အခန်း (၁၂၄၆-၁၂၄၈)

အခန်း (၁၂၄၆ )

အပြီးတိုင် ဖြတ်တောက်ပေးမယ်

လမ်းပိတ်ရပ်တန့်နေသော လုချန်းကို မြင်လိုက်ရသည့်အခါ လျှိုချင်းယွမ်၏ မျက်နှာ ပို၍ အေးစက်သွားပြီး သူမ၏ မျက်ဝန်းအိမ်ထဲတွင် လူသတ်လိုသော အငွေ့အသက်များ တစ်ဖန် ဖြတ်သန်းသွားလေသည်။

သူမ၏ ကိုယ်ပွားကို ညစ်ညမ်းစေခဲ့သော ဤလူယုတ်မာကို လွှတ်ပေးရန် ရည်ရွယ်ထားသော်လည်း ဤလူက သူမ၏ လမ်းခရီးကို ပိတ်ဆို့ရဲနေသည်။

ထို့နောက် လျှိုချင်းယွမ်က

“ရှင်က ရှန်ဝူဧကရာဇ်ရဲ့ သားဖြစ်နေရုံနဲ့ ရှင့်ကို ကျွန်မ မသတ်ရဲဘူးလို့ ထင်နေတာလား။”

သူမ၏ ကိုယ်ပွားကို ဤလူက စော်ကားခဲ့သဖြင့် သူမ၏ စိတ်ထဲတွင် ပြင်းထန်သော ဒေါသမီးများ ကိန်းအောင်းနေခဲ့သည်။ ဒါတောင် ဤအရူးက သူမ၏ လမ်းကို မဆင်မခြင် ပိတ်ဆို့ရဲနေပြန်သည်။

ယခုအချိန်တွင် သူမ ရှန်ဝူဧကရာဇ်ကို မထိပါးလိုပေ။ သို့သော် ရှန်ဝူဧကရာဇ်တွင် သားတော်များစွာ ရှိသည်။ အကယ်၍ သူ့သားတစ်ယောက်ကို သတ်လိုက်လျှင်ပင် ကလေးတစ်ယောက်အတွက်နှင့် ယန်ယန်နန်းတော်ကို ရှန်ဝူဧကရာဇ် ရန်လုပ်မည် မဟုတ်ပေ။

လျှိုချင်းယွမ် စကားပြောပြီးသည်နှင့် သူမ၏ ခန္ဓာကိုယ်မှ ထွက်ပေါ်နေသော သူတော်စင်အဆင့် ဖိအားသည် တစ်ဖန် ပြင်းထန်လာကာ သူမ၏ နောက်ကျောဘက်တွင် အစိမ်းရောင် အလင်းတန်းများ ထုတ်လွှတ်နေသော သစ်ပင်ကြီးတစ်ပင် ပေါ်ပေါက်လာ၏။ ဤတစ်ကြိမ်တွင် ၎င်း၏ ဖိအားက ယခင်တစ်‌ခေါက်ကထက်ပင် ပို ပြင်းထန်၏။

လျှိုချင်းယွမ်က တိုက်ခိုက်ရန် ပြင်ဆင်နေသည်ကို မြင်သောအခါ လုချန်းလည်း တွေဝေမနေချေ။ သူ၏ ဒဏ်ရာများကို ကုသရန် ထာဝရစိမ်းလန်း အသက်ရှည်ကျင့်စဉ်ကို ချက်ချင်း အသုံးပြုလိုက်သည်။ ဒဏ်ရာများ ပျောက်ကင်းသွားသည်နှင့် သူတော်စင်အဆင့် စွမ်းအားကို ချက်ချင်း ထုတ်ဖော်လိုက်သည်။ သူတို့၏ ဖိအားများသည် ဟင်းလင်းပြင်တစ်ခုလုံးကို လွှမ်းမိုးထားပြီး ဟင်းလင်းပြင်ကို နှစ်ပိုင်း ကွဲသွားစေသကဲ့သို့ ဖြစ်နေသည်။

လျှိုချင်းယွမ်က တိုက်ခိုက်တော့မည့်အချိန်တွင် ဘေးနားရှိ လျှိုချင်းချို ရုတ်တရက် မျက်လုံးဖွင့်လာပြီး သတိပြန်ဝင်လာသည်။ လျှိုချင်းယွမ် တိုက်ခိုက်တော့မည်ကို မြင်လျှင် လျှိုချင်းချိုက ချက်ချင်း ပြောလိုက်သည်။

“ကျွန်မ ရှင်နဲ့အတူ ပြန်လိုက်ပါ့မယ်။ သူ့ကို မထိခိုက်ပါနဲ့”

လျှိုချင်းချို၏ စကားကို ကြားလျှင် လျှိုချင်းယွမ် ထုတ်လွှတ်လိုက်သော ဖိအားက ပိုမို ကြောက်မက်ဖွယ် ကောင်းလာပြီး နိယာမ စွမ်းအားများ သူမ၏ ခန္ဓာကိုယ်မှ အလုံးအရင်းနှင့် ထွက်‌ပေါ်လာသည်။

သူမသည် ခေါင်းကို အနည်းငယ် လှည့်ကာ လျှိုချင်းချိုကို စူးစိုက်ကြည့်ပြီး ပြောလိုက်သည်။

“နဂါးဖီးနစ်လက်ဖက်ရည်ရဲ့ ပြဿနာကို နင် သိထားပြီးသားလေ။ သူ့အပေါ်ထားတဲ့ နင့်ရဲ့ ခံစားချက်တွေက အစစ်အမှန် မဟုတ်တာတောင် သူ့အတွက် တောင်းပန်ပေးနေတုန်းလား။”

လျှိုချင်းချို၏ မှတ်ဉာဏ်များကို လျှိုချင်းယွမ်က ဖတ်ရှုပြီးဖြစ်သဖြင့် နဂါးဖီးနစ်လက်ဖက်ရည်၏ ပြဿနာကို အစောကတည်းက သူမ သိနေသည်။ နဂါးဖီးနစ်လက်ဖက်ရည်ကို သောက်သုံးမိသော မည်သည့် အမျိုးသမီးမဆို ရမ္မက်ကြီးသော လုချန်းအပေါ် တပ်မက်မှု ဖြစ်ပေါ်လာမည် ဖြစ်သည်။

ထိုအထဲတွင် လျှိုချင်းချိုလည်း အပါအဝင် ဖြစ်သည်။ ယုတ္တိဗေဒအရဆိုလျှင် နဂါးဖီးနစ်လက်ဖက်ရည်၏ အာနိသင်ကို သိထားသည့်အတွက် မိမိကိုယ်ကို နှိမ့်ချနေမည့်အစား ထိုလွှမ်းမိုးမှုနှင့် လုချန်း၏ ထိန်းချုပ်မှုအောက်မှ လွတ်မြောက်ရန် ကြိုးစားသင့်ပေသည်။

သို့သော် လျှိုချင်းချိုက ထိန်းချုပ်မှုအောက်မှ လွတ်မြောက်ရန် မကြိုးစားပဲ မိမိကိုယ်ကို လိုလိုလားလား နှိမ့်ချခဲ့ကာ သူမ၏ လုချန်းအပေါ် ထားရှိသော ခံစားချက်များကို အစစ်အမှန်ဟု ယုံကြည်နေပြီး နဂါးဖီးနစ်လက်ဖက်ရည် သောက်သုံးခြင်းကိုလည်း မရပ်တန့်ခဲ့ချေ။

သူမသည် လုချန်း စိတ်ကျေနပ်စေရန်အတွက်လည်း နည်းလမ်းပေါင်းစုံဖြင့် ပြုစုခဲ့ပြီး လုချန်း၏ မရိုးသားသော ဉာဏ်ဆင်မှုများကိုပင် ခွင့်ပြုခဲ့သည်။

ထိုအရာများကို တွေးမိသောအခါ လျှိုချင်းယွမ်က ပိုမကျေမနပ်ဖြစ်ရုံသာမက စိတ်ပါပျက်သွားသည်။ လျှိုချင်းချိုသည် သူမ၏ နတ်ဝိညာဉ် အစိတ်အပိုင်းတစ်ခုမှ ခွဲထွက်လာသော ကိုယ်ပွားတစ်ခု ဖြစ်ပါလျက် ဤကဲ့သို့ မည်သို့ မိမိကိုယ်ကို နှိမ့်ချနိုင်ရသနည်း။

