စစ်မှန်သော ဟန်ပြခြင်းမန္တန်

ယနေ့တွင်...

အမှန်အတိုင်း ပြောရလျှင် မြူခိုးနေထိုင်သူများအဖွဲ့နှင့် ဝတ်ရုံနက်အဖွဲ့ တို့မှာ ကြီးမားသော ထိတ်လန့်တုန်လှုပ်မှုများ ဖြစ်ပွားနေကြ၏။

မည်သို့ဖြစ်ပျက်နေသည်ကို အတိအကျ မသိကြသော်လည်း အဖွဲ့အစည်းနှစ်ခုလုံး၏ အထက်ပိုင်းမှ အောက်ခြေအထိ ထူးခြားသော အချက်ပေးသံများကို ခံစားနေကြရသည်။

"ရှန်းချန်ကော တစ်ယောက် အခု ဘယ်လိုနေမလဲ မသိဘူး" ဝတ်ရုံနက်အဖွဲ့၏ ခေါင်းဆောင်နှစ်ဦးမှာ မပြန်သေးဘဲ မြူခိုးနေထိုင်သူများအဖွဲ့ထံသို့ ရောက်ရှိလာကာ ရွှေရောင်နှင့် ငွေရောင်သင်္ကေတ တမန်တော်များနှင့်အတူ ထိုင်လျက် စိုးရိမ်နေကြသည်။

အမှန်အတိုင်း ပြောရလျှင်...

ရှန်းချန်ကော၏အခြေအနေမှာ သူတို့ကို အမှန်တကယ်ပင် ထိတ်လန့်သွားစေခဲ့သည်။

"ချန်ကောမှာ သူ့ရဲ့ ကိုယ်ပိုင်လျှို့ဝှက်ချက် ရှိတယ်။ သူ တံဆိပ်ပြားကို လက်ခံတုန်းက ခံစားခဲ့ရတဲ့ တုံ့ပြန်မှုတွေကို ကြည့်တာနဲ့တင် သိနိုင်ပါတယ်။ သူ့ရဲ့ လျှို့ဝှက်ချက်က အင်မတန် ကြောက်စရာကောင်းတယ်။ သူက အဆင်ပြေပါတယ်လို့ ပြောကတည်းက သူ အဆင်ပြေမှာပါ။ အနည်းဆုံးတော့ အခု ငါတို့ နားလည်လိုက်တာက ချန်ကောမှာ မဟာအပျက်အစီးနယ်မြေရဲ့ ဖန်ဆင်းခြင်းနယ်ပယ် ကျွမ်းကျင်သူတွေကိုတောင် ခြိမ်းခြောက်နိုင်တဲ့ စွမ်းအားရှိနေပြီဆိုတာပဲ" ဟု ချင်းရွှမ်က ဆိုသည်။

"ဟုတ်တယ်... ဖန်ဆင်းခြင်းနယ်ပယ်ထဲက 'ပုံရိပ်ဖော်ခြင်း'အဆင့် ကျွမ်းကျင်သူတစ်ယောက်တောင် သူ့လက်ထဲမှာ သေသွားခဲ့တာပဲ" ဟု ရွှေရောင်သင်္ကေတ တမန်တော်ကလည်း ပြုံးလျက် ထောက်ခံလိုက်သည်။

ဖန်ဆင်းခြင်းနယ်ပယ်

သူတို့၏အမြင်တွင် ထိုနယ်ပယ်မှာ လှမ်းမမီနိုင်သော အဆင့်တစ်ခု ဖြစ်သည်။

သို့သော် ယခုမူ ထိုအဆင့်ရှိသူမှာ မျိုးဆက်သစ် လူငယ်တစ်ဦး၏လက်ထဲတွင် အသက်ပျောက်ခဲ့ရ၏။

