သူတော်စင်ဘုရားကျောင်း

ချွေ့ယွီခန်းမ၏ခေါင်းဆောင် သေဆုံးမှုသည် တစ်ခဏအတွင်း အုတ်အော်သောင်းနင်း ဖြစ်သွားစေခဲ့လေသည်။

မည်သို့ပင်ဖြစ်စေ ချွေ့ယွီခန်းမသည်လည်း အနီးနားတွင် အင်အားကြီးတစ်ခု ဖြစ်ပေသည်။

ဝတ်ရုံနက်အဖွဲ့ကဲ့သို့ပင် သူတို့သည် လူအများ၏ အာရုံစိုက်ခြင်းကို ခံရသူများ ဖြစ်ကြ၏။

ဝတ်ရုံနက်အဖွဲ့သည် မဟာပျက်စီးခြင်းနယ်မြေ တွင် အဆင့်မသတ်မှတ်ရသေးသော အဖွဲ့အစည်းတစ်ခုသာ ဖြစ်သော်လည်း၊ အမှန်တကယ်တွင် ထိုနယ်မြေတစ်ဝိုက်ရှိ အလားတူ အင်အားစုများထဲ၌မူ အလွန်အစွမ်းထက်သော တည်ရှိမှုတစ်ခုဟု ဆိုနိုင်ပေသည်။

ဤသည်မှာ လူပုများထဲမှ အရပ်အရှည်ဆုံးဟု ဆိုရပေလိမ့်မည်။

ထို့ကြောင့် ထိုအချိန်တွင် လူအများအပြားသည် ဝတ်ရုံနက်အဖွဲ့၏အသစ်ခန့်အပ်ခံရသော လျှို့ဝှက်ဆန်းကြယ်သည့် ခေါင်းဆောင်နှင့် ပတ်သက်၍ အမျိုးမျိုး ထင်ကြေးပေးနေကြလေသည်။

တစ်ချိန်တည်းမှာပင် အချို့သောအင်အားစုများမှ ကျွမ်းကျင်သူများသည် ကမ္ဘာပေါ်မှ အငွေ့ပျံသွားသကဲ့သို့ ထူးဆန်းစွာ ပျောက်ကွယ်သွားကြသည်ကိုလည်း လူအများ သတိပြုမိလာကြ၏။

ဤခံစားချက်က လူတို့၏နှလုံးသားကို တုန်လှုပ်စေပြီး ဖော်ပြ၍မရသော ကြောက်ရွံ့မှုကို ဖြစ်ပေါ်စေခဲ့ချေသည်။

နောက်ပိုင်းတွင် တစ်စုံတစ်ယောက်က လျှို့ဝှက်ချက်အချို့ကို ဖွင့်ချလိုက်လေသည်။

ထိုအင်အားစုများမှ ကျွမ်းကျင်သူများသည်...

အားလုံး ဝတ်ရုံနက်အဖွဲ့အစည်းဆီသို့ သွားခဲ့ကြခြင်း ဖြစ်ပေသည်။

သို့သော် ထိုအချိန်မှစ၍ သူတို့တစ်ယောက်မှ ပြန်မလာခဲ့ကြတော့ချေ။

ထင်ကြေးမျိုးစုံသည် မျက်စိတစ်မှိတ်အတွင်း ပျံ့နှံ့သွားတော့သည်။

ဝတ်ရုံနက်အဖွဲ့၏ ခေါင်းဆောင်သစ်သည် အလွန်အမင်း ကြောက်မက်ဖွယ်ကောင်းသော ဖြစ်တည်မှုတစ်ခု ဖြစ်လိမ့်မည်ဟု လူအများက ခန့်မှန်းကြ၏။

အဘယ်ကြောင့်ဆိုသော် အချို့လူများက တိတ်တဆိတ် သတင်းအချက်အလက် စုဆောင်းကာ တွက်ချက်ကြည့်ရာတွင် ယန်နယ်ပယ် ကျွမ်းကျင်သူ (၁၁) ဦးအထိ သေဆုံးသွားကြောင်း သိရှိရသောကြောင့် ပေတည်း။

