တိတ်တဆိတ် တောင်‌အောက်သို့ဆင်းခြင်း

“လမ်းမှန် ဂိုဏ်းများနှင့် နတ်ဆိုး အဖွဲ့အစည်းများကြား တိုက်ပွဲတစ်ခုမှာ ညီငယ် ရှန့် က အဆိပ်တစ်သောင်းဂိုဏ်းရဲ့ အကြီးအကဲ တစ်ဦးရဲ့ အထူးအဆိပ်တစ်ခုကိုမိခဲ့တယ်။သူကအစပိုင်း‌မှာ သတိမထားမိပေမယ့် ”

“မကြာခင်မှာပဲ သူ အဆိပ်သင့် နေကြောင်း တွေ့ ခဲ့ရတယ်”။

“နောက်ပိုင်းမှာ သူ ခန္ဓာကိုယ် ထဲက အဆိပ် ကို ဖယ်ရှား ဖို့ နည်းလမ်းမျိုးစုံ ကို ကြိုးစား ခဲ့တယ်၊ ဒါပေမယ့် သူ့ရဲ့ ကျင့်ကြံမှု က သိသိသာသာ ကျဆင်းသွားခဲ့ပြီးတော့ သူ့ရဲ့ အခြေခံအုတ်မြစ် ပါ ပျက်စီး ခဲ့တယ်...”

“ဒီအချိန်ကစပြီး သူ့ကျင့်ကြံမှုက မတိုးတက်နိုင်တော့ဘူး”။

တောက်ရွှမ်းက သက်ပြင်းချ ရင်း ပြောလိုက်သည်။

ရှန်ကျန့်လျန် ရဲ့ အနာဂတ် တာအို လမ်းစဉ် က သည်လိုနှင့် ပျက်စီး သွားခဲ့ရသည်။

သို့သော် ကောင်းသောအရာတစ်ခုက အနည်းဆုံးတော့ သူ အသက်ရှင် ခဲ့သည်။

ကျင့်ကြံမှု က မတိုးတက် လျှင်လည်း မတိုးတက်ပါစေနှင့်အသက်ရှင် နေဖို့က အရေးကြီးဆုံး ဖြစ်သည်။

ဒီစကားကို ကြားသောအခါ ဂျိချန်းဖန် နှင့် ကျန်နှစ်ဦးသည် နောင်တရ သော အမူအရာများ ပြသခဲ့ကြသည်။

ဂျိချန်းဖန် မေးလိုက်၏၊ “ဂိုဏ်းချုပ်ကြီး ၊ ဦးလေး ရှန် က ခေါင်းဆောင် ရာထူးက နုတ်ထွက်ရင်၊ ဘယ်သူ့ကို လွှဲပြောင်း ပေးဖို့ စီစဉ်ထားလဲ?”

တောက်ရွှမ်း ခဏတာ စဉ်းစား သည်၊ ပြီးတော့ ပြောသည်၊ “သူ့မှာ ချူယွီဟုန် လို့ အမည်ရတဲ့ တပည့် တစ်ယောက် ရှိပြီး သူ့ရဲ့ ကျင့်ကြံမှု က တော်တော်လေး ကောင်း တယ်လို့ ငါ ကြားတယ်။ သူ အနာဂတ် မှာ ခေါင်းဆောင် ရာထူးကို သူ့ကိုပဲ လွှဲပြောင်း ပေးလိမ့်မယ်လို့ ငါ ထင်တယ်”။

ဂျိချန်းဖန် စဉ်းစား လိုက်ပြီး ခေါင်းညိတ်လိုက်သည်။

သူက အနာဂတ် မှာ ဂိုဏ်းချုပ် ရာထူးကို လက်ခံ ပြီးနောက်၊ သူသည် အဟောင်းမျိုးဆက် ခေါင်းဆောင်များ ကို ဖယ်ရှား ဖို့ နည်းလမ်း တစ်ခုကို သေချာပေါက် ရှာရ‌ ပေမည်။

မဟုတ်လျှင်

အထက် မှ အကြီးအကဲများစွာ ဖိအားပေး နေရင်းပင်လျှင်သူ၏ မူဝါဒအသစ်များ ကို အကောင်အထည်ဖော် ဖို့ ခက်ခဲ ပေလိမ့်မည်။

