ဇီမန်နယ်မြေ...

Vol. 57 Ch. 829

" ကုလီက ခွန်အားသိုင်းတာအိုလမ်းစဉ်ကို ပြောင်းလဲကျင့်ကြံရင် သူက လူသားမျိုးနွယ်ရဲ့ ဒုတိယမြောက် လမ်းစဉ်ခွဲထွက်ခြင်းအဆင့် အထွတ်အထိပ် ဖြစ်လာလိမ့်မယ်။ " ကြီးမြတ်သူရှုချန်က သက်ပြင်းချပြီး ပြောလိုက်သည်။

"လူသားမျိုးနွယ်ရဲ့အနာဂတ်က ပိုပြီး သန်မာလာဦးမှာပဲ။ "

" မလောပါနဲ့ဦး။ " လင်းယွမ်က ဘေးမှဝင်ပြောလိုက်သည်။ " ခင်ဗျားတို့အားလုံးအတွက်လည်း လမ်းစဉ်တစ်ခုစီ ပြင်ဆင်ပေးထားပါတယ်။ "

ကြီးမြတ်သူရွှမ်ယွမ်နှင့် ကြီးမြတ်သူရှချင်တို့အပါအဝင် ကြီးမြတ်သူရှစ်ယောက်လုံးက အံ့အားသင့်သွားကြသည်။ လင်းယွမ်က အမှောင်သိုင်းတာအိုလမ်းစဉ်၊ အိပ်မက်သိုင်းတာအိုလမ်းစဉ်နှင့် စသည့် လမ်းစဉ်ရှစ်ခုကို ဆက်လက်ပေးပို့လိုက်သည်။

" ဒါက " ကြီးမြတ်သူများက အသက်ပြင်းပြင်း ရှူလိုက်ကြပြီး အချက်အလက်များကို စတင်စစ်ဆေးလိုက်ကြသည်။

ခဏကြာပြီးသောအခါ ရှချင်က ရုတ်တရက် မျက်လုံးများဖွင့်လိုက်ရာ သူ၏ မျက်လုံးများက မှောင်မိုက်နေပြီး မကြာမီ ပုံမှန်အတိုင်း ပြန်ဖြစ်သွားခဲ့သည်။

" လင်းယွမ် ဒီဆင့်ကဲပြောင်းလဲခြင်းလမ်းစဉ်က.... " ကြီးမြတ်သူရှချင်က တုန်ယင်သော လေသံနှင့် ပြောလိုက်သည်။

" အိပ်မက်သိုင်းတာအိုလမ်းစဉ်.... ပုံရိပ်ယောင်အစစ်အမှန်.... ဒီဆင့်ကဲပြောင်းလဲခြင်းလမ်းစဉ်က လွှမ်းမိုးခြင်းအဆင့်ကို အသာလေး ရောက်နိုင်တာပဲ။ " ကြီးမြတ်သူယုတိုင်က တောက်ပသော မျက်လုံးများနှင့် ပြောလိုက်သည်။

" ဒါကို အဆုံးစွန်အထိ ကျင့်ကြံနိုင်ရင် ငါက ပုံရိပ်ယောင်သက်ရှိအဖြစ် ပြောင်းလဲနိုင်ပြီး ဖရိုဖရဲအရှင်သခင်တွေတောင် ငါ့ကို ကိုင်တွယ်ဖို့ တော်တော်ကြိုးစားရလိမ့်မယ်။ "

" အမှန်ပဲ။ " ကြီးမြတ်သူများက လင်းယွမ်ပေးပို့သော သိုင်းတာအိုလမ်းစဉ်များကို လေ့လာပြီး အံ့အားသင့်စွာ ခေါင်းညိမ့်လိုက်ကြသည်။

" ခင်ဗျားတို့အားလုံး ဒါတွေကို ကျင့်ကြံလို့ရပါတယ်။ " လင်းယွမ်က တိုက်ရိုက် ပြောလိုက်သည်။

