ဆက်ခံခြင်း

ဝမ်ချာလင်းက ယန်ကျန့်ကို ကူညီပြီး ဟဲယင်အာကို ဝိညာဉ်ခေါ်ခိုင်းခဲ့တာ ကိုယ်ရေးကိုယ်တာ ကိစ္စလည်း ပါလေသည်။

မိဘတွေနဲ့ စကားပြောချင်လို့ပါ။ သူ့ဘာသာ မလုပ်နိုင်တော့ သူများကို အားကိုးရတာပေါ့။

ယန်ကျန့် နဲ့ ဟဲယင်အာလည်း မတားပါဘူး။ မိသားစု ပြန်ဆုံချင်တာကို တားရင် ရိုင်းရာ ကျမှာပေါ့။

ဓာတ်လှေကားထဲမှာ...

ဝမ်ချာလင်းက သူ့ရဲ့ 'အဆုံးမဲ့ ပြန်လည်စတင်ခြင်း' စီမံကိန်း အကြောင်း မိဘတွေကို ပြောပြနေတယ်။

အရင်ကတော့ ဒီစီမံကိန်းက မဖြစ်နိုင်ဘူး ထင်ခဲ့တာ။ ဒါပေမဲ့ အခု ယန်ကျန့်ကို မြင်ပြီး မျှော်လင့်ချက် ရှိလာတယ်။ ယန်ကျန့်မှာ တစ္ဆေနာရီ လည်း ရှိတယ်၊ ပြန်လည်စတင်ခြင်း လုပ်နိုင်တဲ့ စွမ်းရည်လည်း ရှိတယ်။ ကံဆိုးတာက ယန်ကျန့်က သူ မဟုတ်ဘူး။ သူ့ကိုယ်စား အိပ်မက်တွေ ဖြည့်ဆည်းပေးမှာ မဟုတ်ဘူး။

" ပြန်လည်စတင်ခြင်း စွမ်းရည်နဲ့ တစ္ဆေနာရီ ကို ပေါင်းပြီး အဆုံးမဲ့ ပြန်လည်စတင်ခြင်း လုပ်မယ် ဆိုတဲ့ အကြံက ရဲရင့်လွန်းတယ် အတိတ်ကို ပြန်သွားပြီး အနာဂတ်ကို ပြောင်းလဲချင်တာလား"

ဝမ်လု အံ့သြသွားသည်။

တစ္ဆေလောကကို စိတ်မဝင်စားတဲ့ သားက နှစ် ၂၀ ကြာတော့ ဒီလောက် ရူးသွပ်လာလိမ့်မယ်လို့ မထင်ထားဘူး။

"တစ္ဆေလောကမှာ မဖြစ်နိုင်တာ မရှိပါဘူး ပြန်လည်စတင်ခြင်း လုပ်နိုင်တဲ့ နယ်ပယ် ရှိတယ် ဆိုတော့ အိမ်တော်ဟောင်းမှာ လုပ်လို့ ရတယ် အစီအစဉ် အဆင်ပြေရင် အတိတ်ကို ပြန်သွားပြီး အဘိုးကို နားချမယ် ကျိန်စာ မလုပ်ဖို့ တားမယ် ဒါဆို ဝမ်မိသားစု ကံကြမ္မာ ပြောင်းလဲသွားလိမ့်မယ်"

"အကျိုးဆက်ကို ထည့်စဉ်းစားရဲ့လား"

ဝမ်လု လေးလေးနက်နက် ပြောလိုက်သည်။

"မင်း အောင်မြင်တယ် ဆိုပါစို့ မသေသင့်တဲ့သူ သေပြီး သေသင့်တဲ့သူ မသေရင် ဘာတွေ ဖြစ်ကုန်မလဲ ဘယ်သူမှ မသိနိုင်ဘူး"

"အခုထက်တော့ ပိုကောင်းမှာပါ အခု ဝမ်မိသားစုမှာ ကျွန်တော် တစ်ယောက်တည်း ကျန်တော့တယ် ကျွန်တော်လည်း အလွန်ဆုံး ၆ လပဲ ခံတော့မှာ ဘုရင်အဖွဲ့အစည်း နဲ့ တိုက်ရင် ပိုမြန်မြန် သေမှာ ဒီတော့ အရင်းအမြစ်ကနေ ဖြေရှင်းတာ အကောင်းဆုံးပဲ ဝမ်မိသားစု ကျိန်စာ ပျောက်သွားရင် အရာရာ ပြောင်းလဲသွားမှာ"

ဝမ်ချာလင်း ရင်ဖွင့်လိုက်သည်။ သူ တစ်ယောက်တည်း အတွက် မဟုတ်ဘဲ အားလုံးအတွက် လုပ်ချင်တာပါ။