၎င်းမှာ အလွန်ပင် ထိတ်လန့်စရာကောင်းလှပြီး မယုံနိုင်လောက်အောင်ပင်။

"ဒါကြောင့် ငါတို့ အခုရပ်တည်မှုဖော်ပြရမဲ့အချိန်ဘဲ။ အထက်ကလူတွေက ငါတို့ကို လူလို့တောင် သဘောမထားဘူး။ ငါသိရသလောက်ဆိုရင် မြူခိုးနေထိုင်သူတွေမှာတင် ငါတို့လို စွန့်ပစ်နယ်မြေ ဆယ်ခုလောက် ရှိတယ်။ ငါတို့ရဲ့ အသက်ရှင်သန်မှု ဒါမှမဟုတ် သေဆုံးမှုကို သူတို့ ဂရုစိုက်မှာ မဟုတ်ဘူး။ ငါတို့ရဲ့ စွန့်ပစ်နယ်မြေက ပိုပြီးတော့တောင် ကံဆိုးသေးတယ်။ ရှေးဟောင်းနတ်ဘုရားတွေရဲ့ တတိယမြောက် သွေးမျိုးဆက်က ကြီးလေးတဲ့ ပြစ်မှုကျူးလွန်လို့ ရာထူးချခံထားရတာဆိုတော့ အထက်ကလူတွေအတွက်က ဒါက ကစားပွဲတစ်ခုလိုပဲ"

"နိုင်တဲ့သူက အသက်ရှင်မယ်... ဒါပဲ"

ဤနေရာသို့ ရောက်ရှိလာသည့်အခါတွင်မူ သူတို့၏ စကားများမှာ အထက်ကို ပုန်ကန်သည့်သဘော သက်ရောက်နေပြီ ဖြစ်သည်။

သို့သော်လည်း အဘိုးအိုလေးဦးမှာမူ ယခုအခါတွင် ၎င်းတို့ကို ဂရုမစိုက်တော့ပေ။

မည်သို့ပင်ဖြစ်စေ မျက်နှာချင်းဆိုင် တိုက်ခိုက်နေကြရပြီ မဟုတ်ပါလော။ ဖုံးကွယ်ထားစရာ ဘာရှိတော့မည်နည်း။

"ဒါဆို ဝတ်ရုံနက်အဖွဲ့က ဘာလုပ်ဖို့ ဆုံးဖြတ်ထားလဲ" ချင်းရွှမ်က ဝတ်ရုံနက်ခြုံထားသော တမန်တော်နှစ်ဦးကို စိုက်ကြည့်ရင်း ဖြည်းညှင်းစွာ မေးလိုက်သည်။

သူတို့နှစ်ဦး အချင်းချင်းကြည့်ကာ ခါးသီးစွာ ပြုံးလိုက်ကြသည်။

"ငါတို့က ဝတ်ရုံနက်အဖွဲ့ရဲ့ လျှို့ဝှက်ချက်တွေကို မင်းတို့ဆီ ပြောပြပြီး ရှန်းချန်ကောကို ကတိပေးကတည်းက ငါတို့ရဲ့ ရည်ရွယ်ချက်က ရှင်းနေပါပြီ..."

"လက်ရှိ မြူခိုးသမုဒ္ဒရာရဲ့ အင်အားစုအားလုံးကို စုစည်းသင့်တယ်။ အနာဂတ်မှာ ငါတို့ကို ဘယ်သူကပဲ ဦးဆောင်ဦးဆောင်၊ ဒီခေတ်ကြီးထဲမှာ ငါတို့ အသက်ရှင်သန်နိုင်ဖို့ပဲ အရေးကြီးတယ်"

အမှန်ပင် အသက်ရှင်သန်နိုင်ရန်သာ အရေးကြီးသည်။

ရှန်းချန်ကော၏ကြီးထွားနှုန်းမှာ အလွန်ပင် ကြောက်စရာကောင်းကြောင်းလည်း သူတို့ ကြိုတင်ခံစားမိကြသည်။

အနာဂတ်တွင် မြူခိုးသမုဒ္ဒရာမှာ သူ၏နောက်ဆုံးနေထိုင်ရာ ဖြစ်လာမည် မဟုတ်သည်မှာ သေချာသည်။

"သူ အမြန်ဆုံး ပြန်လာနိုင်ဖို့ပဲ မျှော်လင့်ရတာပဲ"

ဝူး...

ဝုန်း

ထိုအခိုက်အတန့်တွင်...

