စိတ်ဝိညာဉ်ဓားချီ

(ဤတစ်ပိုင်းတွင်စပြီး ဓားစီးနင်းခြင်းကဏ္ဍ(ဓားစီးနင်းခြင်းအပိုင်း)အား ဓားထိန်းချုပ်ခြင်းဟုပြောင်းလဲသွားမည်)

တစ်ယောက်ယောက်က ကောင်းကင်ဘုံဓားဂိုဏ်းထဲကို ကျူးကျော်ဝင်ရောက်လာတယ်တဲ့လား။

ခဏချင်းတွင်လူအများစုသည် ရေအေးဖြင့် ပက်ခံလိုက်ရသကဲ့သို့ ခံစားလိုက်ရသည်။

အိပ်ပျော်နေရာမှ အလျင်အမြန် နိုးထလာပြီး အဝတ်အစားဝတ်ဖို့ပင် အချိန်မရဘဲ အိမ်ပြင်သို့ ပြေးထွက်လာကြသည်။

"ဘာဖြစ်တာလဲ"

"ရန်သူ ကျူးကျော်တာလား"

"မြန်မြန် သွားကြည့်ရအောင်"

အမှောင်မြူခိုးများထဲတွင် လူတိုင်း၏ အာရုံကြောများ တင်းမာနေသည်။

သူတို့ ဓားများကို ချက်ချင်း မြှောက်လိုက်ပြီး မျက်လုံးများ အေးစက်နေသည်။

"အကြီးအကဲ"

"အကြီးအကဲ"

အကြီးအကဲများအဖွဲ့ လေ့ကျင့်ရေးကွင်းပြင်သို့ အလျင်အမြန် သွားလိုက်ကြသည်။

"အဘိုးကြီး ဝမ်... ဘာဖြစ်တာလဲ"

ထိုအချိန်တွင် အစပိုင်း၌ ကျူးကျော်မှုကို အာရုံခံမိသော အကြီးအကဲကို သူတို့ တွေ့လိုက်ရသည်။

သူ့နာမည်မှာ ဝမ် ဖြစ်သည်။

သို့သော် ထိုအချိန်တွင် အကြီးအကဲ ဝမ်၏ မျက်နှာထားသည် အလွန် ဆိုးရွားနေပြီး လေ့ကျင့်ရေးကွင်းပြင်ပေါ်တွင် ရပ်နေသည်။

"ဘာဖြစ်လို့လဲ"

အကြီးအကဲများ၏နှလုံးသားများ တုန်လှုပ်သွားသည်။

မမျှော်လင့်ထားသော ကိစ္စတစ်ခုခု ဖြစ်ပျက်ခဲ့တာလား။

"ရန်သူ တိုက်ခိုက်တာလား။သူတို့ရဲ့ ကျင့်ကြံခြင်းအဆင့်တွေက ဘယ်လောက်မှာလဲ" သူတို့ အဝေးမှနေ၍ အလျင်အမြန် မေးလိုက်သည်။

"'လွတ်မြောက်ခြင်းအဆင့်' တစ်ယောက်... 'ချီထိန်းချုပ်ခြင်းအဆင့်'..."

"သူတို့ ဘယ်မှာလဲ"

"သေ... သူတို့ သေသွားပြီ..."

ဘာ

ထိုအချိန်တွင် သူတို့လည်း လေ့ကျင့်ရေးကွင်းပြင်သို့ ရောက်ရှိလာကြပြီ။

လေ့ကျင့်ရေးကွင်းပြင်မှ မြင်ကွင်းကို မြင်လိုက်ရသောအခါ သူတို့၏မျက်နှာအမူအရာများ သိသိသာသာ ပြောင်းလဲသွားပြီး မျက်လုံးထောင့်များ လှုပ်ခတ်သွားသည်။