ထိုအရာက နားလည်နိုင်ရန် ခက်ခဲလှသည်။ အတိတ်ဘဝတွင် သူမသည် စိတ်ဓာတ်ကြံ့ခိုင်သော ဧကရီတစ်ပါး ဖြစ်ခဲ့သည်။ အစပိုင်းတွင် နဂါးဖီးနစ်လက်ဖက်ရည်၏ လွှမ်းမိုးမှုကို ခံခဲ့ရလျှင်ပင် ၎င်း၏ အာနိသင်ကို ရိပ်မိသည်နှင့် လုချန်း၏ ချည်နှောင်မှုမှ လွတ်မြောက်ရန် လျှိုချင်းချို ကြိုးစားသင့်ပေသည်။

သူမတို့ကြားရှိ စိတ်အာရုံ ချိတ်ဆက်မှုသာ မရှိလျှင် ဤကိုယ်ပွားကို အတုလားဟုပင် သူမ သံသယဝင်မိပေလိမ့်မည်။

လျှိုချင်းယွမ်၏ ပြစ်တင်ဝေဖန်သံကို ကြားလျှင် လျှိုချင်းချို၏ စိတ်ထဲရှုပ်ထွေးသော ခံစားချက်များ ဖြစ်ပေါ်လာသည်။ နဂါးဖီးနစ်လက်ဖက်ရည်၏ ပြဿနာကို ဟိုးအရင်ကတည်းက သူမ ခန့်မှန်းမိသော်လည်း လုချန်းအပေါ်ထားရှိသော ခံစားချက်များကို မဖျောက်ဖျက်နိုင်ခဲ့ပေ။

သူမ လုချန်းကို စွဲလမ်းနေပြီဖြစ်သည်။ ယခုနောက်ပိုင်းတွင် သူ၏ နည်းလမ်းများကို သူမ သိပ်ဂရုမစိုက်တော့ပေ။ သူမအတွက် တကယ် အရေးကြီးသည်က သူ့အပေါ်ထားရှိသော ခံစားချက်များသာ ဖြစ်သည်။

လုချန်းက သူမကို ဖက်ထားရုံဖြင့် သူမ အတွက် ကြီးစွာသောနွေးထွေးမှုကို ခံစားရသည်။ အစပိုင်းတွင် သူမကို ရယူရန် လုချန်းက လှည့်ကွက်အချို့ သုံးခဲ့သော်လည်း အခုတော့ လုချန်းနှင့် အတူရှိနေနိုင်သမျှ ကာလပတ်လုံး သူမကို ဖမ်းစားရန် သူသုံးခဲ့သည့် မည်သည့် ဉာဏ်ဆင်မှုကိုမဆို သူမ ဂရုမစိုက် တော့ပေ။

လျှိုချင်းချို တိတ်ဆိတ်နေသည်ကို မြင်သောအခါ လျှိုချင်းယွမ်က ဆက်ပြောလိုက်သည်။

“နင် လက်မလွှတ်နိုင်မှတော့ အဲဒီအတွေးတွေကို အပြီးတိုင် ဖြတ်တောက်နိုင်အောင် ငါ ကူညီပေးမယ်။”

လျှိုချင်းချိုသည် လုချန်းနှင့် ချိတ်ဆက်ထားသော အိမ်ထောင်ရေး ကံကြမ္မာ ကြိုးများဖြင့် ရစ်ပတ်ခံထားရပြီး လုချန်း သေဆုံးခြင်း သို့မဟုတ် ပင်မခန္ဓာဖြစ်သော သူမကိုယ်တိုင် ဧကရာဇ်အဖြစ် ရောက်ရှိပြီး ထိုကြိုးများကို ကိုယ်တိုင် ဖြတ်တောက်ခြင်း မပြုသရွေ့ အခြားနည်းလမ်းဖြင့် ဖြတ်တောက်နိုင်မည် မဟုတ်‌ပေ။ ထို့ကြောင့် လျှိုချင်းချိုအနေနှင့် ဤဆက်ဆံရေးကို လောလောဆယ် လက်မလွှတ်နိုင်ကြောင်း လျှိုချင်းယွမ် သဘောပေါက်လိုက်သည်။

ထိုအရာကို ကြားလျှင် လျှိုချင်းချို၏ စိတ်ထဲ ချက်ချင်း ရှုပ်ထွေးသွားသည်။ သူမသည် လျိုချင်းယွမ်၏ ထိန်းချုပ်ခြင်းခံထားရသော်လည်း လုချန်းနှင့် လျှိုချင်းယွမ်တို့ အပြန်အလှန် တိုက်ခိုက်နေကြသည်ကို သူမ မြင်တွေ့ခဲ့ရသည်။

လုချန်း ထိခိုက်မှု ရှိပုံမရသော်လည်း သူ အရေးနိမ့်နေကြောင်း ထင်ရှား၏။ အရေးအကြီးဆုံးမှာ လျှိုချင်းယွမ်က ပိုအားကောင်းသော တိုက်ကွက်များကို မသုံးရသေးကြောင်း သူမ ကောင်းစွာ သိထားခြင်းဖြစ်သည်။ သူမ၏ အတိတ်ဘဝမှ နတ်ဝိညာဉ်စွမ်းအားကို လျှိုချင်းယွမ် အသုံးပြုလိုက်သည်နှင့် လုချန်း ယှဉ်ပြိုင်နိုင်ဖွယ် မရှိချေ။

သို့သော် သူမသည် ကိုယ်ပွားတစ်ခုသာ ဖြစ်ပြီး လျှိုချင်းယွမ်၏ အတွေးများကို ပြောင်းလဲရန် လက်ရှိတွင် မစွမ်းသာပေ။ ထို့ပြင် သူမ၏ ခန္ဓာကိုယ်ကို ပင်မခန္ဓာက ထိန်းချုပ်ထားဆဲဖြစ်သည်။

သူမ ဘာလုပ်သင့်သနည်း။

လျှိုချင်းယွမ်က ထပ်မံ တိုက်ခိုက်ရန် ပြင်နေသည်ကို မြင်သောအခါ လုချန်း၏ မျက်နှာ ပို၍ တည်ငြိမ်လေးနက်လာသည်။

ထိုအချိန်တွင် လျှိုချင်းယွမ်၏ နိယာမရုပ်သွင်သည် မရေမတွက်နိုင်သော သစ်ရွက်များကို ထပ်မံ ထုတ်လွှတ်လိုက်သော်လည်း ၎င်းတို့သည် ဓားများအဖြစ် မပြောင်းလဲပဲ ဟင်းလင်းပြင်ရှိ နေရာအနှံ့သို့ တိုက်ရိုက် ပျံသန်းသွားကြသည်။

သစ်ရွက်များ သူ့ထံ တိုက်ရိုက် ရောက်မလာသည်ကို မြင်သောအခါ သူမ နည်းဗျူဟာ ပုံစံတစ်ခု တည်ဆောက်နေခြင်း ဖြစ်နိုင်ကြောင်း လုချန်း ချက်ချင်း သဘောပေါက်လိုက်သည်။

နည်းဗျူဟာ ပုံစံများကို တွေးမိသောအခါ လုချန်း၏ စိတ်ထဲတွင် အတွေးတစ်ချက် လက်ခနဲ ပေါ်လာသည်။ ခုနက အပြန်အလှန် တိုက်ခိုက်မှုအရ လျှိုချင်းယွမ်ကို ဖိနှိပ်ရန် အတော်လေး ခက်ခဲပုံရသည်။ လျှိုချင်းယွမ်၏ ကျင့်စဉ်အဆင့်က သူ့ထက် နိမ့်မှသာ သူမကို ဖိနှိပ်နိုင်လိမ့်မည်။

နောက်တစ်ခဏတွင် လုချန်းထံမှ အအေးဓာတ်တစ်ခု ထွက်ပေါ်လာပြီး ထိုအအေးဓာတ်သည် ပတ်ဝန်းကျင်ရှိ ဟင်းလင်းပြင်ကို အေးခဲသွားစေပုံရကာ လျှိုချင်းယွမ်၏ နန်းတော်နှင့် မလှမ်းမကမ်းတွင် သူ ရုတ်တရက် ပေါ်ထွက်လာသည်။

လျှိုချင်းယွမ်က မျက်မှောင်အနည်းငယ် ကြုတ်လိုက်ပြီး တိုက်ခိုက်ရန် သူမ၏ လက်ကို မြှောက်လိုက်ချိန်တွင် လုချန်းက ရုတ်တရက် အော်ဟစ်လိုက်သည်။

“နှင်းပွင့်နည်းဗျူဟာ ပုံစံ”

ခဏတာအတွင်းမှာပင် အေးစက်သော နှင်းပွင့် နည်းဗျူဟာ ပုံစံအဝိုင်းတစ်ခုက လျှိုချင်းယွမ်၏ နန်းတော်အောက်တွင် ပေါ်လာ၏။ ချက်ချင်းဆိုသလိုပင် သူမ၏ စိတ်ဝိညာဉ် စွမ်းအားများ ကန့်သတ်ခံနေရကြောင်း လျှိုချင်းယွမ် ရှင်းလင်းစွာ ခံစားလိုက်ရသည်။

“ဒါက ကောင်းကင်အဆင့် နည်းဗျူဟာပဲ...”

