ပြင်ပ အကူအညီ နှင့် သင်္ဘော

ခေါင်းဆောင်လောင်း ၇ ဦး ပါဝင်လာခြင်းကြောင့် ဌာနချုပ်၏ အင်အားသည် ပိုမို တောင့်တင်းလာသည်။

ကနဦး အကျပ်အတည်းကို ကျော်ဖြတ်နိုင်ခဲ့ပြီး ထိရောက်သော တန်ပြန် တိုက်ခိုက်မှုများ ပြုလုပ်နိုင်ခဲ့သဖြင့် ပြိုလဲလုနီးပါး ဖြစ်နေသော အခြေအနေကို ထိန်းသိမ်းနိုင်ခဲ့သည့်အပြင် တိုးတက်သော လက္ခဏာများလည်း တွေ့မြင်လာရသည်။

ယန်ကျန့်နှင့် အခြား ခေါင်းဆောင်များ ပြင်ဆင်နေကြစဉ်...

တစ္ဆေဆရာ ဝက်ဘ်ဆိုက် ပေါ်တွင် မနေ့ညက ဘုရင်အဖွဲ့အစည်း နှင့် ခေါင်းဆောင်များ၏ တိုက်ပွဲ အကြောင်း သတင်းများ ပျံ့နှံ့နေသည်။ ဒီသတင်းက တစ္ဆေလောက တစ်ခုလုံးကို လှုပ်ခတ်သွားစေပြီး လူတိုင်းက အာရုံစိုက်လာကြသည်။

"မနက် မိုးလင်းတာနဲ့ သတင်းကြီး ကြားရတယ် မနေ့ညက ဘုရင်အဖွဲ့အစည်း က တာဝန်ခံတွေကို လိုက်သတ်ဖို့ ကြိုးစားပေမယ့် ခေါင်းဆောင်တွေက တားဆီးလိုက်နိုင်တယ်တဲ့ အဖွဲ့ဝင်တွေ အများကြီး သေပြီး 'ဘုရင်' ၃ ပါးတောင် ပါသွားတယ် တဲ့ ဒါ အရှုံးကြီးပဲ"

"ဟားဟား... ရယ်ရတယ် ဘုရင်အဖွဲ့အစည်း က ဒီလောက်ပဲလား အရင်က တစ်ပါး သတ်ခံရပြီးပြီ အခု ၃ ပါး ထပ်သေတယ် တဲ့ အစက အလစ်ဝင်တိုက်လို့ သာနေတာ ဌာနချုပ်က ပြန်တိုက်တော့ မခံနိုင်တော့ဘူးပေါ့"

"ရက်ပိုင်းအတွင်း ဒီလောက် အထိနာနေမှတော့ ဒီစစ်ပွဲ သူတို့ ရှုံးမှာ သေချာတယ်"

တစ္ဆေလောက ရဲ့ အမြင်တွေ ပြောင်းလဲလာကြသည်။ သတင်းအမှန်တွေ ထွက်လာတော့ ဘုရင်အဖွဲ့အစည်း က အပေါ်ယံပဲ ကောင်းတာ လက်တွေ့မှာ ခေါင်းဆောင်တွေကို မယှဉ်နိုင်ဘူးလို့ ထင်လာကြသည်။ တချို့က ဘုရင်အဖွဲ့အစည်း ကနေ နှုတ်ထွက်ကြောင်း ကြေညာကြသလို တချို့က ဌာနချုပ်နဲ့ ပူးပေါင်းချင်ကြောင်း ပြောလာကြသည်။

အခြေအနေ မကောင်းမှန်း သိတော့ ဘုရင်အဖွဲ့အစည်း ရဲ့ ထောက်လှမ်းရေးတွေကလည်း ဝက်ဘ်ဆိုက် ပေါ်မှာ သတင်းမှားတွေ ဖြန့်ကြတယ်။

"ဘုရင်အဖွဲ့အစည်း အထိနာတယ် ဆိုပေမယ့် ဌာနချုပ်လည်း အတူတူပါပဲ လီကျွင်း က 'ဘုရင်' တစ်ပါးနဲ့ အတူ သေသွားတယ် ချောင်ယန် လည်း သေလုမျောပါး ဖြစ်ပြီး ပျောက်သွားတယ် တာဝန်ခံတွေလည်း အများကြီး သေကုန်တယ် သေချာ တွက်ကြည့်ရင် နှစ်ဖက်စလုံး အတူတူပါပဲ ဘုရင်အဖွဲ့အစည်း က အင်အား တောင့်တင်းတော့ 'ဘုရင်' တချို့ သေသွားလည်း အသာစီး ရနေတုန်းပဲ ကြာကြာ တိုက်ရင် ဌာနချုပ်က ခံနိုင်မှာ မဟုတ်ဘူး"

