နတ်ဆိုးဖွဲ့စည်းခြင်း

ထိုဓားချက် ပေါက်ကွဲထွက်ပြီးနောက်...

ကောင်းကင်ယံရှိ အနက်ရောင်မြူခိုးများ ပြန့်ကျဲသွားသည်။

ပြင်းထန်သောဓားအလင်းတန်းသည် တောက်ပသောဓားချီများအဖြင့် မြည်ဟိန်းနေပြီး နှိုင်းယှဉ်၍မရအောင် ကြောက်မက်ဖွယ် ကောင်းလှသည်။

ချက်ချင်းပင်...

ဤနေရာတွင်ရှိနေသူ အားလုံး၏မျက်နှာထားများ သိသိသာသာ ပြောင်းလဲသွားကြသည်။

ထိုဓားချက်...

၎င်းသည် ဓားထိန်းချုပ်ခြင်းနည်းစနစ်၏ အမြင့်ဆုံး အခြေအနေ၊ နတ်ဘုရားတစ်ပိုင်းအဆင့် နှင့် ယန်ဒြပ်စင်ငါးမျိုး အခြေအနေကို ကိုယ်စားပြုသည်။

တောက်လောင်နေသော အဖြူရောင်လျှပ်စီးများသည် လေထဲတွင် အော်ဟစ်နေပြီး ဓားအလင်းတန်းသည် နဂါးတစ်ကောင်ကဲ့သို့ ထွက်ပေါ်လာခဲ့သည်။

ဒါ ဘယ်လိုကြောက်စရာကောင်းတဲ့ လူကြီးလဲ။

သခင်ကျွင်းသည် ဓားဆွဲထုတ်ပြီးနောက် ချက်ချင်း နောင်တရသွားသည်။

ဤမျှကြောက်မက်ဖွယ်ကောင်းသော ဓားအလင်းတန်းမျိုးကို သူ တစ်ခါမှ မမြင်ဖူးပေ။

၎င်းသည် ယန်ဒြပ်စင်ငါးမျိုး အခြေအနေရှိ ဓားထိန်းချုပ်ခြင်းနည်းစနစ်ကို သူ ပထမဆုံးအကြိမ် ရင်ဆိုင်ရခြင်းလည်း ဖြစ်သည်။

သူသည် ပျက်စီးခြင်းလက်နက် ကို အသုံးပြုခဲ့သော်လည်း အကျိုးသက်ရောက်မှု သိပ်မရှိခဲ့ပေ။

သခင် ကျွင်း "တိမ်ခွဲ လျှို့ဝှက်အလင်း"

ဘုန်း

သူသည် သူ၏သတ်ဖြတ်ခြင်းဓားကျင့်စဥ်ကို တိုက်ရိုက် အသုံးပြုလိုက်သည်။

ခမ်းနားထည်ဝါသော သတ်ဖြတ်ခြင်းဆန္ဒများ ပေါက်ကွဲထွက်လာခဲ့သည်။

အစွမ်းထက်သော သတ်ဖြတ်ခြင်းဓားကျင့်စဉ်သည် မြူခိုးအလွှာများကြားမှ ဓားတစ်ချက် ရုတ်တရက်ထိုးသွင်းလိုက်သကဲ့သို့ ပေါက်ကွဲထွက်လာပြီး၊ ၎င်း၏အရှိန်နှင့် စွမ်းအားသည် အစွမ်းကုန်အထိ ပေါက်ကွဲသွားသည်။

ပျက်စီးခြင်းလက်နက်သည် ပျက်သုဉ်းခြင်းချီ များကို ထုတ်လွှတ်ပြီး ၎င်းကို ဝန်းရံထားသည်။

၎င်းသည် တုံးတိသောလက်နက်ဖြစ်သော်လည်း ကြောက်မက်ဖွယ်ကောင်းသော ထက်ရှမှု ရှိသည်။

"တောက်"

ရှန်းချန်ကော၏ဓားချက်ကို သူ ခံစားလိုက်ရသောကြောင့် သခင်ကျွင်း၏မျက်နှာထား ရုတ်တရက် ပြောင်းလဲသွားသည်။

သူသည် မည်သည့် ဓားကျင့်စဥ်ကိုမျှ အသုံးမပြုခဲ့ပါဘူး။

ဤအရာက သာမန် တိုက်ခိုက်မှုတစ်ခုသာ ဖြစ်သော်လည်း၊ကျယ်ပြန့်သော ဓားအလင်းတန်းသည် အလွန် ကြောက်မက်ဖွယ် ကောင်းလှသည်။

