မတူညီသော နယ်မြေငါးခု … စံပြအသစ်များ

အခန်း (၄၉၄) : မတူညီသော နယ်မြေငါးခု … စံပြအသစ်များ

ရှန်ထျန်းက ကောင်းကင်မှ ဖြည်းဖြည်းချင်း ဆင်းသက်လာသည်။

သူ၏ နတ်ဘုရားကိုယ်ထည်မာ ကျင့်စဉ်က သေခြင်းရှင်ခြင်း ကပ်ဘေး နယ်ပယ်အဆင့်သို့ ရောက်ရှိသွားပြီးနောက် သူ့ ခန္ဓာကိုယ်ခွန်အားက အကန့်အသတ်မဲ့သွားသည်ဟု ရှန်ထျန်း ခံစားလိုက်ရသည်။

သူ၏ လက်ရှိခန္ဓာကိုယ်က ထာဝရသတ္တုကဲ့သို့ မာကြောနေပြီး ဖျက်စီးလို့ မရနိုင်ပေ။

ထာဝရအရှင်များထဲမှ အကောင်းဆုံးများပင် ခန္ဓာကိုယ်ကြံ့ခိုင်မှုနှင့် ပတ်သက်လာလျှင် သူ့ကို မယှဉ်နိုင်ပေ။

ဒီတစ်ခေါက် သူ့ အကျိုးအမြတ် များတယ်

ရှန်ထျန်း၏ အကြည့်က ရှန်ရှောင်ဆီသို့ ရောက်သွားသည်။

ရှန်ရှောင် ခန္ဓာကိုယ်၏ မျက်နှာပြင်ပေါ်တွင် တောက်ပသော အံ့ဖွယ်အလင်းတန်းဖြင့် လွှမ်းခြုံထားသည်။ အံ့ဖွယ်အလင်းတန်းက သူမကို ပတ်လည်ဝန်းရံနေပြီး သူမ၏ အရှိန်အဝါက ကြီးကျယ်ခမ်းနားလှသည်။

သူမ၏ ခန္ဓာကိုယ်က သန့်စင်သော အဖြူရောင် ကျောက်စိမ်းကဲ့သို့ သန့်စင်လာပြီး ထူးခြားလာသည်။

တစ်ချိန်တည်းမှာပဲ ရှန်ရှောင်၏ အရှိန်အဝါက အလျင်အမြန် တိုးပွားလာသည်။ သူမက အခြေတည်ကျင့်ကြံဆင့်သို့ ရောက်ရှိသွားပြီး သူမ၏ ကျင့်စဉ်က ပြင်းထန်စွာ တိုးပွားနေသည်။

ဒီအရှိန်က စိတ်ကူးမယဉ်နိုင်လောက်အောင် မြန်ဆန်တယ်

လွန်ခဲ့သော ရက်အနည်းငယ်တုန်းက ရှန်ရှောင်က ဘာစိတ်ဝိညာဉ်စွမ်းအားမှ မရှိသော သေမျိုးတစ်ယောက် ဖြစ်သည်။

ရှုပ်ထွေးပွေလီ ကောင်းကင်ပြုပြင်ရေးဆေးလုံးနှင့် ရှုပ်ထွေးပွေလီ မီးစာကျမ်းတို့၏ ထောက်ပံ့မှုကြောင့် သူမ၏ ကျင့်ကြံခြင်းက ထိတ်လန့်စရာကောင်းသော အရှိန်ဖြင့် တိုးပွားနေသည်။

ထိုအရာတင် မကသေးပဲ ရှန်ရှောင်က ရှုပ်ထွေးပွေလီ မီးစာကျမ်းနှင့် မီးစာကျမ်းတို့ကို ကျင့်ကြံခဲ့သေးသည်။ ထို့ကြောင့် သူမ၏ ခန္ဓာကိုယ်မှ ထွက်လာသော ဆန်းကြယ်သောစွမ်းအားက လွှမ်းမိုးမှုအားကောင်းသည်။

ထိုအရာက ရှုပ်ထွေးပွေလီ မီးစာကျမ်းနှင့် မီးစာကျမ်းတို့ ပေါင်းစပ်မှုကြောင့် ဖြစ်ပေါ်လာသော ပြောင်းလဲမှု ဖြစ်သည်။

သို့သော် ထိုစွမ်းအားက ရှန်ထျန်း၏ စွမ်းအားနှင့် မတူညီပေ။

ရှန်ထျန်းဆီမှာ ရှုပ်ထွေးပွေလီ ခန္ဓာရှိသည့်အတွက် ရှုပ်ထွေးပွေလီ မီးစာကျမ်းကို ပြီးပြည့်စုံအောင် အကြာကြီး ကျင့်ကြံထားသည်။

တစ်ဖက်တွင် ရှန်ရှောင်ဆီမှာ သာမန်သေမျိုးခန္ဓာသာ ရှိသည်။ ရှုပ်ထွေးပွေလီ ကောင်းကင်ပြုပြင်ရေးဆေးလုံး၏ ပြောင်းလဲခြင်းကို ခံယူပြီးသော်လည်း ယှဉ်ပြိုင်ဖို့အတွက် အလှမ်းဝေးနေသေးသည်။

သို့သော် ရှန်ထျန်းစိတ်ထဲမထားဘဲ ဝမ်းသာကြည်နူးနေမိသည်။

အဘယ်ကြောင့်ဆိုသော် ရှန်ရှောင်၏ ခန္ဓာကိုယ်ထဲရှိ ရှုပ်ထွေးပွေလီ အငွေ့အသက်က အထွတ်အထိပ် ကျင့်ကြံခြင်း ကျမ်းနှစ်ခု၏ ထောက်ပံ့မှုကြောင့် ဆက်တိုက်သန်မာနေသည်ကို သတိထားမိသွားသောကြောင့် ဖြစ်သည်။

သူမ၏ ခန္ဓာကိုယ်ထဲရှိ ရှုပ်ထွေးပွေလီ အငွေ့အသက်က ဆက်တိုက် တိုးပွားနေသည်။

ထိုအရာက မီးစာကျမ်း၏ ဆန်းကြယ်သော အကျိုးသက်ရောက်မှု ဖြစ်သည်။

အနာဂတ်တွင် ရှန်ရှောင်သာ ဤအထွတ်အထိပ် ကျင့်စဉ်ကျမ်းကိုသာ ကျွမ်းကျင်အောင် လုပ်နိုင်ပါက သူမ၏ ကိုယ်ပိုင်လမ်းကြောင်းပေါ်တွင် လျှောက်လှမ်းနိုင်မည်ဖြစ်သည်။

ထိုရှေးဟောင်းကျမ်းနှစ်ခုတွင် အကန့်အသတ်မဲ့ စွမ်းရည်များ ပါဝင်သည်။

ထိုအချိန်တွင် ရှန်ရှောင် ဖြည်းဖြည်းချင်း နိုးထလာသည်။ သူမ၏ အကြည့်ထဲတွင် စိတ်ရှုပ်ထွေးမှုတို့ဖြင့် ပြည့်နှက်နေသည်။ ထို့နောက် သူမက ရှန်ထျန်းကို ကြည့်ကာ ပြုံးရင်း ပြောလိုက်သည်

“ ဆရာ တပည့်ရဲ့ ခန္ဓာကိုယ်ထဲမှာ နွေးထွေးတဲ့ စီးကြောင်းတစ်ခုကို ခံစားရတယ်”

ရှန်ထျန်းက ပြောလိုက်သည်

“ ဒါက ဝိညာဉ်ချီလေ။ မင်းကို ပိုပြီးအားကောင်းအောင် လုပ်ပေးလိမ့်မယ်”

