နတ်ဘုရား ဖြစ်လာရန် အဆင့်များ၊ ကပ်ဘေးကျော်ဖြတ်ခြင်း စမ်းသပ်မှု ခြောက်ခု။

စုရှင်း စကားအနည်းငယ် ရေရွတ်လိုက်သည်။

ထို့နောက် အချိန်ကို တစ်ချက်ကြည့်လိုက်ရာ ကျင်းချုံးရွှယ်သည် ဗီလာတွင် စောင့်နေလောက်ပြီ ဖြစ်ကြောင်း ခန့်မှန်းမိလိုက်သည်။

ထို့ကြောင့် စုရှင်းသည် အနည်းငယ် ပြင်ဆင်ပြီး နတ်ဘုရား စစ်သည်တော်ခေတ် အကျဉ်းခန်းမှ ထွက်ခွာခဲ့သည်။

နာရီအနည်းငယ် ကြာပြီးနောက် စုရှင်းသည် ကျင်းချုံးရွှယ်၏ ဗီလာတွင် ပေါ်လာခဲ့သည်။

ဒီနေ့တွင် ကျင်းချုံးရွှယ်သည် အေးမြသော ဂါဝန်ရှည်ကို ဝတ်ဆင်ထားပြီး စုရှင်းကို လှမ်း၍ နှုတ်ဆက်လိုက်သည်။

"အလုပ်ရှုပ်တဲ့ လူကြီး၊ ဒီတစ်ပတ်ရော ဘာတွေများ အလုပ်ရှုပ်နေလဲ။"

ကျင်းချုံးရွှယ်သည် မျက်စိတစ်ဖက်ကို မှိတ်ပြရင်း နောက်ပြောင်လိုက်ပြီး လေသံတိုးတိုးဖြင့် မေးလိုက်သည်။

"ဟွန့်၊ အဖွဲ့အစည်းက ရှင့်ကို တာဝန်အသစ်တွေ ပေးထားလို့လား"

ကျင်းချုံးရွှယ်က ရုတ်တရက် ထူးထူးဆန်းဆန်း လုပ်ပြနေသောကြောင့် စုရှင်း ခေတ္တမျှ ကြောင်သွားသည်။ ထို့နောက် သူ ပြန်စဉ်းစားလိုက်ပြီး အနည်းငယ် တွေးတောကာ ပြောလိုက်သည်။

"တော်တော်များများတော့ ဟုတ်တယ်... အမေရိက ဈေးကွက်ကို ဖွင့်လှစ်ပေးဖို့ သူတို့က မမကို တောင်းဆိုထားတယ်။ ဟိုကနေ တွင်းနက်ကျောက်တုံးတွေ ပိုရအောင် လုပ်ပေးပါတဲ့"

ကျင်းချုံးရွှယ်သည် ထိုစကားကို ကြားသောအခါ သူမ၏ ရင်ဘတ်ကို ပုတ်လိုက်ပြီး ယုံကြည်ချက်ရှိရှိ ပြောလိုက်သည်။ "မမ တာဝန်ထားလိုက်ပါ"

မကြာမီ ထမင်းစားပြီးသွားပြီးနောက် စုရှင်းသည် တစ်ပတ်စာအတွက် ရှားပါးသတ္တု ကုဗမီတာ ၅၀၀ကို ကျင်းချုံးရွှယ်ထံ လွှဲပြောင်းပေးလိုက်သည်။

အဆာခံဆေးလုံးများနှင့် မျက်နှာအာဟာရပြုဆေးများကိုလည်း ပေးအပ်ခဲ့သည်။

လွန်ခဲ့သော နှစ်ပတ်အတွင်း စုရှင်း ကိုယ်တိုင် သတ္တုတူးဖော်ခြင်း မပြုလုပ်ခဲ့သောကြောင့်၊

ရှေ့ဖြစ်ဟောအသင်းမှ ပေးသော သရုပ်ပြ စွမ်းအင်သည် သိသိသာသာ လျော့နည်းသွားခဲ့သည်။ ယခုတစ်ပတ်တွင် စွမ်းအင်အမှတ် သန်း ၄၀၀ ခန့်သာ ရရှိခဲ့သည်။

