သွေးကျွန်း

အဆင့်၁အထွတ်အထိပ်အဆင့်အကြိုနတ်ဘုရားတစ်ယောက်အနေနဲ့ မိုးကြိုးနတ်ဘုရားမြောက်လေက သေချာပေါက် ကြွယ်ဝတယ်။ သူ့ရဲ့နေရာလပ်လက်စွပ်ထဲမှာ အဆင့်နိမ့်အကြိုနတ်ဘုရားကျောက်တုံးခုနှစ်သောင်း၊ အလယ်ဆင့်အကြိုနတ်ဘုရားကျောက်တုံးနဲ့အဆင့်မြင့်အကြိုနတ်ဘုရားကျောက်တုံးတွေများစွာရှိတယ်။

ဒါပေမယ့် သူ့ခန္ဓာကိုယ်ပေါ်ရှိအထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းသုံးခုနဲ့ နှိုင်းယှဉ်ရင် ဒီအကြိုနတ်ဘုရား‌ကျောက်တုံးတွေက များတယ်လို့ မဆိုနိုင်ပါဘူး။

ဒါပေမယ့် လီဖူချန်းအတွက် အရေးကြီးဆုံးအရာကတော့ ပျံသန်းလွန်းပြန်ယာဉ်တိုက်ဖွဲဖိနပ်တွေပါပဲ။

ဒုတိယ‌ပျံသန်းလွန်းပြန်ယာဉ်တိုက်ပွဲဖိနပ်ကို သန့်စင်ပြီးနောက် လီဖူချန်းရဲ့နေရာလပ်-အချိန်အကြိုနတ်ဘုရားစွမ်းအားက ပိုသန်မာတယ်။ အရေးကြီးဆုံးကတော့ ပျံသန်းလွန်းပြန်ယာဉ်တိုက်ပွဲဖိနပ်တွေကို အသက်သွင်းတဲ့အခါမှာ ချို့ယွင်းချက်တစ်ခုမှ မရှိတော့တာပဲ။

လီဖူချန်းရဲ့အချိန်နဲ့နေရာလပ်တာအိုက အလုံးစုံတတ်သိနားလည်ခြင်းအဆင့်မှာ ရှိနေပြီဖြစ်တယ်။ ပျံသန်းလွန်းပြန်ယာဉ်တိုက်ပွဲချပ်ဝတ်နဲ့အတူ သူ့ခန္ဓာကိုယ်က အဆမရေမတွက်များစွာ ပိုပေါ့လာသလို့ လီဖူချန်းက ခံစားရတယ်။ သူက အချိန်စီးကြောင်းကို ဘယ်အချိန်မဆို ဝင်ရောက်နိုင်ပြီး အချိန်ကို ဖြတ်ကာ ခရီးနှင်နိုင်တယ်။ နေရာလပ်တည်နေရာရွှေ့ပြောင်းတာကတော့ လီဖူချန်းအတွက် ထမင်းစားရေသောက်ရသလိုပါပဲ။

အခု လီဖူချန်းကို သတ်ဖြတ်ဖို့ဆိုရင် တစ်စုံတစ်ယောက်က နေရာလပ်-အချိန်တာအိုမှာ ကျွမ်းကျင်ရမယ်။ ဥပမာအားဖြင့် တစ်ယောက်ယောက်က အသန်မာဆုံးနေရာလပ်-အချိန်အရှင်နယ်ပယ်ကို ရောက်ရှိခဲ့ရင် သူတို့က လီဖူချန်းကို နေရာလပ်-အချိန်တာအိုမှာ ကျော်ဖြတ်နိုင်လိမ့်မယ်။ ဒါမှမဟုတ် သူတို့က ပိုသန်မာတဲ့နေရာလပ်-အချိန်အကြိုနတ်ဘုရားအသုံးအဆောင်ပစ္စည်းတစ်ခုကို ရရှိခဲ့တာဆိုရင်ပေါ့။

သူတို့က လီဖူချန်းကို နေရာလပ်-အချိန်တာအိုမှာ မကျော်ဖြတ်နိုင်ရင် သူတို့က လီဖူချန်းကို ရိုက်နှက်ဖို့ အကြွင်းမဲ့ခွန်အားကို အသုံးပြုရလိမ့်မယ်။

တာအိုက ဘယ်လိုပဲ အံ့မခန်းစရာကောင်းနေပါစေ၊ ပြိုင်ဘက်ကင်းခွန်အားနဲ့ ရင်ဆိုင်ရတဲ့အခါမှာ ဘာတတ်နိုင်တော့မှာလဲ။

