ရုန်းပုံစံ

ဗီး...

ထိုမိုးကြိုးနဂါးက အကာအကွယ် အရံအတားကို ထိုးဖောက်နေကျဖြစ်ပြီး ရှေးဟောင်းခေါင်းတလားထဲသို့ တန်းတန်းမတ်မတ် ဝင်သွားပြီးနောက် ပျောက်ကွယ်သွားတော့သည်။ ယခုအခေါက်တွင် ၎င်းက ကာကွယ်ရေး အရံအတားကို ထိုးဖောက်သည့်အချိန်၌ ရုတ်တရက် ပျောက်ကွယ်သွားသည်။ ခပ်ဖျော့ဖျော့အလင်းတန်း ဖြာထွက်နေသည့် ကာကွယ်ရေး အရံအတားက လက်ရှိတွင် တောက်ပသည့် ရောင်ခြည်များဖြင့် တလက်လက် တောက်ပနေသည်။ ကြောက်မက်ဖွယ် အရှိန်အဝါတို့က အရံအတားထဲမှ ပေါ်ထွက်လာ၏။ အရံအတားအတွင်းရှိ လေထုကလည်း စတင်တုန်လှုပ်လာတော့သည်။

“မကောင်းတော့ဘူး ”

လင်းဂိုဏ်း၏ဘိုးဘေးက ထအော်လိုက်ပြီးနောက် ကသုတ်ကရိုက်နိုင်သော အပြုအမူဖြင့် အရံအတားထဲမှ ထွက်လိုက်သည်။ သူ့လက်ထဲရှိဓားကို သုံးပြီး ဓားရောင်ခြည်ပစ်လွှတ်လိုက်ရာ အနီးပတ်ဝန်ကျင် လေဟာနယ်ကို ကွဲသွားသောဖန်ခွက်နှယ် အက်ရာငယ်များ ထင်သွားတော့၏။ တိုက်ကွက်မည်မျှ ပြင်းထန်ကြောင်း ရှင်းရှင်းလင်းလင်း မြင်နိုင်ပေသည်။

ဘန်း

လင်းဘိုးဘေး၏ စိတ်လေးနေရသည့် အကြောင်းအရင်းမှာ ဖောက်ထွင်းမြင်နေရသော အရံအတားက အလွယ်တကူ ဖောက်ဝင်နိုင်ခဲ့သော အရံအတားက အရံအတား အစစ်အမှန် ဖြစ်လာသည်။ လင်းဘိုးဘေး၏ ဖြုံလောက်သည့် တိုက်ကွက်က အရံအတားကို ထိသွားသည့် အချိန်တွင် အနည်းငယ်သာ တုန်လှုပ်သွားပြီးနောက် ဓားအလင်း ပျောက်ကွယ်သွားတော့သည်။

ကျီ ကျီ

ကောင်းကင်ထက်ရှိ မိုးကြိုးနဂါး နောက်ထပ်တစ်ကောင်က သက်ဆင်းလာပြီးနောက် အရံအတားအထက်တွင် ပျောက်ကွယ်သွားတော့သည်။ လင်းဘိုးဘေး၏ အမူအရာက ပိုတောင်သုန်မှုန်သွား၏။ ယင်းက အရံအတားကို ရုတ်ခြည်းပြဿနာ တက်စေနိုင်သည်။ ထိုအရံအတားကို ရုတ်ခြည်း ပြောင်းလဲမှုဖြစ်ပေါ်စေသော ပြဿနာကြီးတစ်ရပ် ရှိနေသည်။ ထင်သည့်အတိုင်းပင် အောက်ခြေရှိ အရိုးစုများက စတင်တုန်ခါလာကြသည်။ သူတို့အားလုံးက အဝေးသို့ ရောက်သွားပြီးနောက် အနက်ရောင် ပင်လယ်နွယ်ပင်ဆယ်ခုက လင်းဘိုးဘေးဆီသို့ မလွတ်မြောက်နိုင်သော ပိုက်ကွန်သဖွယ် ဝင်လာကြ၏။