ယန်နယ်ပယ် ကျွမ်းကျင်သူ ဆယ့်တစ်ဦး။

အကယ်၍ ဤမျှအဆင့်ရှိသော ကျွမ်းကျင်သူ ပမာဏသည် အဖွဲ့အစည်းတစ်ခုတည်းတွင်သာ ရှိနေမည်ဆိုပါက ပထမတန်းစား အင်အားစုများတွင်သာ ထိုကဲ့သို့သော အနေအထားမျိုး ရှိနိုင်ပေလိမ့်မည်။

သို့သော် ပထမတန်းစား အင်အားစုများတွင်မူ ဖန်ဆင်းခြင်းနယ်ပယ် အဆင့်ရှိသော ကြောက်မက်ဖွယ်ကောင်းသည့် ဘိုးဘေးကြီးများ ရှိနေတတ်ကြသည်။

"ဝတ်ရုံနက်အဖွဲ့ကို သွားမရှုပ်တာ အကောင်းဆုံးပဲ"

"ဝတ်ရုံနက်ခေါင်းဆောင်က သိပ်ကို လျှို့ဝှက်လွန်းတယ်။ သူ့ရဲ့အစစ်မှန်မည်သူမည်ဝါဖြစ်ကြောင်း ပေါ်ထွက်လာရင် အကြီးအကျယ် တုန်လှုပ်သွားကြလိမ့်မယ်လို့ ငါခံစားရတယ်။ အကယ်လို့ မဟာပျက်စီးခြင်းနယ်မြေရဲ့အစွန်အဖျားမှာ မငြိမ်မသက်မှုတွေ ဖြစ်လာခဲ့ရင် ဝတ်ရုံနက်ခေါင်းဆောင်က အဲဒီဗဟိုချက်ဖြစ်လာလိမ့်မယ်"

"ဟုတ်တယ်... မကြာသေးခင်က မဟာပျက်စီးခြင်းနယ်မြေက မငြိမ်မသက် ဖြစ်နေတယ်။ လွန်ခဲ့တဲ့ တစ်လောက ဖန်ဆင်းခြင်းနယ်မြေ ဘိုးဘေးတစ်ယောက် သေဆုံးသွားခဲ့လို့ မိုးနဲ့မြေက ဝမ်းနည်းပူဆွေးနေကြတယ်လို့ ငါကြားတယ်။ ငါတို့နဲ့ အဝေးကြီးမှာ ဆိုပေမဲ့ ငါအဲဒါကို ခံစားနေရတုန်းပဲ။ ကြည့်ရတာ စွန့်ပစ်နယ်မြေတစ်ခုက ထွက်လာတဲ့ မွန်းစတားတစ်ကောင်က သတ်လိုက်တာ ဖြစ်ပုံရတယ်။ အဲဒီကောင်ရဲ့ ဓားချက်က ပထမတန်းစား အင်အားစုတွေကိုတောင် နောက်ဆုတ်သွားစေခဲ့ပြီး မြင့်မြတ်မင်းဆက်ရဲ့ အာရုံစိုက်မှုကိုတောင် ရရှိခဲ့တယ်တဲ့လေ"

"ဟူး... သူတော်စင်ဘုရင် အပြောင်းအလဲက မြင့်မြတ်မင်းဆက်အတွင်းမှာ မငြိမ်မသက်မှုတွေ ဖြစ်စေခဲ့တယ်။ အခုလည်း ဖန်ဆင်းခြင်းနယ်မြေ ဘိုးဘေး သေဆုံးသွားပြန်ပြီဆိုတော့ အပြင်ဘက်ဒေသတွေမှာ ပြဿနာတွေ ပေါ်လာပြီပေါ့။ မဟာပျက်စီးခြင်းနယ်မြေက ပိုပြီးတော့ ရှုပ်ထွေးလာတော့မှာပဲ"

တစ်ခဏအတွင်းမှာပင် မရေမတွက်နိုင်သော လူများမှာ မတတ်သာဘဲ သက်ပြင်းချနေကြရကာ အနာဂတ်အတွက် ကြောက်ရွံ့မှုများဖြင့် ပြည့်နှက်နေကြလေသည်။

သို့သော်လည်း ဤနေ့တွင်...

