ရှောင်ရှန်နန်းတော်မှ အလှမယ်ကျင့်ပင်အာ

ရှောင်ချီမြို့၊ ကျောက်နက်လိုဏ်ဂူ။

ပိယောင်နှင့် ယိုကျီ ထွက်ခွာသွားပြီးနောက် တစ်လခွဲခန့် ကြာမြင့်ခဲ့ပြီ ဖြစ်၏။

ဤတစ်လခွဲအတွင်းတွင်။

ဂျိချန်းဖန်သည် ကျောက်နက်လိုဏ်ဂူတွင် ရိုးရှင်းစွာ တစ်ကိုယ်တည်း ကျင့်ကြံနေခဲ့သည်။ ၎င်းသည် သူ၏ နက်နဲသော မီးမှန် ကို အသုံးပြု၍ ချီရွှမ်ကျောက်စိမ်းကို နေ့စဉ် အပူပေးသန့်စင်ရန်အတွက် အဆင်ပြေစေခဲ့သည်။

တစ်လခွဲကြာ အပူပေးသန့်စင်ပြီးနောက်။

မူလက အညစ်အကြေးများ ပြည့်နှက်နေသော အဆင့်အမြင့်ဆုံး ချီရွှမ်ကျောက်စိမ်းသည် ချီမြစ်ကန်ငယ်တစ်ခုအဖြစ်သို့ လုံးဝ ပြောင်းလဲသွားခဲ့သည်။

ပူပြင်းသော မီးတောက်များသည် လိုဏ်ဂူထဲမှ မီးဓာတ်မူလစွမ်းအင်များကို စဉ်ဆက်မပြတ် စုပ်ယူကာ ချီရွှမ်ကျောက်စိမ်းအတွင်းရှိ အညစ်အကြေးများကို တစ်စွန်းတစ်စ သန့်စင်ပေးနေသည်။

“ရှဲ၊ ရှဲ၊ ရှဲ—“

ချီရွှမ်ကျောက်စိမ်းမှ ဖြစ်ပေါ်လာသော ချီမြစ်သည် လေထဲတွင် ဝဲပျံနေပြီး ၎င်း၏ မျက်နှာပြင်မှ အနက်ရောင် ချီ အမျှင်အချို့ အဆက်မပြတ် ထွက်ပေါ်လာ၏။ ၎င်းတို့သည် အတွင်းပိုင်း နက်နက်ရှိုင်းရှိုင်းတွင် ဝှက်ထားသော အညစ်အကြေးများ ဖြစ်သည်။

“ဝှီး”

နောက်ဆုံး အနက်ရောင် ချီ အမျှင်အစွန်းဆုံး ပျောက်ကွယ်သွားသည်အထိပင်။

သူ၏ ရှေ့မှ ချီရွှမ်ကျောက်စိမ်းသည် နောက်ဆုံးတွင် လုံးဝ သန့်စင်ပြီးစီးသွားခဲ့သည်။

“ဟူး—“ ဂျိချန်းဖန် ညင်သာစွာ သက်ပြင်းချလိုက်သည်။ သူ မျက်လုံးဖွင့်ပြီး သူ၏ ရှေ့မှ ချီမြစ်ကန်ငယ်ကို ကြည့်လိုက်ရာ အနည်းငယ် စိတ်လှုပ်ရှားမှု ခံစားလိုက်ရ၏။

“အဆင့်အမြင့်ဆုံး ချီရွှမ်ကျောက်စိမ်း ပီသပါတယ်။ အနှစ်တစ်သောင်းကျော် အချိန်ယူပြီး ဖွဲ့စည်းခဲ့တာ၊ နက်နဲသော မီးမှန်ကို အသုံးပြုပြီးတောင် သန့်စင်ဖို့ တစ်လခွဲ အပြည့်ယူခဲ့ရတယ်...”

