ရှန်းရူယန်နှင့်အတူပြန်လည်ပေါင်းစည်းခြင်း၊ ရှန်းရူယန်၏ရှာဖွေတွေ့ရှိမှု

ချိုင့်ဝှမ်းတစ်ခု၏ အမြင်သည် ကျန်းချန်ရွှမ်၏ စိတ်ထဲတွင် ပေါ်လာပြီး၊ ချိုင့်ဝှမ်းအထက် တိမ်တိုက်အလွှာများအကြားတွင် ကောင်းကင်လျှပ်စီးများ တောက်ပနေလေသည်။

ကျန်းချန်ရွှမ်က ချက်ချင်းပင် ဝမ်းသာပီတိဖြစ်နေသော အမူအရာကို ပြသခဲ့သည်။ နောက်ထပ်လှုပ်ရှားမှုမရှိဘဲနှင့် ထိုမြင်ကွင်းသည် ရှန်းရူယန်၏လက်ရှိတည်နေရာကို ရှင်းလင်းစွာညွှန်ပြနိုင်ပါသည်။

တာအိုနက်နဲအဆင့်၏ အထွတ်အထိပ်အဆင့်စွမ်းအားကို ရှာဖွေဖော်ထုတ်ခြင်းအတွက် အသုံးပြုခြင်းဖြင့် နောက်ဆုံးတွင် သူသည် မထင်မရှား ဦးတည်ချက်တစ်ခုထက် ရှင်းလင်းသော ရလဒ်ကို ထုတ်ယူနိုင်ခဲ့သည် ။

ထို့အပြင်၊ စူးစမ်းရှာဖွေမှုမှ ကျန်းချန်ရွှမ်က ရှန်းရူယန်၏ပတ်၀န်းကျင်တွင် အန္တရာယ်မရှိကြောင်း ပြောနိုင်သည်၊ ၎င်းသည် ကောင်းမွန်သောသတင်းဖြစ်သည်မှာ သံသယဖြစ်ဖွယ်မရှိပါ။

တွန့်ဆုတ်မှုမရှိဘဲ ကျန်းချန်ရွှမ်သည် အရောင်စုံသော အလင်းတန်းတစ်ခုအဖြစ် ပြောင်းလဲသွားပြီး သူ၏ တွက်ချက်ခြင်းကညွှန်ပြထားသော ချိုင့်ဝှမ်းဆီသို့ အရှိန်အဟုန်ဖြင့် ဦးတည်သွားခဲ့သည် ။

တစ်ခဏအတွင်းမှာပဲ အမြန်နှုန်းဖြင့် ပျံသန်းမှုအောက်တွင် ချိုင့်ဝှမ်းသည် ကျန်းချန်ရွှမ်၏ရှေ့တွင် ရုတ်တရက် ပေါ်လာခဲ့သည်။

ချိုင့်ဝှမ်း၏ အဝင်ဝတွင် ရပ်နေသည့် ကျန်းချန်ရွှမ်သည် စိတ်လှုပ်ရှားမှုနှင့် ဝမ်းမြောက်မှု မြင့်တက်မှုကို ခံစားခဲ့ရပြီး ရှန်းရူယန်သည်လည်း သူ့အတွက် အလားတူပင် တောင့်တနေသည်ဟု ယုံကြည်ခဲ့လေသည်။

ချိုင့်ဝှမ်းသည် နေရောင်အောက်တွင်ရှိကာ မုန်တိုင်းပြီးနောက် အထွတ်အမြတ်နေရာကဲ့သို့ ဖြစ်နေလေသည်။

ကျန်းချန်ရွှမ်သည် ဝင်ရောက်တော့မည့်အချိန်၌ပင် နူးညံ့သိမ်မွေ့ကာ ရင်းနှီးသောခြေသံသည် ရုတ်တရက်ထွက်လာခဲ့သည်။

ထိုပုံရိပ်သည် ချိုင့်ဝှမ်းမှ တဖြည်းဖြည်းပေါ်လာပြီး နေရောင်ခြည်ဖြင့် ရေချိုးကာ ကောင်းကင်ဘုံမှ သက်ရှိကဲ့သို့ ဆင်းသက်လာလေသည်။

ထိုအချိန်တွင် သူတို့သည် အချင်းချင်း၏အမြင်အာရုံတွင်ပေါ်လာပြီး သူတို့သည် ချက်ခြင်းပင် အကြည့်ချင်းဆုံမိကြလေသည်။

အချင်းချင်းကြည့်ရင်း ထိုနှစ်ဦး၏နှလုံးသားများသည် တပြိုင်နက်နွေးထွေးလာလေသည်။

"ယောကျ်ား။"

"မိန်းမ။"

