ငါ့အလှည့်ပဲ

ရွာလူကြီးချွေ့နှင့် ချွေ့မင်လျန့်တို့သည် ယမန်နေ့ကပင် မော့မိသားစု၏ စွမ်းအားကို ခံစားခဲ့ကြရပြီးပြီဖြစ်သည်။ ယခု မော့ကျိုးယွီသည် အေးစက်သော မျက်နှာထားဖြင့် သူတို့ဆီ လှမ်းလာနေသည်ကို တွေ့လိုက်သောအခါ ချက်ချင်းဆိုသလို ကြောက်လန့်သွားကြသည်။

“မင်း ဘာလုပ်ချင်နေတာလဲ။ ဒီကို မလာနဲ့” ချွေ့မင်လင်းက ကြောက်လန့်တကြား ပြောလိုက်သည်။

ဒါကိုမြင်တော့ ရွာလူကြီးချွေ့က အလိုလို နောက်ပြန်ဆုတ်သွားသည်။

မော့ကျိုးယွီသည် မည်သည့် ရှင်းပြချက်ကိုမျှ နားထောင်ခြင်းမပြုဘဲ ကြာပွတ်ကို မြှောက်ပြီး ချွေ့လျန့်ကို အရင်ဆုံး ရိုက်ချလိုက်သည်။

ချွေ့လျန့်သည် အချိန်မီ မရှောင်တိမ်းနိုင်ဘဲ ကြာပွတ်ဒဏ်ကို ကြိမ်ဖန်များစွာ ခံစားခဲ့ရသည်။ ကြာပွတ်ဒဏ်ကြောင့် နာကျင်စွာ အော်ဟစ်မြည်တမ်းပြီး သူ့ဂုဏ်သိက္ခာ ဆုံးရှုံးခဲ့သည်။

ထို့နောက် ချက်ချင်းပင် မော့ကျိုးယွီက ချွေ့မင်လင်းကို မညှာမတာ ကြာပွတ်ဒဏ်ပေးသည်။

ချွေ့မင်လင်းသည် ရွာရှိ အခြားသူများကို အမြဲတမ်း အနိုင်ကျင့်သူ ဖြစ်သည်။ ဒီလို အရှက်ကွဲမှုမျိုးကို သူ လုံးဝ မကြုံဖူးဘူး။

ချွေ့မင်လင်းသည် ကြိမ်ဖန်များစွာ ကြာပွတ်ဖြင့် အရိုက်ခံရပြီးနောက် ရုတ်တရက် သူ့ခေါင်းပေါ်ကနေ သွေးများစီးကျလာသည်ကို ခံစားလိုက်ရသည်။

သူက နွားလှည်းပေါ်ရှိ ချွေ့မိသားစုဝင်များအား “လာကြ၊ အားလုံး အတူတူတက်ပြီး တိုက်ခိုက်ကြ” ဟု အော်လိုက်သည်။

ဒါကိုမြင်တော့ ရွာလူကြီးချွေ့သည် သူ့ရဲ့ အရင်က ကြောက်စိတ်တွေကို မော့လျော့သွားခဲ့ကာ ချွေ့မိသားစုဝင်များကို မော့ကျိုးယွီအား ဝိုင်းပြီး တိုက်ခိုက်ဖို့ တွန်းအားပေးခဲ့သည်။

ချွေ့မိသားစုဝင်များကို ရင်ဆိုင်ရာတွင် မော့ကျိုးယွီက ကရုဏာစိတ်မရှိခဲ့ပေ။ မော့ကျိုးယွီသည် ထိုသူတို့ကို အပြတ်အသတ် ချေမှုန်းသလိုမျိုး သူ့ကြာပွတ်ဖြင့် ပြင်းပြင်းထန်ထန် ရိုက်နှက်လိုက်သည်။ ချွေ့မိသားစုသည် ဒီလို တိုက်ခိုက်မှုမျိုးကို လုံးဝ မလှုပ်မယှက် လက်မခံနိုင်ပေ။

