်းကင်ကြီးက ရုတ်တရက် မည်းမှောင်သွားသည်။ ထိုစဥ် လီချင်းဟဲသည် တစ်စုံတစ်ခုကို တွေ့ရှိသွားပုံရပြီး အရှေ့တောင်ဘက်သို့ ညွှန်ပြကာ လှမ်းအော်လိုက်သည်။

"ဟိုမှာ! မဟာမိတ်အဖွဲ့ခေါင်းဆောင်က အဲဒီမှာ! !"

အာမေဋိတ်သံ ထွက်ပေါ်လာပြီး အားလုံး အသံ၏ ဦးတည်ရာကို ကြည့်လိုက်ရာ နောက်ဆုံးတွင် မုန့်ထျန်းရွှမ်၏ ရုပ်ပုံကို တွေ့လိုက်ရသည်။ ထိုသူဟာ ကောင်းကင်တွင် ပြန်လည်ပေါ်လာသော်လည်း သူသည် မိုင်ပေါင်းများစွာ ဝေးကွာနေပြီး မြို့၏အစွန်အဖျားတွင် ခြေတစ်လှမ်းသာမြင်ရသော မည်းမှောင်သော အစက်တစ်စက်အဖြစ်သာ ရှိတော့၏။

"ဖောက်ခွဲကောင်းကင်ဂိုဏ်း! မင်းတို့ ဒီနေ့ ငါ့ရဲ့ အဓိပတိမဟာမိတ်ကို စော်ကားလိုက်တာ ငါ သေချာပေါက် လက်တုံ့ပြန်မယ်!!"

ထို့နောက် သူလှည့်ထွက်သွားတော့သည်။

သူသည် လူတိုင်း၏အမြင်မှ ပျောက်ကွယ်သွားပြီး အလင်းတန်းတစ်ခုအဖြစ် ပြောင်းလဲကာ တိမ်များထဲ လျင်မြန်စွာ တိုးဝင် ပျောက်ကွယ်သွားခဲ့သည်။ ပြတ်ပြတ်သားသားကို ထွက်ခွာသွားခဲ့ခြင်းပင်။

"ဒီကောင်... ထွက်ပြေးသွားပြီလား"

သူ၏ ထွက်ခွာသွားသော ရုပ်အလောင်းကို ကြည့်ရင်း ချင်းယန် ခေတ္တရပ်လိုက်သည်။ မသိမသာ အရိပ်အယောင်များထဲမှ လူများကို ကြည့်ကာ အနည်းငယ် ရယ်မောကာ ဒေါသကိုလည်း ခံစားလိုက်ရသည်။

သူ့နောက်မှာ ပေါ်လာဖို့ စောင့်နေတဲ့ ကိုယ်ပွားတွေ အများကြီးရှိသေးသည်။ သူ့အနှစ်သာရသွေးတစ်စက်ကို ဖြုန်းတီးပစ်ခဲ့တာကြောင့် ဒီလို ထွက်ပြေးသွားတာက သူ့အတွက် သိက္ခာမဲ့လွန်းသည်။

“မပျော်တော့ဘူး”

ချင်းယန်သည် သူ့နောက်သို့ အပြေးအလွှားလိုက်လာသော လူများကို ကြည့်လိုက်ပြီး သူ့နောက်ကို လိုက်ရန် မလိုအပ်တော့ကြောင်း အတွေးတစ်ခုဖြင့် ထုတ်ပြလိုက်သည်။

“ဒါဆို မဟာမိတ်ခေါင်းဆောင်က သူရဲဘောကြောင်တာပဲ…”

လျိုဝူရွှမ်းသည် လွတ်လွတ်လပ်လပ် ကောင်းကင်ကြီးကို ငေးကြည့်နေ၏။ လေနုအေးက သူ့မျက်နှာကို ပွတ်သပ်သွားသည်။ အရင်ကတော့ မုန့်ထျန်းရွှမ်ဟာ လေးစားအားကျရသူ တစ်ဦးဖြစ်ပြီး အသိပညာနှင့် လုပ်ဆောင်ချက်များက စည်းလုံးညီညွတ်မှု ရှိသည်။ တစ်နေ့နေ့တွင် သူနှင့်တူညီသော အမြင့်သို့ရောက်ရန်ပင် ဆန္ဒရှိခဲ့သည်။

