ဒန်နန်းတော်ပုံဖော်ခြင်းနှင့် ခန်းမကြီးအဖြစ်သို့

အဖြူရောင်ဝတ်ရုံလူငယ်ထံမှ စီးဆင်းလာသော ပျက်သုဉ်းခြင်းချီစွမ်းအင် ကို ခံစားလိုက်ရသောအခါ လူတိုင်းသည် ကြီးမားသောဖိအားကို ခံစားလိုက်ရသည်။

ဒါ ဘယ်လိုလုပ် ဖြစ်နိုင်မှာလဲ။

ထို ကြောက်မက်ဖွယ်ကောင်းသော ပျက်သုဉ်းခြင်းချီပမာဏသည် ထိုလူငယ်၏ခန္ဓာကိုယ်ကို ဖုံးလွှမ်းထားသည်။

သူတို့သည် ဤမျှ သိပ်သည်းသော ပျက်သုဉ်းခြင်းချီကို တစ်ခါမျှ မမြင်ဖူးကြပေ။

ပျက်သုဉ်းခြင်းချီ သည် မည်မျှ အဖိုးတန်သည်ကို သူတို့ ကောင်းကောင်း သိကြသည်။

ပျက်သုဉ်းခြင်းချီ တစ်စက်လေးပိုစုစည်းနိုင်ရန်အတွက် နှစ်ပေါင်းများစွာကျင့်ကြံရပြီး အောင်မြင်ပါက အလွန် ပျော်ရွှင်ကြရသည်။

သို့သော် ဤ ပမာဏ မှာ...

အရေးအကြီးဆုံးမှာ ဤမျှကြောက်မက်ဖွယ်ကောင်းသော ပျက်သုဉ်းခြင်းချီ ပမာဏရှိနေသော်လည်း ထိုပုံရိပ်သည် အလွန် တည်ငြိမ်စွာရှိကာ စူးစမ်းလိုစိတ်ဖြင့် ပတ်ပတ်လည်ကို ကြည့်နေခြင်း ဖြစ်သည်။

ရှန်းချန်ကော ခေါင်းငုံ့ကာ သူ့လက်များကို ကြည့်လိုက်သည်။

အလွန် လွှမ်းမိုးချုပ်ကိုင်နိုင်သည့် စွမ်းအားတစ်ခုက သူ့ကို မဟာပျက်သုဉ်းခြင်းကျမ်းစာကို လည်ပတ်ရန် လမ်းညွှန်နေသည်ကိုသာ ခံစားရသည်။

ရှန်းချန်ကော သည် ညင်သာစွာ သက်ပြင်းချလိုက်သည်။

အမှောင်နတ်ဘုရားကျောက်တိုင်၏ တည်ရှိမှုသည် အမှန်တကယ် စိတ်ဝင်စားစရာကောင်းကြောင်း သူ ဝန်ခံရမည်။

၎င်းသည် သူ့ကို မဟာပျက်သုဉ်းခြင်းကျမ်းစာ လည်ပတ်ရန်ပင် လမ်းညွှန်နိုင်ခဲ့သည်။

သို့သော်...

မဟာပျက်သုဉ်းခြင်း ကျမ်းစာ ကို အသက်သွင်းပြီး ၎င်းကို ဆန့်ကျင်တိုက်ခိုက်လိုက်လျှင် ဘာဖြစ်မည်နည်း။

ရှန်းချန်ကော၏ မျက်လုံးများ လင်းလက်သွားသည်။

ရုတ်တရက် သူသည် အမှောင်နတ်ဘုရားကျောက်တိုင်နှင့် ခိုးကြောင်ခိုးဝှက် ထိပ်တိုက်ရင်ဆိုင်လိုသော ကောက်ကျစ်သည့် အတွေးတစ်ခု ရလာသည်။

အဘယ်ကြောင့်ဆိုသော် သူသည် ဤ အမှောင်နတ်ဘုရားကျောက်တိုင်နှင့်ပတ်သက်၍ အလွန် စူးစမ်းလိုနေခြင်း ဖြစ်သည်။

၎င်းတွင် ကိုယ်ပိုင် အသိစိတ်များရှိနေသည်လော သို့မဟုတ် ၎င်းသည် စည်းမျဉ်းအချို့အတိုင်း လည်ပတ်နေခြင်းလော။

ဒုန်း

သူသည် ဆွဲငင်အားကိုတွန်းလှန်ရန် မဟာပျက်သုဉ်းခြင်းကျမ်းစာကို တိတ်တဆိတ် လည်ပတ်လိုက်သည်။

အများမြင်ကွင်းထဲတွင်...