အရာအားလုံးကို ဝါးမျိုတော့မည့်အလား ဖြစ်နေသည်။

သူ၏ဓားအလင်းတန်းသည် ပင်လယ်နှင့် ဆုံသွားသော ချောင်းရေကဲ့သို့ ဖြစ်နေသည်။

ဒါ ဘယ်လိုလုပ် ဖြစ်နိုင်မှာလဲ

ဒါက မြူသမုဒ္ဒရာ အပြင်ဘက်စည်းပဲလေ။

ယုတ္တိတန်စွာဆိုရလျှင် မြူသမုဒ္ဒရာအပြင်ဘက်စည်းတွင် နတ်တံတားအဆင့်ဆိုသော တည်ရှိမှုမှာ အထွတ်အထိပ်ဟု သတ်မှတ်နိုင်လေသည်။

မည်သို့ဖြင့် ယခုလိုကြောက်မက်ဖွယ်ကောင်းသော ကျွမ်းကျင်သူတစ်ယောက် မည်သို့ထွက်ပေါ်လာရသနည်း။

တစ်ခဏချင်းတွင်...

ကျယ်ပြန့်သော ဓားအလင်းတန်းသည် တုန်ခါသွားပြီး သခင်ကျွင်း၏ဓားအလင်းတန်းကို တိုက်ရိုက် မျိုချပစ်လိုက်သည်။

ပျက်သုဥ်းခြင်းချီဟု ခေါ်ဆိုသောအရာသည် တောက်လောင်နေသော အဖြူရောင်လျှပ်စီးများထဲတွင် လှိုင်းလုံးမျှပင် မဖြစ်ပေါ်စေနိုင်ခဲ့ပေ။

ဒါ ဘယ်လိုလုပ် ဖြစ်နိုင်မှာလဲ

အခြေခံစွမ်းအင်များထဲတွင် ပျက်သုဉ်းခြင်းချီ သည် အမြင့်ဆုံးစွမ်းအင်အဆင့်ဟု သတ်မှတ်ခံရသည်။

သို့သော် ထိုအချိန်တွင် ထူထဲသော ဓားချီသည် ပျက်စီးခြင်းလက်နက်မှ ပေါက်ကွဲထွက်လာသော ရှေပျက်သုဉ်းခြင်းချီကို ဝန်းရံလိုက်ပြီး ဖျက်ဆီးပစ်လိုက်သည်။

ဒီလူငယ်

သူ ရုတ်တရက် ခေါင်းမော့ကြည့်လိုက်သည်။

သို့သော် ထိုအချိန်တွင်...

မြေကြီးမှ ထိုးထွက်နေသော ကောင်းကင်တောင်ထိပ်ပေါ်တွင် ထိုလူငယ် ပျောက်ကွယ်နေသည်။

သူ ဘယ်မှာလဲ

သူ့ဆံပင်များထောင်ထလာပြီး ခြေဖဝါးအောက်မှ အေးစက်မှု ပျံ့နှံ့လာသည်ကို ခံစားလိုက်ရသည်။

သို့သော် နောက်တစ်ခဏတွင် မရေမတွက်နိုင်သော ပုံရိပ်ယောင်များ သူ့ရှေ့တွင် ရုတ်တရက်ထွက်ပေါ်လာခဲ့သည်။

ပုံရိပ်တစ်ခုသည် သူ့ရှေ့တွင် ရုတ်တရက် ပေါ်လာသည်။

ထိုသူက ဝတ်ရုံဖြူလူငယ်

မျက်တောင်တစ်ခတ်အတွင်း ချန်ကော ရုတ်တရက် သူ့ရှေ့သို့ ရောက်လာခြင်းပင်... ဤအရာဟာ မည်သို့သောကြောက်မက်ဖွယ် လှုပ်ရှားမှုနည်းစနစ်မျိုးဖြစ်သနည်း။

လှုပ်ရှားမှုနည်းစနစ်၏အမြင့်ဆုံး အခြေအနေ

သူသည် အမြင့်ဆုံးအခြေအနေရှိ လှုပ်ရှားမှု နည်းစနစ်ကို သေချာပေါက် ပိုင်ဆိုင်ထားသည်။

ယန်ဒြပ်စင်ငါးမျိုး... အရိပ်ပျောက်ကွယ်ခြင်းထူးကဲအဆင့်... ဒါ ဘယ်လို မွန်းစတားကောင်မျိုးလဲ။

သခင်ကျွင်း၏ထိတ်လန့်တုန်လှုပ်နေသော အကြည့်အောက်တွင် ရှန်းချန်ကောသည် လက်ချောင်းနှစ်ချောင်းကို ဖြည်းညှင်းစွာဆန့်ထုတ်ပြီး သူ၏ မျက်ခုံးနှစ်ခုကြားရှိ နေရာကို ညင်သာစွာ ထိလိုက်သည်။

