နောက်ဆုံးတိုက်ခိုက်မှု၊ သဘာဝအစီအရင်

ဤရုတ်တရက်နှင့်ထူးဆန်းသောလှိုင်းသည် လုံးဝမပြင်းထန်သောပုံပေါ်ပြီး ကျန်းချန်ရွှမ်ကို ထိခိုက်စေခြင်းမရှိပါ။ သို့သော်လည်း၊ အပြာနှင့် အဖြူရောင် ရောင်ခြည်ပေါက်ကွဲမှုတစ်ခုသည် လောကအားအလင်းပေးခဲ့ပြီး ၎င်း၏လွမ်းမိုးမှုအောက်တွင် အလုံးစုံကာကွယ်ခြင်းသည် တဖြည်းဖြည်းနှင့် အလင်းမှုန်များအဖြစ် စတင်ပြိုကွဲသွားခဲ့လေသည်။

ထိုတိုက်ခိုက်မှုသည် ဖျက်ဆီးရန်ရည်ရွယ်ခြင်းမဟုတ်ဘဲ အကြွင်းမဲ့အာဏာဖြင့် ဤလောကအတွင်းမှ ပြောင်းလဲမှုအားလုံးကို ပယ်ဖျက်ကာ အရာအားလုံးကို မူလအခြေအနေသို့ ပြန်လည်ပို့ဆောင်ထိန်းသိမ်းခဲ့လေသည်။

ဖရိုဖရဲအခြေအနေများနှင့် ပျက်စီးနေသောနေရာလပ်များနှင့် စည်းမျဉ်းစွမ်းအားများရှုပ်ထွေးကာ ကျန်ခဲ့သည့် ယခင်တိုက်ပွဲနှင့် အပျက်အစီးများအားလုံးသည်အလင်းအဖြစ်သို့ပြောင်းကာ မသေမျိုးများ၏လက်သည့် သူတို့အားဖြတ်သွားသကဲ့သို့ ခံစားနေရလေသည်။

ထိုလှိုင်းသည် မီးခိုးနှင့်အဖြူရောင်မြူကမ္ဘာတစ်ခုလုံးကို ပြန်လည်စတင်ခဲ့ပြီး ကျန်းချန်ရွှမ်၏ အလုံးစုံကာကွယ်ခြင်းအဆောင်ကိုလည်းဖျက်သိမ်းခဲ့သည်။

ဤအရာသည် ကျန်းချန်ရွှမ်အတွက် မမျှော်လင့်ထားသောအရာဖြစ်ပါသည် ။ နောက်တစ်ကြိမ် တိုက်ခိုက်မှုသည် မည်မျှ ကြောက်စရာကောင်းနေပါစေ၊ အနည်းဆုံးအလုံးစုံကာကွယ်ခြင်း အဆောင်က သူ့ကို အချိန်အနည်းငယ် ထပ်မံဝယ်ယူလိမ့်မည် တွေးတောမိလေသည်။ သို့သော် သူမထင်ထားမိသည်မှာ သတ်ဖြတ်ခြင်း ၇မျိုး၏ ဆဠမမြောက်သည် တိုက်ခိုက်မှုမဟုတ်ဘဲ သန့်စင်မှုဖြစ်နေသောကြောင့် ဖြစ်ပါသည်။

ဤသည်မှာ အရာအားလုံးကို ချက်ချင်းပြန်လည်ထူထောင်နိုင်သည့် စည်းမျဉ်းများပါ၀င်သည့် မြင့်မားသော မြင့်မားသောနတ်စွမ်းအားဖြစ်သည်မှာ သံသယဖြစ်စရာမရှိပေ ။ ကျန်ရှိသည့်အလုံးစုံကာကွယ်ခြင်းသည်ပင် ၎င်းနှင့် အတူ ပျောက်ကွယ်သွားရလေသည်။

ထိုသန့်စင်လိုက်သည့်စွမ်းအားသည်ပေါက်ထွက်လာသည်နှင့် ၎င်းတို့သည် ပြန်လည်၍ အစီအစဉ်ချလိုက်သကဲ့သို့ဖြစ်ကာ အမိုးခုံး၏အပေါ်တွင် ချက်ခြင်းပင် သတ်ဖြတ်ခြင်း ၇မျိုး၏ ကျန်ရှိသောစွမ်းအားကို စုစည်းနေခဲ့သည်။