သူက ရှန်ရှောင် ကျင့်ကြံခြင်းကို ကူညီနိုင်ဖို့အတွက် ကျင့်ကြံခြင်း ဗဟုသုတတချို့ကို ရှင်းပြလိုက်သည်။

ရှန်ရှောင်က အပျော်လွန်သွားကာ လက်သီးကျစ်ကျစ်ပါအောင် ဆုပ်လိုက်ရင်း ပြောလိုက်သည်

“ ရှောင်ရှောင် သေချာပေါက် ကောင်းကောင်း ကျင့်ကြံပါမယ်။ ဒါမှ ရှေ့လျှောက် ဆရာကို ကာကွယ်ပေးနိုင်မှာလေ”

ရှန်ထျန်းက သူမ၏ ခေါင်းလေးကို ပုတ်ရင်း ပြုံးရင်း ပြောကာ ပြောလိုက်သည်

“ သွားရအောင် ဒီနေရာကနေ အရင်ထွက်သွားရအောင်”

ရှန်ထျန်း ခေါင်းညိတ်ပြလိုက်ပြီးနောက် သူတို့နှစ်ယောက် ထွက်သွားကြသည်။ သူတို့နှစ်ယောက်က မြောက်ပင်လယ်ထဲတွင် ခရီးဆက်နှင်ကာ နယ်မြေငါးခု၏ အင်အားစုများကို ရှာဖို့အတွက် ကြိုးစားလိုက်သည်။

မိစ္ဆာဝိညာဉ်များက နေရာအနှံ့တွင် ဖျက်စီးနေသည်ကို မြင်လိုက်ရသည်။ စစ်ပွဲမီးတောက်လောင်ထားသည့်အတွက် အပျက်အစီးများမှ မီးခိုးငွေ့များ ထွက်ပေါ်လာသည်။ နေရာတိုင်းတွင် အပျက်အစီးများကိုသာ တွေ့မြင်ရသည်။ အလောင်းကောင်းများက နေရာအနှံ့ပြန့်ကျဲနေပြီး လူအားလုံးလည်း ကံဆိုးမိုးမှောင်ကျခဲ့သည်။

မိစ္ဆာဝိညာဉ်မျိုးနွယ်က ကျူးကျော်ဝင်ရောက်လာကာ နယ်မြေငါးခုရှိ သက်ရှိများကို ရက်စက်ကြမ်းကြုတ်စွာ စတင်သုတ်သင်တော့သည်။

ရှန်ထျန်းနှင့် ရှန်ရှောင်တို့ မြင်သွားသည့်အခါ အေးစက်သွားကြသည်။

ဒေါသကြောင့် သူတို့၏ ခန္ဓာကိုယ်ထဲရှိ သွေးများ ဆူပွက်လာသည်။

မိစ္ဆာဝိညာဉ်မျိုးနွယ်များတွင် လူသားဆန်စိတ် လုံးဝ မရှိပေ။ သူတို့က ကလေးများကိုပင် ညှာတာခြင်းမရှိပဲ မရေတွက်နိုင်သော နယ်မြေများကို သေဆုံးခြင်း နယ်မြေများအဖြစ်သို့ ပြောင်းလဲလိုက်သည်။

ရှန်ထျန်းက လမ်းလျှောက်လာရင်း မရေတွက်နိုင်သော မိစ္ဆာဝိညာဉ်များကို သတ်လိုက်သည်။

သို့သော် အချိန်များ ကုန်လွန်သွားလေလေ ရှန်ထျန်း စိတ်ရှုပ်ထွေးလာလေလေ ဖြစ်သည်။

ဤနေရာက မိစ္ဆာဝိညာဉ်မျိုးနွယ်၏ ကျူးကျော်ခြင်းကို ခံခဲ့ရသော်လည်း နယ်မြေငါးခုမှ ကျင့်ကြံသူများ ရှိနေဆဲ ဖြစ်သည်။ သို့သော် နယ်မြေငါးခုမှ ကျင့်ကြံသူများကြားထဲတွင် ရှန်ထျန်း ရင်းနှီးသောသူတစ်ယောက်မှ မတွေ့ပေ။

သူ အရင်တုန်းက မကြားခဲ့ဖူးသော မျိုးနွယ်များပင် အများအပြား ရှိနေသည်။

ရှန်ထျန်းက အကြည့်တို့ လောင်ကျွမ်းစွာဖြင့် ရေရွတ်လိုက်သည်

“ ငါ ဘယ်နှစ်ကို ရောက်လာတာလဲ။ ငါ့ရဲ့ မိတ်ဆွေဟောင်းတွေ အကုန်လုံး သေသွားတာများလား”

သူက စိတ်ရှုပ်ထွေးသွားသည်။ ဤနေရာက သူနှင့် လုံးဝ ရင်းနှီးမှု မရှိပေ။ သူက ဒီနေရာနှင့် မသက်ဆိုင်ဘူးဟု ခံစားနေရသည်။ သူသာ သဲလွန်စတစ်ခုခုကို သိရပါက အံ့ဖွယ်မိုးကောင်းကင် အထွတ်အမြတ်မြေဆီ သွားဖို့ စီစဉ်ထားသည်။

ထိုအခိုက်အတန့်တွင် ဧရာမ မြူခိုးအနက်ရောင်က သူတို့ရှေ့တွင် ထွက်ပေါ်လာကာ နေကို ကာထားလိုက်သည်။

မိစ္ဆာအရှိန်အဝါက ကောင်းကင်သို့ ပျံ့နှံ့သွားကာ နယ်မြေတစ်ခုလုံးကို ဖုံးလွှမ်းသွားသည်။ အနက်ရောင်မြူခိုးက အင်မတန် သိပ်သည်းလာကာ ထိတ်လန့်စရာကောင်းသော မိစ္ဆာအရှိန်အဝါကို ထုတ်လွှတ်နေသည်။ အနက်ရောင်မြူခိုး၏ အောက်တွင် မြို့တစ်မြို့ရှိသည်။

သို့သော် ထိုမြို့တွင် သက်ရှိများ မရှိပေ။ အလောင်းများသာ မြေပြင်ပေါ်တွင် ပြန့်ကျဲနေပြီး သွေးချောင်းစီးနေသည်။

ဒီနေရာက အရမ်းထိတ်လန့်ဖို့ကောင်းတယ်။ အဲဒီနေရာက တစ်စုံတစ်ယောက်ရဲ့သွေးတွေ အေးစက်သွားတဲ့အထိ ကြောက်ဖို့ကောင်းတယ်

ရှန်ထျန်း၏ အကြည့်တို့ အေးစက်သွားကာ နှာခေါင်းရှုံ့ရင်း ပြောလိုက်သည်

“ ထပ်ပြီးတော့ မိစ္ဆာဝိညာဉ်မျိုးနွယ်ပဲလား။ ဒါက မိစ္ဆာဝိညာဉ်မျိုးနွယ်ရဲ့ ထိပ်သီး စွမ်းအားရှင်တွေပဲ”

အဲဒီအရှိန်အဝါက အရမ်းဆိုးရွားတယ်။ ထာဝရတစ်ပိုင်းအဆင့်ကိုတောင် ရောက်နေပြီ

ဂျိန်း…

အသံတစ်ခု ထွက်ပေါ်လာကာ ကောင်းကင်နှင့် ကမ္ဘာမြေကြီးကို တုန်လှုပ်သွားစေသည်။

အနက်ရောင် မြူခိုးထဲတွင် ဒေါသထွက်သောအသံတစ်ခု ထွက်ပေါ်လာသည်

“ မိစ္ဆာကောင်တွေ မင်းတို့က သေမျိုးတွေကိုတောင် အလွတ်မပေးဘူး”

