နန်လန်ယန်ရန်

ကျန်းမအင်ပါယာ၊ တိမ်တိုက်ဂိုဏ်း။

ကျန်းမအင်ပါယာ၏ အကြီးမားဆုံးအင်အားစုဖြစ်သည့် တိမ်တိုက်ဂိုဏ်းသည် စည်းကမ်းတွင်လည်း တင်းကြပ်လှပြီး ဩဇာအာဏာလွှမ်းမိုးမှုကလည်း ကြီးမားကာ ယင်းဂိုဏ်းအဖွဲ့ဝင်များသည် အင်္ကျီလက်ထိပ်တွင် တိမ်တိုက်နှင့် ငွေဓားတံဆိပ်အမှတ်အသားပါသော ဝတ်ရုံများ ဝတ်ဆင်ကြသည်။ ဤဂိုဏ်းသည် ကျန်းမအင်ပါယာအတွင်း ပြိုင်ဘက်ကင်း ဂုဏ်သိက္ခာရှိဂိုဏ်းဟူ‌သော ဆောင်ပုဒ်ကို ပိုင်ဆိုင်ထားသဖြင့်၊ အင်ပါယာရှိ များပြားလှသော လူငယ်ကျင့်ကြံသူများ၏ အိပ်မက်ဆန္ဒပြည့်ရာ နေရာလည်းဖြစ်ပေသည်။

"ဂိုဏ်းချုပ်ကြီး ပြန်ရောက်လာပြီ!"

တိမ်တိုက်ဂိုဏ်းမှ တပည့်တစ်ဦးက တိမ်ပေါ်တွင် ပျံသန်း၍လာနေသော ထိုသူနှစ်ဦးရှိရာကို ညွှန်ပြရင်း အသံကျယ်ကျယ်ဖြင့် အော်ဟစ်လိုက်သည်။ ပတ်ဝန်းကျင်ရှိ အခြားတပည့်များကလည်း အားပါးတရ ငေးကြည့်ရင်း၊ သူတို့ကိုယ်တိုင်လည်း ဒိုချီအတောင်ပံဖြင့် ပျံသန်းလိုသည်မှာ ထင်ရှားသည်။

"ဂိုဏ်းချုပ်ကြီးကို ဂါရဝပြုပါတယ်"

ယွင်ယွင် သည် ဣန္ဒြေရှိစွာ ခေါင်းညိတ်ပြပြီးနောက် ကျန်းချန်ကို တိမ်တိုက်ဂိုဏ်း၏ ပင်မ‌အဆောက်အဦးထဲသို့ ခေါ်လာခဲ့သည်။ ထိုအချိန်တွင် တိမ်တိုက်ဂိုဏ်းမှ အကြီးအကဲများနှင့် ဘုန်းတော်ကြီးတို့သည် ခန်းမထဲ၌ စုဝေးပြီး၊ နန်လန်ယန်ရန် တစ်ယောက်အနေနဲ့ မည်ကဲ့သို့ ပြုလုပ်ပါလျှင် သုံးနှစ်စာချုပ်ကို နိုင်မည်နည်းဟူသော အချက်ကို ဆွေးနွေးနေကြသည်။

လူငယ်ဂိုဏ်းခေါင်းဆောင်၏ ပင်ကိုယ်စွမ်းရည်သည် ထူးချွန်သော်လည်း၊ အကယ်၍သာ ရှောင်ယန်သည် တစ်စုံတစ်ရာ ကြီးမားသော အခွင့်အရေးကို ရရှိခဲ့သလားဆိုတာ မသိနိုင်သောကြောင့် သတိထားဖို့ လိုအပ်နေပေသည်။

အပြင်ဘက်ရှိ တပည့်များ ဂိုဏ်းချုပ်ကြီး ပြန်ရောက်ကြောင်းကို ကြားသိရသောအခါ အကြီးအကဲများအားလုံး ထရပ်ပြီး အသက်ရှုမှားရလောက်အောင် လှပသော အမျိုးသမီးအား ကြိုဆိုကြသည်။

"ဂိုဏ်းချုပ်ကြီးကို ဂါရဝပြုပါတယ်"

ယွင်ယွင် သည် ချိုသာစွာဖြင့် "ခင်ဗျားတို့ကို မိတ်ဆက်ပေးပါရစေ။ ဒီဘက်က သခင်လေးကျန်းချန် ပါ။"

