လေလံပွဲ စတင်ခြင်း

ဘာသာပြန်သူ၏ အမှာစာ - သုံးထောင်သောပုံရိပ်ယောင်အစား ပုံရိပ်ယောင်သုံးထောင်ဟူ၍လည်းကောင်း၊ ယဲ့ဖေးအစား ယာဖေးနှင့် ကျန်းမအင်ပါယာအစား ကျားမာနိုင်ငံတော် ၊ မိုးပြာရောင် ကြာပန်းဓားရိပ်အစား ကြာပန်းစိမ်းဓားရိပ်ဟူ၍ ပြင်ဆင်ဖတ်ရှုပေးပါရန်။

မီတဲလ်လေလံအိမ်သည် ယခင်ကထက် ပိုမိုသက်ဝင်လှုပ်ရှားနေပြီး လူအများအပြားဖြင့် စည်ကားလျက်ရှိသည်။ အဆင့်ခြောက် အဂ္ဂိရတ်ဆရာ ဆေးဘုရင် ဂူဟီကိုယ်တိုင်ပင် ဤလေလံပွဲသို့ တက်ရောက်လာသည်။

သို့သော် လက်တစ်ဖက် ဆုံးရှုံးထားရသော သူ၏ပုံစံမှာ အများကြားတွင် သိသိသာသာ ထူးခြားနေပြီး ထိုအချက်ကပင် သူ့အား အားငယ်စိတ်ကို ဖြစ်ပေါ်စေသည်။

ကျားမာနိုင်ငံတော်၏ ထိပ်သီးပညာရှင်ကြီး ဆယ်ဦးတွင် အပါအဝင်ဖြစ်သော ဖန်လီနှင့် ရန်ရှီတို့သည် ဂူဟီအား စဉ်ဆက်မပြတ် နှစ်သိမ့်ပေးနေကြသည်။ တိမ်တိုက်ဂိုဏ်း၏ ရှေ့ဆောင်ဂိုဏ်းချုပ်ကြီး ယွင်ရှန်းကပင် ဤကိစ္စတွင် ဝင်ရောက်မစွက်ဖက်လိုသဖြင့် သူတို့အနေဖြင့်လည်း လက်လျှော့ရုံမှတစ်ပါး တခြားမရှိ။

ရန်သူမှာ အလွန်တရာ အစွမ်းထက်သည့်အပြင် အဆင့်ခြောက် အဂ္ဂိရတ်ဆရာ တစ်ဦးလည်း ဖြစ်နေသောကြောင့် သူနှင့် ထိပ်တိုက်ရင်ဆိုင်ခြင်းက ကျောက်ခဲကို ကြက်ဥနှင့် ပေါက်သကဲ့သို့ အကျိုးမဲ့ပေလိမ့်မည်။

"ဂူဟီ၊ အားမငယ်ပါနဲ့။ လက်တစ်ဖက် ဆုံးရှုံးတာက ဘာဆန်းတာမှတ်လို့ အခုလောလောဆယ် ပြန်မပေါက်နိုင်သေးမှတော့ စိတ်လျှော့ပြီး အေးအေးဆေးဆေး နေပါ" ဟု ရန်ရှီက ဘုမသိဘမသိ ပြောလိုက်သဖြင့် ဖန်လီက ရန်ရှီ၏ အဆင်အခြင်မဲ့ပြောဆိုမှုကို ချက်ချင်း တားဆီးလိုက်သည်။ "ဒီလူကတော့ အရင်အတိုင်းဘဲ မစဉ်းစားဘဲပြောချပစ်တာ၊ သူ့ရဲ့စကားတွေက အနာပေါ် ဆားဖြူးသလို ဖြစ်နေတာသူမသိဘူးလား"