ရွာလူကြီးချွေ့သည် သူ့မိသားစုဝင်များကို တွန်းအားပေးပြီးနောက် သူတို့နောက်သို့ မလိုက်ဘဲ နွားလှည်း၏ အခြားတစ်ဖက်မှ ဟဲကျစ်ယန်ဆီသို့ လှည့်ပတ်သွားခဲ့သည်။

သူတို့သည် မော့ကျိုးယွီနှင့် မယှဉ်ပြိုင်နိုင်ကြောင်းကို ရှင်းရှင်းလင်းလင်း သိသည်။ အကောင်းဆုံးနည်းကတော့ သူ့အမျိုးသမီးကို ထိန်းချုပ်ပြီး ပြိုင်ဘက်ကို အဲဒီနည်းနဲ့ ခြိမ်းခြောက်ဖို့ပါပဲ။

မော့ကျိုးယွီသည် ရွာလူကြီးချွေ့၏ လုပ်ရပ်ကို သတိထားမိပြီးဖြစ်သည်။ သူ မကူညီရသည့် အကြောင်းအရင်းမှာ ဟဲကျစ်ယန်၏ အရည်အချင်းကို သူ ကောင်းစွာ သိရှိထားသောကြောင့် ဖြစ်သည်။ သူမမှာ ကိုယ်ခံပညာ မတတ်ကျွမ်းသူတစ်ဦးကို ပြီးပြည့်စုံစွာ အနိုင်ယူနိုင်သည့် စွမ်းရည် ရှိသည်။

ရွာလူကြီးချွေ့သည် နွားလှည်းပေါ်မှ ဆင်းလာစဉ် သူနှင့်အတူ အနေတော် လျှော်ကြိုးတစ်ချောင်းကိုပါ ယူဆောင်လာခဲ့သည်။ ရွာလူကြီးချွေ့သည် ဟဲကျစ်ယန် နွားလှည်းပေါ်မှ ရုတ်တရက် ခုန်ဆင်းလာသောအခါတွင် သူမ၏ နောက်သို့ ဂရုတစိုက် ချဉ်းကပ်သွားပြီး ဟဲကျစ်ယန်၏ လည်ပင်းကို လျှော်ကြိုးဖြင့် ရစ်ပတ်ဖို့ ကြိုးပမ်းခဲ့သည်။

ဟဲကျစ်ယန်သည် သူမ၏ ခန္ဓာကိုယ်လှည့်ပြီး‌ ရှောင်တိမ်းပြီးသည်နှင့် ခြေကန်ချက် တစ်ချက် ပစ်ကျွေးလိုက်ရာ ရွာလူကြီးချွေ့၏ ဝမ်းဗိုက်ကို ပြင်းထန်စွာ ထိမှန်သွားခဲ့သည်။

ဟဲကျစ်ယန်သည် သူမမှာ အတွင်းအား မရှိပေမယ့် ကိုယ်ခံပညာကို နည်းစနစ် မှန်ကန်စွာ လေ့ကျင့်ပြီး ကျွမ်းကျင်တတ်မြောက်ထားသူတစ်ဦးဖြစ်ပေသည်။

ဒီကန်ချက်ကြောင့် ရွာလူကြီးချွေ့ဟာ မီတာများစွာ နောက်ပြန်လွင့်သွားခဲ့ပြီး သူ့တစ်ကိုယ်လုံး မြေကြီးပေါ် ပြင်းထန်စွာ လဲကျသွားခဲ့သည်။

ဟဲကျစ်ယန်က လှောင်သလို ပြုံးလိုက်သည်။

“ကျွတ်စ်… ကျွတ်စ်၊ ရွာလူကြီးတစ်ယောက်လုပ်နေပြီး အားနည်းတဲ့ အမျိုးသမီးတစ်ယောက်ကို အလစ်ဝင် တိုက်ခိုက်ဖို့ ကြံရွယ်တာ တော်တော်လေး စက်ဆုပ်ဖို့ကောင်းတယ်။ ရှင်က တကယ့်ကို ဟာသပဲ။”