ဒါပေမယ့် ဒါကို မြင်ပြီးနောက်မှာတော့ မိမိရဲ့ အဓိပတိ မဟာမိတ်အဖြစ် အဆင့်အတန်းကို လက်မခံနိုင်တော့ချေ။

အထူးသဖြင့် မုန့်ထျန်းရွှမ်။

သူ့ရဲ့ မြင့်မြတ်တဲ့ စရိုက်က ဘာဖြစ်သွားတာလဲ။

ဒါအကုန်ပဲလား။

အငယ်တန်းများကို နှိမ်ခြင်း၊ သူရဲဘောကြောင်ခြင်း နှင့် သေခြင်းတရားကို ကြောက်ခြင်း သည် မိမိ၏ ကောင်းကင်အဓိပတိ အဆင့်အတန်းဖြင့် အခြားသူများကို အနိုင်ကျင့်သည်။

တစ်ဖက်တွင်မူ ဖောက်ခွဲ ကောင်းကင်ဂိုဏ်းသည် အမှန်တကယ်ပင် မကြောက်မရွံ့ဘဲ ၎င်းတို့၏ ငယ်သားများအတွက် မိမိတို့ကိုယ်ကို စတေးကာ ကောင်းကင်အဓိပတိအပေါ် မတုန်လှုပ်ခဲ့။ ၎င်းတို့က ရောက်ရှိလာရန် မိုင်ပေါင်းထောင်နှင့်ချီ၍ ဖြတ်သန်းခဲ့လေသည်။

နှစ်ခုကြားက ခြားနားချက်က ချက်ချင်း သိသာထင်ရှားလာ၏။

"ဖောက်ခွဲ ကောင်းကင်ဂိုဏ်းက လူသားမျိုးနွယ်ရဲ့ စစ်မှန်တဲ့ အုပ်ထိန်းသူပဲ!"

လျိုဝူရွှမ်း၏ မျက်လုံးများသည် ဖောက်ခွဲ ကောင်းကင်ဂိုဏ်း၏ အထွဋ်အမြတ်ဖြစ်သော ရွှေရောင်အလင်းတန်းများကို တောင့်တမှုအပြည့်ဖြင့် ငေးကြည့်နေမိသည်။ မြင့်မြတ်သော သတ္တဝါများစွာတို့ကို ဆုံးမသြဝါဒဖြင့် ပေါင်းစည်းနိုင်လျှင် နှစ်ပေါင်းများစွာ ရပ်တည်ခဲ့သော အတားအဆီးကို ကျော်ဖြတ်ကာ ကောင်းကင်ဘုံသို့ တက်လှမ်းနိုင်ပေလိမ့်မည်။

…

အခြေအနေ ငြိမ်သက်လာသည်နှင့်အမျှ တိုက်ပွဲ စောင့်ကြည့်နေသည့် အခန်းကလည်း ဆူညံလာသည်။ လူတိုင်းက တိုက်ပွဲအကြောင်းကို အပြင်းအထန် ဆွေးနွေးနေကြတုန်းပဲ။

"ဒါဆို ဒါက မုန့်ထျန်းရွှမ်နဲ့ ပတ်သက်တာတွေလား...."

ဘန်ဂလိုအတွင်းတွင် လူအိုလီသည် ဒေါသတကြီး မျက်မှောင်ကြုတ်ကာ သူ့ဘေးနားရှိ ဦးစီးချုပ်ထံသို့ လှည့်ကြည့်လိုက်သည်။

"အသက်ကို တွယ်ကပ်နေတဲ့ သူရဲဘောကြောင်တဲ့ကောင်! အရင်က သူ့ကို 'အကြီးအကဲ' လို့ ပြောခဲ့တာ ရှက်စရာကြီး!"