ဆေးဘုရင် ဂူဟီမှာ သိသိသာသာပင် စိတ်ပျက်သွားပြီး နှုတ်ခမ်းများ တုန်သွားသည်။ အကယ်၍သာ ရန်ရှီ၏ အကျင့်ကိုသာ မသိခဲ့ပါလျှင် သူသည် ဒေါသတကြီးဖြင့် ပြန်လည်တိုက်ခိုက်မိပေလိမ့်မည်။

"ဒီတစ်ခေါက် ငါတို့လာတာက အဆင့်မြင့် နဂါးစွမ်းအားဆေးလုံးကို လေ့လာဖို့ပဲ။ ဒီဆေးလုံးရဲ့ အာနိသင်က အဆင့်ခြောက်ဆေးလုံး တစ်လုံးထက် မနိမ့်ဘူးလို့ သတင်းကြီးနေတယ်။ ဒါကြောင့် ဒီဆေးလုံးရဲ့ အရည်အသွေးက ဘယ်လောက်အထိ ရှိမလဲဆိုတာ ငါကိုယ်တိုင် သိချင်တယ်" ဟု ဂူဟီက ဆိုသည်။

ဂူဟီ၏စကားများသည် ဖန်လီနှင့်ရန်ရှီတို့ကို အကြည့်ချင်းဆုံစေပြီး သူ့နောက်တွင်ရပ်ကာ လေလံပွဲစတင်မည့်အချိန်ကိုသာ ‌စောင့်ဆိုင်းနေလေသည်။

အချိန်များမှာ တစ်မိနစ်ပြီး တစ်မိနစ် ကုန်ဆုံးသွားသည်။ ကျားမာနိုင်ငံတော်ရှိ ပညာရှင်အားလုံး စုရုံးရောက်ရှိလာကြပြီး သူတို့၏ ဂုဏ်ဒြပ်နှင့် အဆင့်အတန်းအလိုက် သတ်မှတ်ထားသော နေရာအသီးသိီးတွင် နေရာယူထားကြသည်။

ထိုအချိန်တွင် ကျန်းချန်သည် ကျင့်ကြံခြင်းမှ နိုးထလာသည်။ အပြင်သို့ ခြေလှမ်းကျဲကျဲဖြင့် ထွက်လာသည်နှင့် တပြိုင်နက် တံခါးအပြင်ဘက်တွင် သိုင်းဘုရင်နှင့် သိုင်းဧကရာဇ် ဆယ်နှစ်‌ယောက်ကျော်ကျော် စုရုံးကာ စောင့်ဆိုင်းနေကြသည်ကို တွေ့လိုက်ရသည်။

သူတို့အားလုံးမှာ ကျားမာနိုင်ငံတော်၏ ဩဇာကြီးမားသောသူများဖြစ်ကြပြီး သခင်လေး ကျန်းချန်ကို ဂါရဝပြုရန် ရောက်နေကြခြင်း ဖြစ်သည်။

"သခင်လေး ကျန်းချန်ကို ဂါရဝပြုပါတယ်" ဟု အားလုံးက ညီညီညာညာ ဆိုလိုက်ကြသည်။ ကျန်းချန်ကလည်း "အားလုံးပဲ ဒီလိုလုပ်ဖို့ မလိုပါဘူး။ ကျွန်တော်က ဒီလို ထုံးတမ်းစဉ်လာတွေကို သိပ်ပြီး အလေးမထားတတ်လို့ မြန်မြန် ထကြပါ" ဟု ပြောလိုက်သည်။

ဤသည်ကို ကြားရသောအခါ လူတိုင်းက သခင်လေး၏ စေတနာရှိမှုနှင့် သဘောထားကြီးမှုကို အံ့အားသင့်စွာ ချီးမွမ်းကြသည်။ ကောင်းကင်ဘုံအောက်တွင် ဒီလိုအရည်အချင်းမျိုးပိုင်ဆိုင်မည့်သူမရှိဟု သူတို့ထင်ခဲ့ကြသည်။

