လွတ်လပ်သောနေ့

ယနေ့တွင် မြူခိုးနေထိုင်သူများ အဖွဲ့အစည်းသည် အလွန်အဆင့်မြင့်သော အစည်းအဝေးတစ်ရပ်ကို ကျင်းပခဲ့ကြသည်။

တက်ရောက်လာသူအားလုံးမှာ အနန္တအမှောင်ထုအဆင့် ကျွမ်းကျင်သူများဖြစ်ကြပြီး အချို့မှာ မြူခိုးသမုဒ္ဒရာ၏ အရေးပါသော ကဏ္ဍအသီးသီးကို တာဝန်ယူထားရသည့် အုပ်ချုပ်သူများ ဖြစ်ကြသည်။

"လူအိုကြီးကျန်း၊ ဒီတစ်ကြိမ်မှာ ဘာလို့ဒီလောက်ထူးဆန်းနေတာလဲ၊ ငါတို့အဖွဲ့ ဒီလို အစည်းအဝေးမျိုး မလုပ်ဖြစ်တာ ‌ဘယ်လောက်ကြာခဲ့ပြီလဲ။ခုတော့ 'ကောင်းကင်လျှို့ဝှက်ချက်' အဆင့်အစည်းအဝေးတောင် ဖြစ်နေပြီ" ဟု အကြီးအကဲတစ်ဦးက ဆိုသည်။

"မှန်တယ်၊ နှစ်ပေါင်းများစွာ ကြာမြင့်ခဲ့ပြီ" ဟု အခြားအကြီးအကဲတစ်ဦးကလည်း ခေါင်းညိတ်ထောက်ခံရင်း တိုးညှင်းစွာ ဆိုသည်။

ဤအစည်းအဝေးမှာ ရုတ်တရက် ပေါ်ပေါက်လာခြင်းဖြစ်ပြီး ကြိုတင်သတင်းပေးချက် တစ်စုံတစ်ရာမျှ မရှိခဲ့သဖြင့် အခြေအနေမှာ အလွန်ပင် ဆန်းကြယ်နေတော့သည်။

"ဘယ်လိုအရေးကြီးကိစ္စကြောင့် ဒီလိုအဆင့်မြင့်တဲ့ အစည်းအဝေးကို ခေါ်ယူရတာလည်း"

"ခင်ဗျားတို့ရော ဘယ်လိုထင်ကြလည်း။ ကျောက်တိုင်နက်ရဲ့ပျက်စီးခြင်းနယ်မြေ မှာ ကျော်ကြားနေတဲ့ အဲ့လူငယ်နဲ့ ပတ်သက်နေတာလား" ဟု ဘေးနားမှ အသံတစ်သံက ကြားဖြတ်ပြောဆိုလာသည်။

"ရှေးဟောင်းနတ်ဘုရား ပါရမီရှင်နဲ့ ယှဉ်နိုင်တဲ့ အဲ့ဒီလူငယ်လား" ထိုစကားကို ကြားလိုက်ရချိန်တွင် ပတ်ဝန်းကျင်ရှိ လူများ၏ မျက်နှာအမူအရာများမှာ ချက်ချင်းပင် ပြောင်းလဲသွားကြသည်။

ရှေးဟောင်းနတ်ဘုရားနှင့် ယှဉ်နိုင်သည်ဟူသော စကားမှာ အမြင့်ဆုံးသော ချီးကျူးဂုဏ်ပြုမှုပင် ဖြစ်သည်။

လူအများ၏ စိတ်ထဲတွင် ရှေးဟောင်းနတ်ဘုရားဟူသည် ကျော်ဖြတ်ရန် မဖြစ်နိုင်သော တောင်ကြီးများသဖွယ်ဖြစ်ပြီး ကျင့်စဉ်လောက၏ အထွတ်အထိပ်လည်း ဖြစ်သည်။

၎င်းတို့အားလုံးသည် ရှေးဟောင်းနတ်ဘုရားချောက်နက်အတွင်း၌ နတ်ဘုရားတို့၏စိတ်ဆန္ဒများကို ရင်ဆိုင်ဖူးကြသည်။

ထိုအရာမှာ စိတ်ကူးပုံရိပ်တစ်ခုမျှသာ ဖြစ်သော်လည်း ၎င်းတို့အပေါ် သက်ရောက်သည့် ဖိအားမှာ တောင်ကြီးတစ်လုံးနှင့် ဖိနှိပ်ထားသကဲ့သို့ ပြင်းထန်လှသည်။

