ထန်ထျန်း၏ ခံယူချက်
Vol. 7 Ch. 71
"ဒါက... နည်းနည်း မသင့်တော် ဘူး ထင်တယ်"
နဂါး အသွင်ပြောင်း ရေကန် ထဲမှာ ဖြစ်နေ တဲ့ အခြေအနေ ကို တွေ့ တဲ့အခါ ပင်မ တပည့် ဘက်က အကြီးအကဲ တချို့ ချက်ချင်း မျက်မှောင်ကြုတ် သွားကြသည်။
သူတို့ ထန်ထျန်း ရုတ်တရက် ပေါက်ကွဲ လာတဲ့ ခွန်အား ကို အံ့အားသင့် ခဲ့ကြပေမယ့် မင်း နဂါး စွမ်းအင် အကုန်လုံး ကို ယူသွား ရင် အခြားသူတွေ ဘာလုပ် ရတော့မှာ လဲ။
"အကြီးအကဲလီ၊ ဒါ ကို ဘယ်လိုလုပ် ရမလဲ..."
သူတို့ မဟာ အကြီးအကဲ ကို အမူအရာ ပြသည်။
T/N အကြီးအကဲ ကြီးမှ မဟာ အကြီးအကဲ ဖြစ်ပြောင်းသုံးသွားမယ် တောင်းပန်ပါတယ်ဗျ
ဒီဝင်ခွင့် တွေ အတွက် သူတို့ အလွန် များပြားတဲ့ တန်ဖိုး ပေးဆပ် ခဲ့ကြသည်။ အခုတော့ ထန်ထျန်း တစ်ဦးတည်း လုယူ သွားတာ တွေ့ နေရတော့ ဘယ်လိုလုပ် သည်းခံ နိုင်မှာလဲ။
သို့သော် မဟာ အကြီးအကဲ က သူတို့ကို ပေါ့ပေါ့ပါးပါး တစ်ချက် ကြည့် လိုက်ရုံသာ။
"ဘယ်လိုလဲ ဟုတ်လား "
"ဘာတွေ မသင့်တော် လို့လဲ"
မဟာအကြီးအကဲ အေးစက်စွာ ပြောသည်။ "စည်းမျဉ်း က စည်းမျဉ်းပဲ အခြေအနေ ထူးခြား တာနဲ့ပဲ ဘယ်လိုလုပ် စိတ်တိုင်းကျ ပြောင်းလဲ နိုင်မှာလဲ"
"အကုန်လုံးက ကိုယ့် စွမ်းရည် ပေါ်မှာ မူတည် တယ်။ ထန်ထျန်း နဂါး စွမ်းအင် ဘယ်လောက် ယူသွား နိုင်မလဲ ဆိုတာက သူ့ရဲ့ စွမ်းရည် ပဲ။ဘာ ပြောစရာ လိုသေးလို့ လဲ"
"ခုနက ရှန်းကျဲ့က ထန်ထျန်း ရဲ့ နဂါး စွမ်းအင် ကို တမင်တကာ လုယူ တုန်းက မင်းတို့ ဘာလို့ စကားမပြော ကြတာလဲ။ အခုတော် ထွက် လာကြတယ်ပေါ့ "
"လူတိုင်းက အသက် ရာချီ နေပြီ မင်းတို့ အချိန်ဖြုန်းခဲ့ ကြတာ လားကွ "
မဟာအကြီးအကဲ တကယ် ဒေါသထွက် နေလေသည်။
ခုနက ယွင်ခုံး အခုတော့ ဒီအကြီးအကဲ အုပ်စု က သူ့ကို အလွန် စိတ်ပျက် စေ ခဲ့သည်။
"ဟုတ်တယ်"
ဒီအချိန် မှာ လုချန်းကျီ ညင်သာစွာ ပြောသည်။ "အဲဒီတုန်းက လင်းလျို နတ်သမီး နဂါး အသွင်ပြောင်း ရေကန် မှာ ပါတုန်းကလည်း ဒီနေ့လို ပဲ ဖြစ်ခဲ့တာ တစ်ယောက် တည်းနဲ့ နဂါး စွမ်းအင် အကုန်လုံး သိမ်းပိုက် သွားတာလေ "