သူ့ပတ်ဝန်းကျင်ရှိ ပျက်သုဉ်းခြင်းချီအလွှာထူကြီးသည် ကျုံ့ဝင်လာခဲ့သည်။

ဤ မြင်ကွင်းသည် ထိုနေရာရှိ လူငယ်အချို့ကို တုန်လှုပ်စေခဲ့သည်။

"ဒါ ဘယ်လိုလုပ် ဖြစ်နိုင်မှာလဲ။အမှောင်နတ်ဘုရားကျောက်တိုင်ရဲ့ လမ်းညွှန်မှုအောက်မှာ ပျက်သုဉ်းခြင်းချီကျုံ့ဝင်သွားတာကို တစ်ခါမှမမြင်ဖူးဘူး၊သူ့ ခန္ဓာကိုယ်ကိုမထိန်းချုပ်နိုင်ဘဲ ကန့်သတ်ချက်အထိ တွန်းပို့သင့်တာ မဟုတ်ဘူးလား"

လူတိုင်း၏မျက်နှာထားများ ပြောင်းလဲသွားသည်။

ထိုအခိုက်အတန့်တွင် ဆံပင်ဖြူလူငယ်၏ မျက်လုံးများ လင်းလက်သွားပြီး တစ်စုံတစ်ခုကိုတွေးလိုက်မိသကဲ့သို့ ထိတ်လန့်သွားသည်။

"ဒါ... သူ အမှောင်နတ်ဘုရားကျောက်တိုင် ရဲ့ ဆွဲငင်အားကို ဆန့်ကျင်နေတာများလား"

လက်ရှိအချိန်တွင်...

ဤအရာသာ ပြောနိုင်တော့သည်။

သို့သော် သူ ယခုလိုပြုလုပ်ခြင်းသည် သေခြင်းတရားအား ရှာဖွေနေခြင်းသာဖြစ်သည်။

ဆံပင်ဖြူလူငယ် ယန်ချင်းဟော်၏မျက်နှာသည် ထိုအခိုက်အတန့်တွင် အနည်းငယ်ပြောင်းလဲသွားခဲ့သည်။

ဤအတွင်းသို့ သူမဝင်ခင်တွင် သူအဖေက အမှောင်နတ်ဘုရားကျောက်တိုင်၏ လမ်းညွှန်မှုအား အပြည့်အဝလက်ခံရမည်ဟု အကြိမ်ကြိမ် သတိပေးခဲ့သည်။

မဟုတ်ပါက ဘေးဥပဒ်နှင့် ကြုံတွေ့ရဖွယ် အများဆုံးရှိလိမ့်မည်။

အမှောင်နတ်ဘုရားကျောက်တိုင်၏ စွမ်းအားသည် အလွန်လွှမ်းမိုးချုပ်ကိုင်နိုင်လွန်းသည်။

အတိတ်တွင် မိမိကိုယ်ကို ထူးချွန်သည်ဟု ထင်မှတ်ကာ ဤကဲ့သို့ လုပ်ခဲ့သူများစွာ ရှိခဲ့သော်လည်း ၎င်းတို့အားလုံးသည် ဆိုးရွားသော အခြေအနေနှင့် အဆုံးသတ်ခဲ့ကြသည်။

သူသည် ဤလွန်စွာချောမောသည့် လူငယ် သည် လွှမ်းမိုးချုပ်ကိုင်နိုင်သည့် စွမ်းအားကြောင့် ချက်ခြင်းကြေမွသွားမည်ဟု ကြိုတင်ခန့်မှန်းထားခဲ့ပြီးသား ဖြစ်သည်။

သို့သော် အချိန်အတော်ကြာပြီးနောက်...

