မြွေလူမျိုး တိုက်ခိုက်ရေးအင်ပါယာ၊ ဘုရင်မကြီး မီဒူဆာ

ကျန်းချန်ဟာ ခြေတစ်လှမ်းပြီး တစ်လှမ်း လျှောက်သွားသည်။ သူ ခြေတစ်လှမ်း လှမ်းလိုက်တိုင်း အာကာသဟင်းလင်းပြင်သည် တသိမ့်သိမ့်တုန်ခါသွားတတ်သည်။ တုန်ခါမှုများ ပျောက်ကွယ်သွားသည့်အခါ သူသည် မီတာတစ်ရာအကွာအဝေးတွင် ရောက်နေပြီဖြစ်သဖြင့် အလွန်ထူးဆန်းလှသည်။

ဟိုင်ဘိုဒုံးက နှုတ်ခမ်းကို တွန့်လိုက်ပြီး အံ့အားသင့်စွာ မေးလိုက်သည်။ "ကောင်လေး... မင်း သိုင်းဘိုးဘေးအဆင့်ကို ရောက်ပြီလား"

"ဟဲ ဟဲ... တကယ်တော့ ငါ သိုင်းသူတော်စင် ဖြစ်နေပြီ။"

သို့သော် ဒီစကားတွေက ဟိုင်ဘိုဒုံးကို ရယ် မောစေခဲ့သည်။ ကျန်းချန်ဟာ ထူးခြားသည့် ပါရမီရှိသည်ဆိုတာ သူသိသော်လည်း ရှစ်နှစ်အတွင်းမှာ ကြယ်ကိုးပွင့် သိုင်းဘုရင်ကနေ သိုင်းသူတော်စင်အဆင့်ကို ရောက်နိုင်သည်ဆိုတာက သူ့ကို သတ်တာထက်တောင် ပိုပြီး မဖြစ်နိုင်ဘူးလို့ ထင်သည်။

ဟိုင်ဘိုဒုံး မယုံကြည်သည်ကို မြင်ရသည့်အခါ ကျန်းချန်က နောက်ထပ် ရှင်းပြမနေတော့ပေ။ မင်းယုံရင် အမှန်၊ မယုံရင် အမှား။ အဆုံးမှာတော့ လောကကြီးရဲ့ အမြင်ကို ပြောင်းလဲလို့ မရပါ။

မြွေလူမျိုးစုဟာ တာဂိုသဲကန္တာရ၏ အတွင်းပိုင်းတွင် တည်ရှိပြီး အပူချိန် အလွန်မြင့်မားလှသဖြင့် သိုင်းဧကရာဇ် အဆင့်စွမ်းအားရှင်တောင် ဤနေရာတွင် ကြာကြာ နေထိုင်ချင်မည်မဟုတ်ပေ။

မြွေလူမျိုးစုသည် မူလက ဗဟိုဒေသ၏ မွန်းစတားတောင်တန်းတွေမှာ နေထိုင်ခဲ့ကြသည်။ အကြောင်းအရင်းမသိရဘဲ သူတို့ကို ကျန်းမားအင်ပါယာ၏ တာဂို သဲကန္တာရကို ပို့ဆောင်ခဲ့ရသည်။ သူတို့၏ အေးစက်စက်နှင့် ရက်စက်ယုတ်မာဖွယ်ကောင်းသည့် သဘာဝကြောင့် တာဂို သဲကန္တာရမှာ နေထိုင်ခြင်းသည် သူတို့အတွက် နှိပ်စက်ညှဉ်းပန်းမှုတစ်ခုပင် ဖြစ်သည်။

ညအချိန်သို့ ရောက်လာတဲ့အခါ ကျန်းချန်နှင့် သူ့မိတ်ဆွေသည် အိုအေစစ်ဆီသို့ ရောက်ရှိလာခဲ့ကြသည်။တာဂိုသဲကန္တာရတွင် တွေ့ရသည့် တစ်ခုတည်းသော အိုအေစစ်ပင် ဖြစ်သည်။ ဒီမှာ နေထိုင်ရခြင်းသည် စိတ်ကူးကြည့်လို့ရသမျှအထဲတွင် အပျော်ရွှင်ဆုံးအရာဖြစ်ပေလိမ့်မည်။