"အဲဒီတုန်းက ဘယ် အကြီးအကဲ မှ မကန့်ကွက် ခဲ့ကြတာကို ကျွန်တော် မှတ်မိသေး တယ်"
"ကျွန်တော်တို့ အကုန်လုံး လည်း ဒီရလဒ် ကို လက်ခံ ခဲ့ကြတယ်"
"နေရာလည်း ပြောင်း သွားရော ခင်ဗျား တို့က ဘယ်လိုလုပ် မခံမရပ်နိုင် ဖြစ်သွားရတာလဲ"
ပြောပြီးနောက် အခြားသူတွေ လည်း ဒီကိစ္စ ကို ပြန်သတိရ သွားကြသည်။
အဲဒီတုန်းက ပင်မ တပည့် ကိုယ်စားပြု လင်းလျို နတ်သမီး က တစ်ဦးတည်း ထူးချွန် ခဲ့သည်။ အဲဒီအကြီးအကဲ တွေ တော်တော် မောက်မာ ခဲ့ကြတာပင် ဂုဏ်ထူးဆောင်တပည့် တွေနဲ့ ဧည့်သည် တွေ ကို လှောင်ပြောင် တဲ့ စကားလုံးတွေ သုံး ခဲ့ကြသည်။
အခုတော့ သူတို့ ပြန်ပေးဆပ် ရမယ့် အချိန် ရောက်ပြီ။
မဟာအကြီးအကဲ ရဲ့ ပြစ်တင်ရှုတ်ချမှု နဲ့ လုချန်းကျီ ရဲ့ လှောင်ပြောင် တဲ့ စကားလုံး တွေကြောင့် အကြီးအကဲ တွေရဲ့ မျက်နှာ က ဒယ်အိုးဖင် လို မည်းမှောင် သွား ကြ သည်။
ဒီလို နှိုင်းယှဉ် ကြည့်ရင် သူတို့ အမှန်တကယ် သိမ်ငယ် ခဲ့ကြရသည်။
မဟာအကြီးအကဲ အေးစက်စွာ နှာခေါင်းရှုတ်ကာ "နဂါး ရေကန် ပြီးရင် အကုန်လုံး ဂိုဏ်းချုပ် ခန်းမ ကို လာခဲ့ ကြ"
"ဒီနှစ် အခြေအနေတွေ ကို ကောင်းကောင်း ပြုပြင် ဖို့လိုနေပြီ "
စစ်မှန်တဲ့ မဟာအကြီးအကဲ ဒေါသထွက် တဲ့အခါ လူတိုင်း တိတ်ဆိတ် သွားကြသည်။ ယွင်ခုံး တောင် ဘာမှ မလုပ်ရဲပေ။
လုချန်းကျီ တို့က အနည်းငယ် ပိုပြီး စိတ် သက်သာရာ ရသည်။
နဂါး ရေကန် ထဲမှာ သူတို့ရဲ့ လက်အောက်ငယ်သား တွေ ရှိနေ ပေမယ့် သူတို့ ဒီလို ပါရမီရှင် အနည်းငယ် ကို မလိုအပ် ပေ။
ယှဉ် ကြည့်ရင် ပြိုင်ဘက် ပေါ်မှာ ပြင်းထန်စွာ လက်စားချေ နိုင်တာ အလွန် ရှားပါးတဲ့ ကိစ္စ ဖြစ်လေသည်။
ဒီအရာအားလုံး အတွက် ထန်ထျန်း ကို ကျေးဇူးတင် ရမည်။ သူက အကုန်လုံးကို ဒီလောက် ကြီးမားတဲ့ အံ့အားသင့်မှု ပေးခဲ့ တာပင်။
နဂါး အသွင်ပြောင်း ရေကန် ထဲတွင်
အစားကြူး လျှို့ဝှက်ကျင့်စဉ် အသုံးပြု ပြီးနောက် အကုန်လုံး ရှင်းရှင်းလင်းလင်း ဖြစ်သွား ခဲ့သည်။