"သား... ဒါက မဖြစ်နိုင်ဘူး ဖြစ်ပြီးသား ကိစ္စကို ပြန်ပြင်လို့ မရဘူး အဘိုးက ကျိန်စာ လုပ်ခဲ့တာ ပေးဆပ်ရတာ များပေမယ့် မျှော်လင့်ချက် ချန်ထားခဲ့တာပါ မျိုးရိုးစဉ်ဆက် လက်ဆင့်ကမ်းရင် ဝိညာဉ်တွေ များလာပြီး ဝမ်မိသားစု ပြန်လည် ကြီးပွားလာမှာ အနာဂတ်မှာ တစ္ဆေလောက ပျက်စီးသွားရင်တောင် ဝမ်မိသားစုက ဆက်လက် ရှင်သန်နိုင်မှာ"

ဝမ်ချာလင်း အမေက ဝင်ပြောသည်။ သူမက ပညာတတ် အမျိုးသမီး တစ်ယောက် ဖြစ်ကာ သားကို နားလည်စေချင်သည်။

ဝမ်လု ဇနီးမောင်နှံက လူကြီးတွေရဲ့ စေတနာကို နားလည်ကြသည်။

သားသမီးတွေကို အကာအကွယ် မရှိဘဲ ထားခဲ့မယ့်အစား ဝိညာဉ် အဖြစ် ပြောင်းလဲပြီး ထာဝရ ကာကွယ်ပေးချင်ကြတာ။

တစ်လောကလုံးကို မကယ်တင်နိုင်ရင်တောင် ကိုယ့်မိသားစုကို ကာကွယ်နိုင်ရင် တော်ပြီ။

"ဝမ်ချာလင်း... မင်း နားလည်ရမှာက ဝမ်မိသားစု စွမ်းအား ဆိုတာ ကျိန်စာ မဟုတ်ဘူး အဘိုး နဲ့ ငါတို့ရဲ့ မေတ္တာတွေပါ တစ္ဆေလောကမှာ ရှင်သန်ဖို့ ဆိုတာ မလွယ်ဘူး ဘေးကင်းကင်း နေရဖို့ ဆိုတာ ဆုလာဘ် တစ်ခုပဲ မင်းက ငြိမ်းချမ်းတဲ့ ခေတ်မှာ နေခဲ့ရတော့ အရင်ခေတ်က အခက်အခဲတွေကို နားမလည်ဘူး ဒါ့ကြောင့် ကျိန်စာလို့ ထင်နေတာ မင်း အမြင်ကို ပြောင်းသင့်တယ်"

ဝမ်လု နားချလိုက်သည်။

"ကျွန်တော့် သား မွေးလာရင် တစ္ဆေ ၆ ကောင် ဝိုင်းနေတာကို သူ ပျော်မယ် ထင်လား မပျော်ဘူး ဘီလူးကောင်လို့ အခေါ်ခံရမှာ တသက်လုံး ဒီလိုပဲ နေရမှာ"

"ကျွန်တော် အဲဒီ ခံစားချက်ကို မုန်းတယ် ကျွန်တော့် သားသမီးတွေ ဒီလိုပဲ ခံစားရမယ် ဆိုရင် ကျွန်တော့် လက်ထက်မှာ အပြတ်ဖြတ်လိုက်တာ ကောင်းတယ်"

"ကျွန်တော် သာမန် လူတစ်ယောက်လိုပဲ နေချင်တာ ကျွန်တော့် သားသမီးတွေကိုလည်း သာမန် လူလိုပဲ နေစေချင်တာ ဘီလူး မဖြစ်ချင်ဘူး"

"သာမန်လူ ဆိုရင် ဒီလောကကြီးမှာ အသက်မရှင်နိုင်ဘူး မင်းက မင်းသားကို နှစ် ၂၀ ကာကွယ်ပေးနိုင်တယ် စွမ်းအားရှိရင် နှစ် ၄၀ ကာကွယ်ပေးနိုင်တယ် ဒါပေမဲ့ မျိုးဆက်တိုင်း ပေးဆပ်ရမှာပဲ ဒါ ရှင်သန်နည်းပဲ မင်း နားလည်လား ငါတို့ မင်းကို ကောင်းကောင်း မထားနိုင်ခဲ့တာ တောင်းပန်ပါတယ် ငါတို့ အသက်မရှည်ခဲ့လို့ပါ နောက်ထပ် အနှစ် ၂၀ လောက် နေနိုင်ခဲ့ရင် မင်း ပိုပျော်ရွှင်ရမှာ"

