မြူခိုးသမုဒ္ဒရာ နှင့် အရိုးခေါင်း

ဒါ ဘယ်လိုလုပ် ဖြစ်နိုင်မှာလဲ

မိုချင်းချန်အတွက် ဤမြင်ကွင်းသည် အလွန်အမင်း ထိတ်လန့်စရာကောင်းလှသည်။

ငယ်စဉ်ကတည်းက သူသည် နက်နဲသောကျင့်ကြံခြင်းအဆင့်ရှိပြီး ထောင်ပေါင်းများစွာသောတိမ်တိုက်အမြင့်ပေါ်တွင် နေထိုင်ကာ၊သူ၏စီးနင်းခြင်းဓား ဖြင့် ခရီးသွား၍၊ လက်ထဲတွင် သဏ္ဍာန်ဖော်ခြင်းဓားအား ကိုင်ဆွဲပြီး တိုက်ခိုက်ခြင်းဓားဖြင့် တရားမျှတမှုကိုဖော်ဆောင်ပေးသော ဓားသူတော်စင် ဖြစ်ချင်ခဲ့သည်။

ဤအရာ သူ့အား ထိုစဉ်က ကျန်းစန်းကျန့်၏ကောင်းကင်ဘုံဓားဂိုဏ်းသို့ အနည်းငယ်မျှ မတွန့်ဆုတ်ဘဲ ဝင်စေသည့်အကြောင်းရင်းများထဲမှ တစ်ခုပင်။

ထိုအရာဟာ သူတောင့်တခဲ့သည့်အရာ၊ သူ့၏ အဆုံးစွန် အိပ်မက်နှင့် သူ ဖြစ်ချင်ဆုံးသူပင်။

ကောင်းကင်ဘုံဓားဂိုဏ်းကို ဝင်ရောက်ပြီး သူ၏ အကြီးဆုံးစီနီယာအစ်ကိုကြီး ရှန်းချန်ကောနှင့် တွေ့သောအခါ သူတခြားသူများကဲ့သို့ တစ်နေကုန်ဘာမှမလုပ်ဘဲ ဟိုနားဒီနားလျှောက်သွား၊အရေးအကြီးဆုံးကတော့ ရှန်းချန်ကောသည် သူ့အား အမြဲ အနိုင်ကျင့်ခဲ့ကြောင့် သူ့လို ကောက်ကျစ်စဉ်းလဲသူ မဖြစ်ဖို့ သူကျိန်ဆိုခဲ့သည်။

သို့သော် ဤအခိုက်အတန့်တွင်...

သူဖြစ်လာမည်ဟု စိတ်ကူးထားသည့်အရာနှင့် သူ မဖြစ်နိုင်ကြောင်းဆိုသည်သူဟာ တဖြည်းဖြည်းခြင်းထပ်တူကျလာသည်။

ဤအရာမှာ စီနီယာအစ်ကိုကြီး ချန်ကော ဖြစ်သည်။

အဖြူရောင်ဝတ်စုံကို ဝတ်ဆင်ထားပြီး ဓားကို ကိုင်ဆောင်ထားကာ လက်အားနောက်ပစ်၍ ကောင်းကင်တောင်ထွတ်ပေါ်တွင် ရပ်နေသည်။

သူ့တွင် ရေခဲရေကန်ကဲ့သို့ အေးစက်သော မျက်လုံးတစ်စုံနှင့် သဘာဝတရားမှထွင်းထုထားသော အဖိုးတန်ကျောက်မျက်ရတနာကဲ့သို့ ချောမောသော မျက်နှာတစ်ခု ရှိသည်။

သူ၏ဝတ်ရုံ တဖျပ်ဖျပ် လွင့်နေပြီး သူ၏ဓားစွမ်းအင်သည် ကောင်းကင်တံခါးများကို ဖွင့်နိုင်သော ဓားသူတော်စင်ကဲ့သို့ လှိုင်းထနေသည်။

"ဒါ မဖြစ်နိုင်ဘူး"

