လူအဖြစ် ပြောင်းလဲပြီးသွားသော ဘုရင်မကြီး မီဒူဆာ

【ဂုဏ်ပြုပါတယ် သခင်၊ မစ်ရှင်ပြီးမြောက်ပြီး အထူးမီးတောက်စာရင်းမှာ အဆင့်(၁၉)ရှိတဲ့ မိုးပြာရောင် ကြာပန်း မြေမြင့်ဗဟိုမီးတောက် ရရှိခဲ့ပါပြီ။ ဆုလာဘ်ကတော့ မီးတောက်ကျင့်စဉ်ဖြစ်ပါတယ်။】

စစ်စတမ်၏ အသံတစ်ခုက ကျန်းချန်၏စိတ်ထဲတွင် ပဲ့တင်ထပ်နေပြီး၊ တစ်ချိန်တည်းမှာပင် သူ၏မီးတောက်မန္တန်ရဲ့ကော်ပီတစ်ခုက သူ့ရဲ့ လိုတရလက်စွပ်ထဲတွင် ပေါ်လာသည်။

ဘုရင်မကြီး မီဒူဆာက ရှေ့တိုးလာပြီး ကျန်းချန်၏လက်ထဲက အထူးမီးတောက်ကို ငေးကြည့်ရင်း တိုးတိုးလေးပြောလိုက်သည်။ "အထူးမီးတောက်ကို ရပြီ။ ဆိုတော့ အခု နောက်ဆုံး သဘောတူညီချက်ကို ဖြည့်ဆည်း‌ ပေးလို့ရပြီလား။"

ကျန်းချန်က အထူးမီးတောက်ကို သူ့စနစ်ထဲ သိမ်းထားလိုက်သည်။ လိုတရလက်စွပ်ထဲထည့်လိုက်ရင် ၎င်း၏စွမ်းအင်က အတွင်းရှိအရာအားလုံးကို မျိုချသွား‌ပေလိမ့်မည်။

ငါ ဒီလိုမိုက်မဲတဲ့အရာကို လုပ်မှာမဟုတ်ပါဘူး။

ဘုရင်မကြီး မီဒူဆာ၏ မျက်လုံးများ ကျုံ့ဝင်သွားပြီး မသိစိတ်က "အထူးမီးတောက်က ဘယ်ရောက်သွားတာလဲ။"ဟု မေးလိုက်သည်။

"သေချာတာပေါ့၊ လုံခြုံတဲ့နေရာမှာ ထားလိုက်တာပါ" ဟု ကျန်းချန်က အေးဆေးစွာ ပြန်ဖြေပြီး ဆက်ပြောလိုက်သည်၊ "မင်းရဲ့ သိုင်းဘိုးဘေးအဆင့် ရောက်ဖို့လိုအပ်တဲ့ ဆေးဖက်ဝင်ပစ္စည်းတွေကို တစ်နှစ်အတွင်း ရှာပေးမယ်၊ ဒါကြောင့် စိတ်ချလိုက်ပါ။"

ဘုရင်မကြီး မီဒူဆာက ဒီစကားကိုကြားလိုက်ရသည့်အခါ လှည့်စားခံရသည်ဟု ခံစားမိသည်။ ဒေါသထွက်ကာ ကျန်းချန်၏ အင်္ကျီကော်လာကို ဆွဲကိုင်လိုက်ပြီး "မင်း ငါ့ကိုလှည့်စားနေတာလား?!" ဟု အော်ပြောလိုက်သည်။

ငါ မင်းကိုလှည့်စားနေတယ်လို့ ဘယ်တုန်းကပြောလို့လဲ။

ကျန်းချန်က ဘုရင်မကြီး မီဒူဆာ၏ ညာလက်ကို ညင်သာစွာတွန်းဖယ်ကာ နူးညံ့စွာဖြေလိုက်သည်။ "သိုင်းဘိုးဘေးလောက်ကို ရောက်အောင်တက်ဖို့က ခက်ခဲတာမဟုတ်ပါဘူး၊ ဒါပေမယ့် လိုအပ်တဲ့ဆေးပင်တွေက အနည်းငယ် ရှာရခက်တယ်။ ဒါပေမဲ့ ငါတစ်နှစ်အတွင်း ရအောင်ယူပေးမယ်လို့ ကတိပေးထားတာကြောင့် ဒီသဘောတူညီချက်အတိုင်း ရအောင်လုပ်ပေးမှာပါ။"

