ချူကျီယန်နှင့် လေ့ကျန်းရှန်

နှစ်ယောက်စလုံး ဘာမှ မလှုပ်ရှားနိုင်ခင်မှာပဲ လေ့ကျန်းရှန် နှုတ်ခမ်းများသည် အပြုံးဖျော့ဖျော့အဖြစ် ကွေးညွတ် သွားပေသည်။

သူ ဓားကို အောက်ချလိုက်ပြီး စတင်ဖို့ အရေးတကြီး ခံစားချက် မရှိပေ

"မင်းသိလား" သူပြောလေ၏ "မင်းလို ချောမောလှပတဲ့ တစ်ယောက်က ပိုင်ကျီဟန်နဲ့ စေ့စပ်ထားတာ ရှက်စရာပဲ"

သူ ခေါင်းခါပြီး လှောင်ပြောင်သော ရယ်သံနဲ့ ပြောလိုက်၏

"ငါကိုယ်တိုင် သူ့ကို ချေမှုန်းပစ်ချင်နေတာ... ဒါပေမဲ့ ငါ့နာမည်ကို သူမြင်လိုက်ရတဲ့အချိန်မှာ သူ ကြောက်တတ်တဲ့သူလို ပျောက်ကွယ်သွားတယ်။"

လေ့ကျန်းရှန် မျက်လုံးများက ချူကျီယန်ဆီ လှည့်ကြည့်လိုက်ပြီး သူ့မျက်နှာက မာနထောင်လွှားနေပေသည်။

"မင်းလို ချောမောတဲ့ တစ်ယောက်က ဘာလို့ သူ့လို ကြောက်တတ်တဲ့သူနဲ့ အတူရှိနေတာလဲ ငါ မသိဘူး။"

ချူကျီယန် မျက်လုံးတွေ ပွင့်လာ၏။

"ဟား? ပိုင်ကျီဟန် ဒီမှာ ရှိနေရင်" သူမက ပြောလေ၏ ၊ "နင် ဒီလို အဓိပ္ပာယ်မရှိတဲ့ စကားတွေကို တီးတိုးပြောတဲ့အချိန်မှာ နင့်ရဲ့ ခေါင်းက မြေကြီးကို ထိပြီးသား ဖြစ်လိမ့်မယ်။"

သူမအကြည့်တွေက ထက်မြက်လာ၏

"လေကျန်းရှ နင်က ငါ့ချစ်သူရဲ့ဖိနပ်ကို လျှော်ပေးဖို့တောင် မထိုက်တန်ဘူး။ သူဒီမှာမရှိတာ ကံကောင်းတယ်လို့ ကိုယ့်ကိုယ်ကိုယ် ယူဆလိုက်ပါ”

လေကျန်းရှန်အပြုံးသည် ခဏတာ မှေးမှိန်သွားပြီး ရယ်သံက ဒေါသတကြီးနဲ့ တိုးဝင်လာချေ၏

"ဟားဟား... ငါမင်းကိုချိုးဖျက်ပြီးရင် မင်းဒီလိုပြောနိုင်မလားဆိုတာ ငါကြည့်ရမယ်။ ပြီးတော့ ပိုင်ကျီဟန် ဘယ်လိုတုံ့ပြန်မလဲဆိုတာ ငါသိချင်တယ်။"

ချူကျီယန်၏ တစ်ခုတည်းသောတုံ့ပြန်မှုသည် သူမလက်ချောင်းများကို သူမဓားလက်ကိုင်ပေါ်၌ တင်းတင်းကြပ်ကြပ်ဆုပ်ကိုင်ထားပြီး သူမရပ်တည်ချက်ကို ပြောင်းလဲဖို့သာ

ဝှစ်

ဒိုင်လူကြီး စတင်ဖို့အချက်ပြလိုက်တာနဲ့ လီကျန်းရှန် ပုံပန်းသဏ္ဌာန်က မှုန်ဝါးသွားချေသည်။

လျှပ်စီးကြောင်းသည် သူ့ခန္ဓာကိုယ်တစ်လျှောက် မှိန်ဖျော့ဖျော့ ပေါက်ကွဲသွားပြီးသူ ပျောက်ကွယ်သွားပေ၏

နောက်တစ်ခဏ၌ ဓားအလင်းတန်းတစ်ခုသည် ကွင်းပြင်တစ်ခုလုံးကို ဖြတ်ပြေးသွားပေသည်။

ချူကျီယန်သည် အချိန်မီ ဘေးကိုလှည့်လိုက်ပြီး သူမဝတ်ရုံသည် လေဖိအားကြောင့် လွင့်မျောနေ၏