ထိုအချိန်တွင် သူ၏စွမ်းအားအထွတ်အထိပ်၏ တစ်ဝက်ပင်မရောက်သေးသော ကျန်းချန်ရွှမ်သည် ထိုကြောက်မက်ဖွယ်အကောင်းဆုံးသောတိုက်ခိုက်မှုကိုဆန့်ကျင်ရန် အခွင့်မရှိပေ။

ကျန်းချန်ရွှမ်အား စဉ်းစားရန်အချိန်မပေးဘဲ နောက်ဆုံးတိုက်ခိုက်မှုသည် ကျက်သရေရှိသည့် အရှိန်အဟုန်ဖြင့်ထွက်ပေါ်လာပြီး ထိုလောက၏ကောင်းကင်များကို အကန့်အသတ်မဲ့ အာကာသဟင်းလင်းပြင်များဖြင့် ပြည့်စေခဲ့သည်။

သည်းမခံနိုင်လောက်သည့်ရောင်ဝါသည် လိမ့်တက်လာပြီး ပရမ်းပတာဖြစ်သွားကာ ကန့်သတ်မဲ့အာကာသဟင်းလင်းပြင်သည် ချက်ခြင်းပင် ပြင်းထန်သောမုန်တိုင်းအဖြစ်သို့ ပြောင်းလဲကာ အလွန်ကြောက်မက်ဖွယ်ကောင်းပါသည်။

အာကာသမုန်တိုင်းသည် တစ်ခဏအတွင်း ရောက်ရှိလာပြီး ကမ္ဘာကြီးတစ်ခုလုံးကို ဖိချနေသကဲ့သို့ စကြဝဠာမုန်တိုင်းသည် ဒေါသတကြီး တိုက်ခတ်နေလေသည်။

ထိုသတ္တမမြောက် သတ်ဖြတ်ခြင်းသည် ယခင်ခြောက်ခုထပ် ကြောက်မက်ဖွယ်ကောင်းပြီး စကြဝဠာ၏ကြီးကျယ်သောတာအိုဖြင့် လွမ်းခြုံထားကာ အာကာသတစ်ခုလုံးကို မွှေနှောက်ပစ်နိုင်သောစွမ်းအားနှင့် ကျလာခဲ့သည်။

ယခုအချိန်တွင် သတ်ဖြတ်ခြင်း ၇မျိုးအားလုံးကျရောက်လာခဲ့လျှင် ကျန်းချန်ရွှမ်သည် တစ်ခဏအတွင်း အသတ်ခံရတော့မည်ဖြစ်သည်။

အရေးကြီးသောသော အခိုက်အတန့်တွင် ကျန်းချန်ရွှမ်သည် စိတ်အားထက်သန်စွာ အားထုတ်ခြင်းမှလွဲ၍ အခြားရွေးချယ်စရာမရှိဘဲ သူ၏ စွမ်းအားများအားလုံးကိုထုတ်ခဲ့သော်လည်း ခုနစ်ကြိမ်မြောက် သတ်ဖြတ်မှုအောက်တွင်အင်အား ၅၀ ရာခိုင်နှုန်းအောက်သာဖြစ်ကာ အားနည်းခဲ့လေသည် ။

ဂျုန်း...

၎င်းကိုရင်ဆိုင်လိုက်သည်နှင့် ဒြပ်စင်ငါးပါးပြန်လည်မွေးဖွားခြင်းလောက၏အတားအဆီးသည် ပျက်ဆီးတော့မည့်အတိုင်းဖြစ်နေသည်။

"စွန့်လွှတ်မှု!"