ငါ မင်းကို ဘယ်လိုယုံရမှာလဲ။

ဘုရင်မကြီး မီဒူဆာ၏ မျက်လုံးမှာ နီရဲနေပြီး သူမ၏တောက်ပသောမျက်ဆံထဲတွင် မြူစက်ကလေးများ ပေါ်လာသည်။ သူမဟာ သိုင်းဘိုးဘေးအဆင့် ရောက်ဖို့အတွက် များစွာခက်ခဲဆင်းရဲခဲ့ရသည်။ အခု သိုင်းဘုရင်ဟူ‌သော အဆင့်ကို ဖြတ်ကျော်ဖို့အတွက် အထူးမီးတောက်ကို လက်လွှတ်လိုက်ရပြီး တစ်နှစ်ထပ်စောင့်ရမယ်လို့ ပြောလိုက်တာကြောင့် ဖြစ်သည်။

မီဒူဆာ၏ စိတ်ပိုင်းဖြတ်ထားသည့်အခြေ‌အနေကို မြင်လိုက်ရတော့ ကျန်းချန်က ခေါင်းခါလိုက်သည်။ သူဟာ မီဒူဆာကို လှည့်စားဖို့ ရည်ရွယ်ခဲ့ဖူးသလားလို့ သူ့ကိုယ်သူ ရိုးသားစွာ ပြန်မေးကြည့်သည်။ အထူးမီးတောက်၏လောင်ကျွမ်းမှုနာကျင်မှုကို ခံစားရဖို့အတွက် စိတ်ဓာတ်ပြတ်သားမှု လိုအပ်ပေသည်။

နောက်ဆုံးမှာတော့ သူမဟာ မိုးပြာရောင် ကြာပန်း မြေမြင့်ဗဟိုမီးတောက်ကို မျိုချနိုင်ခဲ့ပေမယ့်၊ ခုနစ်ရောင်ခြယ် စပါးအုံးမြွေ မျိုးရိုးကို အသုံးပြုပြီးမှ သိုင်းဘိုးဘေးအဆင့်ကို ရောက်ရှိခဲ့သည်။

ဒါကြောင့် သူမရဲ့အားထုတ်မှုအားလုံးဟာ နောက်ဆုံးမှာတော့ အဲဒီလူအတွက် ‌အောင်မြင်မှုပေးသလို ဖြစ်သွားခဲ့ရသည်။

ဒါကိုမြင်တော့ ကျန်းချန်မှာ ရွေးချယ်စရာ နည်းလမ်းမရှိတော့ပါ။ သူဟာချက်ချင်း သူ့လက်ချောင်းကိုလှီးလိုက်ပြီး ရွှေရောင်သွေးစက်တစ်စက်က ထွက်ကျလာသည်။

ဒါကို အခွင့်ကောင်းယူကာ ကျန်းချန်သည် သူ၏သွေးကို ဘုရင်မကြီး မီဒူဆာ၏ ပါးစပ်ထဲသို့ သွင်းလိုက်သည့်အခါ အားကောင်းသောစွမ်းအင်သည် လှိုင်းလုံးကြီးများလို စီးဆင်းသွားသည်။

ထို့အပြင် ပါးစပ်ထဲဝင်ရောက်လာသော သွေးသည် ရုတ်တရက် အလွန်ပြင်းထန်သည့် စွမ်းအင်တစ်ခုအဖြစ် ပြောင်းလဲသွားသည်။

တစ်ချိန်တည်းမှာပဲ ဘုရင်မကြီး မီဒူဆာဟာ တစ်ခုခု မူမမှန်သည်ကို သတိထားမိလာသည်။ သူမရဲ့ ခန္ဓာကိုယ်တစ်ခုလုံး ရွှေရောင်အလင်းတန်းများ ထွက်ပေါ်လာပြီး သာမန်မျက်စိနှင့်မြင်နိုင်လာသည်။ ထို့နောက် မခံမရပ်နိုင်အောင်နာကျင်မှုတွေ ဖြစ်လာပြီး၊ မီဒူဆာဟာ မြေပြင်ပေါ်လဲလျောင်းကာ စူးစူးရှရှအော်ဟစ်သံ ထွက်ပေါ်လာသည်။

မြွေလူမျိုးစုတစ်ခုလုံးရဲ့ အင်အားကြီးမားသော အဖွဲ့ဝင်တို့သည် ထိုအသံကို ကြားလိုက်ကြသည်။ လျိုမိန့်သည် အစိုးရိမ်လွန်ကာ ရှေ့က‌နေပြေးထွက်လာချင်သော်လည်း ရေခဲဧကရာဇ် ဟိုင်ဘိုဒုံး၏ ဟန့်တားခြင်းကို ခံလိုက်ရသည်။

