ချေမှုန်းနိုင်သော စွမ်းအား

လွန်ခဲ့တဲ့ နှစ်အနည်းငယ် အတွင်း ဝူချင်းစစ် ဟာ အသက်နဲ့ သေမင်း ကြားမှာ အမြဲ ရှိနေခဲ့ပြီး အန္တရာယ် ရှိတဲ့ နေရာတိုင်းကို ပြေးလွှားနေခဲ့ရတယ်လို့ ပြောလို့ ရလေသည်။

ဥပမာ လျန်ပြည်နယ် က လက်ကျန် အင်အားစုတွေကို နှိမ်နင်းတဲ့ အခါ သူက ရှေ့တန်းမှာ အမြဲ ရှိနေခဲ့လေသည်။

သူ့ပြိုင်ဘက်ရဲ့ ကျင့်ကြံခြင်း အဆင့်က အနက်ရောင်ဧကရာဇ် နယ်ပယ် အောက်မှာ ရှိနေသရွေ့ သူ မတိုက်ခိုက်ရဲတဲ့သူ ဆိုတာ မရှိပေ။

နှစ်တွေ ကြာလာတာနဲ့ အမျှ သူ့ရဲ့ တိုက်ပွဲ အတွေ့အကြုံတွေက ပိုကြွယ်ဝလာပြီး တပြိုင်နက်တည်းမှာ သူ့အတွက် ပြိုင်ဘက်တွေ ပိုပို ရှားပါးလာခဲ့လေသည်။

တူညီတဲ့ နယ်ပယ် အတွင်းမှာ မုကျူရီ တစ်ယောက်သာ သူ့ကို ယှဉ်နိုင်ဖို့ ကြိုးစားနိုင်လေသည်။

အချိန်အများစုမှာ တိုက်ပွဲကောင်း တစ်ပွဲ လိုချင်ရင် သူ့ပြိုင်ဘက် အဖြစ် အနက်ရောင်ဘုရင် တစ်ပါးကို သူ ရှာဖွေရလေသည်။

ဒါကြောင့် ကူချင်းဟွမ်း ရဲ့ စွမ်းအားအပြည့် တိုက်ခိုက်မှုကို ချူယန်ဇယ် က အလွယ်တကူ ဖမ်းမိခဲ့တယ်လို့ ကြားလိုက်ရတဲ့ အခါ စစ်သည်တော် မျိုးနွယ်စုဝင် တစ်ယောက် အနေနဲ့ သူ့သွေးတွေ... အာ မဟုတ်ဘူး တိုက်ပွဲရူးသွပ်သူ တစ်ယောက် အနေနဲ့ သူ့သွေးတွေ ချက်ချင်း ဆူပွက်လာခဲ့လေသည်။

ဒါပေမဲ့ ကူချင်းဟွမ်း ရဲ့ ခွန်အားကိုလည်း သူ အလွန် ရှင်းလင်းစွာ သိထားလေသည်။

သူ့ဆီက စွမ်းအားအပြည့် တိုက်ခိုက်မှု တစ်ခုကို လက်ခံဖို့ ဆိုတာ ဝူချင်းစစ် အတွက်လည်း လွယ်ကူတဲ့ ကိစ္စ မဟုတ်ပေ။

ဒါကြောင့် "အလွယ်တကူ" ဆိုတဲ့ စကားလုံးကို ချူယန်ဇယ် သုံးနိုင်တယ် ဆိုကတည်းက ကူချင်းဟွမ်း ထက် အများကြီး သာလွန်တဲ့ ခွန်အားကို သူ တကယ် ပိုင်ဆိုင်ထားတယ် ဆိုတဲ့ အဓိပ္ပာယ် ဖြစ်လေသည်။

ဒီအခြေအနေအောက်မှာ ချူယန်ဇယ် ရဲ့ ခွန်အားက သူ့ထက်တောင် အများကြီး သာလွန်နေဖို့ ရှိတယ်လို့ ဝူချင်းစစ် ခန့်မှန်းမိလိုက်လေသည်။

ပြီးတော့ ဒါက သူ့သွေးတွေကို ပိုလို့တောင် ဆူပွက်စေခဲ့လေသည်။

လူနဲ့ ပိုပို ဝေးကွာလာနေတဲ့ ချူယန်ဇယ် ရဲ့ ခန္ဓာကိုယ်ထဲမှာ ဘယ်လို စွမ်းအားမျိုးတွေ ပါဝင်နေလဲ ဆိုတာ သူ ကိုယ်တိုင် တွေ့ကြုံခံစားချင်စိတ် ပြင်းပြလာခဲ့လေသည်။

"ညီလေးချူ မင်းရဲ့ စွမ်းအားအပြည့်နဲ့ တခြားသူ တစ်ယောက်ကို တိုက်ခိုက်ဖို့ ကြိုးစားပြီးပြီလား"

ချူယန်ဇယ် ခေါင်းခါပြီး ပြန်ဖြေလိုက်လေသည်။

"မလုပ်ရသေးပါဘူး ဒါပေမဲ့ ဆရာက ကျွန်တော်နဲ့ တိုက်ခိုက်ဖို့ တစ်ယောက်ယောက် ရှာပေးမယ်လို့ ပြောထားတယ်"

'ကြည့်ရတာ ဆရာ ပြောတဲ့သူက ငါ မဟုတ်လောက်ဘူး ထင်တယ်...'