"ချင်းဟူ၊ ငါ့ကို တိုက်ခိုက်စမ်း" လီဖူချန်းက ရန်ချင်းဟူကို ပြောလိုက်တယ်။

"ကောင်းပြီလေ"

ရန်ချင်းဟူက လီဖူချန်းရဲ့ရည်ရွယ်ချက်ကို နားလည်ကာ ခုတ်ပိုင်းချလိုက်တယ်။

ဓားမော့အလင်းက ပျံသန်းလာပေမယ့် လီဖူချန်းကို လုံးဝမထိနိုင်ပါဘူး။

အောင်မြင်ခြင်းရောင်ခြည်စက်ဝန်းကို အသက်သွင်းပြီးနောက် ရန်ချင်းဟူရဲ့ချီစွမ်းပကားက ထိုးတက်လာတယ်။ သူမက အလှဓားမော့ကို ဝှေ့ယမ်းလိုက်ပြီး ဓားမော့စွမ်းပကားက နတ်ဘုရားစစ်မြေပြင်ရဲ့‌နေရာလပ်-အချိန်ကို မွေနှောက်ကာ လီဖူချန်းကို ခုတ်ပိုင်းလိုက်တယ်။

"ထင်ထားသလိုပါပဲလား"

အဲဒါက အလွန်အားနည်းပေမယ့် ရန်ချင်းဟူရဲ့စွမ်းအားက သူ့ကို သက်ရောက်ခဲ့ပါတယ်။

"မဟုတ်ဘူး၊ ငါ မင်းကို မဖမ်းနိုင်ဘူး"

ရန်ချင်းဟူက တိုက်ခိုက်နေရာမှ ရပ်လိုက်တယ်။

လီဖူချန်းက ပြောလိုက်တယ်"မင်း ငါ့ကို မဖမ်းနိုင်ပေမယ့် ငါ့ကို အနည်းငယ်သက်ရောက်ခဲ့တာပဲ။ မင်းက အဆအနည်းငယ်ပိုသန်မာရင် ဘာဖြစ်မလဲဆိုတာ ပြောဖို့ခက်သွားပြီ"

ရန်ချင်းဟူရဲ့ခွန်အားက ဘယ်အဆင့်မှာရှိသလဲကို လီဖူချန်းက မသိဘူး။ သူမက အဆင့်၃ဒါမှမဟုတ်အဆင့်၂ပြိုင်ဘက်ကင်းအကြိုနတ်ဘုရားတစ်ယောက်လား။ သူမက အဆင့်၃ပြိုင်ဘက်ကင်းအကြိုနတ်ဘုရားတစ်ယောက်ဆိုရင် အဆင့်၂ပြိုင်ဘက်ကင်းအကြိုနတ်ဘုရားတစ်ယောက်က လီဖူချန်းကို ခြိမ်းခြောက်နိုင်လိမ့်မယ်။ သူမက အဆင့်၂ပြိုင်ဘက်ကင်းအကြိုနတ်ဘုရားတစ်ယောက်ဆိုရင် အဆင့်၁ပြိုင်ဘက်ကင်းအကြိုနတ်ဘုရားတစ်ယောက်က လီဖူချန်းကို ခြိမ်းခြောက်နိုင်လိမ့်မယ်။

ဒါပေမယ့် ဒါက ခြိမ်းခြောက်မှုတစ်ခုမျှပဲ၊ အဲဒါက လီဖူချန်းကို ဒီနေရာမှာပဲ ထိန်းချုပ်ထားနိုင်သလားကိုတော့ မသိသေးဘူး။

"ငါ အောင်မြင်ခြင်းဝတ်စုံရဲ့စတုတ္ထအပိုင်းကို မရနိုင်ရင် ဒီထက်အဆများစွာပိုသန်မာဖို့က မဖြစ်နိုင်လုနီးပါးပဲ"

ရန်ချင်းဟူက သူမရဲ့ကိုယ်ပိုင်အနေအထားနဲ့ ပတ်သက်ပြီး ရှင်းရှင်းလင်းလင်းသိတယ်။ သူမအခုလိုခွန်အားရရှိနေတာက ပြင်ပအကူအညီကြောင့်ပဲ၊ လီဖူချန်းလို သူ့ကိုယ်သူပဲ အားကိုးခဲ့တာမျိုး မဟုတ်ဘူး။

