လျှို့ဝှက် အစီအစဉ်

"ဂိုဏ်းခေါင်းဆောင်ကြီး လွန်ခဲ့တဲ့ နှစ်အနည်းငယ်က တပည့်ကျင့်စဉ် တစ်ခုကို နားလည်သဘောပေါက်ခဲ့တယ်၊ ခေါင်းဆောင်ကြီး ကျွန်တော့်ကို လမ်းညွှန်မှု နည်းနည်းလောက်ပေးပါ?"

ဂျိချန်းဖန် ပြုံးကာပြောလိုက်သည်။။

ထိုအခါ တောက်ရွှမ်း ထိတ်လန့်သွား၏။ထို့နောက်

"ကောင်းပြီ၊" ဟူ၍ပြောကာခေါင်းညိတ်လိုက်သည်။

ထို့နောက် ဂျိချန်းဖန် လက်ညှိုးတစ်ချောင်း ထုတ်လိုက်သည်ကို သူ မြင်လိုက်ရသည်။

နောက်တစ်ခဏတွင်

'ရေခဲ နှလုံးသားဆုဒြာ' ဟု အမည်ရ သော ကျင့်ကြံမှုနည်းစနစ်တစ်ခု တစ်ခု တောက်ရွှမ်း ရဲ့ စိတ်ထဲမှာ တိတ်ဆိတ်စွာ ပေါ်လာသည်။

【ရေခဲ နှလုံးသားဆုဒြာ - ခန္ဓာကိုယ်ပေါ်က မကောင်းဆိုးဝါး ချီ နဲ့ မိစ္ဆာချီ) တို့၏ တိုက်စားမှုကို ကာကွယ်နိုင်ပြီး စိတ်ကို အလိုဆန္ဒကင်းမဲ့သောအခြေအနေ(ဗလာအခြေအနေ) သို့ ဝင်ရောက်စေနိုင်သည်!!】

"…"

တောက်ရွှမ်း ထို ကျင့်ကြံမှု နည်းပညာ ကို မြင်လိုက်ရတဲ့ ခဏမှာ သူ လုံးဝ ဝေခွဲမရ ဖြစ်သွားရသည်

*ဘာကြီးလဲဟ၊ ရေခဲ နှလုံးသားဆုဒြာ မကောင်းဆိုးဝါး ချီ ရဲ့ တိုက်စားမှုကို ကာကွယ်နိုင်တယ်*

“ ဒါ ကျူးရှန် ဓား အတွက် အသင့်တော်ဆုံးကျင့်စဉ် မဟုတ်ဘူးလား”

တောက်ရွှမ်း ဂျိချန်းဖန်ကို တုန်ယင်နေသော အသံဖြင့် ပြောလိုက်သည်- "ဂျိချန်းဖန်၊ မင်းရဲ့ ဒီ ကျင့်ကြံမှု နည်းပညာ က တကယ်ပဲ... တကယ်ပဲ မကောင်းဆိုးဝါး ချီ ရဲ့ တိုက်စားမှုကို ကာကွယ်နိုင်တာလား"

"ဟုတ်တာပေါ့၊" ဂျိချန်းဖန် ပြုံးပြီး ပြောလိုက်သည်။

သူ ထို ကျင့်ကြံမှု နည်းစနစ် ကို ကျန်းရှောင်ဖန် ဆီ လက်ဆင့်ကမ်းပြီးသားပါ၊ ပြီးတော့ အဲဒါက မကောင်းဆိုးဝါး ချီ ကို တကယ်ပဲ ကာကွယ်နိုင်၏။

"ကောင်းတယ်! အရမ်းကောင်းတယ်!"