ဒါကို တွေးမိပြီး ဝူချင်းစစ် နည်းနည်း စိတ်ပျက်သွားပေမယ့် ချူယန်ဇယ် က လက်ရှိ သူ့ထက် ပိုသန်မာတယ်လို့ ဆရာ ယုံကြည်ထားကြောင်း အတည်ပြုလိုက်နိုင်လေသည်။

ပြီးတော့ ဆရာ့ရဲ့ ဆုံးဖြတ်ချက်နဲ့ ပတ်သက်ရင် သူ နည်းနည်းလေးမှ သံသယ ဝင်မှာ မဟုတ်ပေ။

ဒါပေမဲ့ ချူယန်ဇယ် ဘယ်လောက် သန်မာလဲ ဆိုတာ သူ အလွန် သိချင်နေတုန်း ဖြစ်လေသည်။

ဒါကြောင့် မျက်လုံး ကစားလိုက်ပြီး တစ်ဖက်လူကို မထိခိုက်စေဘဲ ယှဉ်ပြိုင်နိုင်မယ့် နည်းလမ်း တစ်ခု သူ စဉ်းစားလိုက်မိလေသည်။

"ညီလေးချူ ရိုးရိုးသားသား ပြောရရင် အခု မင်း ဘယ်လောက် သန်မာလဲ ဆိုတာ ငါလည်း အရမ်း သိချင်နေတယ် ငါတို့ လက်မောင်းလှဲပြီး ခွန်အား ပြိုင်ကြရင်ရော ဘယ်လိုလဲ"

"ဒါက..."

ချူယန်ဇယ် သူ့ညာလက်ကို ကြည့်လိုက်လေသည်။

ရိုးရိုးသားသား ပြောရရင် ချူယန်ဇယ် ယုံကြည်မှု မရှိပေ။

ပထမ အချက်က ဒီခန္ဓာကိုယ် အသစ်နဲ့ လိုက်လျောညီထွေ ဖြစ်နေပြီ ဆိုပေမယ့် တစ်ယောက်ယောက်နဲ့ မယှဉ်ပြိုင်ဖူးသေးလို့ သူ တကယ် ဘယ်လောက် သန်မာလဲ ဆိုတာ သူ မသိပေ။

ဘာလို့လဲဆိုတော့ သူက အဆိပ်ကောင် လမ်းစဉ်ကို ကျင့်ကြံတာ ဖြစ်ပြီး တခြား ကျင့်ကြံသူတွေလို သူ့ကျင့်ကြံခြင်း နယ်ပယ် အကြောင်း ရှင်းရှင်းလင်းလင်း မသိနိုင်ဘူးလို့ ဆရာက သူ့ကို ပြောပြထားလို့ ဖြစ်လေသည်။

ဒုတိယ အချက်က အစ်ကိုကြီးဝူ ဘယ်လောက် သန်မာလဲ ဆိုတာ သူ မသိပေ။

ပြီးခဲ့တဲ့ တစ်ခေါက် အစ်ကိုကြီးကူ ကို နာကျင်စေခဲ့သလို အစ်ကိုကြီးဝူ ရဲ့ သိက္ခာကို ထိခိုက်စေမိရင် သူ တကယ် ရှက်ရွံ့မိမှာ ဖြစ်လေသည်။

ချူယန်ဇယ် တွန့်ဆုတ်နေတာ မြင်တော့ ဝူချင်းစစ် ပြုံးပြီး ပြောလိုက်လေသည်။

"စိတ်မပူပါနဲ့ မင်းရဲ့ စွမ်းရည်တွေ အကြောင်း ဆရာ့ဆီကနေ ငါ ကြားပြီးသားပါ မင်းကို နိုင်မယ်လို့ ငါ ဘယ်တုန်းကမှ မတွေးဖူးပါဘူး ငါ စမ်းကြည့်ချင်ရုံပါ"

အစ်ကိုကြီးဝူ ဒီလို ပြောလာတော့ သူ လက်မခံရင် သူ့အစ်ကိုကြီး ကို အထင်သေးရာ ရောက်မယ်လို့ ချူယန်ဇယ် ခံစားလိုက်ရလေသည်။

ဒါကြောင့် လက်သီးဆုပ်ပြီး သူ့ခွန်အားကို ချိန်ညှိဖို့ ကြိုးစားကာ အစ်ကိုကြီးဝူ ဘက် လက်သီးဆုပ်ပြီး ပြောလိုက်လေသည်။

"ဒါဆို ညှာတာပေးပါ အစ်ကိုကြီး"

"ကောင်းပြီ အစ်ကိုကြီး ရှေ့မှာ ဒီလို အနှစ်သာရ မရှိတဲ့ ယဉ်ကျေးမှုတွေ မလုပ်နဲ့ နောက်ကျရင် အစ်ကိုကြီး ရှေ့မှာ ဒီလို ဘယ်တော့မှ မနေနဲ့ အစ်ကိုကြီးက ငါတို့ ပွင့်ပွင့်လင်းလင်း ပြောတာကို ကြိုက်တယ်"

"ဟုတ်ကဲ့ သင်ပြပေးတဲ့ အတွက် ကျေးဇူးတင်ပါတယ် အစ်ကိုကြီး"

ချူယန်ဇယ် ချက်ချင်း လက်သီးဆုပ်ပြီး ပြောလိုက်လေသည်။

"ကောင်းပြီ ဒါဆို ယှဉ်ပြိုင်ဖို့ လေ့ကျင့်ရေး ခန်းမဆောင် ကို သွားကြစို့ အဲ့ဒီက ပစ္စည်းတွေက ပိုခိုင်ခံ့တယ်"

"ဟုတ်ကဲ့"

ချူယန်ဇယ် ကို လေ့ကျင့်ရေး ခန်းမဆောင် ဆီ ခေါ်သွားပြီး ကိုးပါးသော နေမင်း ကျောက်တုံး နဲ့ ပြုလုပ်ထားတဲ့ စားပွဲ တစ်လုံးမှာ ဝူချင်းစစ် ထိုင်လိုက်ကာ ဖိတ်ခေါ်တဲ့ လက်ဟန် ပြုလုပ်ပြီး ပြောလိုက်လေသည်။

"ဒါက ငါ့ရဲ့ တစ်ကိုယ်ကောင်းဆန်တဲ့ တောင်းဆိုမှုပါပဲ ကျေးဇူးတင်ပါတယ် ညီလေးချူ"

အခုလေးတင် ထိုင်လိုက်တဲ့ ချူယန်ဇယ် က အမြန် လက်သီးဆုပ်ပြီး ပြောလိုက်လေသည်။

"အစ်ကိုကြီးဝူ က ချဲ့ကားပြောနေပါပြီ"