ကျွန်တော် အထဲကို ခြေလှမ်းချလိုက်သည်နှင့် အေးမြသည့် လေပြေက တိုက်ခတ်လာပြီး ခန္ဓာကိုယ်ပေါ်တွင် ခံစားနေရသည့် အပူရှိန်အားလုံးကို ပြေပျောက်စေခဲ့သည်။

မိမိပတ်ဝန်းကျင်ရှိ မြွေလူသားရုပ်တုတို့ကို ကြည့်ရင်း ကျန်းချန်သည် မြွေလူမျိုးတို့၏ နန်းတော်နားကို ရောက်နေပြီဆိုတာ သိလိုက်ရသည်။ ဤနေရာမှာပင် သူသည် ရေချိုးနေသည့် ဘုရင်မကြီး မီဒူဆာကို တွေ့ခဲ့ရသည်။

ဘုရင်မကြီး မီဒူဆာက အပြေးအလွှားရောက်လာပြီး ထိုအချိန်တုန်းက သူ့မျက်လုံးကို ဖောက်ထုတ်ဖို့ ကြိုးစားခဲ့သည်။ အခု ပြန်စဉ်းစားကြည့်တော့လည်း ခန္ဓာကိုယ် တုန်နေသေးတုန်းပဲ။

ဟိုင်ဘိုဒုံးက ခက်ခက်ခဲခဲ မျိုချလိုက်ပြီး ဘုရင်မကြီး မီဒူဆာ၏လက်ချက်နှင့် ရှုံးနိမ့်ခဲ့ရသည်ကို အခုထိ ကြောက်နေဆဲဖြစ်ပြီး၊ နောက်ထပ် သူ့ကို ရန်မစရဲတော့ပေ။ သူက "ကျန်းချန်... ငါ မင်းကို ဒီမှာ စောင့်နေမယ်" လို့ ပြောလိုက်သည်။

ဟိုင်ဘိုဒုံး၏ အနေအထားကို မြင်သည့်အခါ ကျန်းချန်က အတင်းအကြပ် မပြောတော့ဘဲ ခေါင်းအနည်းငယ်ညိတ်ပြီး မြင့်မြတ်သည့် ရေကန်ဆီကို အေးအေးဆေးဆေး လမ်းလျှောက်သွားခဲ့သည်။မကြာခင်သူရောက်ရှိလာသည်နှင့်သူ့ရှေ့ကနေလာနေသည့် လူတို့၏ စွမ်းအားကို သတိထားမိသည်။

လရောင်ခြည်က စွေစောင်းကျနေပြီး ပတ်ဝန်းကျင်က ကျောက်တိုင်၏ထိပ်ပေါ်တွင် မီးတောက်များ တဟုန်ထိုးတောက်လောင်နေသည်။

ဒါတင်မကသေးဘူး။ မြင့်မြတ်သည့် ရေကန်ထဲက ရေများသည် မီးမြိုက်ထားသလို ပွက်ပွက်ဆူလာခဲ့ပြီး ပြင်းထန်တဲ့ တုန်ခါမှုသည် တစ်ခဏအတွင်းမှာပင် ပတ်ဝန်းကျင်ရှိ သစ်ပင်အားလုံးကို ဖျက်ဆီးပစ်လိုက်သည်။

သွေးနီရောင်လေဆင်နှာမောင်းသည ရုတ်တရက် နှစ်မီတာကနေ မီတာတစ်ရာအထိအမြင့်အထိ မြင့်တက်လာပြီး တဟုန်ထိုးစီးဆင်းလာနေသည့် စွမ်းအားသည် ကောင်းကင်နှင့် မြေကြီးကို ဝါးမျိုသွားနိုင်သည်ဟု ထင်ရသည်။