အဖြူရောင်ဝတ်ရုံလူငယ်၏ ခန္ဓာကိုယ်ပေါ်ရှိ ပျက်သုဉ်းခြင်းချီသည် ရေစီးချောင်းကဲ့သို့ ခန္ဓာကိုယ်အတွင်းသို့ ပြန်လည်ဝင်ရောက်သွားပြီး ပျောက်ကွယ်သွားသည်။

ရှန်းချန်ကောမှာမူ အလွန် တည်ငြိမ်စွာရှိနေသည်။

သို့သော် ထိုအချိန်တွင် အဝေးမှနေ၍ပင် ရှန်းချန်ကော၏ခန္ဓာကိုယ်အတွင်း၌ အလွန် ကြမ်းတမ်းပြီး ကြောက်မက်ဖွယ်ကောင်းသော ပြည့်နှက်ပါဝင်နေသည်ကို သူတို့ ခံစားနိုင်ခဲ့သည်။

စွမ်းအားနှစ်ခုသည် တစ်ခုနှင့်တစ်ခု ပူးကပ်နေသကဲ့သို့ ဖြစ်နေသည်။

၎င်းသည် အမှောင်နတ်ဘုရားကျောက်တိုင် ၏ ဆွဲငင်အားကို အမှန်တကယ် ဆန့်ကျင်နေခြင်း ဖြစ်သည်။

သူတို့ မျက်လုံးများ ပြူးကျယ်သွားကြသည်။

ဘယ်လိုသောက်ကျိုးနဲ မွန်းစတားမျိုးလဲဟ..

သူသည် အမှောင်နတ်ဘုရားကျောက်တိုင်ကို ဤမျှ လွယ်ကူစွာ တွန်းလှန်နိုင်ခဲ့သည်။

ထိုအချိန်တွင် အဖြူရောင်ဝတ်ရုံလူငယ် က ရုတ်တရက် သက်ပြင်းချလိုက်သည်။

သူ၏ ခန္ဓာကိုယ်အနည်းငယ် တုန်ခါသွားပုံရပြီး တိုးတိုးလေး ရေရွတ်လိုက်သည်။

"ငါ မထိန်းချုပ်နိုင်တော့ဘူး။ အမှောင်နတ်ဘုရားကျောက်တိုင်ရဲ့ ဆွဲငင်အားက တကယ်ပဲ လွှမ်းမိုးချုပ်ကိုင်နိုင်လွန်းတယ်"

နောက်တစ်ခဏ

ရှန်းချန်ကောသည် အမှောင်နတ်ဘုရားကျောက်တိုင်၏ဆွဲငင်အားမှ လုံးဝလွှတ်ပေးလိုက်သည်။

သူ၏ခန္ဓာကိုယ် ဖရိုဖရဲဖြစ်သွားပြီး သူ၏ အနှစ်သာရ၊ စွမ်းအင်နှင့် စိတ်ဝိညာဉ်တို့သည် ချက်ခြင်းပင် အမြင့်ဆုံးသို့ ရောက်ရှိသွားသည်။

ဘုန်း

ရှန်းချန်ကော အစောပိုင်းက အမှောင်နတ်ဘုရားကျောက်တိုင် ကို ဖိနှိပ်ရန် အသုံးပြုခဲ့သော စွမ်းအားသည် ဤအခိုက်အတန့်တွင် လုံးဝ ပေါက်ကွဲသွားခဲ့သည်။

လွှမ်းမိုးချုပ်ကိုင်သည့် အရှိန်အဝါ သည် သူ၏ မဟာပျက်သုဉ်းခြင်းကျမ်းစာ ကို ချက်ခြင်းပင် ကန့်သတ်ချက်အထိ တွန်းပို့လိုက်သည်။

