ကောင်းကင်ဘုံသို့ဒဏ်ပြန်ခြင်း အထွတ်အထိပ်ဓားသိုင်း - ဆိတ်ငြိမ်ခြင်းကဏ္ဍာ

"မင်းက ဘယ်သူလဲ"

ထိုခဏ၌ ကောင်းကင်ထက်ရှိ ရှေးဟောင်းနတ်ဘုရားမျိုးဆက်သည် ဝတ်စုံဖြူဝတ် လူငယ်လေး၏ ရုတ်တရက် ပေါ်ထွက်လာမှုကြောင့် တုန်လှုပ်သွားရသည်။

၎င်းမှာ ဓားနတ်ဘုရားဧကရာဇ်၏ ဓားအလင်းတန်းဖြစ်သော်လည်း ဤလူငယ်၏ ဓားချက်နှစ်ချက်အောက်တွင်ပင် ပျက်စီးသွားရသည် မဟုတ်ပါလား။

ဒါက ဘယ်လိုလုပ် ဖြစ်နိုင်မှာလဲ။

ဓားနတ်ဘုရားဧကရာဇ်၏ဓားအလင်းမှာ အလွန်ပင် နက်နဲဆန်းကြယ်ပြီး လောကတွင် အထူးခြားဆုံးအရာဟု လူသိများသည်။

လူအများအပြားမှာ ထိုဓားအလင်း၏ လျှို့ဝှက်ချက်ကို ရှာဖွေရန် ကြိုးစားခဲ့ကြဖူး၏။

အချို့မှာ သေဆုံးသွားခဲ့ကြသော်လည်း အချို့သော ပါရမီရှင်များမှာမူ ထိုဓားအလင်းထဲမှ ဉာဏ်အလင်းအသစ်များ ရရှိကာ ပြန်ထွက်လာနိုင်ခဲ့ကြသည်။

၎င်းသည် ကမ္ဘာတစ်ခုအလားပင်။

ဖန်ဆင်းခြင်းနယ်ပယ်မှ ပညာရှင်များ သို့မဟုတ် ထို့ထက် ပိုမိုအစွမ်းထက်သော တည်ရှိမှုများပင်လျှင် ထိုကဲ့သို့ လှပပြီး ကြောက်မက်ဖွယ်ကောင်းသော ဓားချက်မျိုးကို ထုတ်ဖော်နိုင်ခြင်း မရှိကြပေ။

ထိုဓား၏အစွန်းတစ်စကို မြင်ရရုံနှင့်ပင် မည်မျှကြောက်စရာကောင်းကြောင်း ခံစားမိနိုင်သည်။

ကျရှုံးသွားသူများကမူ ၎င်းကို ရှေးဟောင်းနတ်ဘုရားများ၏မဟာစွမ်းအင်ကြောင့်ဟုသာ သတ်မှတ်ခဲ့ကြသည်။

၎င်းမှာ လူသားတို့ လက်လှမ်းမမီနိုင်သည့် ကောင်းကင်ဘုံမှ နန်းတော်ကြီးတစ်ခုကဲ့သို့ပင်။

ထိုစဉ် ရှေးဟောင်းနတ်ဘုရားမျိုးဆက်သည် လွန်ခဲ့သော အချိန်အချို့က သူတို့မျိုးနွယ်စုထဲတွင် ပြောဆိုနေကြသည့် သတင်းကို သတိရသွားသည်။

မြူခိုးသမုဒ္ဒရာကမ္ဘာတွင် အလွန်ပင် ခြိမ်းခြောက်မှုရှိသော တည်ရှိမှုတစ်ခု ရှိနေသည်ဟူသော သတင်းပင်။ ထိုစဉ်က သူတို့ ဂရုမစိုက်ခဲ့ကြပေ။

သူတို့အမြင်တွင် မြူခိုးသမုဒ္ဒရာကမ္ဘာမှာ နိမ့်ကျသော ကမ္ဘာတစ်ခုသာဖြစ်ပြီး၊ ထိုကမ္ဘာ၏ကျင့်ကြံခြင်းစနစ်မှာ နှစ်ပေါင်းများစွာ လက်ဆင့်ကမ်းလာခဲ့သည့် ရှေးဟောင်းနတ်ဘုရားမျိုးဆက်များနှင့် မည်သို့မှ ယှဉ်နိုင်မည် မဟုတ်ဟု ယူဆခဲ့ကြသည်။

သို့သော် ယနေ့ ဤလူငယ်ကို မြင်လိုက်ရသောအခါ...

