ဘိုးဘေးကြီးကို အရိုအသေပေးပြီးကြပြီလား

ထိုခဏ၌လူတိုင်းမှာ ရှန်းယွဲ့ရှင်း ကို စိုက်ကြည့်နေကြသည်။

'ဒီကောင် အသက်ရှင်ရတာ ငြီးငွေ့နေတာလား

သူ ဘယ်သူနဲ့ စကားပြောနေလဲဆိုတာကို သူ မသိတာလား

ဒါ သူတို့ရဲ့ မဟာဘိုးဘေးကြီးလေ'

ရှန်းမိသားစု၏မဟာဘိုးဘေးကြီး... ရှန်းချန်ကော

ရှန်းယွဲ့ဖျင် တစ်ယောက်လည်း ဘာပြောရမှန်းမသိ ဖြစ်နေသည်။

'ဒီကောင်က သူ့အသက်သူ သိပ်ရှည်လွန်းနေပြီလို့ ထင်နေတာလား'

သို့သော် ရှန်းယွဲ့ရှင်း ဘာကြောင့် ဒီလိုဖြစ်နေလဲဆိုတာကို သူမ နားလည်ပေးလို့ ရပါသည်။

ယခင်က ရှန်ယွဲ့ရှင်းတို့ မိသားစုသည် ရှန်းမိသားစုမှ ထွက်ခွာခဲ့ရပြီး နှင်ထုတ်ခံရသလို ဖြစ်ခဲ့ရသည်။

ထို့ကြောင့် သူတို့သည် ရှန်းမိသားစုအပေါ် မကျေနပ်ချက်များ ရှိနေခဲ့သည်။ ယခုမူ သူတို့သည် ကြယ်တာရာအင်မော်တယ်ဂိုဏ်း သို့ ဝင်ရောက်ခဲ့ကြပြီဖြစ်ရာ ခေါင်းမော့ရင်ကော့ပြီး ပြန်လာချင်ကြသည်မှာ သဘာဝပင်။(အာကာသအင်မော်တယ်ဂိုဏ်း)

သို့သော် တိုက်တိုက်ဆိုင်ဆိုင်ပင် ရှန်းမိသားစုတွင်လည်း နောက်ဘိုးဘေးကြီးတစ်ပါး ရှိနေပြန်သည်။

ဒုတိယဘိုးဘေးကြီးမှာလည်း နတ်တံတားနယ်ပယ် သို့ ရောက်ရှိသွားပြီဖြစ်ကာ အနာဂတ်တွင် အလားအလာ အကန့်အသတ်မရှိ ဖြစ်နေသည်။

ထို့ကြောင့် ရှန်းယွဲ့ရှင်းတို့သည် ကြယ်တာရာအင်မော်တယ်ဂိုဏ်းမှ ကျွမ်းကျင်သူများကို ခေါ်ဆောင်လာပြီး ရှန်းမိသားစု၏ဘိုးဘေးကြီးနှင့် မိတ်ဆွေဖွဲ့ရန် ကြိုးစားခြင်း ဖြစ်သည်။

သို့သော် သူတို့တွင် ကိုယ်ပိုင်အကြံအစည်များ ရှိနေကြသည်။ ရှန်းမိသားစု၏မဟာဘိုးဘေးကြီးအပေါ် ထားရှိသော မုန်းတီးမှုမှာ အလွန်နက်ရှိုင်းလှသည်။

"ရှန်းမိသားစု၏သားဆိုးသမီးဆိုးများသည် မိသားစု၏အပြစ်သားများ ဖြစ်ကြသည် ဟူသော စကားမှာ နှစ်ပေါင်းများစွာ တည်ရှိခဲ့သည်။

ထို့ကြောင့် သူတို့သည် ဤမဟာဘိုးဘေးကြီးဆိုသော နတ်ဘုရားကို မောင်းထုတ်ချင်နေကြခြင်း ဖြစ်သည်။

သို့သော် မဟာဘိုးဘေးကြီးက အင်မော်တယ်ဂိုဏ်းတစ်ခုလုံးကို ဓားချက်တစ်ချက်တည်းဖြင့် ဖျက်ဆီးပစ်ခဲ့သည်ကို သူတို့ မသိကြပေ။

ဤကိစ္စကို မင်းဆက်၏အရှင်သခင်က အတတ်နိုင်ဆုံး ဖုံးဖိထားသဖြင့် သတင်းမှာ လုံးဝ ပျံ့နှံ့ခြင်း မရှိသေးပေ။ သို့သော် ကြာရှည် ဖုံးကွယ်ထားနိုင်မည် မဟုတ်ပေ။

