ဝိညာဉ်ဖွဲ့စည်းမှုနယ်ပယ် အလယ်အလတ်အဆင့်

“ လေ့ကျန်းရှန်က ဝိညာဉ်ဖွဲ့စည်းမှုနယ်ပယ် အလယ်အလတ် အဆင့်ကို ရောက်ပြီလား”

"သူက ဘယ်လောက်တောင် ကြီးမားတဲ့ နတ်ဆိုးလဲ။ ဝိညာဉ်ဖွဲ့စည်းမှုနယ်ပယ်ကိုရောက်ရှိတာက ကောင်းကင်ဘုံကိုတက်လှမ်းခြင်းလို ခက်ခဲတာတောင် သူက ကျော်လွန်ပြီး ဝိညာဉ်ဖွဲ့စည်းမှုနယ်ပယ် အလယ်အလတ်အဆင့်ကို ရောက်ရှိခဲ့တယ်”

"ချူကျီယန်မှာ အခွင့်အရေးရှိတယ်လို့ ကျွန်တော်ထင်ခဲ့ပေမဲ့ လေ့ကျန်းရှန် အောင်ပွဲဖြစ်မယ် ထင်တယ်”

အသေးစားနယ်ပယ်တစ်ခု ကွာခြားချက်သာဖြစ်သော်လည်း အဓိဖွဲ့စည်းမှုအဆင့် သို့မဟုတ် အောက်ပိုင်း နယ်ပယ်များထက် နယ်ပယ်ကွာခြားချက်ထက် ပိုမိုကြီးမားသည်။

ဝိညာဉ်ဖွဲ့စည်းမှုနယ်ပယ်တွင် တိုးတက်ရန် အလွန်ခက်ခဲပြီး နှစ်ပေါင်းများစွာ ကြာတတ်သည်။

ထို့ကြောင့် အသက်နှစ်ဆယ့်ငါးနှစ်အောက်တွင် ဝိညာဉ်ဖွဲ့စည်းမှုနယ်ပယ် အစောပိုင်းအဆင့်ကို ကျော်လွန်သွားသူ မရှိသလောက်ပင်။

သို့သော် လေ့ကျန်းရှန်သည် ၎င်းကို လုပ်ဆောင်ခဲ့သည်။

သူ၏ ကျင့်ကြံမှု အပြည့်အဝ ပေါက်ကွဲသွားသည်နှင့် ဖိအားလှိုင်းတစ်ခုသည် ကွင်းပြင်တစ်လျှောက် လှိမ့်ဝင်လာသည်။

ကျောက်ပြားများသည် သူ့အရောင်အဝါ အလေးချိန်အောက်တွင် ညည်းတွားပြီး အက်ကွဲသွားသည်။ လေသည် အသက်ရှူတိုင်း မိုးကြိုးပစ်သကဲ့သို့ ခံစားရသည်အထိ တင်းကျပ်သွားပုံရသည်။

လေ့ကျန်းရှန်၏ ဆံပင်ရှည်များသည် သူ့နောက်သို့ လွင့်မျောနေပြီး ခရမ်းရောင်လျှပ်စီးကြောင်းများသည် သူ့ခန္ဓာကိုယ်တစ်လျှောက် ကခုန်နေသည်။

သူ့မျက်လုံးများသည် သံမဏိ မုန်တိုင်းလို တောက်ပနေပြီး သူ့အသံသည် တိတ်ဆိတ်ငြိမ်သက်မှုကို ဖြတ်တောက်လိုက်၏

"ကဲ... မင်း ဘယ်လိုကခုန်မလဲဆိုတာ ကြည့်ရအောင်။"

ဝုန်း

သူ့ပုံပန်းသဏ္ဌာန်က မှုန်ဝါးနေ၏ မြန်ဆန်ရုံသာမက သူထွက်သွားသည့် နေရာသည် ကျောက်တုံးတစ်တုံးကြောင့် ရေတွေ လှုပ်ခါသွားသလို လှိုင်းထသွားသည်။

တစ်ချက်ခုန်လိုက်တော့ သူ ကိုက်အနည်းငယ်အကွာတွင် ရောက်နေသည်။နောက်တစ်ချက်မှာတော့ သူ့ဓားသည် ချူကျီယန် ပခုံးဆီသို့ ကျောက်တုံးကြီးတစ်တုံးကို နှစ်ခြမ်းခွဲဖို့ လုံလောက်သည့် အရှိန်နဲ့ ကျရောက်နေချေပြီ။

ကလန့်!

