ဟုန်လူဓား

ရှန်ကျင်းနယ်ပယ်

ဤကျင့်ကြံသူသည် ရှန်ကျင်းနယ်ပယ် ဓားကျင့်ကြံသူတစ်ဦး ဖြစ်သည်။

လူတိုင်းသည် ရုတ်တရက် ပေါ်လာသော အဖြူရောင်ဝတ် ပုံရိပ်ကို ကြည့်လိုက်ကြ၏။သူတို့၏ စိတ်နှလုံးများ တုန်လှုပ်သွားပြီး တစ်ဖက်လူ၏ ရပ်တည်ချက်ကို မသိသောကြောင့် တစ်ခဏအတွင်း မည်သည့် လှုပ်ရှားမှုမျှ မလုပ်ဝံ့ခဲ့ကြပေ။

“ဝူး—“

သွေးနီရောင်နဂါးသည် အသံတိုးတိုးဖြင့် ဟိန်းဟောက်လိုက်သည်။

၎င်း၏ မျက်လုံးများသည် ကောင်းကင်ယံအပေါ်ရှိ အဖြူရောင်ဝတ် ပုံရိပ်ကို သတိကြီးစွာ စောင့်ကြည့်နေပြီး ဗီဇသိစိတ်ကမူသူ့ကို ပြောပြနေသည်—

ဤသူသည် အလွန် အစွမ်းထက်၏။

အလွန်တရာ အစွမ်းထက်၏။

ချင်ဝူယန်သည် ကောင်းကင်ယံကို ကြည့်ရင်း အံ့သြသော အမူအရာ ပေါ်လာသည်။ သူသည် အဖြူရောင်ဝတ် ပုံရိပ်ကို ချက်ချင်း မှတ်မိလိုက်၏။ ၎င်းသည် ချီမြို့တည်းခိုခန်း မှ လူမဟုတ်ပါလော။

ဤသူသည် ရှန်ကျင်းကျင့်ကြံသူ တစ်ဦး ဖြစ်လိမ့်မည်ဟု သူ မမျှော်လင့်ခဲ့ပေ။

ချင်ဝူယန်၏ နောက်မှ လိုက်ပါလာသောအဘိုးအိုနှစ်ဦးသည် အလွန်အမင်း ထိတ်လန့်သွားကြသည်။

ဆန့်ကျင်ဘက်အားဖြင့် ချင်းယွင်ဂိုဏ်းမှ တပည့်များကမူထိုအဖြူရောင်ဝတ် ပုံရိပ်ကို မြင်ပြီးနောက်တွင် သူတို့သည် သက်ပြင်းတစ်ချက်ချကာ စိတ်သက်သာရာ ရသွားကြ၏—

‘ဂျိ အစ်ကိုကြီး နောက်ဆုံးတော့ ရောက်လာပြီ။’

ပိ‌ယောင်၏ မျက်လုံးများကမူ ရုတ်တရက် လင်းလက်သွားချေသည်။ အစိမ်းရောင် ဝတ်စုံဖြင့် လှပစွာ ရပ်နေသော သူမသည် ဝမ်းမြောက်ဝမ်းသာ အမူအရာဖြင့် အဖြူရောင်ဝတ် ပုံရိပ်ကို ကြည့်နေသည်။

ဤအချိန်တွင်

လူတိုင်း၏ အကြည့်ကို ရင်ဆိုင်ရင်း

ဂျိချန်းဖန်သည် ကောင်းကင်ယံ၌ ရပ်နေ၏။ သူ၏ အဖြူရောင်ဝတ်ရုံများ လွင့်ပျံနေပြီး သူ၏ အရှိန်အဟုန်သည် ဖြည်းညှင်းစွာ လျော့ကျသွားသော်လည်း သူ ခြေလှမ်းတစ်လှမ်း လှမ်းလိုက်တိုင်း မီတာ ရာပေါင်းများစွာကို ချက်ချင်း ကျော်ဖြတ်သွားသည်။

“ရွှစ်—“

အဖြူရောင်ဝတ် လူငယ်လေးသည် သူ၏လက်ကို ညင်သာစွာ မြှောက်လိုက်သည်။

သူသည် အဝေးဘက်သို့ လက်ဆန့်ထုတ်ပြီး ခေါ်လိုက်၏တစ်စုံတစ်ခုကို ဆင့်ခေါ်နေသကဲ့သို့ပင်။

ယိုကျီ၏ ကြယ်သဏ္ဍာန်မျက်လုံးများကမူ အနည်းငယ် လင်းလက်သွားသည်။ သူမသည် ဂျိချန်းဖန်၏ လှုပ်ရှားမှုကို ကြည့်လိုက်ပြီး အတွေးနယ်ချဲ့နေ၏...