ထူထဲသော ရွှေရောင်အလင်းတန်းတစ်ခု ပေါက်ကွဲထွက်လာပြီး ပြင်းထန်သောအင်အားတစ်ခုဟာ တာဂိုသဲကန္တာရ၏ အနက်ရှိုင်းဆုံးနေရာတွေကို လှိုင်းလုံးကြီးများသဖွယ် ဖုံးလွှမ်းသွားသည်။

"ငါ့ ခွင့်ပြုချက်မရဘဲ ဘယ်သူမှ ဒီကနေ ထွက်လို့မရဘူး။"

အကြီးအကဲ ယင်းရှီ၏ မျက်လုံးက ရက်စက်ကြမ်းကြုတ်နေပြီး "ဟိုင်ဘိုဒုံး ငါတို့ဟာ မင်းနဲ့ အရင်က ကိစ္စတွေကို ဖြတ်တောက်ပြီးပြီ။ မင်းက မြွေလူမျိုးစုရဲ့ အပြစ်ပေးမှုကို ခံချင်သေးတာလား?!"

"ဒါမှမဟုတ် အရင်ကအမှားကိုပဲ ထပ်လုပ်ပြီး မြွေလူမျိုးတွေနဲ့အတူ သေသွားချင်သေးလို့လား။"

ရေခဲဧကရာဇ် ဟိုင်ဘိုဒုံးသည် သူ့အောက်တွင်ရှိ‌သော အရာကို လှမ်းကြည့်လိုက်သည်။ ကျန်းချန်အထဲမှာ ဘာလုပ်နေလဲဆိုတာကို သူမသိသော်လည်း သူဟာ သူနဲ့အတူ ဒီကိုလာခဲ့သည်ဖြစ်သည့်အတွက်ကြောင့် မြွေလူမျိုးအား သူ့အစီအစဉ်ကို နှောင့်ယှက်ခွင့်ပြုရန် ရည်ရွယ်ချက်မရှိပါ။

ရေခဲနဂါးများ အာကာသဟင်းလင်းပြင်ထဲမှ ပေါ်ထွက်လာသည်နှင့်အမျှ ရေခဲဧကရာဇ်၏ မျက်လုံးများဟာ ရေခဲပြာရောင်အဖြစ်သို့ ပြောင်းသွားသည်။ "ဒီနေ့ ငါဒီမှာသေမယ်လို့ ငါမယုံဘူး၊ ဒီလောက်လန်းဆန်းတဲ့ခံစားချက်မျိုးလည်း ငါတစ်ခါမှ မခံစားဖူးဘူး!"

ချက်ချင်းဆိုသလိုပင် ကမ္ဘာကြီးသည် အရောင်ပြောင်းသွားသည်။ သဲဝါများ နေရာတိုင်းမှာ ထလာပြီး ပူပြင်းသည့် ဒီသဲကန္တာရထဲမှာ နှင်းများ ထူထပ်စွာ ရွာကျလာသည်။

မြွေလူမျိုးစု၏ ခေါင်းဆောင် ၈ ဦးလုံးသည် တိုက်ခိုက်ရန် အနေအထားပြင်လိုက်ကြသည်။ ဘုရင်မကြီး၏အခြေအနေကို မသိရသေးဘဲ ယခုအခါ သူတို့၏လမ်းကို ရေခဲဧကရာဇ် ဟိုင်ဘိုဒုံးက ပိတ်ဆို့ထားသည်။ သူ့ကို ဖယ်ရှားမှသာ ဘုရင်မကြီးကို ကယ်တင်နိုင်မည်ဖြစ်သည်!

အကြီးအကဲ ယင်းရှီက သံကုန်ဟစ်လိုက်သည်။ "သူ့ကိုသတ်!"

"သေချင်နေတာပေါ့!"

………………

ကျွန်း၏အလယ်ဗဟိုတွင်၊ ဘုရင်မကြီး မီဒူဆာထံမှ ထွက်လာသော ရွှေရောင်အလင်းတန်းသည် တဖြည်းဖြည်း မှိန်ဖျော့သွားသည်။

မြေပြင်ပေါ်လဲနေတဲ့ မြွေဟောက်ကြီးသည် ရုတ်တရက်ပျောက်ကွယ်သွားပြီး ထိုနေရာတွင် ခန္ဓာကိုယ်အသွင်အပြင် လှပသည့် အမျိုးသမီးတစ်ဦး ပေါ်လာသည်!