အုံကြွ နေတဲ့ နဂါး စွမ်းအင် ကို ကြည့်ပြီး ထန်ထျန်း စဉ်းစား မိသည်။ လက်ညှိုးထိုး ပြီး အဲဒီထဲက နဂါး စွမ်းအင် လေးခု ခွဲထုတ် ကာ လီဟုန် တို့ အနားသို့ ပို့ ပေးခဲ့သည်။
နဂါး စွမ်းအင် က တကယ် ထူးခြား ပေမယ့် ရိုးရိုးသားသား ပြောရရင် ထန်ထျန်း အတွက် သိပ်မအရေးကြီး လှပေ။
အလားအလာ လား။ ပါရမီ လား။
သူ ဒီလို အရာတွေ အများဆုံး ရှိသည်။
အစားကြူး လျှို့ဝှက်ကျင့်စဉ် နောက်မှာ ပိုပြီး စွမ်းအားကြီးတယ့် တည်ရှိမှု များစွာက သူ့ကို လဲလှယ် ဖို့ စောင့် နေကြ သည်။
တစ်ယောက် တည်း သိမ်းယူ မယ့်အစား လီဟုန် တို့ကို ပေးတာ ပိုကောင်း သည်။ သူတို့ကို မှီခို ပြီး ဝူဒင် နန်းတော် ကို ဝင် ဖို့ လိုသေး သည် မဟုတ်ပါလား။
ကြီးမားတဲ့ နဂါး စွမ်းအင် စီးဝင် လာသည်ကို ခံစား ပြီးနောက် လီဟုန် တို့ အလျင်အမြန် ထိန်းချုပ် ၍ ကျင့်ကြံလိုက်ကြ သည်။ ဒီလို ရှားပါးတဲ့ ရတနာ ကို အစွမ်းကုန် စုပ်ယူ နေကြ သည်။
သူတို့ အကုန်လုံး နေရာထဲ ပို့ ပြီးနောက် ထန်ထျန်း ပတ်ပတ်လည် ကြည့် ပြီး သူ့ရဲ့ အကြည့် ကို နီဝူရွှမ်း အပေါ်မှာ ကျသွား သည်။
တောင် တောင် ထိပ် မိုရှောင်ရှောင်း၊ ချန်စစ်ရို ခေါ်လာသော စုစုပေါင်း ခြောက်ယောက် က သိပ်မဝေး ကြပေ။
သူက တောင် တောင်ထိပ် တွင် နေထိုင်နေကာ နှစ်ဉီး နှစ်ဖက် ဆက်ဆံရေး ကလည်း အတော်လေး ဖော်ရွေလှ သည်။ ဒါကြောင့် ကူညီ သင့်ပေသည်။
ဒီအကြောင်း စဉ်းစား ပြီး ထန်ထျန်း နောက်တစ်ကြိမ် နဂါး စွမ်းအင် တစ်ခု ခွဲထုတ်ကာ နီဝူရွှမ်းတို့ ခြောက်ယောက် ရှိတဲ့ နေရာ ကို ပို့ ပေးလိုက်သည်။
လူတစ်စု ချက်ချင်း အံ့အားသင့် သွားပြီး ထန်ထျန်း ရဲ့ ရည်ရွယ်ချက် ကို သေချာ သိသွား ပြီးနောက် ချက်ချင်း ကျေးဇူးတင် လိုက်ကြ သည်။
"သခင်လေးထန် ရဲ့ ကြင်နာမှု ကို ကျေးဇူးတင် ပါတယ်"
အနာဂတ် ကိစ္စ နဲ့ သက်ဆိုင် တာကြောင့် ဘယ်သူမှ ငြင်းဆန် လို့ မဖြစ်ပေ။
နီဝူရွှမ်း လည်း ကျေးဇူးတင် တဲ့ မျက်ဝန်းတွေနဲ့ အနည်းငယ် ကိုင်းညွတ် ပြီး ကျေးဇူးတင် ကြောင်း ပြလေ သည်။ ထို့နောက် အခွင့်အရေး ကို အမြန်ဆုံး ယူပြီး ကျင့်ကြံလိုက်ကြ သည်။