နှစ်ဦးစလုံးသည် တပြိုင်နက်အော်လိုက်ကြပြီး ပုံမှန်အတိုင်းအချင်းချင်းထံပြေးသွားကြကာ သူတို့၏အရိပ်များသည် လျှင်မြန်စွာဖြင့် အရိပ်ထဲတွင် ပေါင်းစည်းသွားကြကာ တစ်ခုတည်း ဖြစ်သွားသည်။

သူတို့သည် စကားမပြောဘဲ တိတ်ဆိတ်စွာ ပွေ့ဖက်လိုက်ကြသည် ။

ရှန်းရူယန်၏ပိန်ပါးသောခန္ဓာကိုယ်ကို လက်ထဲတွင် ပွေ့ထားရင်း ကျန်းချန်ရွှမ်သည် နောက်ဆုံးတွင် ငြိမ်းချမ်းငြိမ်သက်သွားလေသည်။

ရှန်းရူယန်သည်လည်း လုံးဝစိတ်အေးချမ်းသွားကာ ထိုပွေ့ဖက်ခြင်းသည်လောကတွင် ရှိသော တစ်ခုတည်းသောအရာအဖြစ်ခံစားခဲ့ရသည်။

အချင်းချင်းအချိန်ကြာမြင့်စွာပွေ့ဖက်လိုက်ပြီးနောက် သူတို့သည် နောက်ဆုတ်လိုက်ကြပြီး ထိုအချိန်မှသာ ကျန်းချန်ရွှမ်သည် ရှန်းရူယန်၏အပြောင်းအလဲကိုသတိပြုမိကာ မှတ်ချက်ပြုလိုက်သည်။ "မိန်းမရေ၊ မင်းတာအိုပေါင်းစည်းခြင်းအထွတ်အထိပ်အဆင့်ကို ရောက်သွားပြီပဲ။ ဂုဏ်ယူပါတယ်။"

ရှန်းရူယန်၏ရောင်ဝါသည် တာအိုနက်နဲအဆင့်၏တံခါးဝသို့ရောက်လာသည်ကိုကြည့်ကာ သူ၏မျက်နှာသည် ဝမ်းမြောက်ခြင်းနှင့် ပြည့်နေခဲ့သည်။

"ကျေးဇူးတင်ပါတယ်။ ယောကျာ်း။" ရှန်းရူယန်က ညင်သာစွာ ပြုံးလိုက်ကာ၊ သူမ၏ အမူအရာသည် ချိုမြိန်နေလေသည်။

"ပြီးတော့ ယောကျ်ား၊ ရှင့်ရဲ့ရောင်ဝါက ကျွန်မထပ်ပိုပြီး နက်နဲနေပြီပဲ။" သူမသည် ကျန်းချန်ရွှမ်အား စူးစမ်းလိုက်ကာ သူသည် မသေမျိုးဂူထဲတွင် အရေးကြီးသည့်အရာတစ်ခုခုကိုရရှိခဲ့မည်ကို သိလေသည်။

"ဟား၊ မင်းရဲ့ယောကျာ်းကလည်း အမြတ်တချို့ရခဲ့တယ်၊ အခုကိုယ်တာအိုနက်နဲအဆင့်ရဲ့ အထွတ်အထိပ်ကို ရောက်နေပြီ။" ကျန်းချန်ရွှမ်က နူးညံ့သိမ်မွေ့စွာ ရယ်မောရင်း ပြန်ဖြေလိုက်သည်။

သို့သော် ဤကြေညာချက်သည် ရှန်းရူယန်ကို အလွန်ဝမ်းမြောက်ဝမ်းသာ မခံစားရမီ အနည်းငယ် တုန်လှုပ်သွားစေခဲ့သည်။

"ဂုဏ်ယူပါတယ် ယောကျ်ား။ ကျွန်မက ကိုယ့်အောင်မြင်မှုကို မသေးငယ်ဘူးလို့ထင်တာ ရှင်နဲ့ယှဉ်လိုက်တော့ အရေးမပါတော့ပုံရတယ်။" သူမက ရယ်လိုက်ကာ သူမ၏နှလုံးသားသည် ဂုဏ်ယူနေခဲ့ပြီး သူ့အားစနောက်လိုက်လေသည်။

တုံ့ပြန်မှုအနေဖြင့် ကျန်းချန်ရွှမ်သည်ပြုံးကာ ရှန်းရူယန်နှင့်သူ၏ ခရီးစဉ်ဖြစ်ရပ်များကို အသေးစိတ်မျှဝေလိုက်သည် ။

