ရှောင်လင်ကို အပြတ်အသတ် အနိုင်ယူခြင်း

လင်ယန်ရွှယ် ပြောပြသော ဓမ္မနှင့် အဓမ္မ တိုက်ပွဲအကြောင်းမှာ တစ်ဖက်သတ်ဆန်လှသည်။

သို့သော် လင်ချွမ်အနေဖြင့် စိတ်ဝင်စားသွားရသည်မှာ လွန်ခဲ့သော အနှစ် ၃၀ က စစ်ပွဲသည်

ရှုရှန်းဂိုဏ်းနှင့် ဆက်နွယ်နေသည်ဟူသော အချက်ပင်ဖြစ်သည်။

"ရှုတောင်လား"

လင်ချွမ် အံ့အားသင့်သွား၏။

သူသည် ဘဝကူးလာသူဖြစ်၍ ရှုရှန်းဂိုဏ်းဆိုသည်မှာ သာမန်သိုင်းလောကထက် မြင့်မားသော ကျင့်ကြံသူများ နေထိုင်ရာ အရပ်ဖြစ်ကြောင်း သိ ပေသည်။

အကယ်၍ ထိုဂိုဏ်းသာ တကယ်ရှိလျှင် သူ၏ ကျင့်ကြံမှုမှာ စတင်ရုံသာ ရှိသေးသည်ဟု ဆိုရမည်။

လင်ယန်ရွှယ်ကလည်း ထိုဂိုဏ်းအကြောင်းမှာ ကောလာဟလသာဖြစ်ပြီး တိုက်ပွဲတွင်မူ သူတို့ကို မတွေ့ခဲ့ရကြောင်း ပြောပြသည်။

သူတို့နှစ်ဦး ရှောက်ရှီးတောင်သို့ ရောက်သောအခါ သဲကန္တာရမှ ပြန်လာသော ကျဲ့ခုန်းနှင့် တပည့်များကို တွေ့လိုက်ရသည်။

ကျဲ့ခုန်းသည် ပြန်ရောက်သည်နှင့် ယဲ့ဝူရှဲ့ကိုသတ်ရန် ပြင်ဆင်တော့မည်ကို လင်ချွမ်တို့ ရိပ်မိသည်။

အချိန်မရှိတော့သဖြင့် သူတို့နှစ်ဦး ရှောင်လင်ကျောင်းအတွင်းသို့ အတင်းတိုးဝင်ရန် ဆုံးဖြတ်လိုက်ကြသည်။

လင်ချွမ်သည် သူ၏အထောက်အထားကို ဖုံးကွယ်ရန် ဟယ်ဟွမ်းဂိုဏ်းသား ဝတ်စုံကို လဲဝတ်လိုက်သည်။

"တက်မယ်"

လင်ချွမ် အမိန့်ပေးလိုက်သည်နှင့် သူတို့နှစ်ဦး တောင်ပေါ်သို့ လျှပ်စီးကဲ့သို့ ပြေးတက်သွားကြသည်။

သူတို့သည် မြေအောက် အကျဉ်းထောင်ဝသို့ ရောက်သောအခါ ရှောင်လင်တပည့်များကို ခဏချင်းပင် မေ့လဲသွားအောင် လုပ်လိုက်၏။

အထဲတွင် ကျဲ့ခုန်းသည် အခြားကျောင်းဆောင်များမှ အကြီးအကဲများနှင့်အတူ ယဲ့ဝူရှဲ့ကို ကွပ်မျက်ရန် အသင့်ဖြစ်နေသည်။

"ဘယ်သူလဲ"

ကျဲ့ခုန်းက လန့်သွားသော်လည်း လင်ချွမ်၏အရှိန်မှာ မြန်လွန်းလှသဖြင့် ရိပ်ခနဲသာ မြင်လိုက်ရခြင်း ဖြစ်သည်။

ကျဲ့ခုန်းသည် သူ၏ အစွမ်းထက်ဆုံး ခံစစ်ဖြစ်သော ‘ရွှေခေါင်းလောင်းတံတိုင်း’ ကို အသုံးပြုကာ ခုခံသော်လည်း၊ လင်ချွမ်၏ လက်ဝါးချက် တစ်ချက်အောက်မှာပင် လွင့်ထွက်သွားတော့သည်။

"ဂိုဏ်းချုပ်"

အကြီးအကဲများမှာ ထိတ်လန့်သွားကြသည်။

အဆင့်မြင့် ရွှေခေါင်းလောင်း တံတိုင်းကိုပင် လွယ်လွယ်နှင့် ချိုးဖျက်နိုင်သော လင်ချွမ်၏အစွမ်းမှာ မယုံနိုင်စရာပင် ဖြစ်သည်။

"ငါရွေးထားတဲ့ ယောက်ျားကတော့ တကယ့်ကို သန်မာတာပဲ"

ဟု လင်ယန်ရွှယ်က သဘောကျနေ၏။

လင်ချွမ်သည် လူသတ်ရန်လာခြင်း မဟုတ်သဖြင့် အကြီးအကဲများကို ဒဏ်ရာအပြင်းအထန် မရအောင် ထိန်းသိမ်းတိုက်ခိုက်ခဲ့ရ ပေသည်။

သို့သော် အကြီးအကဲများက ထပ်မံတားဆီးရန် ကြိုးစားသောအခါ လင်ယန်ရွှယ်က ဝင်ရောက် ရှင်းလင်းပေးလိုက်၏။

သူတို့နှစ်ဦး အကျဉ်းထောင်၏ အနက်ရှိုင်းဆုံးနေရာသို့ ရောက်သွားသောအခါ သံခြေကျင်း၊ သံလက်ထိပ်များစွာဖြင့် ချည်နှောင်ခံထားရသော ယဲ့ဝူရှဲ့ ကို တွေ့လိုက်ရသည်။

ယဲ့ဝူရှဲ့မှာ အရိုးပေါ်အရေတင် ဖြစ်နေပြီး အလွန်ပင် ပင်ပန်းနွမ်းနယ်နေပုံရ၏။

"ဒီကတုံး ဘုန်းကြီးတွေကတော့ အကြီးအကဲယဲ့ကို ဒီလောက်တောင် နှိပ်စက်ထားရသလား"

ဟု လင်ယန်ရွှယ်က ဒေါသတကြီး ပြောလိုက်သည်။

လင်ချွမ်ကမူ သက်ပြင်းတစ်ချက် ချလိုက်မိသည်။

ကျဲ့ခုန်းသည် သဲကန္တာရသို့ မသွားမီကတည်းကပင် ယဲ့ဝူရှဲ့ကိုသတ်ရန် ကြံစည်ထားပုံရ၏။

ယခုအခါ လင်ချွမ်အတွက် "ဓမ္မ" နှင့် "အဓမ္မ" ဆိုသော အဓိပ္ပာယ်မှာ ပို၍ပင် ဝေဝါးသွားစေ တော့သည်။