သူ့ရင်ထဲတွင် တုန်လှုပ်မှုများ ဖြစ်ပေါ်လာရသည်။

ဤလူငယ်သည် သူသိသမျှ ရှေးဟောင်းနတ်ဘုရားမျိုးဆက်အားလုံးထက် သာလွန်နေပြီး ရှေးဟောင်းနတ်ဘုရားတစ်ပါးနှင့်ပင် နှိုင်းယှဉ်နိုင်နေသည်။

ရှန်းချန်ကော၏နဖူးအလယ်ရှိ မျက်လုံးမှာ သူ့ကို အလွန်အမင်း အန္တရာယ်ရှိသည်ဟု ခံစားရစေသော်လည်း တစ်ဖက်တွင်လည်း အလွန်ပင် ရင်းနှီးကျွမ်းဝင်နေသည့် ခံစားချက်မျိုး ပေးနေပြန်သည်။

ဤရင်းနှီးမှုမှာ မည်သည့်အရာနည်း။ဓားနတ်ဘုရားဧကရာဇ်၏စိတ်ဆန္ဒထံမှပင် သူ ဤကဲ့သို့ မခံစားခဲ့ရဖူးပေ။

၎င်းက သူ့ကို ဒူးထောက်ခိုင်းချင်စိတ် ပေါက်အောင်ပင် စွမ်းဆောင်နေသည်။

ရုတ်တရက် ဓားနတ်ဘုရားဧကရာဇ်၏အရှိန်အဝါများမှာ ပြင်းထန်သော သတ်ဖြတ်ခြင်း အငွေ့အသက်များနှင့်အတူ ပေါက်ကွဲထွက်လာတော့သည်။

ဓားနတ်ဘုရားဧကရာဇ်က ကိုယ်တိုင် တိုက်ခိုက်တော့မည်လော။

ထိုနေရာနှင့် အနီးဆုံးရှိနေသည့် မျိုးဆက်၏ အမြင်တွင် ဓားနတ်ဘုရားဧကရာဇ်သည် အသက်ပြန်ဝင်လာသည့်အလား ထင်မှတ်ရသည်။

ခန့်ညားထည်ဝါသော အရှိန်အဝါများ၊ နဂါးကြေးခွံများသဖွယ် စီခြယ်ထားသည့် မသေမျိုးချပ်ဝတ်တန်ဆာများကို ဝတ်ဆင်ထားသော လူတစ်ယောက်သည် ကြောက်မက်ဖွယ်ကောင်းသော ဓားရှည်ကြီးဖြင့် မြူနက်များကို ဆုတ်ဖြဲလိုက်သည်ကို သူ မြင်လိုက်ရသည်။

"အားးး"

ရှေးဟောင်းနတ်ဘုရားမျိုးဆက်သည် ကြောက်စရာတစ်ခုခုကို မြင်လိုက်ရသကဲ့သို့ သူ၏ မျက်စိသူငယ်အိမ်များ ကျဉ်းမြောင်းသွားပြီး မျက်လုံးများမှ သွေးများ စီးကျလာသည်။

သူ၏ခန္ဓာကိုယ်မှာလည်း အောက်သို့ ပြုတ်ကျသွားတော့သည်။

သို့သော် ယခုအချိန်တွင် မည်သူမျှ သူ့ကို ဂရုမစိုက်နိုင်ကြတော့ပေ။

ဓားနတ်ဘုရားဧကရာဇ်က အစွမ်းထက်ဆုံး ဓားချက်ကို ထုတ်ဖော်လိုက်ပြီ မဟုတ်ပါလား။

"အဲ့ဒီဟာကတော့ကွာ" ရှန်းချန်ကော၏ ရှေးဟောင်းနန်းတော်ထဲမှ မျက်လုံးကြီးသည် ထိုဓားအလင်းကို ကြည့်ရင်း တုန်လှုပ်နေသည်။

သူသည် ရှန်းချန်ကောကို မနှစ်သက်သော်လည်း ယခုအချိန်တွင် သူ၏စွမ်းအားအားလုံးကို ထုတ်ချေးပေးလိုက်ရတော့သည်။

ရှန်းချန်ကော၏နဖူးအလယ်မှ မျက်လုံးသည် နတ်ဆိုးဆန်သော ရွှေရောင်အလင်းတန်းများ တောက်လောင်လာသည်။

ယခုအချိန်မှာ ရှန်းချန်ကောသည် နတ်ဘုရားတစ်ပိုင်း အဆင့်သို့ ရောက်ရှိနေပြီး ရှေးဟောင်းနတ်ဘုရားတစ်ပါးနှင့် အလွန်ပင် နီးစပ်နေပြီဖြစ်သည်။

သူ၏ကျောနောက်တွင် နတ်ဘုရားစိတ်ဆန္ဒ ပုံရိပ်ကြီး ပေါ်ထွက်လာပြီး၊ ၎င်းအနီးတွင် ဓားနတ်ဘုရားစိတ်ဆန္ဒ က လွင့်မျောနေသည်။