မသေမျိုးဂူထဲသို့ဝင်ရောက်ပြီးနောက် ဥက္ကာခဲ့အစီအရင်ကိုရင်ဆိုင်ပြီး ရှေးဟောင်းကျောက်စင်မြင့်တွင် ဒြပ်စင်ဘီလူးလေးကောင်ကိုတိုက်ခိုက်ကာ အဆင့် ၉ သားရဲများနှင့် ဝိညာဉ်သစ်သီးအတွက် ယှဉ်ပြိုင်ခဲ့ပါသည်။

ပြီးနောက် သတ်ဖြတ်ခြင်း၇မျိုးပြီးနောက် ရှေ့ဆက်ကာ သူ၏တာအိုနက်နဲအဆင့်၏ အထွတ်အထိပ်သို့ ထိုးဖောက်၍ အရိုးအထွတ်အမြတ်ဂိုဏ်းမှ တပည့်များအား သတ်ဖြတ်ခဲ့လေသည်။

ကျန်းချန်ရွှမ်သည် ရှန်းရူယန်နှင့် မည်သည်ကိုမှထိန်ချန်ထားခြင်းမရှိဘဲ အရာအားလုံးကို မျှဝေခဲ့ပါသည်။

နားထောင်ရင်းနှင့် ရှန်းရူယန်၏နှလုံးသားသည် တုန်လှုပ်နေပြီး အထူးသဖြင့် သတ်ဖြတ်ခြင်း ၇မျိုး အကြောင်းကြားသောအခါ သူ၏လက်ကိုတင်းကြပ်စွာဆုပ်ကိုင်ထားခဲ့လေသည်။

ကျင့်ကြံသူတစ်ဦးအနေဖြင့် ရှန်းရူယန်သည် ကျန်းချန်ရွှမ်ပြောခဲ့သောအန္တရာယ်များကို သေချာစွာသိပါသည်။

သူ၏တာအိုအဖော်၏စိုးရိမ်မှုကိုသိလိုက်ပြီးနောက် ကျန်းချန်ရွှမ်သည် သူမအား နှစ်သိမ့်ရန် သူမ၏လက်ကို ညှင်သာစွာညစ်လိုက်ပြီး သူမသည် နောက်ဆုံးတွင် စိတ်သက်သာရာရသွားခဲ့သည်။

"မိန်းမရေ၊ မင်းရဲ့ အတွေ့အကြုံတွေကိုလည်း ပြောပြပါဦး။"

သူတို့နှစ်ဦးသည် နေရောက်ခြည်နှင့် ပြည့်နေသော ချိုင့်ဝှမ်း၌လမ်းလျောက်နေကာ ထိုအချိန်တွင် သူတို့အချင်းချင်းမှလွဲ၍အရာအားလုံးကိုမေ့လျော့နေခဲ့သည်။

ရှန်းရူယန်သည် မသေမျိုးဂူထဲသို့ရောက်ရှိလာသောအခါ ဝေးလံခေါင်ဖျားသည့်နေရာတစ်ခုသို့ ရောက်ခဲ့ပြီး ထင်ရှားသော အဖြစ်အပျက်မရှိဘဲ ခရီးသွားရင်းသာ အချိန်ကုန်ဆုံးခဲ့ရပါသည်။

လျှပ်စီးမိုးကြိုးဝိညာဉ်နှင့် တစ္ဆေခန်းမ၏ တပည့်များနှင့် တွေ့ဆုံခြင်းသည် မသေမျိုးဂူထဲတွင် သူမ၏ခရီး၌ အရေးကြီးဆုံးသော အန္တရာယ်ဖြစ်ပါသည်။

ကျန်းချန်ရွှမ်၏ စွန့်စားခန်းများနှင့် နှိုင်းယှဉ်ပါက သူမ၏ စွန့်စားခန်းများသည် အတော်လေး ချောမွေ့ပြီး ရိုးရှင်းသော်လည်း ကျန်းချန်ရွှမ်၏ အမူအရာသည် တစ္ဆေခန်းမရှိတပည့်များ ၏ ရှန်းရူယန်ကို တိုက်ခိုက်မှုအကြောင်း သိရသောအခါ ပြင်းထန်လာလေသည် ။

"ဒီနတ်ဆိုးကျင့်ကြံသူတွေ မသေမျိုးဂူထဲကိုဝင်ဖို့ ကိုယ်တို့မသိတဲ့နည်းတွေသုံးခဲ့တာ သူတို့ ကိုယ်နဲ့တွေ့ခဲ့ရင် ဘယ်သူ့ကိုမှ အရှင်မထားဘူး။" ကျန်းချန်ရွှမ်သည် သူ၏မျက်လုံး၌ အန္တရာယ်၏သဲလွန်စတစ်ခုဖြင့် ပြောလိုက်လေသည်။