သာမန် မြေကြီးမီး ကို အသုံးပြု၍ အပူပေးသန့်စင်ခဲ့ပါက

တစ်နှစ်ခွဲကြာပြီးနောက်တွင်တောင် လုံးဝ သန့်စင်ပြီးစီးနိုင်မည် မဟုတ်ပေ။

ဂျိချန်းဖန် ခေါင်းအနည်းငယ် ခါလိုက်သည်။

အပူပေးသန့်စင်ခြင်း ပြီးစီးသွားပြီ ဖြစ်ရာ မှော်လက်နက် ပြုပြင်ခြင်း၏ ပထမအဆင့်ဖြစ်သော ‘ပုံသွင်းခြင်း’ ကို စတင်ရန် အချိန်တန် ပေပြီ။

ဤအဆင့်သည် အလွန်ရိုးရှင်းသည်။

၎င်းသည် ပစ္စည်းများကို လိုချင်သော ပုံစံအဖြစ် ပုံသွင်းခြင်းသာ။

အဓိက အခက်အခဲမှာ ဒုတိယအဆင့်တွင် တည်ရှိ၏။

၎င်းသည် ပြုပြင်ထားသော မှော်လက်နက် သန္ဓေသား အတွင်းတွင် လုံလောက်သော ကန့်သတ်ချက်များ ကို ထွင်းထည့်ရန် လိုအပ်သည်။ လုံလောက်ပြီး ပြီးပြည့်စုံသော ကန့်သတ်ချက်များ ထည့်နိုင်မှသာ မှော်လက်နက်သည် ဝိညာဉ်ရေးရာ စွမ်းအား ပိုမို ကြီးမားလာနိုင်ပေမည်။

ကိုးကောင်းကင် နတ်ဘုရားလက်နက် ကို ဥပမာအနေဖြင့် ယူပါ။

ကိုးကောင်းကင် ဘုရားလက်နက်တစ်ခုစီတွင် အနည်းဆုံး ကွဲပြားသော ကန့်သတ်ချက် ဆယ့်နှစ်မျိုး ပါဝင်ပြီး ကန့်သတ်ချက် တစ်ခုစီသည် စွမ်းအားတစ်မျိုးကို ကိုယ်စားပြု၏။

ကန့်သတ်ချက် ဆယ့်နှစ်ခု သို့မဟုတ် ထို့ထက်ပိုသော မှော်လက်နက်သာ။

‘ကိုးကောင်းကင် နတ်ဘုရားလက်နက်’ ဟု ခေါ်ဆိုနိုင်သည်။

“ဒုန်း—“

“ဒုန်း—“

ကျောက်နက်လိုဏ်ဂူအတွင်းတွင် တူသံများ ပဲ့တင်ထပ်နေသည်။

ဂျိချန်းဖန်သည် အထူး သံတူတစ်ချောင်းကို ကိုင်ဆောင်ကာ တဖြည်းဖြည်း အေးစက်လာသော ချီရွှမ်ကျောက်စိမ်းကို ဆက်တိုက် ထုနှက်နေပြီး ၎င်းကို ဓားပုံစံ သန္ဓေသားအဖြစ် ဖြည်းညှင်းစွာ ပုံဖော်နေသည်။

ထို့နောက် သူသည် သူ၏ နတ်ဝိညာဉ်စွမ်းအား ကို အသုံးပြု၍ အသေးစိတ်များကို ဂရုတစိုက် သန့်စင်ပြုပြင်လိုက်သည်။

နောက်ဆုံးတွင် နာရီပေါင်းများစွာ ကြာပြီးနောက်

သူသည် မှော်လက်နက် သန္ဓေသားကို အောင်မြင်စွာ ဖန်တီးပြုပြင်နိုင်ခဲ့၏။

“ဟူး”

ဂျိချန်းဖန် ညင်သာစွာ သက်ပြင်းချလိုက်သည်။

နောက်တစ်ဆင့်မှာ မှော်လက်နက် သန္ဓေသားပေါ်သို့ ကန့်သတ်ချက်များ ထည့်သွင်းခြင်း ဖြစ်သည်။

ထိုအတွေးဖြင့်။

ဂျိချန်းဖန်သည် အနားယူရန် ရည်ရွယ်ချက်မရှိပေ။ သူသည် ဒုတိယအဆင့်ကို ချက်ချင်း စတင်လိုက်ပြီး ကန့်သတ်ချက်များကို တစ်ခုပြီးတစ်ခု မှော်လက်နက် သန္ဓေသားအတွင်းသို့ ထွင်းထည့်လိုက်သည်။