လင်းယွမ်က လူသားမျိုးနွယ်၏ ကြီးမြတ်သူကိုးယောက်အတွက် သီးသန့်သိုင်းတာအိုလမ်းစဉ်ခွဲများ ဖန်တီးခဲ့ခြင်းမှာ နှစ်ဖက်လုံး အကျိုးရှိစေရန် ဖြစ်သည်။ လင်းယွမ်လျှောက်လှမ်းနေသော သိုင်းတာအို၏ အခြေခံက ပိုမိုနက်ရှိုင်းလာပြီး လူသားမျိုးနွယ်၏ ကြီးမြတ်သူကိုးယောက်က ပိုမိုမြင့်မားသော အဆင့်များသို့ တက်လှမ်းနိုင်ကြမည်ဖြစ်သည်။

" နောက်ထပ် သိုင်းတာအိုလမ်းစဉ်ခွဲအများကြီးရှိပါသေးတယ်။ အဲ့ဒီထဲက တစ်ခုစီက အလွှာဆယ့်နှစ်ကို ဦးတည်နေတဲ့ ဆင့်ကဲပြောင်းလဲခြင်းလမ်းစဉ်အသစ်တွေ ဖြစ်လာလိမ့်မယ်။ " လင်းယွမ်က သူဖန်တီးထားသော သိုင်းတာအိုလမ်းစဉ်ခွဲ ၇၃ခုကို ထုတ်ပြလိုက်သည်။

ကြီးမြတ်သူကိုးယောက်က ဆက်လက်အံ့အားသင့်ခြင်းမရှိတော့ပေ။ လင်းယွမ် သူတို့အတွက် ထုတ်ပေးသော လမ်းစဉ်ခွဲပင် ကိုးခုရှိနေပြီဖြစ်ပြီး နောက်ထပ်ဆယ်ချီ၍ ထုတ်ပြခြင်းက သဘာဝကျပေသည်။

ထို့နောက် ကြီးမြတ်သူကိုးယောက်က မိမိ၏ တာအိုကို ဖျက်သိမ်းပြီး သိုင်းတာအိုလမ်းစဉ်အား ပြောင်းလဲကျင့်ကြံမည့်အကြောင်း ဆွေးနွေးခဲ့ကြသည်။ အလွှာဆယ့်နှစ် သက်ရှိတစ်ယောက်က မည်မျှသန်မာသည်ဖြစ်စေ သူတို့၏ ကိုယ်ပိုင်လမ်းစဉ်ကို စွန့်လွှတ်လိုက်သည်နှင့် သူတို့၏ စွမ်းအားက သိသိသာသာ ကျဆင်းသွားပေလိမ့်မည်။

ထို့ကြောင့် လူသားမျိုးနွယ်၏ ကြီးမြတ်သူကိုးယောက်က တစ်ချိန်တည်းတွင် လမ်းစဉ်ပြောင်းလဲခြင်းကို မပြုလုပ်ကြပေ။ လူသားမျိုးနွယ်၏ ထောက်တိုင်ဖြစ်သော လင်းယွမ်ရှိနေသော်လည်း အရာအားလုံးအတွက် လင်းယွမ်ကိုသာ မှီခို၍မရပေ။

သူတို့၏ ဆွေးနွေးမှုများအရ တစ်ချိန်တည်းတွင် ကြီးမြတ်သူနှစ်ယောက်က လမ်းစဉ်ပြောင်းလဲခြင်းကို ပြုလုပ်ကြမည်ဖြစ်သည်။ ထိုကြီးမြတ်သူနှစ်ယောက်က အလွှာဆယ့်နှစ်သို့မရောက်မချင်း အခြားခုနှစ်ယောက်က လူသားမျိုးနွယ်ကို တာဝန်ယူမည်ဖြစ်သည်။

သိုင်းတာအိုလမ်းစဉ်ခွဲများကို ပေးအပ်ပြီးနောက် လင်းယွမ်က တံခါးပိတ်ကျင့်ကြံခြင်းကို ပြန်လည်စတင်ခဲ့သည်။

" ဒီအရင်းအမြစ်တွေကို သန့်စင်လိုက်ရင် ငါ့ရဲ့ ရွှမ်ဟွမ်မူလခန္ဓာက လွှမ်းမိုးခြင်းအဆင့် အထွတ်အထိပ်ကို ရောက်နိုင်လိမ့်မယ်။ " လင်းယွမ်က ခရမ်းရောင်အိတ်ကို ထုတ်ယူလိုက်သည်။