"တကယ်တော့ ဒီနတ်ဆိုးကျင့်ကြံသူတွေအားလုံးက ဥပဒေမဲ့ဖြစ်လာခဲ့ပြီ။" ရှန်းရူယန်က သဘောတူလိုက်ကာ ထိုချိန်းခြောက်မှုများအား ရှင်းလင်း၍ ဖြေရှင်းရန် နည်းလမ်းကို ပြန်လည်ပြောဆိုလိုက်သည်။

ထို့နောက် လင်မယားနှစ်ဦးသည် သူတို့၏ အငြင်းပွားမှုများကို မေ့လျော့လျက် ချိုင့်ဝှမ်းထဲတွင် အချိန်အတော်ကြာ စကားပြောခဲ့ကြသည်။

၎င်းသည် ရှန်းရူယန်က သူတို့၏ယာယီကောင်းကင်ဘုံမှ ထွက်ခွာသင့်ပြီဟု ဆုံးဖြတ်နိုင်သည့် အရေးကြီးသတင်းကို မပြောခင်အချိန်ထိဖြစ်ပါသည်။

"ယောကျ်ား ကျွန်မဒီကိုလာတဲ့လမ်းမှာ ထူးဆန်းပြီး ပြင်းထန်တဲ့စွမ်းအင်တွေရှိတဲ့ ဆန်းကြယ်တဲ့ နေရာတစ်ခုကို တွေ့ခဲ့တယ်။ အဲ့ဒီတည်ရှိမှုက ကြီးမားတဲ့အခွင့်အလမ်းတစ်ခုခု ရှိနေနိုင်တယ်။" ရှန်းရူယန်က ရုတ်တရက် သတိရလာကာ အသေးစိတ်ကို ကျန်းချန်ရွှမ်နှင့် မျှဝေလိုက်သည်။

အစပိုင်း၌ သူမသည် ဤဝေးလံသည့်နေရာကိုသတိထားမိခြင်းမှာ ထိုနေရာတွင်တွေ့ရှိမှုသည် အလွန်ကြမ်းတမ်းရက်စက်ကာ သူမ၏အင်အားဖြင့်ပင် သူမသည် ဂရုမစိုက်ဘဲနှင့် စူးစမ်းရန် သတိမရှိခဲ့ပါ။

ယခုပင် တာအိုနက်နဲအဆင့်သို့တက်ရန်နီးကပ်လာပြီဖြစ်သော်လည်း သူမသည် ထိုနေရာသို့ စူးစမ်းရန် မသေချာဖြစ်နေဆဲဖြစ်သည်။

အကယ်၍ မသေမျိုးဂူထဲတွင် ကျန်းချန်ရွှမ်၏ရှိန်လောက်သည့် အံ့ဩဖွယ်အောင်မြင်မှုများ အကြောင်း မကြားခဲ့ရလျှင် သူမသည် ထိုအကြောင်းကိုပြောရန် တွန့်ဆုတ်နေုပေလိမ့်မည်။

ကျန်းချန်ရွှမ်က သူမဆက်ပြောနေစဉ်တွင် စေ့စေ့စပ်စပ် နားထောင်နေသည် ။

“အဲဒီ ဝေးလံခေါင်ဖျားတဲ့ နေရာမှာ ဝိညာဉ်စွမ်းအားက ထူးထူးခြားခြား အားနည်းနေပြီး အသက်ရှင်နေထိုင်မှုရဲ့ လက္ခဏာလည်း မတွေ့ရဘူး။ အဲ့ဒါ အခွင့်အလမ်း ရှိနေတာကြောင့် ဖြစ်နိုင်တယ်လို့ သံသယဖြစ်မိတယ် ။

ဒီလောက် ကျယ်ဝန်းတဲ့ ကျတ်တီးမြေနေရာက မသေမျိုးဂူထဲမှာ ရှိနေတာဟာ ထူးဆန်းတယ်။

ထွက်လာတော့ မြေအောက်မှာ ပုန်းနေသလိုမျိုး ကျောက်စာတွေ အများကြီးကို သတိထားမိတယ်၊ ထောင့်တစ်ထောင့်ကိုပဲ မြင်ရတယ်။"ဟု ရှန်းရူယန်က ဆက်ပြောလိုက်သည်။

"ကြီးမားပြီးလျို့ဝှက်ဆန်းကြယ်တဲ့ တာအိုစည်းမျဉ်းတွေပါတဲ့ ဒီကျောက်စာတွေက အရေးကြီးတဲ့ အခွင့်အလမ်းကို ဖိနှိပ်ထားဖို့ဖြစ်နိုင်တယ်။"

ကျန်းချန်ရွှမ်က သူမ၏တွက်ချက်မှုများသည် တိကျမှန်ကန်မည်ကိုနားလည်ပါသည်။

***