နောက်ဆုံးမှာတော့

သူသည် တစ်ရက်နီးပါး အချိန်ယူခဲ့ရသည်။

မှော်လက်နက် သန္ဓေသားအတွင်းတွင် ကန့်သတ်ချက် နှစ်ဆယ့်လေးခုကို ပြီးပြည့်စုံစွာ ထွင်းထည့်ရန်အတွက် ဖြစ်သည်။

“ကန့်သတ်ချက် နှစ်ဆယ့်လေးခု”

“ဒါဟာ ကိုးကောင်းကင် နတ်ဘုရားလက်နက်ရဲ့ အထွတ်အထိပ်နားကို ရောက်နေပြီ”

ဂျိချန်းဖန် ကျေနပ်စွာ ခေါင်းညိတ်သည်။

ဤအရာအားလုံးကို ပြီးစီးပြီးနောက်။

မှော်လက်နက် ပြုပြင်ခြင်း လုပ်ငန်းစဉ်သည် အများစု ပြီးစီးသွားပြီ ဖြစ်သည်။ ယခု ၎င်းသည် မီးဓာတ်မူလစွမ်းအင် လုံလောက်စွာ စုပ်ယူရန်သာ လိုအပ်ပြီး တရားဝင် ပေါက်ဖွားလာနိုင်မည် ဖြစ်သည်။

သို့သော် ဂျိချန်းဖန် ၏ လှုပ်ရှားမှုများ ရပ်တန့်မသွားခဲ့ပေ။

“ဝှီး—“

သူသည် သူ၏ လက်ချောင်းထိပ်မှ သွေးအနှစ်တစ်စက်ကို အတင်းအကျပ် ညှစ်ထုတ်လိုက်သည်။

ထို့နောက် လေထဲတွင် ဝဲပျံနေသော မှော်လက်နက် သန္ဓေသားဆီသို့ ပစ်လိုက်၏။

သွေးသန့်စင်ခြင်း။

သူသည် သူ၏ ကိုယ်ပိုင် သွေးအနှစ် ဖြင့် မှော်လက်နက်ကို သန့်စင်တော့မည်။

ဤလုပ်ရပ်သည် နတ်ဆိုးလမ်းစဉ် က သွေးသန့်စင်ခြင်း နည်းလမ်း ဟု ရည်ညွှန်းသည့်အရာ ဖြစ်သည်။ သွေးအနှစ်ဖြင့် မှော်လက်နက်ကို သန့်စင်ခြင်းသည် မှော်လက်နက်နှင့် ၎င်း၏ ပိုင်ရှင်ကြားရှိ ကိုက်ညီမှုကို အကြီးအကျယ် မြှင့်တင်ပေးနိုင်သည်။

၎င်းသည် ၎င်း၏ စွမ်းအားကိုလည်း သိသိသာသာ တိုးမြှင့်ပေးနိုင်သည်ပင်။

နတ်ဆိုးလမ်းစဉ်အတွင်းတွင် လူများစွာသည် ဤနည်းလမ်းဖြင့် မှော်လက်နက်များကို ပြုပြင်ကြသော်လည်း အထက်လမ်းစဉ် တွင်မူ...

သူတို့သည် ၎င်းကို ပြင်းပြင်းထန်ထန် ဆန့်ကျင်ကြ၏။

ဤနည်းလမ်းသည် ကောင်းကင်ကို ထိခိုက်စေသည်ဟု ယုံကြည်ကြသည်။

တကယ်တော့ မဟုတ်ပေ။

မှော်လက်နက်ကို သွေးသန့်စင်ခြင်းဆိုသည်မှာ မိမိ၏ သက်ဆိုင်ရာ ရတနာနှင့် ကိုက်ညီမှုကို သွေးအနှစ်ဖြင့် ပိုမို နက်ရှိုင်းစေခြင်း ဖြစ်၏။ နတ်ဆိုးလမ်းစဉ်မှ လူများက သွေးယဇ်ပူဇော်မှုများကို အဆက်မပြတ် ပြုလုပ်ခဲ့ခြင်းကြောင့်သာ ဤနည်းလမ်းသည် နာမည်ဆိုး ရခဲ့ခြင်း ဖြစ်သည်။

ဂျိချန်းဖန်သည် သူ၏ ကိုယ်ပိုင် သက်ဆိုင်ရာ ပျံသန်းဓားကို ပြုပြင်ရန် ရည်ရွယ်ထားသောကြောင့် သွေးသန့်စင်ခြင်းကို ရှောင်လွှဲ၍ မရနိုင်ပေ။