ရွာလူကြီးချွေ့သည် ပြုတ်ကျ၍ နာကျင်နေသည့် သူ့ခါးကို ပွတ်သပ်ကာ ဟဲကျစ်ယန်ကို ထိတ်လန့်တကြား စိုက်ကြည့်နေသည်။

မော့မိသားစုမှ အမျိုးသမီးသည် ဤမျှ အစွမ်းထက်လိမ့်မည်ဟု သူ ဘယ်တုန်းကမှ မမျှော်လင့်ထားခဲ့ပေ။ ဒီနေ့ သူတို့ တကယ်ပဲ သံပြားကို ကန်မိသွားခဲ့တယ်။

ရွာလူကြီးချွေ့က ဟဲကျစ်ယန်ကို တုန်တုန်ယင်ယင်ဖြင့် လက်ညှိုးထိုးပြီး “မင်း… ဒီကို မလာနဲ့၊ မဟုတ်ရင် ငါ မင်းကို အစိုးရအာဏာပိုင်တွေဆီ တိုင်ကြားရလိမ့်မယ်။” ဟု ပြောလိုက်သည်။

ဟဲကျစ်ယန်က အေးစက်စွာ လှောင်ပြောင်လိုက်သည်၊ “ရှင်က ကျွန်မကို တိုင်ကြားမယ်တဲ့လား။ လုပ်ကြည့်လိုက်လေ။ ခရိုင်တရားသူကြီးမင်းအသစ်က အခုလေးတင် ရောက်လာတာ။ အရာရှိတိုင်းက လက်ထောက်ခရိုင်တရားသူကြီးမင်းချွေ့လောက် အကျင့်ပျက်ခြစားမှု ရှိမရှိ ကျွန်မလည်း သိချင်မိပါရဲ့။”

ရွာလူကြီးချွေ့သည် ဟဲကျစ်ယန်၏ စကားကိုကြားသောအခါ နှလုံးခုန်နှုန်းမြန်သွားခဲ့သည်။

သူသည် ဒေါသအလွန်ထွက်ပြီး အရာရှိများ ပြောသည့်သတင်းကို လျစ်လျူရှုထားခဲ့သည်။

ယခု ယွင်ချန်မြို့တွင် ခရိုင်တရားသူကြီးမင်းအသစ်ရှိနေပြီဖြစ်သော်လည်း သူက မည်ကဲ့သို့သော လူမျိုး ဖြစ်သည်ကို သူတို့ မသိပေ။

အကယ်၍ ဤခရိုင်တရားသူကြီးမင်းသည် သူ့တူဖြစ်သူနှင့် အကျင့်စရိုက် မတူညီပါက ချွေ့မိသားစု၏ နေ့ရက်ကောင်းများ ကုန်ဆုံးသွားပေတော့မည်။

ထို့အပြင်၊ လက်ထောက်ခရိုင်တရားသူကြီးမင်းချွေ့၏ သားစဉ်မြေးဆက်အမြစ်ဒဏ်ရာကို သူ့မျက်စိဖြင့် မြင်ခဲ့ဖူးသည်။ ဒီသတင်းဟာ ဘယ်သူ့ကြောင့်မှန်း ကျယ်ကျယ်ပြန့်ပြန့် ပျံ့နှံ့သွားခဲ့ပြီး ယွင်ချန်တစ်မြို့လုံး သိရှိသွားခဲ့ကြသည်။

ဒီလိုအခြေအနေမျိုးမှာ လက်ထောက်ခရိုင်တရားသူကြီးမင်းချွေ့က ဒီကိစ္စကို ဖုံးကွယ်ချင်နေရင်တောင် သူ ထိန်းချုပ်နိုင်မှာ မဟုတ်ဘူး။