ထိုအရပ်မျက်နှာသည် မလှမ်းမကမ်းရှိ ရေကန်ငယ်မြို့(ရှေ့အပိုင်းများမှပါသောမြို့တစ်ခု မြေခွေးနှစ်ကောင်ရရှိခဲ့သောမြို့) ဖြစ်ပုံရသည်။

ကြည့်လိုက်ပါကအဖြူရောင်ဝတ် လူငယ်လေးသည် ကောင်းကင်ယံ၌ မတ်မတ်ရပ်နေသည်။ သူ၏ အဖြူရောင်ဝတ်ရုံများ ဂုဏ်ယူစွာ လွင့်ပျံနေပြီး သူ၏ စွမ်းအင်လှိုင်းသည် သက်တံကဲ့သို့ ရှိ‌ နေ၏။ သူ၏ သိပ်သည်းသော ဆံပင်နက်များ လေတွင် လွင့်ပျံနေပြီး သာမန် ဓမ္မဓားတစ်ချောင်းသည် သူ၏ ခါးတွင် ချိတ်ဆွဲထားသည်။

“ရွှစ်—“

လူတိုင်း၏ ရှေ့တွင်

ဂျိချန်းဖန်သည် သူ၏ ခါးမှ ဓမ္မဓားကို ဖြည်းညှင်းစွာ ဆုပ်ကိုင်လိုက်သည်။ထိုအရာကို မြင်သောအခါ လူတိုင်း ထိတ်လန့်သွားကြသည်။ ဤရှန်ကျင်းအဆင့် ဓားကျင့်ကြံသူသည် သူ၏ ဓားကို ထုတ်တော့မည်လော။

သို့သော် ကံမကောင်းစွာဖြင့်

ထိုသို့ မဟုတ်ခဲ့ပေ။

ဂျိချန်းဖန်သည် သူ၏ ခါးမှ ဓမ္မဓားကို ဆွဲထုတ်လိုက်ပြီး ဂရုတစိုက် စစ်ဆေးကြည့်ရှုပြီးနောက် သက်ပြင်းချကာ ခေါင်းခါလိုက်ပြီး ပြောလိုက်သည်။

“သာမန် ဓမ္မဓားပါပဲ”

“ဒီဓားဟာ ပြင်းထန်လွန်းတဲ့ ဓားရည်ရွယ်ချက်ကို မခံနိုင်သေးဘူး”

သူ ပြောပြီးသည်နှင့် တစ်ပြိုင်နက်

ဂျိချန်းဖန်၏ ခန္ဓာကိုယ်တစ်ခုလုံး ဓားရည်ရွယ်ချက်ဖြင့် တုန်ယင်လာ၏။

“ခွမ်း—“

နောက်တစ်ခဏတွင်

သူ၏ လက်ထဲရှိ ဓမ္မဓားသည် ရုတ်တရက် ကွဲကြေသွားပြီး ထိုနေရာ၌ပင် အပိုင်းပိုင်း ပြောင်းလဲသွားကာ ကောင်းကင်ယံမှ ပြုတ်ကျလာ၏။

တစ်ချိန်တည်းမှာပင်

အဖြူရောင်ဝတ် လူငယ်လေးသည် ဖြည်းညှင်းစွာ ကောင်းကင်သို့မော့ကြည့်လိုက်သည်။ထို့နောက်

သူသည် အဝေးသို့ ကြည့်လိုက်ပြီး သူ၏လက်ကို ညင်သာစွာ မြှောက်ကာ ပြောလိုက်သည်။ “ဓား—လာခဲ့”

ချက်ချင်းပင်

ကောင်းကင်နှင့် မြေကြီးက ပြောင်းလဲသွားကာ

မမြင်နိုင်သော ဓားရည််ရွယ်ချက်သည် ချက်ချင်း ပေါက်ကွဲထွက်ပေါ်လာပြီး ကောင်းကင်ကို လွှမ်းခြုံကာ ဤလောကကို ဖုံးအုပ်လိုက်၏။ဂ တောက်ပသော ဓားအလင်းရောင် လင်းလက်သွားပြီး လူမရေမတွက်နိုင်အောင်သော လူများ၏ မျက်လုံးများကို ထွန်းလင်းစေလိုက်သည်။

“ရွှစ်—“

နေဝင်ချိန်ဆည်းဆာကဲ့သို့အလင်းတစ်ခုသည် အနောက်ဘက်ရှိ မိုးတိမ်များကြားမှ ရုတ်တရက် ဖြတ်သန်းသွားသည်။ ထိုအလင်းသည် ကောင်းကင်တစ်ခုလုံးကို အနီရောင် ချက်ချင်း ဆိုးလိုက်ရာ တိမ်ပင်လယ် နှင့် ချီမြစ်တို့သည် သွေးပင်လယ်ကဲ့သို့ ပုံပေါ်လာစေ၏။.