“ရှဲ၊ ရှဲ၊ ရှဲ—“

သွေးအနှစ်သည် မှော်လက်နက် သန္ဓေသားထဲသို့ ပျံသန်းဝင်ရောက်သွားသည်။

ချက်ချင်းဆိုသလို အရည်ပျော်သွား၏။

မရှင်းမလင်းဖြစ်သော်လည်း ဂျီချန်းဖန်သည် သူ၏ ရှေ့မှ မှော်လက်နက် သန္ဓေသားသည် သူ့နှင့်အတူ ဖျော့တော့သော၊ မသိမသာ ဆက်သွယ်မှုတစ်ခု ဖြစ်ပေါ်လာသည်ကို ခံစားလိုက်ရသည်။

“မဆိုးဘူး”

ဂျိချန်းဖန် ကျေနပ်စွာ ခေါင်းညိတ်သည်။

သူသည် သူ၏ ရှေ့မှ မှော်လက်နက် သန္ဓေသားကို ကြည့်လိုက်ပြီး ၎င်းသည် တကယ်တမ်း ပေါ်ပေါက်လာနိုင်ရန်အတွက် ဤနေရာတွင် မီးဓာတ်မူလစွမ်းအင်များကို နောက်ထပ် တစ်ပတ်ခန့် စုပ်ယူရန် လိုအပ်မည်ဟု ခန့်မှန်းလိုက်သည်။

ထိုအတွေးဖြင့်။

ဂျိချန်းဖန် သည် နက်နဲသော မီးမှန်(မီးမှော်ကြေးမုံ ဝါ ရှေ့ပိုင်းတွင် ဂျိချန်းဖန် ကနာမည်‌ ပြောင်းပေးခဲ့သော အဇူရာကြေးမုံ )ကို အသက်သွင်းပြီး ကျောက်နက်လိုဏ်ဂူထဲတွင် ပြင်းထန်သော မီးတောက်တစ်ခု ချန်ထားခဲ့သည်။ ထိုမီးတောက်သည် ရှန်ကျင်း ကျွမ်းကျင်သူတစ်ဦးကိုပင် နောက်ဆုတ်သွားစေနိုင်လောက်အောင် အားကောင်းလှသည်။ ထို့နောက် လှည့်ထွက်သွား၏...

ဘာပဲဖြစ်ဖြစ် သွေးသန့်စင်ခြင်း ပြီးစီးသွားပါပြီ။

ဤမှော်လက်နက်ကို သူသာ အသက်သွင်းနိုင်မည်ဖြစ်ပြီး အခြားမည်သူမျှ ထိတွေ့၍ပင် မရနိုင်ပေ။

ထို့ကြောင့်။

ဂျိချန်းဖန်သည် အခြားသူများ ၎င်းကို ယူသွားမည်ကို စိုးရိမ်ခြင်းမရှိပေ။

သူသည် ရှောင်ချီမြို့မှ တိုက်ရိုက် ထွက်ခွာခဲ့ပြီး သူ၏ ပျံသန်းဓားကို စီးနင်းကာ ချီမြစ်ကမ်းဆီသို့ ဦးတည်သွားခဲ့သည်။ အဘယ်ကြောင့်ဆိုသော် တစ်လခွဲကျော် ကြာမြင့်ခဲ့ပြီဖြစ်ရာ ထိုနေရာတွင် မမျှော်လင့်သော အရာတစ်ခုခု ဖြစ်ပွားပါက မကောင်းပေ။

ချီမြစ်ကမ်း။

ဤနေရာသည် အရှေ့ပင်လယ်ကမ်းခြေနှင့် နီးကပ်ပြီး ပတ်ဝန်းကျင်တွင် သာမန်လူများ အများအပြား နေထိုင်ကြကာ လွတ်လပ်သော ကျင့်ကြံသူများလည်း များပြားစွာ နေထိုင် နေကြသည်။

ပင်လယ်နှင့် နီးသောကြောင့်

ချီမြစ်သည် သယံဇာတ ကြွယ်ဝပြီး ဝိညာဉ်ငါးများ ပေါများလှသည်။ ၎င်းသည် လွတ်လပ်သော ကျင့်ကြံသူများစွာကို ထောက်ပံ့ပေးနိုင်ပြီး ၎င်းတို့အား ကျင့်ကြံမှုအရင်းအမြစ်များစွာကို ပေးစွမ်းနိုင်သောကြောင့် အချိန်ကြာလာသည်နှင့်အမျှ...