ဒါပေမဲ့ ဒီစကားတွေက ယုံကြည်ရလောက်တဲ့ အနေအထား မရှိပါဘူး။

တစ္ဆေဆရာတွေက အတုံးအရှတွေ မဟုတ်ကြဘူး။ ပြည်တွင်း အခြေအနေကို ကိုယ့်နည်းကိုယ့်ဟန်နဲ့ စုံစမ်းထားပြီးသား။ စကားတစ်ခွန်းနှစ်ခွန်းနဲ့ လိမ်လို့ မရဘူး။

ဒါပေမဲ့ ဒီတစ်ခေါက် နာမည်ကြီး ပုဂ္ဂိုလ်တွေက ဝင်မပါကြဘူး။ မသိလို့လား၊ အခြေအနေ စောင့်ကြည့်နေလို့လား မသိဘူး။

တစ္ဆေလောက ဘာဖြစ်နေနေ ယန်ကျန့် တို့ကတော့ ပြင်ဆင်စရာ ရှိတာ ပြင်ဆင်နေကြသည်။

တာတုန်းမြို့၊ နင်းအန်း အဆောက်အအုံ သို့ အရေးကြီး ပုဂ္ဂိုလ် တစ်ဦး ရောက်လာသည်။

ပင်လယ်မြို့ သဘာဝလွန် ဖိုရမ်အဖွဲ့ ခေါင်းဆောင် ရဲကျန့်

ရဲကျန့် ရောက်လာတာကို ခေါင်းဆောင်တွေက အထူး ဂရုစိုက်ကြတယ်။ သူက ပထမဆုံး ဖိတ်ခေါ်ထားတဲ့ ပြင်ပ အကူအညီ လေ။ ပြီးတော့ တချို့ ခေါင်းဆောင်တွေက ရဲကျန့်ကို စိတ်ဝင်စားကြတယ်။ သတင်းတွေ ကြားဖူးပေမယ့် လူချင်း မတွေ့ဖူးကြဘူး။

"ယန်ကျန့်... ကတိအတိုင်း ငါ ရဲကျန့် ရောက်လာပြီ"

ရဲကျန့် အသံကျယ်ကြီးနဲ့ အော်ပြောရင်း ဓာတ်လှေကားထဲက ထွက်လာသည်။

အစည်းအဝေး ခန်းမထဲမှာ ခေါင်းဆောင် တော်တော်များများ ရောက်နေကြပြီ။ အားလုံးက ရဲကျန့်ကို ဝိုင်းကြည့်လိုက်ကြသည်။

"ရဲကျန့်... မင်း အချိန်တိကျသားပဲ နောက်ကျမယ် ထင်နေတာ မိတ်ဆက်ပေးပါရစေ ငါ့နာမည် လုကျီဝမ် ပါ ဌာနချုပ် ခေါင်းဆောင် တစ်ယောက်ပါ"

"လုကျီဝမ် လား မကြားဖူးပါဘူး ထားပါတော့ အထင်မလွဲကြနဲ့ ငါ ရဲကျန့်က မင်းတို့နဲ့ ပူးပေါင်းချင်လို့ လာတာ မဟုတ်ဘူး ယန်ကျန့် ကိုယ်တိုင် လာဖိတ်လို့ မျက်နှာသာ ပေးပြီး လာကူညီတာ"

ရဲကျန့် အားလုံးကို ဝေ့ဝဲကြည့်လိုက်သည်။ ဝမ်ချာလင်း ဆီ ရောက်တော့ အကြည့် ရပ်သွားသည်။

"ဝမ်လေး... မင်း ခေါင်းပေါ်က ဦးထုပ်က ရုပ်ဆိုးလိုက်တာ တောသားကျနေတာပဲ ပြီးခဲ့တဲ့ တစ်ခေါက် ငါနဲ့ တိုက်တုန်းက စိတ်ဒဏ်ရာ ရသွားလို့ လုံခြုံမှု ရှိအောင် ဆောင်းထားတာလား"

ဝမ်ချာလင်း မျက်နှာ မည်းသွားသည်။

"ရဲကျန့်... လေးလေးနက်နက် ထားပါဦး ဒီကိစ္စက ရန်ဖြစ်တာလောက် ရိုးရှင်းတာ မဟုတ်ဘူး"

"ငါက အမြဲတမ်း လေးနက်ပါတယ် မင်း ဖိအားများနေတာ ငါ နားလည်တယ် ငါလို ဆရာကြီးနဲ့ တိုက်ပြီး အသက်ရှင်တယ် ဆိုတာ လွယ်တဲ့ ကိစ္စ မဟုတ်ဘူးလေ စိတ်ဒဏ်ရာ ရသွားမှာပေါ့"