ဝါရင့်အကြီးအကဲ ယွင်လင်းနှင့် အခြားသူများသည် ချက်ချင်း မော့ကြည့်ကာ၊ မတည်မငြိမ်ဖြစ်နေသော ဒိုချီစွမ်းအင် ပိုင်ဆိုင်သည့် လူငယ်အား စေ့စေ့စပ်စပ် ကြည့်နေလေသည်။ လူတိုင်း၏ မျက်နှာတွင် အံ့အားသင့်မှုများ ထင်ဟပ်နေသည်။ ဂိုဏ်းချုပ်ကြီးကိုယ်တိုင် 'သခင်လေး' ဟု ခေါ်နေခြင်းမှာ၊ သူ၏ စွမ်းအားသည် ဂိုဏ်းချုပ်ကြီးထက်ပင် သာလွန်နိုင်သလောဟု စဉ်းစားမိကြသည်။

ထိုသို့ တွေးမိသည်နှင့် ဝါရင့်အကြီးအကဲ ယွင်လင်းနှင့် အခြားသူများသည် လက်အုပ်ချီကာ ဦးညွှတ်ကြသည်၊ "သခင်လေးကျန်းချန်အား ဂါရဝပြုပါတယ်"

ဂိုဏ်းချုပ်ကြီးကိုယ်တိုင်ပင် 'သခင်လေး' ဟု ခေါ်ဆိုနေသည်ဖြစ်ရာ၊ တိမ်တိုက်ဂိုဏ်းမှ အကြီးအကဲများအနေဖြင့် ထပ်ပြီး မပြောဆိုဝံ့သဖြင့် လက်အုပ်ချီနှုတ်ဆက်ရုံသာ ရှိသည်။

ကျန်းချန် က ခေါင်းညိတ်ပြလိုက်သည်။ ဤပုဂ္ဂိုလ်ကို သူ အလွန်ရင်းနှီး‌နေသည်။ ယွင်လင်း...

တိမ်တိုက်ဂိုဏ်း၏ ဝါရင့်အကြီးအကဲ သိုင်းဘုရင် အဆင့်ကျွမ်းကျင်သူတစ်ဦး။ သုံးနှစ်တာစာချုပ်အတွင်း မိုချန်၏ သေဆုံးမှုကို အကြောင်းပြ၍ ရှောင်ယန်အား အတင်းအဓမ္မ ဖမ်းဆီးထိန်းသိမ်းရာမအောင်မြင်ပဲ၊ လူများခေါ်ဆောင်ကာ ရှောင်မိသားစုကို တိုက်ခိုက်ခဲ့သူ၊ ရှောင်ယန်၏ ဖခင် နှင့် ရှောင်ဇန်ပါ ပျောက်ဆုံးသွားစေပြီး ရှောင်မိသားစုကိုပါ အမြစ်ပျက်ချေမှုန်းလုနီးပါး ဖြစ်စေခဲ့သူ။ နောက်ဆုံးတွင် သူသည် ရှောင်ယန်၏ အမျက်ဒေါသကြောင့် 'ဗုဒ္ဓ၏အမျက်မီးကြာပန်း' ဒဏ်သင့်ကာ သေရမည့်သူ ဖြစ်သည်။

ဆိုရလျှင် တိမ်တိုက်ဂိုဏ်း၏ ပြိုလဲပျက်စီးမှုသည် ဝါရင့်ဂိုဏ်းချုပ်ကြီး ယွင်လင်း ၏ ခေါင်းမာမှုနှင့် တော်တော်လေး ဆက်စပ်နေသည် ဟု ဆိုနိုင်သည်။

ထိုသူသည် အမျိုးမျိုးလိမ်လည်လှည့်စားတတ်ပြီး၊ မနာလိုစိတ်ထားကာ အငြိုးကြီးကြီးနှင့် လက်စားချေတတ်သော သူဖြစ်သည်။ သူ့ကို ဒေါသဖြစ်စေတဲ့သူမှန်သမျှ တိမ်တိုက်ဂိုဏ်း၏ မညှာမတာ လိုက်လံဖမ်းဆီးမှုကို ရင်ဆိုင်ရမည်ဖြစ်သည်။

"ရေနွေးကြမ်းဘာလို့ မငှဲ့ပေးသေးတာလဲ"