"ဟုတ်တယ် လောင်လီ... ကျေးဇူးပြုပြီး မပြောပါနဲ့တော့ မဟာမိတ်ခေါင်းဆောင်က ဒီလောက် လူယုတ်မာလို့ ကျုပ်လည်း ဘယ်တုန်းကမှ စိတ်ကူးမယဉ်ဖူးဘူး"

ဦးစီးချုပ်က သက်ပြင်းချလိုက်ပြီး လွတ်နေတဲ့ကောင်းကင်ကို ငေးကြည့်ရင်း သူ့တာအိုနှလုံးသား ပြိုလဲသွားသလို ခံစားလိုက်ရလေသည်။

"ရဲချုပ်က အဓိပတိမဟာမိတ်ရဲ့ စီရင်ပိုင်ခွင့်အောက်မှာ ရှိတယ် ငါတို့က သူနဲ့ အတူတူပဲလေ... အဲဒါကို တွေးရင် ရှက်လိုက်တာ"

ရဲဌာနချုပ်ကို ပါ၀င်ပြီးနောက် သူရွတ်ဆိုခဲ့သည့် ကြေငြာချက်နှင့် အဓိပတိမဟာမိတ် အတွက် သူပြီးခဲ့သော တာဝန်များ အားလုံးကို ပြန်စဥ်းစားကြည့်သည်။ ယခုဆိုလျှင် မုန့်ထျန်းရွှမ်၏ အရှက်မရှိသော လွတ်မြောက်မှုနှင့်အတူ ကျိန်ဆိုခဲ့သမျှတွေ ပူဖောင်းတစ်ခုလို ပျောက်ကွယ်သွားခဲ့ပါပြီ။

"ငါသာ ဒီအနေအထားမှာရှိနေရင် ငါသူတို့ရဲ့ မဟာမိတ်က ထွက်ခွာလိုက်မယ်... သူတို့သာ ဖောက်ခွဲကောင်းကင်ဂိုဏ်းဝင်တွေကို ဆက်အန္တရာယ်ပြုခိုင်းရင် ဦးစီးချုပ် ဖြစ်နေတော့ရော ဘာအကျိုးထူးမှာလဲ"

စကားပြောနေစဉ် ရဲအုပ်ကြီး၏ တံဆိပ်ကို ဆုတ်ဖြဲကာ ဝန်ထုပ်ဝန်ပိုးအားလုံးကို ဖယ်ရှားရန် ကြိုးစားနေသကဲ့သို့ ပြတင်းပေါက်မှ လွှင့်ပစ်တော့မည် ဖြစ်သည်။ သို့သော် လက်လှမ်းမှီလိုက်သောအခါ လောင်လီက သူ့ကို တားလိုက်သည်။

"ဦးစီးချုပ်! မင်းအဲ့လိုပြောလို့မရဘူး..."

“အဓိပတိမဟာမိတ်အဖွဲ့က ရှည်လျားတဲ့သမိုင်းကြောင်းရှိပြီး သူ့တို့ရဲ့ပထမဆုံးခေါင်းဆောင်က အရမ်းလေးစားထိုက်သူ ဆိုတာတော့ သံသယဖြစ်စရာ မရှိပါဘူး... ဒါပေမယ့် အစက ရည်ရွယ်ချက်က ကောင်းပေမယ့် ထပ်ခါထပ်ခါ ထပ်ခါထပ်ခါ ပြောင်းလဲပြီးမှ ... အဓိပတိ မဟာမိတ်အဖွဲ့က အဲဒီလို အခြေအနေမျိုးနဲ့ ပြိုလဲသွားခဲ့တာ အခုတော့ အဲ့မှာ မုန့်ထျန်းရွှမ်လို လူဆိုးတွေပဲ ကျန်တော့တယ်..."