ကောင်းကင်ဘုံဓားကျမ်း - ဓားစီးနင်းခြင်းအပိုင်း ပဉ္စမအဆင့်၊ ယင်ဒြပ်စင်ငါးမျိုး

အရေးအကြီးဆုံးမှာ ရှန်းချန်ကော၏နောက်ကျောရှိ ဓားသုံးလက်နှင့် သူ အသုံးပြုခဲ့သော သိုင်းကွက်သည် သူရယဓားဂိုဏ်းမှ ဖြစ်ပုံရသည်။

ရုတ်တရက် သူသည် နတ်ဆိုးသစ်ပင်နောက်မှ ထုတ်လွှတ်ခဲ့သော နေမင်းကြွေကျခြင်းနည်းစနစ်အား အမှတ်ရလိုက်သည်။

၎င်းကို လွတ်မြောက်ခြင်းအဆင့် နတ်ဆိုးအား တိုက်ခတ်ရန် အသုံးပြုခဲ့ခြင်း ဖြစ်သည်။

ဒါက စီနီယာအစ်ကိုကြီး ချန်ကောလား။

"ငါ စီနီယာအစ်ကိုကြီး ချန်ကောကို အထင်လွဲခဲ့မိပြီ..." မိုချင်းချန် ရေရွတ်လိုက်သည်။

ရှန်းချန်ကော၏ချောမောခန့်ညားသော မျက်နှာသွင်ပြင်များကြောင့် သူ၏ကမ္ဘာအမြင်များ ပျက်စီးသွားသကဲ့သို့ ခံစားလိုက်ရသည်။

သူ၏စီနီယာအစ်ကိုကြီးသည် ကောင်းကင်ဘုံဓားဂိုဏ်းအတွင်း အစွမ်းအထက်ဆုံး အရည်အချင်းရှိသူ ဖြစ်ခဲ့သည်။

သူသည် လျှို့ဝှက်စွာ ကျင့်ကြံနေခဲ့သည်။

ခက်ခဲမှုများကို ကြံ့ကြံ့ခံခဲ့လေ၏။

လောကီဂုဏ်သတင်းနှင့် ချမ်းသာကြွယ်ဝမှုကို စွန့်လွှတ်သည်။

သူ့အပေါ် ပုံသွင်းထားသော ဆုံးဖြတ်တတ်သော အကြည့်များကို သည်းခံသည်။

ရုတ်တရက် သူ၏ဆရာ ကျန်းစန်းကျန့် သူ့ကို အရင်က သင်ကြားပေးစဉ်က ပြောခဲ့သော စကားများကို ပြန်တွေးမိသည်။

ဓားကို လေ့ကျင့်ချင်ရင် နှလုံးသားကို အရင် လေ့ကျင့်ရမယ်။

မင်းရဲ့ နှလုံးသားက လုံလောက်အောင် ကြီးမားလာတဲ့အခါ မင်းရဲ့ ဓားက ပိုစွမ်းအားကြီးလာလိမ့်မယ်။

ဘာကြောင့်လဲဆိုတော့ ဓားကို နှလုံးသားနဲ့ မောင်းနှင်နေတာကြောင့်...

သူ၏စီနီယာအစ်ကိုကြီးသည် သူတွင်ပြိုင်ဘက်ကင်းသော အရည်အချင်းရှိသော်လည်း အသုံးမကျသူဟူသော နာမည်ကို ခံနိုင်ရည်ရှိခဲ့သည်။

ဤသို့ အောင်မြင်ရန် သူ၏နှလုံးသားသည် မည်မျှ ကြောက်မက်ဖွယ်ကောင်းအောင် ကြီးမားရမည်နည်း။

ဂုဏ်သတင်းနှင့် ချမ်းသာကြွယ်ဝမှုကို ဂရုမစိုက်ဘဲ ကွယ်ရာတွင် လှည့်လည်ကာ သူ၏ဆရာများနှင့် ဂျူနီယာများကို ကာကွယ်ပေးသည်။