၎င်းမှာ သက်ရှိအဆင့်အတန်းချင်း ကွာခြားမှုကို ထင်ရှားစွာ ပြသနေခြင်းပင် ဖြစ်သည်။

"ဒသမမြောက် ပါရမီရှင် ချန်ထားခဲ့တဲ့ ရှေးဟောင်းနတ်ဘုရားရဲ့စိတ်ဆန္ဒက အဖျက်ဆီးခံလိုက်ရတားမဟုတ်ဘဲ ငါတို့မမြင်သေးတာပဲ ဖြစ်မယ်" ဟု လူတစ်စုက သက်ပြင်းချရင်း ဆိုကြသည်။

"ရွေးချယ်ခံရသူကို ရှာတွေ့သွားပြီလား။ ဒါပေမဲ့ ပါရမီရှင်တစ်ဦးတည်းအတွက်နဲ့ 'ကောင်းကင်အဆင့်' အစည်းအဝေးကြီးအထိ ကျင်းပတာက အနည်းငယ် အလျင်စလို ဖြစ်မနေဘူးလား" ဟု အချို့က ဝေဖန်နေကြသည်။

အကယ်၍ ထိုအကြောင်းကြောင့်သာဆိုလျှင် ၎င်းမှာ ဟာသတစ်ခုသဖွယ် ဖြစ်နေပေလိမ့်မည်။

သူသည် ပါရမီရှင်တစ်ဦးသာ ဖြစ်သေးသဖြင့် ပြုစုပျိုးထောင်ပေးရုံနှင့် လုံလောက်သည်ဟု ၎င်းတို့က ယူဆနေကြခြင်း ဖြစ်သည်။

ထိုစဉ် အရှိန်အဝါအချို့သည် လျှို့ဝှက်အစည်းအဝေးခန်းမအတွင်းသို့ ဖြည်းညှင်းစွာ ဝင်ရောက်လာကြသည်။

ခန်းမအတွင်း၌ အနက်ရောင်မြူခိုးများ ဖုံးလွှမ်းနေပြီး သတင်းမပေါက်ကြားစေရန် အစီရင်ခံတစ်ခုကိုလည်း ခိုင်ခံ့စွာ ချထားသည်။

ထိုအရှိန်အဝါများမှာ နတ်ဘုရားတမန်တော်များ ပင် ဖြစ်သည်။

၎င်းတို့၏ အသိစိတ်များသည် ကောင်းကင်မှ စောင့်ကြည့်နေသော မျက်လုံးကြီးများသဖွယ် ခန်းမအတွင်းရှိ အရာအားလုံးကို စောင့်ကြည့်နေကြသည်။

"နတ်ဘုရားတမန်တော် အရှင်သခင်တို့..." ဟု တက်ရောက်လာသူများက ရိုသေစွာ နှုတ်ဆက်လိုက်ကြသော်လည်း ရင်ထဲတွင်မူ တုန်လှုပ်နေကြသည်။

နတ်ဘုရားတမန်တော် ဟူသည် မြူခိုးသမုဒ္ဒရာ၏ အထင်ကရ ပုဂ္ဂိုလ်များဖြစ်ပြီး သတ်ဖြတ်ခြင်းနည်းစနစ်ကို ကျွမ်းကျင်ထားကြသူများ ဖြစ်သည်။

ထိပ်တန်း နတ်ဘုရားတမန်တော် သုံးဦးဆိုလျှင် ရှေးဟောင်းနတ်ဘုရားတို့၏ စိတ်ဆန္ဒကိုပင် လွမ်းမိုးထားကြသူများ ဖြစ်သည်။

ယခုတွင် နတ်နတ်ဘုရားတမန်တော် ကိုးဦးအနက် ခုနစ်ဦး၏အသိစိတ်များ ရောက်ရှိလာခြင်း ဖြစ်သည်။

၎င်းတို့၏ ခန္ဓာကိုယ်များသည် နတ်ဘုရားချောက်နက်ကို ဖိနှိပ်ထားရသော်လည်း အသိစိတ်ကိုမူ ဤနေရာသို့ စေလွှတ်ခဲ့ခြင်းဖြစ်သည်။

ထိုစဉ် ချင်းရွှမ် သည် ခန်းမအတွင်းသို့ ဖြည်းညှင်းစွာ လမ်းလျှောက်ဝင်လာသည်။

သူ၏ပြင်းထန်လှသော အရှိန်အဝါကြောင့် ခန်းမအတွင်းရှိ လူများမှာ ဖိအားကို အကြီးအကျယ် ခံစားလိုက်ရတော့သည်။

"ဒီနေ့ အစည်းအဝေးရဲ့ အဓိကရည်ရွယ်ချက်က ကိစ္စရပ်တစ်ခုကို ကြေညာဖုံ့ပဲဖြစ်တယ်" ဟု ငွေရောင်အမှတ်အသား တမန်တော်ဖြစ်သူ ချင်းရွှမ်က ဆိုလိုက်သည်။