လျှိုချင်းယွမ် ရေရွတ်လိုက်သည်။

လုချန်း ကောင်းကင်အဆင့် နည်းဗျူဟာကို တည်ဆောက်နိုင်တာကို လျှိုချင်းယွမ် မအံ့သြသော်လည်း ဤမျှ လျင်မြန်စွာ တည်ဆောက်နိုင်ခြင်း၊ အထူးသဖြင့် ထိုနည်းဗျူဟာပုံစံသည် ပြိုင်ဘက်၏ ကျင့်စဉ်အဆင့်ကို ဖိနှိပ်နိုင်သော နည်းဗျူဟာဖြစ်နေခြင်းတို့အပေါ် တွင်တော့ သူမ အံ့အားသင့်မိသည်။

ပုံမှန်အားဖြင့် ထိုကဲ့သို့ ဖိနှိပ်သော နည်းဗျူဟာများကို တည်ဆောက်လျှင် သာမန် နည်းဗျူဟာများထက် အချိန်ပိုကြာတတ်ပြီး လူတစ်ယောက်တည်း လုပ်ရန် အလွန်ခက်ခဲသော်လည်း သူမရှေ့ရှိ ဤလူက ချက်ချင်းပြီးမြောက်အောင် လုပ်နိုင်ခဲ့သည်။

ပြောရမည်ဆိုလျှင် ဤလူသည် မိန်းမများနှင့် အိပ်ရန်သာ သိတတ်သည့် အသုံးမကျသူ တစ်ယောက်သက်သက်သာ မဟုတ်ပဲ စွမ်းရည်အချို့ ရှိနေပေသည်။

ဝမ်းနည်းစရာ ကောင်းသည့်အချက်က ထိုအရာသည် အားကောင်းလှသော်လည်း ဤကောင်းကင်အဆင့် နည်းဗျူဟာလောက်နဲ့တော့ သူမကို ဖိနှိပ်နိုင်မည် မဟုတ်ပေ။

ထို့နောက် လျှိုချင်းယွမ်၏ နောက်ရှိ နိယာမရုပ်သွင် ချက်ချင်း ပျောက်ကွယ်သွားပြီး နောက်တစ်ခဏတွင် လျှိုချင်းယွမ်နှင့် တူသော ဧရာမ ပုံရိပ်တစ်ခု ပေါ်လာသည်။

လုချန်း အနည်းငယ် လန့်သွားသည်။ ထိုသစ်ပင်ကြီးသည် လျှိုချင်းယွမ်၏ သူတော်စင် နိယာမရုပ်သွင် ဖြစ်ရမည်။ သို့သော် လျှိုချင်းယွမ်က နောက်ထပ် သူတော်စင် နိယာမရုပ်သွင်တစ်ခုကို မည်သို့ ရရှိခဲ့သနည်း။

မည်သည့်အရာက လျှိုချင်းယွမ်၏ သူတော်စင် နိယာမရုပ်သွင် အစစ်ဖြစ်ကြောင်း လုချန်း စဉ်းစားနေစဉ် နန်းတော်အောက်ရှိ နှင်းပွင့်နည်းဗျူဟာလည်း မှန်တစ်ချပ်ကဲ့သို့ ကွဲကြေသွားသည်။ နည်းဗျူဟာပုံစံ အပိုင်းအစများ အဖြစ် ပြောင်းလဲသွားသည်ကို မြင်သောအခါ လုချန်း မျက်မှောင်ကြုတ်လိုက်သည်။

လျှိုချင်းယွမ်၏ စွမ်းအားက နှင်းပွင့်နည်းဗျူဟာပင် မတားဆီးနိုင်လောက်အောင် ကြောက်မက်ဖွယ်ကောင်းသော အဆင့်သို့ ရောက်ရှိနေလိမ့်မည်ဟု သူ မမျှော်လင့်ထားခဲ့ပေ။ သူမကို တားဆီးထားရန် မဖြစ်နိုင်‌ခြေ ရှိပုံ မရတော့ချေ။

…………….

အခန်း (၁၂၄၇ )

ပုံရိပ်ယောင် နယ်ပယ်

လျှိုချင်းယွမ်သည် စနစ်၏ လိုအပ်ချက်များနှင့် ကိုက်ညီပြီး လုချန်း၏ စိတ်ဝင်စားမှုကို ရရှိခဲ့သော်လည်း သူမကို ဆွဲထားရန်အထိတော့ သူ မစွမ်းချေ။ သူမ ထွက်ခွာသွားသည်ကိုသာ သူ ကြည့်နေခဲ့ရသည်။

နှစ်ဖက်စလုံး၏ တိုက်ခိုက်ရေးစွမ်းရည်ကို လုချန်း ခန့်မှန်းကြည့်ရာ သူနှင့် မုချင်းလန်တို့ ပူးပေါင်းလျှင်ပင် လျှိုချင်းယွမ်ကို တားဆီးနိုင်မည် မဟုတ်ကြောင်း တွေးဆမိသည်။ ထို့ပြင် ဤသို့ပြုလုပ်ခြင်းက သူမအား သူ့အပေါ် ပိုမုန်းတီးသွားစေမည် ဖြစ်သည်။

အရေးအကြီးဆုံးမှာ လျှိုချင်းချိုသည် လျှိုချင်းယွမ်၏ လက်ထဲတွင် ရှိနေခြင်း ဖြစ်သည်။ လျှိုချင်းချိုသည် လျှိုချင်းယွမ်၏ အတွေးတစ်ချက်ဖြင့် ဖျက်ဆီးပစ်နိုင်သော ကိုယ်ပွားလည်း ဖြစ်သည်။

ယခုအချိန်တွင် လုချန်း မဆင်မခြင် မလှုပ်ရှားရဲသကဲ့သို့ လျှိုချင်းယွမ်ကလည်း ထပ်မံ တိုက်ခိုက်ခြင်း မပြုခဲ့ပေ။

ထိုအချိန်တွင် သူမ၏ မျက်ခုံးများ အနည်းငယ် တွန့်သွားပြီး အန္တရာယ် အငွေ့အသက်တစ်ခုကို အာရုံခံမိလိုက်၏။

ဧကရီ ဝင်စားသူတစ်ဦးအနေနှင့် သူမ၏ နတ်ဝိညာဉ်သည် အလွန် အားကောင်းပြီး အန္တရာယ်ကြိုတင်သိရှိမှု အာရုံလည်း အလွန် ထက်မြက်သည်။ အန္တရာယ် ပေါ်ပေါက်လာသည်နှင့် တပြိုင်နက် သူမ သိနိုင်သည်။

လျှိုချင်းယွမ်၏ အကြည့်များသည် ဟင်းလင်းပြင်တစ်ဖက်ကို ပန်းနီရထားပေါ်သို့ လျင်မြန်စွာ ကျရောက်သွားသည်။

လျှိုချင်းယွမ် မျက်မှောင်အနည်းငယ် ကြုတ်လိုက်သည်။ ၎င်းကို လုချန်း၏ သူတော်စင် လက်နက်ဟု ထင်မှတ်ခဲ့သဖြင့် ယခင်က ပန်းနီရထားကို သူမ အာရုံမစိုက်ခဲ့ပေ။ သို့သော် ယခုအချိန်ထိ လုချန်းက ၎င်းကို အသုံးမပြုခဲ့ချေ။