ယွင်ယွင် သည် ဒေါသထွက်စွာ အော်လိုက်သည်။

တိမ်တိုက်ဂိုဏ်း၏ ဒုတိယအုပ်စီမံသူ ယွင်လဲ့ သည် အလျင်အမြန် ရေနွေးကြမ်းတစ်အိုးဖျော်ကာ၊ ဂိုဏ်းချုပ်ကြီးနှင့် သခင်လေးကျန်းချန် တို့အတွက် ကိုယ်တိုင် ငှဲ့ပေးလိုက်သည်။

ယွင်ယွင် က ချိုသာစွာ ပြောလိုက်သည်၊ "သခင်လေး၊ ကျေးဇူးပြု၍..."

"ကျေးဇူးတင်ပါတယ်။"

ဟု ကျန်းချန် က ပြန်ပြောပြီး လက်ဖက်ရည်ခွက်ကို ကောက်ယူကာ အနည်းငယ်သောက်လိုက်သည်။ အရသာမှာ အသင့်အတင့်ဖြစ်သော်လည်း သူကိုယ်တိုင် ဖျော်စပ်ထားသည့် မက်မွန်ပန်းဝိုင်းနှင့် နှိုင်းယှဉ်လျှင် အနည်းငယ် ကောင်းရုံလောက်သာရှိသည်။

ဝါရင့်ဂိုဏ်းချုပ်ကြီး ယွင်လင်း သည် ပခုံးတွန့်လိုက်ကာ၊ ကြောက်ရွံ့စွာဖြင့် ရှေ့တစ်လှမ်းတိုးလာပြီး၊ "သခင်လေးက မည်သည့် ဂိုဏ်းမှ ပညာရှင်ဖြစ်ပါသလဲဟု မေးမြန်းလိုပါသည်။"

"ရိုင်းပျလိုက်တာ"ဟု ယွင်ယွင် က ဒေါသဖြင့် အော်လိုက်သည်။ "တစ်ဦးနှင့်တစ်ဦး စကားစပြောတဲ့အခါမှာ ဂိုဏ်းအကြောင်းကို အရင်မေးတတ်တာလား။ မင်းအတော်လေး ရိုင်းတာပဲ။"

ယွင်လင်း သည် အားတောင့်အားနာနဲ့ ခေါင်းကုတ်ကာ၊ သူ ဘာမှားယွင်းသွားသည်ကို သေချာနားမလည်ဘဲ ပြောလိုက်သည်၊ "အရှင် ဂိုဏ်းချုပ်ကြီး သခင်လေးကျန်းချန်အား အဘယ်ကြောင့် ဤမျှလောက် ယဉ်ယဥ်ကျေးကျေး ဆက်ဆံရပါသလဲခင်ဗျာ။ သခင်လေးက ကျန်းမအင်ပါယာအတွင်း နှစ်ရှည်လများ တိတ်တဆိတ် နေထိုင်ခဲ့သော ပညာရှင်တစ်ဦး ဖြစ်နိုင်ပါသလား?"

"ဧကန်စင်စစ် ဖြစ်ခဲ့လျှင်၊ သခင်လေးသည် ကျွန်ုပ်တို့ တိမ်တိုက်ဂိုဏ်း၏ ရှေ့ဆောင်ဂိုဏ်းချုပ်ကြီး ယွင်ရှန်း အား သိပါသလား?"

ယွင်ယွင် ၏ လှပသော မျက်ခုံးောများ အနည်းငယ် တွန့်လိမ်သွားပြီးနောက် သူမသည် အံကြိတ်ကာ ဆူလိုက်သည်၊ "ယွင်လင်း၊ အတင့်ရဲလိုက်တာ! ဆရာကြီး၏ အမည်ကို တိုက်ရိုက်အသုံးပြုနေပြန်ပြီ! ချက်ချင်း ထွက်သွားပါ!"