သူမ၏ အရောင်စုံဝတ်စုံသည် သူမ၏အံ့မခန်းလှပသော ကောက်ကြောင်းကို ပေါ်လွင်စေပြီး သူမကို အလွန်အမင်း ဆွဲဆောင်မှုရှိအောင် ဖန်တီးပေးထားသည်။ သူမ၏မျက်နှာဟာလည်း အလွန်ဆွဲဆောင်မှုရှိပြီး သူမ၏ဖီးနင်းငှက်မျက်လုံးက ဆွဲဆောင်မှုနှင့် တလက်လက် တောက်ပနေကာ သူမရဲ့အသံကလည်း ဆွဲဆောင်မှုကို ပို၍ပင်တိုးစေသည်။

တကယ့်ကို အသက်ရှူရကျပ်စေတာက သူတို့ရှေ့က အမျိုးသမီးဟာ လုံးဝကို အဝတ်မပါသလောက်နီးပါးဖြစ်နေခြင်းပင်။ ကျန်းချန်၏သွေးကြောင့်ဖြစ်ပေါ်လာသည့် ပူပြင်းသည့်စွမ်းအင်ဟာ သူမ၏အဝတ်အစားကို ပြာကျသွားစေပြီး လေပြေလေးက တိုက်ခတ်လိုက်သည့်အခါ သူမဟာ လုံးဝကိုအဝတ်ဗလာဖြစ်သွားခဲ့သည်။

ဘုရင်မကြီးမီဒူဆာ သတိလစ်ရာကနေ နိုးလာပြီး သူမဟာ အဝတ်အစားမပါနေသည်ကို မြင်ရသည့်အခါ ချက်ချင်းပဲ သူမ၏အဓိကနေရာတွေကို လက်နဲ့ကာလိုက်သည်။

သူမသည် တုန်လှုပ်ချောက်ချားစွာ အော်လိုက်သည်၊ "မင်း ငါ့ကိုဘာလုပ်လိုက်တာလဲ!"

ကျန်းချန်က သူ၏ လိုတရလက်စွပ်ထဲကနေ သန့်ရှင်းသောအဝတ်အစားတစ်စုံကို ထုတ်ယူကာ ဘုရင်မကြီး မီဒူဆာကို ဖုံးအုပ်ပေးလိုက်ပြီး ပြောသည်၊ "သိုင်းသူတော်စင် တစ်ဦးရဲ့ အနှစ်သာရနဲ့ သွေးစွမ်းအင်ဟာ အင်အားကြီးမားပါတယ်။ မင်း လူအသွင်ပြောင်းလဲဖို့နဲ့ တစ်ချိန်တည်းမှာပဲ ရှေးမှော်သားရဲ ခုနစ်ရောင်ခြယ် စပါးအုံးမြွေ မျိုးရိုးကို အသက်ဝင်စေဖို့ လုံလောက်ပါတယ်။ ဒါက မင်းကို ချက်ချင်း သိုင်းဘိုးဘေးအဆင့် မရောက်စေနိုင်ပေမဲ့ သိုင်းဘိုးဘေးအဆင့် တစ်ဝက်တော့ ဖြစ်နိုင်ပါတယ်။"

"မင်း လုံးဝလူသားအဖြစ် အသွသ်ပြောင်းလဲပြီးတဲ့နောက်မှ သိုင်းဘိုးဘေးအဆင့်ကို ဖြတ်ကျော်နိုင်မှာပါ။"

ဘုရင်မကြီး မီဒူဆာက သူမ၏ ရှည်လျားသွယ်လျသော ခြေထောက်တွေကို ကြည့်ပြီး အဝတ်အစားတွေကို မြန်မြန်ဆန်ဆန် ဝတ်လိုက်သည်။ သူမ၏ကိုယ်ခန္ဓာဟာ ကျန်းချန်နှင့် ဆင်တူပြီး အဝတ်အစားတွေဟာ သူမနှင့် ကွက်တိပင်ဖြစ်သည်။