လေ့ကျင့်ရေးကွင်းပြင်ပေါ်တွင် အက်ကြောင်းတစ်ခု ကောင်းကင်သို့ ရှည်လျားစွာ ဖြစ်ပေါ်နေပြီး လေ့ကျင့်ရေးကွင်းပြင်ကို ထက်ခြမ်းကွဲလုနီးပါး ဖြစ်စေသည်။

ထိုအချိန်တွင် ၎င်းပေါ်၌ အလွန် ကြောက်မက်ဖွယ်ကောင်းသော ဓားစွမ်းအင် ကျန်ရစ်နေဆဲပင်။

မြေပြင်ပေါ်ရှိ ကျိုးပဲ့နေသော ကျောက်ပြားများပေါ်တွင် အနက်ရောင်လျှပ်စီးကြောင်း အကြွင်းအကျန်များ ပျံ့နှံ့ပြီး ရည်ဝင်နေသည်။

ထိုအတူ အဲဒီအပေါ်တွင်...

အလောင်းငါးလောင်း မြေပြင်ပေါ် လဲကျနေသည်။

ခြွင်းချက်မရှိ အလောင်းငါးလောင်းစလုံး၏ လည်ပင်းတွင် ကြောက်မက်ဖွယ်သွေးစီးကြောင်း ဒဏ်ရာတစ်ခုစီ ရှိနေသည်။

သူတို့၏ မျက်နှာများတွင် ကြောက်ရွံ့မှုများ ပြည့်နှက်နေပြီးသေဆုံးသွားသော်လည်း မျက်လုံးများထဲတွင် ထိတ်လန့်မှုများ ကျန်ရစ်နေဆဲပင်။

သေသွားပြီ...

"ကျူးကျော်သူတွေ အကုန် သေသွားပြီလား။ အဘိုးကြီး ဝမ်... ဘာဖြစ်ခဲ့တာလဲ" အကြီးအကဲများ နောက်သို့ မဆုတ်ဘဲ မနေနိုင်ကြတော့ပေ။

ဓားရာမှ ထွက်ပေါ်လာသော စွမ်းအားကြောင့် သူတို့ ရင်တုန်သွားသည်။

အကယ်၍ သူတို့သာ ထိုဓားချက်ကို တည့်တည့်ရင်ဆိုင်ခဲ့ရလျှင် အသက်ရှင်နိုင်မည် မဟုတ်ပေ။

"ငါ... ငါ ရောက်လာတုန်းက ဒီလို ဖြစ်နေပြီ..."

"အစတုန်းက ကျူးကျော်သူရဲ့ အရှိန်အဝါကို ခံစားမိလို့ အမြန်ပြေးလာတာ။ ဒါပေမဲ့ အရှိန်အဝါက ချက်ချင်း ပျောက်ကွယ်သွားတယ်။ ဆိုလိုတာက တစ်ယောက်ယောက်က ဓားချက်တစ်ချက်တည်းနဲ့ ကျူးကျော်သူတွေ အားလုံးကို ချက်ချင်း သတ်ပစ်လိုက်တာ..."

"'ယင်ဒြပ်စင်ငါးမျိုးအဆင့်'... ယင်ဒြပ်စင်ငါးမျိုးအဆင့် ပဲလား။အဲဒီ လျှို့ဝှက်ဆန်းကြယ်တဲ့ ပါရမီရှင်ပဲ။ သူ တကယ်ပဲ ပင်မဂိုဏ်းကြီးကများလား"

ထိုအချိန်တွင် လူအုပ်ကြားထဲရှိ မိုချင်းချန်သည် ကြောက်မက်ဖွယ်ကောင်းသော ဓားအလင်းတန်းကို ကြည့်ရင်း မတုန်လှုပ်ဘဲ မနေနိုင်တော့ပေ။

အကြီးဆုံး စီနီယာအစ်ကိုကြီး လှုပ်ရှားလိုက်တာပဲ

ထင်ထားတဲ့အတိုင်းပဲ

သူ အသက်ပြင်းပြင်းရှူသွင်းလိုက်ပြီး မျက်လုံးများတွင် လေးစားမှုများ ပြည့်နှက်နေသည်။