ထိုးချလိုက်၏

ပြီးတော့ လမ်းကြောင်းပြောင်းသွား၏

ချူကျီယန်က မရှောင်တိမ်းပေ —သူမ လက်ကောက်ဝတ်ကို တစ်ချက်လှုပ်လိုက်သည့်အခါ သူ့၏သတ်ဖြတ်ချင်စိတ်ကို

ဘေးဖယ်လိုက်သည်။ အသံသည် ထက်မြက်ပြီး သန့်ရှင်းကာ ရပ်တည်မှုက တောင်တစ်တောင်လို တည်ငြိမ်နေ၏

လေ့ကျန်းရှန် မျက်ခုံးတွေ တွန့်ကွေးသွား၏။

(သူမ တုံ့ပြန်လိုက်တာလား။ ဒီအမြန်နှုန်းနဲ့တောင်)

သူ ပြန်ပျောက်ကွယ်သွားပြန်၏ ဒီတစ်ခါတော့ သူ့ဓားသည် မြွေတစ်ကောင်လို ကွေးညွှတ်နေသော မိုးကြိုးတန်းတစ်ခု ဖြစ်လာကာ သူမ ဘေးနံရိုးကို တည့်တည့်ချိန်ထားပြန်၏

ကလန့်

တစ်ဖန် ထိုးနှက်ချက်သည် ထိတွေ့ပြီး လမ်းကြောင်းပြောင်းသွားပေသည်။

ပရိသတ်များ အံ့ဩမှင်သက်သွားကြသည်။

သူ့ အပြည့်အဝ ခွန်အားနဲ့ ခုန်လိုက်တာတောင် ဘာမှမဖြစ်သလိုပင်

လေ့ကျန်းရှန်သည် ခြေလှမ်းအနည်းငယ်အကွာ၌ ပေါ့ပါးစွာ ဆင်းသက်လိုက်ပြီး အသက်ရှူသံများ ငြိမ်သက်နေပေမဲ့ စိတ်

ကတော့ ရှုပ်ထွေးနေ၏

(မဟုတ်ဘူး—ဒါ မဖြစ်နိုင်ဘူး။)

သူ့ရွယ်တူများကို ချေမှုန်းပစ်ခဲ့သော စွမ်းအား၊ မည်သူမှ မလိုက်နိုင်သော အမြန်နှုန်းကို သူ ထုတ်ဖော်ပြသလိုက်၏

သို့တိုင် သူ့ရှေ့က အမျိုးသမီးကတော့ ဘာမှ မပြောင်းလဲသလို တည်ငြိမ်သော ဟန်ပန်နဲ့ ရွေ့လျားနေသည်။

"ဘာလဲ..." သူ တိုးတိုးလေးပြောပြီး မျက်မှောင်ကျုံ့လိုက်သည် "ဒီမှာ ဘာတွေဖြစ်နေတာလဲ။"

ဖြည်းဖြည်းချင်း သူမကို ကြည့်လိုက်၏ တကယ်ကြည့်လိုက်တာပင်

ချူကျီယန်သည် ထိုနေရာ၌ ရပ်နေပြီး သူမဓားကို အနည်းငယ် နိမ့်ကာ ရေလို ငြိမ်သက်နေ၏ ဒါပေမယ့် အခုတော့ အခု သူ ခံစားမိနေပြီ။

အနက်ဆုံးနေရာ၌ အနားယူနေသည့် သားရဲကြီးတစ်ကောင်လို မျက်နှာပြင်အောက်ရှိ သေးငယ်သော လှိုင်းတစ်ခု။

သူ့မျက်လုံးများက မယုံနိုင်စွာ ပြူးကျယ်သွား၏

"မင်း..." သူ့အသံက နိုင်လောက်အောင် တိုးတိုးလေးသာ ။ "မင်းလည်း ဝိညာဉ်ဖွဲ့စည်းမှု အလယ်အလတ်အဆင့်မှာ ရှိနေတာလား?"