လွတ်လပ်သော ကျင့်ကြံသူများ ပိုမို များပြားလာပြီး ဤနေရာတွင် အခြေချနေထိုင်လာကြ၏။

သူတို့သည် စုပေါင်း၍ မြို့တစ်မြို့ကိုပင် တည်ဆောက်ခဲ့ကြပြီး ချီမြစ်ကမ်းပေါ်တွင် တည်ရှိသည်။ ၎င်းကို — ချီမြစ်မြို့ ဟု အမည်ပေးခဲ့သည်။

ချီမြစ်မြို့သည် ဖန်းယွဲ့မြို့ရှောင် နှင့် ကွဲပြား ပေသည်။

ဖန်းယွဲ့မြို့တော်သည် လွတ်လပ်သော ကျင့်ကြံသူများ စုဝေးရာ အစစ်အမှန် နေရာဖြစ်ပြီး သာမန်လူများကို မမြင်ရသလောက်ပင်။ သို့သော် ချီမြစ်မြို့သည် သာမန်လူများနှင့် ကျင့်ကြံသူများ အတူယှဉ်တွဲနေထိုင်သည့် မြို့တစ်မြို့ ဖြစ်သည်။

ဘာပဲဖြစ်ဖြစ် မြို့ထဲရှိ လွတ်လပ်သော ကျင့်ကြံသူများသည် အလွန် အားမကောင်းကြပေ။

သူတို့သည် သာမန်လူများထက် အနည်းငယ်မျှသာ အားကောင်းပြီး ယူကျင်း စတုတ္ထအဆင့် တွင် ရှိသူများပင် အလွန် နည်းပါးကြသည်။

ထို့ကြောင့်။

သူတို့သည် အလုပ်များနှင့် အိမ်မှုကိစ္စများကို ကူညီရန်အတွက် သာမန်လူအချို့ကိုလည်း လိုအပ်ကြ၏။

“ဝှီး—“

ကောင်းကင်မှ ဓားရောင်ခြည် အစင်းကြောင်းများ ကျဆင်းလာသည်။ ချက်ချင်းဆိုသလို မြို့ထဲရှိ လွတ်လပ်သော ကျင့်ကြံသူများစွာ၏ အာရုံကို ဆွဲဆောင်လိုက်ပြီး ဆွေးနွေးမှုများ စတင်လာကြသည်။

“ဟင်—ဒီရက်ပိုင်း ဘာတွေ ဖြစ်နေတာလဲ ယူကျင်း စတုတ္ထအဆင့် ကျွမ်းကျင်သူတွေ ဘာလို့ ချီမြစ်မြို့ကို ဒီလောက် အများကြီး ဆင်းလာနေကြတာလဲ”

“အာ နင် မသိဘူးလား”

“အတိအကျ ဘာဖြစ်တာလဲ”

“ငါကြားတာက ချီမြစ်ထဲမှာ သွေးနီရောင်နဂါးတစ်ကောင် ပေါ်လာတယ်တဲ့။ အဲဒီ နဂါးဆိုးက နေရာအနှံ့ အဓိကရုဏ်းတွေ ဖန်တီးပြီး မကောင်းမှုတွေ အများကြီး လုပ်ခဲ့တယ်၊ လူသာမန်တွေ အများကြီးကို စားခဲ့တယ်။ ချီမြစ်မြို့ကို ဆင်းလာကြတဲ့ အဲဒီ ကျွမ်းကျင်သူတွေကတော့...”