ဤပန်းနီရထားက သူမကို အဘယ်ကြောင့် ခြိမ်းခြောက်မှု ခံစားရစေသနည်း ဟု တွေးကာ လျှိုချင်းယွမ် အနည်းငယ် ဇဝေဇဝါ ဖြစ်သွားသည်။

ချက်ချင်း ထွက်ခွာသင့်၊ မသင့် လျှိုချင်းယွမ် စဉ်းစားနေစဉ်မှာပင် ပန်းနီရထားမှ အနီရောင် အလင်းကွင်းများကို ရုတ်တရက် ထုတ်လွှတ်လိုက်သည်။ ထိုအလင်းကွင်းများသည် လျင်မြန်စွာ ပြန့်ကားသွားပြီး လျှိုချင်းယွမ် မရှောင်တိမ်းနိုင်ခင်မှာပင် သူမ၏ ခန္ဓာကိုယ်ကို ဖြတ်သန်းသွားသည်။

အနီရောင် အလင်းကွင်းများ သူမ၏ ခန္ဓာကိုယ်ကို ဖြတ်သန်းသွားပြီးနောက် လျှိုချင်းယွမ်၏ စိတ်အာရုံများ လည်ထွက်သွားပြီး သူမ၏ နောက်ရှိ ဧရာမ နိယာမရုပ်သွင်လည်း မျက်တောင်တစ်ခတ်အတွင်း ပျောက်ကွယ်သွားသည်။ တစ်ဆက်တည်းမှာပင် သူမ တစ်ကိုယ်လုံးရှိ စိတ်ဝိညာဉ် စွမ်းအားများ ချည်နှောင်ခံလိုက်ရသကဲ့သို့ ဖြစ်သွားသည်။

သို့သော် ထိုခံစားချက်မှာ ခဏမျှသာ ဖြစ်ပြီး သူမ၏ ခန္ဓာကိုယ်အတွင်းရှိ စိတ်ဝိညာဉ် စွမ်းအား စီးဆင်းမှုသည် မကြာမီ ပုံမှန် ပြန်ဖြစ်သွားသည်။ သို့သော် လျှိုချင်းယွမ်သည် သတိရှိနေဆဲဖြစ်ပြီး သူမ၏ ခန္ဓာကိုယ်တွင် မရေမတွက်နိုင်သော လက်ထပ်ခြင်း ကြိုးမျှင်များ ရစ်ပတ်နေကာ အခြားတစ်ဖက်မှ လုချန်းနှင့် တိုက်ရိုက် ချိတ်ဆက်နေကြောင်း တွေ့ရှိလိုက်ရသည်။

လုချန်း၏ ခန္ဓာကိုယ်နှင့် တစ်ခါမျှ မထိတွေ့ဖူးပဲ လက်ထပ်ခြင်း ကြိုးမျှင်များဖြင့် မမျှော်လင့်ပဲ ရစ်ပတ်ခံလိုက်ရသဖြင့် လျှိုချင်းယွမ်၏ မျက်နှာ ပို၍ အေးစက်သွားသည်။

ဘာတွေ ဖြစ်နေတာလဲ။

ထိုစဉ် လျှိုချင်းချိုထံရှိ လက်ထပ်ခြင်း ကြိုးမျှင် အရေအတွက်သည်လည်း တိုးလာပြီး ထိုကြိုးများက ကိုယ်ပွားထံမှ သူမဆီသို့ ဖြည်းညှင်းစွာ ပြောင်းရွှေ့နေကြောင်း လျှိုချင်းယွမ် မကြာမီ သိလိုက်ရသည်။

လျှိုချင်းယွမ်၏ မျက်နှာထား ဆိုးဝါးလာသည်။ ကိုယ်ပွား၏ အကြောင်းအကျိုးကံ ဆက်နွယ်မှုများက သူမထံ ကူးပြောင်းလာလိမ့်မည်ဟု လျှိုချင်းယွမ် မမျှော်လင့်ထားခဲ့ပေ။ အကယ်၍ သူမက ကိုယ်ပွားကို သတ်လိုက်ပြီး နတ်ဝိညာဉ်ကို ပြန်ယူလိုက်လျှင် သို့မဟုတ် ပေါင်းစည်းလိုက်လျှင် လျှိုချင်းချို၏ အကျိုးဆက်အားလုံးကို သူမ ခံယူရမည် မဟုတ်ပါလား။ လျှိုချင်းချိုကို ချည်နှောင်ထားသော လက်ထပ်ခြင်း ကြိုးမျှင်အားလုံး သူမအပေါ် ချည်နှောင်လာပေလိမ့်မည်။

ထိုအချိန်တွင် လျှိုချင်းယွမ် စိတ်ထဲ ဗျာများသွားသည်။ ကိုယ်ပွားတွင် သူမ၏ နတ်ဝိညာဉ် ပါဝင်နေသဖြင့် စွန့်ပစ်၍ မရပေ။ ယခု သူမအတွက် တစ်ခုတည်းသော ရွေးချယ်စရာမှာ လုချန်းကို ရှင်းပစ်လိုက်ခြင်းပင်ဖြစ်သည်။

လုချန်း အသတ်ခံလိုက်ရသည်နှင့် လက်ထပ်ခြင်း ကြိုးမျှင်များ အပြီးတိုင် ပျောက်ကွယ်သွားကောင်း သွားနိုင်သည်။ ထိုအတွေးနှင့်အတူ လုချန်းအပေါ် ကြည့်နေသော လျှိုချင်းယွမ်၏ အကြည့်များ ပို၍ အေးစက်သွားပြီး မျက်လုံးထဲရှိ သတ်ဖြတ်လိုသော ဆန္ဒများက ပိုမို ထင်ရှားလာသည်။

လျှိုချင်းယွမ်က ထပ်မံ တိုက်ခိုက်ရန် ပြင်ဆင်လိုက်စဉ်မှာပင် ပန်းနီရထားက ပို၍အား‌ကောင်းသော ဖမ်းစားညို့ယူနိုင်သည့် အနီရောင် အလင်းကွင်းများကို ထုတ်လွှတ်လိုက်ပြန်သည်။ အလင်းကွင်း အလွှာများ လျှိုချင်းယွမ်၏ ခန္ဓာကိုယ်ကို ထိတွေ့လိုက်သည်နှင့် သူမ ခဏမျှ ကြောင်အသွားသည်။

သို့သော် ယခင်ကကဲ့သို့ပင် တစ်ခဏမျှသာ ဖြစ်ပြီး လျှိုချင်းယွမ်က သတိပြန်ဝင်လာ၏။ သို့သော် ဤအကြိမ်တွင်တော့ ကြောက်စိတ်များပါ ဝင်လာတော့သည်။

ပန်းနီရထားသည် စိတ်ကို အထူးပြု တိုက်ခိုက်ရန် စိတ်ဝိညာဉ် လက်နက်တစ်ခု ဖြစ်နေသည်။ သူမ သတိလွှတ်နေစဉ် လုချန်းသာ တိုက်ခိုက်ခဲ့လျှင် သူမ ပြင်းထန်စွာ ဒဏ်ရာရသွားနိုင်သည်။

မဖြစ်ပါ။

ပန်းနီရထားကို ကိုင်တွယ်ရန် နည်းလမ်းကို အရင် ရှာရမည်။ ထပ်မံ တွေဝေမနေတော့ပဲ လျှိုချင်းယွမ်သည် သူမ၏ နတ်ဝိညာဉ် နိယာမရုပ်သွင်ကို ချက်ချင်း ဆင့်ခေါ်လိုက် တော့သည်။

ရုပ်သွင် ပေါ်လာသည်နှင့် အတွင်းရှိ ဧရာမ ဓားကြီးကို မြှောက်ကာ ပန်းနီရထားအား တည့်တည့် ခုတ်ပိုင်းရန် ထိန်းချုပ်လိုက်သည်။