လင်းဘိုးဘေး၏ စိတ်ဝိညာဉ်က ဆတ်ခနဲ တုန်လှုပ်သွားကာ သူ့မျက်လုံးထဲတွင် ဒေါသအရိပ်အယောင်တို့ ပေါ်လာ၏။ သူ၏အကြည့်က ပင်လယ်နယ်ပယ်များဆီ ထိုးဖောက်သွားပြီးနောက် ရှေးဟောင်းခေါင်းတလားထဲ၌ ရှိနေသော အမျိုးသမီး အလောင်းဆီသို့ ရောက်သွားသည်။ ထိုအရာအားလုံးကို အတွင်းရှိ အမျိုးသမီးအလောင်း ထိန်းချုပ်နေသည်ဟုသော မဖော်ပြနိုင်သည့် ခံစားချက်မျိုး သူရနေပေ၏။

“သတ် ” ယခုအချိန်တွင် သူမည်သည်ကို လုပ်နိုင်ပါမည်နည်း။ သူသည် တိုတောင်းသည့် အချိန်အတွင်း၌ အရံအတားကို ဖြိုခွင်းနိုင်မှာ မဟုတ်ပေ။ အကြောင်းမှာ လျှပ်စီးလုံးများမှ စွမ်းအားက အားဖြည့်ပေးနေသောကြောင့် ဖြစ်သည်။ သူသည် ပင်လယ်နွယ်ပင်များကို ဖယ်ထုတ်ပစ်ရန် သူ့ခွန်အားအကုန် ဦးစွာထုတ်ဖော်ရန်သာရှိသည်။ မဟုတ်လျှင်သူက ချုပ်နှောင်ခံလိုက်ရပြီး ဆိုးရွားသည့် ကံကြမ္မာဖြင့် အဆုံးသတ်ရမှာ သေချာပေ၏။

“အမ် ”

ဧကရီနန်းတော်ထဲ၌ ရှိနေသည့် ကျန်းရီက အံ့သြနေ၏။ ပြီးနောက် ဝမ်းသာပီတိတို့ အစားထိုးလာတော့သည်။ ယခင်က သူဆွဲချခံရစဉ် ထိုကဲ့သို့ အဖြစ်အပျက်မျိုး မဖြစ်ခဲ့။ ကျန်းရှောင်နူက ပင်လယ်နယ်ပယ်များ အားလုံးကို ဖြတ်ပြီးသည့်တိုင် ဤကဲ့သို့အဖြစ်အပျက် အခြေအနေမျိုး ပေါ်ပေါက်မလာဖူးပေ။ ထိုအရာအားလုံးကို အမျိုးသမီးအလောင်းက ပြုလုပ်နေသည်လော။

“ဟ”

လင်းဘိုးဘေး၏ခွန်အား အစွမ်းထက်လွန်းတာကို သူဝန်ခံရမှာပဲဖြစ်သည်။ သူ့လက်ထဲရှိ ဓားရှည်က ဆက်တိုက်ဓားရာများ ထုတ်ဖော်နေသည်။ ဓားလွှဲခုတ်မှုများ ဖော်ထုတ်နေ၏။ ပင်လယ်နွယ်ပင်များကို မထိခိုက်စေသော်ငြား သူ့နားသို့ နွယ်ဆယ်ပင် မကပ်လာအောင် ဟန့်တားထားနိုင်သေး၏။ ကျွတ် ကျွတ်

နွယ်ဆယ်ပင်က ဆက်တိုက် တွန်းလှန်ခံနေရသော်ငြား သူတို့က မြန်မြန်ဆန်ဆန် ပြန်ရောက်လာပေသည်။ သတ်ဖြတ်၍မရနိုင်သော အဆိပ်ရှိ နဂါးဆယ်ကောင်နှင့် တူနေစေတော့သည်။ လင်းဂိုဏ်းဘိုးဘေးက ဓားကိုလွှဲခုတ်ကာ မရေမတွက်နိုင်သည့် ဓားအလင်းများကို သူ၏ပတ်ဝန်းကျင်ဆီသို့ ကြမ်းတမ်းသည့် မုန်တိုင်းတစ်ခုသဖွယ် ပစ်ထုတ်လိုက်တော့၏။ သူ့ရင်ထဲ၌ မကျေမချမ်းဖြစ်မှုများကို စကားလုံးများဖြင့်တောင် ဖော်ပြ၍ မရနိုင်ပေ။