စူးရှသော ပေါက်ကွဲသံ.. လေ့ကျန်းရှန်၏ဓားသည် ကွင်းကြမ်းပြင်သို့ ခုတ်ထစ်သွားသောအခါ သူမ၏နောက်ကွယ်တွင် ပေါက်ကွဲထွက်လာပြီး ကျောက်တုံးများနှင့် ဖုန်မှုန့်များသည် ဗုံးစများကဲ့သို့ အပြင်သို့ လွင့်စင်သွားသည်။

ထိခိုက်မှုကြောင့် မီတာအတော်ကြာ ရှည်လျားသော အမာရွတ်တစ်ခု ကျန်ရစ်ခဲ့ပြီး အက်ကွဲနေသော မြေပြင်သည် ခရမ်းရောင်လျှပ်စီးကြောင်းများဖြင့် ပူပြင်းနေဆဲဖြစ်သည်။

လူအုပ်ကြီးသည် ဖျက်ဆီးခံရသည်ကိုသာမကဘဲ အမြန်နှုန်းကိုပါ အံ့ဩမှင်သက်သွားကြသည်။

အခုချိန်ထိ လေ့ကျန်းရှန်သည် ချူကျီယန်ကို တိုက်ခိုက်ရာ၌ သူ့အမြန်နှုန်း၏ ၅၀ ရာခိုင်နှုန်းတောင် ပြသခဲ့သေးတာ မဟုတ်ပေ

လေ့ကျန်းရှန်သည် တည့်တည့်မတ်မတ် ရပ်နေပြီး သူ့ဓားက မိုးကြိုးပစ်သံနဲ့အတူ

လှုပ်ရှားနေ၏

၎င်းသည် ရုပ်ပိုင်းဆိုင်ရာ မြန်နှုန်းတစ်ခုတည်း မဟုတ်ပေ ။ သူ့ မိုးကြိုးတာအိုသည် လှုပ်ရှားမှုတိုင်းကို လွှမ်းမိုးထားပြီး သူ့ကို မုန်တိုင်းပုံစံအဖြစ် ပြောင်းလဲပေးလိုက်၏

မြန်ဆန်၏ သန်မာ၏ သေစေနိုင်၏

မြင်သာသော အားနည်းချက် တစ်ခုမှ မရှိပေ

"အရမ်းနှေးတယ်”

လေ့ကျန်းရှန်သည် နောက်တစ်ကြိမ် ရှေ့ကို လှည့်ပတ်သွား၏

သူ့ နောက်ဆက်တွဲပုံရိပ်သည် သူမပတ်ပတ်လည်၌ လှည့်ပတ်နေပြီး ခြေလှမ်းတိုင်းတွင် မိုးကြိုးပစ်သံများ ထွက်ပေါ်လာကာ ဓားချက်တိုင်းသည် ဖျက်ဆီးခြင်း အလေးချိန်ကို သယ်ဆောင်ထားပေသည်။

သို့တိုင် ချူကျီယန်မျက်လုံးများက တုန်လှုပ်မသွားပေ

ဓားအလင်းရောင်နဲ့ မိုးကြိုးမုန်တိုင်းသည် ထောင့်တိုင်းကနေ ကျဆင်းလာပေမဲ့ တစ်ချက်မှ အမှတ်အသား မတွေ့ရပေ

ချူကျီယန်သည် ရေစီးကြောင်းလို ရွေ့လျားနေပြီး ခြေလှမ်းတိုင်းသည် လှိုင်းလုံးကြီးတစ်ခုလို ရွေ့လျားနေ၏

သူမဓားသည် အားစိုက်ထုတ်မှုမရှိဘဲ လေထဲ၌ ပျံ့နှံ့သွားတာကြောင့် သေစေနိုင်လောက်သော တိုက်ခိုက်မှုသည် ကကွက်တစ်ခုလိုပင်

ဝတ်ရုံများ တဖျပ်ဖျပ်လှုပ်ခါနေပြီး ဆံပင်များ ဝဲကျနေကာ သူမသည် လေ့ကျန်းရှန်၏ သတ်ဖြတ်မှုတိုက်ခိုက်မှုတွေကြား၌ ကခုန်နေခဲ့သည်။