‌အောင်မြင်ခြင်းဝတ်စုံရဲ့စတုတ္ထအပိုင်းကို မမှီခိုရင် သူမရဲ့ခွန်အားတိုးတက်ဖို့ နည်းလမ်းနှစ်ခုသာ ကျန်ရှိတော့တယ်။ ပထမက သူမရဲ့ဓားမော့တာအိုနဲ့ဓားမော့တာအိုကျင့်ကြံခြင်းနည်းစနစ်နှစ်ခုလုံးကို အလုံးစုံတတ်သိနားလည်ခြင်းအဆင့်သို့ ရောက်ရှိစေဖို့ပဲ။ ဒါပေမယ့် နှစ်ခုလုံးကို အောင်မြင်‌စေဖို့က ခက်ခဲလွန်းတယ်။ သူမက ပလိန်းနှလုံးသားထဲမှာ ကျင့်ကြံခဲ့ရင်တောင် အသုံးဝင်လိမ့်မှာမဟုတ်ဘူး။

တစ်စုံတစ်ယောက်ရဲ့ဓားမော့တာအိုကို အလုံးစုံတတ်သိနားလည်ခြင်းအဆင့်ကို ရောက်ရှိစေဖို့အတွက် အချိန်က ပြဿနာတစ်ခုမဟုတ်ဘူး၊ ပါရမီနဲ့ထိုးထွင်းသိမြင်မှုပါပဲ။

အကြိုနတ်ဘုရားများစွာက နှစ်သန်းရာပေါင်းများစွာဒါမှမဟုတ်ဘဝတစ်သက်လုံး ကျင့်ကြံခဲ့ကြပေမယ့် သူတို့က သူတို့ရဲ့တာအိုမှာ အလုံးစုံတတ်သိနားလည်ခြင်းကို မအောင်မြင်နိုင်သေးပါဘူး။

အထွတ်အထိပ်ဓားမော့တာအိုအကြိုနတ်ဘုရားလက်နက်တစ်ခုရရှိခြင်းအတွက်ကတော့ အရိုးသားဆုံးပြောရရင် ရန်ချင်းဟူရဲ့စွမ်းအားတိုးမြင့်မှုကို ကန့်သတ်ထားတယ်။ အများဆုံး သူမရဲ့စွမ်းအားကို နှစ်ဆဖြစ်စေရုံပါပဲ။ တကယ်တော့ ရန်ချင်းဟူရဲ့သန္ဓေသားအကြိုနတ်ဘုရားအသုံးအဆောင်ပစ္စည်းက အောင်မြင်ခြင်းဝတ်စုံလေ။ အခြားအထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းတွေရရှိခြင်းက အချိုပေါ်သကာလောင်း‌သလိုပါပဲ။ တကယ်တော့ သူမရဲ့အကြိုနတ်ဘုရားစွမ်းအားက အလွန်အားကောင်းနေပြီးသားလေ။ သူမက အောင်မြင်ခြင်းဝတ်စုံရဲ့စတုတ္ထအပိုင်းကို ရရှိနိုင်မယ်ဆိုရင် သူမရဲ့အောင်မြင်ခြင်းအကြိုနတ်ဘုရားစွမ်းအားက ပိုသန်မာလာပါလိမ့်မယ်။ ပြီးရင်တော့ အောင်မြင်ခြင်းဝတ်စုံနဲ့မသက်ဆိုင်တဲ့အထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းတွေက သူမအတွက် အသုံးဝင်မှုပိုနည်းပါးလာလိမ့်မယ်။

ဝူကျောနဲ့မသေမျိုးအရှင်တို့က အနည်းငယ်နောင်တရမိတယ်။ သန္ဓေသားအကြိုနတ်ဘုရားအသုံးအဆောင်ပစ္စည်းကို စောစောစီးစီးရွေးချယ်မိတဲ့အတွက် နောင်တရမိတယ်။ သူတို့က အနည်းငယ်ပိုတောင့်ခံခဲ့ရင် သူတို့ရဲ့သန္ဓေသားအကြိုနတ်ဘုရားအသုံးအဆောင်ပစ္စည်းအနေနဲ့ အထွတ်အထိပ်အဆင့်အကြိုနတ်ဘုရားအသုံးအဆောင်ပစ္စည်းတစ်ခုကို ရွေးချယ်နိုင်ပါလိမ့်မယ်။

သူက လီဖူချန်းနဲ့ မနီးကပ်နိုင်ရင်တောင် မသေမျိုးအရှင်က အဆင်ပြေပါသေးတယ်။ လီဖူချန်းက သူ့ကို နတ်ဘုရားစစ်မြေပြင်ကို ခေါ်သွားဖို့ ဆန္ဒရှိခဲ့တာကတင် သူက အလွန်ကျေးဇူးတင်နေပါပြီ။ ဒါကြောင့် သူ့ရဲ့နောင်တရမှုက တဒင်္ဂပါပဲ။