သူသည် ကျန်းရီနောက်သို့ အချိန်အတော်ကြာ လိုက်ခဲ့ပြီး စိတ်ပိုင်းဆိုင်ရာနှင့် ရုပ်ပိုင်းဆိုင်ရာ နှစ်ခုလုံး မောပန်းနွမ်းနယ်နေပြီဖြစ်သည်။ ယခုအချိန်၌သူက ပင်လယ်နွယ်ပင်များ၏ တိုက်ခိုက်မှုကို ခုခံနေရသေးသည်။ သူမည်မျှ ခံနိုင်မည်နည်း။ နေ့ဝက်လော။ တစ်ရက်လော။ သုံးရက် သို့မဟုတ် ငါးရက်လော။

သူ၏မျက်ဝန်းများကို စတင်လှည့်ပတ် ကြည့်လိုက်ပြီးနောက် အကြံတစ်ခုက သူ့စိတ်ထဲ ပေါ်လာတော့သည်။

သူသည် အရံအတားကို မဖြိုခွင်းနိုင်။ အချိန်တိုအတွင်း ပင်လယ်နယ်ပယ်များကို မဖျက်ဆီးပစ်နိုင်ရာ သူလုပ်နိုင်သည့် တစ်ခုတည်းသော အရာက ဖြစ်ရပ်နောက်ကွယ်တွင် ထိန်းချုပ်နေသည့်သူကို သတ်ဖြတ်ရန်သာဖြစ်သည်။

ရှေးဟောင်းခေါင်းတလားထဲရှိ မိန်းမပျိုလေးသည် သေဆုံးပြီဟု ထင်ရသော်ငြား လင်းဂိုဏ်းဘိုးဘေးက ထိုအရာအားလုံး သူမကြောင့်ဖြစ်မှန်း သေချာသိနေပေသည်။ ပင်လယ်ကြမ်းပြင်ပေါ်ရှိ ရှေးဟောင်း ခေါင်းတလားအတွင်း လဲလျောင်းနေခြင်းက အလွန်မူမမှန်သည့် ကိစ္စတစ်ခုဖြစ်နေပြီးသားပင်။

“ဟ” သူ့တိုက်ခိုက်မှု နောက်ကွယ်ရှိ စွမ်းအားက ရုတ်တရက် ပိုမိုကြမ်းလာတော့၏။ ဗာဂျရာနယ်ပယ် အမြင်ဆုံးအဆင့် သိုင်းပညာရှင် တစ်ဦးထံမှ ကျားကုပ်ကျားခဲ တိုက်ကွက်တစ်ကွက်က မည်မျှကြမ်းတမ်းမည်နည်း။

အနက်ရောင် နွယ်ပင်များအားလုံး တွန်းကန်ခံလိုက်ရခြင်း ဓားရှည်ဖြတ်သန်းသွားသည့် နေရာတိုင်းက ကြိမ်နှုန်းအလွှာများစွာနှင့် အက်ကွဲရာများ ဆက်တိုက်ပေါ်လာတော့သည်။ ထိုတိုက်ခိုက်မှုက အရံအတားဆီကိုလည်း တိုက်မိသွားပြီး အရံအတားကို လှုပ်ခါသွားစေ၏။ အနီးအနားတွင် တောင်ကြီးတစ်တောင် ရှိနေခဲ့လျှင် မြေကြီးပေါ် ပိုင်းပြတ်ကျလာနိုင်ပေ၏။