ထို့နောက် ခပ်ဩဩအသံကို ကြားလိုက်ရသည်

“ ဟား…ဟား…ဟား… အောင်းလေ့ မင်းလာမယ်ဆိုတာကို ငါ သိနေတယ်။ မင်းက အချိန်တိုင်း မိစ္ဆာဝိညာဉ်မျိုးနွယ်ရဲ့ အစီအစဉ်တွေကို ခဏခဏ ဖျက်စီးနေတာ။ မင်း ဒီနေ့သေရမယ်။ ဒီနေ့ မင်းရဲ့ ဝိညာဉ်ကို ထုတ်ပြီးတော့ အရှင်အထွတ်အထိပ်ဝိညာဉ်ဆီ ဆက်သလိုက်မယ်”

ပြိုင်ဘက်ကင်း ပြင်းထန်သောစွမ်းအားက မိစ္ဆာမြူခိုးထဲမှ ထွက်လာခြင်း ဖြစ်သည်။ သူတို့နှစ်ယောက် တိုက်မိသွားပြီး စွမ်းအားက ကောင်းကင်ဘုံသို့ ရောက်ရှိသွားသည်။

ရှန်ထျန်းက မျက်မှောင်ကြုတ်လိုက်သည့်အခါ အံ့ဖွယ်အလင်းတန်း ထွက်ပေါ်လာသည်။ သူက မွေးရာပါ ကောင်းကင်တာအိုမျက်လုံးများကို အသုံးပြုကာ ပုံရိပ်ယောင်များကို ဖြတ်သန်းပြီး ထိုပုံရိပ်နှစ်ခု မိစ္ဆာမြူခိုးထဲမှာ တိုက်ခိုက်နေလားဆိုတာကို သိရဖို့ ကြည့်လိုက်သည်။

တစ်ယောက်က ခဲရောင်ဝတ်ရုံကို ဝတ်ဆင်ထားပြီး မိစ္ဆာအရှိန်အဝါ လွှမ်းခြုံနေသည်။ သူက ထာဝရတစ်ပိုင်း မိစ္ဆာဝိညာဉ်ဆိုတာ သေချာသည်။ သူ့ အရှိန်အဝါက ကျယ်ပြန့်နေပြီး အဆုံးမဲ့ မိစ္ဆာစွမ်းအင်ကို ထိန်းချုပ်ထားကာ ကောင်းကင်ကို လွှမ်းခြုံထားသည်။

သူ့ရှေ့တွင် အောင်းလေ့ဟု အမည်ရှိသောသူ ဖြစ်သည်။

သူက နဂါးချပ်ဝတ်ကို ဝတ်ဆင်ထားပြီး လက်ထဲတွင် နဝမ တော်လှန်ခြင်း နဂါးနတ်ဘုရားလှံတံကို ကိုင်ဆောင်ထားသည်။ သူ့အရှိန်အဝါက တုန်လှုပ်ခြောက်ခြားစေသည်။

အောင်းလေ့က ကောင်းကင်နှင့် ကမ္ဘာမြေကြီးကြားတွင် ရပ်နေပြီး သူ့အနားရှိ လေဟာနယ်ကို ကမောက်ကမ ဖြစ်သွားစေသည်။ သူက ထူးခြားသော စစ်ပွဲဘုရင်ကဲ့သို့ ကောင်းကင်ကို ဖိနှိပ်ထားကာ သူ၏ အံဖွယ်စွမ်းအားက ပြိုင်ဘက်ကင်းလှသည်။

ရှန်ထျန်း၏ အကြည့်တို့ တောက်ပနေသည်။ အောင်းလေ့က ဆယ်ကြိမ်မြောက် အတိဒုက္ခလွန် မဟာဝိဇ္ဇာသာဖြစ်ကြောင်းကို သူ အာရုံခံကြည့်လို့ရသည်။

ဆယ်ကြိမ်မောက် အတိဒုက္ခလွန်ကျင့်ကြံသူက ထာဝရတစ်ပိုင်း မိစ္ဆာဝိညာဉ်ကို ဆန့်ကျင်တိုက်ခိုက်ရဲတယ်ပေါ့

သူက နောက်မျိုးဆက်တွေမှာ မြင့်တက်လာတဲ့ ထိပ်သီး အရည်အချင်းရှိတဲ့သူ တစ်ယောက်များလား

ထိုအချိန်တွင် သူတို့နှစ်နှစ်ယောက်က စတင်တိုက်ခိုက်တော့သည်။

“ သတ်လိုက်တော့”

အောင်းလေ့က နဝမ တော်လှန်ခြင်း နဂါးနတ်ဘုရားလှံတံကို ကောက်ကိုင်ကာ ရှေ့သို့ တက်သွားသည်။

အချိန်ခဏအတွင်းမှာပင် ကြောက်စရာကောင်းသော အံ့ဖွယ်စွမ်းအား ထွက်ပေါ်လာသည်။

မရေတွက်နိုင်သော ရေပွက်သံများ ထွက်လာကာ တိုက်ခိုက်မှုကို ကီလိုမီတာ သုံးထောင်လောက်ကပင် ခံစားလို့ရနိုင်သည်။

အောင်းလေ့က သူ့လှံတံကို လွှဲယမ်းလိုက်သည့်အခါ လှံတံအလင်းတန်းက ပြိုင်ဘက်ကင်းစွာဖြင့် ကောင်းကင်သို့ ထိုးဖောက်ဝင်ရောက်သွားသည်။

သို့သော် ထာဝရတစ်ပိုင်း မိစ္ဆာဝိညာဉ်မှာ တည်ငြိမ်သော မျက်နှာထားဖြင့် လက်ကို ဝှေ့ယမ်းလိုက်သည်။

အဆုံးမဲ့ ဆိုးသွမ်းညစ်ညမ်းသော ချီက မိစ္ဆာ၏ လက်ထဲသို့ ကျရောက်သွားကာ ကောင်းကင်နှင့် ကမ္ဘာမြေကြီးကို ခြေမွလိုက်ပြီး လှံတံအလင်းတန်းကို ပျောက်ကွယ်သွားစေသည်။

“ နဂါးလှံတံ”

အောင်းလေ့က ဆူညံစွာ အော်ဟစ်လိုက်ပြီး လေထဲသို့ ပျံသန်းသွားသည်။ အဆုံးမဲ့ အံ့ဖွယ်စွမ်းအားက သူ၏ လှံထိပ်မှ ထွက်သွားသည်။

လှံတံက နဂါးတစ်ကောင်ကဲ့သို့ ကောင်းကင်မှ ဆင်းသက်လာသည်။

ထိုအရာက ကမ္ဘာကို ပြောင်းပြန်လှန်သွားစေပုံပေါ်သည်။

ထိုအချိန်တွင် ထာဝရတစ်ပိုင်း မိစ္ဆာဝိညာဉ် ထိုးဖောက်ခံလိုက်ရကာ သူ့ရင်ဘတ်တွင် အပေါက်ကြီးတစ်ပေါက် ဖြစ်သွားပြီး မိစ္ဆာအရှိန်အဝါများ စီးဆင်းနေသည်။

ထိုအခိုက်အတန့်တွင် လေဟာနယ်လည်း မြင့်တက်လာသည်။

နောက်ထပ် ထာဝရတစ်ပိုင်း မိစ္ဆာဝိညာဉ် ထွက်လာကာ အောင်းလေ့ကို နောက်မှ တိုက်ခိုက်လိုက်သည်။