တောက်ရွှမ် ရဲ့ မျက်နှာ ထူးထူးခြားခြား စိတ်လှုပ်ရှားနေသည်။

ထိုကဲ့သို့ ကျင့်ကြံမှု နည်းပညာ နဲ့ဆိုရင် ကျူးရှန် ဓား ကို သူသာမန်ကဲ့သို့သုံး၍ရသည်မဟုတ်ပါလော။

အသေခံတိုက်ကွက်မှသည် ပုံမှန်အတိုင်းသုံး၍ရသော တိုက်ကွက်ဖြစ်သွားသည်မှာ သူ၏စွမ်းအားသည်လည်း တစ်ဆင့်တက်သွားခြင်းပင်ဖြစ်သည်။

"ဂိုဏ်းခေါင်းဆောင်ကြီး၊ ကျွန်တော် ဆွေးနွေးစရာ နောက်ထပ် အကြောင်းအရာ နှစ်ခု ရှိသေးတယ်..." ဂျိချန်းဖန် အနည်းငယ် စဉ်းစားလိုက်သည်။

"နောက်ထပ် ကျင့်စဉ်တွေလား၊ မဟုတ်ဘူး... အဟမ်း၊ နောက်ထပ် ဘာရှိသေးလဲ" တောက်ရွှမ် စကား မဆက်စပ်နိုင်ဖြစ် နေသည်။

အဘယ်ကြောင့်ဆိုသော် သူ အလွန် စိတ်လှုပ်ရှားနေ၍ဖြစ်၏။

သူ့ခေါင်းဆောင်မှုအောက်တွင် ကျင်းယွမ်ဂိုဏ်း ထင်ရှားလာမည်ကိုသူမြင်ယောင်နေပြီဖြစ်သည်။မဟုတ်ပါချေ ၊ ဂျိချန်းဖန်၏လက်အောက်တွင်ကျင်းယွမ်ဂိုဏ်းထင်ရှားလာမည်ကိုဖြစ်သည်ကိုပင်။

"ကျွန်တော် ရှောင်ဖန် ကို နတ်ဆိုး ဂိုဏ်း ထဲ လျှို့ဝှက် တပည့်အဖြစ် စေလွှတ်ချင်တယ်၊ သူ့ကို ဗုဒ္ဓ၊ တာအို၊ နဲ့ နတ်ဆိုး လမ်းစဉ်သုံးခုကကို ကျင့်ကြံစေချင်တယ်။ ဒါက သူ့ရဲ့ တာအိုလမ်းစဉ် ဖြစ်ပြီး၊ ဒါက သူ့ရဲ့ အနာဂတ်လမ်းစဉ်ပဲ"

ဂျိချန်းဖန် ပြောလိုက်၏။ထိုစကားကို ကြားလိုက်ရတော့ တောက်ရွှမ်း မျက်မှောင်ကြုတ်လိုက်ကာ စဉ်းစားလိုက်၏။

သူ မသိစိတ်က ဒီအဆိုပြုချက်ကို ငြင်းပယ်ချင်နေသည်။

ရှောင်ယီချိုင်၏ သေဆုံးမှုက ရှေ့က နမူနာပဲ၊ ပြီးတော့ သူ သူ့ရဲ့ တပည့်တွေကို နတ်ဆိုး ဂိုဏ်း ထဲ နောက်တစ်ခါ သေဖို့ မစေလွှတ်ချင်တော့ပါချေ။

သို့သော် သူ သေချာ စဉ်းစားလိုက်သည်။

ရုတ်တရက် သူစဉ်းစားမလိုက်၏။ ကျန်းရှောင်ဖန် ဗုဒ္ဓ နဲ့ တာအို ကျင့်ကြံမှု နည်းစနစ် နှစ်ခုလုံးကို ပိုင်ဆိုင်ထား၏။

တောက်ရွှမ် အနည်းငယ် စဉ်းစားလိုက်သည်၊ ဂျိချန်းဖန်ကို ကြည့်ပြီး မေးလိုက်သည်- " ဂျိချန်းဖန်၊ မင်းမှာ အစီအစဉ် တစ်ခုခု ရှိလား?"

ဂျိချန်းဖန် ပေါ့ပါးစွာ ပြုံးပြီး ပြောလိုက်သည်- "သရဲဘုရင် ဂိုဏ်း ထဲမှာ ကောင်းကင်ကျမ်းစာ ငါးတွဲထဲက တစ်တွဲ ရှိနေတယ်!"