ယခုမူ ရှန်းယွဲ့ရှင်းနှင့် ရှန်းရှန် တို့သည် ဤကိစ္စများကို မသိကြပေ။ သူတို့သိထားသည်မှာ ရှန်းမိသားစု၏ဘိုးဘေးကြီး ပြန်ရောက်လာပြီး မိသားစုကို ကယ်တင်ခဲ့သည်ဟုသာ ဖြစ်သည်။

ထိုဘိုးဘေးကြီးသည် အသက် ၂၀ အရွယ် လူငယ်လေးတစ်ဦးနှင့် တူသည်ကိုလည်း သူတို့ မသိကြပေ။ ယခု သူတို့သည် ကြယ်တာယာအင်မော်တယ်ဂိုဏ်း၏အထောက်အပံ့ဖြင့် ရှန်းမိသားစုသို့ ပြန်ရောက်လာသဖြင့် ပြဿနာရှာရန် ကြိုးစားနေကြခြင်း ဖြစ်သည်။

ဝင်ဝင်ချင်းမှာပင် လူငယ်တစ်ဦးက လူကြီးတစ်ဦးကဲ့သို့ လမ်းညွှန်နေသည်ကို တွေ့လိုက်ရသဖြင့် ရှန်းယွဲ့ရှင်း ဒေါသထွက်သွားသည်။

"ဘာလဲ" သူက လှောင်ပြုံးပြုံးလိုက်ကာ "ငါ ရှန်းယွဲ့ရှင်းက မင်းကို အထင်သေးတော့ရော ဘာဖြစ်လဲ၊ မင်းတို့တွေ အရင်တုန်းက အရမ်း မောက်မာခဲ့ကြတယ် မဟုတ်ဘူးလား ငါတို့ ရှန်းမိသားစုရဲ့ ဘိုးဘေးကြီးသာ ပြန်မလာခဲ့ရင် ရှန်းမိသားစုက မင်းတို့လက်ထဲမှာ ပျက်စီးသွားလောက်ပြီ"

"အနောက်ဘက်ဒေသက ငါတို့နယ်နမိတ်ကို ဖိအားပေးနေတယ်။ ရှန်းတင်းမင်းဆက်ကလည်း အခြေအနေကို မထိန်းချုပ်နိုင်ဘူး"

သူက လှောင်ပြောင်လိုက်သည်။ တစ်ဖက်တွင်လည်း ဘိုးဘေးကြီးကို မြှောက်ပင့်ပြောဆိုနေသည်။

ထိုကဲ့သို့သော ဖြစ်တည်မှုမျိုးက သူပြောတာကို သေချာပေါက် ကြားနိုင်မှာပင်။

ထိုအခါကျရင် မဟာဘိုးဘေးကြီးက ရှန်းမိသားစုအပေါ် အငြိုးအတေးတွေ ထားရှိလာပြီး သူတို့နှင့် လိုက်သွားချင်လာလိမ့်မည်။

ဤသည်ကို တွေးမိရင်း သူက သူ့အဖေ ရှန်းရှန်ကို ဂုဏ်ယူစွာ ကြည့်လိုက်သည်။

ထို့နောက် ဝတ်စုံဖြူနှင့် လူငယ်ကို လှောင်ပြောင်သော အကြည့်ဖြင့် ကြည့်လိုက်သည်။ သို့သော် ထိုလူငယ်၏မျက်လုံးများမှာ အစမှအဆုံး တည်ငြိမ်နေပြီး ရေကန်တစ်ခုကဲ့သို့ နက်ရှိုင်းနေသည်ကို တွေ့လိုက်ရသည်။

ထိုအကြည့်က သူ့ကို တစ်ကိုယ်လုံး အေးခဲသွားစေသည်။ ထိုလူငယ်သည် သူ့ကို လုံးဝ ဂရုမစိုက်သကဲ့သို့ ရှိနေသည်။

သူ၏စကားများမှာ လူပြက်တစ်ယောက် ကခုန်နေသကဲ့သို့ ရယ်စရာကောင်းနေပုံရသည်။

"အဲ့တာဘာအကြည့်လဲကွ"

သူ၏အသံမှာ အနည်းငယ် တုန်ယင်သွားသည်။ ရှန်းချန်ကောက ထိုနေရာတွင် ရပ်နေရုံဖြင့် သူ့ကို ဖော်ပြ၍မရသော ဖိအားတစ်ခု ပေးစွမ်းနေသည်။