သူ့ဓားအစွန်းသည် လေနဲ့အရိပ်ကိုသာ ကိုက်ဖြတ်နေပြီး သူမအသားကို ကိုက်ဖြတ်ခြင်းမရှိပေ

ပရိသတ်ကြား၌ အသက်ရှူသံတွေ ပျံ့နှံ့သွား၏

ဒါဟာ အလျင်စလို ရှောင်တိမ်းတာမဟုတ်ပေ - အနုပညာသာ

ရှောင်တိမ်းမှုတိုင်း၊ လှည့်ကွက်တိုင်းသည် စည်းချက်တစ်ခုစီရှိပြီး သူမလက်မှုပညာကို မြှင့်တင်ဖို့ နာရီပေါင်းများစွာကြာအောင် ကြိုးစားခဲ့ရသည်ဟု ဖော်ပြနေတာပင်

"ရှောင်တိမ်းရုံနဲ့ အနိုင်ရမယ်လို့ မင်းထင်လား"

လေ့ကျန်းရှန်သည် သူ့တိုက်ခိုက်မှုများကို အလွယ်တကူ ရှောင်တိမ်းနိုင်တာကြောင့် စိတ်တိုနေသည်။

သူ့အမြန်နှုန်းနဲ့ တိုက်ခိုက်မှုတွေကို ရှောင်ရှားနိုင်သူ များများစားစားမရှိဘူးဟု သူယုံကြည်နေသည်။

တိုက်ခိုက်မှု အကြိမ်ပေါင်းများစွာ ပြုလုပ်ခဲ့ပေမဲ့ ဘာမှ မအောင်မြင်ခဲ့ပေ ။ ၎င်းသည် မသိသည့်သူတစ်ယောက်ကိုသာ ထိခိုက်စေခဲ့သည်။

တခြားသူများနဲ့ ယှဉ်ပါက ချူကျီယန် ဂုဏ်သတင်းသည် ကျယ်ကျယ်ပြန့်ပြန့် မပျံ့နှံ့ခဲ့ပေ ။ အထူးသဖြင့် ပိုင်ကျီဟန် ဂုဏ်သတင်းက သူမ ဂုဏ်သတင်းကို လွှမ်းမိုးထားလို့သာပင်

သို့တိုင် လူအများအနေနဲ့ သူမဘယ်လောက် အစွမ်းထက်သည်ကို မေ့လျော့နေကြသည်။

သို့တိုင် လေ့ကျန်ရှန်းသည် အနိုင်ရဖို့ တစ်ချက်ပဲထိုးရလိမ့်မည်ဟု ထင်ခဲ့သည်။

ချူကျီယန်အထူးပြုမှုသည် အမြန်နှုန်းဆိုပါက သူမခွန်အားသည် ဒီလောက်မများဘူးဟု သူယူဆခဲ့သည်။

ထို့ကြောင့် သူမကာကွယ်ရမည့် တိုက်ခိုက်မှုကို ရွေးချယ်ခဲ့သည်

ရွှမ် ရွှမ်

လေ့ကျန်းရှန်ဓားသည် လေထဲ၌ တောက်ပသော အလင်းတန်းများကို ထွင်းထုလိုက်ပြီး မိုးကြိုးသံက ပိုကျယ်လာ၏

ပြင်းထန်သော အသက်ရှူသံနဲ့အတူ သူ့ခြေထောက်ကို အားစိုက်ပြီး ခုတ်ချလိုက်၏

"မိုးကြိုးနှစ်စင်း ကောင်းကင်ကို ဖြိုခွင်း”

သူ့ဓားမှ ချွန်ထက်သော ခရမ်းရောင်လျှပ်စီးကြောင်းနှစ်ခု ပေါက်ကွဲထွက်လာပြီး ချူကျီယန် တစ်ဖက်တစ်ချက်စီကို ပစ်လွှတ်လိုက်ပေသည်။

လှိုင်းလုံးများသည် ကွင်းကြမ်းပြင်ကို ထိမှန်ပြီး အနက်ရောင်မျဉ်းကြောင်းများကို လောင်ကျွမ်းစေကာ သေစေနိုင်သော စင်္ကြံတစ်ခု ဖြစ်လာ၏

လေထုသည် ကြမ်းတမ်းသော စွမ်းအားနဲ့ တုန်ခါသွား၏ ခြေလှမ်းတစ်ချက်မှားတာနဲ့ မိုးကြိုးသည် အသားနဲ့ အရိုးများကို ဖောက်ထွင်းသွားပေသည်။

လူအုပ်ကြီး ချက်ချင်းသဘောပေါက်သွား၏ သူမ၏ လွတ်လပ်စွာ လှုပ်ရှားခွင့် ပျောက်ကွယ်သွားသည်။