“ဒီရာထူးကို မင်း ချုပ်ကိုင်ထားသင့်တယ်... ဘယ်အရာမှ သူရဲဘောကြောင်တဲ့ မကောင်းမှုတစ်ခုကြောင့် မင်းလို ဦးစီးချုပ်ကြီးကို အယုံအကြည် မပျက်စေနဲ့”

"ဟမ်?"

ဦးစီးချုပ်သည် သူ့စကားထဲက ပါ၀င်ပတ်သက်မှုကို သတိပြုမိပြီး လေးနက်သော အသံဖြင့် ပြောလိုက်သည်။

"လောင်လီ... ခင်ဗျား ဘာကို ဆိုလိုတာလဲ"

"ငါ့ရဲ့အဓိပ္ပာယ်က ရိုးရှင်းပါတယ်... မုန့်ထျန်းရွှမ် အသက်ရှင်နေတာက နောက်ဆုံးမှာ ပြဿနာကြီးတစ်ခုပဲ သေသေချာချာ စဉ်းစားကြည့်ပါ... မင်းထွက်သွားရင် ဘယ်သူက ငါတို့ကို အကြောင်းကြားနိုင်မှာလဲ"

ဦးစီးချုပ် နားလည်မှုဖြင့် ခေါင်းညိတ်လိုက်သည်။

"နားလည်ပါပြီ ကျုပ် ဆက်နေသင့်တယ်လို့ ပြောချင်တာမလား"

"မှန်တယ် မင်း ရဲစခန်းမှာ ရှိနေသရွေ့ ငါတို့ မိတ်ဆွေလေးချင်းကို ချက်ချင်း အကြောင်းကြားနိုင်မယ်... ဓားနတ်ဘုရား အဖွဲ့ဝင်တွေက အန္တရာယ်ကို ကြိုသိပြီး ကြိုတင်ကာကွယ်မှုတွေ လုပ်ခွင့်ပေးလိုက်လို့ရတယ်"

လူအိုလီသည် ပြတင်းပေါက်အပြင်ဘက်ရှိ လျိုဝူရွှမ်းကို လှမ်းကြည့်ကာ စကားဆက်လိုက်သည်။

"မဟုတ်ဘဲ မင်းထွက်သွားရင် မုန့်ထျန်းရွှမ်က တပ်မှူးအသစ်ကို ချက်ချင်း တပ်ချထားလိမ့်မယ်... ပြီးတော့... ကိစ္စတွေက ပိုခက်ခဲလာလိမ့်မယ်"

"ဟုတ်ကဲ့ နားလည်ပါပြီ"

ဒါကိုကြားတော့ ဦးစီးချုပ်လည်း သူ့လက်ထဲက ရဲအရာရှိရဲ့ တံဆိပ်ကို ငုံ့ကြည့်ရင်း တင်းကျပ်စွာ ဆုပ်ကိုင်ထားလိုက်သည်။

"ကျုပ် ရဲစခန်းမှာ ရှိနေသရွေ့တော့ အဲဒီ မဟာမိတ်အဖွဲ့ကို အောင်မြင်ဖို့ ခွင့်မပေးပါဘူး..."

နှစ်ယောက်သား စကားပြောနေကြစဥ် တစ်ဖက်က လီချင်းဟဲ၏ အပြုံးမှာ ဖုံးကွယ်၍မရတော့ပေ။

"ထွက်ပြေးနည်းကိုပဲ သိတဲ့ သူရဲဘောကြောင်တဲ့ကောင်! ဒီလိုခေါင်းဆောင်မျိုးနဲ့.. အဓိပတိ မဟာမိတ်အဖွဲ့ကြီးကတော့ ဆုံးခန်းတိုင်သွားပြီ။ ရယ်စရာကောင်းလိုက်တာ"

သူမသည် မုန့်ထျန်းရွှမ် ထွက်သွားသည့်လမ်းကြောင်းကို စိုက်ကြည့်ရင်း သူမ၏ရယ်မောသံက ပို၍ပင် မာနကြီးလာသည်။

"ဒီကောင်က ဖောက်ခွဲကောင်းကင်ဂိုဏ်းကို ချေမှုန်းနိုင်မယ်လို့ ထင်နေတာလား... ငါ့ဦးလေးတွေရဲ့ ဖိနပ်တွေကို သယ်ဖို့တောင် မထိုက်တန်ဘူး!"