သူသည် မကြာသေးမီက ဂိုဏ်းအတွင်း ဖြစ်ပျက်ခဲ့သော နတ်ဆိုးများနှင့် ပတ်သက်သည့် အဖြစ်အပျက်များစွာကို ပြန်သတိရလိုက်သည်။

ပုံမှန်အခြေအနေများအောက်တွင် ကောင်းကင်ဘုံဓားဂိုဏ်းသည် ထိုအဖြစ်အပျက်များအားလုံးကို ဘယ်တော့မှ ဘေးကင်းစွာ ဖြတ်သန်းနိုင်မည် မဟုတ်ပေ။

မည်သို့ပင်ဖြစ်စေ ကောင်းကင်ဘုံဓားဂိုဏ်းတွင် ကျန်ရှိနေသောအင်အားသည် အလွန်နည်းလေ၏။

သို့သော် သူတို့အားလုံး ဘေးကင်းလုံခြုံစွာ ဖြတ်သန်းနိုင်ခဲ့လေသည်။

ပျက်စီးခြင်းနှင့် ရပ်တန့်သွားခြင်းမျိုးမရှိခဲ့ပေ။

သူ၏စီနီယာအစ်ကိုကြီးသည် ဝန်ထုပ်ဝန်ပိုးကို ထမ်းဆောင်နေခဲ့သူ ဖြစ်သည်။

သူ မိုချင်းချန်သည် ရင်းနှီးမှုကို အလေးထားဆုံးသူဟု အခြားသူများက ပြောခဲ့ကြသည်။

သို့သော် သူ၏စီနီယာအစ်ကိုကြီးသည်သာလျှင် ရင်းနှီးမှုကို အမှန်တကယ်အလေးထားသူ ဖြစ်သည်ဟု ရုတ်တရက် သူ ခံစားလိုက်ရသည်။

လူတစ်ဦးက သင်၏သူတို့အပေါ် အမြင်ကို ရုတ်တရက် ပြောင်းလဲသွားစေသောအခါ ထိုသူ၌ ယခင်က ရှိခဲ့သော ချို့ယွင်းချက်များသည် သင်၏ မျက်လုံးထဲတွင် တူညီသော ကောင်းမွန်မှုအဖြစ် ပြောင်းလဲသွားသည်။

စီနီယာအစ်ကိုကြီး ချန်ကောက... ကျွန်တော့်ရဲ့ ထာဝရ အိုင်ဒေါပဲ။

ကတ်စ်...

ရုတ်တရက် ကောင်းကင်နှင့်မြေကြီးကြားတွင် မနှစ်မြို့ဖွယ် အသံတစ်သံ ပဲ့တင်ထပ်လာသည်။

မိုချင်းချန် မယုံကြည်နိုင်စွာ မျက်လုံးများကို ပွတ်လိုက်သည်။

ကောင်းကင်တောင်ထွတ်ပေါ်တွင် ရှိနေသော ရှန်းချန်ကော ပျောက်ကွယ်သွားလေပြီ။

"..."

ဒါ ဘယ်လိုမျိုးကြောက်စရာ ရွေ့လျားခြင်းနည်းစနစ်လဲ။

မျက်စိတစ်မှိတ်အတွင်း အရာအားလုံး ပြောင်းလဲသွားသည်။

ထိုနေရာသည် မူလက မှောင်မိုက်သော မြူခိုးများဖြင့် ဖုံးအုပ်ထားသော်လည်း ရှန်းချန်ကော ရုတ်တရက် ပျောက်ကွယ်သွားခြင်းကြောင့် မှောင်မိုက်သောမြူခိုးများသည် ပုံသဏ္ဌာန်အမျိုးမျိုးရှိသော မီးခိုးတိမ်တိုက်များအဖြစ်သို့ ပြောင်းလဲသွားသည်။

ထိုအချိန်တွင် ကျိလင်သည် ပြင်းထန်သော နာကျင်မှုကြောင့် သူ၏အသိစိတ်တစ်စိတ်တစ်ပိုင်းကို ရုတ်တရက် ပြန်လည်ရရှိလိုက်သည်။