သေခြင်းနှင့် ရှင်ခြင်းကြားတွင် အတွေးတစ်ခုဖြင့် ကျန်းချန်ရွှမ်သည် ဒြပ်စင်ငါးပါးပြန်လည်မွေးဖွားခြင်းပြိုကွဲသွားသည်နှင့် သဘာဝအစီအရင်ကို ထုတ်လွတ်လိုက်လေသည်။

သဘာဝဆေးပင်ဥယျာဉ်တွင် ယခင်ကရရှိခဲ့သော ဤအစီအရင်သည် ရောင်ဝါကို ကာကွယ်ခြင်းနှင့် ကံကြမ္မာကိုဖုံးကွယ်ခြင်းအတွက် အထူးအကျိုးသက်ရောက်မှုရှိပါသည် ။ တစ်ချိန်က တာအိုအရှင်တောင်အလင်းသည် ကျန်းချန်ရွမ်၏ဆရာချင်ရှန်းဝူကို မဟာယာနအဆင့်သို့ ချိုးဖောက်ခြင်းမှတားဆီးရန်ကြိုးစားသောအခါ ဤသဘာဝအစီအရင်သည် အကျပ်အတည်းကိုဖြေရှင်းပေးခဲ့သည်။

ယခုအချိန်တွင် ကျန်းချန်ရွှမ်စဉ်းစားနိုင်သည့် တစ်ခုတည်းသောအရာမှာ ဤနောက်ဆုံးသော ဝှက်ဖဲဖြစ်သည်။

ခဏအကြာတွင်သဘာဝအစီအရင်သည် ကျန်းချန်ရွှမ်၏ပတ်ဝန်းကျင်နေရာကိုလှည့်စားကာ ပုံရိပ်ယောင်ဖြစ်သွားစေခဲ့သည်။

သူသည် သဘာဝအစီအရင်သည် သက်ရောက်မှုရှိကာ သတ်ဖြတ်ခြင်း ၇မျိုး၏ပစ်မှတ်ကို ရှုပ်ထွေးစေခဲ့သည်ကိုသိရလျှင် ချက်ခြင်းစိတ်သက်သာရာရသွားခဲ့သည်။

ထို့သို့စိတ်ပျက်စရာကောင်းသည့်အခြေအနေတွင် သဘာဝအစီအရင်ကထိရောက်မှုရှိသောကြောင့် သူ့အားအံ့ဩဝမ်းသာစေခဲ့ပါသည်။ ထိုအစီအရင်ကအလုပ်ဖြစ်သွားသည်နှင့် ထိုကပ်ဘေးလှိုင်းမှ ရှင်သန်နိုင်မည့်ဖြစ်နိုင်ချေသည် အနည်းဆုံးငါးဆယ်ရာခိုင်နှုန်းထိ မြင့်တက်လာခဲ့သည်။

အမှန်မှာ သဘာဝအစီအရင်၏စွမ်းအားသည်လည်း အလွန်လျှို့ဝှက်ဆန်းကြယ်သော တည်ရှိမှုဖြစ်ကာ ၎င်း၏ကိုယ်ပိုင်စွမ်းအားအဆင့်သည် အတော်မြင့်မားပြီး အာကာသမုန်တိုင်းအချို့ကို ပိတ်ဆို့နိုင်စွမ်းရှိပါသည်။

ဂျုန်း...

အာကာသမုန်တိုင်း၏ ကြောက်မက်ဖွယ်စွမ်းအားသည် သဘာဝအစီအရင်ကို ချက်ချင်းလွှမ်းမိုးသွားပြီး ကျန်းချန်ရွှမ်သည် ကောင်းကင်ပြိုကျသကဲ့သို့ခံစားရသည် ။

သို့သော် သဘာဝအစီအရင်၏အကူအညီနှင့် သူသည် နောက်ဆုံး၌ ၎င်းကိုတားဆီးရန် ယုံကြည်ချက်ရှိခဲ့လေသည်။

သဘာဝအစီအရင်အောက်တွင် သတ်ဖြတ်ခြင်း၇မျိုးသည်ပင် ကျန်းချန်ရွှမ်၏ရောင်ဝါအား အတိအကျပစ်မှတ်မထားနိုင်ပါ။ ထို့ကြောင့် ၎င်း၏ တိုက်ခိုက်နိုင်စွမ်းသည် ပျံ့နှံ့သွားပြီး သိသာစွာအားနည်းသွားခဲ့သည် ။