ချူကျီယန် ပြန်မဖြေပေ။

သို့သော် သူမ၏အဖြေကို မလိုအပ်ပေ ။ သူမ၏အမြန်နှုန်းနှင့် သူမ တုန့်ပြန်မှု နောက်ကွယ်မှစွမ်းအားသည် အရာအားလုံးကို ပြောပြပြီးဖြစ်သည်။

လူအုပ်ကြီးသည် မယုံနိုင်စွာ တိုးတိုးလေးပြောကြသည်။

လေ့ကျန်းရှန်သည် သူ၏စစ်မှန်သောအစွမ်းကို ဖုံးကွယ်ထားသည်ဟု သူတို့ကိုယ်သူတို့ ယုံကြည်လာချိန်တွင် ချူကျီယန်သည်လည်း အလားတူလုပ်ဆောင်နေကြောင်း ထုတ်ဖော်ပြောကြားခဲ့သည်။

"သူမလည်း ဝိညာဉ်ဖွဲ့စည်းမှု အလယ်အလတ်အဆင့်မှာ ရှိနေတာလား?"

"မဖြစ်နိုင်ဘူး.. ဘယ်လိုဖြစ်နိုင်မှာလဲ။အရင်နဂါးနှင့်ဖီးနစ်ပြိုင်ပွဲမှာ သူက ဝိညာဉ်ဖွဲ့စည်းမှု အစောပိုင်း အဆင့်ပဲ ရှိခဲ့တယ်။ ယခု နှစ်ယောက်လုံးက”

"ဒီပွဲစဉ်ရဲ့ အနိုင်ရသူက နောက်ဆုံးမှာ ပြိုင်ပွဲရဲ့ အနိုင်ရသူဖြစ်လာနိုင်တယ်။"

ကွင်းထဲ၌ ချူကျီယန်မျက်လုံးများက သံမဏိလို တောက်ပနေ၏ သူမ ဓားသည် တစ်ဖန်ပြန်လည်မြင့်တက်လာပြီး နောက်အသက်ရှူတဖြတ်မှာတော့

ရွှမ်

သူမလှုပ်ရှားလိုက်၏

ချူမိသားစု၏ မြေကမ္ဘာအဆင့်နည်းစနစ် ထပ်မံထွက်ပေါ်လာပေမဲ့ သူမကျင့်ကြံမှု၏ အပြည့်အဝအနက်ကို ပေါင်းစပ်လိုက်သည့်အခါ သူမဓားသည် လေကို ဖြတ်တောက်သော လှိုင်းလုံးကြီးတစ်ခုလိုပင်

လေထုသည် လှိုင်းထသွားပြီး သူမ၏ ရိုက်ခတ်မှုအောက်တွင် မြေပြင်က အက်ကွဲသွားသည်။

လေ့ကျန်းရှန်သည် ထိပ်တိုက် တွေ့လိုက်သည်

ဘုန်း ဘုန်း ဘုန်း

သူ့ဓားမှ မိုးကြိုးပစ်သံများ ထွက်ပေါ်လာပြီး သူမ စွမ်းအင်များကို ဖန်ခွက်လို ကွဲကြေစေခဲ့သည်။

သူ့ တိုက်ခိုက်မှုကို တားဆီးရုံတင်မက ။ ပျံသန်းနေစဉ်မှာပင် သူမ နည်းစနစ်များကို ဆုတ်ဖြဲပြီး အန္တရာယ်မရှိသော ချီစွမ်းအင်

အဖြစ် ပြိုကွဲစေသည်။

"ဒါပေမယ့်..." သူက ကွဲအက်နေသော ဓားအလင်းမုန်တိုင်းကို ဖြတ်ကျော်ရင်း ပြောလိုက်၏ "မင်းရဲ့ နည်းစနစ်က စွမ်းအားမရှိဘူး။ အဲဒါက မင်းရဲ့ ကျဆုံးမှုပဲ”