ပတ်ဝန်းကျင်ရှိ လေများ ရုတ်တရက် ရပ်တန့်သွားသည်။

အနက်ရောင်မြူခိုးများ လှိမ့်နေခြင်း ရပ်တန့်သွားပြီး လူတိုင်း အသက်ရှူရပ်သွားကြသည်။

ထိုအချိန်တွင် ထိုလူငယ်၏ပါးစပ်တွင် အေးစက်သော အပြုံးတစ်ခု ရှိနေပြီး အနည်းငယ် ထိတ်လန့်ဖွယ်ကောင်းသော ထက်ရှမှုများ ပါဝင်နေသည်။

ဖွတ်

သခင်ကျွင်း၏နောက်စေ့သည် ရုတ်တရက် ပွင့်ထွက်သွားပြီး သွေးများ ပန်းပွင့်ကဲ့သို့ ပွင့်အာလာကာ ပန်ကာပုံသဏ္ဌာန် ဖြစ်သွားသည်။

သူ သေသွားပြီ။

ပျက်စီးခြင်းလက်နက်၏ အကူအညီဖြင့် ကူးပြောင်းခြင်းအဆင့် ကျွမ်းကျင်သူကိုပင် သတ်နိုင်သော တည်ရှိမှုသည် လက်ချောင်းတစ်ချောင်းတည်းကြောင့် အလွယ်တကူ သေဆုံးသွားခဲ့သည်။

ထိုခန့်ညားသော မျက်နှာသည် လူအများအပြားကို မဖြစ်နိုင်ဟု ခံစားရစေသည်။

သူသည် ငယ်ရွယ်ပြီးတော့ အလွန်ခန့်ညားချောမောလွန်းသည်။

ဒီလိုလူမျိုး...

ဘယ်လိုလုပ် ဒီလောက် အစွမ်းထက်တဲ့ ခွန်အားကို ပိုင်ဆိုင်နိုင်တာလဲ။

ဝေါ

ထိုပုံရိပ်သည် မရေမတွက်နိုင်သော ပုံရိပ်ယောင်များအဖြစ်သို့ ရုတ်တရက်ပြောင်းလဲသွားပြီးနောက် သူတို့ရှေ့မှ ချက်ချင်း ပျောက်ကွယ်သွားသည်။

'ဒါ...'

တိမ်တိုက်ဓားဂိုဏ်းမှ လူတိုင်း အံ့အားသင့်တုန်လှုပ်သွားကြသည်။

မြေပြင်မှထိုးထွက်နေသော ကောင်းကင်တောင်ထိပ်သို့ ထပ်မံတက်ရောက်သွားသော ထိုလူငယ်ကို ကြည့်လိုက်သောအခါ သူတို့၏ကျောရိုးများ တစ်လျှောက် အေးစက်မှု ခံစားလိုက်ရသည်။

ဒါ ဘယ်လို မွန်းစတားမျိုးလဲ

ထိုပုံရိပ်သည် ကောင်းကင်တောင်ထိပ်ပေါ်တွင် မတ်မတ်ရပ်နေပြီး ကောင်းကင်ယံတွင် ဓားအလင်းတန်းတစ်ခု ရုတ်တရက် ထွက်ပေါ်လာခဲ့သည်။

လူများစွာ တုန်လှုပ်ချောက်ချားသွားကြသည်။

ထိပ်တန်းဓားဂိုဏ်း (၁၀) ဂိုဏ်းမှ လူများ...

ကောင်းကင်ဘုံဓားဂိုဏ်း အပြင်ဘက်တွင် ရပ်နေကြသည်။

မြင့်မားသော ကောင်းကင်တောင်ထိပ်သည် သူတို့အားလုံးကို ပိတ်ဆို့ထားခဲ့သည်။

"ဘာလုပ်ရမလဲ..."

"ရှေ့ဆက်လို့ မရဘူး... ဒီလူက အရမ်း ကြောက်စရာကောင်းတယ်... ငါတို့ ခုခံဖို့ မဖြစ်နိုင်ဘူး"

"ဆက်သွားရင်... သေရုံပဲ ရှိတယ်..."

ကောင်းကင်ဘုံဓားဂိုဏ်း အတွင်း၌...