သို့သော် စုရှင်း မလောပေ။ ရုပ်သေးများသည် ရေရှည် အကျိုးအမြတ်ဖြစ်ကြောင်း သူ သိထားသည်။ တစ်လမပြည့်ခင်မှာပင် ရရှိမည့် အကျိုးအမြတ်သည် ယခင်ကထက် များစွာ သာလွန်လာပေလိမ့်မည်။

ဗီလာမှ ထွက်ခွာပြီးနောက် စုရှင်းသည် ဝိညာဉ်စိုက်ခင်းဂူသို့ ပြန်လာခဲ့သည်။

၂၀၂၅ ခုနှစ်၊ မေလ ၁၂ ရက်နေ့တွင် သရုပ်ပြ အနားယူချိန် ပြည့်သွားပြီ ဖြစ်၍ စုရှင်းသည် သရုပ်ပြခြင်း အသစ်တစ်ကျော့ကို စတင်ရန် ပြင်ဆင်လိုက်သည်။

"သရုပ်ပြခြင်းကို စတင်မယ်"

[ဒင်၊ ဤ သရုပ်ပြခြင်းသည် စွမ်းအင်အမှတ် ၈၇၀၀ ကုန်ကျပါမည်၊ လက်ကျန်စွမ်းအင် - ၁၃.၂ ဘီလီယံ၊ လက်ကျန် သရုပ်ပြနိုင်သည့် အကြိမ်အရေအတွက် - အကန့်အသတ်မရှိ။]

[သရုပ်ပြခြင်း စတင်ပါပြီ။]

[ခရမ်းရောင် စွမ်းရည်ကို ရယူရန် စွမ်းအင်အမှတ် ၁ သိန်း ကုန်ကျပါမည်၊ ရွှေရောင် ဒဏ္ဍာရီလာ စွမ်းရည်ကို ရယူရန် စွမ်းအင်အမှတ် ၁ သန်း ကုန်ကျပါမည်။ သင် ရယူလိုပါသလား]

စုရှင်းက တုံ့ဆိုင်းမနေဘဲ ပြတ်သားစွာ ပြောလိုက်သည်။

"ရွှေရောင် စွမ်းရည်ကို ရယူမယ်"

[ဒင်၊ ဂုဏ်ယူပါသည်။ သင်သည် ခရမ်းရောင် စွမ်းရည်၊ ကြယ်တာရာ ဗေဒင်ပညာရှင်ကို ရရှိသွားပါပြီ။ နောက်တစ်ကြိမ် ရွှေရောင် စွမ်းရည် ရယူနိုင်သည့် ဖြစ်နိုင်ခြေသည် ၇၀% ဖြစ်လာမည်...]

[ကြယ်တာရာ ဗေဒင်ပညာရှင်] : ကျင့်ကြံခြင်း အနုပညာတစ်ရာ အတွင်းမှ ခရမ်းရောင် စွမ်းရည် ဖြစ်၏။ ညဘက်တွင် ကောင်းကင်ယံမှ ကြယ်များ၏ ပြောင်းလဲမှုများကို ကြည့်ရှုကာ ကံကောင်းခြင်းနှင့် ကံဆိုးခြင်းများကို ဟောကိန်းထုတ်နိုင်သည်။]

စုရှင်း : "..."

"ခရမ်းရောင် စွမ်းရည် နှစ်ကြိမ်ဆက်တိုက် ရတယ်ဆိုတော့၊ ငါ နည်းနည်း ကံဆိုးနေတာပဲ"

စုရှင်း ညည်းညူမနေဘဲ မနေနိုင်တော့ပေ။ ထို့နောက် စွမ်းရည်၏ ဖော်ပြချက်ကို ကြည့်လိုက်သည်။

"ကြယ်တာရာ ဗေဒင်... ငါ မှတ်မိတာ မမှားဘူးဆိုရင် ဒါက ဗေဒင်ပညာရဲ့ အခွဲတစ်ခု မဟုတ်လား၊ ကမ္ဘာသုံးထောင်ထဲက အထူးလူမျိုးစုတွေက မှော်ဆရာတွေဆိုရင် ဒါကို လေ့ကျင့်ကြတယ်ထင်တယ်..."