ယွင်လင်း ၏ မျက်နှာအမူအရာမှာ တင်းမာနေသည်။ ဤပုဂ္ဂိုလ်သည် တိမ်တိုက်ဂိုဏ်း၏ရန်သူ ဟုတ်မဟုတ် သူ သိရှိရန် လိုအပ်နေသည်။ ရှေ့ဆောင်ဂိုဏ်းချုပ်ကြီးက မကြာသေးမီက သူ့အား မည်သူမဆို ဂိုဏ်းအတွင်းသို့ ရောက်လာပါက သေသေချာချာ စစ်ဆေး‌မေးမြန်းရန် မှာကြားခဲ့သည်။

ထိုသို့မဟုတ်ပါလျှင် သူတို့လုပ်နေသည်များကို လွယ်ကူစွာ သိရှိသွားနိုင်သည်။ ထို့ကြောင့် မည်သူ့ကိုမဆို သူ့အနေဖြင့် ရှင်းလင်းစွာ မေးမြန်းရမည် ဖြစ်သည်။

ဤသည်မှာ ရှေ့ဆောင်ဂိုဏ်းချုပ်ကြီး ပေးအပ်ထားသော မလွဲမရှောင်သာ အမိန့်ပင် ဖြစ်သည်!

ဂိုဏ်းချုပ်သက်ကြီး ယွင်လင်း သည် ဂိုဏ်းချုပ်ကြီး ယွင်ယွင် ၏ သတိပေးချက်ကို လျစ်လျူရှုပြီး ဆက်လက်မေးမြန်းနေသည်။

ယွင်ယွင် မှာ သိသိသာသာ မျက်နှာပျက်နေသည်။ သခင်လေးကျန်းချန် သည် ဧည့်သည်တစ်ဦး ဖြစ်နေပါလျက် ဝါရင့်ဂိုဏ်းချုပ်ကြီး ယွင်လင်းသည် အဘယ်ကြောင့် ဤမျှလောက် ရိုင်းပျနေရပါသနည်း။ ဤသည်မှာ သူ၏ ပုံမှန်အပြုအမူမဟုတ်ပေ... ကျန်းချန် သည် လက်ဖက်ရည်အနည်းငယ် သောက်လိုက်ပြီးတော့ "ကျွန်တော်ဟာ လောကတစ်ခွင်လုံးကို လျှောက်သွားနေတဲ့ ခရီးသွားတစ်ယောက်မျှသာ ဖြစ်ပါတယ်။ ကျွန်တော့်ကို ကြောက်ဖို့မလိုပါဘူး။"

ဝါရင့်ဂိုဏ်းချုပ်ကြီး ယွင်လင်း ၏ နှုတ်ခမ်းသည် မဲ့သွားသည်။ သူ နောက်ထပ်မေးမြန်းဖို့ ဟန်ပြင်နေစဉ် ဂိုဏ်းချုပ်ကြီး၏ အမြင်မကြည်နေသည့် မျက်နှာထားကို သတိပြုမိသွားပြီး ချက်ချင်း ကြောက်ရွံ့ကာ မကျေမနပ်ဖြင့် ထွက်ခွာသွားသည်။

"တောင်းပန်ပါတယ်၊ သခင်လေး" ဟု ယွင်ယွင်က တောင်းပန်သည့်ဟန်ဖြင့် ပြောလိုက်သည်၊ "ယွင်လင်း သည် ရိုင်းပျပြီး သခင်လေးကို စိတ်အနှောင့်အယှက်ဖြစ်အောင် ပြုခဲ့တဲ့သူ့ကို ခွင့်လွှတ်ပေးပါလို့ မျှော်လင့်ပါတယ်။"

"ဟားဟား... မိန်း‌ကလေးက ဟာသပြောတတ်တာပဲ။ ကျွန်တော်ဟာ လောကတစ်ခွင်ကို နှစ်ပေါင်းများစွာ လည်ပတ်ခဲ့ဖူးတဲ့သူပါ သူ့လိုလူမျိုးကို အများကြီး မြင်ဖူးပြီးသားပါ။ ကျွန်တော် ဒုတိယ ဂရုမစိုက်တာ ကြာပါပြီ။"

ကျန်းချန် သည် လက်ဖက်ရည်ခွက်ကို ချထားလိုက်ပြီး၊ လှည့်ကာ အစည်းအဝေးခန်းထဲရှိ ပညာရှင်များကို ကြည့်လိုက်သည်။ လူတိုင်း၏ အတွင်းအားမှာ သိုင်းဘုရင် အဆင့်တွင်သာရှိပြီး တိမ်တိုက်ဂိုဏ်း၏ နောက်ဘက်တောင်ကြားမှ သိုင်းဘိုးဘေး အဆင့်နှစ်ဦး၏ အတွင်းအားကို ခပ်ရေးရေးလေး ခံစားလိုက်ရသည်။