ဝုန်း…

အောင်းလေ့က နောက်ဆုတ်သွားကာ သူ့နှုတ်ခမ်းထောင့်မှ သွေးများထွက်နေသည်။

ထာဝရတစ်ပိုင်း မိစ္ဆာဝိညာဉ်က ယုတ်မာစွာ ပြုံးလိုက်ပြီး ပြောသည်

“ စံပြတစ်ယောက်ကို သတ်ဖြတ်လိုက်တာက မရေတွက်နိုင်တဲ့ အသက်တွေကို သတ်လိုက်ရတာနဲ့ ညီမျှတယ်”

သူ ညာဖက်လက်သီးကို ဆုပ်လိုက်သည့်အခါ အနီရင့်ရောင် ဓားသွားတစ်ခု ထွက်ပေါ်လာသည်။ ထိုအရာက တောက်ပနေပြီး မိစ္ဆာစွမ်းအားဖြင့် ပြည့်နှက်နေသည်။

ထိုအရာက လူသား၏ အသက်မှ ပြုလုပ်ထားသော ထာဝရမိစ္ဆာလက်နက်ဖြစ်ပြီး မိစ္ဆာအငွေ့အသက် အပြည့်အဝ ပါဝင်နေသည်။

ထာဝရတစ်ပိုင်း မိစ္ဆာဝိညာဉ်က မိစ္ဆာအလင်းတန်းကို လွှတ်ထုတ်လိုက်ပြီး အောင်းလေ့နှင့် တိုက်ခိုက်လိုက်သည်။

တစ်ချိန်တည်းမှာပင် နောက်ထပ် ထာဝရတစ်ပိုင်း မိစ္ဆာဝိညာဉ်က သူတို့ကို ဝန်းရံလိုက်ပြီး အတူတူ တိုက်ခိုက်လိုက်သည်။

ချွင်…

ဓားနှင့် လှံတံထွက်ပေါ်လာပြီး မီးပွားများ နေရာအနှံ့သို့ ပျံ့နှံ့သွားသည်။

အောင်းလေ့က စွမ်းအားကြီးသော်လည်း ထာဝရတစ်ပိုင်း မိစ္ဆာဝိညာဉ်နှစ်ကောင်ကို တစ်ချိန်တည်းမှာ မကိုင်တွယ်နိုင်ပေ။

အချိန်ခဏအတွင်းမှာပင် သူ အကြိမ်ကြိမ် နောက်ဆုတ်သွားရသည်။

“ သေလိုက်တော့”

ထာဝရတစ်ပိုင်း မိစ္ဆာဝိညာဉ်က သူ၏ ဓားသွားကို လွှဲယမ်းကာ သူ့ကို နှစ်ခြမ်းပိုင်းဖို့ ကြိုးစားနေသည်။

နဂါးတစ်ကောင်၏ ဟိန်းဟောက်သံက လေထဲသို့ ပျံ့နှံ့သွားသည်။

အောင်းလေ့က ပေပေါင်းများစွာ ရှည်လျားသော နဂါးနက်တစ်ကောင်အဖြစ်သို့ ပြောင်းလဲသွားကာ ကောင်းကင်သို့ ပျံသန်းသွားသည်။ သူ့စွမ်းအားက ထိတ်လန့်စရာကောင်းလှသည်။

သူက ချွန်ထက်သော နဂါးလက်သည်းကို လွှဲယမ်းကာ လေဟာနယ်ကို စုတ်ဖြဲလိုက်ပြီး ထာဝရတစ်ပိုင်း မိစ္ဆာဝိညာဉ်ဆီသို့ ဦးတည်သွားလိုက်သည်။

ဝုန်း…

အချိန်ခဏအတွင်းမှာပင် ကောင်းကင် တစ်စစီ ဖြစ်သွားသည်။

ဧရာမ နဂါးလက်သည်းက ကောင်းကင်နှင့် နေမင်းကို ကာထားလိုက်သည်။ လက်သည်းက ထောက်ပတ်ကို ဖြတ်တောက်မည့် ဓားကဲ့သို့ ထာဝရတစ်ပိုင်း မိစ္ဆာဝိညာဉ်၏ ရင်ဘတ်ကို ထိုးဖောက်လိုက်သည့်အခါ သွေးများ ပန်းထွက်သွားသည်။

ရှန်ထျန်း၏ အကြည့်တို့တောက်ပသွားသည်။

အောင်းလေ့က နဂါးနက် မျိုးနွယ်ကပဲ

သူက နဂါးနက်ကျွန်းက အသက်ရှင်ကျန်ရစ်သူများလား

ထို့နောက် အောင်းလေ့က နဂါးနက်ကျွန်းမှ သာမန်နဂါးတစ်ကောင်သာ မဟုတ်သည်ကို ရှန်ထျန်း သိလိုက်ရသည်။

သူ့ခန္ဓာကိုယ်ထဲရှိ နဂါးမျိုးရိုးက အရမ်းကြွယ်ဝလှသည်။ သူက အဆင့်၁၂ နဂါးနက်တစ်ကောင်ဖြစ်သည်။

ဒါက လုံးဝကို မယုံကြည်နိုင်စရာပဲ

နဂါးနက်ကျွန်းက အားအကောင်းဆုံး မျိုးရိုးတောင် အဆင့်၉ နဂါးနက်မျိုးရိုးပဲ ရှိတယ်

ဒါက ရှန်ထျန်းရဲ့ နဂါးနတ်ဘုရားခန္ဓာတော့ မပါသေးဘူးပေါ့

သူ့ရဲ့ နဂါးနတ်ဘုရား ခန္ဓာက အဆင့်၁၂ နဂါးမျိုးရိုး ယှဉ်နိုင်တာထက် အများကြီး အလှမ်းဝေးတယ်

ဒါပေမဲ့ အောင်းလေ့ရဲ့ ခန္ဓာက နဂါးနက်ကျွန်းက ပါရမီရှင်တွေ အားလုံးထက် သာလွန်နေတယ်

ထာဝရတစ်ပိုင်း မိစ္ဆာဝိညာဉ်က အော်ဟစ် ပြောဆိုလိုက်သည်

“ သေစမ်း မင်း ငါ့ရဲ့ မြင့်မြတ်တဲ့ ခန္ဓာကိုယ်ကို ထိခိုက်ဒဏ်ရာရအောင် လုပ်ရဲတယ်ပေါ့လေ။ သေလိုက်တော့”

ထာဝရတစ်ပိုင်း မိစ္ဆာဝိညာဉ်က ရက်စက်ကြမ်းကြုတ်သော အကြည့်ဖြင့် သွေးဓားကို သူ့ဒဏ်ရာပေါ်သို့ တင်လိုက်ပြီး မိစ္ဆာသွေးစွန်းစေသည်။

အချိန်ခဏအတွင်းမှာပင် သွေးအလင်းရောင် ထွက်လာပြီး ပြိုင်ဘက်ကင်း ထိတ်လန့်စရာကောင်းသော စွမ်းအားနှင့်အတူ ပေါက်ကွဲထွက်သွားသည်။

သွေးစွမ်းအင်က ကောင်းကင်ဘုံကိုးခုထိပင် ရောက်ရှိသွားကာ ကမ္ဘာကို အရောင်ပြောင်းသွားစေသည်။

ထာဝရတစ်ပိုင်း မိစ္ဆာဝိညာဉ်၏ အရှိန်အဝါက ထိန်းမရ သိမ်းမရဖြစ်ကာ ကြောက်စရာကောင်းသော စွမ်းအားက အားလုံး၏ စိတ်ထဲ လှုပ်ခတ်သွားစေသည်။