"သား... သတိထား။ တစ်ခုခု မှားနေသလိုပဲ။" ရှန်းရှန်က သားဖြစ်သူ၏ လက်မောင်းကို ဆွဲလိုက်သည်။ အခြေအနေတွေက တဖြည်းဖြည်း ထိန်းမနိုင်သိမ်းမရ ဖြစ်လာသည်ဟု သူ ခံစားနေရသည်။

အထူးသဖြင့် ရှန်းမိသားစုမှ လူငယ်များ၏ အကြည့်များမှာ ထူးဆန်းနေသည်။

တစ်ခုခု မှားနေပြီ

ထိုခဏ၌ လူတိုင်း၏အကြည့်များမှာ ထူးဆန်းလာသည်။ သူတို့သည် ရှန်းယွဲ့ရှင်းနှင့် ရှန်းရှန်ကို အရူးနှစ်ကောင်အား ကြည့်သကဲ့သို့ ကြည့်နေကြသည်။

ရှန်းရှန်သည် ထိုလူငယ်ကို ပြန်ကြည့်လိုက်သည်။

တစ်ခုခုတော့ မှားနေပြီ

"အဖေ..." ရှန်းယွဲ့ရှင်းက မကျေမနပ် ရေရွတ်လိုက်ပြီး ရှန်းချန်ကောကို စိုက်ကြည့်လိုက်သည်။

သို့သော် ရှန်းချန်ကောက သူ့ကို လုံးဝ လှည့်မကြည့်ပေ။

"မင်း"

"သခင်ကြီး... ဒီလူက အရမ်း မာနကြီးတာပဲ။" ရှန်းယွဲ့ရှင်းသည် မဟာဘိုးဘေးကြီးက အနီးအနားတွင် ရှိနေမည်ဟု ယူဆထားသဖြင့် အလွန်အကျွံ မလုပ်ရဲပေ။

သို့သော် သူ၏မာနကြီးသော စရိုက်ကြောင့် အလွယ်တကူ လက်မလျှော့ချင်ပေ။ သူသည် ကြယ်တာရာအင်မော်တယ်ဂိုဏ်းမှ ကျွမ်းကျင်သူများကို လှမ်းကြည့်လိုက်သည်။

ဤသူမှာ လွတ်မြောက်ခြင်းနယ်ပယ် ဘိုးဘေးတစ်ဦး ဖြစ်သည်။ သူ၏အမည်မှာ ဝမ်ရှန်းလင် ဖြစ်ပြီး ကြယ်တာရာအင်မော်တယ်ဂိုဏ်း၏သတ္တမမြောက် အကြီးအကဲ ဖြစ်သည်။

သူ၏ဘေးတွင် ဂိုဏ်း၏ ပထမ အကြီးအကဲလည်း ရှိနေသည်။

ထိုသူသည် ရှန်းချန်ကောကို တစ်ချက်ကြည့်လိုက်ရာ ဖော်ပြ၍မရသော ကြောက်ရွံ့မှုကို ခံစားလိုက်ရသည်။ ၎င်းမှာ ထူးဆန်းသော ကြောက်ရွံ့မှုမျိုး ဖြစ်သည်။

သူ ဘာမှမမြင်ရသော်လည်း အသက်ရှူ၍ မဝသလို ခံစားလိုက်ရသည်။ ဧရာမ လက်တစ်ဖက်က သူ့နှလုံးကို ဆုပ်ကိုင်ထားသကဲ့သို့ပင်။

သူ၏မျက်နှာမှာ နီမြန်းလာသည်။

ဒီလူက... ဘာကြီးလဲ။

လူတစ်ယောက် သန်မာလေလေ၊ သူတို့ ရောက်ရှိနိုင်သော နယ်ပယ်က ပိုနက်ရှိုင်းလေလေ ဖြစ်ပြီး ပိုမိုများပြားသော အရာများကို အာရုံခံနိုင်လေလေ ဖြစ်သည်ဟု ဆိုကြသည်။

ရှန်းယွဲ့ရှင်းနှင့် ရှန်းရှန်တို့မှာ ကျင့်ကြံခြင်း နိမ့်ပါးသဖြင့် ကြောက်ရွံ့မှုကိုသာ ခံစားရသော်လည်း ဘိုးဘေးနှစ်ဦးမှာမူ အောက်ခြေမမြင်ရသော ချောက်နက်ထဲသို့ ကျရောက်သွားသကဲ့သို့ ခံစားနေရသည်။

ဖိအား

ကြောက်မက်ဖွယ်ကောင်းလှသည်။

သူတို့၏ ခြေထောက်များ တုန်ယင်လာသည်။

ရှန်းယွဲ့ရှင်းမှာ ရှန်းချန်ကောကို ကြည့်ရင်း ပို၍ ဒေါသထွက်လာသည်။

သို့သော် ထိုခဏ၌...