စုရှင်း ခေါင်းအနည်းငယ် ခါလိုက်ပြီး ဆက်လက် အာရုံမစိုက်တော့ပေ။

ကြယ်တာရာ ဗေဒင်သည် ကျင့်ကြံခြင်း အနုပညာတစ်ရာထဲတွင် နက်နဲသော ပညာရပ်တစ်ခု မဟုတ်ပေ။

"ဟူး... စွမ်းရည်ကောင်း မရမှတော့ ဒီတစ်ခေါက် သရုပ်ပြခြင်းကို မူလအစီအစဉ်အတိုင်းပဲ လုပ်ရတော့မယ်"

စုရှင်း၏ မျက်လုံးများထဲတွင် ပြတ်သားသော အရိပ်အယောင်တစ်ခု ဖြတ်သန်းသွားသည်။

လက်ရှိတွင် စုရှင်း၏ ကျင့်ကြံခြင်းအဆင့်သည် မဟာယာန အဋ္ဌမအဆင့်၏ အထွတ်အထိပ်သို့ ရောက်ရှိနေပြီ ဖြစ်သည်။

မဟာယာန ပြီးပြည့်စုံခြင်း အဆင့်သို့ ရောက်ရှိရန် ခြေတစ်လှမ်းသာ လိုတော့သည်။ ထိုအဆင့်သို့ ရောက်ရှိပါက ကပ်ဘေးကျော်လွှားခြင်း အတွက် ပြင်ဆင်ရန် အသင့်ဖြစ်နေပေလိမ့်မည်။

ဤ သရုပ်ပြခြင်းတွင် စုရှင်းသည် ကပ်ဘေးကျော်လွှားခြင်း အတွက် ပြင်ဆင်ရန် ရည်ရွယ်ထားသည်…

ထို့အပြင် စုရှင်းသည် သူ၏ အစွမ်းအထက်ဆုံး တိုက်ခိုက်ရေးနှင့် ကာကွယ်ရေး နည်းလမ်းဖြစ်သည့် ကာကွယ်ရေး ဓားအရှိန်အဝါကို ထပ်မံ အားဖြည့်ရန် လိုအပ်သည်။

ထို့နောက် စုရှင်းသည် သရုပ်ပြခြင်း မျက်နှာပြင်ကို အာရုံစိုက်လိုက်သည်။

[ဝိညာဉ်စိုက်ခင်းဂူ အတွင်း၌ သင်သည် သရုပ်ပြနေကြောင်း သိလိုက်သည်။]

[သင်သည် လုယွမ်ဝူနှင့် သဘောတူထားသည့်အတိုင်း ကုန်သွယ်မှု ပြုလုပ်ခဲ့ပြီး ချောမွေ့စွာ ပြီးဆုံးသွားသည်။]

[ဆယ်ရက်ကြာပြီးနောက် သင်သည် လော့ထျန်း ညီလာခံသို့ ဦးတည်သွားခဲ့သည်]

လက်တွေ့ကမ္ဘာတွင် စုရှင်းက ဤအရာကိုမြင်သော် တိတ်တဆိတ် ရေရွတ်လိုက်သည်။

"မြှုပ်နှံသရုပ်ပြခြင်းကို သုံးမယ်၊ ကြာချိန် - ၂၄ နာရီ"

[ဒင်...]

အချက်ပေးသံ ပျောက်ကွယ်သွားသည်နှင့် စုရှင်းသည် ရင်းနှီးပြီးသားဖြစ်သော ခန်းမဆောင်ကြီး အတွင်း၌ ပေါ်လာခဲ့သည်။

သူ့ရှေ့တွင် အထွတ်အထိပ် အကြီးအကဲ ဝူကဲ၏ အသံ ထွက်ပေါ်လာသည်။

"တပည့်၊ တောင်နောက်ဘက်ကို သွားပြီး မင်းရဲ့ ဂိုဏ်းတူဦးလေး ရှန်းနန်ကို ဖိတ်ခေါ်ခဲ့ချေ။"

စုရှင်းသည် နာခံစွာဖြင့် တောင်နောက်ဘက်သို့ အမြန်သွားလိုက်သည်။

ရှန်းနန်ယိုထျန်းကို ခန်းမဆောင်ကြီးသို့ အောင်မြင်စွာ ခေါ်ဆောင်လာပြီးနောက် စုရှင်းသည် ဝူကဲ၏ နောက်သို့ လိုက်ပါကာ နောက်ဘက် ခန်းမဆောင်သို့ သွားရောက်ခဲ့သည်။