ရှန်းချန်ကောသည် ဓားနတ်ဘုရားဧကရာဇ်နှင့် အလွန်နီးစပ်သော ဆက်နွယ်မှုရှိနေသည်ဟု ခံစားနေရသည်။

ဓားနတ်ဘုရားဧကရာဇ်၏ဓားချက်သည် သူ၏ နဖူးအလယ်မှ မျက်လုံးကို ပစ်မှတ်ထားနေကြောင်း သူ သိလိုက်သည်။

ရှန်းချန်ကောသည် မဟာပျက်သုဉ်းခြင်းကျမ်း ကို အစွမ်းကုန် လှည့်ပတ်လိုက်သည်။

သူ၏အသက်စွမ်းအား အကန့်အသတ်အထိ တိုက်ခိုက်ရန် ပြင်လိုက်ပြီး "ဓားနည်းစနစ် - ပထမအဆင့်" ကို ထုတ်ဖော်လိုက်သည်။

၎င်းမှာ သူ ပြုလုပ်ဖူးသမျှထဲတွင် အပြင်းထန်ဆုံးသော ဓားချက်ပင်။ သူ၏ဓား ထံမှ ကွဲအက်သံများ ထွက်ပေါ်လာသည်။

ဘုန်း

ဓားပုံရိပ်မှာ ကြေမွသွားသော်လည်း ဓားအလင်းမှာ မရပ်တန့်သွားပေ။

လူတိုင်းမှာ ထိတ်လန့်တုန်လှုပ်နေကြရသည်။ ချင်းရွှမ်နှင့် အခြားသူများမှာ ဒဏ်ရာပြင်းထန်စွာ ရရှိထားသဖြင့် ရှန်းချန်ကောကို ကူညီချင်သော်လည်း ဓားအရှိန်အဝါကြောင့် မြေပြင်တွင်သာ ဝပ်စင်းနေရသည်။

ရှန်းချန်ကော မည်မျှ ဖိအားခံနေရမည်ကို သူတို့ တွေးပင် မတွေးရဲကြတော့။

ချင်းရွှမ်၏ရင်ထဲတွင် နောင်တများဖြင့် ပြည့်နေသည်။ သူသည် ရှန်းချန်ကော အပြည့်အဝ ကြီးပြင်းလာမှသာ ဤကမ္ဘာကို ထမ်းတင်ခိုင်းချင်ခဲ့ခြင်းဖြစ်သည်။

ယခုမူ စောလွန်းနေသေးသည်။ အကယ်၍ ဤတိုက်ပွဲတွင် ရှန်းချန်ကောသာ ကျဆုံးသွားပါက သူလည်း အသက်ရှင်ချင်တော့မည် မဟုတ်ပေ။

ဘုန်း

ဓားအလင်းများ ကျဆင်းလာပြီး ကမ္ဘာမြေကြီး တုန်ခါသွားသည်။ ဟင်းလင်းပြင်များမှာ ဖန်သားပြင်အလား ကွဲအက်ကုန်၏။

စွမ်းအင်လှိုင်းများမှာ သမုဒ္ဒရာကြီးအလား ပတ်ဝန်းကျင်တစ်ခုလုံးကို ဝါးမျိုဖျက်ဆီးပစ်တော့သည်။

လူတိုင်း တုန်ရီနေကြသည်။ "သူ သေသွားပြီလား"

ဤကဲ့သို့သော ဓားချက်အောက်တွင် မည်သူမျှ အသက်ရှင်နိုင်မည် မဟုတ်ဟု အားလုံးက ထင်မှတ်နေကြစဉ်..

ရုတ်တရက် ဓားလှိုင်းလုံးများကြားမှ ပုံရိပ်တစ်ခု အတင်းတိုးထွက်လာသည်။

ရှန်းချန်ကော၏ခန္ဓာကိုယ်တစ်ခုလုံးမှာ ရွှေရောင်များ တောက်ပနေပြီး ရှေးဟောင်းနတ်ဘုရားတစ်ပါး ဆင်းသက်လာသည့်အလား ခန့်ညားနေသည်။

သူ၏မျက်လုံးများထဲမှ အလင်းတန်းမှာ ကောင်းကင်ကိုပင် ဆုတ်ဖြဲနိုင်ပုံရသည်။

အမှန်စင်စစ် ရှန်းချန်ကောသည် ဓားပင်လယ်ထဲတွင် နစ်မြုပ်နေစဉ် ခဏတာ အခွင့်ကောင်းယူကာ...