ရုတ်တရက် ပုံရိပ်တစ်ခု တံခါးဝမှ ဝင်ရောက်လာသည်။

သူကား... ရှန်းတင်းမင်းဆက်၏ အရှင်သခင်ဖြစ်လေ၏။

သူလား

ကြယ်တာရာအင်မော်တယ်ဂိုဏ်းမှ လူများ ဆွံ့အသွားသည်။ ယခင်က ဤသူသည် သူတို့ဂိုဏ်းကို အကာအကွယ် တောင်းခံခဲ့ဖူးသည်။

သို့သော် အကြောင်းအမျိုးမျိုးကြောင့် သူတို့ ငြင်းပယ်ခဲ့ကြသည်။ ယခု ထိုသူကို မြင်လိုက်ရသောအခါ သူတို့ အလိုအလျောက် မေးကို မော့လိုက်မိကြသည်။

သို့သော် မင်းဆက်၏အရှင်သခင်က သူတို့ကို လုံးဝ မကြည့်ဘဲ ကျော်သွားလိုက်သည်။ ဘိုးဘေးနှစ်ဦးမှာ ကြောင်အသွားပြီး မျက်နှာများ ပျက်သွားသည်။

ဘာဖြစ်တာလဲ

သူတို့ကို လျစ်လျူရှုသွားတာလား

အရှင်သခင်သည် ဝတ်စုံဖြူနှင့် လူငယ်၏ ရှေ့သို့ ရောက်သွားသည်။

"ဂါရဝပြုပါတယ် မဟာဘိုးဘေးကြီး။"

ထိုစကားတစ်ခွန်းက မိုးကြိုးပစ်ချလိုက်သကဲ့သို့ပင်။

ရှန်း... ရှန်းမိသားစုရဲ့ မဟာဘိုးဘေးကြီးလား။

ချက်ချင်းပင် ဘေးပတ်ဝန်းကျင်မှ လှောင်ပြောင်နေသော အကြည့်များမှာ ပိုမို ထင်ရှားလာသည်။

မဟာဘိုးဘေးကြီး ဟူသော အခေါ်အဝေါ်ကြောင့် ကြယ်တာရာအင်မော်တယ်ဂိုဏ်းမှ လူများနှင့် ရှန်းရှန်သားအဖတို့မှာ မိုးကြိုးပစ်ခံလိုက်ရသလို တုန်လှုပ်သွားကြသည်။

ဒီလောက် ချောမောခန့်ညားတဲ့ လူငယ်လေးက ရှန်းမိသားစုရဲ့ မဟာဘိုးဘေးကြီးလား။

ထိုခဏ၌ ရှန်းချန်ကော၏ အကြည့်မှာ ဓားတစ်စင်းကဲ့သို့ ထက်ရှပြီး ကြောက်စရာကောင်းကြောင်း သူတို့ ခံစားလိုက်ရသည်။

ဘာလုပ်ကြမလဲ

ရှန်းယွဲ့ရှင်းမှာ လူပြက်တစ်ယောက် ဖြစ်သွားသလို ခံစားလိုက်ရသည်။ အထူးသဖြင့် သူက မဟာဘိုးဘေးကြီးကို ဆက်ဆံခဲ့ပုံများကို ပြန်တွေးမိပြီး ရှက်ရွံ့သွားသည်။

ဒါပေမဲ့ သူက ဘယ်လိုလုပ် မဟာဘိုးဘေးကြီး ဖြစ်နိုင်မှာလဲ။

ဘိုးဘေးနှစ်ဦးက တစ်ယောက်ကိုတစ်ယောက် ကြည့်လိုက်ကြသည်။ သူတို့ ပို၍ ကြောက်ရွံ့လာကြသည်။

ရှန်းချန်ကော၏ငယ်ရွယ်မှုကြောင့်ပင်။

ကျင့်ကြံမှု အဆင့်တစ်ခုသို့ ရောက်ရှိသွားပါက နုပျိုမှုကို ပြန်လည်ရရှိပြီး ထာဝရ ငယ်ရွယ်နေနိုင်သည်ဟု ဒဏ္ဍာရီများတွင် ဆိုထားကြသည်။

ဒီလူက...

အနောက်ဘက်ဒေသ၏အန္တရာယ်ကို ဖြေရှင်းခဲ့သူ...