"ဘာ" တောက်ရွှမ်း အနည်းငယ် ထိတ်လန့်သွားသည်။

သူ ဂျိချန်းဖန်ရဲ့ အကြံဉာဏ်ကို ချက်ချင်း နားလည်လိုက်သည်။

ကျန်းရှောင်ဖန်ကို သရဲဘုရင် ဂိုဏ်း ထဲကို သူလျှိုအဖြစ်စေလွှတ်ကာ ထိုကျမ်းစာကို အရယူလိုခြင်းဖြစ်၏။

"ဂိုဏ်းခေါင်းဆောင် ကြီး၊ ရိုးရိုးသားသား ပြောရရင်..." ဂျိချန်းဖန် ခဏလောက် စဉ်းစားပြီး ပြောလိုက်သည်-

"ဒီ ကောင်းကင်ကျမ်းစာ ငါးတွဲထဲက တစ်တွဲကို တပည့် လေ့လာကြည့်ရင်း၊ အတွေးတစ်ခု စိတ်ထဲမှာ ပေါ်လာတယ်။ ဖြစ်နိုင်တာက... ကျွန်တော်တို့ ကျင်းယွမ် ဂိုဏ်း ရဲ့ ထိုက်ချိ ရွှမ်ရှင်းတာအို ကို ပိုပြီး ပြီးပြည့်စုံအောင် လုပ်နိုင်မလားမသိဘူး"

"တိုင်ကျင်းအဆင့်က သေချာပေါက် နောက်ဆုံးအဆင့်မဟုတ်ဘူး"

ဂျိချန်းဖန်ရဲ့ လေသံက ယုံကြည်မှု အပြည့်ရှိနေ၏။

သူ ကောင်းကင်ကျမ်းစာ ငါးတွဲကို နားလည်သဘောပေါက်သရွေ့၊ ထိုက်ချိ ရွှမ်ရှင်း တာအို နဲ့ လုံးဝ ကွဲပြားတဲ့ ရွှေရောင်အနှစ်သာရ မဟာတာအိုလမ်းစဉ် ဆိုတဲ့ ကျင့်ကြံမှု နည်းပညာ ကို သူ့စိတ်ထဲမှာ လုံးဝ ဖန်တီးနိုင်မယ်လို့ ယုံကြည်ချက် ရှိနေသည်။

"ဒါ အမှန်ပဲလား"

တောက်ရွှမ်း ၏မျက်လုံးများ ရုတ်တရက် ပြူးကျယ်သွား ပေသည်။

သူ ဂျိချန်းဖန်ကို မယုံကြည်နိုင်စွာ ကြည့်ကာ ထိတ်လန့်မှု အရိပ်အယောင်များ သူ့မျက်လုံးများတွင် ပေါ်လာ၏။

“တိုင်ကျင်းအဆင့်က နောက်ဆုံးအဆင့်မဟုတ်ဘူး”

သူ့ဘေးက ဝမ်ကျန့်ယီ နဲ့ ချန်စုန့်တို့ အချင်းချင်း ကြည့်လိုက်ကြသည်။

သူတို့ အရင်က တိတ်ဆိတ်နေခဲ့ကြပေမယ့် နားမလည်ကြဘူးလို့ မဆိုလိုပါ‌ ချေ။ ဂျိချန်းဖန် ဆိုလိုသည်က သူ ကျင့်ကြံမှု နည်းပညာ အသစ်တစ်ခု ဖန်တီးချင်သည်လော။

ဂျိချန်းဖန် ပြုံးလိုက်ကာ သူ၏ လက်ကို ဝှေ့ယမ်းပြီး နောက်ထပ် စာအုပ်ငယ်လေး တစ်အုပ်ကို ထုတ်လိုက်သည်။

အဲဒီအထဲမှာ ထိုက်ချိ ရွှမ်ရှင်းတာအို ရဲ့ ကျင့်ကြံမှု နည်းပညာ အားလုံးကို မှတ်တမ်းတင်ထား၏။ ထိုကျင့်စဉ်များအားလုံးကိုသူပြုပြင်မွမ်းမံပြီးသားဖြစ်၏။