အိတ်ထဲတွင် အံ့ဖွယ်သစ်ပင် ဆယ့်ရှစ်ပင်ကို ရောင်းချခြင်းမှ ရရှိသော အရင်းအမြစ်များ ပါဝင်လေသည်။ ထိုအရင်းအမြစ်များအပြင် ရွှယ်ယန်နှင့် မြွေနတ်ဆိုးတို့ဆီမှ ရရှိသော ရတနာများလည်း ပါဝင်သည်။

ရင်းမြစ်ကမ္ဘာ၊ ချင်းဖန်နယ်မြေ၊ ကောင်းကင်လောင်ကျွမ်းခြင်းခန်းမ။ လင်းယွမ်က ဆယ့်သုံးထပ်မြောက်တွင် ဆက်လက်ကျင့်ကြံနေသည်။

" အရှင်ချင်းဖန်ရဲ့ တပည့်ဖြစ်ရတာ ယုမိသားစုမှာ နေရတာထက် ပိုကောင်းတာပဲ။ " လင်းယွမ်က စိတ်ထဲမှ တွေးလိုက်သည်။

အရှင်ချင်းဖန်၏ လက်အောက်တွင် လင်းယွမ်က အသေးအဖွဲကိစ္စများအတွက် တာဝန်ယူရန် မလိုတော့ပေ။ သူ၏ အာရုံစိုက်မှုနှင့် စွမ်းအားအားလုံးကို ကျင့်ကြံခြင်းတွင်သာ အပြည့်အဝ မြှုပ်နှံထားခဲ့သည်။

ထို့ကြောင့် လင်းယွမ်က လက်ရှိအခြေအနေကို အလွန်သဘောကျနေသည်။ အတိုင်းအတာတစ်ခုထိ ပြောရလျှင် ရင်းမြစ်ကမ္ဘာရှိ လင်းယွမ်၏ ပတ်ဝန်းကျင်မှာ ဖရိုဖရဲဟင်းလင်းပြင်ထက်ပင် ပိုမိုသာယာနေသည်။

အကြောင်းမှာ လင်းယွမ်က ဖရိုဖရဲဟင်းလင်းပြင်တွင် ခိုင်မာသော ကျောထောက်နောက်ခံမရှိပေ။ သို့သော် ရင်းမြစ်ကမ္ဘာတွင် လင်းယွမ်က မဟာအရှင်သခင်အဆင့်ရှိသော အရှင်ချင်းဖန်၏ ကာကွယ်မှုကို အပြည့်အဝ ရရှိထားသည်။

" အခု ငါ့ရဲ့ ခွန်အားကို အလွှာဆယ့်နှစ် လမ်းစဉ်ခွဲထွက်ခြင်းအဆင့်ကိုတော့ ပြန်ရောက်သွားပြီ။ " အရှင်ချင်းဖန်နှင့် တွေ့ဆုံပြီးနောက် ကျင့်ကြံခြင်းအရင်းအမြစ်များက လင်းယွမ်ဆီသို့ အဆက်မပြတ် စီးဝင်နေခဲ့သည်။

ထို့ကြောင့် သူ၏ ခွန်အားကို ပြန်လည်တည်ဆောက်ရာတွင် မည်သည့်အတားအဆီးမှ မရှိခဲ့ပေ။

" လီယန်မျိုးစေ့ သုံးသောင်းအထိ ရောက်တော့မယ်။ " လင်းယွမ်က လီယန်မျိုးစေ့များ စုစည်းခြင်းကိုလည်း လက်မလျှော့ခဲ့ပေ။

သူ့အတွက်မူ ထိုအရာမှာ ခက်ခဲသောအရာတစ်ခုမဟုတ်ဘဲ အားစိုက်ထုများစွာလည်း မလိုခဲ့ပေ။ ထို့ကြောင့် ကျင့်ကြံနေစဉ်အတွင်း အားလပ်ချိန်များတွင် အေးအေးဆေးဆေး လုပ်ဆောင်နေခြင်းဖြစ်သည်။

" နိယာမတွေအပေါ် ငါ့ရဲ့ နားလည်မှုက အတိုင်းအတာတစ်ခုအထိ တိုးတက်လာပေမယ့် သိသိသာသာကြီးတော့မဟုတ်သေးဘူး။ " လင်းယွမ်က တွေးလိုက်သည်။