ဝူချင်းစစ် အနည်းငယ် ပြုံးလိုက်ပြီး ကျောက်စိမ်း စားပွဲပေါ် ညာလက် တင်ကာ နေရာယူလိုက်လေသည်။

"လာလေ"

"ဟုတ်ကဲ့"

အစ်ကိုကြီးဝူ ရဲ့ လက်ကို ဆုပ်ကိုင်ဖို့ ညာလက် ဆန့်ထုတ်လိုက်ပြီး ချူယန်ဇယ် အသက်ပြင်းပြင်း ရှူသွင်းလိုက်လေသည်၊ ဒီပြိုင်ပွဲက တကယ် ခက်ခဲလွန်းတယ်လို့ ခံစားနေရလေသည်။

ချူယန်ဇယ် ရဲ့ အခက်အခဲကို ဝူချင်းစစ် လည်း နားလည်တာကြောင့် ပြုံးပြီး ပြောလိုက်လေသည်။

"ငါက အားစိုက်မယ့်သူပါ ဒါပေမဲ့ မင်းလည်း ငါ့ကို အလျှော့မပေးနဲ့ မင်းမှာ ရှိသမျှ ခွန်အား အကုန်သုံး"

ဒါကို ကြားပြီးနောက် ချူယန်ဇယ် စိတ်ပိုင်းဆိုင်ရာ အများကြီး ပိုပေါ့ပါးသွားသလို ခံစားလိုက်ရလေသည်။

အနည်းဆုံးတော့ သူ့ခွန်အားကို မထိန်းချုပ်နိုင်မယ့် ပြဿနာ အတွက် စိတ်ပူစရာ မလိုတော့ပေ။

ဒါကြောင့် သူ ချက်ချင်း ခေါင်းညိတ်ပြီး ပြောလိုက်လေသည်။

"ဟုတ်ကဲ့ ကျွန်တော် အကောင်းဆုံး ကြိုးစားပါ့မယ်"

"ဒါဆို စကြရအောင်..."

ဝူချင်းစစ် စကားဆုံးတာနဲ့ စိမ်းပြာရောင် မိုးကြိုး ဝိညာဉ် စွမ်းအင်တွေ ပြင်းပြင်းထန်ထန် ပေါက်ကွဲထွက်လာပြီး သူ့ညာလက်ကို အမြန် ရစ်ပတ်လိုက်လေသည်။

ဒါက နှစ်ပေါင်းများစွာ တိုက်ခိုက်မှုတွေ ကနေတဆင့် သူ နားလည် သဘောပေါက်ခဲ့တဲ့ စုစည်း အားထုတ်မှု နည်းလမ်း တစ်ခု ဖြစ်လေသည်။

သူ့ခန္ဓာကိုယ်ရဲ့ အစိတ်အပိုင်း တစ်ခုတည်းမှာ အတွင်းအားကို စုစည်းလိုက်တာ ဖြစ်လေသည်။

တခြား အစိတ်အပိုင်းတွေရဲ့ ကာကွယ်နိုင်စွမ်း အားနည်းသွားနိုင်ပေမယ့် သူ့တိုက်ခိုက်မှုရဲ့ စွမ်းအားကို အမြင့်ဆုံး ဖြစ်စေနိုင်လေသည်။

တိကျတဲ့ အခြေအနေတွေမှာ အံ့ဖွယ် အကျိုးသက်ရောက်မှုတွေ ရှိလေသည်။

မိုးကြိုး ဝိညာဉ် စွမ်းအင် က သူ့ညာလက်မှာ အပြည့်အဝ စုစည်းသွားတဲ့ အခိုက်အတန့်မှာ ဝူချင်းစစ် သူ့ခွန်အားကို ရုတ်တရက် ထုတ်သုံးလိုက်လေသည်။

တစ်ခဏတာ လေ့ကျင့်ရေး ခန်းမဆောင် တစ်ခုလုံး လျှပ်စီးတွေ လက်ပြီး မိုးကြိုးတွေ ဟိန်းထွက်လာလေသည်။

အဲ့ဒီနောက် ပြင်းထန်တဲ့ ပေါက်ကွဲမှု အပြီးမှာ ဝူချင်းစစ် ရဲ့ မျက်လုံးတွေထဲမှာ လုံးဝ တုန်လှုပ်သွားတဲ့ အကြည့် တစ်ခု ဖြစ်ပေါ်လာလေသည်။

'ငါ မရွေ့နိုင်ဘူး လုံးဝ မရွေ့နိုင်ဘူး...'

အဲ့ဒီ အခိုက်အတန့်မှာ သူ့ခွန်အား အကုန်လုံးကို အစက်အပြောက် မကျန် သူ သုံးစွဲခဲ့ပြီး ဘာမှ ချန်မထားခဲ့ပေ။

ဒါပေမဲ့ ဒီအခြေအနေအောက်မှာတောင် ချူယန်ဇယ် ကို နည်းနည်းလေးတောင် သူ မရွေ့လျားနိုင်ခဲ့ပေ။

အစ်ကိုကြီးဝူ ရဲ့ တုန်လှုပ်နေတဲ့ မျက်နှာထားကို မြင်တော့ ချူယန်ဇယ် ချက်ချင်း ရှက်ရွံ့သွားလေသည်။

ပြီးခဲ့တဲ့ တစ်ခေါက် အစ်ကိုကြီးကူ ရဲ့ စွမ်းအားအပြည့် တိုက်ခိုက်မှုကို ဖမ်းမိတုန်းက သူ့ခန္ဓာကိုယ်မှာ ကိုယ်ပိုင် ကာကွယ်ရေး ယန္တရား တစ်ခု ရှိကြောင်း သူ တွေ့ရှိခဲ့လေသည်။

ဆိုလိုတာက သူ မလိုချင်ရင်တောင် ကာကွယ်ရေး ယန္တရား က အလိုအလျောက် အသက်ဝင်လာမှာ ဖြစ်လေသည်။