အရိုးခေါင်းက သူ့ကို မကြာခြင်က ပူးကပ်ထားခဲ့သည်။

သို့သော်လည်း အပြင်ဘက်တွင် ဖြစ်ပျက်နေသော အရာများကို သူ အနည်းငယ် ခံစားနိုင်သေးသည်။

ထိုအချိန်တွင် သူ့မျက်လုံးများတွင် ထိတ်လန့်မှု ပေါ်လာသည်။

ထိုသူသည် မည်သူနည်း။

သူသည် လွတ်မြောက်ခြင်းအဆင့် နောက်ဆုံး ကို ချိုးဖျက်ဝင်ရောက်ခဲ့ပြီး အရိုးခေါင်းကြောင့် ပုံမှန် လွတ်မြောက်ခြင်းအဆင့် အထွတ်အထိပ် များပင် သူ့ကို ယှဉ်နိုင်မည် မဟုတ်ကြောင်း သိထားရမည်။

သို့သော် တစ်စုံတစ်ဦးက သူ့လက်ကို အလွယ်တကူ ဖြတ်ပစ်နိုင်ခဲ့သည်။

ထိုအချိန်တွင် ပတ်ဝန်းကျင် ဟင်းလင်းပြင်တွင် လှိုင်းထနေသောဓားအလင်းတန်းသည် မည်သူ့ကိုမဆို ကြောက်ရွံ့တုန်လှုပ်စေမည့် မှောင်မိုက်အေးစက်သော လျှပ်စစ်များနှင့် ရောယှက်နေသည်။

"ပြေး... ပြေး... ပြေး..."

ရုတ်တရက် သူ့လက်ထဲရှိ အရိုးခေါင်းလေး ရူးသွပ်စွာ ခုန်ပေါက်နေသည်။

၎င်းသည် တုန်ယင်နေပြီး ကြောက်ရွံ့နေပုံရသည်။

နီးကပ်လာနေသော ကြောက်မက်ဖွယ်ကောင်းသော အရာတစ်ခုကို ကြောက်ရွံ့နေပုံရသည်။

နောက်တစ်စက္ကန့်တွင်...

ဝှစ်...

ထိုနေရာရှိ မှောင်မိုက်သော မြူခိုးများ ရုတ်တရက် ပျံ့လွင့်သွားသည်။

အဝေးတစ်နေရာတွင် ပုံရိပ်တစ်ခု ရုတ်တရက် ပေါ်လာသည်။

ထိုသူသည် ခြေလှမ်းတစ်လှမ်း လှမ်းလိုက်ရာ သူ၏ပုံရိပ်သည် ရုတ်တရက် အရိပ်ပေါင်းများစွာအဖြစ်သို့ ပြောင်းလဲသွားသည်။

ရာပေါင်းများစွာ၊ ထောင်ပေါင်းများစွာသော ပုံစံများဖြင့် လှပပြီးခန့်ညားမှုရှိလေသည်။

မျက်စိတစ်မှိတ်အတွင်း ထိုပုံရိပ် ကျိလင်၏ ရှေ့သို့ ရောက်လာပြီး သူ့ကို အေးစက်သော မျက်လုံးများဖြင့် စိုက်ကြည့်လိုက်သည်။

"စီနီယာ... အစ်ကိုကြီး..."

ကျိလင်၏ မျက်လုံးများ ပြူးကျယ်သွားသည်။

ထိုအချိန်တွင် သူ မယုံနိုင်စရာ တစ်ခုခုကို မြင်လိုက်ရသကဲ့သို့ တံတွေးများမြိုချလိုက်သည်။

သူသည် စီနီယာအစ်ကိုကြီး ချန်ကော ဖြစ်သည်။

ဒါ ဘယ်လိုလုပ် ဖြစ်နိုင်မှာလဲ။

ရေအေးတစ်ပုံး သူ့ကိုယ်ပေါ် လောင်းချလိုက်သကဲ့သို့ ဖြစ်သွားသည်။

ရုတ်တရက် သူ ပြန်သတိရလိုက်သည်မှာ ထိုစဉ်က သူ စီနီယာအစ်ကိုကြီးအား အရိုးခေါင်းလေးထံ ပူဇော်ရန်လုပ်ခဲ့စဉ်က အရိုးခေါင်းလေး ချက်ချင်း အက်ကွဲသွားခြင်းပင်။