ထိုအချိန်တွင် လုချန်းသည် ထိုနေရာ၌ပင် ရှိနေဆဲဖြစ်ပြီး မည်သည့် လှုပ်ရှားမှုမှ မပြုလုပ်ခဲ့ပေ။ သူသည်လည်း ပန်းနီရထားနှင့် ပတ်သက်ပြီး စူးစမ်းလိုစိတ် ဖြစ်နေသဖြင့် အလျင်စလို မလှုပ်ရှားရဲချေ။

ပန်းနီရထားတွင် ဘယ်လိုအစွမ်းရှိမှန်း သူ မသေချာသော်လည်း လျှိုချင်းယွမ်က တိုက်ခိုက်နေသည့်အတွက် ဘေးမှ ရပ်ကြည့်ကာ ရထားတွင် မည်သို့သော ပြောင်းလဲမှုများ ဖြစ်လာမည်ကို စောင့်ကြည့်ရန် ဆုံးဖြတ်လိုက်သည်။

ဓားစွမ်းအား ပန်းနီရထားကို ထိတွေ့လုနီးပါး ဖြစ်နေချိန်တွင် ရထားက အနီရောင် အလင်းကွင်းများကို တစ်ဖန် ထုတ်လွှတ်လိုက်ပြန်သည်။ ထိုအလင်းကွင်းများသည် လျှိုချင်းယွမ် ထုတ်လွှတ်လိုက်သော ဓားစွမ်းအားနှင့် ထိတွေ့လိုက်သည်နှင့် ဓားစွမ်းအားရော သူမ၏ နောက်ရှိ နတ်ဝိညာဉ် နိယာမ ရုပ်သွင်ပါ ချက်ချင်း ပျောက်ကွယ်သွားသည်။

လျှိုချင်းယွမ် မှင်တက်သွားပြန်သည်။

တည်ငြိမ်မှု ပြန်ရပြီးနောက် လျှိုချင်းယွမ်၏ မျက်နှာထားလည်း အလွန် ကြည့်ရဆိုးလာသည်။ ဤစိတ်ဝိညာဉ် လက်နက်သည် အလွန် ဆန်းကြယ်လွန်းလှပြီး သူမ၏ တိုက်ခိုက်မှုများကို လွယ်ကူစွာ ချေဖျက်နိုင်သည်။

ဤစိတ်ဝိညာဉ် လက်နက် ရှိနေသရွေ့ သူမ လုချန်းကို သတ်နိုင်ဖို့ မဖြစ်နိုင်ပေ။ ကံမကောင်းလျှင် သူမပါ ဖိနှိပ်ခံရနိုင်သည့် အခွင့်အရေးပင် ရှိနေသည်။

မဖြစ်ပါ။

သူမ ဆက်နေ၍ မရတော့ပေ။

ထိုသို့ တွေးလိုက်ပြီး လျှိုချင်းချိုနှင့်အတူ ထွက်ခွာရန် လျှိုချင်းယွမ် ပြင်ဆင်လိုက်သော်လည်း ထွက်ခွာတော့မည့် အချိန်တွင် ပို၍များပြားသော လက်ထပ်ခြင်း ကြိုးမျှင်များက သူမ၏ ခန္ဓာကိုယ်တွင် ရစ်ပတ်ထားကြောင်း တွေ့လိုက်ရသည်။

ထို့ပြင် ဤလက်ထပ်ခြင်း ကြိုးမျှင်များသည် သူမ၏ ခန္ဓာကိုယ်အပေါ် သိသာထင်ရှားသော သက်ရောက်မှု ရှိနေပြီဖြစ်သည်။ သူမ ထွက်ခွာရန် ကြိုးစားသော်လည်း ကြိုးများကြောင့် မလှုပ်ရှားနိုင်ကြောင်း တွေ့ရှိလိုက်ရသည်။

လျှိုချင်းယွမ်၏ အေးစက်သော ပါးပြင်ပေါ်တွင် ဒေါသအရိပ်အယောင်များ ပေါ်လာသည်။

သူမနှင့် လုချန်းကြားမှ လက်ထပ်ခြင်း ကြိုးမျှင်များကို တိုးပွားစေနိုင်သည့် လက်နက်က ဘယ်လို စိတ်ဝိညာဉ် လက်နက်မျိုးလဲ။

ထိုအချိန်တွင် လုချန်းလည်း တစ်ခုခု မှားယွင်းနေကြောင်း အာရုံခံမိလိုက်သည်။ ယခင်က လက်ထပ်ခြင်း ကြိုးမျှင်များကို သူ မမြင်ဖူးသော်လည်း ပန်းနီရထားက အနီရောင် အလင်းကွင်းများကို တစ်ဖန် ထုတ်လွှတ်လိုက်သည်နှင့် မရေမတွက်နိုင်သော အနီရောင် ကြိုးမျှင်များက သူနှင့် လျှိုချင်းယွမ် နှစ်ဦးစလုံးကို ရစ်ပတ်ထားကြောင်း လုချန်း ရုတ်တရက် သတိပြုမိလိုက်သည်။

လုချန်း လုံးဝ စိတ်ရှုပ်ထွေးသွားသည်။

ဒါက ဘာကြီးလဲ။

သူနှင့် သူ၏ ဇနီးမယားများကြားတွင်လည်း အလားတူ အနီရောင် ကြိုးမျှင်များ ရှိနေသည်ကို လုချန်း သတိပြုမိလိုက်ပြီး ဒါက ကံတရား ကြိုးမျှင်များ ဖြစ်နိုင်မလားဟု သူ့ဘာသာ တွေးလိုက်သည်။

လုချန်း အာရုံလွင့်နေစဉ် ပန်းနီရထားက အနီရောင် အလင်းကွင်းများကို ထပ်မံ ထုတ်လွှတ်လိုက်ပြန်သည်။ သို့သော် ဤတစ်ကြိမ်သည် ယခင်နှင့် မတူပေ။ လုချန်းနှင့် လျှိုချင်းယွမ်တို့ အနီရောင် အလင်းကွင်းများနှင့် ထိတွေ့မိသောအခါ နှစ်ဦးစလုံး၏ စိတ်ထဲတွင် တူညီသော မြင်ကွင်းတစ်ခု ပေါ်လာ တော့သည်။

……..

ပျော်ရွှင်မှုများဖြင့် ပြည့်နှက်နေပြီး အနီရောင် မီးပုံးများဖြင့် အလှဆင်ထားသော စံအိမ်တစ်ခု၏ အပြင်ဘက်တွင် လူအချို့သည် ပန်းနီရထားကို စံအိမ်အတွင်းသို့ ဖြည်းညှင်းစွာ သယ်ဆောင်လာကြပြီးနောက် အနီရောင် မျက်နှာဖုံး ပဝါခြုံထားသော သတို့သမီးတစ်ဦး ရထားပေါ်မှ ဆင်းလာသည်။

ထို့နောက်တွင် မင်္ဂလာအခမ်းအနား ကျင်းပသည်။ ဤပုံရိပ်ယောင် နယ်ပယ်ထဲတွင် သတို့သား၏ ရှုထောင့်မှသာ ကြည့်ရှုနိုင်ပြီး ဘာမှ မလုပ်ဆောင်နိုင်သဖြင့် လုချန်း ဇဝေဇဝါ ဖြစ်သွားသည်။

အခမ်းအနား ပြီးဆုံးပြီးနောက် သတို့သမီးကို မင်္ဂလာဦးအခန်းသို့ ပို့လိုက်သည်။ ခဏကြာပြီးနောက် လုချန်းလည်း မင်္ဂလာအခန်းထဲသို့ ဝင်ရောက်သွားသည်။ သေချာတာတစ်ခုက သူသည် စောင့်ကြည့်နေရသော အခြေအနေတွင်သာ ရှိပြီး မည်သည့်အရာကိုမှ မလုပ်နိုင်ပေ။

သတို့သားက မင်္ဂလာအခန်းထဲသို့ ဝင်ရောက်လာသောအခါ ကျောက်စိမ်းတုတ်တံဖြင့် သတို့သမီး၏ မျက်နှာဖုံးကို မလိုက်၏။ မျက်နှာဖုံး ပွင့်သွားသည်နှင့် လုချန်း မှင်တက်သွားသည်။ သတို့သမီးမှာ လျှိုချင်းချိုမှလွဲ၍ အခြားသူ မဟုတ်ပေ။ တိကျစွာ ပြောရလျှင် လျှိုချင်းယွမ် ဖြစ်သည်။