ထူထပ်လှသော အနက်ရောင်မြူခိုးများမှာ ပရမ်းပတာ ဖြစ်နေချေပြီ။

ကြည်လင်သော ရေထဲသို့ ဆေးရောင်စုံများ လောင်းထည့်လိုက်သကဲ့သို့ပင်။အရောင်နှစ်မျိုးမှာ အချင်းချင်း ရောယှက်နေပြီး မီးခိုးရောင်မြူခိုးများ ဖုံးလွှမ်းခံထားရသော သတ္တဝါများမှာ မည်သည့်အဆင့်တွင် ရှိစေကာမူ အားလုံးမှာ ရူးသွပ်စွာ အော်ဟစ်နေကြသည်။

နောက်ဆုံးတွင် ၎င်းတို့မှာ အစိတ်စိတ်အမွှာမွှာသို့မဟုတ် အရိုးစုများအဖြစ် ပြောင်းလဲသွားကြတော့သည်။

ရှန်းချန်ကောကမူ ဆက်လက် လမ်းလျှောက်နေဆဲ ဖြစ်သည်။

"မင်း ငါ့ရဲ့ စွမ်းအားတွေရဲ့ တိုက်စားမှုကို ခံရတော့မယ်..."

"ငါ့ရဲ့ အကူအညီ လိုသလား"

ရှန်းချန်ကောက ဘာမှ ပြန်မပြောပေ။

မျက်လုံးကြီးနှင့် လူသား က သူသည် ရှန်းချန်ကောကို ကူညီလျှင်ပင် ရှန်းချန်ကော၏ထိန်းချုပ်မှုအောက်မှ လွတ်မြောက်နိုင်မည် မဟုတ်ကြောင်း သိထားသည်။

သို့သော် ရှန်းချန်ကောသာ ထိုစွမ်းအား၏ ထိန်းချုပ်မှုကို ခံရပြီး သေဆုံးသွားပါက သူလည်း အတူတူ သေဆုံးသွားရမည်ဟု သူ ခံစားနေရသည်။

သို့မဟုတ်ပါက ထိုစွမ်းအားမှတစ်ဆင့် အသိစိတ်သစ်တစ်ခု မွေးဖွားလာပြီး သူ့ကို ထိန်းချုပ်သွားလိမ့်မည်။

ထိုကဲ့သို့ အရာမျိူကို သူ လုံးဝ ခွင့်မပြုနိုင်ပေ။

အခြားတစ်ယောက်၏ထိန်းချုပ်မှုကို ခံရခြင်းမှာ ရွေးချယ်စရာ မရှိ၍ ဖြစ်သော်လည်း နောက်ထပ် 'ငါ' တစ်ယောက်၏ထိန်းချုပ်မှုကို ခံရခြင်းမှာမူ အမှောင်ဆုံး အခိုက်အတန့်ပင် ဖြစ်ပေလိမ့်မည်။

သို့သော်လည်း... ရှန်းချန်ကောက သူ့ကို လျစ်လျူရှုထားသကဲ့သို့ပင်။

၎င်းအစား သူသည် မျက်လုံးကြီးကို စတင်ရရှိခဲ့သော နေရာသို့ ရောက်ရှိလာသည်။

"ချက်အင်ဝင်မယ်"

[ အင်မော်တယ်အဆင့် မိစ္ဆာနတ်ဆိုး ကို ထိန်းချုပ်နိုင်စွမ်း - ၁၅% ]

ဝုန်း

ခဏချင်းအတွင်းမှာပင် ကြီးမားလှသော မျက်လုံးကြီးသည် ၎င်း၏စွမ်းအားအပေါ် ကြောက်မက်ဖွယ်ကောင်းသော ထိန်းချုပ်မှုကို ခံစားလိုက်ရသည်။

ရှန်းချန်ကော၏ခန္ဓာကိုယ်တစ်ခုလုံးရှိ စွမ်းအားများမှာ အဆက်မပြတ် ထိန်းချုပ်ခြင်း ခံနေရသည်။

မီးခိုးရောင်မြူခိုးများမှာ ရှန်းချန်ကောကို ဆက်လက် တိုက်စားနေဆဲ ဖြစ်သော်လည်း သူ၏ အရှိန်အဝါမှာမူ တစ်စထက်တစ်စ ပိုမို တည်ငြိမ်လာချေပြီ။

ရှန်းချန်ကော သက်ပြင်းတစ်ချက် ချလိုက်သည်။

ထိုစွမ်းအားက သူ၏ခန္ဓာကိုယ်ကို ထိန်းမနိုင်သိမ်းမရ တိုက်စားနေသည်ဆိုလျှင်... သူ လုပ်ရမည့်အရာမှာ ထိန်းချုပ်နိုင်စွမ်းကို ဆက်လက် မြှင့်တင်ရန်သာ ဖြစ်သည်။