မူလက ရွာလူကြီးချွေ့သည် ယွင်ချန်မြို့တွင် လက်ရှိ တာဝန်ကျ ခရိုင်တရားသူကြီးမင်း မရှိသည့်အတွက် ဝမ်းသာမိပေသည်။ သူ့တူဖြစ်သူသည် ဤအချိန်ကို အသုံးချ၍ ဆွေးနွေးမှုမှတ်ချက်များကို နှိမ်နင်းကာ ယင်းကိစ္စကို ဖုံးကွယ်ပြီး ခရိုင်တရားသူကြီးအဖြစ် ဆက်လက်တာဝန်ထမ်းဆောင်နိုင်ဖို့ ကြံစည်ခဲ့သည်။

ယခုမူကား ဒါက မဖြစ်နိုင်တော့ဘူးဟု ယူဆရသည်။

တစ်နည်းဆိုရသော သူ့တူဖြစ်သူ၏ ခရိုင်တရားသူကြီးရာထူးကို မည်သို့မျှ ထိန်းထားနိုင်မည်မဟုတ်ပေ။

ဒါကိုတွေးရင်း ရွာလူကြီးချွေ့သည် ရုတ်ခြည်းဆိုသလို စိတ်မလုံခြုံသလို ခံစားလိုက်ရသည်။

သူသည် မော့ကျိုးယွီ၏ ကြာပွတ်ဒဏ်ရာများ ဖုံးလွှမ်းသွားသည်အထိ ရိုက်နှက်ခံထားရသော သူ့မျိုးနွယ်စုဝင်များကို ကြည့်ပြီး “ငါမင်းကို မတိုင်ကြားစေချင်ရင် မင်းယောကျာ်းကို ရပ်ခိုင်းလိုက်ပါ” ဟု ပြောလိုက်သည်။

ဟဲကျစ်ယန်သည် မော့ကျိုးယွီကို တစ်ချက်လှမ်းကြည့်လိုက်တော့ သူက ကြာပွတ်ကို ပျင်းရိပျင်းတွဲပုံစံဖြင့် ကိုင်ထားသည်ကို တွေ့လိုက်ရသည်။ သူက ချွေ့မိသားစုဝင်များကို လုံးဝ အလေးအနက် မထားသည်မှာ သိသာထင်ရှားပေသည်။

မူလက ဟဲကျစ်ယန်သည် ဒါကို တရားနည်းလမ်းတကျ ဖြေရှင်းချင်ခဲ့တာဖြစ်သည်။ မော့ကျိုးယွီက တစ်ယောက်ယောက်ကို မတော်တဆ သတ်လိုက်မိရင် ဒီအခြေအနေက ပြီးသွားမှာ မဟုတ်ဘူး၊ ဒါကြောင့် သူမက သူ့ကို တားဖို့ စိတ်ကူးထားခဲ့သည်။

ရလဒ်အနေဖြင့် ရွာလူကြီးချွေ့၏ ခြိမ်းခြောက်သံကို သူမ ကြားလိုက်ရသောအခါတွင် သူမသည် ချက်ချင်းပင် သူ့ကို မတားချင်တော့ပေ။

ဝင်ရောက်စွက်ဖက်ခြင်းမပြုခြင်းသည် အခြားနည်းလမ်းမရှိဟု မဆိုလိုပေ။

ဟဲကျစ်ယန်သည် ရွာလူကြီးချွေ့ကို ကြည့်လိုက်ပြီးနောက် မော့ကျိုးယွီ၏ ဘေးသို့ လျှောက်သွားခဲ့သည်။

“ယောကျ်ား၊ ရှင် သူတို့ကို ရိုက်ရတာ ပင်ပန်းနေပြီလား။ ခဏလောက် ထိုင်ပြီး အနားယူပါဦး၊ ကျွန်မ ဆက်ပြီး တာဝန်ယူလိုက်မယ်လေ။”

ဒါက ပိုကောင်းတယ်။ ဒါက အားစိုက်ထုတ်ဖို့ နည်းပါးရုံသာမက သူမ၏ ခန္ဓာကိုယ်ကိုလည်း လေ့ကျင့်ရာ‌ရောက်ပေလိမ့်မည်။