ဤအချက်က လူတိုင်း၏ကြည်ညိုခြင်းနှင့် လေးစားမှုကို တိုးစေသည်။ ဤမျှ နှိမ့်ချလွန်းသော အစွမ်းထက်သည့် ပညာရှင်တစ်ဦး၊သခင်လေး ကျန်းချန်ဟူသော အမည်နှင့် အမှန်တကယ် ထိုက်တန်လှပေသည်။

ထန်ရှန်း၏ လမ်းညွှန်မှုဖြင့် ကျန်းချန်သည် ဇိမ်အကျဆုံးသော သီးသန့်အခန်းသို့ ရောက်ရှိသွားသည်။

ဟိုင်ပေါ်တုန်း၏ သတိပေးချက်ကြောင့် အခြားပညာရှင်များမှာ ကျန်းချန်နှင့် အတူ မလိုက်ဘဲ အခြားအခန်းများသို့သာ သွားရောက်ခဲ့ကြသည်။

သခင်လေးမှာ တိတ်ဆိတ်ငြိမ်သက်မှုကို နှစ်သက်သူဖြစ်ရာ လူအများအပြား ရှိနေခြင်းက သူ့ကို စိတ်မသက်မသာဖြစ်နိုင်သောကြောင့် ဖြစ်သည်။

ဂလောင်...(ခေါင်းလောင်းမြည်သံ)

ခေါင်းလောင်းမြည်သံ ကြားလိုက်ရသောအခါ လေလံပွဲမှာ တရားဝင် စတင်ခဲ့သည်။

မီတဲလ်မိသားစု၏ ထိပ်တန်းလေလံအရာရှိ မီတဲလ် ယာဖေးသည် စင်မြင့်ပေါ်သို့ ရုတ်တရက် ပေါ်ထွက်လာပြီး ယဉ်ကျေးစွာ ဦးညွှတ်နှုတ်ဆက်လိုက်သည်။

"အားလုံးပဲ မင်္ဂလာပါ။ ကျွန်မက မီတဲလ်မိသားစုရဲ့ လေလံအရာရှိ ယာဖေး ဖြစ်ပါတယ်။ ဒီနေ့ လေလံပွဲကို လာရောက်ကြတဲ့သူအားလုံးကို ကြိုဆိုပါတယ်"

"ပထမဦးဆုံး လေလံပစ္စည်းကို စတင်ပါရစေ။ အဆင့်မြင့် အဆင့်ငါးဆေးလုံးဖြစ်တဲ့ နဂါးစွမ်းအားဆေးလုံး ဖြစ်ပါတယ်"

လှပသော သေတ္တာကလေး ဖြည်းညင်းစွာ ပွင့်ဟသွားသည်နှင့် နဂါးစွမ်းအားဆေးလုံးမှာ လူတိုင်း၏ ရှေ့မှောက်သို့ ပေါ်ထွက်လာသည်။ ထိုဆေးလုံးမှ ထွက်လာသော ဆေးရနံ့မှာ အလွန်တရာ ပြင်းထန်လှသဖြင့် ရှူရှိုက်မိသူတိုင်း တိမ်ပေါ်သို့ ပျံတက်သွားသကဲ့သို့ ခံစားလိုက်ရသည်။

ဤမြင်ကွင်းကို မြင်လိုက်ရသည့်အခါ အားလုံးက ရင်တထိတ်ထိတ်ဖြစ်နေကြသည်။ “အဆင့် ၅ ဆေးလုံးက ထွက်သည့် ဆေးနံ့က တကယ်ပဲ ဒီလိုမျိုးလား။ အနံ့က မယုံနိုင်လောက်အောင် ထူးခြားတာပဲ။”

အဂ္ဂိရတ်အသင်း၏ ဥက္ကဋ္ဌ ဖာမာ ပင်လျှင် စူးစမ်းသော မျက်လုံးများဖြင့် ကြည့်ကာ "ဒါက တကယ်ပဲ အဆင့်ငါး ဆေးလုံးလား။ အဆင့်ခြောက်ဆေးလုံးလို့ ခေါ်ရင်တောင် ရနေပြီ" ဟု ဆိုသည်။