လူတိုင်း အံ့အားသင့်တုန်လှုပ်ခြင်းကို မရပ်တန့်နိုင်ဖြဈ်နကြ၏ယ။

ဤသူ အလွန် သန်မာလွန်းလှသည်။

"ခုနက လူရဲ့ခွန်အားက ကူးပြောင်းခြင်းအဆင့် နဲ့ အရမ်းနီးစပ်နေပြီ၊ ဒါပေမဲ့..."

သူတို့ အားလုံး ရှင်းရှင်းလင်းလင်း မြင်လိုက်ရသည်။

ရှန်းချန်ကော သည် ဓားချက်တစ်ချက်တည်းဖြင့် ဓားအလင်းရောင်ကို အလွယ်တကူ ဖျက်ဆီးလိုက်ပြီးနောက် လက်ညှိုးတစ်ချောင်းတည်းဖြင့် ထိုလူကို သတ်ပစ်လိုက်သည်။

'သူက လူသား ဟုတ်သေးရဲ့လား'

ဤအရာက လူတိုင်း တွေးနေကြတဲ့ အရာပင်။

ထို့အတူ ယခု...

"တိမ်တိုက်ဓားဂိုဏ်း၊ တိုက်ခိုက်ခြင်းကို လက်လျှော့လိုက်ပြီ"

"လေညှင်းဓားဂိုဏ်း၊ တိုက်ခိုက်ခြင်းကို လက်လျှော့လိုက်ပြီ..."

"... "

ထိပ်တန်းဓားဂိုဏ်း (၁၀) ဂိုဏ်းစလုံး တိုက်ခိုက်ခြင်းကို လက်လျှော့လိုက်ကြသည်။

သူတို့ ယခုလိုပြော‌လာစေရန် ဖိအားပေးခံခဲ့ရခြင်း ဖြစ်သည်။

အဘယ်ကြောင့်ဆိုသော် ယခင်က ပြင်းထန်သော စွမ်းအားတစ်ခုက သူတို့ကိုဖြည်းညှင်းစွာ ရှေ့သို့ တွန်းပို့နေသကဲ့သို့ ရှိသည်။

သူတို့ရှေ့တွင် ကောင်းကင်တောင်ပေါ်၌ မတ်တပ်ရပ်နေသော ဝတ်ရုံဖြူလူငယ် ရှိနေပြီး၊ သူတို့နောက်တွင် လျှို့ဝှက်ဆန်းကြယ်သော စွမ်းအားတစ်ခုက ဒီရေလှိုင်းကဲ့သို့ သူတို့ကို ရှေ့သို့ တွန်းပို့နေသည်။

ထိုသို့ပြောလိုက်ပြီးနောက် ထိုစွမ်းအား ချက်ချင်း လျော့ကျသွားခဲ့ကာ သူတို့သက်ပြင်းချလိုက်ကြသည်။

ဘုန်း

ဘုန်း

ဘုန်း

ရုတ်တရက်...

လွတ်မြောက်ခြင်းအဆင့် ထက် မြင့်သော ထိပ်တန်းဂိုဏ်း (၁၀) ဂိုဏ်းမှ ကျွမ်းကျင်သူများ၏ မျက်နှာထားများ ကြီးမားစွာ ပြောင်းလဲသွားပြီး သူတို့၏ခန္ဓာကိုယ်များ ရုတ်တရက် ပေါက်ကွဲသွားကြသည်။

ကျိဘ "သူတို့ လက်နက်ချလိုက်တာနဲ့၊ ဂိုဏ်း (၁၀) ဂိုဏ်းရဲ့နတ်တံတားအဆင့် ကျင့်ကြံသူတွေ ချက်ချင်း သေဆုံးသွားလိမ့်မယ်။ ကျန်တဲ့သူတွေကတော့ ကောင်းကင်ဘုံဓားဂိုဏ်းရဲ့ကျင့်စဉ်တွေကို အမှတ်အသားခံယူရလိမ့်မယ်။ ဒါက မြူသမုဒ္ဒရာရဲ့ စည်းမျဉ်းပဲ။ ဒါ့အပြင် မြူသမုဒ္ဒရာက ကောင်းကင်အဆင့် ဂိုဏ်း တွေကို ခွန်အား မြှင့်တင်ပေးတဲ့ နည်းလမ်းလည်း ဖြစ်တယ်"

ဤနေရာရှိနေသူ အားလုံး ကျောချမ်းသွားကြသည်။

စည်းမျဉ်းများအရတော့ ၎င်းဟာ အလွန် လက်တွေ့ကျပြီး ဆင်ခြင်တုံတရားရှိသည်။

သို့သော် သူတို့၏ပုဂ္ဂိုလ်ရေး ရှုထောင့်မှ ကြည့်လျှင်...