"တပည့်၊ မင်း ငါ့ကို ဘာမေးချင်လို့လဲ"

ဝူကဲသသည် မုတ်ဆိတ်မွေးကို သပ်ရင်း မေးလိုက်၏။ သူ၏ မျက်လုံးများတွင် ချစ်ခင်ကြင်နာမှုများ ပြည့်နှက်နေသည်။

စုရှင်းသည် ထိုစကားကို ကြားသောအခါ ခေတ္တမျှ စဉ်းစားပြီး မေးလိုက်သည်။

"ဆရာ၊ ကျွန်တော့်ရဲ့ လက်ရှိ ကျင့်ကြံခြင်းအဆင့်က မဟာယာန ပြီးပြည့်စုံခြင်းအဆင့်ကို ရောက်ဖို့ နီးစပ်နေပါပြီ... ဒါကြောင့် ကျွန်တော် ကပ်ဘေးကျော်လွှားခြင်း အကြောင်း မေးမြန်းချင်ပါတယ်"

စုရှင်း၏ စကားကို ကြားသောအခါ ဝူကဲ အနည်းငယ် ခေါင်းညိတ်လိုက်၏။ ထို့နောက် အတိတ်ကို လွမ်းဆွတ်သော အရိပ်အယောင်တစ်ခု သူ၏ အတွေးအာရုံထဲတွင် ဖြတ်သန်းသွားသည်။

"ကပ်ဘေးကျော်လွှားခြင်း၊ ဟုတ်ပေသား... ဒီလူအိုကြီး နောက်ကနေလိုက်ပြီး အဝါရောင် နတ်ကြက်သား စားချင်တယ်လို့ ပူဆာခဲ့တဲ့ ကလေးလေးက မျက်စိတစ်မှိတ်အတွင်းမှာ နတ်ဘုရား ဖြစ်တော့မှာပါလား..."

ထိုစကားကို ကြားလိုက်ရသောအခါ စုရှင်း၏ ရင်ထဲတွင် နင့်ခနဲ ခံစားလိုက်ရသည်။ အကျဉ်းခန်း၏ နောက်ခံဇာတ်လမ်းတွင် စုရှင်း နေရာယူထားသော ဇာတ်ကောင်ဖြစ်သည့် လောရှောင်ချွင်း နှင့် ဂိုဏ်းသား အများအပြားကြားတွင် နက်ရှိုင်းသော သံယောဇဉ်များ ရှိနေကြောင်း သူ သဘောပေါက်လိုက်သည်။

စုရှင်း အတွေးထဲ နစ်မြောနေစဉ်တွင် ဝူကဲက မေးလိုက်သည်။

"ရှောင်ချွင်း၊ ပြောကြည့်ပါဦး... နတ်ဘုရားဆိုတာ ဘာလဲ"

ဝူကဲ၏ စကားကို ကြားသောအခါ စုရှင်း စဉ်းစားပြီး ပြန်ဖြေလိုက်သည်။

"မနောဓာတ် ပြီးပြည့်စုံပြီး သက်တမ်း နှစ်တစ်သောင်း နေထိုင်ရတယ်။ ပူပင်ကြောင့်ကြခြင်း ကင်းပြီး လွတ်လပ်စွာ နေထိုင်ရတဲ့သူကို နတ်ဘုရားလို့ ခေါ်ပါတယ်..."

ဝူကဲသည် စုရှင်း၏ အဖြေကို ဝေဖန်ခြင်း မပြုဘဲ ရှင်းပြလိုက်သည်။

"မဟာယာနအဆင့် နဲ့ နတ်ဘုရားအဆင့်က အဆင့်တစ်ခုပဲ ကွာခြားတယ်လို့ ထင်ရပေမဲ့... တကယ်တော့ လူသားနဲ့ နတ်ဘုရားကြားက ကွာဟချက်က ကမ္ဘာကြီးတစ်ခု ခြားနားနေသလိုပဲ"