အစ်ကိုကြီးကူ လို တုံးတဲ့ လက်နက် တိုက်ခိုက်မှုနဲ့ ရင်ဆိုင်ရတဲ့ အခါ သူ့ခန္ဓာကိုယ် အမွေးအမျှင်တွေက အလွန် ခိုင်မာတဲ့ ကာကွယ်ရေး အလွှာ တစ်ခု အဖြစ် အလိုအလျောက် ပြောင်းလဲသွားပြီး စွမ်းအား အားလုံးကို လမ်းလွှဲပေးလိုက်လေသည်။

ပြီးတော့ ခုနက အစ်ကိုကြီးဝူ အားစိုက်လိုက်တဲ့ အခါ သူ့ကြွက်သားတွေက ကာကွယ်ရေး ယန္တရားကို နောက်တစ်ကြိမ် အစပျိုးလိုက်ပြီး သူ့အဆစ်တွေမှာ ကြားခံ အလွှာတွေ တစ်လွှာပြီး တစ်လွှာ အလိုအလျောက် ဖွဲ့စည်းကာ အစ်ကိုကြီးဝူ ရဲ့ ခွန်အား အားလုံး နီးပါးကို လုံးဝ ပျက်ပြယ်သွားစေခဲ့လေသည်။

သူ လိုချင်ရင်တောင် အလျှော့ပေးလို့ မရဘူးလို့ ပြောလို့ ရလေသည်။

ဒါပေမဲ့ ဒီအချိန်မှာ ဘာပြောရမလဲ သူ မသိတာကြောင့် တိတ်တိတ်လေးပဲ ထိုင်နေပြီး စကားတစ်ခွန်းမှ မဟရဲတော့ပေ။

အသက်ပြင်းပြင်း ရှူသွင်းလိုက်ပြီး ဝူချင်းစစ် သူ့လက်ကို တိတ်တဆိတ် လွှတ်လိုက်လေသည်။

သူတို့ကြားက ခွန်အား ကွာခြားချက်ကို သူ အလွန် ရှင်းလင်းစွာ သိလိုက်ပြီ ဖြစ်လေသည်။

ဆက်ပြီး ယှဉ်ပြိုင်နေတာက သူ့ညီလေးကို အခက်တွေ့စေပြီး သူ့ကိုယ်သူ အရှက်ကွဲစေရုံသာ ရှိတော့မည်။

ဒါကြောင့် ဒီလောက်ဆို လုံလောက်ပြီ ဖြစ်လေသည်။

မတ်တတ်ရပ်လိုက်ပြီး ဝူချင်းစစ် ချူယန်ဇယ် ရဲ့ ပခုံးကို ပုတ်ကာ ပြောလိုက်လေသည်။

"ညီလေးချူ မင်းရဲ့ လက်ရှိ ရုပ်ပိုင်းဆိုင်ရာ ခွန်အားနဲ့ ဆိုရင် အနက်ရောင်ဧကရာဇ် နယ်ပယ် ပညာရှင်တွေကိုတောင် မင်း ယှဉ်ပြိုင်နိုင်လောက်တယ် တကယ် ဂုဏ်ပြုထိုက်ပါတယ်"

ဝူချင်းစစ် က ဒီစကားကို ပေါ့ပေါ့တန်တန် ပြောလိုက်တာ မဟုတ်ပေ။

အနက်ရောင်ဝိညာဉ် နယ်ပယ် အထွတ်အထိပ်ကို ရောက်ပြီးနောက် အနက်ရောင်ဘုရင် နယ်ပယ် အထွတ်အထိပ် ကျင့်ကြံသူ အများအပြားနဲ့ သူ တိုက်ခိုက်ခဲ့ဖူးလေသည်။

အချိန်အများစုမှာ သူ ရှုံးနိမ့်ခဲ့ပေမယ့် တိုက်ပွဲတွေက တစ်ဖက်သတ် အနိုင်ကျင့်ခံရတာမျိုး လုံးဝ မဟုတ်ခဲ့ပေ။

သူ့တိုက်ခိုက်မှု တစ်ခုချင်းစီက အနက်ရောင်ဘုရင် အထွတ်အထိပ် တစ်ပါးကို ထိခိုက်စေနိုင်လေသည်။

ခွန်အား သက်သက် ယှဉ်ပြိုင်မှုမှာတောင် ခဏလောက် သူ တောင့်ခံထားနိုင်လေသည်။

တကယ် မစခင်မှာတင် သူ ရှုံးနိမ့်သွားတဲ့ အခုလို အခြေအနေမျိုး ဘယ်တုန်းကမှ မဖြစ်ခဲ့ဖူးပေ။

ဒီလို အခြေအနေမျိုး ဖြစ်လာဖို့ ဆိုရင် ဖြစ်နိုင်ခြေ တစ်ခုပဲ ရှိသည်၊ ချူယန်ဇယ် ရဲ့ ခန္ဓာကိုယ် အသစ် ခွန်အားက အနက်ရောင်ဧကရာဇ် နယ်ပယ်ကို ချိုးဖောက်ဝင်ရောက်သွားတာ ဖြစ်နိုင်ချေ အများကြီး ရှိလေသည်။

အကြောင်းရင်းက အရမ်း ရိုးရှင်းလေသည်။

ကျင့်ကြံသူ စနစ်မှာ အနက်ရောင်ဝိညာဉ် နယ်ပယ်က ပထမဆုံး အရည်အသွေး ပြောင်းလဲမှု ဖြစ်ပြီး အနက်ရောင်ဧကရာဇ် နယ်ပယ်က ဒုတိယမြောက် ဖြစ်လေသည်။

မဟာအနက်ရောင်သခင် တစ်ယောက်က အနက်ရောင်ဝိညာဉ် တစ်ပါးကို ဘယ်တော့မှ မနိုင်နိုင်သလိုမျိုးပဲ အနက်ရောင်ဘုရင် တစ်ပါးက အနက်ရောင်ဧကရာဇ် တစ်ပါးကို အနိုင်ယူဖို့ အလွန် ခက်ခဲလေသည်။

အနက်ရောင်ဧကရာဇ် အထက် နယ်ပယ်တွေ အတွက် ဆိုရင် ထည့်သွင်းစဉ်းစားရမယ့် အချက်တွေ ပိုများလာလေသည်။