သူ့ စကားလုံးများက တူနဲ့ ထုလိုက်သလို ကျရောက်လာ၏

ပရိသတ်သည် ခက်ထန်သော အကြည့်တွေနဲ့ ဖလှယ်လိုက်ကြ၏

"သူပြောတာ မှန်တယ်။ ကောင်းကင်အဆင့် နည်းစနစ်မရှိရင် သူမက သူ့ကို ဘယ်တော့မှ အနိုင်မယူနိုင်ဘူး။"

"သူမက မြန်ဆန်တယ်၊ သူမ သန်မာတယ်၊ ဒါပေမယ့် လေ့ကျန်းရှန်ရဲ့ အခြေခံက ကြောက်စရာကောင်းတယ်။ သူ့မှာ နီညိုရောင် မိုးကြိုးနန်းတော်ရဲ့ ကောင်းကင်အဆင့် နည်းစနစ်တွေထဲက တစ်ခုရှိတယ်။"

"သူ အဲဒါကို သုံးရင် ပြီးပြီ”

မည်သို့ပင် လူနှစ်ယောက်၌ အရည်အချင်းတူတောင် နောက်ခံက ကွာခြားမှုတစ်ခု ဖြစ်စေသည်။

လေ့ကျန်းရှန်သည် နီညိုရောင် မိုးကြိုးနန်းတော်၏ အမွေဆက်ခံသူဖြစ်သောကြောင့် သူသင်ကြားရသော နည်းစနစ်များသည် ချူမျိုးနွယ် သို့မဟုတ် ကောင်းကင်ဓားဂိုဏ်းတွင် သင်ယူနိုင်သော မည်သည့်နည်းစနစ်ထက်မဆို များစွာသာလွန်မည်ဖြစ်သည်။

စင်မြင့်ပေါ်တွင် လေ့ကျန်းရှန်၏ဓားသည် ကျဆင်းလာပြီး သူ၏လွတ်နေသောလက်သည် ရှုပ်ထွေးသောတံဆိပ်တစ်ခုအဖြစ် ကွေးညွှတ်သွားသည်။

ခရမ်းရောင်လျှပ်စီးကြောင်းသည် နက်ရှိုင်းလာပြီး မှောင်မိုက်လာသည်အထိ ရွေ့လျားသွားကာ သွေးနီရောင် မိုးကြိုးများသည် အသက်ရှင်သောနဂါးတစ်ကောင်ကဲ့သို့ သူ့ပတ်လည်တွင် ရစ်ပတ်လာသည်။

ဖိနှိပ်သောဖိအားသည် နှစ်ဆ၊ သုံးဆတိုးလာကာ ပရိသတ်တိုင်း၏ အဆုတ်ကို ဖိစီးနေသည်။

"ဒါ..." စင်မြင့်ပေါ်ရှိ အကြီးအကဲတစ်ဦးက တိုးတိုးလေးပြောသည်၊ "ဒါပဲ။ နီညိုရောင် မိုးကြိုးနန်းတော်ရဲ့အပြင်းထန်ဆုံးနည်းစနစ်။"

လေ့ကျန်းရှန်၏အကြည့်သည် ချူကျီယန်ဆီ စိုက်ကြည့်နေသည်။

"ဂုဏ်ပြုကြလော့" သူ့အသံသည် မိုးကြိုးသံအောက်တွင် တိုးတိုးလေးဖြစ်သည်။

"မင်းက သုံးနှစ်အတွင်း ဒီနည်းစနစ်နဲ့ ပထမဆုံးကျရှုံးသူ ဖြစ်လိမ့်မယ်။"

ကွင်းတစ်ခုလုံး အသက်ရှူမဝတော့ပေ။

လေ့ကျန်းရှန်းအသံက မိုးကြိုးပစ်သလို ကျယ်လောင်စွာ ထွက်ပေါ်လာ၏

"ကြက်သွေးရောင် မိုးကြိုးဆင်းသက်”

ကွင်းအထက်က လေထုသည် မှောင်မိုက်သွားပြီး ဘယ်ကမှန်းမသိသော မိုးတိမ်များ ရုတ်တရက် ဆူပွက်လာ၏