အာကာသများဖြင့်ဖွဲ့စည်းခဲ့သောမုန်တိုင်းသည် သဘာဝအစီအရင်အပြင်ဘက်တွင်လှုပ်ခတ်သွားပြီး ကျန်းချန်ရွှမ်၏ မြင်ကွင်းကိုစကြဝဠာရေတံခွန်များ၏ ဖရိုဖရဲမြင်ကွင်းတစ်ခုအဖြစ် ပြောင်းလဲစေခဲ့သည် ။

ဤလောကတွင် ပရမ်းပတာဖြစ်နေသည့် ကြယ်များနှင့် ကောင်းကင်ကြီးသည် ပြင်းထန်လာပြီး ထိုအချိန်တွင် ကောင်းကင်နှင့် မြေကြီးသည် ပြိုကျနေသကဲ့သို့ ဖြစ်ကာ လောကသည် ချိုးဖျက်ခံလိုက်ရပြီး ကြယ်များပြိုကျနေသည့်စွမ်းအားသည် များစွာသောတွင်းနက်များကို ဖန်တီးခဲ့ပြီး ကြောက်မက်ဖွယ်ဖျက်ဆီးခြင်းစွမ်းအားကို ထုတ်လွတ်ခဲ့သည်။

ထိုစွမ်းအားများသည် မဟာယာန၏အထွတ်အထိပ်ကိုရောက်ရှိခဲ့ပြီး အလွန်ကြောက်မက်ဖွယ် ကောင်းပါသည်။

ကျန်းချန်ရွှမ်၏ နှလုံးသားသည်ထိန်းချုပ်၍မရနိုင်အောင်ခုန်နေခဲ့သည်။ သူသည် သူ၏စွမ်းအားအားလုံးကို ၎င်းတို့၏အထွတ်အထိပ်ထိသုံးခဲ့ရပြီး သဘာဝအစီအရင်ပါပေါင်း၍ ထိုအဆက်မပြတ်တိုက်ခိုက်နေသည့် အာကာသမုန်တိုက်ကို ကြမ်းတမ်းစွာရင်ဆိုင်ခဲ့ရသည်။

ကံကောင်းစွာဖြင့် သဘာဝအစီအရင်၏နှောက်ယှက်မှုအောက်တွင် အချို့သော သတ်ဖြတ်ခြင်း ၇မျိုးစွမ်းအားသည် အာရုံမစိုက်နိုင်ခဲ့ဘဲ အရေးကြီးသောအခြေအနေတွင် ထူးဆန်သည့်ဟန်ချက်ကို ယူဆောင်လာခဲ့ပေသည်။

ဝုန်း....

ကြောက်မက်ဖွယ်လှိုင်းများသည် ဆက်တိုက်ဖျက်ဆီးခြင်းကိုဖြစ်စေခဲ့သည်။ ထိုပေါက်ကွဲမှု အဆင့်သည် ယခုတွင် ထိုအဆင့် ၉ သားရဲများ၏တိုက်ခိုက်မှုကို ကျော်လွန်သွားခဲ့သည်။ သို့သော် မီးခိုးရောင်နှင့် အဖြူရောင် မြူခိုးများသည် မြင်နိုင်စွမ်းကို အဟန့်အတား ဖြစ်စေခဲ့ပြီး ထိုထိတ်လန့်ဖွယ်မြင်ကွင်းကို မည်သူမှမမြင်နိုင်ခဲ့ပါ။

ကံမကောင်းစွာနှင့် ဤတစ်ကြိမ်တွင် ကံက ကျန်းချန်ရွှမ်ဘက်တွင် မရှိခဲ့ပေ။ သူ၏ဓမ္မစွမ်းအားများကို ကုန်ဆုံးစေခဲ့ပြီးနောက် အာကာသမုန်တိုင်းသည် ဆက်လက်၍ ၎င်း၏ကြောက်မက်ဖွယ်စွမ်းအားနှင့် တိုက်ခတ်ခဲ့လေသည်။

နောက်ဆုံးတွင် ကျန်းချန်ရွှမ်၏အမြင်တွင် သဘာဝအစီအရင်သည် ကောင်းကင်ကိုပင် အလင်းမှုန်များအဖြစ်ပြောင်းလဲပစ်လိုက်သည့် သတ်ဖြတ်ခြင်း၇မျိုး၏စွမ်းအားအပြည့်နှင့် ပေါက်ကွဲခြင်းကို မခံနိုင်တော့ပါ။