ဝှစ်

သူကိုယ်တိုင် ပုံရိပ်ယောင် တစ်ခုအဖြစ် အသွင်ပြောင်းသွားပြီးနောက် ရှေးဟောင်း ခေါင်းတလားနားသို့ လျင်မြန်စွာ ချဉ်းကပ်သွား၏။ ရှေးဟောင်းခေါင်းတလားနှင့် မီတာရာဂဏန်းခန့် ကွာနေသည့်အချိန်တွင် လျှပ်စီးကဲ့သို့အရှိန်ဖြင့် သူကဓားကို ဆက်တိုက်လွှဲယမ်းနေကာ သူ့ကိုဝန်းရံနေသော ပင်လယ်နွယ်ပင်များအားလုံးကို ဖယ်ရှားပစ်နေသည်။ သူ၏ကျန်သည့် လက်တစ်ဖက်ကမူ အဖြူရောင် ရောင်ခြည်များကို စုစည်းထားပြီး အရှေ့ကို လက်ဝါးဖြင့် ရိုက်ချလိုက်၏။

ကျွီ ကျွီ

သူ့နားရှိ ကောင်းကင်နှင့်မြေကြီး၏ ခြည်ဓာတ်အားလုံးက သူ့လက်ဝါးဆီ တိုးဝင်လာကြပြီးနောက် ပြင်းထန်သည့် လက်ဝါးအရိပ်အဖြစ် သိပ်သည်းသွားတော့သည်။ ဧရာမလက်ဝါး သိပ်သည်းသွားချိန်၌ ယင်းကရုတ်တရက် ပျောက်ကွယ်သွားသည်။ နောက်တစ်စက္ကန့်တွင် ရှေးဟောင်း ခေါင်းတလားအထက် မီတာသုံးဆယ် လေဟာနယ်က ကြိမ်နှုန်းများ စတင်လှုပ်ခါလာပြီးနောက် ဧရာမလက်ဝါးအရိပ်က မီတာသုံးဆယ်ကျော် ကြီးမားလာပြီးနောက် ထိုက်ရှောင်တောင်ကဲ့သို့ပင် ခေါင်းတလားကို ထိသွားစေတော့သည်။

“အား”

ကျန်းရီသည် သလင်းလုံးကနေတစ်ဆင့် အပြင်ဘက်တွင် ဖြစ်ပျက်နေသည်များကို ရှင်းရှင်းလင်းလင်း မြင်နိုင်သည်။ သူသည် ဧကရီနန်းတော်အတွင်း၌ ရှိနေသည့်တိုင် ထိုလက်ဝါးရိုက်ချက်မှ စွမ်းအားကို ခံစားမိသေးသည်။ ယင်းက လင်းဘိုးဘေး၏ အသန်မာဆုံး တာအိုပုံစံ တိုက်ကွက်ဖြစ်နိုင်ပေသည်။ ထိုတိုက်ကွက်သာသူ့ဆီ ရောက်သွားခဲ့လျှင် ရွှေယို့လန်တောင် ထိပ်တိုက်ရင်ဆိုင်ရဲမှာမဟုတ်။ နတ်မိမယ်တောင်ထွတ်တောင် လက်ဝါးရိုက်ချက်ကြောင့် ဖုန်မှုန့်အဖြစ် ပြောင်းလဲသွားနိုင်ပေသည်။ ရှေးဟောင်းခေါင်းတလားသည် ထိုမျှအံ့သြဖွယ် ရိုက်ချက်ကို မည်သည့်တုံ့ပြန်မှုမျှ ပြုမိပုံမရဘဲ အတွင်းတွင် လဲနေသော အမျိုးသမီးလေးက အမှန်တကယ် သေဆုံးပြီးပုံရသည်။ တုတ်တုတ်မျှ မလှုပ်ပေ။

ဖုန်း

လက်ဝါးရိုက်ချက်က လျင်မြန်စွာ ကျလာပြီးနောက် လင်းဂိုဏ်းဘိုးဘေးနှင့် ကျန်းရီကို အံ့သြမှင်သက်စေသည့် ကိစ္စတစ်ခု ဖြစ်သွားခဲ့သည်။