ကျရှင်းထျန်း ကလည်း သူ၏ မျက်မှန်ကို ပြင်လိုက်ရင်း "ကျွန်တော်က အဂ္ဂိရတ်ဆရာ မဟုတ်တော့ ဒီဆေးရဲ့ ဂုဏ်သတ္တိတွေကို သိပ်ပြီး မခွဲခြားတတ်ဘူး" ဟု တိုးတိုးလေး ပြောလိုက်သည်။

"ခင်ဗျား မသိတာ မဆန်းပါဘူး။ ဒီဆေးရဲ့ လျှို့ဝှက်ချက်ကို အဂ္ဂိရတ်ဆရာတွေပဲ နားလည်နိုင်တာပါ။ ဒီနဂါးစွမ်းအားဆေးလုံးဟာ အဆင့်ငါးလို့ သတ်မှတ်ထားပေမဲ့ ဖော်စပ်ရတာ အလွန်ခက်ခဲပြီး ကျရှုံးနိုင်ခြေလည်း အရမ်းများတယ်။ ကျွန်တော်တောင် ဒီလောက် အရည်အသွေးမျိုးရအောင် ဖော်စပ်နိုင်မယ်လို့ မသေချာဘူး။"

"ဒါ့အပြင် ဒီဆေးလုံးရဲ့ အနံ့က အတော်လေးကို ထူးခြားမွှေးပျံ့လွန်းတယ်။ အဆင့်ခြောက် ဆေးလုံးအချို့တောင် ဒီလို အရည်အသွေးမျိုးကို မမီနိုင်ဘူး" ဟု ဖာမာက ရှင်းပြလိုက်သည်။

ဤစကားကိုကြားလိုက်ရသည့်အခါ ကျရှင်းထျန်း မျက်မှောင်ကြုတ်လိုက်သည်။ ကွန်ဖြူးရှပ်ပညာရှိ မှ ဖော်စပ်ထားသော ဆေးလုံးသည် ထင်ထားသည့်အတိုင်းပင် ကြောက်မက်ဖွယ် အစွမ်းထက်လှပေသည်။

"ဒီဆေးလုံးရဲ့ ထူးခြားမှုကို လူတိုင်း ခံစားမိမှာပါ။ ဒါကြောင့် အဖွင့်ဈေး ရွှေဒင်္ဂါး တစ်သန်းကနေ စပါမယ်။ လေလံဈေးကို ကြိုက်သလို ဈေးမြှင့်ပေးနိုင်ပါတယ်။"ဟု ကြေညာလိုက်သည်။

ယာဖေးသည် လှလှပပပြုံးလိုက်ပြီး သူမ၏အသံဆုံးသည်နှင့် ခန်းမထဲရှိလူများထံမှ အသံပေါင်းစုံထွက်လာလေသည်။

ဈေးနှုန်းကို ကြားလိုက်ရပြီးသည့်နောက် ပထမထပ်တွင် ထိုင်နေသော သိုင်းသခင်အဆင့် ရှိသူများမှာ မျက်မှောင်ကြုတ်သွားကြသည်။ သူတို့ မမျှော်လင့်ထားသော မြင့်မားသည့် ဈေးနှုန်းပင် ဖြစ်သည်။

ဤဆေးလုံးသည် နောက်ဆုံးတွင် ချမ်းသာသောသူနှင့် အစွမ်းရှိသူတို့ လက်ထဲတွင်သာ ရောက်မည့်ပုံပေါ်သည်။

"ရွှေဒင်္ဂါး ၁.၁ သန်း" ပေးမယ်

"ရွှေဒင်္ဂါး ၁.၂ သန်း"

"ရွှေဒင်္ဂါး ၁.၃ သန်း"