မဖိတ်ခေါ်ဘဲ ရောက်ရှိလာသော ဧည့်သည်တစ်စုသည် မဟာပျက်စီးခြင်းနယ်မြေ၏အပြင်ဘက်သို့ ဆိုက်ရောက်လာကြသည်။

ဤလူများသည် အင်အားစုတစ်ခုကို တွေ့လျှင် ထိုနေရာသို့ လမ်းလျှောက်ဝင်သွားကြသည်။

စုံစမ်းစစ်ဆေးမှုများ ပြုလုပ်ပြီးနောက် ထိုအင်အားစု၏အင်အားမှာ လက်ခံနိုင်လောက်သော အခြေအနေတွင် ရှိပါက သူတို့သည် သူတော်စင်ဘုရားကျောင်းသို့ ဝင်ရောက်ရန် ဆန္ဒရှိ၊ မရှိ မေးမြန်းကြလေသည်။

သူတော်စင်ဘုရားကျောင်း

တစ်ခဏအတွင်း အင်အားစုများစွာမှ ခေါင်းဆောင်များသည် ထူးဆန်းသော ခံစားချက်တစ်ခုကို ရရှိလိုက်ကြသည်။

ဤ သူတော်စင်ဘုရားကျောင်း ဆိုသည်မှာ မည်သို့သော အင်အားစုမျိုးဖြစ်သနည်း။

အင်အားစုတစ်ခုက တိုက်ရိုက်လာရောက်ကာ သူတို့အဖွဲ့ထဲ ဝင်မလားဟု မေးမြန်းသည်ကို သူတို့ တစ်ခါမှ မကြုံဖူးကြချေ။

မည်သို့ပင်ပြောစေ ပုံမှန်အားဖြင့်ဆိုလျှင် သူတို့သည် ဦးစွာ ခွဲထုတ်လိုက်ပြီးမှ ပူးပေါင်းရန် ဆန္ဒရှိ၊ မရှိ မေးမြန်းလေ့ ရှိကြသည် မဟုတ်ပါလော။

ဤသူတော်စင်ဘုရားကျောင်းသည် မိုင်ပေါင်းသောင်းချီသော နယ်မြေကို ဝါးမြိုနိုင်လောက်သည့် ကြီးမားသော ခွန်အားမျိုး ရှိပုံရချေသည်။

သို့သော်လည်း...

ဤတိုတောင်းသော အချိန်ကာလအတွင်းမှာပင် သူတော်စင်ဘုရားကျောင်းနှင့် ပတ်သက်သည့် ကောလာဟလ အမျိုးမျိုးမှာ ပျံ့နှံ့နေပြီ ဖြစ်သည်။

"သူတော်စင်ဘုရားကျောင်းမှာ ကြီးမြတ်တဲ့ သူတော်စင်နတ်ဘုရား ဆယ်ပါး ရှိတယ်၊ သူတို့အားလုံးက ထိပ်တန်း စွမ်းအားရှင်တွေချည်းပဲ"

"ငါကြားတာတော့ သူတော်စင်နတ်ဘုရားတိုင်းက ဖန်ဆင်းခြင်းနယ်ပယ်ရဲ့ဘိုးဘေးတွေတဲ့။ ဒီသူတော်စင်ဘုရားကျောင်းရဲ့ အင်အားက ခန့်မှန်းလို့မရနိုင်ဘူး။ ငါခံစားမိသလောက်တော့ သူတို့က မြင့်မြတ်မင်းဆက်ကို တိုက်ခိုက်ဖို့ တည်ထောင်ထားပုံပဲ။ ဘာလို့လဲဆိုတော့ မြင့်မြတ်မင်းဆက်ရဲ့ အရှင်သခင်က သူတော်စင်ဘုရင်ဖြစ်နေချိန်မှာ သူတို့က သူတို့ကိုယ်သူတို့ သူတော်စင်နတ်ဘုရား လို့ ခေါ်ဝေါ်နေကြတာက သူတို့ရဲ့ ရည်ရွယ်ချက်ကို ရှင်းလင်းစေတယ်..."