ဒါဆို သူ့ရဲ့ ခွန်အားက...

"မဟာဘိုး... ဘိုး... ဘိုးဘေးကြီး..." ရှန်းယွဲ့ရှင်း၏ မျက်နှာတွင် ထိတ်လန့်မှုများ ပြည့်နှက်နေသည်။

ရှန်းချန်ကောက သူ့ကို လျစ်လျူရှုထားလိုက်သည်။

"ခင်ဗျား ဘာလို့ ပြန်ရောက်လာတာလဲ"

"ခင်ဗျားတို့ ဘိုးဘေးကြီးကို ဂါရဝပြုပြီးကြပြီလား"

"ဂါရဝမပြုချင်ရင် ထွက်သွားကြ" မင်းဆက်၏ အရှင်သခင်မှာ အခုအချိန်တွင် အလွန် ဘဝင်မြင့်နေပြီ ဖြစ်သည်။

မဟာဘိုးဘေးကြီး၏ကျင့်ကြံခြင်းအဆင့် မှာ အလွန် နက်ရှိုင်းလှသည်။ မနေ့ညက သူသည် ဒုတိယဘိုးဘေးကြီးကို မဟာဘိုးဘေးကြီး၏ကျင့်ကြံခြင်းအဆင့်ကို မေးမြန်းခဲ့သည်။

ဒုတိယဘိုးဘေးကြီးက သက်ပြင်းချကာ ပြောခဲ့သည်မှာ "ငါ နတ်တံတားနယ်ပယ်ကို ရောက်နေပေမဲ့ ငါ့အစ်ကိုကြီးကို ကြည့်လိုက်ရင် နေမင်းကြီးကို မော့ကြည့်နေရတဲ့ ပုရွက်ဆိတ်တစ်ကောင်လိုပဲ ခံစားရတယ်" ဟူ၍ ဖြစ်သည်။

ထို့ကြောင့် ဘိုးဘေးကြီး၏ ခွန်အားမှာ...

ယခုအချိန်တွင် တစ်ကမ္ဘာလုံးကို လွှမ်းမိုးထားနိုင်ပြီဟု ပြောနိုင်သည်။

ကြယ်တာရာအင်မော်တယ်ဂိုဏ်း ဟုတ်လား

အဲဒါ ဘာမှမဟုတ်ဘူး။

အရင်တုန်းက ငါ့ကို လျစ်လျူရှုခဲ့ကြတယ် မဟုတ်လား... ဟဲဟဲ

ဘိုးဘေးနှစ်ဦးမှာ ကြောက်လန့်တကြား ဒူးထောက်လိုက်ကြသည်။

"ဂါရဝပြုပါတယ် မဟာဘိုးဘေးကြီး။"

သို့သော် ရှန်းချန်ကောသည် သားအဖနှစ်ယောက်ကို လျစ်လျူရှုထားဆဲပင်။ ဤသားအဖနှစ်ယောက်က တကယ်ကို လူရွင်တော်များပင်။

ရှန်းချန်ကောသည် မင်းဆက်၏အရှင်သခင်နှင့်အတူ ထွက်ခွာသွားသည်။ သားအဖနှစ်ယောက်မှာ မျက်နှာများ ဖြူလျော့လျက် ကျန်ရစ်ခဲ့သည်။

ရှန်းယွဲ့ဖျင်က နှာခေါင်းရှုံ့လိုက်သည်။

ဒီလူတွေ ဘယ်သူနဲ့ စကားပြောနေလဲဆိုတာတောင် မသိကြဘူး။

"ကြယ်တာရာအင်မော်တယ်ဂိုဏ်းက အရမ်း စွမ်းအားကြီးတာလား၊ မဟာဘိုးဘေးကြီးက မနေ့ကတင် လျှို့ဝှက်အင်မော်တယ်ဂိုဏ်း တစ်ခုလုံးကို ဖျက်ဆီးပစ်လိုက်တာ ငါ မှတ်မိနေသေးတယ်..."

သူမ၏စကားကို ကြားလိုက်ရသောအခါ ကြယ်တာရာအင်မော်တယ်ဂိုဏ်းမှ ဘိုးဘေးနှစ်ဦးမှာ ကြောက်လန့်လွန်းသဖြင့် မျက်နှာများ ပြာနှမ်းသွားကြတော့သည်။

လျှို့ဝှက်အင်မော်တယ်ဂိုဏ်း ဖျက်ဆီးခံလိုက်ရပြီ ဟုတ်လား။