အရှင်ချင်းဖန်၏ အကြံပေးချက်မှာ မှားယွင်းခြင်းမရှိပေ။ ရုပ်ခန္ဓာက အသွင်ပြောင်းလဲနေပြီဖြစ်သောကြောင့် မျိုးစေ့များစွာကို စုစည်းခြင်းက ခွန်အားဖြုန်းတီးခြင်းသာ ဖြစ်ပေလိမ့်မည်။ သို့သော် လင်းယွမ်က လီယန်မျိုးစေ့များ စုစည်းရန် ခွန်အားစိုက်ထုတ်စရာမလိုသောကြောင့် ဆက်လက်စုစည်းနေခြင်းသာ ဖြစ်သည်။

" လီယန်မျိုးစေ့ ၃၃၃၃၃ခုအထိ ပေါင်းစပ်ပြီးရင် ဘာတွေပြောင်းလဲလာမလဲဆိုတာ သိချင်မိတယ်။ " လင်းယွမ်က အနည်းငယ် မျှော်လင့်မိနေသည်။

မျိုးစေ့ ၃၃၃၃ခုက ရုပ်ခန္ဓာကို လီယန်ခန္ဓာအဖြစ် ပြောင်းလဲပေးနိုင်သည်။ မျိုးစေ့ ၃၃၃၃၃ခုကို ဖန်တီးခြင်းက ပထမတစ်ခုထက် ပို၍ သာလွန်ပေသည်။

" ဆရာက ငါ့ကို ဘာပြောတာလဲ။ " လင်းယွမ်က အနီရောင်ကျောက်စိမ်းပြားတစ်ခုကို ထုတ်ယူလိုက်ပြီး သတင်းတစ်ခု ရောက်နေသည်ကို တွေ့လိုက်ရသည်။

" လောလောဆယ် ကောင်းကင်လောင်ကျွမ်းခြင်းခန်းမကနေ အပြင်မထွက်နဲ့ဦး။ "

အရှင်ချင်းဖန်၏ စကားက တိုတောင်းသော်လည်း မဟာအရှင်သခင်အဆင့် ပုဂ္ဂိုလ်တစ်ယောက်၏ သတိပေးချက်ဖြစ်သောကြောင့် သေးငယ်သော ကိစ္စမဖြစ်နိုင်ပေ။ သို့သော် အရှင်ချင်းဖန်က ချင်းဖန်မြို့ကို အုပ်ချုပ်နေသောကြောင့် ယေဘုယျအားဖြင့် စိုးရိမ်စရာတော့မလိုပေ။

" ဇီမန်နယ်မြေရဲ့ ခြိမ်းခြောက်မှုကြောင့်လား။ " လင်းယွမ်က ခန့်မှန်းလိုက်သည်။

ဇီမန်နယ်မြေမှ အင်အားကြီးသူများက ချင်းဖန်မြို့အနီးတွင် ချဉ်းကပ်နေကြပြီး အခွင့်အရေးကို စောင့်ဆိုင်းနေကြပုံရသည်။ ဇီမန်နယ်မြေက ချင်းဖန်နယ်မြေနှင့် နယ်နိမိတ်ချင်းထိစပ်နေပြီး ရန်ဘက်ရှေးဟောင်းနိုင်ငံတစ်ခု၏ နယ်မြေဖြစ်သည်။

ရင်းမြစ်ကမ္ဘာက အတိုင်းအဆမရှိ ကျယ်ပြောလှပြီး ဆန့်ကျင်ဘက်ဖြစ်နေသော ရှေးဟောင်းနိုင်ငံများ ရှိနေကြသည်။ ရှေးဟောင်းနိုင်ငံများကြား ထိပ်တိုက်တွေ့ဆုံမှုများရှိနေပြီး အထူးသဖြင့် နယ်စပ်ဒေသများတွင် ပိုမိုပြင်းထန်လေသည်။

အရှင်ဇီမန်၏ ခွန်အားက အရှင်ချင်းဖန်အောက် မနိမ့်လှပေ။ လင်းယွမ်ကို ကောင်းကင်လောင်ကျွမ်းခြင်းခန်းမတွင် နေခိုင်းခြင်းမှာ ၎င်းက ချင်းဖန်မြို့ မဟာအစီအရင်၏ ဗဟိုချက်ဖြစ်နေသောကြောင့်ဖြစ်သည်။ မဟာအရှင်သခင်ဖြစ်နေလျှင်တောင် ကောင်းကင်လောင်ကျွမ်းခြင်းခန်းမကို ကျူးကျော်ရန် အချိန်နှင့် အားထုတ်မှုများ လိုအပ်သည်။