သူတို့ တောင် နဂါး စွမ်းအင် ရရှိ နိုင်သည်ကို တွေ့ ပြီး ဘေး မှ အခြား တပည့် တွေ အကုန်လုံး မနာလို ခဲ့ကြသည်။
ဒီအချိန် မှာ သူတို့ စိတ်ထဲမှာ နောင်တ ရနေ ခဲ့ကြသည်။ သူတို့ ဘာလို့ တောင် တောင်ထိပ် ကလူ မဖြစ် ရတာလဲ ဟု တွေးမိ ကြလေသည်။
ထန်ထျန်း လူတိုင်း ရဲ့ ပုံစံ ကို ကြည့်ပြီး ခေါင်းခါကာ သက်ပြင်းချ လိုက်သည်။
"တော်ပြီ"
"မင်းတို့ အကုန်လုံးက သခင်လေး လက်အောက်ခံ ဖြစ်နေတော့ ငါတို့က တစ်ဖက်တည်း ပဲ "
" နဂါး အသွင်ပြောင်း ရေကန် ထဲ ခက်ခက်ခဲခဲ ဝင် ခဲ့ရတာ လက်ဗလာနဲ့ ပြန်သွား ဖို့ မသင့်တော် ဘူး မဟုတ် လား"
"ယူသွား ကြ ပါ"
ပြောပြီးနောက် သူ လက်ဝှေ့ယမ်း ကာ နဂါး စွမ်းအင် များစွာ က ရွှေ နဂါး များစွာ ပေါ် လာပြီး သူတို့ရဲ့ သက်ဆိုင်ရာ နေရာ တွေမှာ ရစ် ခွေ နေကြသည်။
လူတိုင်း ကျေးဇူးတင် တဲ့ ပုံ က အပြင်ကို လျှံထွက် လာသည်။
"သခင်လေးထန် ရဲ့ ခံယူချက် က တကယ့် ကို အံ့ချီးဖွယ် ပါပဲ "
"ကျေးဇူးတင်ပါတယ် သခင်လေး။ ကျွန်တော် ဒီနေ့ရဲ့ ကျေးဇူး ကို လုံးဝ မမေ့ပါဘူး"
"သခင်လေးထန် ရဲ့ ကျေးဇူး ကို ကျေးဇူးတင် ပါတယ်"
လူတိုင်း ဆက်တိုက် ကျေးဇူးတင်နေ ကြသည်။
ထန်ထျန်း လက်ဝှေ့ယမ်း ကာ ဘာမှ မဟုတ် ကြောင်း ပြလေ သည်။
အမှန်တကယ် မှာ... ဘာမှ မဟုတ်ပါပေ။
နဂါး စွမ်းအင် အရမ်း များပြား ပြီး အကုန် အသုံးမပြု နိုင်ပေ။ ဒီအရာကို အပြင် ယူသွား လို့လည်း မရဘူး လေ...
ခဏ အကြာ တွင် ဂုဏ်ထူးဆောင်တပည့် ဘက်က လူတွေ အကုန်လုံး ကျင့်ကြံနေကြ ပြီး နဂါး စွမ်းအင်ကို စုပ်ယူ နေကြသည်။
ဒီအခြေအနေ က ပင်မ တပည့် ဘက်က လူတွေ မနာလို ဖြစ်စေ ခဲ့ ပေမဲ့ ဘာမှ လုပ် နိုင်စွမ်း မရှိပေ။
ဘာလို့လဲဆိုတော့ တိတိကျကျ ပြောရရင် သူတို့နဲ့ ထန်ထျန်း က ဆန့်ကျင်ဘက် ရန်ဘက်တွေပင်။
ဒါပေမဲ့ အမြဲတမ်း ပထမဆုံး ကဏန်း စား ဖို့ ရွေးချယ် သူတွေလည်း ရှိသည်။
"အစ်ကိုကြီး ၊ အစ်ကိုကြီး"
"အစ်ကိုထန်၊ ကျွန်တော် ခေါ်နေ တာ "