သူမသည် ယခင်ကကဲ့သို့ ရှောင်၍မရတော့ပေ ။ မိုးကြိုးပစ်သံကြောင့် ရှေ့သို့ သို့မဟုတ် နောက်သို့သာ ရွေ့လျားရန် အတင်းအကျပ် ဖိအားပေးခံရသည်... လေ့ကျန်းရှန်၏ သတ်ကွင်းထဲသို့ တည့်တည့်ဝင်သွားသည်။

လေ့ကျန်းရှန်၏ နှုတ်ခမ်းများသည် အောင်ပွဲခံ အပြုံးတစ်ခု ပြုံးလိုက်သည်။

"ရပြီ”

ဝှစ်

တစ်ချက်တည်းသော လျှပ်စီးကြောင်းနဲ့အတူ သူမရှေ့တွင် ပေါ်လာပြီး ဓားကို မြှောက်တင်ကာ သူမိုးကြိုးတာအို၏ ညည်းသံသည် နားကွဲမတတ် ထွက်ပေါ်လာသည်။

"ဒါ အခု ပြီးဆုံးပြီ”

သူ့ဓားသည် မိုးကြိုးပစ်သကဲ့သို့ ကျဆင်းသွားပြီး သူမကို လုံးဝ ချေမှုန်းရန် ရည်ရွယ်သည့် ထိုးနှက်ချက်တစ်ခု ဖြစ်လာသည်။

ကလန့်

တုန်ခါမှုလှိုင်းသည် ကွင်းပြင်တစ်ခုလုံးသို့ ပျံ့နှံ့သွားသည်။

သို့သော် ယိုင်လဲသွားသူမှာ ချူကျီယန် မဟုတ်ဘဲ လေ့ကျန်းရှန် ဖြစ်သည်။

ချူကျီယန်သည် မတ်မတ်ရပ်ပြီး သူမ၏ဓားကို ခိုင်မာစွာ ချိန်ထား၏ ။ သူမ၏ ဆုပ်ကိုင်မှုသည် တည်ငြိမ်ပြီး သူမ၏ ရပ်တည်ချက်သည် မတုန်မလှုပ်ပင် ။ သူမ၏ မျက်လုံးများသည် အေးစက်ပြီး ခိုင်မာမှု မရှိပေ။

အခိုက်အတန့်သည် သူ၏ တိုက်ခိုက်မှုကိုသာမက သူ၏ သေချာမှုကိုပါ ဖျက်ဆီးပစ်ခဲ့သည်။

သူမသည် သူ့ကို ပိတ်ဆို့ထားရုံသာမက သူမသည် သူ့ကို ကြမ်းတမ်းသော ခွန်အားဖြင့် ယှဉ်နိုင်ခဲ့သည်။

လေဘကျန်းရှန်၏ မျက်လုံးများသည် ကျုံ့သွားသည်။

"မဖြစ်နိုင်ဘူး”

သူ့စိတ်ထဲ၌ မြန်နှုန်းနှင့် ခွန်အားသည် အမြဲတမ်း အပေးအယူလုပ်ခြင်း ဖြစ်သည်။

သူမသည် ဤအချိန်တစ်လျှောက်လုံး သူ့ကို ရှောင်တိမ်းနိုင်လောက်အောင် မြန်ဆန်ပါက သူမတွင် သူ့ကို ထိပ်တိုက်ရင်ဆိုင်ရန် စွမ်းအား မရှိသင့်ပေ

သို့သော် ဤနေရာတွင် သူမသည် သူ၏ အပြည့်အဝ တိုက်ခိုက်မှုကို အနှောင့်အယှက်တစ်ခုကဲ့သို့ ရှောင်တိမ်းနေခဲ့သည်။

(သူမသည် သူ့ကဲ့သို့ မိုးကြိုးဓားကို လေ့ကျင့်နိုင်ခဲ့ပါသလား။)

သူ ထိုသို့ မထင်ခဲ့ပေ။ သူမသည် အစကတည်းက မိုးကြိုးတာအို နည်းစနစ် တစ်ခုကို အသုံးမပြုခဲ့ပေ

မိုးကြိုးတာအိုရှိသူများသာ ပြီးပြည့်စုံပြီး အပြင်းထန်ဆုံး ဖြစ်ကာ ရူးသွပ်သော အမြန်နှုန်းနှင့် ဖျက်ဆီးနိုင်စွမ်း ရှိသည်ဟု သူ ယုံကြည်ခဲ့သည်။