" ကောင်းပြီလေ။ ဒါဆို ငါဒီမှာပဲ အေးအေးဆေးဆေးနေရမှာပေါ့။ " အရှင်ချင်းဖန်က သတိပေးထားသောကြောင့် လင်းယွမ်ကလည်း အပြင်ထွက်မည်မဟုတ်ပေ။

အလွှာဆယ့်နှစ်သို့ တက်လှမ်းပြီးသောအခါ လင်းယွမ်၏ အတွင်းစကြာဝဠာကလည်း ပြောင်းလဲသွားပြီး အလွှာဆယ့်သုံးအမွေအနှစ်ဖြစ်သော အဆုံးမဲ့ဟင်းလင်းပြင်ကို တဖြည်းဖြည်း တည်ဆောက်ထားသည်။

" ဒီကမ္ဘာက အတွင်းစကြာဝဠာ သဘောတရားမရှိတော့ အခြေခံက အားနည်းနေတယ်။ အဆုံးမဲ့ဟင်းလင်းပြင်က သိုင်းတာအိုလိုမဟုတ်ဘဲ အတွင်းစကြာဝဠာကို အသွင်ပြောင်းလဲပေးတဲ့ လျို့ဝှက်နည်းစနစ်တစ်ခုနဲ့တူတယ်။ "

အချိန်များ တရွေ့ရွေ့ကုန်ဆုံးလာပြီး မျက်စိတစ်မှိတ်အတွင်း နှစ်အချို့ကြာသွားခဲ့သည်။ ယခုအချိန်တွင် လင်းယွမ်၏ စွမ်းအားက အရှင်ချင်းဖန်ကဲ့သို့ မဟာအရှင်သခင်များထက်ပင် ကျော်လွန်သွားခဲ့သည်။

" လီယန်မျိုးစေ့..." လင်းယွမ်က ပြန်လည်စစ်ဆေးပြီး သူ၏အမူအရာက ပြောင်းလဲသွားခဲ့သည်။

သူက လီယန်မျိုးစေ့ကို စုစည်းလိုက်ချိန်တွင် ပြင်းထန်သော စက်ဝန်းတစ်ခု ဖြစ်ပေါ်လာပြီး တောက်ပသော အလင်းများ ပေါက်ကွဲလာသည်။ ပြင်းထန်သော လီယန်မျိုးစေ့များက တစ်ခုနှင့်တစ်ခု ရောယှက်သွားပြီး စက်ဝန်းတစ်ခုက အဆုံးမရှိသကဲ့သို့ ထပ်ခါတလဲလဲ ဖြစ်ပေါ်နေသည်။

ထိုအခိုက်အတန့်တွင် လင်းယွမ်၏ လီယန်ခန္ဓာအသွင်ပြောင်းလဲနေမှုက အရှိန်အဟုန်မြင့်တက်လာခဲ့သည်။ ကောင်းကင်နှင့်မြေကြီးကြားမှ အပူစွမ်းအားများက သူ၏ ခန္ဓာကိုယ်ထဲသို့ အဆက်မပြတ် စီးဝင်လာသည်။

" ငါ့ရဲ့ ရုပ်ခန္ဓာက လီယန်ခန္ဓာအဖြစ် အသွင်ပြောင်းလဲဖို့ သိပ်မကြာတော့ဘူး။ အရင်နှစ်သုံးထောင်နဲ့ ငါးထောင်ကြားထိ ကြာနိုင်ပေမယ့် အခု သုံးနှစ်ကနေ ငါးနှစ်အထိပဲ ကြာတော့လိမ့်မယ်။ "

ဇီမန်နယ်မြေ...

Vol. 57 Ch. 829

"လူသားမျိုးနွယ်ရဲ့အနာဂတ်က ပိုပြီး သန်မာလာဦးမှာပဲ။ "

" လောလောဆယ် ကောင်းကင်လောင်ကျွမ်းခြင်းခန်းမကနေ အပြင်မထွက်နဲ့ဦး။ "