"ရှင့်သွေးက ဒီလိုအကျိုးသက်ရောက်မှုရှိမယ်လို့ မထင်ထားဘူး။ တကယ်ကို အံ့သြမိတယ်" ဟု ဘုရင်မကြီး မီဒူဆာက ရိုးရိုးလေးပဲ သူမ၏အဝတ်ပေါ်က အတွန့်တွေကို ဆွဲဆန့်ရင်း ပြောလိုက်သည်။ "ဒါပေမဲ့ယောက်ျားလေးတစ်‌ယောက်လို ဝတ်စားရတာကို ငါမကြိုက်ဘူး။ မြန်မြန်ပြန်ကြရအောင်။ ငါ့အဝတ်အစား လဲဖို့လိုတယ်။"

ကျန်းချန်က ခေါင်းညိတ်လိုက်သည်။ အပြင်ထွက်ဖို့ အချိန်တန်ပြီ၊ ဒီလိုမှမဟုတ်ရင် ဟိုင်ဘိုဒုံးဟာ မြွေလူမျိုးစုခေါင်းဆောင် ၈ ဦး၏ ရိုက်နှက်မှုခံရပြီး သေကောင်းသေသွားနိုင်သည်။

………

ပြင်းထန်စွာ တိုက်ခိုက်ပြီးနောက် ဟိုင်ဘိုဒုံးသည် သိသိသာသာ ပင်ပန်းနွမ်းနယ်နေသည်။ သူသည် မြေကြီးနှင့်တိုက်မိပြီး သူ၏ရေခဲလှံရှည်ဟာ ကျိုးပဲ့သွားသည်။ အလွန်ရှက်ဖို့ ကောင်းလှပြီး တိုးတိုးလေး ကျိန်ဆဲနေသည်။

"ကျန်းချန် ခွေးကောင်၊ ဒါပြီးရင် မင်းငါ့ကို ဆေးလုံးတွေ အများကြီးပေးရမယ်၊ ဒီလိုမှမဟုတ်ရင် မင့်အတွက် အသက်ကိုစွန့်ပြီး ကာကွယ်ပေးခဲ့တဲ့ အပြစ်ရှိစိတ်ကို ခံစားရစေမယ်။"

မိုဘတ်စ်က ရေခဲဧကရာဇ် ဒဏ်ရာရနေသည်ကို မြင်သည့်အခါ ရက်စက်စွာ ပြုံးလိုက်ပြီး စပရိန်လို မီတာတစ်ရာခန့်သို့ ပျံတက်သွားသည်။ သူ၏ ဓားကြီးနှစ်ချောင်းသည် နော့ရှန်း ခေါင်းဖြတ်စက်လို ဖြစ်နေပြီး ချက်ချင်းပဲ ရေခဲဧကရာဇ်၏ ခန္ဓာကိုယ်ကို ခုတ်လိုက်သည်။

"ဆူလိုက်တာ"။

သို့သော် ထိုအချိန်တွင် ရုတ်တရက် ရင်းနှီးသည့်အသံတစ်သံကို ကြားလိုက်ရသည်။

မည်သူမျှ သတိမမူမိဘဲ လူတစ်ယောက်၏ပုံရိပ်သည် ဟိုင်ဘိုဒုံး၏ရှေ့တွင် ရုတ်တရက်ပေါ်လာပြီး သူ့ရဲ့ညာလက်ကို ရိုးရိုးလေးဆန့်ထုတ်လိုက်ရုံနှင့် မိုဘတ်စ်၏ ပြင်းထန်လှသည့်ထိုးနှက်ချက်ကို တားဆီးလိုက်သည်။

မိုဘတ်စ်ရဲ့ မျက်နှာအမူအရာ သိသိသာသာ ပြောင်းလဲသွားသည်။ သူ မတုံ့ပြန်နိုင်ခင်မှာပင် သူဟာ ကြိုးပြတ်သည့် စွန်တစ်ကောင်လို နောက်ဘက်ကို လွင့်စင်သွားသည်။ လေထဲတွင် ပြီးပြည့်စုံသည့် စက်ဝန်းတစ်ခုကို ဆွဲလိုက်ပြီးနောက် ချောမောစွာ မြေပြင်ပေါ်သို့ ဆင်းလိုက်သည်။

ဖုန်မှုန့်များ လွင့်စင်လာသည်။

"မင်းက ကောက်ကျစ်တဲ့သူပဲ!" အကြီးအကဲ ယင်းရှီက သူ့ခြေထောက်အောက်က မိုဘတ်စ်ကို ကြည့်ရင်း၊ ဒေါသကြောင့် သွားကြိတ်ကာ၊ ဒီလူသားရဲ့ ကြွက်သားတွေကို အခုချက်ချင်းပဲ ဖြေလျှော့ပေးချင်နေမိသည်။