မျက်လုံးကြီးမှာ ဤကဲ့သို့ ထူးဆန်းသော အခြေအနေမျိုးကို တစ်ခါမျှ မမြင်ဖူးပေ။

ဒါက အဲ့ဒီ ရှေးဦးစွမ်းအင် ပဲ၊ဒီကောင်ဆီမှာ ဘယ်လို လျှို့ဝှက်ချက်မျိုး ရှိနေတာလဲ။

ထိုအချိန်တွင် ရှန်းချန်ကောက စကားတစ်လုံးမျှ မဆိုဘဲ ဆက်လက် လမ်းလျှောက်နေသည်။

အနက်ရောင်မြူခိုးများထဲတွင်...

"ချက်အင်ဝင်မယ်"

[ ချက်အင်အောင်မြင်သည် - 'မဟာပျက်သုဉ်းခြင်းကျမ်း' ကျင့်ကြံခြင်း နှစ် ၅၀၀ စာ ရရှိသည် ]

ဝုန်း

ရှန်းချန်ကော၏ခန္ဓာကိုယ် ပတ်ဝန်းကျင်ရှိ အနက်ရောင်မြူခိုးများမှာ တစ်စုံတစ်ခု၏ထိန်းချုပ်မှုကို ခံလိုက်ရသကဲ့သို့ ဖြစ်သွားသည်။

အလွန်ပင် အားကောင်းလှသော စွမ်းအားတစ်ခုက ဝင်ရောက် ထိန်းချုပ်လာသည်။

၎င်းမှာ မဟာပျက်သုဉ်းခြင်းကျမ်း၏ စွမ်းအားပင် ဖြစ်သည်။

မြူခိုးသမုဒ္ဒရာကျမ်းမှာ မြူခိုးသမုဒ္ဒရာရှိ အနက်ရောင်မြူခိုးများ၏ စွမ်းအားကို စုပ်ယူရန် ဖြစ်သည်။

၎င်းသည် ရှန်းချန်ကော၏ခန္ဓာကိုယ်ပေါ်တွင် မီးခိုးရောင်မြူခိုးများ ဖြစ်နေသော်လည်း ထိန်းချုပ်ရာတွင်မူ အလွန် အသုံးဝင်နေဆဲ ဖြစ်သည်။

အနည်းဆုံးတော့ ရှန်းချန်ကောသည် ခန္ဓာကိုယ်အတွင်းရှိ စွမ်းအားများ လျှံထွက်နေသည့် ခံစားချက်မှာ ဒီရေကျသကဲ့သို့ တဖြည်းဖြည်း ပျောက်ကွယ်သွားသည်ဟု ခံစားလိုက်ရသည်။

ထိုအခိုက်အတန့်တွင် သူ၏စိတ်ထဲ၌ အတွေးတစ်ခု ပေါ်လာသည်။

အကယ်၍ ငါက ငါ့ရဲ့ကိုယ်ပိုင် မီးခိုးရောင်မြူခိုးတွေထဲမှာ ချက်အင်ဝင်မယ်ဆိုရင်ရော...

သူ ဆက်လက် တွေးတောနေမိသည်။

စနစ်၏အနှစ်သာရနဲ့... ဆက်စပ်မှုအရှိဆုံး အရာတွေက...

ဒီမီးခိုးရောင်မြူခိုးတွေက ဘာနဲ့ ဆက်စပ်နေတာလဲ။

မီးခိုးရောင်မြူခိုးဆိုတာ သူ့၏ခန္ဓာကိုယ်အား တိုက်စားခြင်းနှင့် မျက်လုံးကြီး၏စွမ်းအားများမှ ဆင်းသက်လာသည့် ထူးဆန်းပြီး အေးစက်သော စွမ်းအားတစ်ခုပင်။

ဤသို့ဆိုလျှင် အဓိပ္ပာယ်မှာ 'သူ' ကိုယ်တိုင်ပင် မဟုတ်လော။

အကယ်၍ အရာအားလုံးက 'သူ' ဆိုလျှင်... မည်သည်တွင် ချက်အင်ဝင်လို့ ရမည်နည်း။

"ချက်အင် ဝင်မယ်"