၎င်းသည်

အနောက်ဘက်မှ ဓားတစ်ချောင်းပင်။

“ဘုန်း”

တစ်ချိန်တည်းမှာပင် ပတ်ဝန်းကျင်ရှိ ဓားရည်ရွယ်ချက်များသည် လှုပ်ခတ်လိုက်သကဲ့သို့ ဖြစ်သွားကာ ၎င်းတို့သည် ရုတ်တရက် ထစ်ချုန်းသံဖြင့် ပေါက်ကွဲထွက်လာကာ တစ်စုံတစ်ရာသော ဆင့်ခေါ်မှုကို တုံ့ပြန်နေသကဲ့သို့ ဖြစ်သည်။

“ခလွမ်း—“

မမြင်ရသော ဓားညည်းသံတစ်ခုသည် မိုင်ပေါင်း တစ်သိန်း ရှစ်သောင်း အကွာအဝေးမှ ထွက်ပေါ်လာသကဲ့သို့ပင်ဖြစ်န၏။

ကောင်းကင်သည် သွေးကဲ့သို့၊ မီးကဲ့သို့ နီမြန်းနေ၏။နတ်ဓားက ပေါ်လာပြီပင် မည်သူက ယှဉ်ပြိုင်ကာ တိုက်ခိုက်နိုင်မည်နည်း။

နတ်ဓားတစ်ချောင်းသည် ကောင်းကင်ယံမှ ဖြတ်သန်းပျံသန်းလာပြီး အဖြူရောင်ဝတ် ဓားကျင့်ကြံသူ၏ ရှေ့သို့ ချက်ချင်း ရောက်ရှိလာသည်။ ၎င်းသည် အဆုံးမရှိသော ဓားဆန္ဒတစ်ခုကို ထုတ်လွှတ်ပြီး ၎င်း၏ ကြည်လင်သော ဓားညည်းသံသည် ကောင်းကင်ယံတစ်ခုလုံးကို ဟိန်းထွက်စေသည်။

ကြည့်လိုက်ပါက

နတ်ဓားသည် မီးဖိုတစ်ခုကဲ့သို့ နီမြန်းနေပြီး သုံးပေ သုံးလက်မ ရှည်လျားကာ လက်သုံးသစ်ခန့် အနံ ရှိပြီး၊ ဓားကိုယ်ထည်ပေါ်တွင် ဓားထိပ်မှ လက်ကိုင်အထိ တိုက်ရိုက် ဆက်သွယ်ထားသော ထင်ရှားသော အနီရောင် သွေး‌စီး‌ကြောင်းတစ်ခု ရှိနေ၏။

“ဝမ်း ဝမ် ဝမ်း—“

တစ်ချိန်တည်းမှာပင်

ပတ်ဝန်းကျင်ရှိ ဝိညာဉ်ရတနာ ဓမ္မဓားများအားလုံး တုန်ယင်လာကြသည်။နတ်ဓားကို သူတို့သည် ကြောက်ရွံ့ကာ တုန်လှုပ်နေကြသည်။

ဤဓားသည် စင်စစ်ပင် ကောင်းကင်ကိုးထပ်မှ နတ်ဓား ဖြစ်သည်။

ဤအချိန်တွင်

လူတိုင်း မော့ကြည့်လိုက်ကြ၏။သူတို့၏ မျက်လုံးများတွင် ထိတ်လန့်မှုများ ပြည့်နှက်နေပြီး နီမြန်းသော ဓားကို ကြည့်နေကြသည်။ သူတို့၏ မျက်လုံးများတွင် မယုံကြည်နိုင်စရာ အရိပ်အမြွက် ပေါ်လာပြီး နတ်ဓားတစ်ချောင်း ဆင်းသက်လာသည်ကို မြင်တွေ့နေရသကဲ့သို့ ရှိသည်။