ကျန်းချန်က အနည်းငယ် ပြုံးပြလိုက်ပြီး၊ ခေါင်းကို မော့ကြည့်ကာ လက်နှစ်ဖက်ကို ကျောနောက်မှာ ထားကာ "မင်္ဂလာပါ... မိန်းကလေး... ငါတို့ ထပ်တွေ့ပြန်ပြီ" လိုပြောလိုက်သည်။

လှပပြီး စွဲမက်ဖွယ်ကောင်းလှသည့် မျက်နှာနှင့် အမျိုးသမီးတစ်ယောက်ဟာ ရုတ်တရက် လေထဲတွင် ပေါ်လာခဲ့သည်။

ထိုအမျိုးသမီးမှာ သဘာဝအတိုင်း ဆွဲဆောင်မှုရှိသည့်သေးသွယ်သော မိုးပြာရောင် မျက်လုံးတစ်စုံရှိပြီး ယောက်ျားတိုင်းလိုလို၏ အကြည့်ကို ဆွဲဆောင်နိုင်စွမ်းရှိသည်။

သူမသည် ခမ်းနားထည်ဝါလှသည့် ခရမ်းရောင် ဘရိုကိတ် ဝတ်ရုံကို ဝတ်ဆင်ထားပြီး သူ့ဝတ်ရုံအောက်တွင် သူမ၏ လုံးကြီးပေါက်လှ ခန္ဓာကိုယ်သည် ရင့်မှည့်နေသော မက်မွန်သီးလိုသိမြင်လွယ်သည့် ဆွဲဆောင်မှုတစ်ခုကို ထုတ်ဖော်ပြသနေ၏။

သူ၏ ရှည်လျားနက်မှောင်သည့် ဆံပင်သည် ပခုံးများတစ်လျှောက် စီးဆင်းနေပြီး သူ့ရဲ့ သွယ်လျတဲ့ ခါးဆီကို ရောက်ရှိသွားသည်။ သူ့ရဲ့ ဘရိုကိတ်ဝတ်ရုံအောက်တွင် ခရမ်းရောင် မြွေအမြီးကို မြင်နေရ၏။

မြွေအမြီးက အနည်းငယ် ယိမ်းထိုးနေပြီး၊ နှစ်လိုဖွယ်ရှိသည့် ဆွဲဆောင်မှုက ဖြာထွက်နေပြီး ဘာကြောင့်မှန်းမသိ လူတစ်ယောက်လုံးကို တစ်ကိုယ်လုံး ပူလောင်သွားစေသကဲ့သို့ ခံစားချက်မျိုးကို ပေးစွမ်းနေသည်။

အသစ်ရောက်ရှိလာသူဟာ မြွေလူမျိုးတို့၏ ဘုရင်မကြီး မီဒူဆာပင် ဖြစ်သည်။

မီဒူဆာက သူမလက်အောက်ရှိ လူငယ်ကို စိုက်ကြည့်ရင်း မျက်မှောင်ကြုတ်လိုက်သည်။ သူ၏အဝတ်အစားကို ကြည့်ပြီး သူ့စိတ်ထဲတွင်ရှိနေသည့် ကောင်လေး၏ ပြီးပြည့်စုံသည့် ပုံရိပ်ကို ပြန်သတိရသည့်အခါ သူမသည် ရုတ်တရက် တစ်ခုခုကို သဘောပေါက်သွားပုံရသည်။

သူမသည် ချက်ချင်းပဲ ဒေါသတကြီးဖြင့် "မင်းပဲလား တဏှာရူး"

"ငါ့မှာ နာမည်ရှိတယ်၊ ကျန်းချန်၊ ပြီးတော့ ငါက တဏှာရူး မဟုတ်ဘူး။ မင်းက ငါ့ကို ဒီလိုခေါ်တာက အလွန်ရိုင်းတဲ့ အပြုအမူပဲ။"