မှော်ရတနာတွေ အသုံးပြုမှု၊ လက်နက်ဝိညာဉ်တွေနဲ့ လိုက်ဖက်မှု၊ တစ်ဦးချင်းစီရဲ့ ဖွဲ့စည်းပုံ၊ သွေးမျိုးဆက် စတာတွေ အားလုံးက တိုက်ပွဲ ရလဒ်ကို သက်ရောက်မှု ရှိစေနိုင်လေသည်။

ဒါပေမဲ့ အနက်ရောင်ဧကရာဇ် နယ်ပယ် အောက်မှာ ဆိုရင် ကျင့်ကြံခြင်း အဆင့်က မြင့်မားတဲ့ တံတိုင်းကြီး တစ်ခုလို ကျော်ဖြတ်ဖို့ ခက်ခဲပြီး ခြိမ်းခြောက်နေလေသည်။

မဟုတ်ရင် ရွှေရောင်ဒယ်အိုး ကျွန်းပေါ်က ပါရမီ အရှိဆုံး အနက်ရောင်ဘုရင်တွေ အုပ်စုက အနက်ရောင်ဧကရာဇ် တစ်ပါးတည်းရဲ့ ဖိနှိပ်မှုကို ဒီအတိုင်းအတာ ထိ ခံခဲ့ရမှာ မဟုတ်ပေ။

ဒီအချိန်မှာ အထီးကျန်ဆန်တဲ့ အရိပ်အမြွက်တစ်ခု ဝူချင်းစစ် ရဲ့ မျက်လုံးတွေထဲမှာ ဖြတ်ပြေးသွားပေမယ့် ခဏလေးပါပဲ။

သူ့စိတ်အခြေအနေကို အမြန် ပြန်လည် ညှိနှိုင်းလိုက်လေသည်။

သူက ငါ့ရဲ့ ညီလေးအရင်းပဲ၊ သူ နည်းနည်း ပိုသန်မာတာ ကောင်းတဲ့ ကိစ္စပဲ။

သို့သော် ချူယန်ဇယ် က ဆင့်ကဲပြောင်းလဲမှု တစ်ကြိမ်တည်းနဲ့ ဒီလောက် သန်မာလာနိုင်မယ်လို့ ဝူချင်းစစ် တကယ် မမျှော်လင့်ထားခဲ့မိပေ။

ဒီပါရမီက တကယ် အံ့သြစရာ ကောင်းလွန်းတယ်...

'ကြည့်ရတာ ငါ ပိုပြီး ကြိုးစားရတော့မယ် ထင်တယ်'

ဝူချင်းစစ် တိတ်တဆိတ် ဆုံးဖြတ်ချက် ချလိုက်လေသည်။

အကြီးဆုံး အစ်ကိုကြီး အဖြစ် သူ့ပုံရိပ်ကို သူ ထိန်းသိမ်းထားရမည်။

အစ်ကိုကြီးဝူ ရဲ့ ဂုဏ်ပြုစကား ကြားတော့ ချူယန်ဇယ် အမြန် မတ်တတ်ရပ်ပြီး ပြောလိုက်လေသည်။

"ကျေးဇူးတင်ပါတယ် အစ်ကိုကြီး ခုနက ကျွန်တော်..."

"ဘာမှ ပြောစရာ မလိုပါဘူး အားလုံးက ငါ့တောင်းဆိုမှုပါ ငါကသာ ညီလေးကို အခက်တွေ့စေခဲ့တာပါ"

ပြောပြီးနောက် ဝူချင်းစစ် လေ့ကျင့်ရေး ခန်းမဆောင် တံခါးကို ဖွင့်လိုက်ပြီး ပြောလိုက်လေသည်။

"သွားကြစို့ အလုပ်တွေ ခွဲလုပ်ကြရအောင် ဆရာ သီးသန့် ကျင့်ကြံရာကနေ ထွက်လာတဲ့ အခါ ဒီနေရာကို ရှုပ်ပွနေတာ မမြင်စေရဘူး"

"ဟုတ်ကဲ့"

ဒါကို ကြားပြီးနောက် ချူယန်ဇယ် ဝူချင်းစစ် နောက် ချက်ချင်း လိုက်သွားလိုက်လေသည်။

...

ဆေးဖော်ခန်း အတွင်းမှာ ကျန်းပေရန် က သူ့ယခင် စိတ်ကူးတွေ အတိုင်း ရွှေရောင်ကျီးကန်း ဒယ်အိုး ကို ပြုပြင်မွမ်းမံနေလေသည်။

'အင်း... ဒီနေရာမှာ ဝိညာဉ် စုစည်းခြင်း အစီအရင် ရေးထိုးလိုက်ရင် ဝိညာဉ် လမ်းညွှန်ခြင်း အစီအရင် နဲ့ သေချာပေါက် ဖြည့်စွက်ပေးနိုင်လိမ့်မယ်'

ရွှေရောင်ကျီးကန်း ဒယ်အိုး ကို ကြမ်းပြင်ပေါ် ညင်သာစွာ ချလိုက်ပြီး ကျန်းပေရန် စားပွဲမှာ ထိုင်ကာ သူ့အစီအရင် ပုံကြမ်းကို ဆက်လက် ဒီဇိုင်းဆွဲနေလေသည်။

ဒါက ရွှေရောင်ကျီးကန်း ဒယ်အိုး လို ထိပ်တန်း မှော်ရတနာ တစ်ခုကို တိုးတက်စေဖို့ အစီအရင်တွေ အသုံးပြုတာ ပထမဆုံး အကြိမ် ဖြစ်တာကြောင့် သူ အလွန် သတိထားရလေသည်။

ဒီအကြောင်းပြချက်ကြောင့် မူကြမ်း အရင် ရေးဆွဲဖို့ အဆင့်မြင့် ဒယ်အိုး အနည်းငယ်ကို အသုံးပြုဖို့ သူ ပြင်ဆင်ထားပြီး ပြဿနာ မရှိကြောင်း အတည်ပြုပြီးမှသာ ရွှေရောင်ကျီးကန်း ဒယ်အိုး ကို ပြုပြင်မွမ်းမံမှာ ဖြစ်လေသည်။