ဧရာမလက်ဝါး ကျလာသည်နှင့် ရှေးဟောင်း ခေါင်းတလားက ငွေဖြူရောင် ရောင်ခြည်များ လင်းလာတော့သည်။ ရုန်းပုံစံများစွာက ဖောက်ထွင်းမြင်နေရသည့် အဖြူရောင်ကျောက်စိမ်း ခေါင်းတလားပေါ်၌ တလက်လက် တောက်ပလာသည်။ ထိုရုန်းပုံစံများထဲတွင် သူတို့၏ စိတ်နှလုံးကို တုန်လှုပ်စေသည့် ခွန်အားတစ်ရပ် ပါရှိသည်။ ထိုသို့ ထိမိသွားသည့် အတောအတွင်း ကျန်းရီက ရုန်းပုံစံထဲတွင် ပါဝင်သည့် လျှပ်စီးစွမ်းအားကို အာရုံခံမိခဲ့၏။

ဘီး

ရုန်းပုံစံ ပေါ်ပေါက်လာသည်နှင့် လေဟာနယ်တစ်ခုလုံး ခဲသွားတော့သည်။ တစ်ကမ္ဘာလုံး ပျက်သုန်းသည့်အရှိန်အဝါက ရှေးဟောင်းခေါင်းတလားထဲမှ ဖြာထွက်လာ၏။ ထိုအရှိန်အဝါသည် လင်းဘိုးဘေးနှင့် ကျန်းရီကို သူတို့၏စိတ်ဝိညာဉ်များ ကြောက်လန့်မှုကြောင့် တုန်လှုပ်မှု ဖြစ်စေတော့သည်။

ကျွီ ကျွီ

ရှေးဟောင်း ခေါင်းတလားပေါ်ရှိ ရုန်းပုံစံများက မြွေသေးလေးများသဖွယ် စတင်ရွေ့လျားလာပြီး ခေါင်းတလားဝန်းကျင်၌ လှည့်ပတ်နေတော့၏။ မြန်မြန်ဆန်ဆန်ပင် လျှပ်စီးငွေနဂါးတစ်ကောင်က ရှေးဟောင်းခေါင်းတလားထဲမှ ပေါ်ထွက်လာပြီး လင်းဘိုးဘေးဆီသို့ တိုးဝင်သွားတော့သည်။

“ဒါက နတ်ဘုရားလက်နက်ပဲ၊ နတ်ဘုရားရဲ့ ခွန်အားတွေ ပါဝင်နေတာ ရှေးဟောင်း ခေါင်းတလားက တကယ် နတ်ဘုရားလက်နက်ပဲ၊ ဘယ်လိုလုပ် ဖြစ်နိုင်မှာလဲ ဒီလိုနတ်ဘုရား လက်နက်မျိုးက ကောင်းကင်ကြယ်တာရာနယ်မြေမှာ ဘယ်လိုလုပ် ရှိနိုင်မှာလဲ ဒီအမျိုးသမီးက ဘယ်သူလဲ ”

လင်းဘိုးဘေးသည် ကြောက်မက်ဖွယ်ကောင်းသည့် ရုန်းပုံစံများဖြင့် ဖိနှိပ်ခံထားရပြီး သူကတုတ်တုတ်မျှ မလှုပ်နိုင်ဖြစ်နေသည်။ လျှပ်စီးနဂါး သက်ဆင်းလာသည်ကိုသာ သူကြည့်ရုံသာ ကြည့်နိုင်ပေ၏။ ပြီးနောက် မျက်လုံးထဲ၌ အကြောက်တရားများ ပြည့်နေကာ အော်ညဉ်းလိုက်တော့သည်။ သူသည် ရှေးဟောင်း ခေါင်းတလားအတွင်းရှိ မိန်းမပျိုကို ဖြူဖျော့သော အမူအရာဖြင့် ကြည့်နေမိသည်။