အကြီးဆုံး စီနီယာအစ်ကိုကြီးသည် ဂိုဏ်း၏ အစောင့်အရှောက်ပဲ။

ထိုဓားချက်သည် ယခုလေ့ကျင့်ရေးကွင်းပြင်ပေါ်တွင် အမှတ်အသားပြုထားပြီး လေ့ကျင့်ရေးကွင်းပြင်ကို တိုက်ရိုက် ထက်ခြမ်းခွဲလိုက်သကဲ့သို့ ဖြစ်နေသည်။

ထိုအချိန်တွင် အကြီးအကဲတစ်ဦး ရှေ့သို့ အနည်းငယ် တိုးလာပြီး ဓားရာထဲရှိ ဓားချီစွမ်းအင်ကို ထိကြည့်ချင်သကဲ့သို့ ပြုမူလိုက်သည်။

သို့သော် အနီးသို့ ရောက်သောအခါ သူ့မျက်နှာအမူအရာ ရုတ်တရက် ပြောင်းလဲသွားသည်။

၎င်းမှ ဖျက်ဆီးလိုသော စွမ်းအားတစ်ခုကို သူ ခံစားလိုက်ရသည်။

ဘယ်လိုလုပ် ဖြစ်နိုင်မှာလဲ။

ခုတ်ပိုင်းပြီးတာတောင် ကျန်ရစ်ခဲ့တဲ့ ဓားချီစွမ်းအင်က ဒီလောက် ကြောက်စရာကောင်းနေတုန်းပဲလား

ခလန်... ခလန်... ခလန်...

သူ့ကျောနောက်မှ ဓားသုံးလက် ရုတ်တရက် အိမ်မှ ထွက်လာသည်။

ညအမှောင်ထဲမှ လျှပ်စီးကြောင်းကဲ့သို့ပင်။

သူနောက်တစ်လှမ်းဆုတ်ပြီး မြေကြီးကို ချက်ချင်း ဆောင့်နင်းလိုက်သည်။

ကြီးမားသော ရန်သူကို ရင်ဆိုင်နေရသကဲ့သို့ မြေကြီး ကွဲအက်သွားသည်။

လူအများအပြားသည် အကြီးအကဲကို ထူးဆန်းသော အကြည့်ဖြင့် ကြည့်လိုက်ကြသည်။

သို့သော် နောက်တစ်ခဏတွင် သူတို့၏ မျက်နှာအမူအရာများ သိသိသာသာ ပြောင်းလဲသွားသည်။

အက်ကြောင်းထဲမှ ဝှစ်.. ဟူသော ဓားချီစွမ်းအင်များ ထွက်ပေါ်လာသည်။

ဓားချီစွမ်းအင်သည် တောက်ပပြီး အဖြူရောင်အလင်းများ ထွက်ပေါ်လာသည်။

ဝီ... ဝီ... ဝီ... အလွန် နားကွဲမတတ် စူးရှသောအသံ ထွက်ပေါ်လာသဖြင့် လူအများအပြား မျက်နှာ ဖြူဖျော့သွားကြသည်။

နာကျင်သော အမူအရာဖြင့် နားများကို ပိတ်ထားလိုက်ကြသည်။

အလွန်ထက်ရှပြီး ကြောက်မက်ဖွယ်ကောင်းသော ဓားချီစွမ်းအင်ကို သူတို့ ခံစားလိုက်ရသည်။

မြေပြင်ပေါ်တွင် ရည်ဝင်နေသော 'ယင်လျှပ်စီး' များသည် တစ်စုံတစ်ရာကို အာရုံခံမိသကဲ့သို့ ရူးသွပ်စွာ ပြေးတက်လာပြီး ဓားချီစွမ်းအင်ထဲသို့ ဝင်ရောက်သွားသည်။

ဘီဇ်...