"မဟာယာနအဆင့်ရဲ့ အထွတ်အထိပ်ကို ရောက်နေရင်တောင် အာ့အဆင့်က လူသားကမ္ဘာမှာတော့ ထိပ်တန်း ကျင့်ကြံသူ ဆိုပေမဲ့ သာမန် လူသားတစ်ယောက် ဖြစ်နေဆဲပဲ၊ အဲ့ဒီ နတ်ဘုရား လမ်းစဉ်ကို လှမ်းမြင်နိုင်မှာ မဟုတ်ဘူး"

"ကျင့်ကြံခြင်း အဆင့်ဆင့်ကို ပြန်ကြည့်လိုက်ရင် ချီကျင့်ကြံခြင်းကနေ အခြေခံအုတ်မြစ် တည်ဆောက်ခြင်း၊ ရွှေအမြုတေ၊ သန္ဓေတည်ဝိညာဉ်... ဒါမှမဟုတ် နတ်ဘုရားအသွင်ပြောင်းခြင်း၊ ဟင်းလင်းပြန် လမ်းစဉ်၊ ကိုယ်ခန္ဓာ ပေါင်းစည်းခြင်း နဲ့ မဟာယာနအဆင့်... ဒီအတွေ့အကြုံ အားလုံးက နတ်ဘုရား ဖြစ်လာဖို့အတွက် ပြင်ဆင်မှုတွေပဲ"

"ချီကျင့်ကြံခြင်းထဲ ဝင်လိုက်တာနဲ့ ပင်လယ်လို နက်ရှိုင်းသွားတယ်"

စုရှင်းသည် ဆံပင်များ ဖြူနေသော အထွတ်အထိပ် အကြီးအကဲ တစ်ဦး၏ နတ်ဘုရားတစ်ပါး ဖြစ်လာရန် သူ ဖြတ်သန်းခဲ့ရသော ဘဝအကြောင်းအား လွမ်းဆွတ်တသစွာ ပြောပြနေသည်ကို တိတ်တဆိတ် နားထောင်နေလိုက်သည်။

ဝူကဲ ဆက်ပြောသည်။

"ရွှေအမြုတေ အဆင့်မှာ... ငါတို့က ကိုးပတ်လည် ရွှေအမြုတေကို ဖွဲ့စည်းတယ်။ သန္ဓေတည်ဝိညာဉ် အဆင့်မှာ ငါတို့က ထူးခြားတဲ့ သန္ဓေတည်ဝိညာဉ်ကို ရရှိဖို့ ကြိုးစားကြတယ်"

"ဒီအရာ အားလုံးက နတ်ဘုရား ဖြစ်လာဖို့အတွက် အခြေခံအုတ်မြစ် ချနေခြင်းပဲ"

"အကယ်၍ ကိုးပတ်လည် ရွှေအမြုတေကို မဖွဲ့စည်းနိုင်ရင် ဒါမှမဟုတ် ထူးခြားတဲ့ သန္ဓေတည်ဝိညာဉ် မရရှိရင်... နတ်ဘုရား လမ်းစဉ်ကို လျှောက်လှမ်းဖို့ဆိုတာ မဖြစ်နိုင်ဘူး။ ဒါက အပြောသပ်သပ်တင် မဟုတ်ဘူးနော်"

ခေတ္တမျှ ရပ်နားပြီးနောက် ဝူကဲ ဆက်ပြောသည်။

"ပြီးတော့ ငါတို့လို လူသား ကျင့်ကြံသူတွေအတွက်က မဟာယာနနယ်ပယ်ရဲ့ ပြီးပြည့်စုံခြင်းအဆင့်ကို ရောက်ပြီးတော့မှ စစ်မှန်တဲ့ စမ်းသပ်မှုကြီး စတင်တာ။"

"ရှောင်ချွင်း၊ မင်းရဲ့ မနောဓာတ်က နက်ရှိုင်းပြီး မင်းရဲ့ ကျင့်ကြံခြင်းအဆင့်က နတ်ဘုရားတစ်ပါးရဲ့ အဆင့်နီးပါး ရောက်နေပြီ... ဒါကြောင့် မင်းအတွက် အသင့်တော်ဆုံး နည်းလမ်းက နတ်ဘုရားဖြစ်ခြင်း စမ်းသပ်မှု ငါးခုထဲက မနောဓာတ်ဂိတ်ကို အရင် ဖြတ်ကျော်ဖို့ပဲ”

…