လူငယ် တစ်ဦးက လူတိုင်း ရှေ့ကို ကူးခတ် လာသည်။
ထန်ထျန်း အနည်းငယ် အံ့အားသင့် သွားကာ ရင်းနှီးတဲ့ လူတစ်ဦး ဖြစ်နေ ပြန်သည်။
အလံလု တိုက်ပွဲ မှာ သူ့ကို လှည့်စား ဖို့ ကြိုးစား ခဲ့ ပေမဲ့ ပြန်လည် တိုက်ခိုက် ခံခဲ့ရသည်။ ပြီးတော့ အစောင့် တစ်ဦး အဖြစ် သူ ခဏတာ ခိုင်းစေ ခဲ့တဲ့ လူငယ် ကုန်းချီ ပင်။
"မင်း ထွက်လာ ရဲ သေးတာ လား"
ထန်ထျန်း ရယ်မော မရ ငိုမရ ဖြစ်နေသည်။ ဒီကောင် က အရည်ထူလိုက်တာ နော်။
ကုန်းချီ မျက်နှာပြုံးပြုံး နဲ့ ပြောသည်။ "အစ်ကိုထန်၊ ကျွန်တော်တို့ မတိုက်ခိုက် ဘဲ အချင်းချင်း သိခဲ့ကြမှာ မဟုတ်ဘူးလေ "
"တစ်နေ့ ဂျူနီယာ ဖြစ်ရင် တစ်သက်လုံး ဂျူနီယာ ပါပဲ "
"ကျွန်တော် အစ်ကို့ကို အစောင့် လုပ်ပေး ခဲ့တဲ့ မျက်နှာနဲ့ ကျွန်တော့်ကို နဂါး စွမ်းအင် နည်းနည်း ခွဲပေး ပါနော် "
"အစ်ကို၊ အဆင်ပြေတယ် မဟုတ်လား"
ထန်ထျန်း ရယ်မော မရ ငိုမရ ဖြစ်နေသည်။ ကုန်းချီ ဒီအချိန် မှာ ထွက် လာမယ် လို့ သူ တကယ် မတွေး ထားခဲ့ပေ။
နဂါး စွမ်းအင် များစွာ ရှိသေး ပေမဲ့ သူ ဒီပင်မ တပည့် တွေကို အလွယ်တကူ မပေး ချင်ပေ။
ဒါပေမဲ့...
ဘယ်သူက သူ့ကို အစ်ကို လို့ တစ်ခွန်း ခေါ် လို့လဲ။
"ကောင်းပြီ ကောင်းပြီ နောက်ဆုံး တော့ မင်းက တောင် တောင်ထိပ် တပည့် ပဲ လေး "
"ယူသွား လိုက်"
ထန်ထျန်း လက်ဝှေ့ယမ်း ပြီး နဂါး စွမ်းအင် တစ်ခု ပစ်ပေး လိုက်သည်။
ကုန်းချီ ချက်ချင်း အပျော်လွန် သွားပြီး ဆက်တိုက် ပြောသည်။ "ကျွန်တော် အစ်ကို့ကို ကျေးဇူးတင်ပါတယ်"
"အခုကစပြီး ကျွန်တော်က အစ်ကို့ရဲ့ သစ္စာအရှိဆုံး ညီလေး ဖြစ်ပေး ပါ့မယ်"
ထန်ထျန်း ခေါင်းခါ ပြီး စိတ်ထဲ မထား ခဲ့ပေ။
ကုန်းချီ အောင်မြင်စွာ နဂါး စွမ်းအင် ရရှိ ပြီး စုပ်ယူ နေသည်ကို တွေ့ တော့ ကျန်တဲ့ ပင်မ တပည့် တွေလည်း နောက်ဆုံး မှာ ထိုင်မနေနိုင် တော့ပေ။
ခဏ အကြာ တွင် ပင်မ တပည့် အချို့ ရှေ့ကို ရှက်ရွံ့စွာ လျှောက်လာ ကြပြီး ပါးစပ် ဟ လိုက် သည်။ နောက်ဆုံး မှာ စကားလုံး တစ်လုံး တည်း ပြောထွက် လာသည်။
"အစ်ကိုကြီး ..."