တကယ်တော့ လီဖူချန်းက ပထမတန်းစားအဆင့်အကြိုနတ်ဘုရားဒါမှမဟုတ်အထွတ်အထိပ်အကြိုနတ်ဘုရားတစ်ယောက်ဆိုတော့ရော ဘာဖြစ်လဲ။ မသေမျိုးအရှင်ရဲ့မွေးရာပါအလားအလာက မဆိုးရုံမျှပါပဲ။ နတ်ဘုရားစစ်မြေပြင်ရဲ့ဆန်းကြယ်မှုကို မြင်တွေ့ခွင့်ရတာကတင် သူက ကျေနပ်နေပါပြီ။

မသေမျိုးအရှင်နဲ့ နှိုင်းယှဉ်ရင် ဝူကျောက အတော်လေးဆန္ဒမရှိဖြစ်တယ်။

သူက ခွန်အားအပေါ် စွဲလမ်းလွန်းတာတော့ မဟုတ်ဘူး၊ သူက လီဖူချန်းကို မကူညီနိုင်တဲ့အတွက်ပါပဲ။

သူ့မှာ အထွတ်အထိပ်အဆင့်အကြိုနတ်ဘုရားတစ်ယောက်ရဲ့ခွန်အားရှိရင် သူက လီဖူချန်းနဲ့ ဘေးချင်းယှဉ်ကာ တိုက်ခိုက်နိုင်လိမ့်မယ်။ ဒါက သူ့ရဲ့တစ်ဘဝစာအိမ်မက်ဖြစ်တယ်။

လီဖူချန်းက ဝူကျောရဲ့အတွေးကို ဘယ်လိုလုပ်ပြီး မမြင်နိုင်ရမှာလဲ။ သူက ဝူကျောရဲ့ပခုံးကို ပုတ်ကာ ပြောလိုက်တယ်"အလျင်လိုစရာမလိုပါဘူး။ ဓားတာအိုကို အလုံးစုံတတ်သိနားလည်ခြင်းအဆင့်သို့ ကျင့်ကြံခြင်းက မှန်ကန်တဲ့လမ်းကြောင်းပဲ"

လီဖူချန်းအတွက် အကြိုနတ်ဘုရားအသုံးအဆောင်ပစ္စည်းတစ်ခုက အပိုစွမ်းအားတစ်ခုမျှပဲ။ အပိုစွမ်းအားက လူတစ်ယောက်ကို တစ်ခဏပဲ တောက်ပစေနိုင်ပေမယ့် တစ်သက်လုံးတော့ မဟုတ်ဘူး။ နတ်ဘုရားတစ်ယောက်ဖြစ်လာဖို့ဆိုရင် တစ်ယောက်ယောက်ရဲ့ကျင့်ကြံခြင်းအဆင့်က လိုအပ်ပါသေးတယ်။

"ဟုတ်ကဲ့၊ ဆရာ"

ဝူကျောက ခေါင်းညိတ်လိုက်တယ်။

ကျန်ရှိနေတဲ့အချိန်အတွင်း ရန်ချင်းဟူက အောင်မြင်ခြင်းဝတ်စုံရဲ့စတုတ္ထအပိုင်းဆင့်‌ခေါ်တာကို အာရုံမခံနိုင်သေးပါဘူး။ လီဖူချန်းလည်းပဲ ကြက်သွေးရောင်မီးလျှံတစ်စုံရဲ့စတုတ္ထအပိုင်းဆင့်ခေါ်တာကို အာရုံမခံနိုင်သေးပါဘူး။

ဒီနေ့မှာ လီဖူချန်းနဲ့ရန်ချင်းဟူတို့က သွေးရောင်ရေကန်တစ်ခုရဲ့အရှေ့ကို ရောက်ရှိလာတယ်။

ဟုတ်ပါတယ်၊ ဒါက သုဿန်တစပြင်ပမာတိတ်ဆိတ်ငြိမ်သက်နေတဲ့သွေးရောင်ရေကန်တစ်ခုပါပဲ။

သွေးရောင်ရေကန်ကို နတ်ဘုရားသွေးတွေ စုစည်းခြင်းဖြင့် ဖြစ်ပေါ်လာတာလို့ ပြောကြတယ်။

ဒါကြောင့် သွေးရောင်ရေကန်ကို နတ်ဘုရားသွေးရေကန်လို့လဲ ခေါ်တယ်။

နတ်ဘုရားသွေးရေကန်ကို မြင်ပြီးနောက် သူတို့က နတ်ဘုရားစစ်မြေပြင်ရဲ့စစ်မှန်တဲ့အနက်ပိုင်းကို ရောက်ရှိလာတာလို့ ဆိုလိုတယ်။