ဓားချီစွမ်းအင်သည် ကျယ်လောင်သော အသံဖြင့် ပေါက်ကွဲသွားပြီး မိုးရေစက်များကဲ့သို့ အနက်ရောင်လျှပ်စီးများနှင့် ရောနှောကာ မရေမတွက်နိုင်သော ဓားအလင်းတန်းများ ပေါက်ကွဲထွက်လာသည်။

"ဒါ ဘယ်လိုလုပ် ဖြစ်နိုင်မှာလဲ။ ဆိုလိုတာက ဓားချီစွမ်းအင်မှာ ဝိညာဉ်ရှိနေတာပဲ။ ဓားကို အသုံးပြုတဲ့သူက 'ယန်ဒြပ်စင်ငါးမျိုးအဆင့်' အခြေအနေနဲ့ အရမ်း နီးစပ်နေပြီလို့ ဆိုလိုတာပဲ အဲဒါက ဓားအသုံးပြုသူက 'နတ်ဘုရားတစ်ပိုင်းအဆင့်' ကို ကိုယ်စားပြုတဲ့ တည်ရှိမှုပဲ"

"ဒါက ဓားချီစွမ်းအင်ရဲ့ အကြွင်းအကျန်တွေပဲ ကျန်တော့တာကို ပြန်လည်စုစည်းပြီး ဒီလို စွမ်းအားမျိုး ပိုင်ဆိုင်နိုင်တာလား"

ထိုအချိန်တွင် အကြီးအကဲများအားလုံး၏ မျက်နှာများ အကြီးအကျယ် ပြောင်းလဲသွားသည်။

သူတို့အားလုံး ကောင်းကင်ဘုံဓားကျမ်း၏ 'ဓားထိန်းချုပ်ခြင်းကဏ္ဍ(ဓားစီးနင်းခြင်းကဏ္ဍ) ကို လေ့ကျင့်ခဲ့ကြသော်လည်း အများစုသည် ရေခဲတောင်၏ ထိပ်ဖျားလောက်သာ သိခဲ့ကြရသည်။

သို့သော် ကောင်းကင်ဘုံဓားကျမ်း၏ ဓားထိန်းချုပ်ခြင်းကဏ္ဍကို အဆုံးစွန်ထိ ကျင့်ကြံနိုင်ပါက ဓားဓားထိန်းချုပ်ခြင်း၏ နတ်ဘုရားတစ်ပိုင်းအဆင့်ဖြစ်သော 'ယန်ဒြပ်စင်ငါးမျိုး' သို့ ရောက်ရှိနိုင်မည်ဖြစ်ကြောင်း သူတို့ သိကြသည်။

ယန်ဒြပ်စင်ငါးမျိုး သည် ဓားတွင် ကပ်ငြိနေသော ဒြပ်စင်ငါးမျိုး၏စွမ်းအားကို ကိုယ်စားပြုသည်။

ထိုအချိန်ကျလျှင် သစ်သားတုတ်ချောင်းလေးတစ်ချောင်းသည်ပင် ယန်ဒြပ်စင်ငါးမျိုးဖြင့် ထိန်းချုပ်နိုင်ပြီး ကြောက်မက်ဖွယ် စွမ်းအားများ ပေါက်ကွဲထွက်လာလိမ့်မည်။

"အကြီးဆုံး စီနီယာအစ်ကိုကြီး... ဒီလို ကြောက်မက်ဖွယ်ကောင်းတဲ့ အဆင့်ကို ရောက်နေပြီလား" မိုချင်းချန်၏ မျက်လုံးများတွင် တုန်လှုပ်မှုများ ပြည့်နှက်နေသည်။

ဓားထိန်းချုပ်ခြင်းတွင် အဆင့်များစွာ ခွဲခြားထားသည်။

ပထမအဆင့်မှာ 'နိုးထခြင်း' ဖြစ်သည်။

ကောင်းကင်ဘုံဓားဂိုဏ်း တစ်ခုလုံးတွင် ဤကနဦးအဆင့်သို့ ရောက်ရှိနိုင်သူ လက်တစ်ဆုပ်စာသာ ရှိသည်။