သို့တိုင် မိုးကြိုးတာအို မပါသူတစ်ယောက်သည် နှစ်ခုစလုံးကို ရနိုင်ခဲ့၏ - သူဘာတွေးရမှန်းမသိပေ

သို့တိုင် အနိုင်ရဖို့ ယုံကြည်မှုတော့ မဆုံးရှုံးခဲ့ပေ

၎င်းသည် ပြိုင်ပွဲတတိယအချီပဲ ရှိသေးတာကြောင့် အလဟဿဖြစ်နေမည် ထင်ရသော စစ်မှန်သည့် အစွမ်းကို ထုတ်ဖော်ပြသဖို့ လိုအပ်သည်ဟု ဆိုလိုတာပင်။

တစ်ဖက်မှာတော့ ချူကျီယန်သည် သူမ တန်ပြန်တိုက်ခိုက်မှုအတွက် ပြင်ဆင်နေ၏

ရုတ်တရက် ရွေ့လျားမှုနဲ့အတူ သူမဓားသည် တစ်ကြိမ်၊ နှစ်ကြိမ် တုန်ခါသွားပြီး တောက်ပသော အလင်းတန်းတစ်ခု ထွက်ပေါ်လာခဲ့၏

ချူမိသားစု၏ အဖိုးတန် မြေကမ္ဘာအဆင့် နည်းစနစ်ဖြစ်သော "ကြက်သွေးရောင် ပွင့်ဖတ်မုန်တိုင်း” သည် သူမခြေထောက်အောက်က မြေပြင်ကိုပင် တုန်ခါသွားစေပုံရသည်။

ထိုးနှက်ချက်သည် ကြက်သွေးရောင် ပန်းပွင့်များလို ပွင့်လာပြီး ဓားချီ ပွင့်ဖတ်များသည် မျက်စိကျိန်းလောက်အောင် လည်ပတ်နေကာ တစ်ခုချင်းစီသည် သံမဏိကို ထိုးဖောက်နိုင်လောက်အောင် ထက်မြက်ပေ၏

ကွင်းတစ်ခုလုံးသည် အင်အားအောက်၌ တုန်ခါသွားပြီး ပွင့်ဖတ်များက အရပ်

လေးမျက်နှာကနေ လေ့ကျန်းရှန်းဆီ စုရုံးရောက်ရှိလာ၏

ပရိသတ်သည် ပထမဆုံးအကြိမ်အဖြစ် ရှေ့ကို ကိုင်းပြီး အသက်ရှူမဝကြပေ

သို့တိုင် လေ့ကျန်းရှန်းက ပြုံးရုံပဲ ပြုံးလိုက်သည်။

သူ့ဓားကို တစ်ချက်လောက် ဝှေ့ယမ်းလိုက်ရုံနဲ့ ဓားမှ မိုးကြိုးသည် ကြယ်တစ်လုံးလို ပေါက်ကွဲထွက်လာ၏

ဂျွတ်

ပွင့်ချပ်များ ပျံသန်းနေစဉ်မှာ ကွဲအက်သွားပြီး ချီဓာတ် အပိုင်းအစအဖြစ် ပျောက်ကွယ်သွားသည်။ မုန်တိုင်းသည် တစ်ခါမှ မဖြစ်ခဲ့သလို ပျောက်ကွယ်သွားခဲ့သည်။

လေ့ကျန်းရှန်သည် မှိန်ဖျော့နေသော အလင်းရောင်ကနေ ရှေ့ကို ခြေလှမ်း လှမ်းလိုက်သည့်အခါ သူ့အရောင်အဝါသည် မိုးကြိုးပစ်သလို လွှမ်းမိုးမှုများနဲ့ ပြည့်နှက်နေ၏

"တော်တော်မိုက်တဲ့ လှည့်ကွက်ပဲ" သူက အေးစက်စက် ပြောလိုက်၏ "ဒါပေမဲ့ အရမ်း ကျိုးပဲ့ လွယ်လွန်းတယ်။"

နောက်တစ်ဆင့်သည် ကွင်းကြမ်းပြင်ကို ကြွပ်ဆတ်သော ရေခဲလို ကွဲကြေစေပြီး နောက်ဆုံးတော့ သူ့ ကျင့်ကြံမှုကို ဖော်ထုတ်

နိုင်ခဲ့၏

သူသည် ဝိညာဉ်ဖွဲ့စည်းမှု နယ်ပယ်မှာတင် မဟုတ်ဘဲ ဝိညာဉ်ဖွဲ့စည်းမှု အလယ်အလတ်အဆင့်မှာ ရှိနေတာပင်