သူတို့၏ အတွင်းအားမှာ ကြယ်သုံးပွင့်မှ ကြယ်ငါးပွင့်ကြား ဖြစ်သည်။

တစ်ဦးမှာ တိမ်တိုက်ဂိုဏ်း၏ ရှေ့ဆောင်ဂိုဏ်းချုပ်ကြီး ယွင်ရှန်း ဖြစ်မည်။

နောက်တစ်ဦးမှာမူ၊ မကြာခဏဆိုသလို၊ ဝိညာဉ်စောင့်ရှောက်သူ ကောန်းဟာ့စ် ဖြစ်လိမ့်မည်။

"ဆရာ ပြန်ရောက်လာပြီလို့ ကြားလို့။"

ထိုအချိန်တွင် နှစ်လိုဖွယ်ကောင်းသော အသံတစ်သံက ပင်မအဆောက်အဦး၏ အပြင်ဘက်မှ ထွက်လာသည်။ တံခါးချပ်ကြီးများကို တွန်းဖွင့်လိုက်သည်နှင့်၊ လှပသောအမျိုးသမီးတစ်ဦးသည် လူအများရှေ့တွင် ပေါ်လာသည်။

အမျိုးသမီးဝတ်ဆင်ထားပုံမှာ အင်္ကျီလက်ကျယ်ပြီး အဖြူရောင် ကိုယ်ကျပ်ဝတ်ရုံကို ဝတ်ဆင်ထားသည်။ ငွေရောင်ခါးစည်းတစ်ခုသည် သွယ်လျသောခါးကို စည်းထားကာ သူမ၏ နူးညံ့သိမ်မွေ့သော ခန္ဓာကိုယ်ပုံစံကို အပြည့်အဝ ပြသနေပေသည်။

သူမ၏ ကောက်ကွေ့နေသော ကိုယ်ခန္ဓာပုံစံက အတော်လေးစွဲမက်ဖွယ်ကောင်းလှသည်။ သူမ၏ အနက်ရောင်ဆံပင်ကို အပြာရောင်ပိုးချည်မျှင်ဖြင့် ပုံမှန်အတိုင်း စည်းနှောင်ထားပြီး၊ ဆံပင်က ခါးအထိ လျှောကျနေသည်။

ဤအမျိုးသမီးမှာ တခြားမဟုတ် တိမ်တိုက်ဂိုဏ်း၏ လူငယ်ဂိုဏ်းခေါင်းဆောင် နှင့် သုံးနှစ်စာချုပ်ကို ချုပ်ထားသူများထဲမှ တစ်ဦးဖြစ်သော နန်လန်ယန်ရန် ပင်ဖြစ်သည်။

"ဆရာ~"

နန်လန်ယန်ရန် သည် ပျော်ရွှင်စွာဖြင့် ယွင်ယွင် ၏ လက်မောင်းထဲသို့ ခုန်ဝင်သွားပြီး၊ ဆရာ၏ ရင်ဘတ်မှ ခွာကာ ခေါင်းကိုကိုင်လိုက်ပြီး၊ "ဆရာ၊ ဆရာ့ကို အရမ်းလွမ်းတာပဲ။"

ယွင်ယွင် သည် ခင်တွယ်မှုကို အနည်းငယ်ပြသလိုက်ပြီး အေးဆေးစွာဖြင့် "ယန်ရန်၊ မင်း လူသူဝေးရာအရပ်နဲ့ ‌မနေတော့ဘူးလား။"

ဤအခြေအနေကို တွေ့မြင်ရသောအခါ တိမ်တိုက်ဂိုဏ်းမှ အကြီးအကဲများအားလုံးသည် အစည်းအဝေးခန်းထဲမှ ထွက်ခွာသွားကြပြီး၊ ဆရာမ နှင့် တပည့် နှစ်ယောက်တည်း ရှိနိုင်ရန် ရှောင်ပေးလိုက်ကြသည်။

"ဟမ်"

နန်လန်ယန်ရန် သည် ရိုရိုသေသေနဲ့ ခေါင်းညိတ်ပြလိုက်သည်။ "ဆရာ ပြန်ရောက်လာတယ်ဆိုတာ ကြားရလို့ အမြန်ပြေးလာတာပါ။ ဆရာ၊ ဆရာရဲ့ ရင်ဘတ်က ထပ်ပြီး ကြီးလာပြန်ပြီ..."