ဓားကျမ်းအပြင် လူအများစု၏ဓားလမ်းစဉ် ပါရမီသည်လည်း ဤအဆင့်သို့ ရောက်ရှိရန် မလုံလောက်ပေ။

ထို့နောက် 'ဓားရွေ့ပြောင်းခြင်း' အခြေအနေ ဖြစ်သည်။အကြီးအကဲများအားလုံးထဲတွင် အကြီးအကဲ ဝမ် တစ်ဦးတည်းသာ အောင်မြင်ခဲ့ပုံရသည်။

ထို့နောက် 'ဖြစ်တည်ခြင်း' အခြေအနေ ဖြစ်ပြီး သူ့ဆရာ တစ်ဦးတည်းသာ ရောက်ရှိခဲ့သည်။

ထို့နောက် 'ထိန်းချုပ်ခြင်း'။

ထို့နောက် အရှိန်အဟုန်မှ 'ယင်၏ဒြပ်ဝတ္ထုစွမ်းအားသို့ ပြောင်းလဲသွားသော 'ယင်ဒြပ်စင်ငါးမျိုး'အဆင့် ဖြစ်သည်။

မီး - အပူကို ကိုယ်စားပြုပြီး အမြန်နှုန်းနှင့် ခွန်အား ယှဉ်တွဲနေသည်။

လေ - အစွန်းရောက်အမြန်နှုန်းကို ကိုယ်စားပြုသည်။

ရေ - အကောင်းဆုံးခံနိုင်ရည်ရှိပြီး တွယ်တာသော နူးညံ့မှုကို ကိုယ်စားပြုသည်။

သစ် - ကုစားနိုင်သော ဂုဏ်သတ္တိများရှိသည့် ကာကွယ်မှုကို ကိုယ်စားပြုသည်။

နောက်ဆုံးငါးခုမြှောက်ဒြပ်စင်မှာ သတ္တု မဟုတ်ဘဲ အစွန်းရောက်သတ်ဖြတ်ခြင်းကို ကိုယ်စားပြုသော 'မိုးကြိုး' ဖြစ်သည်။

ထို့နောက် 'ယန်ဒြပ်စင်ငါးမျိုး' ဖြစ်ပြီး အစစ်အမှန် နတ်ဘုရားတစ်ပိုင်းအဆင့် ဖြစ်သည်။

ဓားထိန်းချုပ်ခြင်းနည်းစနစ်သည် ဤအခြေအနေသို့ ရောက်ရှိသောအခါ ကြီးမားသော ခုန်ပျံကျော်လွှားမှု တစ်ခု ဖြစ်ပေါ်လာလိမ့်မည်။

ယင် သည် ယန် အဖြစ် ပြောင်းလဲသွားပြီး အလွန် သန်မာလာကာ အကြွင်းမဲ့စွမ်းအားကို ကိုယ်စားပြုလာလိမ့်မည်။

ထို့နောက် နောက်တစ်ဆင့်၊ တိတိကျကျ ပြောရရင် နောက်ထပ် နယ်ပယ်ကတော့...

'ဓားပိုင်ရှင်အားနတ်ဘုရားကဲ့သို့ဖြစ်စေသည်'

ထိုအဆင့်တွင်ဓားသမားတစ်ဦး ထိလိုက်သော မည်သည့်ဓားမဆို ၎င်းဘာသာ ဝိညာဉ်အရှိန်အဝါကို မွေးဖွားပေးနိုင်သည်ဟု ဆိုကြသည်။

ခန္ဓာကိုယ်တွင် အမြဲထားရှိပါက ဓားဝိညာဉ်ကိုပင် မွေးဖွားပေးနိုင်သည်။

အကြီးဆုံးအစ်ကိုကြီးသည် ယင်ဒြပ်စင်ငါးမျိုး သို့ ရောက်ရှိနေပြီဖြစ်ပြီး ယန်ဒြပ်စင်ငါးမျိုး သို့ ပြောင်းလဲရန် ပြင်ဆင်နေပုံရသည်။

ဒါ...