"ချက်အင် ဝင်မည်"

[ချက်အင် အောင်မြင်ပါသည်- သင်သည် အင်မော်တယ်အဆင့် ဓားသိုင်းတစ်ခုဖြစ်သော "ကောင်းကင်ဘုံသို့ဒဏ်ပြန်ခြင်း အထွတ်အထိပ်ဓားသိုင်း - ဆိတ်ငြိမ်ခြင်းကဏ္ဍာ" ကို ရရှိပါသည်]

ရှန်းချန်ကော၏မျက်လုံးများ လင်းလက်သွားသည်။

"ဒါဆို ရှေးဟောင်းနတ်ဘုရားခေတ်ဆိုတာ အလိမ်အညာတစ်ခုလား၊အဲဒီခေတ်က တစ်ခါမှ မရှိခဲ့ဘဲကျန်ရစ်ခဲ့တဲ့ သဲလွန်စတွေကနေ ဖန်တီးထားတဲ့ လှည့်စားမှုတစ်ခုပဲလား"

ထိုခဏချင်းမှာပင် ရှန်းချန်ကောသည် အရာများစွာကို နားလည်သွားပုံရသည်။ သူသည် လက်ကို အသာအယာ မြှောက်လိုက်ရာ ဓားနတ်ဘုရားဧကရာဇ်၏စွမ်းအင်နှင့် ဆင်တူသော စွမ်းအင်များ သူ၏လက်ထဲတွင် စုစည်းလာသည်။

"မင်းက ကျင့်စဉ်တစ်ခုရဲ့ အစိတ်အပိုင်းတစ်ခုပဲကိုး..."

ဤဓားသိုင်းသည် သူ့ဘာသာသူ လှုပ်ရှားပြီး ပတ်ဝန်းကျင်မှ စွမ်းအင်များကို စုပ်ယူကာ 'ရှေးဟောင်းနတ်ဘုရားစိတ်ဆန္ဒ' ဟု ခေါ်သော ပုံရိပ်ယောင်ကို ဖန်တီးထားခြင်းသာ ဖြစ်သည်။

သူ၏နတ်ဘုရားစိတ်ဆန္ဒနှင့် ဓားဧကရာဇ်တို့၏ တည်ဆောက်ပုံမှာ လုံးဝ ကွဲပြားနေသည်။

ထင်ထားသည့်အတိုင်းပင်၊ ဤလောကကြီးတွင် ကြီးမားသော လျှို့ဝှက်ချက်တစ်ခု ရှိနေသည်။

ကန့်လန့်ကာနောက်ကွယ်မှ အမှန်တရားမှာ မည်သည့်အရာဖြစ်သနည်း။

ဓားနတ်ဘုရားဧကရာဇ်၏ပုံရိပ်မှာ တစ်စုံတစ်ခုကို သိရှိသွားသည့်အလား ဖြည်းဖြည်းချင်း ဆုတ်ခွာသွားတော့သည်။ ရှန်းချန်ကော၏ဓားသိုင်းသည် ဓားအလင်းကို ချိုးဖောက်နိုင်ခဲ့ရုံသာမက ဆိတ်ငြိမ်ခြင်းကဏ္ဍာကို အသုံးပြု၍ ထိုဓားချက်ကို အတွင်းပိုင်းမှ ဖျက်ဆီးပစ်ခဲ့ခြင်း ဖြစ်သည်။

"ဒီကမ္ဘာကို မဟာအပျက်စီးနယ်မြေ နဲ့ ဒီထက်မြင့်မားတဲ့ တည်ရှိမှုတွေက ဘယ်လိုပုံစံနဲ့ တည်ဆောက်ထားတာလဲ။ရှေးဟောင်းနတ်ဘုရားတွေရဲ့အကြွင်းအကျန်ဆိုတာကော ဘာလဲ၊မသေမျိုးတွေ တကယ်ရှိတာလား၊ ငါ့ရဲ့ ခန္ဓာကိုယ် ပြောင်းလဲလာတာက မသေမျိုးလမ်းစဉ်ဘက်ကို ဆင့်ကဲပြောင်းလဲလာတာဖြစ်ပေမဲ့ လူတွေက ရှေးဟောင်းနတ်ဘုရား ခန္ဓာကိုယ်လို့ ထင်နေကြတာလား..."

"မြူခိုးသမုဒ္ဒရာရဲ့ အပြင်ဘက်မှာ တခြားကမ္ဘာတွေ ရှိနေသေးသလား"

ရှန်းချန်ကောသည် ကောင်းကင်ထက်တွင် ရပ်နေရင်း ဤလောကကြီးအပေါ် အလွန်အမင်း စပ်စုချင်စိတ်များဖြင့် ပြည့်နှက်နေတော့သည်။