ဈေးနှုန်းများ တဟုန်ထိုး မြင့်တက်လာသည်။ လေလံခေါ်ကြသည့်လူအများစုမှာ တတိယထပ်တွင် ထိုင်နေသည့် သိုင်းဘုရင်အဆင့်ရှိသူများဖြစ်ကြသည်။ ဤဆေးလုံးသည် နဂါးစွမ်းအားဆေးလုံးဖြစ်ကြောင်း သိရှိပြီးသည့်နောက် သူတို့သည် အခွင့်အရေးကို လက်လွှတ်မခံဘဲ ဈေးပြိုင်ပေးနေကြခြင်းဖြစ်သည်။

ကွန်ဖြူးရှပ်ပညာရှိ ဖော်စပ်ထားသည့် ပစ္စည်းများကို လွယ်လွယ်ကူကူမရနိုင်ပါ။ အခုတော့ လေလံပွဲအတွင်းမှာပင် ဒီအခွင့်အရေးကို ရရှိခဲ့သည်။

ကျရှင်းထျန်းက ပြုံးလျက် "ဒီလောက် ငွေကြေးကိုတော့ ကျွန်တော် တတ်နိုင်ပါတယ်။ ရွှေဒင်္ဂါး နှစ်သန်း ပေးမယ်"

သူပြောပြီးသည်နှင့် တစ်ခန်းလုံး ရုတ်ရုတ်သဲသဲဖြစ်သွားတော့သည်။

ကျားမာနိုင်ငံတော်က အမှောင်ထုလွှမ်းနယ်မြေမဟုတ်ကြောင်း သိထားရမည်ဖြစ်သည်။ ရွှေဒင်္ဂါးနှစ်သန်းကို တပြိုက်နက် ထုတ်ပေးနိုင်သူ မည်သူမဆို အလွန်ချမ်းသာတဲ့သူ ဒါမှမဟုတ် အထက်တန်းစား ဖြစ်ရမည်။ ထို့အပြင် ယုတ္တိရှိရှိဆိုရလျှင် ဤနဂါးစွမ်းအားဆေးလုံးသည် ဤမျှလောက် ငွေကြေးနှင့် မထိုက်တန်ပါ။

အဆင့်ငါး ဆေးလုံး တစ်လုံးအတွက် နှစ်သန်းက လုံလောက်သည်။ နဂါးစွမ်းအားဆေးလုံးသည် အဆင့် ၅ သာ ဖြစ်သောကြောင့်၊ ဤအရာသည် အနည်းငယ် စိတ်ရှုပ်စရာ မဟုတ်ပါလော။

တကယ်တော့ နဂါးစွမ်းအား‌ဆေးလုံး၏ တန်ဖိုးအမှန်ကို သူတို့မသိကြပါ။ သူတို့သည် နားလည်မှုလွဲစေနိုင်သည့် အခြားသော အဆင့် ၅ ဆေးလုံးများနှင့် နှိုင်းယှဉ်ရုံသာ ဖြစ်ပြီး ဤသို့ဖြင့် အထင်အမြင်လွဲမှားမှုများ ဖြစ်စေခဲ့သည်။

"ဒီလူငယ်တွေက တကယ်ကို မျက်စိမရှင်ကြဘူး။ သခင်လေး ကျန်းချန်ရဲ့ ဆေးလုံးတွေဟာ ရှားပါးပြီး ရဖို့ ခက်ခဲတယ်။ အထွတ်အထိပ် နဂါးစွမ်းအားဆေးလုံးဟာ တကယ့်ကို ဒီဈေးနဲ့ တန်ပါတယ်။ ဒါပေမဲ့ သူတို့က ဒီမှာ အငြင်းအခုံ လုပ်နေကြတုန်းပဲ။"