နတ်ဘုရားစစ်မြေပြင်ရဲ့ဗဟိုချက်က သွေးပင်လယ်တစ်ခုလို့ ပြောကြပေမယ့် အကြိုနတ်ဘုရားတစ်ယောက်ကမှ ထိုနေရာကို မရောက်ဖူးသေးပါဘူး။

"ဒါ အမှောင်ကောင်စီရဲ့အစည်းအရုံးခေါင်းဆောင်‌‌ သေခြင်းမဲ့အုပ်ချုပ်သူပဲ"

နတ်ဘုရားသွေးရေကန်ရဲ့ပတ်ဝန်းကျင်တွေကို အကြိုနတ်ဘုရားများစွာက ဝိုင်းရံထားတယ်။ လီဖူချန်းက အမှောင်ကောင်စီမှ အကြိုနတ်ဘုရားသုံးယောက်ကို မြင်လိုက်ရတယ်။

အကြိုနတ်ဘုရားသုံးယောက်က အမှောင်ကောင်စီရဲ့အစည်းအရုံးခေါင်းဆောင်သေခြင်းမဲ့အုပ်ချုပ်သူ၊ ဒုခေါင်းဆောင်နှစ်ယောက်ဖြစ်တဲ့သမင်အင်း‌ဆက်နတ်ဘုရားနဲ့ဝံပုလွေနတ်ဘုရားဘုရင်တို့ပါပဲ။

သေခြင်းမဲ့အုပ်ချုပ်သူက ပြိုင်ဘက်ကင်းအကြိုနတ်ဘုရားတစ်ယောက်ဖြစ်ပြီး သမင်အင်းဆက်နတ်ဘုရားနဲ့ဝံပုလွေနတ်ဘုရားဘုရင်တို့က အထွတ်အထိပ်အဆင့်အကြိုနတ်ဘုရားတွေဖြစ်ကြတယ်။

လက်ရွေးစင်တိုက်ခိုက်ရေးခွန်အားအရ အမှောင်ကောင်စီက ဓားသမားအစည်းအရုံးထက် သေချာပေါက် ပိုသာလွန်တယ်။ အဓိကအကြောင်းကတော့ ပြိုင်ဘက်ကင်းအကြိုနတ်ဘုရားတစ်ယောက်ဖြစ်တဲ့သေခြင်းမဲ့အုပ်ချုပ်သူပါပဲ။

"နတ်ဘုရားသွေးကျွန်းက ထွက်ပေါ်လာပြီ"

သုဿန်တစ်စပြင်ပမာတိတ်ဆိတ်ငြိမ်သက်နေတဲ့နတ်ဘုရားသွေးရေကန်မှာ လှိုင်းတွေ ရုတ်တရက် လိမ့်တက်လာတယ်။

နတ်ဘုရားသွေးရေကန်ရဲ့အလယ်ဗဟိုမှာ ကျွန်းတစ်ကျွန်းရှိတယ်။ ကျွန်းမှာ တောင်ထွတ်တွေရှိပြီး တောင်ထွတ်အနည်းငယ်ကို အကြိုနတ်ဘုရားအသုံးအဆောင်ပစ္စည်းမျိုးစုံနဲ့ ထိုးဖောက်ထားတယ်။

နတ်ဘုရားသွေးကျွန်းက နှစ်တစ်သောင်းပြည့်တိုင်း တစ်ကြိမ် ထွက်ပေါ်လာတယ်။ ၎င်း ထွက်ပေါ်လာတဲ့အခါတိုင်း အကြိုနတ်ဘုရားအသုံးအဆောင်ပစ္စည်းအချို့ကို ယူဆောင်လာတယ်။

‌နတ်ဘုရားသွေးကျွန်း ထွက်ပေါ်လာတော့မယ့်အခိုက်မှာ အကြိုနတ်ဘုရားတွေရဲ့ကြီးမားတဲ့အရေအတွက်တစ်ခုက အနီးဝန်းကျင်မှာ ထွက်ပေါ်လာတယ်။

"စောစောလာတာထက် မှန်ကန်တဲ့အချိန်မှာ ရောက်လာတာ ပိုကောင်းတယ်။ သွားကြစို့"

လီဖူချန်းက သမန်းဝံပုလွေလူဝင်စားကို ထုတ်လိုက်ပြီး သူတို့သုံးယောက်က သွေးကျွန်းဆီ တစ်ဟုန်ထိုးပြေးသွားကြတယ်။