ဒီအတွက် လုပ်ရမယ့် အလုပ်ပမာဏက သေချာပေါက် ကြီးမားတာကြောင့် ၇ ရက် အပြည့် ကြာပြီးမှ ရွှေရောင်ကျီးကန်း ဒယ်အိုး ပေါ်မှာ ဝိညာဉ် စုစည်းခြင်း အစီအရင် နဲ့ ဝိညာဉ် လမ်းညွှန်ခြင်း အစီအရင် ရေးထိုးတာကို ကျန်းပေရန် ပြီးစီးခဲ့လေသည်။

ဒါနဲ့ ဆိုရင် ရွှေရောင်ကျီးကန်း ဒယ်အိုး က ပိုမြင့်မားတဲ့ အဆင့် ဝိညာဉ်စွမ်းအင်ကို ဆွဲယူနိုင်ရုံ သာမက သူ့ရဲ့ စွမ်းအင် ထောက်ပံ့မှု အမြန်နှုန်းကလည်း တစ်ဆင့် မြင့်တက်သွားမှာ ဖြစ်လေသည်။

တစ်ချိန်တည်းမှာပဲ အတွင်းထဲမှာ ဝိညာဉ်စွမ်းအင် ပိုမို သိုလှောင်ထားနိုင်တာကြောင့် ပစ္စည်းတွေထဲ ဆေးဖက်ဝင် ဝိညာဉ်စွမ်းအင် သွတ်သွင်းရာမှာ ပိုမို လွယ်ကူစေမှာ ဖြစ်လေသည်။

ရွှေရောင်ကျီးကန်း ဒယ်အိုး ကို အစီအရင်တွေနဲ့ အောင်မြင်စွာ အားဖြည့်ပေးပြီးနောက် ကျန်းပေရန် ရဲ့ နောက်တစ်ဆင့်က သူ့အပေါ်မှာ ဝိညာဉ်စွမ်းအင် ကြားခံနယ်ပယ် တစ်ခု တပ်ဆင်ဖို့ ဖြစ်လေသည်။

ဒီ ဝိညာဉ်စွမ်းအင် ကြားခံနယ်ပယ် ရဲ့ လုပ်ဆောင်ချက်က အရမ်း ရိုးရှင်းပြီး ဝိညာဉ်ကျောက်တုံးတွေ တပ်ဆင်ကာ ဒယ်အိုး အတွက် ဝိညာဉ်စွမ်းအင် ထောက်ပံ့ပေးဖို့ သက်သက် ဖြစ်ပေမယ့် တကယ်တမ်း လုပ်ဆောင်ရာမှာတော့ တော်တော် ဒုက္ခများလေသည်။

ဘာလို့လဲဆိုတော့ ဒါက ကြားခံ တစ်ခု အနေနဲ့ ဆောင်ရွက်လို့ ဖြစ်လေသည်။

ဒယ်အိုး အတွင်းက ဝိညာဉ်စွမ်းအင် မလုံလောက်တဲ့ အခါမှသာ ဝိညာဉ်ကျောက်တုံးတွေက "သူတို့ အလုပ် သူတို့ လုပ်" ကြမှာ ဖြစ်လေသည်။

ဒါပေမဲ့ တစ်ကြိမ်တည်းနဲ့ အများကြီး စုပ်ယူလိုက်ရင် ဒယ်အိုး ပေါက်ကွဲသွားစေနိုင်လေသည်။

နေရာလွတ် မရှိတော့တာ သိသိကြီးနဲ့ အတင်း ထိုးထည့်လိုက်သလို ဖြစ်နေတာကြောင့် ဒီလို ပေါက်ကွဲမှုမျိုးက ချိုရှစ်ချောင်း လျှို့ဝှက်ဆန်းကြယ် ရေခဲမြက် တောင် ကာကွယ်ပေးနိုင်တဲ့ အရာမျိုး မဟုတ်ပေ။

နောက်ဆက်တွဲ ဆိုးကျိုးတွေက သဘာဝကျကျ အလွန် ပြင်းထန်မှာ ဖြစ်လေသည်။

ဒါကြောင့် ဒီတစ်ခေါက် ကျန်းပေရန် က နောက်ထပ် ဒယ်အိုး အများအပြား ပေါ်မှာ စမ်းသပ်ဖို့ ပြင်ဆင်ထားပြီး လုံးဝ စိတ်ချရပြီလို့ သေချာမှသာ ရွှေရောင်ကျီးကန်း ဒယ်အိုး ကို ပြုပြင်မွမ်းမံမှာ ဖြစ်လေသည်။

အဲ့ဒီလိုနဲ့ နောက်ထပ် ၂ ရက် အမြန် ကုန်ဆုံးသွားခဲ့လေသည်။

ကျန်းပေရန် သူ့ရဲ့ တတိယမြောက် ဒယ်အိုးကို ဖျက်ဆီးလိုက်တဲ့ အချိန်မှာပဲ စက္ကူစွန် တစ်ကောင် သူ့ရှေ့ ရုတ်တရက် ပျံသန်းလာလေသည်။

လက်လှမ်းပြီး ယူလိုက်ကာ ဖွင့်ကြည့်လိုက်တဲ့ အခါ ကူချင်းဟွမ်း ဆီက ဖြစ်ကြောင်း ကျန်းပေရန် တွေ့ရှိလိုက်ရလေသည်။

တကယ်တော့ လွန်ခဲ့တဲ့ ၃ ရက်က ကူချင်းဟွမ်း နဲ့ ဟော်ဟုန်ဖေး နှစ်ယောက်စလုံး ဆီက စာတွေ သူ လက်ခံရရှိခဲ့ပြီး နှစ်ယောက်စလုံးက သူတို့ သွားရမယ့် နေရာတွေကို ရောက်ရှိနေပြီ ဖြစ်ကြောင်းနဲ့ စုံစမ်းစစ်ဆေးမှုတွေ စတင်ဖို့ ပြင်ဆင်နေကြောင်း ဖော်ပြထားကြလေသည်။