လူတိုင်း ငြိမ်သက်သွားပြီး သူပြောမည့်စကားကို အာရုံစိုက်နေကြသည်။

ချင်းရွှမ်က လူအုပ်ကို ဝေ့ကြည့်လိုက်ပြီးနောက် -

"ဒီနေ့ အစည်းအဝေးရဲ့အဓိက အကြောင်းအရာက 'ဒသမမြောက်အဆင့်'ကို ဖွင့်လှစ်လိုက်ခြင်းပဲဖြစ်တယ်" ဟု ဆိုလိုက်သည်။

ထိုစကားကြောင့် အားလုံး ထိတ်လန့်သွားကြသည်။

ဒသမမြောက်အဆင့်ကို ဖွင့်လှစ်သည်ဆိုသည်မှာ လူတစ်ဦးသည် အနန္တအမှောင်ထုအဆင့်သို့ ရောက်ရှိပြီး သတ်ဖြတ်ခြင်းနည်းစနစ်ကို နားလည်သွားပြီဟု အဓိပ္ပာယ်ရသည်။

၎င်းမှာ အလွန်ပင် ရှားပါးလှသော အခြေအနေဖြစ်သည်။

"မှန်တယ်၊ ခင်ဗျားတို့အားလုံး 'ဒသမမြောက် နတ်ဘုရားတမန်တော်' အကြောင်းကို ကြားဖူးကြလိမ့်မယ်။ အဲ့ဒီသူက ရှန်းချန်ကော ပဲဖြစ်တယ်"

ရှန်းချန်ကော ဟူသော နာမည်မှာ လူအများအတွက် အလွန်စိမ်းသက်နေသည်။

မြူခိုးနေထိုင်သူများထဲတွင် ဤနာမည်မျိုးနှင့် ထိပ်တန်းအဆင့်ရှိသူ မည်သူရှိသနည်းဟု ၎င်းတို့က သံသယဝင်နေကြစဉ် ချင်းရွှမ်က နောက်ထပ် ဗုံးတစ်လုံးကို ခွဲလိုက်ပြန်သည်။

"ကျောက်တိုင်နက်ပျက်သုဉ်းခြင်းနယ်မြေအတွင်းက ဒီလူငယ်က အခုချိန်မှာ ၁၀ ယောက်မြောက် နတ်ဘုရားတမန်တော် ဖြစ်လာပါပြီ"

"ဘယ်လို... ဒါ ဘယ်လိုဟာသမျိုးလဲ" ဟု လူအုပ်ထဲမှ အသံများ ထွက်ပေါ်လာပြီး စိတ်လှုပ်ရှားသွားကြသည်။

လူငယ်လေးတစ်ဦးက နတ်ဘုရားတမန်တော်ဖြစ်လာမည်ဟူသည်မှာ မယုံနိုင်စရာပင် ဖြစ်နေတော့သည်။

"သူက သတ်ဖြတ်ခြင်းနည်းစနစ်ကို ကျွမ်းကျင်ထားပြီးဖြစ်တယ်။ သူက အနန္တအမှောင်ထုအဆင့်ကို မရောက်ရှိသေးပေမဲ့ အဲ့ဒီအဆင့်က နတ်ဘုရားတမန်တော်တစ်ဦးကို သတ်ဖြတ်ခဲ့ပြီးပြီဖြစ်တယ်" ဟု ချင်းရွှမ်က အေးစက်စွာ ပြောလိုက်သည်။

ဤစကားမှာ လူတိုင်းကို တုန်လှုပ်သွားစေသည်။

"အထက်လူကြီးတွေက ဒီကိစ္စကို အာရုံစိုက်နေကြပြီဖြစ်တယ်။ မကြာခင်မှာ အရှင်သခင်တွေ ဆင်းသက်လာပြီး နတ်ဘုရားချောက်နက်တွေကို ခွဲဝေပေးတော့မယ်။ ဒီနေ့ အစည်းအဝေးက အသိပေးချက်တစ်ခုပဲဖြစ်တယ်။ ကဲ... အစည်းအဝေးကို ဒီနေရာမှာပဲ အဆုံးသတ်ပါပြီ"

တက်ရောက်လာသူများမှာ ဆုံးဖြတ်ချက်ချပိုင်ခွင့်မရှိဘဲ သတင်းကို နားထောင်ရုံသာ တတ်နိုင်ကြသည်။

နတ်ဘုရားတမန်တော်ဖြစ်လာမည့် လူငယ်လေးနှင့် ပတ်သက်၍ ၎င်းတို့၏ မျက်နှာများမှာ သိပ်မကောင်းလှပေ။