မူရင်း နှင့်ယှဉ်လျှင်ယခု ထိုက်ချိ ရွှမ်ရှင်းတာအိုက ကျင့်ကြံမှု အတွက် ပိုသင့်တော်သည်။

တောက်ရွှမ်းက စိတ်လှုပ်ရှားစွာ စာအုပ်ငယ်ကို ယူလိုက်ကာကြည့်လိုက်၏။

အတွင်းက အကြောင်းအရာတွေကို ရှင်းရှင်းလင်းလင်း မြင်လိုက်ရသောအခါ ထိတ်လန့်မှု အကြည့်တစ်ခု သူ့မျက်လုံးများတွင် ချက်ချင်း ပေါ်လာ၏။

"ကောင်းပြီ မင်း ပြောတဲ့အတိုင်း ငါတို့ လုပ်ကြမယ်!" တောက်ရွှမ်း ဂျိချန်းဖန်ရဲ့ အစီအစဉ် အားလုံးကို မဆိုင်းမတွ သဘောတူလိုက်ကြသည်။

တောက်ရွှမ်း တွန့်ဆုတ်မနေတော့ပေ။

သူ ဂျိချန်းဖန်ကို လုံးဝ ထောက်ခံဖို့ ရွေးချယ်လိုက်သည်။

စကားတွေ ထပ်ပြောစရာ မလိုတော့ဘူး၊ ဂျိချန်းဖန်မှာ အင်မော်တယ်အစစ်အမှန်တစ်ဦးဖြစ်ရန် အတွက် အလားအလာ ရှိ၏။

"ဂျိချန်းဖန်၊ ကျန်းရှောင်ဖန်ကို သွားခေါ်လိုက်ပါ။ ငါက လျှို့ဝှက်ကိစ္စကို သူ့နဲ့ ဆွေးနွေးလိုက်မယ်၊" တောက်ရွှမ်း ပြောလိုက်သည်။

"ကောင်းပြီ..." ဂျိချန်းဖန် ခေါင်းညိတ်လိုက်ကာ လှည့်ပြီး ဘိုးဘေးခန်းမ ကနေ ထွက်ခွာသွားသည်။ထို့‌ နောက် တကျူး တောင်ထွတ် ဆီ သူ့ရဲ့ ဓားပေါ်ကနေ ပျံသန်းသွားလေ၏။

...

...

သိပ်မကြာခင်မှာပင်

ဂျိချန်းဖန် ကျန်းရှောင်ဖန်ကို တုန်းထန်း တောင်ထွတ် ဆီသို့ ခေါ်လာသည်။

ဒါပေမယ့် သူတို့ ဘိုးဘေးခန်းမ ကို မသွားဘဲ ယုချင်း ခန်းမ ကို သွားကြသည်။

"သတ္တမ အစ်ကို ၊ ဂိုဏ်းခေါင်းဆောင် က ကျွန်တော့်ကို တွေ့ချင်တာလဲ?" ကျန်းရှောင်ဖန်ရဲ့ လေသံ အနည်းငယ် စိုးရိမ်သံပေါက်နေသည်။

ဂျိချန်းဖန်၏စကားလုံးများအပေါ် အခြေခံပြီး ချောင်းမြောင်ရွာ၏ အမှန်တရားကို ခန့်မှန်းမိကတည်းက သူ၏ စိတ်ခံစားမှုများက ထူးထူးခြားခြား မတည်မငြိမ် ဖြစ်လာခဲ့သည်...