'ဒီလောက် မြန်မြန် တိုးတက်မှု ရှိနေတာလား'

အရမ်း အံ့သြသွားပြီး ကျန်းပေရန် စာကို အမြန် ဖတ်ရှုလိုက်ရာ ကူချင်းဟွမ်း ဆီက ဒီစာက တိုးတက်မှု အစီရင်ခံစာ မဟုတ်ဘဲ "စစ်ကူ တောင်းခံခြင်း" ဖြစ်ကြောင်း တွေ့ရှိလိုက်ရလေသည်။

စာထဲမှာ လော့ဝမ်ကျိုး ရဲ့ အကူအညီ လိုချင်ကြောင်း ကူချင်းဟွမ်း ရှင်းရှင်းလင်းလင်း ဖော်ပြထားလေသည်။

ဒါပေါ့ လော့ဝမ်ကျိုး မသွားနိုင်ရင် သူ့ဘာသာသူ တခြား နည်းလမ်းတွေ စဉ်းစားလို့ ရလေသည်။

ဒါပေမဲ့ သံသယ ဖြစ်စရာ မလိုဘဲ ကူချင်းဟွမ်း မှာ ပိုကောင်းတဲ့ နည်းလမ်း ရှိရင် အကူအညီ တောင်းတဲ့ ဒီစာကို သူ သေချာပေါက် ရေးမှာ မဟုတ်ပေ။

ဒါကြောင့် ဖတ်ပြီးနောက် ကျန်းပေရန် သူ့ သိုလှောင်လက်စွပ် ထဲက အဆောင်လက်ဖွဲ့ စာရွက် တစ်ရွက် ထုတ်လိုက်ပြီး စာစရေးလိုက်လေသည်။

ရေးပြီးနောက် ကျန်းပေရန် အဆောင်လက်ဖွဲ့ စာရွက်ကို စက္ကူစွန် အဖြစ် ခေါက်လိုက်ပြီး လွှတ်လိုက်လေသည်။

တစ်နာရီလောက် အကြာမှာ စက္ကူစွန် တစ်ကောင် ကျန်းပေရန် ဘေးနား ဖြည်းဖြည်းချင်း ပျံသန်း ရောက်ရှိလာလေသည်။

စက္ကူစွန် ကို ဖွင့်ကြည့်လိုက်တော့ လော့ဝမ်ကျိုး ဆီက စာ ဖြစ်လေသည်။

ကျန်းပေရန် ခုနက ရေးလိုက်တဲ့ စာထဲမှာ သူ့အခြေအနေကို အရင် မေးမြန်းခဲ့ပြီး ကူချင်းဟွမ်း က သူ့အကူအညီ လိုအပ်နေကြောင်း ပြောပြခဲ့လေသည်။

လော့ဝမ်ကျိုး ရဲ့ အဖြေကလည်း အရမ်း ရိုးရှင်းပြီး တိုက်ရိုက်ကျလေသည်။

ဆရာ့ရဲ့ ဂရုစိုက်မှု အတွက် ကျေးဇူးတင်ကြောင်း အရင် ပြောပြီးနောက် သူက လက်ရှိ ကျန်းတိုင်းပြည် မှာ ခရီးသွားနေကြောင်း၊ ထန်တိုင်းပြည် နဲ့ သိပ်မဝေးကြောင်းနဲ့ အစ်ကိုကြီးကူ နဲ့ တွေ့ဆုံဖို့ ချက်ချင်း ထွက်ခွာတော့မယ့် အကြောင်း ဖော်ပြထားလေသည်။

စာကို ချလိုက်ပြီး ကူချင်းဟွမ်း နဲ့ တွေ့ဖို့ လော့ဝမ်ကျိုး ထွက်ခွာနေပြီမှန်း သိလိုက်ရလို့ ကူချင်းဟွမ်း ဆီ နောက်ထပ် စာရေးဖို့ ကျန်းပေရန် အစီအစဉ် မရှိတော့ပေ။

ဘာပဲဖြစ်ဖြစ် သူတို့နှစ်ယောက် အဆက်အသွယ် ရပြီးသား ဖြစ်မှာပါပဲ။

ဒီ ကြားဖြတ် ဇာတ်လမ်းလေး ဖြေရှင်းပြီးနောက် ကျန်းပေရန် နောက်ထပ် ဒယ်အိုး တစ်လုံး ကောက်ယူလိုက်ပြီး သူ့ရဲ့ ဝိညာဉ်စွမ်းအင် ကြားခံနယ်ပယ် ကို စတင် လေ့လာလိုက်လေသည်။

၃ ရက် ကြာပြီးနောက်...

"နောက်ဆုံးတော့ နှစ်ခုလုံးကို တစ်ရှိန်ထိုး ပြီးစီးသွားပြီ နည်းနည်း ထပ်အားဖြည့်ပြီးရင် ရွှေရောင်ကျီးကန်း ဒယ်အိုး ကို ပြုပြင်မွမ်းမံနိုင်တော့မယ်"

သူ့ရည်မှန်းချက်နဲ့ ပိုပို နီးကပ်လာတာ မြင်တော့ ကျန်းပေရန် သက်သောင့်သက်သာ သက်ပြင်းချလိုက်လေသည်။

နေ့လည်စာ အတွက် အသားကင် အရင် စားဖို့ သူ စီစဉ်လိုက်ပြီး နေ့လည်ပိုင်းမှာ ဆက်လုပ်ဖို့ ဆုံးဖြတ်လိုက်လေသည်။

ပါဝင်ပစ္စည်းတွေ ပြင်ဆင်ဖို့ ရှဲ့လင်းတန်း ကို ပြောလိုက်တုန်း စက္ကူစွန် တစ်ကောင် သူ့ရှေ့မှာ ရုတ်တရက် ရပ်တန့်လာလေသည်။