အကြီးဆုံး စီနီယာအစ်ကိုကြီး အသက် ဘယ်လောက်သေးလို့လဲ။

ဤကဲ့သို့ ကြောက်မက်ဖွယ်ကောင်းသော ပါရမီသည် မိုချင်းချန်ကို ရုတ်တရက် ရှုံးနိမ့်မှု ခံစားချက် ဖြစ်ပေါ်စေသည်။

ထိုအချိန်တွင် အကြီးအကဲများ၏ မျက်နှာအမူအရာ သိသိသာသာ ပြောင်းလဲသွားသည်။

"အတူတူ တိုက်ခိုက်ကြ။ ကိုယ့်ကိုယ်ကိုယ် ယုံကြည်မှု မလွန်ကဲကြနဲ့။ ဓားပိုင်ရှင်သူက တကယ် ကြောက်စရာကောင်းတယ်။ ဓားချီစွမ်းအင် အကြွင်းအကျန် ဖြစ်နေတာတောင် ဟင်းလင်းပြင်ကို ဖြတ်တောက်နိုင်သေးတယ်!"

တပည့်အားလုံး၏မျက်ဝန်းများ ကျုံ့သွားပြီး မျက်နှာများ ကြောက်ရွံ့မှုဖြင့် ပြည့်နှက်နေသည်။

ဘာ

ဟင်းလင်းပြင်ကို ဖြတ်တောက်နိုင်တယ်

ဟုတ်လား

'လွတ်မြောက်ခြင်းအဆင့်' သည် အမှန်တကယ်တော့ သူတို့တပည့်အများစု၏ ဘဝရည်မှန်းချက် ဖြစ်နေပြီ။

'လွတ်မြောက်ခြင်းအဆင့်' သို့ ရောက်ရှိပြီး ဂိုဏ်းတွင် အချိန်အတော်ကြာ နေထိုင်ပါက အကြီးအကဲ ဖြစ်လာနိုင်ခြေ ရှိသည်။

သူတို့အများစုသည် သူတို့၏ တစ်ဘဝလုံးတွင် 'လွတ်မြောက်ခြင်းအဆင့်' ၏အမြီးကိုပင် မထိနိုင်ကြပေ...

ယခု ဓားရာတစ်ခုထဲရှိ ကျန်ရစ်သော ဓားချီစွမ်းအင်သည် 'လွတ်မြောက်ခြင်းအဆင့်' ကျင့်ကြံသူတစ်ဦးကို သတ်ဖြတ်နိုင်သည်...

အကြီးအကဲများသည် ဓားများကို မြှောက်လိုက်ပြီး သုံးကြိမ် တိုက်ခိုက်လိုက်သည်။

ဓားတစ်လက်စီသည် ကြောက်မက်ဖွယ် စွမ်းအားများကို သယ်ဆောင်လာပြီး မိုးရေစက်များကဲ့သို့ ကောင်းကင်တွင် ပေါက်ကွဲထွက်လာသော မရေမတွက်နိုင်သော ဓားအလင်းတန်းများနှင့် ဝင်တိုက်လိုက်သည်။

ထိုနေရာသည် ချက်ချင်း ဓားချီစွမ်းအင် သမုဒ္ဒရာအဖြစ် ပြောင်းလဲသွားသည်။

ထိုအချိန်တွင် ကျန်းစန်းကျန့်သည် တင်းမာသော မျက်နှာထားဖြင့် လျှောက်လာသည်။

မြေပြင်ပေါ်ရှိ ဓားချီစွမ်းအင်များ ဆက်လက်စိမ့်ထွက်နေသော ဓားရာကို စိုက်ကြည့်လိုက်သည်။

"သူ ငါ့ကို ဓားချက်တစ်ချက်တည်းနဲ့ တကယ် သတ်နိုင်တာပဲ..."