ကြက်သွေးရောင် မိုးကြိုးသည် ကမ္ဘာပျက်ကိန်း မြွေများလို ဖြတ်သန်းသွားပြီး စက်ဝိုင်းတစ်ခုစီသည် သတ္တုလောင်ကျွမ်းမှု ရနံ့ကို သယ်ဆောင်လာ၏

သူ့ခြေထောက်အောက် မြေပြင်သည် မည်းနက်ပြီး အက်ကွဲနေကာ ဆံမျှင်သည် အရပ်မျက်နှာအားလုံးဆီ ပြေးလွှားနေ၏

တစ်လှမ်းတိုးလိုက်တာနဲ့ မုန်တိုင်းသည် သူနဲ့အတူ ရွေ့လျားလာ၏

စင်မြင့်ပေါ်မှ ကျင့်ကြံသူများသည် စူးရှသော အလင်းရောင်ကြောင့် မျက်စိဖူးသွားကြသည်။

သို့သော် ချူကျီယန်သည် အချိန်ဖြုန်းခြင်း မရှိပေ။

သူမ၏ ရပ်တည်ချက် ပြောင်းလဲသွားပြီး သူမ၏ ဓားကို ရင်ဘတ်နှင့် နီးကပ်အောင် ဆွဲယူလိုက်ကာ ချီသည် သူမ၏ စွမ်းအင်သွေးကြောများမှတစ်ဆင့် အဆက်မပြတ် စီးဆင်းသွားသည်။

ကွင်း၏ ကွဲအက်နေသော ကြွေပြားများသည် သူမ၏ ခြေထောက်အောက်တွင် တုန်ခါသွားပြီး သူမပတ်လည်တွင် ပြီးပြည့်စုံသော လက်စွပ်တစ်ခုအဖြစ် ဖွဲ့စည်းနေသည်။

လေကျန်းရှန်၏ အကြည့်သည် ထက်မြက်လာပြီး ပြုံးစိစိ ဖြစ်လာသည်။

"မင်း ပြင်ဆင်နေတုန်းလား။ မိုက်မဲလိုက်တာ.. ငါ့ရဲ့ နီညိုရောင်မိုရကြိုးဆင်းသက်မှုက ကောင်းကင်အောက်မှာ အဖျက်ဆီးနိုင်ဆုံး ပညာရပ်ပဲ ။ မင်း ဒါကို ကာကွယ်ဖို့ ဘာမှ မရှိဘူး။ မင်း အချိန်ဖြုန်းနေတာပဲ”

သူ ဓားကို မြှောက်လိုက်ပြီး မိုးကြိုးပစ်သံများ ပိုမို ကျယ်လောင်စွာ ထွက်ပေါ်လာကာ ကောင်းကင်၏ အမျက်ဒေါသကဲ့သို့ ဖိချလိုက်သည်။

ထောင့်တစ်နေရာတွင် ဒိုင်လူကြီး၏ မျက်ခုံးများ တွန့်ကွေးသွားသည်။

သူ ချူကျီယန်ကို ကယ်တင်ရန် ပြင်ဆင်နေပြီး မြန်ဆန်ရန် လိုအပ်သည်။ သူ တစ်စက္ကန့်လေး နှောင့်နှေးရင် ရလဒ်က ဘာဖြစ်မည်ကို မည်သူမျှ မသိပေ

သူမ ကိုယ့်ကိုယ်ကိုယ် မကာကွယ်နိုင်ပါက တိုက်ခိုက်မှုသည် သူမကို အားနည်းသွားစေလိမ့်မည် - ဒါမှမဟုတ် ပိုဆိုးသွားစေမည်သာ

သို့သော် သူ၏ ဝိညာဉ်ခွဲခြမ်းစိတ်ဖြာခြင်းအဆင့်နှင့်ပင် နီညိုရောင်မိုးကြိုးဆင်းသက်လာမှုကို ကိုင်တွယ်ရန် မလွယ်ကူပေ