ဖွင့်ကြည့်လိုက်တော့ မော့ရှာ ဆီက ဖြစ်နေတာ ကျန်းပေရန် တွေ့လိုက်ရလေသည်။

စာရဲ့ အကြောင်းအရာက မများပေမယ့် ကျန်းပေရန် ကို အနည်းငယ် တုန်လှုပ်သွားစေခဲ့လေသည်။

ကျန်းပေရန် ခန့်မှန်းထားသလိုပဲ ထျန်ကော က လက်စားချေ ဝိညာဉ် တစ်ကောင် အဖြစ် ပြောင်းလဲသွားခဲ့ပြီး တလျှောက်လုံး ပုန်းအောင်းနေခဲ့ပုံ ရလေသည်။

မနေ့ညက မော့ရှာ အငြိုးအတေး ၏ချီ ကို ကျင့်ကြံနေတုန်း မီးခိုးရောင် သမ်းပြီး ခြောက်ကပ်တဲ့ နယ်မြေ တစ်ခုထဲ ရောက်သွားသလို ခေါင်းမူးဝေသွားခဲ့လေသည်။

မော့ရှာ အပြင်ထွက်ဖို့ ကြိုးစားတုန်း ထျန်ကော က အခွင့်ကောင်းယူပြီး သူ့ခန္ဓာကိုယ်ကို သိမ်းပိုက်ဖို့ ကြိုးစားခဲ့လေသည်။

ကံကောင်းစွာနဲ့ အဲ့ဒီ ကြိုးကြာဖြူ ဝတ်ရုံနဲ့ ဝါရင့်ပုဂ္ဂိုလ် ဝင်ရောက် ကယ်တင်ပေးခဲ့လေသည်။

စာတစ်စောင်လုံးမှာ အကြောင်းအရာ နည်းပါးပေမယ့် သတင်းအချက်အလက် ပမာဏ အများကြီး ပါဝင်တယ်လို့ ပြောလို့ ရလေသည်။

စာကို သိမ်းလိုက်ပြီးနောက် ဘာဖြစ်ခဲ့လဲ ဆိုတာ မေးမြန်းဖို့ ကိုယ်တိုင် သွားကြည့်ဖို့ ကျန်းပေရန် ဆုံးဖြတ်လိုက်လေသည်။

တံခါးဖွင့်ပြီး အပြင်ထွက်လိုက်တဲ့ အခါ ဝင်းထဲမှာ တင်ပျဉ်ခွေ ထိုင်ပြီး ကျင့်ကြံနေတဲ့ ချူယန်ဇယ် ကို တွေ့လိုက်ရလေသည်။

သူ ဘယ်လောက် လေးလေးနက်နက် ကျင့်ကြံနေလဲ ဆိုတာ မြင်တော့ ကျန်းပေရန် သူ့ကို မခေါ်တော့ပေ။

ရှဲ့လင်းတန်း ကို တိုက်ရိုက် ခေါ်ပြီး သီးခြား အကာအကွယ် အစီအရင် ထဲကနေ ထွက်ခွာကာ စိမ့်မြေတော ဘက် ပျံသန်းသွားလိုက်လေသည်။

တဲအိမ်လေး ရှေ့ ဆင်းသက်လိုက်ပြီး ကျန်းပေရန် တံခါးဖွင့် ဝင်လိုက်ရာ မျက်နှာ အလွန် ဖြူဖျော့နေတဲ့ မော့ရှာ ကို ချက်ချင်း တွေ့လိုက်ရလေသည်။

သူ့အစ်ကိုကြီး ရောက်လာတာ မြင်တော့ မော့ရှာ အမြန် ဦးညွှတ်ပြီး ပြောလိုက်လေသည်။ "ဂါရဝပြုပါတယ် အစ်ကိုကြီး"

"မလှုပ်နဲ့"

ကျန်းပေရန် ရှေ့တိုးသွားပြီး သူ့ဝိညာဉ်အာရုံနဲ့ စကင်ဖတ်လိုက်လေသည်။

နည်းနည်း အားနည်းနေတာကလွဲရင် ကြီးကြီးမားမား ပြဿနာ မရှိတာ တွေ့လိုက်ရမှ သူ စိတ်သက်သာရာ ရသွားလေသည်။

"မနေ့ညက ဘာဖြစ်ခဲ့လဲ ဆိုတာ အသေးစိတ် ပြောပြစမ်း"

"ဟုတ်ကဲ့"

မော့ရှာ ခေါင်းညိတ်လိုက်ပြီး မနေ့က ဖြစ်ပျက်ခဲ့တာတွေကို သူ့အစ်ကိုကြီး ကို ပိုအသေးစိတ် ပြောပြလိုက်လေသည်။

တိကျတဲ့ လုပ်ငန်းစဉ်က စာထဲမှာ ရေးထားတာနဲ့ ဆင်တူပေမယ့် အသေးစိတ် အချက်အလက်တွေ ပိုပါဝင်လေသည်။

ဥပမာ မနေ့က အငြိုးအတေး ချီ ကို ကျင့်ကြံနေတုန်း အဲ့ဒီ မီးခိုးရောင် ပုံရိပ်ယောင် ကို မြင်ရတဲ့ အပြင် သူ့ခန္ဓာကိုယ်ထဲက အတွင်းအားတွေ လုံးဝ နီးပါး ဖရိုဖရဲ ဖြစ်သွားပြီး ခန္ဓာကိုယ်က အလွန် မသက်မသာ ခံစားခဲ့ရကြောင်း ပါဝင်လေသည်။

သူ ချီလမ်းကြောင်း လွဲမှားခြင်း ခံစားခဲ့ရတာ ဖြစ်နိုင်ချေ အများကြီး ရှိတယ်လို့ ကျန်းပေရန် ယုံကြည်လိုက်လေသည်။

ဒါပေါ့ အငြိုးအတေး ချီ ကျင့်ကြံခြင်း အကြောင်း သူ ဘာမှ မသိပေ၊ ဒါကြောင့် ဘာတွေ တကယ် ဖြစ်ခဲ့လဲ သိရဖို့ ဒီနယ်ပယ်က ကျွမ်းကျင်သူ တစ်ယောက်ကို မေးရလိမ့်မည်။

ခေါင်းညိတ်လိုက်ပြီး ကျန်းပေရန် မော့ရှာ ကို ကြည့်ကာ ပြောလိုက်လေသည်။

"ဆက်ပြော"