ထန်ထျန်း ချက်ချင်း လက် နဲ့ နဖူး ကို ဖိထား လိုက်ပြီး ခန္ဓာကိုယ် ပေါ်မှာ ကြက်သီးများ ထလာ သည်။
ကုန်းချီ အစ်ကို လို့ ခေါ်တာ နဲ့ မင်းတို့ လည်း ခေါ်ကြ တာလားဟ
တကယ် ကုန်းချီက အစ်ကို လို့ ခေါ်လို့ နဂါး စွမ်းအင် ရ ခဲ့တာ လို့ ထင်နေ ကြတာလား။
ထန်ထျန်း ဒီကောင်တွေ ရဲ့ စိတ် ဘယ်လို ဖြစ်နေ လဲ ဆိုတာကို ခွဲခြမ်းစိတ်ဖြာ ဖို့ ပျင်းတာကြောင့် လက်ဝှေ့ယမ်း ပြီး သူတို့ကို လည်း နဂါး စွမ်းအင် နည်းနည်းလေး ခွဲပေး လိုက်သည်။
ပင်မ တပည့် တွေ ဆက်တိုက် ကျေးဇူးတင် ကြပြီး အရင်က ထန်ထျန်း နဲ့ ပြဿနာ ဖြစ် ခဲ့တဲ့ ဟွမ်ချုံး တောင် ထန်ထျန်းကို ကြည့်တဲ့ အကြည့်တွေ ပြောင်းလဲ သွားသည်။
ဒီအဆင့် မှာ လူတိုင်း နဂါး စွမ်းအင် ရရှိ ခဲ့ကြသည်။
ရှန်းကျဲ့ မှလွဲလိုပေါ့
ထန်ထျန်း သူ့ကို ထပ်မံ ခွဲပေး ဖို့ မဖြစ်နိုင် တော့ပေ။ အဘိုး လို့ ခေါ်ရင်တောင် အသုံးမဝင် ပေ။
အခြားသူတွေ ခွဲပေး တဲ့ နဂါး စွမ်းအင် ပမာဏ ကလည်း မတူညီ ပေ။
လီဟုန် တို့ အပြည့် ရရှိ ခဲ့ပြီး နီဝူရွှမ်း တို့ခြောက်ယောက်လည်း လုံလောက်တဲ့ ပမာဏ ရ ခဲ့သည်။ ဂုဏ်ထူးဆောင်တပည့် ဘက်က လူတွေ အနည်းငယ် လုံလောက်သလို ရ ခဲ့သည်။ ပင်မ တပည့် ဘက်က လူတွေ အတွက် ကတော့.....
ရ တာနဲ့ပဲ ကျေနပ် ကြ တော့
ဒီအရာတွေ လုပ် ပြီးနောက် ထန်ထျန်း ကျန်တဲ့ နဂါး စွမ်းအင် စ စုပ်ယူ တော့ သည်။
နောက်ဆုံး မှာ တစ်ကြိမ် လာခဲ့ တာ လက်ဗလာနဲ့ ပြန်သွား ဖို့ မဖြစ်နိုင် ပေ။
နဂါး အသွင်ပြောင်း ရေကန် ထဲမှာ ဖြစ် တဲ့ အရာအားလုံး ကို အပြင် ကလူ တွေ မြင် ခဲ့ကြသည်။
ထန်ထျန်း ရဲ့ လုပ်ရပ် က လူတွေ အားလုံး ချီးကျူး စေသည်။
အမြဲတမ်း တည်ငြိမ်တဲ့ မဟာ အကြီးအကဲ တောင် သူ့ရဲ့ အမူအရာ အနည်းငယ် ပြောင်းလဲ သွားသည်။
"ဘယ်လောက် ကျယ်ပြောလိုက်တဲ့ ခံယူချက် လဲ"
"ဒီလို တပည့် မျိုး ပိုင်ဆိုင် ခွင့် ရတာ ငါ တို့ ချင်းယွဲ့ ဂိုဏ်း ရဲ့ ကံကောင်းခြင်း ပဲ"
"မင်းတို့ လူတွေ က သူနဲ့ ယှဉ် ရင် အရမ်း ဝေးလွန်း တယ်"
မဟာအကြီးအကဲ နောက်တစ်ကြိမ် အဲဒီအကြီးအကဲ အုပ်စု ကို မဆူမဆဲပဲ မနေနိုင် ခဲ့ပေ။ ထို့နောက် ယွင်ခုံး ကို ပြောသည်။ "ပြီးရင် မင်း ထန်ထျန်း ကို ခေါ် ပြီး ဂိုဏ်းချုပ် အနောက် ခန်းမ ဆီ ခေါ် လာခဲ့"
"ငါ သူနဲ့ လူ ကိုယ်တိုင် တွေ့ ချင်တယ်"
ယွင်ခုံး အလျင်အမြန် လက်ခံ လိုက်သည်။