[ ချက်အင် အောင်မြင်သည် - သင်သည် တောက်ပသောအဖြူရောင်ဝတ်စုံ- မပျက်စီးနိုင်ခြင်း) ကို ရရှိသည် ]

[ သင်သည် 'စစ်မှန်သောဟန်ထုတ်ခြင်း မန္ထန်'ကို ရရှိသည် ]

ရှန်းချန်ကော ဆွံ့အသွားသည်။

ဘာလို့ ချက်အင်ဝင်တာကို အဝတ်အစားတွေ ရတာလဲ။ငါက အဖြူရောင်ဝတ်စုံဝတ်တဲ့ မွန်းစတား ဖြစ်တော့မှာလား။

ပြီးတော့ ဒီ 'စစ်မှန်သောဟန်ထုတ်ခြင်း မန္ထန်' ဆိုတာကလည်း...

နာမည်ကတော့ အတော်လေး ကြွားတဲ့ ပုံစံပဲ။။

သို့သော် အနှစ်သာရက ဘာလဲ။

စစ်မှန်သောဟန်ထုတ်ခြင်း မန္ထန်: ရှုထုတ်လိုက်သည့် လေသည် ကောင်းကင်ယံကို သုံးပတ်ပတ်နိုင်ပြီး ထိုနေရာတွင် ထာဝရ တည်ရှိနေနိုင်သည်။ ဓားအလင်းသည် ကြယ်များ၊ နေနှင့် လတို့ကို လှုပ်ခါသွားစေနိုင်သော်လည်း ဖုန်မှုန့်တစ်စကိုပင် ပျက်စီးစေမည် မဟုတ်ပါ။ အထူးပြုလုပ်ချက် များမှာ အပြည့်အဝ ပါသော်လည်း မည်သည့် တိုက်ခိုက်ရေး စွမ်းအားမျှ မရှိပါ။

ရှန်းချန်ကော ခဏမျှ ကြောင်အသွားသည်။

သူသည် သူ၏ဓားကို ကောင်းကင်သို့ မြှောက်လိုက်သည်။

ရုတ်တရက်...

ကောင်းကင်ကြီး၏အရောင်မှာ ပြောင်းလဲသွားပြီး အရာခပ်သိမ်းတို့မှာ နိုးထလာကြသည်။

သူ၏သာမန် ဓားအလင်းတန်းမှာ နဂါးငွေ့တန်း ဂလက်ဆီကဲ့သို့ တောက်ပစွာ ပေါက်ကွဲထွက်သွားတော့သည်။

အနက်ရောင်မြူခိုးများမှာ ကွဲအက်သွားသည်။

ပတ်ဝန်းကျင်ရှိ မြက်ပင်များမှာ လှုပ်ခါသွားပြီးနောက် သူတို့၏ကျောကို မတ်မတ် ပြန်ဆန့်လိုက်ကြသည်။

အထူးပြုလုပ်ချက်တွေက အပြည့်ပဲ... ဒါပေမဲ့ စွမ်းအားကတော့ လုံးဝမရှိဘူး...။

တစ်နည်းအားဖြင့် ပြောရလျှင်...

ဤဓားချက်သည် အရှိန်အဝါ အလွန်ကြီးမားသော်လည်း မြက်ပင်တစ်ပင်၊ သစ်ပင်တစ်ပင်ကိုမျှ မထိခိုက်စေပေ။

ရှန်းချန်ကောက ထိုစကားလုံးများထဲမှ နိယာမတစ်ခုကို သေချာ စဉ်းစားကြည့်လိုက်သည်။

ဒါက 'တာအို' ပဲ။

အရှိန်အဝါက ကြီးမားသော်လည်း မြက်ပင်တစ်ပင်ကိုမျှ မပျက်စီးစေပေ။

ဤအရာက တာအိုပင်။

ကောင်းကင်ကြီး ပြိုကျသော်လည်း နေနှင့် လမှာ မပျက်စီး၊ တောင်ကြီး ပြိုသော်လည်း သစ်သားမှာ မကျိုးပဲ့ခြင်း။

ရှန်းချန်ကော သူ၏ကျောကို မတ်လိုက်သည်။

"ငါနဲ့ အထိုက်တန်ဆုံးပါပဲလေ"