ပတ်ဝန်းကျင်ရှိ စွမ်းအင်များသည် မော်တာစက်ဖြင့်စုပ်ခံသကဲ့သို့ စီးဆင်းလာပြီး ဆူညံသံများ မရပ်မနား ထွက်ပေါ်လာသည်။

နောက်ဆုံးတွင် သူ၏ဗဟိုချက်မှ အစပြု၍ ခမ်းနားသော မီးခိုးဖြူရောင်အရှိန်အဝါ သည် ရုတ်တရက် ပေါက်ကွဲသွားသည်။

၎င်းသည် ပင်လယ်ကဲ့သို့ပင်။

သိပ်သည်းသော မီးခိုးဖြူရောင်ပျက်သုဉ်းခြင်းချီ သည် ကြီးမားလုံးဝန်းသည့်ပုံသဏ္ဌာန်ပျက်သုဉ်းခြင်းစွမ်းအင် ဘောလုံး တစ်ခုကို ပုံဖော်လိုက်သည်။

ပျက်သုဉ်းခြင်းချီလှုပ်ရှားလာသောအခါ ပတ်ဝန်းကျင်ရှိ အသက်စွမ်းအင်များကို စုပ်ယူသွားသည်။

လူတိုင်း၏မျက်နှာထားများ ပြောင်းလဲသွားပြီး အလွန် ကြီးမားသောအန္တရာယ်ကို ခံစားရသောကြောင့် အလျင်အမြန် ဆုတ်ခွာသွားကြသည်။

"ဘယ်လိုတောင် သောက်ကျိုးနဲကြောက်စရာကောင်းလွန်းတဲ့ မွန်းစတားမျိုးလဲ "

"ဒီလောက်ထိ သိပ်သည်းတဲ့ ပျက်သုဉ်းခြင်းချီ"

"ဒါ ဘယ်လို မြူသမုဒ္ဒရာကျင့်စဉ်မျိုးလဲ။ သူ ကျမ်းစာကို ဉာဏ်ရခဲ့တာများလား"

လူတိုင်း၏မျက်နှာထားများ သိသိသာသာ ပြောင်းလဲသွားခဲ့သည်။

ထိုအခိုက်အတန့်တွင် ရှန်းချန်ကော သည် သူ၏ ဒျန်တန်ထဲသို့ စီးဝင်လာသော ပျက်သုဉ်းခြင်းချီကို ခံစားရင်း သူ့အလုပ်ကိုသာ သူဆောင်ရွက်နေခဲ့သည်။

သိပ်သည်းသော ပျက်သုဉ်းခြင်းချီသည် သူ၏ဒျန်ထျန်ကို စဉ်ဆက်မပြတ် တည်ဆောက်နေပုံရပြီး သူ၏ဒျန်ထျန်၏ဖွဲ့စည်းပုံကို အရှိန်အဟုန်ဖြင့် ပြောင်းလဲနေသည်။

နတ်ဆိုးဖွဲ့စည်းခြင်းများလော။

ထိုအခိုက်အတန့်တွင်...

ယန်ချင်းဟော် အမှန်တကယ် ထိတ်လန့်သွားခဲ့သည်။

သူတို့ မြင်တွေ့နေရသော ဤလူသည် မည်သို့သော ကြောက်မက်ဖွယ် မွန်းစတားဖြစ်သနည်း။

တစ်ခါမှ မမြင်ဖူးခဲ့ပေ...

ထိုအချိန်တွင်...

"နတ်ဘုရားဗိမာန်၊ ဒန်နန်းတော်၊ ရှေးဟောင်း ကြံမ္မာပြောင်းလဲခြင်းအသက်နှင့် နတ်ဆိုး ခန္ဓာကိုယ်"

ကြီးမြတ်သောအသံသည် လှိုင်းများကဲ့သို့ ကောင်းကင်ယံကို လွှမ်းခြုံသွားပြီး မင်ရောင် ကောင်းကင်ကို တုန်ခါစေခဲ့သည်။

ဆိုလိုသည်မှာ...