အဖြူရောင်ဝတ် လူငယ်လေးသည် သူ၏လက်ကို ဖြည်းညှင်းစွာ မြှောက်လိုက်ကာ

“ခလွမ်း—“

သူသည် သူ၏ လက်ညှိုးဖြင့် ဓားကို တို့ထိလိုက်ရာ သူ၏ရှေ့ရှိ နတ်ဓားသည် ချက်ချင်း ကြည်လင်သော တုန်ယင်မှုတစ်ခုကို ထုတ်လွှတ်ပြီး မမြင်နိုင်သော ဓားဆန္ဒတစ်ခုသည် ရုတ်တရက် ပေါက်ကွဲထွက်ပေါ်လာသည်။

“ဘုန်း”

ဓားရည်ရွယ်ချက်ပျံ့နှံ့သွားသည့် အခိုက်အတန့်တွင်

လူငယ်လေး၏ ကြည်လင်သော အသံသည် ဖြည်းညှင်းစွာ ထွက်ပေါ်လာ၏။

“ဓားကို တစ်လကြာ ပုံသွင်းခဲ့တာ၊ ဒီနေ့မှာတော့ နောက်ဆုံးတော့ ပြီးစီးသွားပြီ”

“ဒီဓားကို ဟုန်လူ လို့ အမည်ပေးမယ်”

သူ ပြောပြီးသည်နှင့် တစ်ပြိုင်နက်

ဟုန်လူဓားသည် အနည်းငယ် တုန်ယင်သွားပြီး ကြည်လင်သော ဓားညည်းသံများကို ဆက်တိုက် ထုတ်လွှတ်နေသည်။ ပျော်ရွှင်မှု အရိပ်အမြွက်ကို ယူဆောင်လာသကဲ့သို့ ဖြစ်သည်။

“ရွှစ်—“

ဂျိချန်းဖန်သည် ဟုန်လူဓားကို ဖြည်းညှင်းစွာ ဆုပ်ကိုင်လိုက်သည်။

ဤအချိန်တွင်

သွေးသားဆက်နွယ်မှု ခံစားချက်တစ်ခုသည် သူ၏ နှလုံးသားထဲသို့ ရုတ်တရက် စီးဆင်းဝင်ရောက်လာသည်။ ဤဓားသည် သူ၏ တစ်စိတ်တစ်ပိုင်း ဖြစ်ပြီး မရှိမဖြစ်လိုအပ်သကဲ့သို့ ပင်ဖြစ်၏။

“ဘုန်း”

ချက်ချင်းဆိုသလို အဆုံးမရှိသော ဓားရည်ရွယ်ချက်တစ်ခုက ပေါက်ကွဲထွက်ပေါ်လာသည်။

ထိပ်တန်း ဓားကျင့်ကြံသူတစ်ဦးသည် သူ၏ ထူးခြားသော သွေးယဇ်ပူဇော်ထားသောဓား ကို ဆုပ်ကိုင်လိုက်ချေပြီ။

ဤအချိန်တွင်

မည်သူပင် ရောက်လာပါစေ ဤဓား၏ ထက်မြက်သော အစွန်းကို ခဏတာ ရှောင်ရှားရုံသာ လုပ်နိုင်မည် ဖြစ်သည်။

“ဝေါင်း ဝူး”

သွေးနီရောင်နဂါးသည် အသံတိုးတိုးဖြင့် ဟိန်းဟောက်လိုက်သည်။

၎င်း၏ မျက်လုံးများသည် ကောင်းကင်ယံအပေါ်ရှိ အဖြူရောင်ဝတ် ဓားကျင့်ကြံသူကို သတိကြီးစွာ ကြည့်နေ၏။ ၎င်း၏ အသံတိုးတိုးဖြင့် ဟိန်းဟောက်သံသည် ပြင်းထန်သော သတိပေးချက် ဖြင့် ပြည့်နှက်နေပြီး ၎င်း၏ ကြီးမားသော နဂါးကိုယ်ထည်သည် ရုတ်တရက် တင်းမာသွားချေသည်။ထို့ပြင်နဂါးကိုယ်လုံးသည်

နောက်တစ်ခဏတွင် ရုတ်တရက် ပေါက်ကွဲထွက်လာတော့မည့်အလားပင် မတ်မတ်ဖြစ်သွား၏။

ဤသည်ကို မြင်သောအခါ

ဂျိချန်းဖန်သည် မှိန်ဖျော့စွာ ပြုံးလိုက်သည်။

သူသည် သူ၏ လက်ထဲရှိ ဟုန်လူဓားကို ညင်သာစွာ မြှောက်လိုက်ပြီး ဤအသက်ပျံသန်းဓား၏ စွမ်းအားကို စမ်းသပ်ရန် ရည်ရွယ်လိုက်သည်။