“အထက်လမ်း လမ်းစဉ် ရဲ့ ဂိုဏ်းကြီးသုံးခုက တပည့်တွေ ဖြစ်ဖို့များတယ်”

“သူတို့က သွေးနီရောင်နဂါးကို ဝိုင်းရံ နှိမ်နင်းဖို့ ဒီကို ရောက်လာတာ ဖြစ်လိမ့်မယ်”

“ဪ... အဲဒီလိုကိုး”

“ငါကြားတာ နတ်ဆိုးလမ်းစဉ်က လူတွေလည်း မကြာသေးခင်က ဝင်ပါဖို့ ရောက်လာကြတယ်လို့”

အရက်ဆိုင်အတွင်း။

ခါးတွင် ဓားချိတ်ဆွဲထားသော အဖြူရောင်ဝတ် လူငယ်တစ်ဦး။

သူသည် ထောင့်တစ်နေရာတွင် တစ်ယောက်တည်း ထိုင်နေသည်။ သူ၏ အဖြူရောင်အဝတ်အစားများ လေတွင် လွင့်နေပြီး အနက်ရောင် ဆံပင်များ တလူလူ လွင့်နေသည်။ နက်နဲသော မျက်လုံးများတွင် လျစ်လျူရှုမှု အရိပ်အမြွက် ပေါ်နေပြီး ကောက်ရိုးဦးထုပ်က သူ၏ ခန့်ညားသော မျက်နှာကို ဖုံးအုပ်ထားသည်။

ဂျိချန်းဖန် သူ၏ အရက်ကို အေးအေးဆေးဆေး သောက်နေသည်။

သူသည် ပတ်ဝန်းကျင်မှ လွတ်လပ်သော ကျင့်ကြံသူများ၏ ဆွေးနွေးသံများကို နားထောင်နေပြီး သူ၏ မျက်နှာတွင် စိုးရိမ်ပူပန်မှု မရှိပေ။

ရှောင်ချီမြို့မှ ထွက်ခွာလာပြီးနောက်။

သူသည် တစ်ရက်ကျော် ဆက်တိုက် ခရီးသွားလာခဲ့ပြီး နောက်ဆုံးတွင် ဤ ချီမြစ်မြို့သို့ ရောက်ရှိလာခဲ့သည်။

တိုက်ဆိုင်စွာပင် ဆောင်တာရန်နှင့် အခြားသူများသည်လည်း ဒီနေ့တွင် ဤနေရာသို့ ရောက်ရှိလာကြသည်။ သို့သော် ဂျီချန်ဖုန်းသည် သူတို့နှင့် တွေ့ဆုံရန် ရှေ့သို့ မသွားခဲ့ဘဲ အရိပ်ထဲမှ စောင့်ကြည့်ရန် စီစဉ်လိုက်သည်။

ဘာပဲဖြစ်ဖြစ် သူ၏ ကိုယ်ပိုင် အမှတ်အသားကို ပွင့်ပွင့်လင်းလင်း ဖော်ထုတ်၍ မဖြစ်ပေ။

လုံးဝ မလိုအပ်လျှင်။

သူသည် ခြေတစ်လှမ်းပင် လှုပ်ရှားမည် မဟုတ်ပေ။

ပတ်ဝန်းကျင်မှ လွတ်လပ်သော ကျင့်ကြံသူများ၏ ဆွေးနွေးသံများ ဆက်တိုက် ပျံ့လွင့်လာသည်။

“သွေးနီရောင်နဂါး အဲဒါ နဂါးမျိုးနွယ်ရဲ့ သွေးသား တစ်စိတ်တစ်ပိုင်း ပိုင်ဆိုင်ထားတဲ့ နတ်ဆိုးသားရဲပဲ သူ့ရဲ့ တစ်ကိုယ်လုံးက ရတနာပဲ”

“အင်း... အင်း... ငါ နဂါးလက်သည်းတစ်စုံ ရခဲ့ရင် အဆင့်အမြင့်ဆုံး မှော်လက်နက်တစ်ခု ဖန်တီးပြုပြင်နိုင်မှာ”

“ဖြောင့်မတ်သော လမ်းစဉ်နဲ့ နတ်ဆိုးလမ်းစဉ်က လူတွေ နှစ်ဖက်စလုံး ရောက်လာကြပြီ ဆိုတော့ အဲဒီ သွေးနီရောင်နဂါးကို ငါတို့ လက်လှမ်းမမီတော့ဘူး ဖြစ်နေတာပဲ”