အမှန်ပင် သူ ထိုအချိန်အား သတိရလိုက်သည်။

အရိုးခေါင်းလေးက သူ့အား လွတ်မြောက်ခြင်းအဆင့် နောက်ဆုံးသို့ လျင်မြန်စွာပို့ဆောင်ထားသောကြောင့် အရိုးခေါင်းလေးကိုယ်တိုင် မည်မျှထူးဆန်းမည်ကို သိထားရမည်။

ထို့အတူ သူ့စီနီယာအစ်ကိုကြီးတွင် ကြောက်မက်ဖွယ်စွမ်းရည်များ မရှိပါက အရိုးခေါင်းလေးက မည်သို့ချက်ချင်းနီးပါး အက်ကွဲသွားမည်နည်း။

သို့သော် စီနီယာအစ်ကိုကြီး ချန်ကော...

သူ၏အသုံးမကျသူလို ဆက်ဆံခံခဲ့ရသော စီနီယာအစ်ကိုကြီးကို သတိထားမိလိုက်တဲ့အခါ သူခြေလှမ်းတစ်လှမ်းတည်းဖြင့် သူ့စီနီယာအစ်ကိုကြီးဟာ သူ့ကိုယ်သူ ပုံရိပ်ပေါင်းထောင်ပေါင်းများစွာအဖြစ် ခွဲနိုင်လိမ့်မယ်ဆိုတာကို သူ လုံးဝ မယုံနိုင်ခဲ့ပေ။

ဤအရာဟာ ထို ရှောင်လွှဲရခက်သော မဟာစွမ်းအားရှင်များနှင့် အဆင့်တူဖြစ်မနေဘူးလော။

နောက်တစ်စက္ကန့်တွင်...

ရှန်း...

ပတ်ဝန်းကျင်ရှိ ဓားစွမ်းအင်များ ငွေ့ရည်ဖွဲ့သွားသည်။

ထိုနေရာတွင် ဓားများမရှိသော်လည်း နတ်ဓားပေါင်းများစွာထောင်ကာ သူ့ကို ဝန်းရံထားသကဲ့သို့ ခံစားရဆဲပင်။

ထိုအချိန်တွင် ရှန်းချန်ကောသည် သူ့ရှေ့တွင် ရပ်နေသည်။

လင်းချင်းရှန်သည် နောက်ဘက်မှ တောက်ပသော အဖြူရောင်ဝတ်စုံနှင့် အရပ်ရှည်သော ထိုပုံရိပ်ကို ကြည့်ရင်း သူမ၏ပါးစပ်လေး ပွင့်သွားသည်။

သူမ မသိလိုက်ဘဲ သူ့နောက်ကျောရှိ ဓားများအားလုံး ဓားအိမ်မှထွက်နေပြီ ဖြစ်သည်။

ဓားသုံးလက်သည် တစ်ပြိုင်နက်တည်း လေထဲတွင် ဝဲပျံနေသည်။

ထိုနေရာသည် ရှန်းချန်ကောမှ ထုတ်လွှတ်လိုက်သော ခမ်းနားထည်ဝါသည့် စွမ်းအင်၏သမုဒ္ဒရာအောက်တွင် နစ်မြုပ်နေသကဲ့သို့ ဖြစ်နေသည်။

သူမသည် ဆရာဖြစ်သူ၏ ခမ်းနားထည်ဝါမှုကို မြင်ခဲ့ဖူးလေသည်။

သို့သော် ရှန်းချန်ကော၏အရှိန်အဝါနှင့် နှိုင်းယှဉ်သောအခါ လုံးဝ မှေးမှိန်သွားသည်။

စွမ်းရည် ပိုကြီးလေ ဓားကျမ်းများကို နားလည်မှု ပိုနက်ရှိုင်းလေ၊ သူတို့၏ကိုယ်ဟန်အနေအထား ပိုမို ကြီးမားပြီး အစွမ်းထက်လာလေဟု ဆရာက တစ်ချိန်က ပြောခဲ့သည်။