အထူးသဖြင့် ထိုသူမှာ ဓားသမားတစ်ဦး ဖြစ်နေခြင်းက ၎င်းတို့ကို ပို၍ မခံချင်စိတ် ဖြစ်ပေါ်စေသည်။

"သူက နတ်ဘုရားတမန်တော်ကို သတ်လိုက်တာလား" ဟု လူအချို့က မယုံကြည်နိုင်စွာ ရေရွတ်နေကြသော်လည်း အထက်လူကြီးများက ဤကဲ့သို့သော ကိစ္စမျိုးနှင့် နောက်ပြောင်မည်မဟုတ်ကြောင်းကိုလည်း သိရှိနေကြသည်။

"ဟမ့်... သူ 'ကြေးမှုံအလင်းတောင်'ကို ရောက်လာတဲ့အခါကြရင် သူက မြည်းလား၊ မြင်းလားဆိုတာကို ငါတို့သိရမှာပါ" ဟု မြူခိုးနေထိုင်သူများက အေးစက်စက် ဆိုကြသည်။

ကောင်းကင်တွင် ပျံဝဲနေသော နတ်ဘုရားတမန်တေယ်များ၏အသိစိတ်များမှာလည်း တစ်စုံတစ်ခုကို စဉ်းစားနေသကဲ့သို့ တိတ်ဆိတ်နေကြသည်။

"စိတ်ဝင်စားစရာပဲ.." ဟု ဒုတိယအဆင့် နတ်ဘုရားတမန်တော်တစ်ဦး၏ခမ်းနားလှသော အသံကြီးက ထွက်ပေါ်လာပြီးနောက် ၎င်းတို့အားလုံး ထွက်ခွာသွားကြသည်။

အနက်ရောင်ကျောက်တိုင်၏ပျက်သုဉ်းခြင်းနယ်မြေ ပြန်လည်ပွင့်လာချိန်တွင် ရှန်းချန်ကောသည် အပျက်အစီးများကြား၌ ခန့်ညားစွာ ရပ်နေသည်။

"ဒီယနေ့က လွတ်လပ်တဲ့နေ့လား" ဟု သူက ထူးဆန်းသော အမူအရာဖြင့် ရေရွတ်လိုက်သည်။

လွတ်လပ်သောနေ့တွင် သတ်မှတ်ထားသော မစ်ရှင်မရှိသဖြင့် သူသည် အနက်ရောင်ကျောက်တိုင်၏ပျက်သုဉ်းခြင်းနယ်မြေအတွင်း၌ စိတ်ကြိုက် လှုပ်ရှားနိုင်သည်။

"စိတ်ဝင်စားစရာပဲ... တကယ်ကို စိတ်ဝင်စားစရာကောင်းတယ်"

ရှန်းချန်ကောသည် အပျက်အစီးနယ်မြေအတွင်း၌ လမ်းလျှောက်ရင်း ပြဿနာအချို့ရှာရန် ဆုံးဖြတ်လိုက်သည်။

သူက ဓားဖြင့် လေထဲသို့ ခုတ်ပိုင်းလိုက်ရာ ဓားအလင်းတန်းမှာ ကောင်းကင်တွင် ကျန်ရစ်နေခဲ့သည်။

၎င်းက လူများစွာ၏အာရုံကို ဆွဲဆောင်သွားတော့သည်။

"သူပဲ... သူ ဘာကိုများလုပ်ချင်နေတာလဲ။ ဓားအလင်းတန်းတွေကို ထပ်မံ ထုတ်လွှတ်နေပြန်ပြီလား"

ဤနေ့တွင် တပည့်များက စံချိန်ချိုးရန် ကြိုးစားနေကြသော်လည်း ရှန်းချန်ကောကမူ ဓားအလင်းတန်း၏စွမ်းအားကို ဆက်လက်ထုတ်ဖော်နေသည်။

ခဏအကြာတွင် ဓားအလင်းတန်း ပျောက်ကွယ်သွားသဖြင့် လူအချို့က သက်ပြင်းချလိုက်ကြသည်။

သူ၏ပါရမီမှာ ကြောက်စရာကောင်းသော်လည်း ယခုမူ သူသည် အနည်းငယ် မောက်မာနေသည်ဟု ၎င်းတို့က ထင်မြင်နေကြသည်။

သို့သော် မကြာမီတွင် ရှန်းချန်ကောသည် တစ်ချက်ပြီးတစ်ချက် ထပ်ခါတလဲလဲ ခုတ်ပိုင်းလိုက်ပြန်သည်။

သူ၏ဓားချက်တစ်ချက်ချင်းစီသည် အရင်ထက် ပိုမို၍ အစွမ်းထက်လာနေပေတော့သည်။