မည်သို့ပင်ဆိုစေကာမူ သူတို့က အကြီးအကဲများ ဖြစ်၏။

သို့သော် လောလောဆယ် တော့ အဆင်ပြေ သည်။

ရှောင်ကျူတောင်ထိပ် နှင့် တကျူး တောင်ထိပ် ရဲ့ ခေါင်းဆောင်နှစ်ဦး ကို ပြောပြ စရာမလိုပါ။ လုံရှိုးတောင် ကမူ ရှီဟောင်က သူ၏လူဖြစ်၏။ ရှန့်ကျင်းလျန် နှုတ်ထွက်ပြီးနောက် ချူယွီဟုန် ကမူ ဆွဲဆောင်လိုက်လျင် ရသေး၏။ မည်သို့ပင်ဖြစ်စေ ကျင်းယွမ် ဂိုဏ်း ၏ တောင်ထိပ်တစ်ဝက်ကျော်ကို ထိန်းချုပ်နိုင်လျှင် ရောင့်ရဲ၍ ဖြစ်သည်။

တောက်ရွှမ်း ခေါင်းခါလိုက်ကာ ဤအကြောင်းအရာ ကို ဆက်လက် ဆွေးနွေး ခြင်း မပြုတော့ပေ။

ရှန်ကျန့်လျန် နုတ်ထွက်မယ်ဆိုရင်ပင်

ဒီ အခုအချိန် မှာ မဟုတ်သေးပါချေ။

သူ ချူယွီဟုန် ရဲ့ ကျင့်ကြံမှု က အနည်းငယ် ပိုကောင်း လာသည်အထိ စောင့် ရပြီးမှ တရားဝင် နုတ်ထွက် လိမ့်မည်...

“မကြာသေးခင်က နတ်ဆိုးဂိုဏ်း က လူတွေ ထပ်ပြီး လှုပ်ရှား နေကြတယ်”။

တောက်ရွှမ် ၏ မျက်လုံးများ အနည်းငယ် ကျဉ်းမြောင်း သွားသည်။

“အိုး? ဂိုဏ်းချုပ် ကြီး၊ ဆိုလိုရင်းက ဘာလဲ?” ဂျိချန်းဖန် အနည်းငယ် သိချင်စိတ် ဖြစ်၏။

တောက်ရွှမ်းက နက်နဲသောအသံ ဖြင့် ပြောလိုက်သည်၊ “မကြာသေးခင်က နတ်ဆိုးဘုရင် ဂိုဏ်း က လူတွေဟာ မသိတဲ့ အကြောင်းပြချက် တစ်ခုခုကြောင့် ရှင်းကျိုး တစ်ဝိုက်မှာ စွမ်းအင် ဆေးတွေ ကို အကြီးအကျယ် စုဆောင်း နေကြတယ်။ သူတို့ ဘာလုပ်ဖို့ ကြိုးစား နေလဲ ဆိုတာတော့ မရှင်းလင်း ဘူး...”

“စွမ်းအင် ဆေးကို စုဆောင်း နေတာလား?”

ဂျိချန်းဖန် အနည်းငယ် အံ့အားသင့် သွား၏။

“ဒါ ဘယ်လို ထူးဆန်းတဲ့ လုပ်ဆောင်ချက် မျိုးလဲ?”

“သူတို့ အဂ္ဂရိတ် ထိုးတာလုပ်ချင်လို့လား?”

“ အဆိပ် ဂိုဏ်း ကတော့ တိတ်ဆိတ် နေတယ်၊ ပြီးတော့ ဟဲဟွမ် ဂိုဏ်း ကတော့ အမြဲတမ်း ပုန်းကွယ် နေတယ်။ အသက်ရှည်ခန်းမ အတွက်ကတော့...”

“ယွီယန်ဇီ သေဆုံးပြီးနောက်မှာပဲ၊ သူတို့ဟာ သူတို့ရဲ့ ဂိုဏ်းအဖွဲ့ချုပ် ကို အနောက်ဘက် သေမင်းတမန် ရွှံ့နွံကြီးကို ချက်ချင်း ရွှေ့ပြောင်း လိုက်တယ်”။

တောက်ရွှမ်း ဖြည်းညင်းစွာ ပြောသည်။

ဥပမာအားဖြင့် အသက်ရှည်မှုခန်းမ ရဲ့ ဂိုဏ်းအဖွဲ့ချုပ် ရွှေ့ပြောင်းခြင်း။ ဒီလို အပြုအမူ မျိုးက ရှင်းကျိုး ရဲ့ ကျင့်ကြံသူများစွာ ရဲ့ မျက်လုံး နဲ့ နားများ ကနေ ဖုံးကွယ် လို့ မရနိုင်တာ သေချာပါသည်။

ပြီးတော့ နတ်ဆိုးဘုရင် ဂိုဏ်း ရဲ့ စွမ်းအင် ဆေးများ ကို အကြီးအကျယ် စုဆောင်း ခြင်း...

