ချစ်ခြင်း၏ကတိစကား

​ယွဲ့လင်းက ယန်ဖုန်းရဲ့ လက်ကို အသာအယာ ဆွဲပြီး လှေအလယ်မှာ ထိုင်ခိုင်းလိုက်ပါတယ်။ သူမက ယန်ဖုန်းရဲ့ နောက်မှာ ထိုင်ပြီး သူမရဲ့ လက်ချောင်းလေးတွေကို ယန်ဖုန်းရဲ့ နားထင်နဲ့ ပခုံးတွေပေါ်မှာ တင်လိုက်တယ်။

​"ရှင်... မျက်လုံးမှိတ်ပြီး ရှင့်ရဲ့ သွေးပင်လယ်ထဲက စွမ်းအင်တွေကို ရေခဲမြစ်တစ်ခုလို ဖြည်းဖြည်းချင်း စီးဆင်းသွားတယ်လို့ စိတ်ကူးကြည့်လိုက်ပါ..."

​ယွဲ့လင်းရဲ့ လက်ချောင်းလေးတွေဆီက အေးမြတဲ့ အထိအတွေ့နဲ့ သူမရဲ့ ကိုယ်သင်းရနံ့လေးက ယန်ဖုန်းရဲ့ စိတ်ကို တည်ငြိမ်သွားစေတယ်။ ဒီလို နီးကပ်တဲ့ အနေအထားမှာ ယန်ဖုန်းရဲ့ နှလုံးခုန်သံက အရင်ကထက် ပိုမြန်လာတာကို သူကိုယ်တိုင် သတိပြုမိလိုက်တယ်။

​[ စနစ် အသိပေးချက်: ]

အဆင့်မြှင့်တင်မှု: ယွဲ့လင်း၏ လမ်းညွှန်မှုကြောင့် 'ရေခဲသွေးနဂါး' စွမ်းအင် ထိန်းချုပ်မှု ၅၀% ပိုမို တိုးတက်လာသည်။

အခြေအနေ: ပိုင်ရှင်၏ စိတ်ခံစားမှု မြင့်တက်နေသဖြင့် သွေးစွမ်းအင်များ ပိုမို နွေးထွေးလာသည်။

ယန်ဖုန်းက မျက်လုံးပြန်ဖွင့်လိုက်တဲ့အခါ သူ့ကို ဂရုတစိုက် ကြည့်နေတဲ့ ယွဲ့လင်းရဲ့ မျက်ဝန်းတွေနဲ့ ဆုံသွားပါတယ်။

ယန်ဖုန်းက "ယွဲ့လင်း "ကိုယ်မင်းကိုချစ်တယ် တွေ့ဆုံမှုကအရမ်းမကြာသေးပေမဲ့ ကိုယ်မင်းကိုအရမ်းချစ်တယ် ကိုယ်လျှောက်မဲ့လမ်းကသွေးတွေနဲ့ပြည့်နေတယ်ဆူးတွေလဲ ပြည့်နေလိမ့်မယ်

ဒါပေမယ့်

​"ယွဲ့လင်း... ကိုယ်ကတိပေးတယ်။ ကိုယ်တို့ဘ၀မှာ ဘာတွေပဲ ကြုံလာပါစေ၊ မင်းကို ကိုယ်အမြဲ ကာကွယ်သွားမှာပါ။ ကိုယ်လျှောက်ရမဲ့လမ်းက အန္တရာယ်များပေမယ့် မင်းရဲ့ အကူအညီနဲ့ဆိုရင် ကိုယ် ဘာကိုမှ မကြောက်တော့ဘူး " လို့ ယန်ဖုန်းက လေးနက်စွာ ပြောလိုက်တယ်။

သုံးရက်အကြာ၌ အရိုးစုတောအုပ်သို့ ရောက်ရှိလာကြတော့သည်