တစ်ချိန်တည်းမှာပဲ တခြားထာဝရတစ်ပိုင်း မိစ္ဆာဝိညာဉ်က အဆုံးမဲ့ မိစ္ဆာပညာရပ်များကို အသုံးပြုကာ မိစ္ဆာနတ်ဆိုးများစွာကို ဆင့်ခေါ်ပြီး သူ့ဆီသို့ ဦးတည်သွားစေသည်။

အောင်းလေ့၏ မျက်နှာထားက အနည်းငယ် ပြောင်းလဲသွားပြီး ရှေ့တက်သွားသည်။

သူတို့သုံးယောက်လုံး ပြင်းထန်သော တိုက်ပွဲတွင် ပါဝင်ဆင်နွှဲနေကြသည်။ သူတို့  ပြင်းထန်စွာ တိုက်ခိုက်နေသည့်အတွက် လေဟာနယ်ကိုပင် တစ်စစီ ဖြစ်သွားစေသည်။

အဆုံးသတ်တွင် အောင်းလေ့က ခံနိုင်ရည်မရှိတော့ဘဲ ကီလိုမီတာ တစ်ထောင်ကျော်အထိ လွင့်ထွက်သွားသည်။

သူ အံကြိတ်ထားရင်း မျက်နှာက ဖြူဖပ်ဖြူလျော်ဖြစ်နေသည်။

ထာဝရတစ်ပိုင်း မိစ္ဆာဝိညာဉ်နှစ်ယောက်က ဖြည်းဖြည်းချင်း အနားကပ်သွားကာ လှောင်ရယ်ရင်း ပြောလိုက်သည်

“ ပြီးသွားပြီ”

သူတို့က သွေးဓားများကို လွှဲယမ်းကာ အောင်းလေ့၏ အသက်ကို အဆုံးသတ်ဖို့ ပြင်ဆင်လိုက်သည်။

အပြင်ဘက်တွင် ရှန်ထျန်းက ထိုမြင်ကွင်းကို မြင်သွားသည့်အတွက် နောက်လှည့်ကာ ရှန်ရှောင်ကို ပြောလိုက်သည်

“ ရှောင်ရှောင် ငါ့ကို ဒီမှာ စောင့်နေဦး”

သူ ပြောပြီးနောက် လက်ဖျောက်တီးလိုက်သည့်အခါ ရှုပ်ထွေးပွေလီ အငွေ့အသက် ထွက်လာကာ ရှန်ရှောင်ကို ကာကွယ်ပေးလိုက်သည်။

ထို့နောက် သူ အနက်ရောင်မြူခိုးထဲသို့ အမြန်ဝင်သွားသည်။

အောင်းလေ့က နဂါးနက်ကျွန်းမှ ဖြစ်သည့်အပြင် နဂါးနက်ကျွန်းနှင့် ရှန်ထျန်းက ရင်းနှီးသည့် ဆက်ဆံရေးမျိုး ရှိသည့်အတွက် ကူညီရမည် ဖြစ်သည်။

တစ်ချိန်တည်းမှာပဲ သူ နယ်မြေငါးခု၏ အခြေအနေကို နားလည်ထားချင်သည်။

အောင်းလေ့က အရမ်းစွမ်းအားကြီးတယ်ဆိုတော့ သူ နည်းနည်းတော့ သိမှာ သေချာတယ်

ရှန်ထျန်းက အောင်းလေ့၏ ရှေ့တွင် အံ့ဖွယ်သက်တံနှင့်အတူ ထွက်ပေါ်လာသည်။

ရှန်ထျန်း၏ ထိတ်လန့်စရာကောင်းသော အရှိန်ကြောင့် ထာဝရတစ်ပိုင်း မိစ္ဆာဝိညာဉ်နှစ်ယောက် မျက်မှောင်ကြုတ်ကာ မေးလိုက်သည်။

“ မင်းက ဘယ်သူလဲ”

ထာဝရတစ်ပိုင်း မိစ္ဆာဝိညာဉ်များ၏ မျက်နှာထား အေးစက်သွားသည်။

အောင်းလေ့က ရှန်ထျန်း ထွက်ပေါ်လာသည့်အတွက် အံ့ဩသွားကာ သတိပေးလိုက်သည်

“ တာအိုရောင်းရင်း ဂရုစိုက်နော်။ ဒီနှစ်ယောက်က ရက်စက်တယ်”

အောင်းလေ့က ရှန်ထျန်း ဘယ်လောက်ထိ စွမ်းအားကြီးလဲဆိုတာကို မသိပေ။ သို့သော် သူ သိသလောက် မြောက်ပင်လယ်တွင် ထိပ်သီးစွမ်းအားရှင် တစ်ယောက်မှ မရှိသည်ကိုသာ သိထားသည်။

“ သူ ဘယ်သူလဲဆိုတာ ဘယ်သူသိချင်မှာလဲ။ သူ့ကို အသေသတ်လိုက်”

ထာဝရတစ်ပိုင်း မိစ္ဆာဝိညာဉ်က ချောင်းဟန့်ကာ ဓားကို ရှန်ထျန်းဆီသို့ လွှဲယမ်းလိုက်သည်။

ရှန်ထျန်း၏ မျက်နှာထားက လုံးဝ ပြောင်းလဲခြင်း မရှိပေ။ သူ၏ ညာဖက်လက်ကိုဖြည်းဖြည်းချင်းမြှောက်ကာ ထိုးနှက်လိုက်သည်။

လေဟာနယ် ရှင်းလင်းခံလိုက်ရသည့်အတွက် ကောင်းကင်နှင့် ကမ္ဘာမြေကြီး နစ်မြုပ်သွားပုံပေါ်သည်။ အဆုံးမဲ့ ကြယ်အလင်းတန်းက ရှန်ထျန်း၏ လက်သီးကို ရစ်ပတ်နေကာ မိစ္ဆာဝိညာဉ်နှစ်ကောင်ပေါ်သို့ ကျရောက်သွားသည်။

ထိုထိုးနှက်ချက်က အားပိုနည်းသော ထာဝရအရှင်ကို အလွယ်တကူ သုတ်သင်ရှင်းလင်းလိုက်နိုင်သည်။

မိစ္ဆာဝိညာဉ်က ကြောက်လန့်သွားကာ လုံးဝ မတုံ့ပြန်နိုင်ပေ။

အချိန်ခဏအတွင်းမှာပင် သူ၏ ခန္ဓာကိုယ်နှင့် ဓားက အမှုန့်ချေခံလိုက်ရပြီး လုံးဝ သုတ်သင်ခံလိုက်ရသည်။

“ ဟမ်…”

တခြားထာဝရတစ်ပိုင်း မိစ္ဆာက ကြောက်လန့်တကြားဖြင့် အော်ဟစ်လိုက်သည်။

ဒီလူက အရမ်းစွမ်းအားကြီးနေလိမ့်မည်ဟု သူ ထင်မထားပေ။

သူက သူ့အဖော်ကို အလွယ်တကူလေး သတ်လိုက်သည်။

“ ပြေးတော့”

မိစ္ဆာဝိညာဉ်၏ စိတ်ထဲတွင် ချက်ချင်း ထွက်ပေါ်လာသည့်အရာက ထွက်ပြေးလွတ်မြောက်ဖို့အတွက်ပင် ဖြစ်သည်။