"၂.၁ သန်း" ဟု ဈေးထပ်တိုးလိုက်သည်။

ထိုအချိန်တွင် ဆေးဘုရင် ဂူဟီက လေလံကို ရုတ်တရက် တင်လိုက်သည်။ သူသည်လည်း ဤနဂါးစွမ်းအားဆေးလုံးကို စိတ်ဝင်စားနေသည်မှာ အသေအချာပင်ဖြစ်သည်။

ကျားမာအင်ပါယာ၏ အဆင့် ၆ အဂ္ဂိရတ်ဆရာအဖြစ် ဆေးဘုရင် ဂူဟီသည် ယခင်က နဂါးစွမ်းအားဆေးလုံး ကို သန့်စင်ဖူးသော်လည်း ဤမျှလောက် အရည်အသွေးမြင့်သည့် ဆေးလုံးကို သူ တစ်ခါမျှထုတ်လုပ်နိုင်ခဲ့ခြင်း မရှိပေ။ ၎င်းသည် အဆင့် ၆ ဆေးလုံးနှင့်ပင် ယှဉ်နိုင်သည့် လုံးဝ သန့်စင်သော ဆေးလုံးသာ ဖြစ်သည်။

"၂.၃ သန်း" နန်လန်မိသားစု၏ မျိုးနွယ်စုအကြီးအကဲ နန်လန်ကျဲကမူ "တောင်းပန်ပါတယ် အကြီးအကဲ ဂူဟီ။ ဒီဆေးလုံးက စစ်မြေပြင်မှာ တိုက်နေရတဲ့ ကျွန်တော့်လို လူမျိုးအတွက် သိပ်ပြီး လိုအပ်တာကြောင့် ကျွန်တော့်ကို အလျှော့ပေးပါဦး"

ဂူဟီမှာ မျက်မှောင်ကြုတ်သွားသော်လည်း နန်လန်ကျဲမှာ သခင်လေး ကျန်းချန်၏ ဆေးလုံးကို အခြားမည်သည့်ဆေးနှင့်မျှ မလဲနိုင်ကြောင်း သိနေသဖြင့် အလျှော့မပေးဘဲ ဆက်လက် ယှဉ်ပြိုင်ကြလေတော့သည်။

ကာ ပြောသည်၊ "မျိုးနွယ်စုအကြီးအကဲ နန်လန်ကျဲ၊ ကျွန်တော်က အဆင့် ၆ အဂ္ဂိရတ်ဆရာဆိုတာ ခင်ဗျားသိပါတယ်။ ကျွန်တော့်ရဲ့ စွမ်းအားကို မြှင့်တင်ပေးနိုင်တဲ့ ဘယ်ဆေးလုံးကိုမဆို လက်လွတ်မခံနိုင်ဘူး။ မျိုးနွယ်စုအကြီးအကဲ နန်လန်ကျဲက သဘောမတူဘူးဆိုရင် နဂါးအားဆေး နှစ်လုံးနဲ့ လဲလှယ်ပေးနိုင်တယ်။"

သို့သော် နန်လန်ကျဲသည် စိတ်မဝင်စားပေ။ သူ၏ ဆေးလုံးများကို ကွန်ဖြူးရှပ်ပညာရှိ၏ ဆေးလုံးများနှင့် နှိုင်းယှဉ်ခြင်းသည် ကျီးနှင့် ဖီးနစ်ငှက်ကို နှိုင်းယှဉ်ခြင်းပင် ဖြစ်သည်။

"အဲဒီလိုဆိုရင်တော့ ကျွန်တော် ဘာမှလုပ်လို့မရနိုင်တော့ဘူး။ ကျွန်တော် ဆက်လေလံတင်ရုံပဲ။ အမြင့်ဆုံးပေးသူက ရမှာပဲလေ။"

ဆရာကြီး နန်လန်ကျဲက သူ၏ မုတ်ဆိတ်ကို ပွတ်သပ်ရင်း ရယ်မောသံဖြင့် တုန့်ပြန်စကားဆိုလိုက်သည်။