အာကာသမုန်တိုင်း၏အကြွင်းအကျန်များသည် ဖျက်ဆီးခြင်းလေများကဲ့သို့ဖြစ်ပြီး မရေတွက်နိုင်သည့်ကြယ်များကိုဖြတ်ကာ ကျန်းချန်ရွှမ်၏ခန္ဓာကိုယ်ကိုတိုက်ခိုက်ခဲ့သည်။

ချက်ခြင်းပင် ကျန်းချန်ရွှမ်သည် အလွန်နာကျင်ခြင်းကို ခံစားခဲ့ရပြီး တစ်ချိန်တည်းတွင် ပြင်းထန်သည့်စကြဝဠာစည်းမျဉ်းသည် သူ့ကိုယ်သူကျူးကျော်၍ သူ့အတွင်းတွင် တိုက်ခိုက်ကာ သူ့အား ပို၍ပြင်းထန်ကာ မျက်ရည်ကျနိုင်သည့်ခံစားချက်ကိုခံစားခဲ့ရလေသည်။

ဤအကြွင်းအကျန်အင်အား ၏ သက်ရောက်မှုအောက်တွင် ကျန်းချန်ရွှမ်သည်ခဏအတွင်း ပြင်းထန်စွာဒဏ်ရာရရှိခဲ့သည်။ သူ၏ ပြင်းထန်သော ရုပ်ပိုင်းဆိုင်ရာ ခံနိုင်ရည်ရှိခြင်းဖြင့်ပင် ထိတ်လန့်ဖွယ်ရာ ဒဏ်ရာများစွာဖြင့် ကျန်ရစ်ခဲ့ပြီး ဖရိုဖရဲဖြစ်နေသော အင်အားစုများက သူ့ကို ပျက်စီးစေခဲ့သည် ။

သူ့အတွင်း၌ ကြောက်မက်ဖွယ်တိုက်ခိုက်မှုသည် ပျက်စီးမှုလှိုင်းတစ်ခုပြီးတစ်ခုကို ယူဆောင်လာခဲ့ပြီး ကျန်းချန်ရွှမ်သည် အသက်စွမ်းအင်များလျော့နည်းလာသည်ကို ခံစားခဲ့ရသည်။

သူလုပ်နိုင်သည်မှာ ကျူးကျော်ဝင်လာသည့်အင်အားများကို ခုခံရန် သူ၏ခန္ဓာကိုယ်မှစွမ်းအားကို တစ်လက်မ,မကျန်စုစည်းရန် ဖြစ်ပါသည်။

၎င်းသည် သေခြင်းရှင်ခြင်းတိုက်ပွဲဖြစ်ပါသည်။ ခုခံနေစဉ်တွင် ကျန်းချန်ရွှမ်၏ မျက်လုံးများသည် သွေးထွက်နေပြီး သွားများသည် အံကြိတ်ထားရလေသည်။

သူ၏အမြင်သည် မှုန်ဝါးလာသကဲ့သို့ နောက်ဆုံးအသက်မီးလျှံသည် ငြိမ်းတော့မည့်ဆဲဆဲ ဖြစ်နေသည်ဟု ခံစားလိုက်ရကာ သူ့အတွင်း၌မငြိမ်သက်မှုသည် နောက်ဆုံးတွင် တည်ငြိမ်သွားလေသည်။

ကျန်းချန်ရွှမ်သည် သူ၏မျက်လုံးများကိုပင်မဖွင့်နိုင်ခဲ့ပါ။ ၎င်းသည် ရာစုနှစ်များအတွင်း သူ့အတွက် ဖရိုဖရဲအဖြစ်စေခဲ့ဆုံးဖြစ်ပါသည်။

သို့သော် ယခုထိ သူသည်မရှုံးနိမ့်သေးဘဲ သူသည် သတ်ဖြတ်ခြင်း၇မျိုးအားလုံးကို သည်းခံကာ မကျဆုံးသေးပါ။

ခဏအကြာတွင် သူသည် မီးခိုးနှင့် အဖြူရောင်မြူများသည် နောက်ဆုံးတွင် စတင်၍ ပျောက်ကွယ်လာခဲ့သည်။

***