ကျွတ် ကျွတ်

လျှပ်စီးနဂါးက လင်းဂိုဏ်းဘိုးဘေးကို ဖောက်ထွင်းသွားတော့သည်။ ထိုစဉ် သူ၏ဝိညာဉ်ခန္ဓာကိုယ်နှင့် စိတ်ဝိညာဉ်တို့က တစ်ကိုယ်လုံး မိုးကြိုးဖြင့် အပစ်ခံလိုက်သည့်အလား မရပ်မနား တုန်လှုပ်နေတော့သည်။ သူ၏ခန္ဓာကိုယ်က မီးခိုးငွေ့များ စတင်ပေါ်ထွက်လာသည်။ ကျန်ရှိသည့်အငွေ့များလည်း လောင်ကျွမ်းသွားခဲ့ပြီဖြစ်သည်။ ခန္ဓာကိုယ်က အသာလောင်သည့် ညှော်နံ့များထွက်လာပြီး သူဆက်လက်တုန်ယင်နေကာ ဝက်ရူးပြန်ရောဂါ ဖြစ်နေသလိုပင်။

ရှေးဟောင်း ခေါင်းတလားက လျှပ်စီးနဂါး ပစ်ထုတ်ပြီးနောက် ရုန်းပုံစံများ လျင်မြန်စွာ ပျောက်ကွယ်သွားပြီး မူလအခြေအနေအတိုင်း ပြန်ရောက်သွား၏။ လင်းဘိုးဘေးထံမှ ထွက်ပေါ်လာသည့် ကြောက်မက်ဖွယ် လက်ဝါးရိုက်ချက်က ရှေးဟောင်းခေါင်းတလားကို မည်သည့်ခုခံမှုမှ မဖြစ်စေခဲ့ပေ။ ရှေးဟောင်း ခေါင်းတလားက လှုပ်တောင်လှုပ်ပုံမရပေ။ အတွင်းတွင် လဲလျောင်းနေသည့် မိန်းမပျိုလေးက ငြိမ်းငြိမ်းချမ်းချမ်းပင် အိပ်ပေါ်နေသော အလှပဂေးတစ်ဦးနှင့် တူနေပေ၏။

“အား အား အား ” လင်းဘိုးဘေးက ကုန်းပြင်မြင့်ပေါ်တွင် အသန်မာဆုံး ကျွမ်းကျင်သူဟူ၍ ခေါ်ရန် ထိုက်တန်ပေသည်။ ထိုမျှ ကြောက်မက်ဖွယ်ကောင်းသည့် လျှပ်စီးတောင်သူ့ကို မသတ်ဖြတ်နိုင်ခဲ့။ သူ၏ရုပ်ပိုင်းဆိုင်ရာခွန်အား မည်မျှသန်မာကြောင်း ပြသနေတာပဲဖြစ်သည်။ ထိုသို့တိုင် လက်ရှိရုပ်ရည်သွင်ပြင်က ပန်းပွင့်တစ်ရာမိန်းမပျို မသေခင်ကထက် ပိုတောင် စုတ်ပြတ်သတ်နေပေသည်။ သူ၏ခန္ဓာကိုယ်တွင် မီးမလောင်ကျွမ်းသည့် နေရာမရှိ။ အတွင်းပိုင်းတောင်မှ အကင်ခံနေရပြီဖြစ်သည်။

ကျွီ ကျွီ

ပင်လယ်နယ်ပယ်များစွာက ဓားထက်ထက်တစ်လက်နှယ် ပေါ်ပေါက်လာတော့သည်။ ယခုလင်းဂိုဏ်၏ ဘိုးဘေးခန္ဓာကိုယ်က မိုးကြိုးအပစ်ခံရပြီးနောက် ပြင်းထန်သည့်ဒဏ်ရာများ ရနေပြီးဖြစ်ရာ ခန္ဓာကိုယ်ရှိ သွေးကြောအများစုသည် ဖျက်ဆီးခံခဲ့ရပြီဖြစ်၏။ ထိုပင်လယ် နယ်ပယ်များကို မည်ကဲ့သို့ ခုခံနိုင်တော့မည်နည်း။