သတို့သမီး၏ ရှုထောင့်မှနေ၍ သူမ၏ မျက်နှာဖုံးကို လုချန်း လှန်လိုက်သည်ကို မြင်သောအခါ လျှိုချင်းယွမ် ခံစားရ ခက်သွားသည်။ ခုခံနိုင်စွမ်း မရှိစွာဖြင့် ဤမျှ သဘာဝကျသော ပုံရိပ်ယောင် နယ်ပယ်ထဲသို့ သူမ မည်သို့ ကျရောက်လာရသနည်း။

ဤအချိန်တွင် မုချင်းလန်နှင့် ဆက်သွယ်ရန် လုချန်း ကြိုးစားလိုက်သည်။

“လန်... ကိုယ် ပြောတာ ကြားလား”

ဆက်သွယ်ရန် ကြိုးစားသော်လည်း မုချင်းလန်က ပြန်မဖြေပေ။ လုချန်းက နောက်ထပ် အကြိမ်အနည်းငယ် ခေါ်လိုက်သော်လည်း အဖြေ မရှိသေးချေ။

ဖရိုဖရဲ ကြယ်ပင်လယ် တစ်ခုလုံးသည် ထိုအချိန်တွင် ငြိမ်သက်နေပြီး လူတိုင်းသည် ရုပ်တုများကဲ့သို့ ရှိနေသောနေရာတွင် ရပ်နေကြသည်ကို လုချန်း မသိပေ။

ခဏကြာပြီးနောက် သူ၏ ခန္ဓာကိုယ်က လျှိုချင်းယွမ်၏ ပါးပြင်ထံသို့ ဖြည်းညှင်းစွာ တိုးကပ်သွားကြောင်း လုချန်း တွေ့လိုက်ရသည်။

လုချန်း သူမထံ တိုးလာသည်ကို မြင်သောအခါ လျှိုချင်းယွမ်လည်း ပုံရိပ်ယောက် နယ်ပယ်မှ ရုန်းထွက်ရန် ကြိုးစားသော်လည်း သူမ မည်သို့ပင် ကြိုးစားစေကာမူ ပုံရိပ်ယောက် နယ်ပယ်မှ လွတ်မြောက်နိုင်ခြင်း မရှိပေ။

…………..

အခန်း (၁၂၄၈ )

မဆိုင်ဘူးလို့ ပြောရင် ယုံမလား

လုချန်းနှင့် လျှိုချင်းယွမ်တို့ ပုံရိပ်ယောင်နယ်ပယ်မှ လွတ်မြောက်ရန် ကြိုးစားနေစဉ် လက်တွေ့ကမ္ဘာရှိ သူတို့၏ ခန္ဓာကိုယ်များသည်လည်း ပန်းနီရထားဆီသို့ ဖြည်းညှင်းစွာ ရွေ့လျားသွားနေကြသည်။

ပုံရိပ်ယောင်နယ်ပယ်ထဲ၌ လုချန်းနှင့် လျှိုချင်းယွမ်တို့၏ နှုတ်ခမ်းများ ထိတွေ့လိုက်သည့်အချိန်တွင် လျှိုချင်းယွမ် ရုတ်တရက် အသိပြန်ဝင်လာသည်။ ထို့နောက် သူမ၏ ပင်မခန္ဓာကိုယ်သည် အနီရောင်များဖြင့် အလှဆင်ထားသော အခန်းထဲတွင် ရှိနေပြီး လုချန်းက သူမနှင့် ပူးကပ်ထားသည်ကို တွေ့လိုက်ရသည်။

လျှိုချင်းယွမ် ကြောင်အသွားသည်။

ဒါ ဘယ်နေရာလဲ...

ပုံရိပ်ယောင်နယ်ပယ်ပဲလား။

လုချန်းလည်း နိုးထလာပြီး သူ၏နံဘေးတွင် လျှိုချင်းယွမ် ရောက်နေသည်ကို မြင်သောအခါ မျက်နှာတွင် ဇဝေဇဝါ ဖြစ်နေသည့် အမူအရာများဖြင့် ပြည့်နှက်သွားသည်။

ထိုနှစ်ယောက် မသိသည်မှာ သူတို့သည် ပန်းနီရထားထဲသို့ အမှန်တကယ် ဝင်ရောက်လာခြင်း ဖြစ်ပြီး ၎င်း၏ အတွင်းပိုင်းတွင် မင်္ဂလာခန်းတစ်ခု ရှိနေခြင်း ဖြစ်သည်။

လုချန်း၏ ပူနွေးသော ခန္ဓာကိုယ်ကို ခံစားမိလိုက်သောအခါ လျှိုချင်းယွမ် လျင်မြန်စွာ သဘောပေါက်လိုက်သည်။

နေပါဦး...

ဒါက ပုံရိပ်ယောင်နယ်ပယ် မဟုတ်တော့ဘူး...

ဒါက လက်တွေ့ပဲ။

လက်ရှိတွင် မည်သည့်နေရာသို့ ရောက်နေမှန်း မသိသော်လည်း သူမ၏ စိတ်ဝိညာဉ် စွမ်းအားကို အာရုံခံနိုင်ပြီ ဖြစ်သည်။ လုချန်းက သူမကိုဖက်ထားသည်ကို မြင်သောအခါ လျှိုချင်းယွမ် ချက်ချင်း ဒေါသထွက်သွားကာ ပြောလိုက်သည်။

“ရှင် သေချင်နေတာလား”

လျှိုချင်းယွမ်၏ အသံကို ကြားလျှင် လုချန်းလည်း အသိပြန်ဝင်လာပြီး ပုံရိပ်ယောင်နယ်ပယ်ထဲတွင် မရှိတော့ကြောင်း သဘောပေါက်လိုက်သည်။

သူ့ရင်ခွင်ထဲရှိ အေးစက်ပြီး အလွန်လှပသော နတ်သမီးကို ငုံ့ကြည့်ရင်း လုချန်း၏ ရင်ထဲ အပူဓာတ်တစ်ခု မြင့်တက်လာသည်ကို ခံစားလိုက်ရသည်။ လျှိုချင်းယွမ်ကို သူ၏ အမျိုးသမီးအဖြစ် အမြန်ဆုံး သိမ်းပိုက်ရန် အတွင်းစိတ်မှ အသံတစ်ခုက သူ့ကို အဆက်မပြတ် သွေးဆောင် ဖြားယောင်းနေသကဲ့သို့ ဖြစ်နေသည်။

သို့သော် လျှိုချင်းယွမ်၏ အင်အားကို တွေးမိပြီး လုချန်း စိုးရွံ့သွားသည်။ ယခု တိုက်ခိုက်လိုက်လျှင် လျှိုချင်းယွမ်ကို သူယှဉ်နိုင်စရာ အကြောင်း မရှိချေ။ လုချန်း ရှင်းပြရန် ပြင်လိုက်စဉ်မှာပင် သူတို့နှစ်ဦး၏ ကိုယ်ပေါ်ရှိ အဝတ်အစားများ ခြေရာလက်ရာမကျန် ပျောက်ကွယ်သွားသည်။

ခဏခန့် နှစ်ယောက်စလုံး မှင်တက်သွားကြသည်။

လုချန်း စကားမပြောနိုင်ခင်မှာပင် သူ၏ ခန္ဓာကိုယ်က မထိန်းချုပ်နိုင်ပဲ လှုပ်ရှားသွားသည်။

လျှိုချင်းယွမ်၏ မျက်လုံးအိမ်များ ကျယ်သွားသည်။

“လူယုတ်မာ”

လုချန်းကို သတ်ရန် ရည်ရွယ်ချက်ဖြင့် သူမ၏ စိတ်ဝိညာဉ် စွမ်းအားကို ချက်ချင်း လှည့်ပတ်လိုက်သော်လည်း စိတ်ဝိညာဉ် စွမ်းအားကို လှည့်ပတ်နိုင်ရုံသာ ရှိပြီး မည်သည့် ကျင့်စဉ်ကိုမှ အသုံးမပြုနိုင်ကြောင်း တွေ့ရှိလိုက်ရသည်။ ထို့ပြင် ခုခံရန် ရည်ရွယ်ထားသော သူမ၏ လုပ်ရပ်များသည် လိုက်လျောမှုအဖြစ်သို့ ပြောင်းလဲသွားသည်။