သူမသည် ဤမြင်ကွင်းမျိုးကို တစ်ကြိမ်ထက်မက စိတ်ကူးခဲ့ဖူးသည်။

ဓားသုံးလက်ကို နောက်တွင်ထား၍ မိုင်ထောင်ချီ အဝေးမှရောက်လာကာ သူမရှေ့တွင် ရပ်နေသော အတုမရှိသော ပါရမီရှင်တစ်ဦး။

ထိုအချိန်တွင် သူမ၏အိပ်မက် အမှန်တကယ် ဖြစ်လာခဲ့သည်။

ထိုလူ၏မျက်နှာသည်ပင် သူမ၏အိပ်မက်ထဲကအတိုင်း တူညီနေသည်။

"စီနီယာ... အစ်ကိုကြီး..."

ကျိလင်၏အသံ တုန်ယင်နေသည်။

လက်ရှိတွင် သူ့မျက်နှာတစ်ဝက် ဖြူဖျော့နေသည်...

ရှန်းချန်ကော သူ့ကို မကြည့်ပေ။

အစကတည်းက သူဟာ ရှန်းချန်ကော၏မျက်လုံးထဲပင် မရောက်ခဲ့ပေ။

ကျိလင်၏ခေါင်းပေါ်တွင် သေးငယ်သော အရိုးခေါင်းလေးတစ်ခေါင်း ရုတ်တရက် ရွေ့လျားသွားသည်။

"အရူး... အရူး... ငါက... နတ်ဘုရား... မျိုးနွယ်စုရဲ့... ပထမဆုံး... သခင်ပဲ... မင်း ယုတ်မာတဲ့... အောက်တန်းစား... မြူခိုးသမုဒ္ဒရာရဲ့... အမှိုက်..." ဟု အရိုးခေါင်းလေး ထစ်အအ ပြောလိုက်သည်။

သောက်ကျိုးနဲဘာလားဟ...

ပြင်းထန်သော ဓားအလင်းတန်းတစ်ချက်ဟာ ထိုအရိုးခေါင်းလေးကို ရုတ်တရက်ပိုင်းလိုက်သည်။

"ငါ စိတ်မရှည်ဘူး။ မြန်မြန် ပြော"

ကျိလင်

"..."

အရိုးခေါင်းလေးဟာ ဒေါသထွက်နေသကဲ့သို့ လေထဲတွင် ရူးသွပ်စွာ ခုန်ပေါက်နေသည်။

၎င်းသည် ပြင်းထန်စွာ တုန်ယင်နေပြီး "မင်း... မင်း... မင်း... ပုရွက်ဆိတ်... အမှိုက်... အောက်တန်းစား... အစာ... မင်း ဘယ်လိုလုပ် ငါ့ကို ဒီလို ဆက်ဆံရဲတာလဲ" ဟု တဝီဝီ မြည်နေသည်။

အရိုးခေါင်းလေး ဒေါသထွက်လာသောအခါတွင် ပိုမို ချောမွေ့စွာပြောနိုင်ပုံရသည်ကို မြင်သောအခါ ရှန်းချန်ကောသည် ဓားဖြင့် ထိုအရိုးခေါင်းလေးကို မြေကြီးထဲသို့ ရိုက်ချလိုက်သည်။

"မိုက်ရိုင်းလိုက်တာ မင်း ဘယ်လိုလုပ် ငါ့ကို ဒီလို ဆက်ဆံရဲတာလဲ မင်း နတ်မင်းဆက် က မင်းကို လိုက်ရှာမှာ မကြောက်ဘူးလား။ ပုရွက်ဆိတ် အမှိုက်၊ယုတ်မာတဲ့ အစာ... မြူခိုးသမုဒ္ဒရာ ကျုံ့သွားတဲ့နေ့မှာ မင်းတို့အားလုံး အစာ ဖြစ်လာလိမ့်မယ်..." ဟု အရိုးခေါင်းလေးက ဆိုသည်။