ကျန်းချန်က သူ့လက်ချောင်းလေးတွေကို အနည်းငယ် လှုပ်ရှားလိုက်ပြီး၊ လွင့်မျောနေသည့် ကျောက်တုံးများနှင့် ကျိုးပဲ့နေသည့် သစ်သားတုံးများကို ဖယ်ရှားလိုက်သည်။ "အဲဒီတုန်းက ဖြစ်ခဲ့တာက အထင်လွဲမှုသက်သက်ပဲ။ ဘုရင်မရဲ့ နူးညံ့ပြီး ချောမွေ့တဲ့ အသားအရေကို ကြည့်ဖို့ မရည်ရွယ်ခဲ့ပါဘူး၊ ဒါပေမဲ့ ကံမကောင်းစွာပဲ၊ အဲ့တာကို မင်းက လိုချင်ခဲ့တာ..."

"ပါးစပ်ပိတ်ထားစမ်း"

ဘုရင်မကြီး မီဒူဆာရဲ့ မျက်လုံးတစ်စုံသည် ရက်စက်ကြမ်းကြုတ်မှုတို့နှင့် ပြည့်နှက်နေသည်။ နှစ်ပေါင်းများစွာကြာပြီးသည့်‌ နောက်မှာတောင် သူမဟာ ကျန်းချန်ကို မှတ်မိနေဆဲပင်၊ မြွေလူမျိုးတို့၏ မြင့်မြတ်သည့် ရေကန်ထဲကို ကျူးကျော်ဝင်ရောက်ခဲ့သည့် ရိုင်းစိုင်းသည့်သူဆိုတာကို။

ကျန်းချန်က သူ့နှာခေါင်းကို ပွတ်လိုက်၏။ အဲဒီတုန်းက ဖြစ်ခဲ့တာက မတော်တဆမှုတစ်ခုပါ။ ဒါပေမဲ့ သူမအဖို့ ရှစ်နှစ်ကြာပြီးသည့်နောက်မှာတောင် ဒါကို မှတ်မိနေဦးမယ်လို့ သူမထင်မိခဲ့။

ဘုရင်မကြီး မီဒူဆာရဲ့ သွယ်လျတဲ့ လက်ချောင်းလေးများ အနည်းငယ် လှုပ်ရှားလိုက်သည်နှင့် ကျန်းချန်၏ နောက်ကျောဘက် သစ်တောမှ အားကောင်းသည့် လေပြင်းတစ်ခု ပေါက်ကွဲထွက်လာသည်ကို ခံစားမိပြီး သူ့ကျောကို ဝင်တိုက်လိုက်သည်။

သူ့နောက်ကျောက ရုတ်တရက် လေပြင်းတိုက်ခတ်မှုကို သတိထားမိသည့်အခါ ကျန်းချန်က အေးဆေးတည်ငြိမ်စွာဖြင့် သူ၏ ညာဘက်လက်ကို ဆန့်ထုတ်လိုက်ပြီး၊ သူ့ရဲ့ ခေါက်ယပ်တောင်ကို ပုံမှန်အတိုင်း ဖွင့်လိုက်ပြီး ညင်သာစွလှုပ်ခတ်လိုက်သည်။ ဘုရင်မကြီး မီဒူဆာရဲ့ တိုက်ခိုက်မှုအားလုံးကို ပပျောက်သွားစေခဲ့သည်။

"မင်းက သိုင်းဘုရင် မဟုတ်ဘူးလား?!" ဘုရင်မကြီး မီဒူဆာက မေးလိုက်သည်၊ သူ့မမျက်နှာအမူအရာဟာ ပြောင်းလဲသွားခဲ့တယ်။

"မျက်စိတစ်မှိတ်အတွင်းမှာပဲ ရှစ်နှစ်တာ ကုန်လွန်သွားခဲ့ပြီဖြစ်သည်။မြွေလူမျိုးစု၏ ဘုရင်မကြီး မီဒူဆာ... မင်း ဘယ်လိုထင်လဲ?"