အမှောင်နတ်ဘုရားကျောက်တိုင် သည် ဒန်နန်းတော်တည်ဆောက်ခြင်းအား စတင် ကူညီနေပြီ ဖြစ်သည်။

ယန်ချင်းဟော်၏ မျက်လုံးများ အနည်းငယ် ကျုံ့ဝင်သွားပြီး အလျင်အမြန် ပြောလိုက်သည်။

"အားလုံး၊အသက်စွမ်းအင်ထိန်းညှိပြီး အာရုံစူးစိုက်လိုက်ကြ။ ဒျန်ထျန်ရဲ့ အပြောင်းအလဲတွေကို စတင်ခံစားလိုက်ကြပါ။အမှောင်နတ်ဘုရားကျောက်တိုင် က ဒန်နန်းတော်တည်ဆောက်ဖို့ ကူညီနေပြီ။ အမှားအယွင်း မလုပ်မိစေနဲ့‌"

ထိုအချိန်တွင်...

ရုတ်တရက် လူတိုင်း၏မျက်လုံးများ လင်းလက်သွားပြီး သူတို့ကို အံ့အားသင့်စေခဲ့သော အဖြူရောင်ဝတ်ရုံလူငယ် ကို ကြည့်လိုက်ကြသည်။

ထိုအခိုက်အတန့်တွင် အဖြူရောင်ဝတ်ရုံလူငယ် က သူတို့အား ဆောင်ကြဉ်းလာသည့်ထိတ်လန့်မှုသည် ပို၍ပင်ကြောက်မက်ဖွယ်ကောင်းလာခဲ့သည်။

ကျယ်လောင်သော မြည်ဟိန်းသံတစ်ခု ထွက်ပေါ်လာသည်။

ရှန်းချန်ကော၏ဒျန်ထျန် မှ ကြီးမားသော နက္ခတ်တာရာအရှိန်အဟုန်တစ်ခု ရုတ်တရက်ထွက်ပေါ်လာပြီး ကျယ်လောင်စွာပေါက်ကွဲသွားသည်။

သူ၏နောက်ကွယ်တွင် ဧရာမနန်းတော် တစ်ခု ကောင်းကင်ယံတွင် ရုတ်တရက်စုစည်းသွားသည်။

"သူ ဒန်နန်းတော် ကို ပုံဖော်လိုက်ပြီလား"

ထိုနေရာရှိ လူငယ်များသည် အံ့အားသင့်သွားကြသည်။

၎င်းတို့အားလုံးသည် ဤမျိုးဆက်၏မြူသမုဒ္ဒရာ အဖွဲ့အစည်း တွင် ထူးချွန်သူများဖြစ်ပြီး အမြင့်ဆုံး တွင် ရှိသည်ဟု ပြောဆိုနိုင်သည်။

သို့သော်လည်း...

သူတို့အား အလွယ်တကူနင်းခြေနိုင်သော မွန်းစတားကြီးတစ်ကောင် သူတို့ရှေ့တွင် ပေါ်လာခဲ့သည်။

အမှန်လည်း ဤအရာက အစသာရှိသေးသည်။

သူက သူ့ ဒန်နန်းတော်ကို အောင်မြင်စွာ ပုံဖော်လိုက်ပြီလော။

သူတို့လို လူများသည် ၎င်းကို အောင်မြင်စွာ စုစည်းနိုင်ရန် အချိန်မည်မျှ ကြာမည်ကို မသိနိုင်သည်ကို သိထားရမည်။

တကယ်တော့ သူတို့ထဲမှ အချို့သည် အရည်အချင်း မရှိပါက ပေါင်းစည်းရန် ပျက်ကွက်နိုင်သည်။

အောင်မြင်ရန် အကြိမ်များစွာ ကြိုးစားရမည်။

ထိုအချိန်တွင်...