...

...

ထူထဲသော အနက်ရောင် မြူခိုးများက အရိပ်နှစ်ခုကို ဖုံးအုပ်ကာ တိတ်တဆိတ် လွင့်မျောနေသည်။

အနက်ရောင် မြူခိုးများအတွင်း ပုန်းကွယ်နေသော အရှင်ကျိုထျန်းမှာ အခြေအနေကို တိတ်တဆိတ် စောင့်ကြည့်နေ၏။ ထိုမြင်ကွင်းကို မြင်ရသောအခါတွင် သူလည်း စကားမပြောနိုင် ဖြစ်သွားသည်။

"လူကြီးမင်း.. နားထောင်ကြည့်... ကျန်းဟိုင်မြို့တစ်မြို့လုံးက မုန့်ထျန်းရွှမ်ကို ကျိန်ဆဲနေကြပြီ... ဒီအဓိပတိမဟာမိတ် ခေါင်းဆောင်လို့ ခေါ်တဲ့... သူက ဒီလူဆိုးပဲလား"

လက်အောက်ငယ်သား တစ်ယောက်က သူ့ဘေးနားက တိုးတိုးလေး ကပ်ပြောလေသည်။

"ဒီလိုလူက ခင်ဗျားရဲ့ ဆရာတူအစ်ကို ဖြစ်ထိုက်သလား"

“…”

ဤစကားကို ကြားသောအခါ အရှင်ကျိုထျန်း၏ ပါးစပ်ထောင့်သည် သူ့မျက်နှာဖုံးအောက်တွင် တုန်လှုပ်သွားခဲ့သည်။ ရှက်ရွံ့စွာဖြင့် ပြင်းထန်စွာ ငြင်းဆိုခဲ့သည်-

"အဲလိုလူလား... ငါက သူနဲ့ မရင်းနှီးဘူး! ငါ့မှာ ဒီလို ဆရာတူအစ်ကိုမျိုး တစ်ခါမှ မရှိခဲ့ဘူး!!"

လွန်ခဲ့သည့်နှစ်များက သူသည် မုန့်ထျန်းရွှမ်၏ အရေခြုံ အမူအရာကို မြင်ဖူးခဲ့သည်။ မုန့်ထျန်းရွှမ်သည် သူ့သခင်ကို လိုလားတောင့်တနေသည့် အမူအရာ မရှိသလို မရေတွက်နိုင်သော တပည့်ဖော်များကလည်း သူ့ကြောင့် ဒုက္ခရောက်ခဲ့ရသည်။

အဓိပတိ မဟာမိတ်ခေါင်းဆောင် ဖြစ်လာပြီးနောက် မုန့်ထျန်းရွှမ် ပိုမို စောင့်ထိန်းလိမ့်မည်ဟု သူ ထင်ခဲ့သည်။ ဒါပေမယ့် အခုသူပိုပြီး ထိန်းမနိုင်သိမ်းမရ ဖြစ်ရုံတင်မကဘဲ ပိုပိုပြီးတောင် အရှက်မဲ့လာသေး၏။

မျိုးဆက်သစ်လူငယ်များကို အနိုင်ကျင့်၍ လူရှေ့သူရှေ့ထွက်ပြေးသည်။ ယခု တိုက်ရိုက်ထုတ်လွှင့်မှု အပြီးတွင် နိုင်ငံတစ်ဝန်းလုံးက သူ၏ ဘုန်းတန်ခိုးကြီးသော လုပ်ရပ်များအကြောင်းကို သိရှိကြပြီး မဟာမိတ်အဖွဲ့၏ ဂုဏ်သိက္ခာသည်လည်း ကျိန်းသေပေါက် ကျဆင်းလာမည် ဖြစ်သည်။

ဤသည်မှာ လောက၏ တရားသောလမ်းစဉ်က မဟာမိတ်ဖြစ်သလော။

ရိုင်းစိုင်းသော သားရဲနတ်အရှင်ဂိုဏ်း၏ ခေါင်းဆောင်တစ်ဦးပင်လျှင် ရှက်ရွံ့မှုကို ခံစားမိသည်။

"ဖွီစ! မုန့်ထျန်းရွှမ်... မုန့်ထျန်းရွှမ် မင်းအရင်ကလို ကြောင်သူတော်ပဲကိုး!"