ဘုရင်မကြီး မီဒူဆာက မျက်မှောင်ကြုတ်လိုက်သည်။ မြွေလူမျိုးတွေရဲ့ ဘုရင်မအဖြစ်၊ ဒီကောင်လေးရဲ့ ကျင့်ကြံမှု အဆင့်ဟာ ကြီးမားသည့် ပြောင်းလဲမှုတွေ ဖြစ်ပေါ်လာနိုင်သည်ဆိုတာကို သတိထားမိလိုက်သည်။

ကျန်းချန် သိုင်းဘုရင်အဆင့် ရှိသေးတုန်းက မီဒူဆာက သူဟာ သာမန်လူမဟုတ်ဘူးဆိုတာ သတိထားမိခဲ့သည်။ ကျန်းချန်က လွဲလို့ အခြားသိုင်းဘုရင်တစ်ယောက်မှာ သူမ၏ လက်ထဲကနေ လွတ်မြောက်သွားခြင်းမရှိဘူးပါ။

သူဟာ တာဂိုသဲကန္တာရမှ တိတ်ဆိတ်စွာ ထွက်ခွာသွားနိုင်ခြင်းကပင် သူ့မှာထူးခြားတဲ့ ပါရမီရှိတယ်ဆိုတာသိသာပေမဲ့ ဒီကောင်လေး၏စွမ်းအားကို အသုံးမချနိုင်ဘူးဆိုတာကို ပြသနေသည်။ကျွန်မတို့ သူ့ကို မွေးကင်းစအရွယ်မှာပဲ သတ်ပစ်ခဲ့သင့်တာ!

ကျန်းချန်သည် ဘုရင်မကြီး မီဒူဆာ ဘယ်ဟာကို စဉ်းစားနေသည်ဆိုတာကို ခန့်မှန်းမိပုံရပြီး ချက်ချင်းပဲ "ကျွန်တော်သာ မင်းနေရာမှာဆိုရင် မြွေလူမျိုးစု ပျက်စီးခြင်းကို ဖြစ်စေနိုင်တဲ့ ဒီလို မိုက်မဲတဲ့ အရာကို လုပ်မှာ မဟုတ်‌ဘူး။ အခု မင်းက ငါနဲ့ မယှဉ်နိုင်ဘူး" လို့ ပြောလိုက်သည်။

ဘုရင်မကြီး မီဒူဆာက သူ့လက်သီးတွေကိုဆုပ်လိုက်သည်။ ဒါပေမဲ့ တကယ်ပဲ သူမဟာ မည်သည့်လှုပ်ရှားမှုကိုမျှ မလုပ်ခဲ့‌ပေ။ ထိုအချိန်မှာ သူမသည် ကျန်းချန်၏ခန္ဓာကိုယ်ကနေ ထွက်လာသည့် ပြင်းထန်သည့် စွမ်းအားကို ခံစားမိပြီး သူမဟာ လှုပ်ရှားမှုတစ်ခု လုပ်မိရင်တောင် သူမ၏မြွေလူမျိုးတွေကို အချိန်မရွေး ဖျက်ဆီးပစ်နိုင်သလို ဖြစ်နေသည်။

ဘုရင်မကြီး မီဒူဆာဟာ မြွေလူမျိုးတွေ ပျက်စီးသွားမှာကို မလိုလားသည်မှာ တူတူပင်ဖြစ်သည်။

ကျန်းချန်က သူ့လက်တစ်ဖက်ကို နောက်ကျောတွင် ထားကာ "ဒီနေ့ ငါဒီကိုလာတာက လွန်ခဲ့တဲ့နှစ်တွေက ငါ့ကို လိုက်လံသတ်ဖြတ်ခဲ့တဲ့အတွက် လက်စားချေဖို့လာတာ မဟုတ်ဘူး" လို့ ပြောလိုက်၏။

"အို" ဘုရင်မကြီး မီဒူဆာက မျက်ခုံးပင့်ပြီး မေးလိုက်သည်။ "ဒါဆို မင်းဒီကို ဘာလုပ်ဖို့လာတာလဲ? ဘယ်တုန်းကစပြီး မြွေလူမျိုးတွေက မင်းတို့ လူသားတွေအတွက် ခရီးသွားဆွဲဆောင်ရာတစ်ခု ဖြစ်လာတာလဲ၊ မင်းတို့ စိတ်ကြိုက် လာလိုက်သွားလိုက်နဲ့?!"