မကြာသေးမီက နတ်ဆိုးဘုရင် ဂိုဏ်း ရဲ့ တပည့်များ ဟာ ကျိုင်းကောင် အုပ်စု လို ဖြစ်နေသည်။ သူတို့ ဘယ်သွားသွား၊ နှစ်ရာချီ ဒါမှမဟုတ် ထောင်ချီ စွမ်းအင် ဆေး တွေကို မချန်ပါချေ။

ပြီးတော့ သူတို့ နတ်ဆိုးသားရဲများ ကို နေရာတိုင်း မှာ လျှို့ဝှက်စွာ လိုက်လံ ဖမ်းဆီး နေကြသည်။ နတ်ဆိုးသားရဲ အတွင်းပိုင်း အူတိုင်(အမြုတေ)များ ကို သိမ်းယူ နေကြတယ်။ သူတို့ ဘာ ရူးသွပ်မှု မျိုးကို လုပ်ဆောင်နေလဲ ဆိုတာ မသိရပါချေ။

“ငါ တျန်းယင် ဘုရားကျောင်း က ပူဟုန် နဲ့ စာ အပြန်အလှန် ဖလှယ် ပြီး ဒီအကြောင်းကို ဆွေးနွေး ခဲ့တယ်။ ပြီးတော့ စုံစမ်းစစ်ဆေး ဖို့ တပည့်များ ကို စေလွှတ် ဖို့ စီစဉ်ထားတယ်၊ ဂျိချန်းဖန်...”

“မင်းမှာ ကောင်းမွန်တဲ့ အကြံပြုချက်များ ရှိလား?”

တောက်ရွှမ်းမေးလိုက်၏။

သူသည် ဂိုဏ်းချုပ် ရာထူးကို ဂျီချန်ဖုန်း ကို လွှဲပြောင်း ပေးဖို့ ဆုံးဖြတ် ပြီးသား ဖြစ်သည်၊ ဒါကြောင့် ဒီလို ‘ဆုံးဖြတ်ချက်ချခြင်း’ မေးခွန်းများဟာ သဘာဝကျကျ ဂျိချန်းဖန် ကို ပိုမိုမေး ဖို့ လိုအပ်သည်...

ထို့‌ေကြာင့် ဒါဟာ လေ့ကျင့်မှု တစ်မျိုး ဖြစ်သည်ပင်။

“ပြဿနာ မရှိဘူးလို့ ကျွန်တော် ထင်တယ်” ဂျိချန်းဖန် ခေါင်းညိတ်လိုက်သည်။

“ရွေးချယ်ရမယ့်သူ‌ တွေအတွက်ရော?”

“မင်းမှာ အကြံပြုချက်များ ရှိလား?”

တောက်ရွှမ်း ဆက်မေးလိုက်၏။

ဒီစကားကို ကြားသောအခါ ဂျိချန်းဖန် ခဏတာ စဉ်းစားကာ ဖြည်းညင်းစွာ နာမည်အချို့ကို ပြောသည်- “တကျူ ကစုန့်ဒါရန် ၊ ရှောင်ကျူး က ဝမ်မင် ၊ လုံရှိုးက လင်ကျင်းယွီ ၊ ဖန်ဟွေး က ဇူရှုရှု”။

“ပြီးတော့ ချောင်ယန် မှ ချူယွီဟုန် ကို ထည့်ပါ”။

ဒီနာမည်တွေကို ကြားသောအခါ

တောက်ရွှမ် ရဲ့ မျက်နှာမှာ အပြုံး တစ်ခု ပေါ်လာသည်။ သူ ရယ်မော ပြီး ခေါင်းညိတ်ကာ၊ ပြောလိုက်သည်၊ “မဆိုးဘူး၊ ဒါဆိုရင် မင်းပြောတဲ့အတိုင်း လုပ်ကြစို့”။