ရဲကျန့် ခေါင်းငြိမ့်ပြီး ဝမ်ချာလင်း ကို နှစ်သိမ့်ပေးလိုက်သည်။

"ဘုရင်အဖွဲ့အစည်း ကိစ္စက ငါ့အတွက် ဘာမှ မဟုတ်ပါဘူး သာမန် လူမိုက်တွေပါ တွေ့ရင် သတ်ပစ်လိုက်ရုံပဲ လက်တွန့်စရာ မလိုဘူး သြော်... မေ့လို့ မင်းတို့က ငါနဲ့ မတူဘူးပဲ မင်းတို့ အစွမ်းကုန် ကြိုးစားရင်တောင် သူတို့ကို နိုင်ချင်မှ နိုင်မှာ ကိစ္စ မရှိပါဘူး အခု ငါ ရှိနေပြီလေ မနိုင်တဲ့ ရန်သူ တွေ့ရင် ငါ့နာမည်ကို အော်ခေါ်လိုက် ငါ ရဲကျန့်က တကယ့် ဆရာကြီး ဆိုတာ ပြလိုက်မယ်"

သူ့စကားတွေထဲမှာ ယုံကြည်မှု လွန်ကဲနေသည်။

သူ့တစ်သက်တာ ပြိုင်ဘက် ယန်ကျန့်က သူ့ဘက်မှာ ရှိနေမှတော့ တစ္ဆေလောက မှာ ကြောက်စရာ မရှိတော့ဘူးလို့ ယူဆထားပုံ ရတယ်။

"မင်းက အရင်ကတည်းက ဒီလိုပဲလား အမြဲတမ်း ဒီလိုပဲလား"

လင်းပေ ခေါင်းတုံးကို ပွတ်ရင်း မေးလိုက်သည်။

တစ္ဆေဆရာ အများစုက ပုံမှန် မဟုတ်ကြပေမယ့် ရဲကျန့်လို လူမျိုးကတော့ ရှားတယ်။

"ဆံပင်တောင် မထိန်းသိမ်းနိုင်တဲ့ လူက သာမန် လူတန်းစားပဲ ငါနဲ့ စကားပြောဖို့ အရည်အချင်း မမီဘူး"

ရဲကျန့် နှာခေါင်းရှုံ့လိုက်ပြီး လင်းပေကို လစ်လျူရှုလိုက်သည်။

"ယန်ကျန့်ကော ဘယ်သွားလဲ မတွေ့ပါလား"

"ခုနက ရှိသေးတယ် အခုလေးတင် ထွက်သွားတာ မကြာခင် ပြန်လာမှာပါ"

လုကျီဝမ် လေးလေးနက်နက် ပြောလိုက်သည်။

"ဒီစီမံကိန်း အကြောင်း ယန်ကျန့် ပြောပြပြီးလောက်ပြီ မင်းက ပြင်ပ အကူအညီ ဆိုပေမယ့် ဌာနချုပ် အမိန့်ကို နာခံစေချင်တယ် စိတ်တိုင်းကျ မလုပ်ပါနဲ့ ဘယ်သူမှ ပြဿနာ မတက်ချင်ကြဘူး"

"ငါ ရဲကျန့်က ဘယ်သူ့ အမိန့်မှ မနာခံဘူး ငါ့ကို ယန်ကျန့် ဖိတ်လို့ လာတာ မင်းတို့ လက်အောက်ငယ်သား မဟုတ်ဘူး ဒါပေမဲ့ စိတ်မပူပါနဲ့ ငါ ရောက်လာမှတော့ ယန်ကျန့် ဖိတ်ရကျိုး နပ်အောင် လုပ်ပြပါ့မယ် ၃ ပါး... ငါ ရဲကျန့်က ဒီကာလ အတွင်း 'ဘုရင်' ၃ ပါးကို သတ်ပြမယ်"

" 'ဘုရင်' ၃ ပါးလား မင်း ကိုယ့်ကိုယ်ကိုယ် ယုံကြည်မှု လွန်ကဲနေပြီ ထင်တယ်" လင်းပေ ပြုံးလိုက်သည်။

"၃ ပါး ဆိုတာ အနည်းဆုံး ပြောတာ ငါ အရင်က ပြောဖူးတယ် ငါနဲ့ ယန်ကျန့် ပေါင်းလိုက်ရင် တစ္ဆေလောက တစ်ခုလုံးကို သိမ်းပိုက်လို့ ရတယ် လို့ 'ဘုရင်' လောက်ကတော့ အပျော့ပါ သူတို့ ဝိုင်းမတိုက်ဘဲ တစ်ယောက်ချင်း လာရင် ဘယ်လောက်များများ ငါ့လက်ချက်နဲ့ သေကုန်မှာ"

"မင်းတို့က အရှုံးသမားတွေ ဖြစ်နေပြီလား ယုံကြည်မှု မရှိရင် တစ္ဆေလောက ထဲ ဘာလာလုပ်လဲ အိမ်ပြန်ပြီး ဝက်အူချောင်း သွားရောင်းကြ ငါ့တပည့်တွေကို အားပေးခိုင်းလိုက်မယ်"

"..."

