ပြန်လည်ပြင်ဆင်မှု - ကံကြမ္မာ၏ ချည်နှောင်မှု

​ယန်ဖုန်းက သက်ပြင်းချလိုက်ပြီး ယွဲ့လင်းကို စူးစိုက်ကြည့်လိုက်တယ်။ "ယွဲ့လင်း... အခု အိမ်ရှေ့စံလည်း သေပြီ၊ ယန်မိသားစုလည်း ပျက်ပြီ။ ဒါပေမဲ့ မင်း ဘာလို့ ငါ့ကို ဒီလောက်အထိ အသက်ပေးပြီး ကူညီနေတာလဲ? မင်းရဲ့ 'နှင်းကြာပန်း' ကို ရရုံနဲ့ မင်းရဲ့ တာဝန်က ပြီးဆုံးနေပြီပဲ။"

​ယွဲ့လင်းက ခဏတာ တိတ်ဆိတ်သွားပြီး သူမရဲ့ လက်ဖဝါးကို ဖြန့်ပြလိုက်တယ်။ သူမရဲ့ လက်ဖဝါးထဲမှာ အပြာရောင် ရေခဲပွင့်လေးတစ်ခုဟာ ယန်ဖုန်း အနားကပ်လာတာနဲ့အမျှ တုန်ခါပြီး နီမြန်းလာတာကို တွေ့ရတယ်။

​"ဒါက ငါတို့ နှင်းတောင်တန်းဂိုဏ်းရဲ့ 'ကံကြမ္မာပြ အမှတ်အသား' ပဲ။" သူမက အေးဆေးစွာ ရှင်းပြတယ်။ "ကျွန်မတို့ရဲ့ မျိုးရိုးဟာ ရှေးဦးကတည်းက 'သွေးနဂါး' မျိုးဆက်တွေကို စောင့်ရှောက်ဖို့ ကတိသစ္စာ ပြုခဲ့ကြတာ။ မင်းရဲ့ ခန္ဓာကိုယ်ထဲမှာ သွေးနဂါးရဲ့ အငွေ့အသက်တွေ ရှိနေတာကို ကျွန်မစတွေ့ကတည်းက သိခဲ့တယ်။"

သူမက ယန်ဖုန်းကို ကြည့်ပြီး ဆက်ပြောတယ်... "ရှင့်မှာ တခြားသူတွေနဲ့မတူတဲ့ ထူးခြားတဲ့ ပါရမီတစ်ခု ရှိနေတယ်ဆိုတာ ကျွန်မသိတယ်။ ကျွန်မက အဲဒီပါရမီကို ကာကွယ်ပေးရမယ့်သူပဲ။ ရှင်သာ ကျဆုံးသွားရင်ကျွန်မတို့ဂိုဏ်းရဲ့ နောက်ဆုံး ရည်မှန်းချက်လည်း ပျက်စီးသွားလိမ့်မယ်။ အဲဒါကြောင့် ကျွန်မက ရှင်နဲ့အတူ အဆုံးအထိ လိုက်ပါဖို့ ဆုံးဖြတ်ထားတာ။"

​ယန်ဖုန်းက သူ့ရင်ထဲက စနစ် အကြောင်းကိုတော့ ထုတ်မပြောဘဲ ခေါင်းငြိမ့်ပြလိုက်တယ်။ "မင်းရဲ့ သစ္စာတရားအတွက် ကျေးဇူးတင်ပါတယ်။ ငါ့ရဲ့ လမ်းစဉ်က သွေးစွန်းနေမှာ ဖြစ်သလို၊ မင်းအတွက်လည်း အန္တရာယ်တွေ အများကြီး ရှိလာနိုင်တယ်..."

အဲ့ဒါကအဆင်ပြေပါတယ် ကျွန်မအတွက်တော့မှုမနေဘူး

ယန်ဖုန်းဟာ လီကျန့်ရဲ့ လက်စွပ်ထဲက မြေပုံကို ပြန်လည် သိမ်းဆည်းလိုက်တယ်။ အခု သူတို့အတွက် အဓိက ပြဿနာက မြို့တော်က တော်ဝင်အကြီးအကဲတွေတင် မဟုတ်ဘဲ၊ ယန်ဖုန်းရဲ့ ခန္ဓာကိုယ်ထဲမှာ မတည်မငြိမ် ဖြစ်နေတဲ့ စွမ်းအားတွေပဲ ဖြစ်တယ်။

​ဂူအတွင်းမှာ ယန်ဖုန်းဟာ တင်ပျဉ်ခွေထိုင်ရင်း ကျင့်ကြံနေတယ်။ ဒါပေမဲ့ သူ့ရဲ့ မျက်နှာက တဖြည်းဖြည်း နီမြန်းလာပြီး ခန္ဓာကိုယ်ကနေ ပူပြင်းတဲ့ သွေးငွေ့တွေ ထွက်ပေါ်လာတယ်။ အိမ်ရှေ့စံဆီက ပြန်လည်ရရှိခဲ့တဲ့ "မူလအမြုတေ" နဲ့ သူ့ရဲ့ "သွေးနဂါးမျိုးဆက်" က တစ်ခုနဲ့တစ်ခု အပြန်အလှန် တိုက်ခိုက်နေကြတာပါ။

"အား..." ယန်ဖုန်း အံကြိတ်ထားပေမယ့် ပါးစပ်ထောင့်ကနေ သွေးတွေ စိမ့်ထွက်လာတယ်။ သူ့ရဲ့ သွေးကြောတွေက ပေါက်ထွက်တော့မတတ် ဖောင်းကြွနေတယ်။

​[ စနစ် သတိပေးချက်: ]