"ဟဲ ဟဲ... ဘုရင်မကြီး... ကျေးဇူးပြုပြီး စိတ်အေးအေးထားပါ။"

ကျန်းချန်က ညင်သာစွာ ပြောလိုက်သည်။ "ဒီနေ့ ကျွန်တော် ဒီကိုလာတာက ဘုရင်မကြီးဆီက အထူးမီးတောက်ကို ရယူဖို့ပါ။"

ထိုစကားကို ကြားလိုက်ရသည့်အခါ လေထုသည် အေးခဲသွားသကဲ့သို့ ဖြစ်နေသည်။ ကြက်သွေးရောင်နီမြန်းသည့် သိုင်းစွမ်းအင်သည် မြစ်တစ်စင်းကဲ့သို့ မြင့်တက်လာခဲ့သည်။ ကြွေကျသွားသည့်အရွက်များသည် နီမြန်းတဲ့ သိုင်းစွမ်းအင်တွေကို ထိတွေ့မိရုံနဲ့တင် ဖုန်မှုန့်အဖြစ် ပြောင်းလဲသွားပြီး လောကကြီးထဲတွင် ပျောက်ကွယ်သွားခဲ့သည်။

ကျန်းချန်က သူ၏ ညာခြေထောက်နှင့် မြေကြီးကို ညင်သာစွာ နင်းလိုက်ရာ မြေကြီးပေါ်ရှိ အပြာရောင် အုတ်ချပ်များသည် မျက်စိဖြင့်မြင်နိုင်သော မြန်နှုန်းဖြင့်ကျယ်ပြန့်သည့်ဧရိယာတစ်ခုတွင် အက်ကွဲသွားပြီးနောက် လုံးဝ ပျက်စီးသွားခဲ့သည်။

ရေစက်များကို နေရာတိုင်းတွင် မြင်တွေ့နိုင်သည်။

ဘုရင်မကြီး မီဒူဆာက ထူးဆန်းသည့် မျက်နှာအမူအရာဖြင့် "မင်းတစ်ယောက်တည်း လာတယ်ဆိုတစ်မျိုး။ ဒါပေမဲ့ မင်းက ဘာလို့ အဲဒီ ခွေးကောင်ကိုပါ ခေါ်လာတာလဲ။ ဘာလဲ၊ မင်းက လွန်ခဲ့တဲ့နှစ်က အမှားအတိုင်း ထပ်ကျူးလွန်ချင်တာလား?"

သူမရည်ညွှန်းနေတဲ့ ခွေးကောင်ဆိုသည်မှာ ရေခဲဧကရာဇ် ဟိုင်ဘိုဒုံးမှလွဲ၍ အခြားသူမဖြစ်နိုင်ပေ။

ဟိုင်ဘိုဒုံးက ကျောက်တုံးနောက်မှာ ပုန်းရင်း နည်းနည်း ရှက်သလို ခံစားလိုက်ရသည်။ ဘုရင်မကြီး မီဒူဆာဆီက ချန်ထားခဲ့‌သော သိုင်းစွမ်းအင်အချို့ သူ့ခန္ဓာကိုယ်ထဲမှာ ကျန်နေခဲ့ပြီး သူ၏တည်နေရာကို ရှာတွေ့နိုင်မည် ဟု မထင်ခဲ့။

"ဟဲ ဟဲ... ဘုရင်မကြီး ဒါကို စိတ်ပူစရာမလိုပါဘူး။ ဒါက အကြီးအကဲဟိုင်ကို ဟိုတုန်းက ပေးထားခဲ့တဲ့ ကတိပါ။"