ဒီလူက အရမ်းကြောက်ဖို့ကောင်းတယ်။ ဆန့်ကျင်တိုက်ခိုက်ဖို့အတွက် မဖြစ်နိုင်ဘူး

သူ လေထဲသို့ ပျံသန်းသွားကာ အကွာအဝေးတစ်ခုသို့ ရောက်သည့်အခါ သူ့ခန္ဓာကိုယ်ထဲမှ မိစ္ဆာမြူခိုး ပေါက်ကွဲထွက်သွားသည်။

ထာဝရတစ်ပိုင်း မိစ္ဆာဝိညာဉ် ကြောက်ရွံ့တုန်လှုပ်သွားသည့်အတွက် လွတ်မြောက်ဖို့အတွက် အသက်အရင်းအမြစ်ကို သုံးဖို့ တွေဝေခြင်း မရှိတော့ပေ။

သို့သော် ရှန်ထျန်းက သူ့ကို အခွင့်အရေးမပေးပေ။

သူ့အသံက ခံစားချက်မရှိသော ကောင်းကင်တာအို၏ နက်နဲသောအသံကဲ့သို့ ဖြစ်နေသည်။

“ သေလိုက်တော့”

ထိုစကားတစ်ခွန်းကြောင့် ကောင်းကင်ကွဲအက်သွားသည်။

အဆုံးမဲ့စည်းမျဉ်းများက သတ်ဖြတ်ရေး အစီအရင်အဖြစ် ပြောင်းလဲသွားကာ ကောင်းကင်သို့ ပျံတက်သွားသည်။

ပြိုင်ဘက်ကင်း အားကောင်းသော စွမ်းအားထွက်ပေါ်လာကာ မိစ္ဆာဝိညာဉ်ကို ဖမ်းချုပ်ထားလိုက်သည်။

ထိုအရာက ပိုင်နက်အစီအရင်၏ စွမ်းအားဖြစ်သည်။

များပြားသော စည်းမျဉ်းများ ဆင်းသက်လာကာ ချွန်ထက်သော အံ့ဖွယ်လက်နက်များအဖြစ်သို့ ပြောင်းလဲသွားကာ ထာဝရတစ်ပိုင်း မိစ္ဆာဝိညာဉ်ထဲသို့ ထိုးဖောက်ဝင်ရောက်သွားသည်။

အသက်ရှူချိန် ခဏလေးအတွင်းမှာပင် ထာဝရတစ်ပိုင်း မိစ္ဆာဝိညာဉ်၏ ခန္ဓာကိုယ် ပေါက်ကွဲသွားကာ သွေးမြူခိုးအဖြစ်သို့ ပြောင်းလဲသွားသည်။ သူ့ ဝိညာဉ်ပင် လုံးဝ သုတ်သင်ခံလိုက်ရသည်။

အောင်းလေ့က အံ့ဩမှင်သက်သွားမိသည်။

“ သေစမ်း ဒီလူက အရမ်းရက်စက်တာပဲ”

သူ အရမ်းအံ့ဩဆွံ့အသွားသည်။

တစ်စုံတစ်ယောက်က ထာဝရတစ်ပိုင်း ကျင့်ကြံသူကို အရမ်းအလွယ်လေး သတ်ခဲ့သည်ကို မမြင်ခဲ့ဖူးပေ။

ဒါက လမ်းပေါ်က သာမန်လူ မဟုတ်ဘူး။ သေချာပေါက် ထိပ်သီးပါရမီရှင်ပဲ

အဆုံးမှာတော့ ဒီလိုမျိုး သေသွားရတယ်တဲ့လား

ဘယ်လောက်တောင် ကြောက်စရာကောင်းလိုက်လဲ

ရှန်ထျန်းက အောင်းလေ့ကို ပြောလိုက်သည်

“ ခင်ဗျားက ဘယ်ကလဲ”

အောင်းလေ့က နဂါးနက်ကျွန်း၏ ဆက်ခံသူ ဟုတ် မဟုတ်ကို သူ သိချင်နေသည်။

အဲဒီစွမ်းအားရှင်ထဲက အသက်ရှင်ကျန်ရစ်သူရော ရှိသေးလား

အောင်းလေ့က ရှန်ထျန်း၏ မျက်နှာကို မြင်လိုက်ရသည့်အခါ အံ့ဩမှင်သက်သွားမိသည်။

သူ ယခင်က ထိုကဲ့သို့ ချောမောသည့်သူမျိုးကို မမြင်ခဲ့ဖူးပေ။ သူ့ကို ကြည့်ရတာ ပြိုင်ဘက်ကင်း ကျက်သရေရှိသော ထာဝရအရှင်တစ်ယောက်ကဲ့သို့ ဖြစ်နေသည်။

“ အာ… တာအိုရောင်းရင်း…ကျွန်တော်နာမည်က အောင်းလေ့ပါ။ နဂါးနတ်ဘုရားနန်းတော်ရဲ့ အိမ်ရှေ့စံမင်းသားပါ” အောင်းလေ့က ပြောလိုက်သည်။

ရှန်ထျန်းက တည်ငြိမ်သော မျက်နှာထားဖြင့် စဉ်းစားနေသည်။

နဂါးနတ်ဘုရား နန်းတော်တဲ့လား။ ဘာလို့ နဂါးနက်ကျွန်း မဟုတ်ရတာလဲ

နဂါးနက်ကျွန်းက အနာဂတ်မှာ ဖျက်စီးခံလိုက်ရတာများလား

ရှန်ထျန်း၏ နှလုံးသား တုန်လှုပ်သွားသည်။ အချိန်ကွာခြားမှုကြောင့် နယ်မြေငါးခုတွင် ဒီလောက်ထိ ပြောင်းလဲမှုတွေ ဖြစ်ခဲ့မှန်း သူ မသိခဲ့ပေ။

သို့သော် သူ ယခုခရီးတွင် အကြောင်းအရင်းကို ရှာပြီးတော့ တတ်နိုင်သလောက် ပြောင်းလဲပေးရမည် ဖြစ်သည်။

အောင်းလေ့က စိတ်ရှုပ်ထွေးစွာဖြင့် ခေါင်းကုတ်ကာ ပြောလိုက်သည်

“ တာအိုရောင်းရင်းက နဂါးနတ်ဘုရားနန်းတော်ကို မကြားဖူးဘူးလား”

နဂါးနတ်ဘုရားနန်းတော်က မြောက်ပင်လယ်တွင် အသန်မာဆုံးဖြစ်သည့်အတွက် သူ့နာမည်က နယ်မြေငါးခုကို တုန်လှုပ်စေသည်။

ဒါ ဘယ်လိုလုပ်ပြီးတော့ တစ်စုံတစ်ယောက်က မသိတာမျိုး ဖြစ်နိုင်မှာလဲ

ရှန်ထျန်းက ဖြည်းဖြည်းချင်း ခေါင်းယမ်းကာ အတွေးထဲနစ်မြောသွားသည်။

အောင်းလေ့က နှာခေါင်းကို ပွတ်ကာ မေးလိုက်သည်

“ မင်းကို ဘယ်လိုခေါ်ရမလဲဟင်”

“ ရှန်… ရှန်ယွမ်”

ရှန်ထျန်းက သူ့နာမည်အမှန်ကို ပြောချင်သော်လည်း ခွန်းလွန်ကြေးမုံ၏ အသံဆက်သွယ်မှုကို ရရှိလိုက်သည်။

တစ်စုံတစ်ယောက်က အတိတ်၊ ပစ္စုပ္ပန်နှင့် အနာဂတ်သို့ အချိန်ခရီးသွားသည့်အခါ သူတို့၏ နာမည်အစစ်အမှန်ကို ထုတ်မပြောသင့်ပေ။ မဟုတ်ပါက ထင်မထားသော ပြောင်းလဲမှုများ ဖြစ်ပေါ်သွားနိုင်သည်။