“ကွက်တိပဲ၊ အခုနဂါးသွေးနဲ့ ငါ့ဓားကို သိဒ္ဒိတင်ရမယ်” ဟု ဂျိချန်းဖန်က တီးတိုး ရေရွတ်လိုက်သည်။

ထိုစကားများ ထွက်ပေါ်လာသည်နှင့် တစ်ပြိုင်နက်

သွေးနီရောင်နဂါးသည် ချက်ချင်း ဒေါသထွက်သွား၏။

၎င်း၏ ဖျော့တော့သော ရွှေဝါရောင် မျက်စိတစ်စုံသည် ရုတ်တရက် နီရဲရွှေရောင် အလင်းဖြင့် ပေါက်ကွဲထွက်လာပြီး သိပ်သည်းသော နဂါးစွမ်းအင်သည် ပျံ့နှံ့သွားသည်။

နဂါးသည် နဂါးပင် ဖြစ်၏။

နဂါးမျိုးနွယ်ကို စော်ကား၍မရပါချေ။

“ဝေါင်း—“

သွေးနီရောင်နဂါးသည် အသံတိုးတိုးဖြင့် ဟိန်းဟောက်လိုက်သည်။

၎င်းသည် ၎င်း၏ ကြီးမားသော နဂါးကိုယ်ထည်ကို မြှင့်တင်လိုက်ပြီး ရုတ်တရက် ခုန်ပေါက်ကာ ၎င်း၏ ကြီးမားသော နဂါးအမြီးကို ဂျိချန်းဖန်ဘက်သို့ ပြင်းထန်စွာ ရိုက်ချလိုက်သည်။

ဤသို့ မြင်သောအခါ

ပတ်ဝန်းကျင်ရှိ လူအုပ်ကြီး အလွန်အမင်း ထိတ်လန့်သွားကြသည်။

သူတို့သည် လျင်မြန်စွာ အရပ်ရပ်သို့ ရှောင်တိမ်းကြသည်။ အဘယ်ကြောင့်ဆိုသော် ထိုသွေးနီရောင်နဂါးသည် အလွန်ကြီးမားလွန်းသည်။ ၎င်း၏ လှုပ်ရှားမှုတိုင်းသည် ပတ်ဝန်းကျင်ရှိ ကောင်းကင်နှင့် မြေကြီးကို သက်ရောက်စေသည်။

သဘာဝဘေးအန္တရာယ်နှင့် လူတို့ဖန်တီးသော ဘေးအန္တရာယ်များသည် အဆင့်နိမ့် ကျင့်ကြံသူများအတွက် ခုခံရန် ခက်ခဲသည်။

ဤအကြောင်းကို စဉ်းစားမိသောအခါ

မထွက်ခွာသေးသော ကျင့်ကြံသူများစွာသည် သူတို့၏ စိတ်နှလုံးများထဲတွင် ကြောက်ရွံ့မှု ခံစားခဲ့ကြရသည်။

သူတို့သည် ရှန်ချင်နယ်ပယ် နဂါးကို အမဲလိုက်ရန် စဉ်းစားခဲ့ဖူးသည်လော။

ရယ်စရာ အလွန်ကောင်းသည်။

ယူကျင်း စတုတ္ထအဆင့် လူတစ်ဦးက ဘဝကိုစွန့်စားခြင်းက ဤအရာက ဘာများ ကွာခြားပါသနည်း။(ဆိုလိုချင်တာက သတ်သေခြင်းနှင့်တူတူပါဟုပြောခြင်းပင်)

ယွီချင် ပထမနှင့် ဒုတိယအဆင့် လွတ်လပ်သော ကျင့်ကြံသူများသည် ရှန်ချင် ကြီးမြတ်သော နတ်ဆိုးကို အမဲလိုက်ရန် ရဲရဲဝံ့ဝံ့ ကြိုးစားခြင်းနှင့် ယွီချင် စတုတ္ထအဆင့် အင်အားကြီးသူတစ်ဦးသည် မသေနိုင်သော ဘဝကို လိုက်စားရန် မတတ်နိုင်ခြင်းတို့သည် ဘာများ ကွာခြားပါသနည်း။