ဂျိချန်းဖန် သင်ပေးခဲ့တဲ့ ရေခဲ နှလုံးသားဆုဒြာသာမရှိလျှင် သူ၏ဝိဉာဏ်ဝါးမြိုတောင်ဝှေး၏ လွှမ်းမိုးမှုကို ခံရနိုင်ခြေ ရှိကာ မကျေနပ်မှုတွေက လုံးဝ တိုက်စားသွားပြီး သူ့ကို နတ်ဆိုးလမ်းစဉ်သို့ကျရောက်သွားစေနိုင်၏။

"ရှောင်ဖန်။" ဂျိချန်းဖန် ခဏလောက် စဉ်းစားလိုက်ကာာ ကျန်းရှောင်ဖန်ကို မဖုံးကွယ်ဘဲ ပြောလိုက်သည်- "ကျင်းယွမ် ဂိုဏ်း က မင်းကို နတ်ဆိုး ဂိုဏ်း ထဲ သူလျိုသွားလုပ်စေချင်တယ်၊ မင်း ဆန္ဒရှိလား?"

ဒါကို ကြားလိုက်ရတော့ ကျန်းရှောင်ဖန် အနည်းငယ် ထိတ်လန့်သွားသည်။

ခဏလောက် စဉ်းစားပြီးနောက် သူ ဘာအကြောင်းပြချက်မှ မမေးဘဲ မဆိုင်းမတွ ချက်ချင်း သဘောတူလိုက်သည်- "သတ္တမ အစ်ကို၊ ကျွန်တော် ဆန္ဒရှိပါတယ်!"

"မင်း ဒီလောက် မြန်မြန် သဘောတူလိုက်တာလား?" ဂျိချန်းဖန် အနည်းငယ် အံ့သြသွား၏။

ကျန်းရှောင်ဖန် ခါးသက်စွာ ပြုံးပြီး ခေါင်းခါလိုက်သည်- "သတ္တမ အစ်ကို၊ ကျွန်တော် ကျင်းယွမ် ဂိုဏ်း မှာ ဆက်နေရင်၊ ဆရာ နဲ့ အစ်ကို့အတွက် ဒုက္ခတွေ အများကြီး ပေးမိလိမ့်မယ် မဟုတ်လား?"

"မဟုတ်ပါဘူး" ဂျိချန်းဖန် အနည်းငယ် ခေါင်းခါလိုက်သည်။

ကျန်းရှောင်ဖန် တိတ်ဆိတ်စွာ ခေါင်းငုံ့လိုက်သည်၊ ဂျိချန်းဖန်ရဲ့ ပြောစကားကို သဘောမတူပေ။ သူ က သူ့ ဆရာ နဲ့ ဆရာကတော် အတွက် အနည်းငယ် စိတ်မကောင်း ဖြစ်မိနေတုန်းပင်။ သူ့ ဆရာ နဲ့ ဆရာကတော် က သူ့ကို အရမ်း ကောင်းကောင်း ဆက်ဆံပေးခဲ့တာ၊ သို့သော် သူက မဟာ ဗြဟ္မာ ဉာဏ်ပညာ ကို သင်ယူပြီး တကျူး တောင်ထွတ် ကို ဝင်ရောက်ခဲ့ခြင်းကသူ့ ဆရာ ကို အရှက်ရစေခဲ့တယ်လို့ ခံစားရ၏။

ထိုအတွေးနှင့်ပင်သူ၏စိတ်ထဲတွင်စိတ်ခံစားချက်များမတည်မငြိမ်ဖြစ်လာကာဝိဉာဏ်ဝါးမြိုတောင်ဝှေးမှနတ်ဆိုးချီများ ထုတ်လွှတ်လိုက်သည်။ထို့ကြောင့် ရေခဲနှလုံးသားဆုဒြာကိုလှည့်ပတ်ကာခံစားချက်များကိုဖိနှိပ်လိုက်ရ၏။

သိပ်မကြာခင်မှာပင်

သူတို့နှစ်ယောက် ယုချင်း ခန်းမ ကို ရောက်ရှိလာကြသည်။ထို့နောက်

အနောက်ခန်းမရဲ့ တိတ်ဆိတ်တဲ့ အခန်းထဲက ဖျာတစ်ချပ်ပေါ်မှာ တောက်ရွှမ်း ထိုင်နေသည်ကို သူတို့ တွေ့လိုက်ရသည်။

...

...