ရှန်းချန်ကော၏ နောက်ကွယ်မှ ထွက်ပေါ်လာသော နန်းတော်ကို ကြည့်လိုက်ကြလျှင် အားလုံးအံ့အားသင့်သွားကြသည်။

"ဒီ... ဒန်နန်းတော်ရဲ့ အဆင့်က အနာဂတ်မှာ နတ်ဆိုးဖွဲ့စည်းနိုင်ခြေကို ဆုံးဖြတ်ပေးတယ်။ တစ်ဖက်ကနေ ကြည့်ရင် ဒါဟာ လူတစ်ယောက်ရဲ့ အလားအလာကို ဖော်ပြခြင်းပဲ"

"ဒန်နန်းတော်... ခန်းမကြီးလား ဒါ ဘယ်လိုလုပ် ဖြစ်နိုင်မှာလဲ"

လူတိုင်း၏မျက်နှာအမူအရာများ သိသိသာသာ ပြောင်းလဲသွားခဲ့သည်။

ဒန်နန်းတော်သည် ခန်းဆောင်ကြီးဖြစ်သွားခဲ့သည်။

ရှေးကျသောအရှိန်အဝါစီးဆင်းလာသည်နှင့်အမျှ၊ သမိုင်း၏လေးနက်သော ခံစားချက်သည် ထို ခမ်းနားသော ရှေးဟောင်း နန်းတော် ထဲသို့ ဓားဖြင့် ထွင်းထုထားသကဲ့သို့ ဖြစ်နေသည်။

သူတို့ အသက်ရှူရပ်သွားကြပြီး ရှန်းချန်ကော ၏ နောက်ကွယ်မှ နန်းတော်ကို အာရုံစိုက်ကြည့်လိုက်ကြသော်လည်း နန်းတော် သည် ပိုမို ဝါးလာခဲ့သည်။

သူတို့၏အဆင့်များ စဉ်ဆက်မပြတ် မြင့်တက်လာသကဲ့သို့ နန်းတော်သည်လည်း မပြောင်းမလဲထိုနေရာတွင် ရှိနေသော်လည်း ပိုမိုဝေဝါးလာသည်။

သူတို့၏စွမ်းရည်များ မပြောင်းလဲသော်လည်း ဒန်နန်းတော်၏အရည်အသွေးသည် အရှိန်အဟုန်ဖြင့် မြင့်တက်လာခဲ့သည်။

နန်းတော်သည် သူတို့အားကြီးမားသော ဖိအားကို ပေးစွမ်းနေလေသည်။

အမှန်ပင် ကြောက်မက်ဖွယ်ကောင်းသော ဒန်နန်းတော်တစ်ခုပင်။

ထိုအချိန်တွင်...

ရှန်းချန်ကောသည် အလွန်သက်တောင့်သက်သာရှိနေကာ အသက်ရှူရှိုက်လိုက်ပြီး သူ၏ဒျန်ထျန်နေရာကို စမ်းလိုက်သည်။

ထို့နောက် သူသည် ဤနေရာမှ ထွက်ခွာကာ ဤ မဟာပျက်သုဉ်းခြင်းကမ္ဘာကို သေချာစူးစမ်းရန် ပြင်ဆင်လိုက်သည်။

သူ မထွက်ခွာမီ ငွေစတစ်ရွက်ကို လှမ်းပစ်ချလိုက်သည်။

ယန်ချင်းဟော် နားမလည်စွာဖြင့်...

"အဲ့ဒါက ဘာလုပ်တာလဲ"

ရှန်းချန်ကောကတော့ အလွန်ခန့်ညားပြီး ချောမောသောနောက်ကျောပေးကာဖြင့် ထွက်ခွာသွားသည်။

"မင်းတို့ ချီးကျူးတာ အရမ်းကောင်းလို့ပါ။ မဟာမိတ်ညီအစ်ကိုကြီးအတွက် ပေးလိုက်တာ"

ထိုနေရာရှိ လူများသည် ရယ်စရာကောင်းသော်လည်း အနည်းငယ်စိတ်ဆိုးသလို ခံစားလိုက်ရသည်။

သို့သော် ထိုပုံရိပ်ကို ကြည့်လိုက်ရင်း သူတို့ထိုခံစားချက်ဖော်ပြရဲခြင်း မရှိပေ။

မွန်းစတားကြီးပင်

သူသည် ကြောက်မက်ဖွယ်နတ်ဆိုး တစ်ကောင် ဖြစ်သည်။