တခြား ခေါင်းဆောင်တွေ တိတ်ဆိတ်သွားကြသည်။

ရဲကျန့်နဲ့ စကားပြောရတာ မောတယ်။ ပုံမှန်လို ပြောလို့ မရဘူး။ ယန်ကျန့် ဘယ်လို ပြောဆို ဆက်ဆံလဲ မသိဘူး။

"မင်းတို့ ပြောကြဦး ငါ လူသွားကြိုလိုက်ဦးမယ်"

ဟဲယင်အာ ဖုန်းချပြီး မတ်တတ်ထရပ်လိုက်သည်။

"တိုင်းဖျင်မြို့ဟောင်း က လူတွေ လာတာလား"

လျိုစန်း မေးလိုက်သည်။

ဟဲယင်အာ လျိုစန်းကို မကြည့်ဘဲ ထွက်သွားသည်။ လျိုစန်းနဲ့ သူမက ရန်သူတွေလေ။ အခုချိန်မှာ လက်စားမချေနိုင်ပေမယ့် ရန်သူလိုပဲ ဆက်ဆံမှာ။

မကြာမီ...

ဟဲယင်အာ ထွက်ခွာသွားသည်။ သူမ ကြိုမယ့်သူက တိုင်းဖျင်မြို့ဟောင်း က မျက်နှာမဲ့ လူ။ ရှေးဟောင်း တစ္ဆေဆရာတွေထဲက တစ်ယောက် ဖြစ်သည်။ ဆိုင်ရှင်လျို ကတော့ ဒဏ်ရာ ရထားပြီး မြို့ပြန်လည် တည်ဆောက်ရေး လုပ်နေရလို့ မလာနိုင်ဘူး။

ပြင်ပ အကူအညီတွေ ရောက်လာတော့ ဌာနချုပ် အင်အားက အထွတ်အထိပ် ရောက်လာသည်။

ဒါပေမဲ့ ယန်ကျန့်က ဒါတွေကို ဂရုမစိုက်နိုင်သေးဘူး။ သူက ဝမ်မိသားစု အိမ်တော်ဟောင်းက တစ္ဆေနာရီ ကို လေ့လာနေသည်။

မိနစ် ၃၀ ပြန်လည်စတင်ခြင်း လုပ်နိုင်တဲ့ တစ္ဆေနာရီ က တော်တော် အသုံးဝင်သည်။ သေချာ သုံးတတ်ရင် အခြေအနေကို ပြောင်းလဲနိုင်လေသည်။ ယန်ကျန့်က နာရီကို အသုံးချရုံ သက်သက် မဟုတ်ဘဲ ထိန်းချုပ်ချင်နေတာ။ အောင်မြင်ရင် နောက်ထပ် ဝှက်ဖဲ တစ်ခု ရမှာ ဖြစ်သည်။

ဒီအချိန်မှာ ဘယ်သူမှ မထင်မှတ်ထားတာ ဖြစ်လာသည်။

ညနေခင်း ငြိမ်သက်နေတဲ့ ပင်လယ်ပြင်ပေါ်မှာ မြူခိုးတွေ ကြားကနေ ဟောင်းနွမ်း စုတ်ပြတ်နေတဲ့ သင်္ဘောကြီး တစ်စင်း ကမ်းရိုးတန်း မြို့တွေဆီ ဦးတည်လာနေလေသည်။

သင်္ဘောပေါ်မှာ တိတ်ဆိတ်နေပေမယ့် ထူးဆန်းတဲ့ အဖြစ်အပျက်တွေ ရှိနေကာ သွေးတွေ ယိုစီးနေတဲ့ နံရံ၊ အလျင်အမြန် ပြေးလွှားသံတွေ၊ သာယာတဲ့ သီချင်းသံတွေ... ကုန်းပတ်ပေါ်မှာလည်း သက်မဲ့ အရိပ်တွေ လမ်းလျှောက်နေကြသည်။

တစ္ဆေတွေ အပြည့် တင်လာတဲ့ သင်္ဘော ဆိုတာ သေချာတယ်။

သင်္ဘောက တစ်စုံတစ်ခုရဲ့ ဆွဲဆောင်မှုကြောင့် ဦးတည်ရာ မပြောင်းဘဲ ရှေ့ဆက်တိုးနေသည်။

အရေးကြီးဆုံးက သင်္ဘောက ကမ်းခြေနဲ့ အရမ်း နီးကပ်နေပြီ။

အရှိန် မလျှော့ရင်၊ လမ်းကြောင်း မပြောင်းရင် ဒီည ကမ်းကပ်တော့မှာ ဖြစ်သည်။