"စိတ်ဝင်စားစရာပဲ။ ဒါဆို မင်းက အမှောင်မြူခိုးကို မြူခိုးသမုဒ္ဒရာ လို့ ပြောတာပေါ့။ အစာတဲ့လား... ဒီ မြူခိုးသမုဒ္ဒရာ ဆိုတာ သဘာဝတရားရဲ့ လက်ရာ မဟုတ်ဘူးလား" ရှန်းချန်ကော မေးလိုက်သည်။

"မိုက်ရိုင်းလိုက်တာ... မင်းက... အဲဒီ... အား မင်းက အောက်ဘုံမှာ မြူခိုးသမုဒ္ဒရာကနေ မတော်တဆ မွေးဖွားလာတဲ့ သနားစရာ အင်းစက်တစ်ကောင်ပဲ မင်း အစာ ဖြစ်ဖို့တောင် မထိုက်တန်ဘူး..." ဟု အရိုးခေါင်းလေး ပြန်ဖြေသည်။

ရှန်းချန်ကောသည် အခြေအနေကို သဘောပေါက်သွားသည်။

"နတ်မင်းဆက် နဲ့ ဘာဆိုင်လဲ" ဟု သူ မေးလိုက်သည်။

"နတ်မင်းဆက် က အကြီးမြတ်ဆုံးပဲ"

"နတ်မင်းဆက် ဆိုတာ ဘာလဲလို့ မင်းကို ငါ မေးနေတာ" ရှန်းချန်ကော ထပ်မေးသည်။

"နတ်မင်းဆက် က အကြီးမြတ်ဆုံးပဲ"

"ငါ မင်းကို သတ်လိုက်မယ်ဆိုရင် ယုံလား"

"မင်း ငါ့ရဲ့ ပင်မကိုယ်ခန္ဓာကို ရှာမတွေ့နိုင်ဘူး။ မင်း ငါ့ကို မသတ်နိုင်ဘူး" ဟု အရိုးခေါင်းလေး ပြန်ဖြေသည်။

"ပြန်လည်မွေးဖွားခြင်း"

ရှန်းချန်ကော၏မျက်လုံးများ လင်းလက်သွားသည်။

ပြန်လည်မွေးဖွားခြင်းနည်းစနစ် ကို သူ့ဓားတစ်လက်ထဲသို့ ပေါင်းစပ်ထည့်သွင်းကာ အရိုးခေါင်းလေးဆီ ထိုးချလိုက်သည်။

အရိုးခေါင်းလေး အလွန် ထိတ်လန့်သွားသည်။

ချက်ချင်းပင် အမှောင်မြူခိုးအလွှာတစ်ထပ် တုန်ခါသွားသည်။

ဝှစ်

အမှောင်မြူခိုးသည် လေထဲတွင် ခမ်းနားသော ပုံရိပ်တစ်ခုအဖြစ် စုဝေးသွားသည်။

ထိုပုံရိပ်သည် အရိုးစုကဲ့သို့ ပိန်ချုံးနေပြီး ကြည့်ရသည်မှာ အတော်လေး ကြောက်စရာကောင်းသည်။

ထိုပုံရိပ် ရှန်းချန်ကော၏ချောမောသော မျက်နှာကို ကြည့်လိုက်ပြီး ရုတ်တရက် တိတ်ဆိတ်သွားသည်။

ထို့နောက် သူ့မျက်နှာသည် ရွဲ့သွားသကဲ့သို့ ဆိုးရွားသွားလေ၏။

"ကျိန်စာတိုက်ခံရတဲ့ အင်းဆက် မင်းက တခြား အင်းဆက်တွေထက် ပိုပြီးတော့ ပျက်စီးခြင်းနဲ့ ထိုက်တန်တယ်" ဟု ၎င်းက ဆိုလိုက်လေသည်။