တစ်ခဏအတွင်းမှာပင် လူအများအပြားမှာ ထင်ကြေးပေးနေကြရသည်။

ဤသူတော်စင်ဘုရားကျောင်း၏လုပ်ဆောင်ချက်များသည် အလွန်ထူးဆန်းပြီး ရည်မှန်းချက် ကြီးမားပုံရ၏။

သူတို့သည် မဟာပျက်စီးခြင်းနယ်မြေ၏ အစွန်အဖျားရှိ အင်အားစုအားလုံးကို အုပ်ချုပ်ကာ မြင့်မြတ်မင်းဆက်၏အပြင်ဘက်ဒေသကို စုစည်းပြီးနောက် မင်းဆက်၏အုပ်ချုပ်မှုကို ဖြိုဖျက်ရန် ရည်ရွယ်နေပုံ ရပေသည်။

"သူတော်စင်ဘုရားကျောင်းဆိုတာ နာမည်ကတော့ ကြောက်စရာကြီးပဲ၊ ဒါပေမဲ့ အခုထိတော့ ထူးထူးခြားခြား ဘာမှမပြသေးဘူး။ ဒါကြောင့် ငါ့ခံစားချက်အရတော့ ဒီအဖွဲ့က အပေါ်ယံပဲ ဟိတ်ကြီးဟန်ကြီး လုပ်နေတာ ဖြစ်ဖို့ များတယ်"

အချို့လူများက ထိုသို့ ပြောဆိုနေကြ၏။ မည်သို့ပက်ပြောစေ ယေဘုယျအားဖြင့်ဆိုလျှင် သူတို့ တကယ် အုပ်ချုပ်လိုပါက ဤကဲ့သို့သော အဆင့်မသတ်မှတ်ရသေးသည့် အင်အားစုလေးများကို လိုက်ကြည့်နေမည် မဟုတ်ပေ။

ဤအင်အားစုလေးများသည် အားနည်းပြီး အရေအတွက် အလွန်များပြားလွန်းသဖြင့် စီမံခန့်ခွဲရန် လွယ်ကူမည် မဟုတ်သောကြောင့် ပေတည်း။

ထို့ပြင် သူတော်စင်နတ်ဘုရားဆိုသူများက တကယ်ပဲ ထိုမျှ အစွမ်းထက်ပါ့မည်လော။

ဆယ်ပါးသော သူတော်စင်နတ်ဘုရားအားလုံးက ဖန်ဆင်းခြင်းနယ်ပယ် ဘိုးဘေးများလော။

သို့သော်လည်း ဤနေ့တွင်...

ပထမဆုံးအကြိမ်အဖြစ်၊ လျှို့ဝှက်ဆန်းကြယ်လှသော သူတော်စင်ဘုရားကျောင်းသည် သူတို့၏ အင်အားကို အသုံးပြု၍ သူတော်စင်နတ်ဘုရား ဆယ်ပါး၏ဂုဏ်သိက္ခာကို ကျူးကျော်၍မရကြောင်း ဤလူအုပ်ကြီးအား သက်သေပြလိုက်လေသည်။

ကြောက်မက်ဖွယ်ကောင်းသော ကျွမ်းကျင်သူတစ်ဦးသည် ကောင်းကင်တစ်ခုလုံးကို ဖုံးလွှမ်းလျက် ပေါ်ထွက်လာသည်။

သူ၏ခန့်ညားထည်ဝါသော ခန္ဓာကိုယ်ကြီးမှာ ကမ္ဘာပေါ်တွင် အကြောက်ရွံ့ရဆုံး ဖြစ်တည်မှုကြီးသဖွယ် ရှိနေ၏။