“ရှင်... ရှင့်ကို ကျွန်မ သတ်မယ်”

လျှိုချင်းယွမ် ဒေါသတကြီး အော်ဟစ်နေသော်လည်း သူမ၏ ခန္ဓာကိုယ်က လုချန်းကို မထိန်းချုပ်နိုင်ပဲ လက်ခံနေမိသည်။

လုချန်းလည်း အံ့အားသင့်သွားသည်။ သူ၏ ခန္ဓာကိုယ် ဘယ်လိုလုပ် အထိန်းအကွပ်မဲ့ ဖြစ်သွားရသနည်း။

သို့သော် ခန္ဓာကိုယ်ကို သူ မထိန်းချုပ်နိုင်သော်လည်း ခံစားချက်များက ရှိနေဆဲဖြစ်သည်။ လျှိုချင်းယွမ်၏ ဒေါသထွက်နေသော မျက်နှာထားကို မြင်သောအခါ သူမလည်း ခန္ဓာကိုယ်ကို မထိန်းချုပ်နိုင်ကြောင်း လုချန်း ရိပ်မိလိုက်သည်။

ထို့နောက် လုချန်း သူ၏ ခန္ဓာကိုယ်ကို ထိန်းချုပ်ရန် ထပ်မံ ကြိုးစားသော်လည်း အကြိမ်ကြိမ် ကြိုးစားပြီးနောက် အရာမထင် ဖြစ်နေဆဲပင်။

လုချန်း စဉ်းစားလိုက်သည်။

သူ မခုခံနိုင်မှတော့ နစ်နာစရာ မရှိသည့်အတွက် အခြေအနေကို ခံစားလိုက်တာက ပိုကောင်းပေလိမ့်မည်။

ဒါက ပန်းနီရထားနှင့် သက်ဆိုင်လိမ့်မည်ဟု သူ ခန့်မှန်းလိုက်သော်လည်း နောက်ဆက်တွဲ ဘာဖြစ်လာမည်မှန်းတော့ သူ မသိချေ။

လုချန်းနှင့် မတူပဲ လျှိုချင်းယွမ်သည် သူမ၏ ခန္ဓာကိုယ်ကို ပြန်လည်ထိန်းချုပ်ရန် အဆက်မပြတ် ကြိုးစားနေသော်လည်း ရုန်းကန်လေလေ သူမ၏ ခန္ဓာကိုယ် တုံ့ပြန်မှုက ပိုပြင်းထန်လေလေ ဖြစ်နေသည်။

လူသတ်လိုသော အငွေ့အသက်များ ရောယှက်နေသည့် လျှိုချင်းယွမ်တစ်ယောက် ဒေါသကြောင့် အံကြိတ်ထားသည်ကို မြင်သောအခါ လုချန်း ရယ်မောလိုက်ကာ

“အလကား အပင်ပန်းမခံပါနဲ့... ကျွန်တော် ကြိုးစားကြည့်ပြီးပြီ... လွတ်မြောက်ဖို့ နည်းလမ်းမရှိဘူး။”

လျှိုချင်းယွမ်က လုချန်း၏ မျက်လုံးများကို စူးစိုက်ကြည့်ကာ မေးလိုက်သည်။

“ရှင်..... ကျွန်မကို ဘာလုပ်လိုက်တာလဲ။”

လုချန်းက ပြုံးစစဖြင့်

“ဟူး... ဒီကိစ္စတွေ အားလုံးက ကျွန်တော် နဲ့ မဆိုင်ဘူးလို့ပြောရင် ခင်ဗျား ယုံမှာလား”

လျှိုချင်းယွမ်သည် လုချန်းကို အဆိပ်ပြင်းသော အကြည့်ဖြင့် စိုက်ကြည့်နေသော်လည်း စကားပြန်မပြောချေ။ သူ့စကားကို သူမ မယုံကြည်ကြောင်း ထင်ရှားသည်။

ထိုအချိန်တွင် လုချန်းစိတ်ထဲ ရုတ်တရက် အတွေးတစ်ခု ဝင်လာသည်။ သူ၏ ခန္ဓာကိုယ် မလှုပ်ရှားနိုင်သော်လည်း အတွင်းရှိ စိတ်ဝိညာဉ် စွမ်းအား စီးဆင်းမှုကို ခံစားနေရဆဲ ဖြစ်သည်။

ယခုအချိန်တွင် ဘာကြောင့် မကျင့်ကြံပဲ နေရမည်နည်း။

ထိုသို့ တွေးမိသည်နှင့် နဂါးဖီးနစ်ယင်ယန်ကျင့်စဉ်နှင့် ဖီးနစ်တစ်ရာ ဂါရဝပြုကျင့်စဉ်တို့ကို လုချန်း ချက်ချင်း လည်ပတ်လိုက်သည်။ ကျင့်စဉ်နှစ်ခုစလုံး စတင် လည်ပတ်သည်နှင့် လျှိုချင်းယွမ်လည်း မသိစိတ်ဖြင့် အော်ဟစ်သံ ပြုလိုက်မိသည်။

လျှိုချင်းယွမ် လျင်မြန်စွာ ထပ်အံကြိတ်လိုက်၏။ သူမ၏ မျက်လုံးများက လုချန်းကို စူးရဲစွာ ကြည့်နေဆဲပင်။ အကြည့်ဖြင့်သာ သတ်နိုင်လျှင် လုချန်းတစ်ယောက် ယခုအချိန်၌ အကြိမ်ပေါင်းများစွာ သေဆုံးပြီး ဖြစ်နေလောက်ပြီဖြစ်သည်။

သူမ၏ စိတ်ဝိညာဉ် စွမ်းအားက လုချန်းနှင့် ချိတ်ဆက်မှု ဖြစ်ပေါ်ပြီး စတင် လည်ပတ်နေသည်ကို သူမ ရှင်းလင်းစွာ ခံစားလိုက်ရသည်။

ဒါတောင် ဒီလူယုတ်မာက သူနှင့် မဆိုင်ပါဘူးဟု ပြောနေသေးသည်။

လျှိုချင်းယွမ်က

“ထိန်းချုပ်မှုကနေ လွတ်တာနဲ့ ရှင့်ကို ကျွန်မ သတ်မယ်။”

လုချန်းက မေးလိုက်သည်။

“ကျွန်တော်တို့ ဒီလိုဖြစ်နေတာတောင် ခင်ဗျားက ကျွန်တော့်ကို သတ်ချင်နေတုန်းလား။”

လျှိုချင်းယွမ် တိတ်ဆိတ်သွားသော်လည်း နောက်တစ်ခဏတွင် ထူးဆန်းသော ခံစားမှုတစ်ခုက သူမကို လွှမ်းမိုးသွားသည်။ သူမ၏ စိတ်အာရုံများ ဗလာ ဖြစ်သွားပြီး စိတ်ကို တည်ငြိမ်အောင် လုံးဝ မထိန်းနိုင်တော့ကြောင်း တွေ့လိုက်ရသည်။

မကြာမီ ထိုခံစားချက်က အဆက်မပြတ် ဝင်ရောက်လာသည်။ ဖီးနစ်တစ်ရာ ဂါရဝပြုကျင့်စဉ်၏ လွှမ်းမိုးမှုအောက်တွင် သူမ၏ အာရုံခံစားမှုများသည် လုချန်းနှင့် ချည်နှောင်ခံထားရပြီး သူမ၏ ခန္ဓာကိုယ်ကို ထိန်းချုပ်နိုင်စွမ်းလည်း လုံးဝ ဆုံးရှုံးသွားသည်။

ယခုလို အခြေအနေမျိုးဖြင့် သူမ၏ သန့်ရှင်းစင်ကြယ်မှုကို ဆုံးရှုံးရလိမ့်မည်ဟု လျှိုချင်းယွမ် တစ်ခါမှ စိတ်ပင်မကူးဖူးခဲ့ပေ။ ရုတ်တရက် နောင်တတစ်ခု သူမ၏ ရင်ထဲတွင် ပြည့်နှက်လာသည်။ ဤနေရာသို့ သူမ မလာခဲ့လျှင် ကောင်းမည်ဟု တွေးလိုက်မိခြင်းဖြစ်သည်။

သူမသည် ဤလူယုတ်မာ၏ ထောင်ချောက်ထဲသို့ ကျရောက်ခဲ့ပြီ ဖြစ်သည်။ သူမ လုပ်နိုင်သည်က လျှိုချင်းချိုကဲ့သို့ မကျဆုံးစေရဘူးဟု ကိုယ့်ကိုယ်ကိုယ် အဆက်မပြတ် သတိပေးရန်သာ ရှိတော့သည်။

အချိန်မည်မျှကြာသွားသည်မသိ လျှိုချင်းယွမ်၏ အေးစက်ပြီး လှပသော ပါးပြင်ကို ငေးကြည့်ရင်း လုချန်း အမောဖြေလိုက်ကာ

“အမှန်အတိုင်း ပြောရရင်... ဒါတွေ အားလုံးက ပန်းနီရထားကြောင့် ဖြစ်ရတာ။ ပန်းနီရထားက ကျွန်တော်ရဲ့ စိတ်ဝိညာဉ် လက်နက် မဟုတ်ဘူး...”