သို့သော်

ချူကျှယန်ဆီမှ ချီစွမ်းအင်တစ်ခု ထွက်ပေါ်လာပြီး ရိုင်းစိုင်းသော်လည်း သန့်စင်ထားကာ ထက်မြက်နေ၏

လေသည် သူမပတ်လည်တွင် အော်ဟစ်နေပြီး လေထဲ၌ တလက်လက်တောက်ပနေသော မရေမတွက်နိုင်သည့် ဓားပုံသဏ္ဍာန်အဖြစ် စုစည်းသွားကာ ၎င်းတို့၏အနားများသည် တစ်ပြိုင်နက်တည်း တုန်ခါနေသည်။

သူမ၏နှုတ်ခမ်းများ ကွဲကွာသွားသည်။

"ကောင်းကင်ဖြတ်တောက်ခြင်း ဒီရေ”

ဓားအလင်းရောင်သည် အဆုံးမဲ့သမုဒ္ဒရာကဲ့သို့ ထွက်ပေါ်လာပြီး လှိုင်းတစ်ခုစီသည် ယခင်လှိုင်းများထက် ပိုမိုမြင့်မားပြီး ပိုမိုထက်မြက်ကာ လေ့ကျန်းရှန်၏မုန်တိုင်းဆီသို့ တည့်တည့်ရည်ရွယ်သည့် တစ်ခုတည်းသော မျက်စိကျိန်းဖွယ်ကောင်းစရာ စက်ဝိုင်းတစ်ခုအဖြစ် ပေါင်းစည်းသွားသည်။

မြင့်မားသောထိုင်ခုံများရှိ အကြီးအကဲများသည် ရှေ့သို့ ခုန်တက်သွားကြသည်။

"အဲဒါက..."

"ကောင်းကင်အဆင့် နည်းစနစ်တစ်ခုလား”

"ချူမျိုးနွယ်မှာ ဘာမှမရှိဘူးလို့ ငါထင်တယ်။ သူမ ဒါကို ဘယ်ကသင်ယူခဲ့တာလဲ?"

"အဲဒါလည်း ကောင်းကင်ဓားဂိုဏ်းက နည်းစနစ်တစ်ခု မဟုတ်ဘူးလို့ ထင်ရတယ်။"

အစွမ်းထက်သော အကြီးအကဲ အများအပြားသည် စွမ်းအားတစ်ခုတည်းကနေ နည်းစနစ်အဆင့်ကို မြန်မြန်ဆန်ဆန် ခွဲခြားသိရှိနိုင်ပြီး သူတို့အများစုသည် ကောင်းကင်အင်ပါယာရှိ ကောင်းကင် နည်းစနစ်အားလုံးနီးပါးနှင့် ရင်းနှီးပြီးသားဖြစ်သည့်တိုင် ချူကျီယန် အသုံးပြုခဲ့သော နည်းစနစ်ကို တစ်ခါမှ မမြင်ဖူးပေ

တစ်ဖက်မှာတော့ ပိုင်ကျီဟန်သည် ထိုနည်းစနစ်ကို ဘယ်ကရကြောင်း သိပြီး တည်ငြိမ်စွာထိုင်နေခဲ့သည်။

ရှေးဟောင်းအပျက်အစီး

သူမသည် သူ့လို တခြား ၉ ယောက်နဲ့အတူ ကောင်းကင်အဆင့် နည်းစနစ်ကို ကျွမ်းကျင်ခဲ့သည်။ ထိုနည်းစနစ်ကို သူမ ရှေးဟောင်းအပျက်အစီးတွေကနေ ရခဲ့တာ သေချာ၏

အောက်မှာတော့ လေ့ကျန်းရှန်၏ ယုံကြည်မှုရှိသော အပြုံးဟာ ခဏတာ ရပ်တန့်သွားခဲ့သည်။

ရဲရဲတောက် မိုးကြိုးနှင့် သမုဒ္ဒရာဓားအလင်းသည် ကွင်းအလယ်ဗဟို၌ ဆုံတွေ့ခဲ့သည်။

ထို့နောက် ကမ္ဘာကြီး တုန်လှုပ်သွားခဲ့သည်။