သူ၏မျက်ဝန်းများမှ စကြဝဠာတစ်ခုလုံးကို လင်းထိန်သွားစေသော ကြောက်မက်ဖွယ် အလင်းတန်းများ ဖြာထွက်နေပြီး ကြယ်များ၊ နေနှင့် လတို့သည် သူ့ကို ဝန်းရံလျက် လှည့်ပတ်နေကြသည်။

သူ၏မျက်လုံးများမှ အလင်းတန်းများမှာ ဟင်းလင်းပြင်ကြီးကို စုတ်ဖြဲပစ်နိုင်လောက်သည့်အလား တောက်ပနေချေသည်။

သူ၏ကြီးမားသော မျက်လုံးများထဲတွင် လျှပ်စီးကြောင်းများ ပြည့်နှက်နေ၏။

သူသည် လေနှင့် မိုးကိုပင် ဆင့်ခေါ်နိုင်စွမ်း ရှိပေသည်။

ဖန်ဆင်းခြင်းနယ်ပယ်

ဘုန်း

သူ၏လက်သီးတစ်ချက်သည် မြေပြင်တစ်ခုလုံးကို ပြိုကျသွားစေခဲ့သည်။

ပြင်ပအင်အားစုတစ်ခုက သူတော်စင်ဘုရားကျောင်းကို ဒေါသထွက်အောင် ပြုလုပ်ခဲ့ပုံရပြီး၊ ဘုရားကျောင်းက ဖန်ဆင်းခြင်းနယ်ပယ် ဘိုးဘေးတစ်ဦးကို တိုက်ရိုက် စေလွှတ်လိုက်ခြင်းပင် ဖြစ်သည်။

ဤအရာက အလွန်အမင်း လွန်ကဲလွန်းလှပေသည်။

တစ်ခဏအတွင်း လူတိုင်း ထိတ်လန့်တုန်လှုပ်သွားကြရ၏။

လွန်စွာတုန်လှုပ်အံ့သြဖွယ် ကောင်းလှသည်။

ဤအရာက တကယ်ပင် သူတော်စင်ဘုရားကျောင်းလော။

တကယ်ကို အစွမ်းထက်လှပါလား

နောက်ပိုင်းတွင် ထိုဖန်ဆင်းခြင်းနယ်ပယ် ကျွမ်းကျင်သူမှာ ဒသမမြောက် သူတော်စင်နတ်ဘုရား ဖြစ်ကြောင်း လူအများ သိရှိသွားကြလေသည်။

ဤဘုရားကျောင်းမှာ တကယ်ပဲ ဖန်ဆင်းခြင်း ဆယ်ပါး ရှိနေသည်လော။

ပြင်ပအင်အားစုမည်မျှထိ ဤဘုရားကျောင်းအောက်တွင် ပူးပေါင်းထားကြသနည်း။

ထို့အတူ ဘယ်သူက ဤမျှ ကြောက်စရာကောင်းသော စွမ်းရည်မျိုး ရှိနေသနည်း။

ထိုပထမတန်းစား အင်အားစုများသည် မြင့်မြတ်မင်းဆက်သို့ ဝင်ရောက်ရန်ပင် ငြင်းပယ်ထားကြသူများ ဖြစ်သည်။

သူတို့သည် ပြင်ပတွင် ကိုယ်ပိုင်အင်အားစုများကိုသာ တည်ဆောက်လိုကြသူများ ဖြစ်သော်လည်း ယခုအခါ အခြားတစ်စုံတစ်ယောက်ထံ အညံ့ခံရန် ဆန္ဒရှိနေကြသည်။

သူတော်စင်ဘုရားကျောင်းသည် တစ်ခဏအတွင်း လူအများအကြား ရေပန်းစားလာတော့သည်။

အပြင်ဘက်ဒေသတွင်...