…

ဖုဟိုင်ဗီလာ လူနေဧရိယာ။

"ဟားဟားဟား... သခင် ကျွန်မကို ရီသေအောင် လုပ်နေတာပဲ!"

ရှောင်ပိုင်သည် ဆိုဖာပေါ် လှည့်ပတ်ကာ သူမ၏ဗိုက်ကို ဆုပ်ကိုင်ထားရင်း ခန္ဓာကိုယ်လေး တုန်တုန်ယင်ယင် ဖြစ်နေတဲ့အထိ ရယ်မောနေတော့သည်။

"အဲဒီမဟာမိတ်ခေါင်းဆောင် သူရဲဘောကြောင်ပြီး ထွက်ပြေးသွားတာကို ကြည့်ဦး! လှပတဲ့ မျက်နှာနဲ့ ကောက်ရိုးထုပ်လိုပဲ သူ လုံးဝ ပျက်စီးသွားပြီ"

သူစကားပြောနေစဉ်တွင် ဖုန်းကိုကိုင်ကာ ဗီဒီယိုတစ်ခုဖွင့်ကာ ချင်းယန်အား ပေးလိုက်သည်။

"ကြည့်လိုက် သခင် အင်တာနက်မှာ အဲဒီမဟာမိတ်ခေါင်းဆောင်ရဲ့ ဗီဒီယိုတွေချည်းပဲ..."

"ကံဆိုးလိုက်တာ... သူပြေးတာ အရမ်းမြန်သွားတယ်"

ချင်းယန် သူမဖုန်းကိုယူကာ အတွင်းမှ နောက်ပြောင်သည့် ဗီဒီယိုဖိုင်ကို ကြည့်ကာ သူ့လက်ဖက်ရည်ခွက်ကို ညင်သာစွာ ကောက်ယူ၍ မှုတ်လိုက်သည်။

"မဟုတ်ရင် လူတိုင်းအတွက် ပိုကောင်းတဲ့ ဖျော်ဖြေမှုတွေ ပေးနိုင်မှာ"

အင်တာနက် အသုံးပြုသူများက အင်မတန် မြန်ဆန်လှသည်။ မုန့်ထျန်းရွှမ် လွတ်မြောက်ပြီး မိနစ်ပိုင်းအတွင်းမှာပဲ သူ့အကြောင်းက အင်တာနက်တစ်ခွင်မှာ လျင်မြန်စွာ ပြန့်နှံ့သွားတဲ့ နောက်ပြောင်မှုနဲ့ ရယ်စရာဗီဒီယိုတွေကို ဖန်တီးခဲ့ကြပါ၏။

ရှောင်ပိုင်သည် ချင်းယန်၏ လက်နှစ်ဖက်ကို ဆုပ်ကိုင်ထားပြီး သူမမေးစေ့အား ချင်းယန်၏ ခေါင်းပေါ်တင်ကာ နှစ်ယောက်သား ဗီဒီယိုများကို လှည့်ကြည့်နေကြသည်။ လက်ရှိအွန်လိုင်းတွင် ခေတ်စားနေသော အကြောင်းအရာများ၏ တစ်ဝက်သည် #အဓိပတိ မဟာမိတ်ခေါင်းဆောင် ထွက်ပြေးခြင်း ဖြစ်ပြီး ကျန်တစ်ဝက်မှာ #ဖောက်ခွဲကောင်းကင်ဂိုဏ်း နှင့် သက်ဆိုင်ပါသည်။