အနည်းငယ် ရက်စက်လွန်းသည်။

ထိုအချိန်တွင်...

ကောင်းကင်တောင်ထိပ်ပေါ်တွင် ရှန်းချန်ကော ကို ဘယ်နေရာမှ မတွေ့ရတော့ပေ။

ရှန်းချန်ကော "မင်းတို့ပဲ ဆက်ရှင်းလိုက်တော့"

သူတို့၏နတ်တံတားအဆင့် ကျင့်ကြံသူများ ဆုံးရှုံးသွားပြီး ရှန်းချန်ကော၏ဓားချက်ကို ခံစားပြီးနောက် ကျန်ရှိသော ဂိုဏ်း (၁၀) ဂိုဏ်းသည် ခုခံနိုင်စွမ်း မရှိတော့ပေ။

ဂိုဏ်း (၁၀) ဂိုဏ်း၏အရင်းအမြစ်များသည် ကောင်းကင်ဘုံဓားဂိုဏ်းသို့ စီးဝင်လာပြီး တပည့်သစ်များစွာ ရရှိလာမည် ဖြစ်သည်။

သူတို့ကို အပြည့်အဝ ယုံကြည်နိုင်ပြီး ကောင်းကင်ဘုံဓားဂိုဏ်း၏အဓိကနေရာသို့ ဝင်ရောက်လာသည်နှင့် တစ်ပြိုင်နက် ကောင်းကင်ဘုံဓားဂိုဏ်းသည် ပိုပို၍သန်မာလာမည်ဟု ပြောနိုင်သည်။

အလင်းတန်းတစ်ခုသည် ကောင်းကင်ဘုံဓားဂိုဏ်း၏ဓားသခင်ရုပ်တု ထဲသို့ ရုတ်တရက် ဝင်ရောက်သွားသည်။

ဟူးလာလာ

လူတိုင်း သိလိုက်ကြသည်။

ဤအရာက ဂိုဏ်းကာကွယ်ရေး မဟာအစီအရင်၏ ပုံစံငယ်ပင်။

...

ထိုအချိန်တွင်...

မြူသမုဒ္ဒရာ၏ နက်ရှိုင်းသောအတွင်းပိုင်း၌...

ပုံရိပ်တစ်စုသည် တင်ပျဉ်ခွေထိုင်နေကြပြီး လောကကြီးသည် တိတ်ဆိတ်ငြိမ်သက်နေသည်။

မမြင်နိုင်သော ဖိအားတစ်ခုက ကောင်းကင်နှင့် မြေပြင်ကို ဖိနှိပ်ထားသကဲ့သို့ ရှိနေသည်။

သူတို့ မျက်လုံးများကို ဖြည်းညှင်းစွာ ဖွင့်လိုက်ကြသည်။

လူတစ်ဦး "ရှာဖွေမှု စတင်နေပြီ။ အဲဒီ ဝတ်ရုံဖြူလူငယ် ဘယ်သူလဲ မသိဘူး"

နောက်တစ်ဦး "အမြန်ဆုံး ရှာတွေ့နိုင်မယ်လို့ မျှော်လင့်တယ်။ သူ့ကို အကောင်းဆုံး မြေတောင်မြှောက်ပေးရမယ်"

နောက်တစ်ဦး "ဒီနေ့တော့ ငါတို့ နတ်ဆိုးဖွဲ့စည်းတာမြင်ရတော့မယ်။ ဒီကလေးက ငါတို့ကို အံ့အားသင့်စရာ ကြီးကြီးမားမား ပေးလိမ့်မယ်လို့ ငါ ခံစားနေရတယ်"

ယနေ့တွင် အမှောင်နတ်ဘုရားကျောက်တိုင် သည် လူတိုင်းကို နတ်ဆိုးတစ်ကောင် ဖွဲ့စည်းဖို့ ကူညီပေးလိမ့်မည်။

ဤအရာက လူတိုင်း၏ခွန်အား ပြောင်းလဲဖို့ အကောင်းဆုံး အချိန်ပင်။

မူလက အားနည်းသူများပက် အသက်ဝိညာဉ်နတ်ဆိုးတစ်ကောင် ဖွဲ့စည်းပြီးလျှင် သူတို့၏ ခွန်အားက ကွဲပြားသွားလိမ့်မည်။

ပြီးပြည့်စုံသော၊ အဆင့်မြင့် နတ်ဆိုးတစ်ကောင်ကို မွေးဖွားနိုင်ခဲ့လျှင် သူတို့၏ခွန်အားဟာ သူတို့ခေတ်မှ အခြားသူများထက် ချက်ချင်းသာလွန်သွားလိမ့်မည်။