ဂျိချန်းဖန် ပြောခဲ့သော နာမည်အားလုံးသည် ကျင်းယွမ်ဂိုဏ်း ၏ နောက်မျိုးဆက် ရဲ့ ကျောရိုး များ ဖြစ်ကြသည်။

ဥပမာအားဖြင့် ချူယွီဟုန်ဖြစ်သည်။

“ဂိုဏ်းချုပ် ကြီး၊ ဒီကိစ္စကို အကြောင်းပြ ပြီး ကျွန်တော်လည်း အပြင်ထွက် ပြီး အလည်အပတ် သွားလိုက်ပါဦးမယ်” ဂျိချန်းဖန် ပြောလိုက်၏။

လွန်ခဲ့တဲ့ နှစ်ပတ် ကတည်းက သူ နတ်ဆိုး ရှစ်သွယ်မဟာမီးမှော်အစီအရင် ကို သုတေသန လုပ်နေခဲ့သည်၊ သို့သော် ကံမကောင်းစွာ ပဲ၊ သူ သဲလွန်စ မရှိ ခဲ့ဘဲ တိုးတက်မှု နည်းပါး ခဲ့၏။

ယခုအခါ ဤကိစ္စကို အကြောင်းပြ ပြီး အပြင်ထွက် လည်ပတ်ဖို့ ကောင်းမွန်တဲ့ အခွင့်အရေး ဖြစ်သည်။

သူ တစ်ခုခု ရနိင် မည်လောဆိုသည်ကို ကြည့်ရမည်ပင်။

ထိုစကားကို ကြားသောအခါ တောက်ရွှမ် အနည်းငယ် စဉ်းစား ကာ ပြောလိုက်သည်၊ “အပြင်ထွက် လည်ပတ်ဖို့က အဆင်ပြေ တယ်၊ ဒါပေမယ့် မင်းရဲ့ သရုပ်မှန် ကို ဖုံးကွယ် ရမယ်။ အနည်းဆုံးတော့ သရုပ်ဖျက်တာ ကို သေချာ လုပ် ရမယ်...”

“ကောင်းပါပြီ” ဂျိချန်းဖန် ခေါင်းညိတ်လိုက်သည်။

တောက်ရွှမ်းက ဆက်ပြောသည်၊ “မင်းလည်း အပြင်ထွက် လည်ပတ်မယ်ဆိုရင်၊ တပည့်တွေ ရဲ့ ဘေးကင်းလုံခြုံမှု ကို မင်းကို အပ်နှင်း လိုက်ရတော့မှာပေါ့၊ ဟုတ်တယ်မလား?”

ဂျီချန်ဖုန်း ခုနက ဖော်ပြ ခဲ့သော လူငါးဦး ထဲမှ

အမြင့်ဆုံး ကျင့်ကြံမှု ရှိသူက ဇန်ရှုရှု ဖြစ်သည်။

လက်ရှိ ယွီချင်း ရဲ့ အဆင့် ရှစ် ဝန်းကျင်မှာ ရှိ၏၊

ကျန်သူများကတော့ ယူကျင်း အဆင့် ခြောက် ဒါမှမဟုတ် ခုနစ် ဝန်းကျင်မှာ ရှိနေကြသည်၊ သူတို့ရဲ့ ခွန်အား က မလုံလောက် သေးပါချေ။

သူတို့ နတ်ဆိုးဂိုဏ်း မှ ရှန်ကျင်း ကျွမ်းကျင်သူ တစ်ဦးနဲ့ တွေ့ မယ်ဆိုလျင် အကုန်လုံး ပြန်လည်ဝင်စားခြင်းလမ်းသို့ တိုက်ရိုက်ရောက်သွားမည်ဖြစ်သည်။

“ကျွန်တော့်အတွက် ထားခဲ့ လိုက်ပါ” ဂျိချန်းဖန် ပေါ့ပေါ့ပါးပါး ပြောလိုက်၏။

သူ၏ လက်ရှိ ခွန်အား နဲ့ဆိုရင် နတ်ဆိုးဂိုဏ်း က ဘယ်သူ့ကိုမှ မကြောက် တော့ပါဘူး။ ကျန်ရှုရှု နှင့် အခြားသူများကို ကာကွယ် ပေးဖို့က လုံလောက် နိုင်ပါသည်။