မော့ကျိုးယွီသည် ထိုလူများကို ရိုက်နှက်ရာတွင် အန္တရာယ်မရှိနိုင်မှန်းကို သိသဖြင့် သူမကို ချစ်မြတ်နိုးစွာ ကြည့်နေလျက် ဟဲကျစ်ယန်အား မဆိုင်းမတွ ကြာပွတ်ကို ကမ်းပေးလိုက်သည်။

ချွေ့မိသားစုသည် ဤမိန်းမလှလေးက ရွာလူကြီးကို ကန်ထုတ်လိုက်ကြောင်း သူတို့ကိုယ်တိုင် မျက်မြင်တွေ့ခဲ့ရသောကြောင့် ဟဲကျစ်ယန်နှင့် ရင်ဆိုင်ရသောအခါတွင် သူတို့ စိတ်သက်သာရခြင်း မရှိပေ။

ဟဲကျစ်ယန်မှာ မော့ကျိုးယွီလောက် ကြံ့ခိုင်မှု မရှိတာကလွဲရင် သူမရဲ့ တိုက်ခိုက်မှုတွေက သူ့ထက်တော့ မလျော့ဘူး။

ဒါ့အပြင် သူမက အတော်လေး ပေါ့ပါးဖျတ်လတ်မှုရှိသည်။ ဒီလူတွေဟာ လွတ်မြောက်ချင်ရင်တောင်မှ လွတ်မြောက်ဖို့ အခွင့်အရေး ရှိမှာ မဟုတ်ဘူး။

ဟဲကျစ်ယန်သည် ကြာပွတ်ဖြင့် ခဏလောက်လောက် ရိုက်နှက်ပြီးနောက် တော်သင့်ပြီဟု ခံစားမိသောအခါတွင် သူမ ရပ်လိုက်သည်။

တော်သင့်ပြီဟု သူမ သတ်မှတ်လိုက်သည့်အချိန်မှာ ချွေ့မိသားစုဝင်တွေ ပြင်းထန်စွာ နာကျင်နေပေမယ့် ဒဏ်ရာကြောင့် မသေနိုင်လောက်ပါဘူး။

သမားတော်ဖြစ်သည့် ဟဲကျစ်ယန်၏ အဆိုအရ ဒီလို ဒဏ်ရာက ပြန်ကောင်းလာဖို့ အနည်းဆုံး တစ်လခွဲလောက် လိုပေလိမ့်မည်။

သူမလက်ထဲတွင် ကြာပွတ်ကို ကိုင်ကာ “ကျွန်မ ပင်ပန်းသွားပြီ။ ရှင်တို့အားလုံး ခရိုင်အစိုးရရုံးကို သွားတိုင်ကြားလို့ ရပြီ။”

သူမ စကားပြောနေစဉ် ဟဲကျစ်ယန်သည် ထိတ်လန့်တုန်ယင်နေသော ရွာလူကြီးချွေ့ကို တမင်တကာ စိုက်ကြည့်နေသည်။

ရွာလူကြီးချွေ့သည် ဤအကြည့်ကို အသေအချာ နားလည်သည်။

အဲဒါက သူတို့ ရုပ်ပိုင်းဆိုင်ရာ နာကျင်မှုကို မကြောက်သရွေ့ တရားစွဲဆိုနိုင်တယ်လို့ဆိုနေတာပါပဲ။

ဒီအမျိုးသမီးရဲ့ သူ့ဝမ်းဗိုက်ကို ကန်လိုက်တဲ့ ကန်ချက်ကို ပြန်တွေးမိရင် ရွာလူကြီးမင်းချွေ့တစ်ယောက် ထိတ်လန့်နေတုန်းပါပဲ။

“တရားမစွဲဘူး။ ငါတို့အားလုံး ဘယ်သူမှ တရားမစွဲပါဘူး။”

သူပြောပြီးသည်နှင့် ရွာလူကြီးချွေ့သည် သူ့မျိုးနွယ်စုဝင်များကို မျက်တောင်ခတ်ပြပြီး အမြန်ထွက်ခွာဖို့ အချက်ပြသည်။