ထို့ကြောင့် ရှန်ထျန်းက နာမည်တုတစ်ခုကို ရွေးလိုက်သည်။

ဟုတ်တယ်

သူ့နာမည်ကို နည်းနည်းလေးပဲ ပြောင်းလိုက်တာပါ

“ ရှန်ယွမ်လား”

အောင်းလေ့က ထိုနာမည်ကို မကြားဖူးသည့်အတွက် မျက်ခုံးကို ပင့်တင်လိုက်မိသည်။

ရှန်ထျန်း၏ အသက်အရွယ်ကို ကြည့်လိုက်သည့်အခါ သူနှင့် အသက်အတူတူလောက် ဖြစ်နေသည်ကို တွေ့လိုက်ရသည်။

သူက သီးသန့်ကျင့်ကြံနေတဲ့ ပြိုင်ဘက်ကင်း ပါရမီရှင်တစ်ယောက်များလား

အောင်းလေ့က စိတ်အားထက်သန်စွာဖြင့် ပြောလိုက်သည်

“ ညီအစ်ကို ရှန်ယွမ်က အရမ်းစွမ်းအားကြီးတယ်နော်။ ညီအစ်ကိုလည်း အလယ်ပိုင်းကုန်းမြေရဲ့ ပါရမီရှင် ပြိုင်ပွဲမှာ ပါတယ်မလား”

ရှန်ထျန်း မေးလိုက်သည်

“ ပါရမီရှင် ပြိုင်ပွဲလား”

အောင်းလေ့က အံ့ဩစွာဖြင့် ပြောလိုက်သည်

“ ညီအစ်ကို မသိဘူးလား”

ရှန်ထျန်းက မသိကြောင်း ခေါင်းယမ်းပြလိုက်သည်။

အောင်းလေ့၏ မျက်နှာထားက အံ့ဩမှင်သက်မှု မယုံကြည်မှုတို့ဖြင့် ပြည့်နှက်နေသည်။

မဖြစ်နိုင်တာ

နယ်မြေငါးခုမှာ ဘယ်သူက ပါရမီရှင် ပြိုင်ပွဲအကြောင်းကို မသိပဲနေလို့လဲ

ဒီလူက ဂူတစ်ခုခုကနေများ လာတာလား

အောင်းလေ့ သတိပြန်ဝင်သွားသည်။

ရှန်ထျန်းက နယ်မြေငါးခုအကြောင်းကို ဘာမှ မသိသည့်အတွက် သူတို့နှင့် ဘာအဆက်အသွယ်မှ မရှိတာ သေချာသည်။ ထို့အပြင် အောင်းလေ့က နယ်မြေငါးခု၏ ထိပ်သီးကျင့်ကြံသူများကို ကြားဖူးထားသော်လည်း ရှန်ယွမ်၏ နာမည်ကို မကြားဖူးပေ။

ကြည့်ရတာ ညီအစ်ကိုရှန်ယွမ်က အခုထိ သီးသန့်ကျင့်ကြံနေတာပဲ ဖြစ်ရမယ်

အောင်းလေ့က ရှင်းပြလိုက်သည်

“ အလယ်ပိုင်းကုန်းမြေ အထွတ်အမြတ်မြေတွေက ပါရမီရှင်ပြိုင်ပွဲကို ကျင်းပတယ်။ သူတို့က နယ်မြေငါးခုလုံးက ပါရမီရှင်တွေကို အဲဒီမှာ ပါဝင်ဖို့အတွက် ဖိတ်ခေါ်တယ်လေ။

အဲဒါက အမှတ်တွေ လဲလှယ်ဖို့လေ ပြီးတော့ တစ်ချိန်ထဲမှာပဲ မိစ္ဆာဝိညာဉ်တွေရဲ့ ကျူးကျော်မှုကို ဘယ်လို ခုခံရမလဲဆိုတာကိုပါ ဆွေးနွေးကြတယ်။

သတင်းက နယ်မြေငါးခုမှာ ပျံ့နှံ့နေတာ ကြာပြီ။ မရေတွက်နိုင်တဲ့ ပါရမီရှင်တွေလည်း ဒီပွဲမှာ ပါဝင်ဖို့ စိတ်အားထက်သန်နေကြပြီ။

ဘာလို့လဲဆိုတော့ ထူးခြားတဲ့ ပါရမီရှင်တွေလည်း ရောက်လာမှာမလို့ပဲ။

အားလုံးက လာရောက်ယှဉ်ပြိုင်ပြီးတော့ ဘယ်သူက အသန်မာဆုံးလဲဆိုတာကို ဆုံးဖြတ်ကြလိမ့်မယ်”

ရှန်ထျန်း စိတ်ဝင်စားသွားသည်။

“ ပြိုင်ဘက်ကင်း ပါရမီရှင်က ဘယ်သူတွေလဲ”

သူ့မိတ်ဆွေဟောင်းများ၏ မျိုးဆက်များကို တွေ့နိုင်မလားဆိုတာ သိချင်နေမိသည်။

အောင်းလေ့က ပြုံးကာ ပြောလိုက်သည်

“ ဒီတစ်ခေါက် အများကြီး ထွက်ပေါ်လာပြီ။ ဥပမာဆိုရင် မဟာလေဟာနယ်သူတော်စင် ရှန့်းယန်ရှုက လေဟာနယ်ပညာရပ်တွေကို ပြီးပြည့်စုံတဲ့အထိ ကျင့်ကြံထားတာ။ သူ မွေးလာတုန်းက လေဟာနယ်ကြေးမုံကို လက်ထဲမှာ ကိုင်ထားတယ်လို့လည်း ပြောကြတယ်။

ဒါက ပြိုင်ဘက်ကင်း မဟာအသုံးအဆောင်ပစ္စည်းပဲ။ အဲဒါက ကမ္ဘာနဲ့ လေဟာနယ်ကို ထိန်းချုပ်ပြီးတော့ ပိုင်နက်အကြီးကြီးတစ်ခုကို တစ်ခါထဲနဲ့ ဖျက်စီးနိုင်စွမ်းရှိတယ်။

ရှေးဟောင်းမိသားစုရဲ့ မျိုးဆက်ဖြစ်တဲ့ ဒွိမျက်ဆံနဲ့ မွေးလာတဲ့ ရှန်းကျုံးလော့လည်း ရှိတယ်။ သူက မွေးရာပါမျက်ဆံလေးခု ရှိပြီးတော့ ကမ္ဘာချုပ်ငြိမ်း ခရမ်းအလင်းတန်းကို နားလည်တဲ့ သူပဲ။

သူမွေးဖွားလာကတည်းက ဝိဇ္ဇာတစ်ယောက်ရဲ့ အသွင်အပြင်အတိုင်း မွေးဖွားလာခဲ့တာ။

အံ့ဖွယ်မိုးကောင်းကင် အထွတ်အမြတ်မြေရဲ့ ကျန်းထိုက်ယီလည်း ရှိတယ်။ သူက မိုးကြိုးကို ထိန်းချုပ်နိုင်စွမ်းနဲ့ မွေးဖွားလာပြီးတော့ မွေးကတည်းက နတ်မိုးကြိုးကို ထိန်းချုပ်နိုင်ခဲ့တာ။ သူ့အမေက ဧရာမသားရဲ လိန်ကျဲ (မိုးကြိုးနတ်ဘုရား)ရဲ့ ခြေရာကို နင်းပြီးတော့ ကိုယ်ဝန်ရှိခဲ့တာ။ အဲဒါကြောင့် သူမွေးတဲ့နေ့တုန်းက နတ်မိုးကြိုးတွေနဲ့ ပြည့်နှက်နေခဲ့တာ။