“ဂိုဏ်းချုပ် ကြီး၊ သူတို့ဘယ်အချိန် မှာ ထွက်ခွာ ဖို့ စီစဉ်ထားလဲ?” ဂျီချန်ဖုန်း မေးသည်။

“နှစ်ပတ် လောက်အတွင်းမှာ”။

တောက်ရွှမ်း ညင်သာစွာ ပြောလိုက်သည်။

သူ နတ်ဆိုးဂိုဏ်း မှ နောက်ဆုံး သူလျှို ကို ကျင်းယွမ်ဂိုဏ်း သို့ ပြန်ပို့ ဖို့ စောင့် ရဦးမည်၊ ထို့ပြင် နောက်ဆုံး ထောက်လှမ်းရေး ကို အခြေခံ ပြီး ကိစ္စရပ်များ ကို စီစဉ် ရဦးပေမည်။

“ဒါဆိုရင် ကျွန်တော် အရင် သွား တော့မယ်?” ဂျိချန်းဖန်ကပြောကာ သူ၏ ခါး ရှိ နတ်ဓားနှစ်စင်း ကို ပုတ် လိုက်သည်။

ဒီ ဓားနှစ်စင်း က အရမ်း သိသာ နေ၏။၎င်းတို့မှာ အမှောင်ဆီးနှင်းဓားနှင့် နဂါးသတ်ဓား တို့ဖြစ်၍ ရှင်းကျိုး မှ ကျင့်ကြံသူ တစ်ဦးဦးက ဒီ ဓားနှစ်စင်း ထဲက တစ်စင်းကို မြင်လျှင်ပင် သူ့ကို မှတ်မိ ကြလိမ့်မည်။

ထို့ကြောင့် သူ တောင်ဆင်း ပြီး သူ့ရဲ့ တကယ့် သရုပ်မှန် ကို ဖုံးကွယ် ဖို့ ဓားအသစ် တစ်စင်းကို ပြန်လည် ပုံသွင်း ဖို့ စွမ်းအင် ပစ္စည်းများ ကို ကြိုတင် ရှာဖွေ ရန် စီစဉ် ထားသည်။

“ကောင်းပြီ၊ မင်း သူတို့နဲ့ တွေ့ဆုံ လိုက်ပါ” တောက်ရွှမ်း ခေါင်းညိတ်ကာ စကားဝိုင်းကိုရုတ်သိမ်းလိုက်သည်။

ဂျိချန်းဖန် က တောင်မှဆင်း ပြီး လှည့်ပတ် လို့ ရပြီဆိုတော့

သူ တကျူတောင် ကို အရင် ပြန် ရမည်၊ ဘာပဲဖြစ်ဖြစ် သူ့ရဲ့ ဆရာ နဲ့ ဆရာကတော် ကို အသိပေး ရဦးမည်ပင်။

“အကြီးအကဲတို့ ဒါဆို ကျွန်တော့် ဆရာနဲ့ ဆရာကတော်ကို သွားပြောလိုက်ပါအုံးမယ်.”

ဟူ၍ ပြောလိုက်၏။

“သွားပါ၊ သွားပါ” ဝမ်ကျန့်ယီ သူ၏ လက်ကို ပေါ့ပေါ့ပါးပါး ဝှေ့ယမ်း လိုက်သည်။

သူသည် ဒီနေရာတွင် ချန်စုန့် နှင့် တစ်နေ့လုံး အတူတူ ရှိနေသည်။

တောက်ရွှမ်း လည်း အခါအားလျော်စွာ လာရောက် လည်ပတ် နေသည်၊ ဒါကြောင့် တော်တော်လေး ပျော်ရွှင်စွာ နေထိုင်ရသည်ဖြစ်၍ မပျင်းတော့ပါချေ။

“သွားပါ” တောက်ရွှမ်းကလည်း ပြုံးလိုက်သည်။

တာအိုဆရာ ချန်စုန့်က လည်း အပြုံး ဖြင့် ခေါင်းညိတ်ပြ၏။

ဒီမြင်ကွင်းကို မြင်သောအခါ

ဂျိချန်းဖန်ထံမှ ဓားအလင်းတစ်ချက်လက်သွားကာသူ ပျောက်ကွယ် သွားသည်။