ချွေ့မိသားစုသည် စိတ်သက်သာရာရကာ နွားလှည်းပေါ်သို့ အမြန်တက်သွားကြသည်။

နွားလှည်းသမားသည် ပလိပ်နတ်ဘုရားကို ရှောင်တိမ်းသကဲ့သို့ မော့ကျိုးယွီနှင့် ဟဲကျစ်ယန်တို့ ရှေ့ကနေ နွားလှည်းကို တတ်နိုင်သမျှ မြန်မြန်မောင်းထွက်သွားခဲ့သည်။

ဟဲကျစ်ယန်နှင့် မော့ကျိုးယွီတို့သည်လည်း သူတို့အဝတ်များကို သပ်ရပ်အောင် ပြင်ဆင်ပြီး လှည်းပေါ် ပြန်တက်ခဲ့သည်။

အကယ်၍ ချွေ့မိသားစု၏ ရန်စမှုကို မကြုံတွေ့ခဲ့ပါက ခရိုင်တရားသူကြီးအသစ် ရောက်လာသည့် သတင်းကို ကြားပြီးနောက် စိတ်လှုပ်ရှားစွာ ကြည့်ရှုရန် လူအုပ်နောက်သို့ လိုက်ပြီးသွားလောက်ပြီ။

အခုတော့ သူတို့ စိတ်ပြောင်းသွားပြီ။

ခရိုင်တရားသူကြီးမင်းအသစ်ရောက်လာပြီ။ သူသည်သာ အရာရှိကောင်းတစ်ဦးဖြစ်ပါက၊ နှစ်များတစ်လျှောက် လက်ထောက်ခရိုင်တရားသူကြီးမင်းချွေ့၏ အကျင့်ပျက် ခြစားမှုများကို စုံစမ်းစစ်ဆေးလိမ့်မည်။ အခု သူ့ရဲ့ လက်ရှိမသန်စွမ်းမှုနှင့်အတူ လက်ထောက်ခရိုင်တရားသူကြီးမင်းချွေ့ကို ထုတ်ပယ်ပြီး တရားစွဲဆိုခြင်းဆီသို့ ဦးတည်သွားမည်ဖြစ်သည်။

ဆန့်ကျင်ဘက်အနေဖြင့် ခရိုင်တရားသူကြီးမင်းအသစ်သည် လက်ထောက်ခရိုင်တရားသူကြီးမင်းချွေ့ကဲ့သို့ အကျင့်ပျက်ခြစားသူဖြစ်ပါက လက်ထောက်ခရိုင်တရားသူကြီးမင်းချွေ့သည် သူ့အား အကျိုးခံစားခွင့်အချို့ပေးကာ ယင်းကိစ္စကို ဖြေရှန်းဖို့ ဒီအခွင့်အရေးကို ကျိန်းသေအသုံးချလိမ့်မည်ဖြစ်သည်။

လက်ထောက်ခရိုင်တရားသူကြီးချွေ့သာ စုံစမ်းစစ်ဆေးခံရမည်ဆိုပါက သူ့ပိုင်ဆိုင်မှုများကို သေချာပေါက် သိမ်းဆည်းခံရပေလိမ့်မည်။ နောက်ဆုံးအခြေအနေတွင် လက်ထောက်ခရိုင်တရားသူကြီးမင်းချွေ့သည် ခရိုင်တရားသူကြီးမင်းအား လာဘ်ထိုးရန်အတွက် သူ၏ ကျန်ရှိသည့် ပိုင်ဆိုင်မှုများကို အသုံးပြုလိမ့်မည်။ မော့ကျိုးယွီနှင့် ဟဲကျစ်ယန်တို့က သူ့ကို ဒီလို အခွင့်အရေးမျိုး မပေးချင်ကြဘူး။

ထို့ကြောင့် သူတို့နှစ်ဦးသည် အနာဂတ် ပြဿနာများကို ဖယ်ရှားရန် ချွေ့စံအိမ်တော်မှ ပစ္စည်းဥစ္စာများကို အရင်ဆုံး ခိုးယူဖို့ တညီတညွတ်တည်း ဆုံးဖြတ်ခဲ့ကြသည်။

***