ပြီးတော့ ကျောက်စိမ်း လေဟာနယ် နန်းတော်ကလည်း မွေးရာပါ ခန္ဓာတည်ဆောက်ပုံရှိတဲ့ ဝမ်ရှုကျိကို မွေးဖွားခဲ့ပြီးတော့ သူက ကမ္ဘာလောက စည်းမျဉ်းတွေကို ၉၀ ရာခိုင်နှုန်းလောက်ထိ နားလည်တယ်။  ဒါက နယ်မြေငါးခုလုံးကို ကိုင်လှုပ်နိုင်တဲ့ လူသားပါရမီရှင်တွေပဲ။ သူတို့က အရမ်းစွမ်းအားကြီးကြတယ်”

ထိုအကြောင်းကို ပြောပြီးနောက် အောင်းလေ့က သက်ပြင်းချလိုက်မိသည်။

လူသားမျိုးနွယ်မှာ လူဦးရေထူထပ်သောကြောင့် ပြိုင်ဘက်ကင်း ပါရမီရှင်များစွာကို မွေးထုတ်ပေးနိုင်သည်။

အောင်းလေ့လည်း နတ်ဆိုးများအတွက် တိုက်ခိုက်ပေးချင်သည်။

သူ ဂုဏ်ယူစွာဖြင့် ပြောလိုက်သည်

“ လူမျိုးနွယ် စံပြတွေအပြင် တခြားမျိုးနွယ်တွေမှာလည်း စွမ်းအားကြီးတဲ့သူတွေရှိတယ်။

ရှေးဟောင်းသားရဲရဲ့ မျိုးဆက်ဖြစ်ပြီးတော့ ယင်ယန်တောင်ပံနဲ့ မွေးဖွားလာတဲ့ ရှောင်ခွန်ပန်လည်း ရှိတယ်။

မသေမျိုး ဇာမဏီမျိုးနွယ်က ဟွမ်ကျို့ထျန်းလည်းရှိတယ်။ သူမက ကောင်းကင်ဘုံ ကိုးဆင့် အံ့ဖွယ်ဇာမဏီ ပြန်လည်ဝင်စားတာလို့ ပြောကြတယ်”

အောင်းလေ့ပြောရင်း စိတ်လှုပ်ရှားလာသည်။

ထိုပြိုင်ဘက်ကင်း ပါရမီရှင်များနှင့် ပြိုင်ရဖို့တွေးလိုက်ခြင်းက သူ့ကို စိတ်လှုပ်ရှားသွားစေသည်။

အောင်းလေ့၏ စကားလုံးများက ရှန်ထျန်းကို ထိတ်လန့်သွားစေသည်။ သူ ထိုနာမည်များကို လုံးဝ မကြားဖူးပေ။

သို့သော် ရှန်ထျန်း၏ အာရုံကို ဖမ်းစားလိုက်သော အင်အားစုများ ရှိနေသည်။

ဥပမာအားဖြင့် မဟာလေဟာနယ် အထွတ်အမြတ်မြေနှင့် အံ့ဖွယ်မိုးကောင်းကင် အထွတ်အမြတ်မြေက သူ့ခေတ်က ဖြစ်သည်။

သူ့ရဲ့ အမွေအနှစ်က အဲဒီမှာ ရှိနေတာ ဖြစ်နိုင်မလား

ရှန်ထျန်း ပါရမီရှင်ပြိုင်ပွဲတွင် သူ့မိတ်ဆွေဟောင်းများကို ရှာနိုင်သည်။ တစ်ချိန်တည်းမှာပဲ သူက ပါရမီရှင်ပြိုင်ပွဲကို စိတ်ဝင်စားလာသည်။

ရှန်ထျန်းက မေးလိုက်သည်

“ ပါရမီရှင် ပြိုင်ပွဲကို ဘယ်မှာ ကျင်းပမှာလဲ”

အောင်းလေ့က ပြန်ဖြေလိုက်သည်

“ အလယ်ပိုင်းကုန်းမြေရဲ့ ကောင်းကင်ဝင်ပေါက်တောင်မှာ။

ညီအစ်ကိုရှန်ယွမ် ကျွန်တော်တို့ အမြန်သွားရအောင်။ မဟုတ်ရင် ပါရမီရှင် ပြိုင်ပွဲက ကျွန်တော်တို့ မရှိပဲ စတင်သွားလိမ့်မယ်”

အောင်းလေ့ စိတ်အားထက်သန်နေသည်။ ပါရမီရှင်ပြိုင်ပွဲ စတင်ဖို့အတွက် ရက်အနည်းငယ်သာ ကျန်ရှိတော့သည်။

သူက တစ်ချိန်လုံး မိစ္ဆာဝိညာဉ်များကို သတ်ဖို့သာ အာရုံစိုက်နေခဲ့ရသည့်အတွက် အတော်လေး အချိန်ဖြုန်းမိသွားပြီဖြစ်သည်။

ရှန်ထျန်းက မထုံတက်သေး မျက်နှာထားဖြင့် ပြောလိုက်သည်

“ အဲဒါက အရေးမကြီးပါဘူး။ ကျွန်တော်မှာ အကြံရှိတယ်”

အံ့ဖွယ်အလင်းတန်းက သူ့ကို လွှမ်းခြုံသွားသည်။

လေဟာနယ် တွန့်လိမ်သွားကာ ကောင်းကင်နှင့် ကမ္ဘာမြေကြီးကြားတွင် တောက်ပသော အက္ခရာစာများ ထွက်ပေါ်လာသည်။

ထိုအက္ခရာစာများက တောက်ပလှသည်။ သူတို့က မဟာပိုင်နက်အစီအရင်ကို ဖန်တီးပြီး ကောင်းကင်နှင့် ကမ္ဘာမြေကြီး၏ စွမ်းအားများကို သယ်ဆောင်လာသည်။

မကြာခင်မှာပင် ဧရာမ လေဟာနယ် စင်္ကြန်က သူ့ရှေ့တွင် ထွက်ပေါ်လာသည်။

အောင်းလေ့က အံ့ဩထိတ်လန့်သွားသည်။ ရှန်ထျန်းဆီမှာ လျှို့ဝှက်ချက်များစွာရှိကြောင်း သိလိုက်ရသည်။ ထို့ကြောင့် ရှန်ထျန်း ဘယ်လောက်ထိ စွမ်းအားကြီးလဲဆိုတာကို သူ မစဉ်းစားကြည့်တတ်ပေ။

သူ လက်ယမ်းပြလိုက်သည့်အခါ ပိုင်နက်ပို့ဆောင်ရေး အစီအရင်ကို အသက်သွင်းလိုက်သည်။

လုပ်ဆောင်နိုင်စွမ်းက အင်မတန် ထိတ်လန့်စရာကောင်းလှသည်။

အောင်းလေ့က သက်ပြင်းချလိုက်သည်။

ရှန်ထျန်း၏ ခွန်အားကလည်း ပုံမှန်မဟုတ်ဘူးဟု ခေါ်နိုင်သည်။ ရှန်ထျန်းသာ ထိုအားကောင်းသော ပါရမီရှင်များနှင့် ယှဉ်လိုက်ပါက ဘယ်သူက ပိုပြီးတော့သန်မာလဲဆိုတာကို သိချင်နေပြီဖြစ်သည်။

ထိုလူများနှင့်ထိုင်ပြီး တာအိုအကြောင်း ဆွေးနွေးဖို့အတွက် စိတ်လှုပ်ရှားနေပြီ ဖြစ်သည်။