ဆန့်ကျင်ဘက် ဖြစ်ကာ ပြင်းထန်သည်။

မုန့်ထျန်းရွှမ်၏ လွတ်မြောက်ခြင်းနှင့်အတူ အဓိပတိမဟာမိတ် တစ်ခုလုံးသည် ၎င်း၏ဂုဏ်သိက္ခာကို ဖြန့်ကျက်ရန် ခက်ခဲသွားသည်။ အကုန်လုံးက ဒီအကြောင်းကိုပဲ ဆွေးနွေးနေကြ၏။

"ဖောက်ခွဲကောင်းကင်ဂိုဏ်းက အရမ်းမိုက်တယ်!"

"တပည့် လက်မခံသေးဘူးလား ဘယ်သူ အဖွဲ့ထဲဝင်ချင်လဲ"

"သူက ဘယ်လို အမှိုက်ကြီးလဲ? ဘာအဓိပတိ မဟာမိတ်ခေါင်းဆောင်လဲ ဘာမှ ထူးထူးခြားခြား မရှိပါဘူး... ကောင်းကင်အဓိပတိ ပညာရှင် လို့တော့ ကြားပေမယ့် အဲဒါ မှန်လားတောင် မသိဘူး"

"ဖောက်ခွဲကောင်းကင်ဂိုဏ်းကမှ သစ္စာရှိတဲ့ အာဇာနည်တွေနဲ့ ပြည့်နေတာ သူတို့က ရက်စက်လွန်းတယ်.. မြေအဓိပတိ ကျွမ်းကျင်သူတွေကို မွေးထုတ်တာနော်.... ဒေါသထွက်စရာပဲ..."

"ဒီလောက်များတဲ့ မြေအဓိပတိကို မွေးထုတ်ပေးဖို့ဆို ဖောက်ခွဲကောင်းကင်ဂိုဏ်းမှာ အရမ်း နက်နဲတဲ့ အခြေခံအုတ်မြစ် ရှိရမယ်!"

အားလုံးရဲ့ Comment တွေကို လျှောက်ကြည့်ရင်း ချင်းယန် မျက်ခုံးပင့်လိုက်သည်။

စနစ်၏ အသံ ရုတ်တရက် ထွက်ပေါ်လာသည်။

"host မင်း အသက်ရှင်နေသေးလို့လား"

၎င်းလေသံမှာ ထိတ်လန့်တုန်လှုပ်စွာဖြင့် ပြည့်နှက်နေသော အစမ်းသဘောဖြင့် မေးလာသည်။

"ကျစ်! System ဘရို.... မင်းဘာကိုဆိုလိုတာလဲ"

ချင်းယန် ဒေါသတကြီး မျက်မှောင်ကြုတ်လိုက်သည်။ သူက လက်ဖက်ရည်ခွက်ကို ချလိုက်ပြီး။

"ငါ အသက်ရှင်လာတာကို မင်း မပျော်ဘူးလား ငါသေပြီးလို့ မင်းကို ဖျက်စီးပစ်မှ ပျော်နေမှာလား"

"မဟုတ်ပါဘူး host.. ဒီစနစ်က မင်းအတွက် အစီအစဥ်ပေါင်း ဘီလီယံပေါင်းများစွာကို ပြင်ဆင်ထားတာပါ... ဒါပေမယ့် hostက အလွယ်ဆုံးလမ်းကို ရွေးခဲ့တာ မဟုတ်ဘဲ မဖြစ်နိုင်တဲ့လမ်းကို ရွေးချယ်ခဲ့တာ... အလေးသာမှုတွေကို အံတုပြီး ကောင်းကင်အဓိပတိ ကျွမ်းကျင်သူကို နှိုးဆော်လိုက်တာ!"

"ဒီစနစ်က hostကို လုံးဝ သဘောကျနေပြှ!"

"ဂုဏ်ယူပါတယ် host... ဆုလာဘ်- အဆ၁၀၀ တိုးပါပြီ..."