ပတ်ဝန်းကျင်မှ လွတ်လပ်သော ကျင့်ကြံသူများ သက်ပြင်းချလိုက်ကြသည်။

သူတို့အတွက်။

အခွင့်အရေးတိုင်းသည် အလွန် ရှားပါးသည်။

အခု သွေးနီရောင်နဂါး ပေါ်လာသော်လည်း သူတို့ ထိတွေ့ဖို့ အခွင့်အရေးပင် မရရှိကြပေ။

ဘာပဲဖြစ်ဖြစ် သူတို့သည် လွတ်လပ်သော ကျင့်ကြံသူ အုပ်စုတစ်စုသာ ဖြစ်သည်။

ဖြောင့်မတ်သော လမ်းစဉ်နှင့် နတ်ဆိုးလမ်းစဉ်၏ ဂိုဏ်းကြီးများနှင့် ဘယ်လို ယှဉ်နိုင်မှာလဲ။

ထိုအချိန်မှာပင်။

အရက်ဆိုင်အတွင်းမှ အနည်းငယ် ထူးဆန်းသော အသံတစ်ခု ထွက်ပေါ်လာသည်။

“ဟဲဟဲ၊ အဲဒီလိုတော့ မဟုတ်သေးဘူး“

“ငါကြားတာ ရှောင်ရှန်နန်းတော် မှာ စွမ်းရည်မျိုးစုံရှိတဲ့ မိန်းမပျိုတစ်ဦး ဒီည ပေါ်လာမယ်တဲ့၊ သူက သွေးနီရောင်နဂါးနဲ့ ပတ်သက်တဲ့ သတင်းအချက်အလက်တွေ ပိုင်ဆိုင်ထားတယ်လို့ ပြောကြတယ်။ ဒီည ကဗျာရွတ်ဆိုပွဲမှာ ထုတ်ဖော်ဖို့ စီစဉ်ထားတယ်တဲ့...”

“ငါတို့ သွေးနီရောင်နဂါးအကြောင်း သတင်းအချက်အလက် ရနိုင်ရင်”

“ဒီအခွင့်အရေးကို သိမ်းယူနိုင်မှာ ဖြစ်လိမ့်မယ်”

ဤစကားများ ထွက်ပေါ်လာသည်နှင့်။

ပတ်ဝန်းကျင်မှ လွတ်လပ်သော ကျင့်ကြံသူများ ချက်ချင်း စိတ်လှုပ်ရှားသွားကြပြီး တစ်ယောက်ကိုတစ်ယောက် တိုးတိုးလေး ပြောဆိုကြသည်။

“အာ အဲဒါ အမှန်လား အမှားလား”

“ငါလည်း ဒီသတင်းကို ကြားထားပေမယ့် အမှန်တရားကိုတော့ မသေချာဘူး”

“ဟဲဟဲ၊အမှန်လား အမှားလား ဘယ်သူ ဂရုစိုက်မလဲ ဒီည သွားကြည့်ရင် သိရမှာပေါ့၊ မဟုတ်ဘူးလား အကယ်၍ အမှားဆိုရင်...”

“အဲဒီအခါကျမှ ရှောင်ရှန်နန်းတော်က မိန်းမပျိုတွေကို လက်စားချေရုံပဲ”

“ဒါလည်း အဓိပ္ပာယ်ရှိတယ်”

“စကားမစပ်၊ ဒီည ဖျော်ဖြေမယ့် ရှောင်ရှန်နန်းတော်က မိန်းမပျို နာမည်က ဘယ်သူလဲ”

“သူမရဲ့ နာမည်က...”

“ကျင့်ပင်းအာ လို့ ခေါ်တယ် ထင်တယ်”

ဤစကားများ ထွက်ပေါ်လာသည်နှင့်။

ထောင့်တစ်နေရာမှ ဂျိချန်းဖန် ရုတ်တရက် မျက်လုံးဖွင့်လိုက်သည်။

သူ၏ မျက်လုံးများတွင် အံ့အားသင့်မှု အရိပ်အမြွက် ပေါ်လာသည်။

ကျင့်ပင်းအာ

သူ သိတဲ့ ကောင်မလေးများလော။

ထိုအတွေးဖြင့်။

ဂျိချန်းဖန် နက်နက်ရှိုင်းရှိုင်း စဉ်းစားနေခဲ့သည်။

သူသည် ဒီည ရှောင်ရှန်နန်းတော်သို့ သွားရန် ဆုံးဖြတ်လိုက်သည်။ အခြားအရာအတွက် မဟုတ်ဘဲ အဓိကအားဖြင့် သွေးနီရောင်နဂါးအကြောင်း စုံစမ်းရန် ဖြစ်သည်။

အင်း၊ ဒါ အမှန်ပဲ….