ဘုရားကျောင်း၏အဖွဲ့ဝင်များသည်လည်း အဆက်မပြတ် ဝင်ရောက်လာနေကြသည်။

သူတို့သည် အဖွဲ့အစည်းကြီး အမျိုးမျိုးနှင့် အဆက်မပြတ် ဆက်သွယ်နေကြ၏။

"ဒီအစွန်အဖျားက တတိယတန်းစား အင်အားစုတွေထဲမှာ ဘယ်အဖွဲ့တွေက ထင်ရှားလဲ။ ငါမှတ်မိသလောက်တော့ ချွေ့ယွီခန်းမ ဆိုတာ ရှိတယ်... တစ်ယောက်ယောက် ပြောတာ ငါကြားဖူးသလိုပဲ"

သူတော်စင်ဘုရားကျောင်းမှ ကျွမ်းကျင်သူအချို့က မေးမြန်းလိုက်သည်။

ထိုအချိန်တွင် အစွန်အဖျား အင်အားစုများမှ ကျွမ်းကျင်သူများသည် အလွန်ရိုသေစွာဖြင့် သူတို့ရှေ့မှ လူကို မပြစ်မှားရဲကြချေ။

"ချွေ့ယွီခန်းမက... ပျက်စီးသွားပါပြီ..."

"လောလောဆယ် အကျော်ကြားဆုံးကတော့ ဝတ်ရုံနက်အဖွဲ့အစည်းပါပဲ။ သူတို့မှာ အရမ်းကြောက်စရာကောင်းပြီး လျှို့ဝှက်ဆန်းကြယ်တဲ့ ခေါင်းဆောင်သစ်တစ်ယောက် ရှိနေတယ်။ သူက အင်အားစုအမျိုးမျိုးက ကျွမ်းကျင်သူတွေကို သတ်ပစ်ပြီး ဝတ်ရုံနက်အဖွဲ့ကို ပြန်လည်ဖွဲ့စည်းလိုက်တယ်လို့ ကောလာဟလတွေ ထွက်နေပါတယ်"

"ဘာ" သူတော်စင်ဘုရားကျောင်းမှ ကျွမ်းကျင်သူမှာ မှင်သက်သွားလေသည်။

ချွေ့ယွီခန်းမက ပျက်စီးသွားပြီလော။

ထို့အတူ ဝတ်ရုံနက်အဖွဲ့အကြောင်းကိုလည်း သူတို့ ကြားဖူးသည်။

လျှို့ဝှက်ဆန်းကြယ်လှသော ဝတ်ရုံနက်သခင်။

တစ်ခဏအတွင်းမှာပင် သူတော်စင်ဘုရားကျောင်းမှ အဖွဲ့ဝင်အားလုံးသည် ဤလျှို့ဝှက်ဆန်းကြယ်သူအပေါ် စိတ်ဝင်တစား ရှိသွားကြလေသည်။

သူတို့ ဝတ်ရုံနက်အဖွဲ့ဆီသို့ သွားရန် ဆုံးဖြတ်လိုက်ကြ၏။

"ချက်အင်အောင်မြင်ပါသည် -"

ရှန်းချန်ကောသည် တစ်နေ့တာ ချက်အင်ကို အပြီးသတ်လိုက်ရာ သူ၏တစ်ကိုယ်လုံးမှာ လျှို့ဝှက်ဆန်းကြယ်သော အရှိန်အဝါများဖြင့် ဖုံးလွှမ်းသွားသည်။

နောက်ထပ် နှစ်ပေါင်း ၂၀၀၀ စာ ကျင့်ကြံခြင်းစွမ်းအင်ကြောင့် သူသည် ယန်နယ်မြေ၏ အလယ်အလတ်အဆင့် သို့ ရောက်ရှိသွားခဲ့ပြီ ဖြစ်သည်။

သူ၏အင်အားမှာ ပို၍ ပို၍ ခန့်မှန်းရခက်ခဲလာတော့သည်။

ဘေးပတ်ဝန်းကျင်ရှိ ဝတ်ရုံနက် ကျွမ်းကျင်သူများမှာမူ သူ့ကို လုံးဝ ထိုးဖောက်မြင်နိုင်စွမ်း မရှိကြတော့ချေ။