စိတ်ကို စုစည်းရန် ရုန်းကန်ရင်း လျှိုချင်းယွမ်က

“ရှင့်ရဲ့ အဓိပ္ပာယ်မရှိတဲ့ စကားတွေကို ကျွန်မ ယုံမယ်လို့ ထင်နေလား”

လုချန်းက

“ချင်းချိုရဲ့ မှတ်ဉာဏ်တွေကို ခင်ဗျား လက်ခံရရှိပြီးသား ဖြစ်မှာပါ... ကျွန်တော် ပန်းနီရထားကို တစ်ခါမှ မသုံးဖူးတာ တွေ့မှာပါ။ ကျွန်တော်ရဲ့ အမျိုးသမီး အတော်များများလည်း ပန်းနီရထားကြောင့် ထျန်းချန်ကမ္ဘာကို ဆွဲဆောင်ခံခဲ့ရတာ... ဒီပန်းနီရထားရဲ့ မူလအစကို ကျွန်တော်လည်း စုံစမ်းနေတုန်းပဲ။”

လုချန်း၏ စကားကို ကြားလျှင် လျှိုချင်းယွမ်၏ ဒေါသ အနည်းငယ် လျော့ပါးသွားသည်။ လုချန်းက ပန်းနီရထားအကြောင်း မေးမြန်းစုံစမ်းခဲ့ပြီး သူ၏ ဇနီး အများအပြားလည်း ၎င်းကြောင့် ထျန်းချန်ကမ္ဘာသို့ ရောက်လာကြောင်း လျှိုချင်းချို၏ မှတ်ဉာဏ်များမှတစ်ဆင့် သူမ သိထားသည်။

သူမကိုယ်တိုင်လည်း ပန်းနီရထား၏ ဆွဲဆောင်မှုကို ခံခဲ့ရသည် မဟုတ်ပါလား။

သို့သော် လျှိုချင်းယွမ် ငြင်းခုံလိုက်သေးသည်။

“ပန်းနီရထားက ရှင်နဲ့ မဆိုင်ဘူးဆိုရင်...... ဘာလို့ ရှင့်ကို ဒီလိုကိစ္စတွေ လုပ်ပေးရတာလဲ။”

လုချန်းသာ ပန်းနီရထားနှင့် ပတ်သက်မှု မရှိလျှင် လုချန်း စိတ်ကျေနပ်စေရန်အတွက် အမျိုးသမီး အများအပြားကို ထျန်းချန်ကမ္ဘာသို့ ပန်းနီရထားက ခေါ်ဆောင်ပေးရန် မဖြစ်နိုင်သကဲ့သို့ ယခုကဲ့သို့ သူတို့နှစ်ဦးကို ထိုကိစ္စများ ဖြစ်စေရန်လည်း မဖြစ်နိုင်ပေ။

လုချန်းတွင် ပန်းနီရထားနှင့် ပတ်သက်သော မှတ်ဉာဏ်မရှိလျှင်ပင် သူနှင့် တစ်နည်းနည်း ပတ်သက်မှု ရှိနေရမည်။ မှတ်ဉာဏ်များ ပြန်မရသေးသောကြောင့် ပန်းနီရထားသည် သူ၏ စိတ်ဝိညာဉ် လက်နက် ဖြစ်ကြောင်း သူ မေ့လျော့နေခြင်း ဖြစ်ကောင်း ဖြစ်နိုင်သည်။

တကယ်တော့ လုချန်လည်း ထိုအတွေး ရှိနေသည်။ ပန်းနီရထားသည် အတိတ်ဘဝမှ သူ၏ စိတ်ဝိညာဉ် လက်နက် ဖြစ်နိုင်ကြောင်း သူ သံသယရှိနေသည်။ သူ၏ မှတ်ဉာဏ်များ ပြန်လည်ရရှိခြင်းဖြစ်စဉ်က ဆက်လက် ဖြစ်ပေါ်နေသာဆဲ ဖြစ်ပြီး မပြီးဆုံးသေး‌ပေ။ ထို့ကြောင့် ပန်းနီရထား၏ တိကျသော လုပ်ဆောင်ချက်ကို သူ မသိရသေးပေ။

အနည်းငယ် အပြစ်ရှိသလို ခံစားရသဖြင့် လုချန်း စကားလမ်းကြောင်း လွှဲလိုက်သည်။

“ဘာပဲဖြစ်ဖြစ်......မင်းက ကိုယ့်ရဲ့ အမျိုးသမီး ဖြစ်နေပြီ။ ကိုယ့်ကို သေတဲ့အထိ တိုက်ခိုက်ဖို့ ရည်ရွယ်ထားတုန်းပဲလား။”

လျှိုချင်းယွမ်က အေးစက်စွာဖြင့်

“ကျွန်မက ကိုယ်ပွား မဟုတ်ဘူး...... ကျွန်မရဲ့ သန့်ရှင်းစင်ကြယ်မှုကို ယူလိုက်ရုံနဲ့ ရှင့်ကို ချစ်မိသွားမယ်လို့ ထင်နေလား... ရယ်စရာကောင်းလိုက်တာ။”

လုချန်း စဉ်းစားကြည့်လိုက်ရာ ဟုတ်မှန်ကြောင်း တွေ့ရသည်။ သူ့အပေါ်ထားရှိသော သူမ၏ သဘောကျမှုမှာ သုည ဖြစ်ပြီး နဂါးဖီးနစ်လက်ဖက်ရည်ကိုလည်း မသောက်ထားချေ။ အတူနေလိုက်ရုံဖြင့် သူမထံမှ သဘောကျမှုကို ရရှိရန် မဖြစ်နိုင်ပေ။

ထားလိုက်ပါတော့...

သဘောကျသည်ဖြစ်စေ မကျသည်ဖြစ်စေ လက်ရှိအချိန်ကို အပြည့်အဝ ခံစားလိုက်တာက ပိုကောင်းပါလိမ့်မည်။

ထို့နောက် လုချန်း၏ ခန္ဓာကိုယ် လှုပ်ရှားမှုများ ပိုမိုပြင်းထန်လာပြီး ခန္ဓာကိုယ်ကို တဖြည်းဖြည်း ပြန်လည် ထိန်းချုပ်နိုင်လာသည်။ သူ တစ်စုံတစ်ခုကို နားလည်လိုက်ပုံ ရသည်။

လွတ်မြောက်ရန် အာရုံမစိုက်ပဲ လျှိုချင်းယွမ်နှင့် ဆက်လက် လုပ်ဆောင်နေပါက သူ၏ ခန္ဓာကိုယ်ကို ဖြည်းဖြည်းချင်း ပြန်လည် ထိန်းချုပ်လာနိုင်မည် ဖြစ်သည်။

ဒါက လွှမ်းမိုးချုပ်ကိုင်သော နိယာမစည်းမျဉ်းတစ်ခုပင်...

ဒီလိုကိုး။

လုချန်း၏ နှုတ်ခမ်းထောင့်များ အနည်းငယ် ကွေးညွတ်သွားကာ အပြုံးတစ်ခု ဖြစ်ပေါ်လာသည်။

ထို့နောက် ထိုစည်းမျဉ်းကို သူ စတင် အသုံးချလိုက်တော့၏။

……………