ယွင်ယွင် ၏ လှပသောမျက်နှာသည် နီမြန်းသွားသည်။ သူမသည် နန်လန်ယန်ရန် ၏ ပါးပြင်ကို ဆွဲဆိတ်ကာ ပြောလိုက်သည်၊ "ထွက်သွား။ တစ်နေကုန် ဆရာ့ကို ပြောင်နေတာပဲ။ နောက်တစ်ခါ ထပ်လုပ်ရင် တစ်လလုံး နံရံကို မျက်နှာမူခိုင်းပြီး အပြစ်ပေးရမယ်။"

နန်လန်ယန်ရန် သည် လျှာလေးကို ထုတ်ပြီး ချစ်စရာကောင်းသော မျက်နှာအမူအရာ ပြုလုပ်လိုက်သည်။ အဲ့ဒီနောက်မှာ သူမသည် ဘေးနားတွင် ထိုင်နေသော ချောမောလှပသည့် လူငယ်လေးကို သတိထားမိသွားပြီး၊ ကျန်းချန် ၏ ကိုယ်ရောင်ကိုယ်ဝါကြောင့် ဆွဲဆောင်ခံလိုက်ရသည်။

ဤမျှ ခံ့ညားတည်ကြည်သော လူငယ်လေးကို သူမ ပထမဆုံးအကြိမ် မြင်တွေ့ရခြင်းဖြစ်သဖြင့် သူမ၏ နှလုံးသားမှာ လှုပ်ခတ်သွားသည်ကို မထိန်းချုပ်လိုက်နိုင်ခဲ့ပေ။

"ယန်ရန်?"

နန်လန်ယန်ရန် သည် ခဏတာ အတွေးထဲနစ်ဝင်သွားသည်ကို မြင်သိရသော ယွင်ယွင် သည် မသိချင်ယောင်ဆောင်ကာ မေးလိုက်သည်၊ "ယန်ရန်၊ ဘာလုပ်နေတာလဲ?"

နန်လန်ယန်ရန် သည် လက်တွေ့ဘဝသို့ ပြန်ရောက်လာကာ အမြန်ထရပ်လိုက်ပြီး၊ လက်များကို ကျောနောက်တွင် ထားကာ၊ ရှက်ရွံ့စွာဖြင့် ဖြေလိုက်သည်၊ "ဘာမှမဟုတ်ပါဘူး... ဒီစီနီယာက ဘယ်သူလဲဆိုဝာာ မေးလို့ရမလား?"

ယွင်ယွင် က မိတ်ဆက်ပေးလိုက်သည်၊ "ဒါက သခင်လေး ကျန်းချန်၊ မင်းဆရာ ရဲ့ မိတ်ဆွေတစ်ယောက်ပါ။"

"တပည့်တော် နန်လန်ယန်ရန် သည် သခင်လေးကျန်းချန် အား ဂါရဝပြုပါတယ်။"

နန်လန်ယန်ရန် သည် လက်အုပ်ချီကာ ဦးညွှတ်ပြီး၊ လွန်လွန်ကြူးကြူးရိုသေစွာ ဆက်ဆံ‌နေမှုက ကြည့်ရှုနေသူမည်သူမဆို သူမ၏ နူးညံလှသည့်ခန္ဓာကိုယ်ကို ပြန်မတ်ပေးလိုစိတ် ဖြစ်ပေါ်စေသည်။

ကျန်းချန် က ပြောလိုက်သည်၊ "တပည့်တော်၏ နာမည်ကို ဟိုးအရင်တည်းက ကြားဖူးပါတယ်"

"အာ" နန်လန်ယန်ရန် သည် မျက်ခုံး ပင့်တင်ကာ၊ "သခင်လေးသည် ကျွန်တော်မျိုးမကို သိပါသလား?"

"သုံးနှစ်စာချုပ်ကို စတင်သူ၊ လက်ထပ်မင်္ဂလာကို ပယ်ဖျက်ခဲ့သော ပါရမီရှင်၊ နန်လန်ယန်ရန်ဆိုလျှင် ကျန်းမအင်ပါယာတစ်ခုလုံး သိကြမယ်ဟု ယုံကြည်ပါသည်။"