သူသည် ချက်ချင်းပင် ပင်လယ်နယ်ပယ်များ ဆွဲချတာခံလိုက်ရပြီးနောက် ပင်လယ်ကြမ်းပြင်ဆီသို့ ရောက်သွားကာ အရိုးစုပုံဘေးသို့ လဲကျသွားတော့၏။ သူ၏ခန္ဓာကိုယ်သည်လည်း တစ်ဒါဇင်ကျော်သော ပင်လယ်နွယ်ပင်များ ရစ်ပတ်ခံနေရပြီး သူ့ကို လူသားဖက်ထုတ်နှယ် ရစ်ပတ်ထားကြတော့သည်။ ခန္ဓာကိုယ်၌ ဒဏ်ရာများပြည့်နေရာ နာကျင်စွာ စတင်အော်ဟစ်လိုက်တော့၏။

“ဒီရုန်းပုံစံတွေက ဘာကြောင့်ရင်းနှီးတဲ့ပုံ ပေါ်နေတာလဲ ”

ကျန်းရီက လင်းဘိုးဘေး၏ သေခြင်းတရားကို အာရုံမစိုက်ဘဲ သူ့မျက်လုံးထဲတွင် စိတ်ရှုပ်ထွေးမှုများ ပြည့်နေတော့သည်။ သူ့စိတ်ထဲ၌ ရှေးဟောင်း ခေါင်းတလားဝန်းကျင်၌ ပေါ်ပေါက်လာသော ရုန်းပုံစံများသာ ပြည့်နေတော့သည်။ ထိုရုန်းပုံစံကသူနှင့် ရင်းနီးနေသည်ဟု ခံစားမိသော်ငြား မည်သည့်နေရာတွင် တွေ့မည်မှန်း မပြောနိုင်ချေ။

“ဟုတ်တယ် ချိတ်ပိတ်မှုတွေ ငါ့ရဲ့ဒန်ပြန်ပေါ်က ချိတ်ပိတ်မိထားတာတွေ ချိတ်ပိတ်ခံသင်္ကေတပေါ်က ရုန်းပုံစံက ရှေးဟောင်း ခေါင်းတလားပေါ်က ရုန်းပုံစံနဲ့ အတော်ဆင်တူတယ် တော်တော်ကြီးတူတာ ”

ကျန်းရီသည် သဘောပေါက်သွားပြီးနောက် သူစိတ်ထဲ တွေးတော့သည်။ စတင်တွေးတောပြီးနောက် ပိုတောင်ဇဝေဇဝါ ဖြစ်လာ၏။ ရီဖျောင်ဖျောင်သည် သူ၏ဒန်တန်အတွင်း ရှိနေသည့် ချိတ်က သူမပိတ်ခဲ့တာမဟုတ်ဟုဆိုခဲ့သည်။ ချိတ်ပိတ်ခဲ့သည့်သူသည် ရှေးဟောင်း ခေါင်းတလားပိုင်ရှင်နှင့် တစ်နည်းနည်း သက်ဆိုင်နေသည်လော။ သို့မဟုတ် ထိုအမျိုးသမီးကပင် ချိတ်ပိတ်ခဲ့သည်လော။

“အား အား ” ကြောက်မက်ဖွယ်အော်သံက ကျန်းရီကို အတွေးနက်နေရာမှ ဆွဲထုတ်လိုက်တော့သည်။ သူကခေါင်းခါပြီးနောက် တွေးတာရပ်တန့်ရန် သူ့ကိုယ်သူ ဖိအားပေးလိုက်၏။ သူသည် သလင်းလုံးကို ဖျတ်ခနဲကြည့်နေစဉ် ခန္ဓာကိုယ်ထဲမှ သတ်ဖြတ်လိုသည့် ဆန္ဒများ စတင်ပေါ်ပေါက်လာသည်။ အနက်ရောင်နွယ်ပင်များကြောင့် ရုန်းကန်နေရသည့် လင်းဘိုးဘေးကိုကြည့်ပြီးနောက် အေးတိအေးစက် အမူအရာများ ထုတ်ဖော်ကာ ပြုံးပြီးပြောလိုက်၏။

“အဘိုးကြီး ခင်ဗျားကို ကျုပ်ပို့ပေးမယ် ”

***