သဘောထား ကွဲလွဲမှုကြောင့် စကားအခြေအတင် ဖြစ်ကြသည်။

တကယ်တော့ ဝမ်ချာလင်း လည်း မိဘနဲ့ အဘိုးအဘွား စေတနာကို နားလည်လေသည်။ ဒါ့ကြောင့်လည်း အတိတ်ကို ပြန်သွားပြီး အဘိုးနဲ့ စကားပြောချင်နေတာ။

"အခု စိတ်အေးအေး ထားပါဦး အဆုံးမဲ့ ပြန်လည်စတင်ခြင်း စီမံကိန်း က ကောင်းပေမယ့် အခု လုပ်နိုင်တဲ့ အခြေအနေ မရှိသေးဘူး"

"လက်ရှိ အခက်အခဲကို ကျော်ဖြတ်ဖို့ အရင် စဉ်းစားပါ ဘုရင်အဖွဲ့အစည်း က မလွယ်ဘူး မင်းတို့ ခေါင်းဆောင်တွေ စုစည်းထားပေမယ့် နိုင်မယ်လို့ ယုံကြည်ချက် မရှိကြဘူး ဆိုတော့ တော်တော် ခက်ခဲမယ့် ပုံပဲ"

"ဒါ့ကြောင့် ကိုယ့်အင်အားကို တိုးတက်အောင် လုပ်ပြီး အသက်ရှင်အောင် နေပါ"

ဝမ်ချာလင်း ငြိမ်သက်သွားသည်။ အဖေ ပြောတာ မှန်တယ်။ အသက်ရှင်ဖို့က အဓိကပဲ။

"ငါတို့ သေတုန်းက အလျင်လိုနေလို့ မင်းကို သေချာ မသင်ပေးခဲ့ရဘူး သတင်း အချက်အလက်တွေ ချန်ထားခဲ့ပေမယ့် မင်း မရလိုက်ဘူး ထင်တယ် အခု ပြန်တွေ့ရတုန်း မှာစရာ ရှိတာ မှာရမယ်"

ဝမ်လု က ဝမ်မိသားစု လျှို့ဝှက်ချက်တွေ၊ အမွေအနှစ်တွေ အကြောင်း ပြောပြလိုက်သည်။

ဝမ်ချာလင်း က ကျိန်စာပဲ ရခဲ့တာ။ အမွေအနှစ် အကုန် မရခဲ့ဘူး။

ဒီနေ့တော့ အကုန် ရလိုက်ပြီ။

ဝမ်ချာလင်း သားသမီးတွေကျရင် ဒီကံကြမ္မာကို ဆက်ခံနိုင်မလား မသိဘူး။

မှာစရာ ရှိတာ မှာပြီးတော့ အချိန်ကုန်သွားပြီ။

ဝမ်လု ဇနီးမောင်နှံ ပုံရိပ်တွေ ဝေဝါးသွားတယ်။ အသိစိတ် လွတ်သွားပြီး တစ္ဆေ သဘာဝ ပေါ်လာတယ်။

အစည်းအဝေး ခန်းမထဲမှာ...

ဟဲယင်အာ လက်ထဲက အဝတ်ဟောင်းတွေ ပျောက်ကွယ်သွားသည်။

"အချိန်ပြည့်ပြီ သူတို့ ပျောက်ကွယ်တော့မယ်"

"လိုချင်တဲ့ သတင်း ရပြီ ဆိုတော့ ကိစ္စ မရှိပါဘူး ဝမ်ချာလင်း လည်း သူ့ဆန္ဒ ပြည့်သွားတာပေါ့" ယန်ကျန့် ပြောလိုက်သည်။

ရဲကျန့် လျှောက်လာသည်။

"ယန်ကျန့်... ဝမ်လေး ကိစ္စ ပြီးရင် ငါတို့ ဘုရင်အဖွဲ့အစည်း ကို သွားတိုက်ကြစို့ ငါ့ဓားက ဆာလောင်နေပြီ"

ယန်ကျန့် ရဲကျန့် ခါးကြားက ဓားကို ကြည့်လိုက်သည်။ ရွှေအိမ် စွပ်ထားပေမယ့် အေးစက်တဲ့ အငွေ့အသက်တွေ ထွက်နေတယ်။ တစ္ဆေမျက်လုံး တောင် ဖိနှိပ်ခံရသလို ခံစားနေရတယ်။

"မလောပါနဲ့ ငါတို့ ထောက်လှမ်းရေး ကွန်ရက် ဖြန့်ထားတုန်း ရှိသေးတယ် သတင်း စောင့်ရဦးမယ် ရန်သူကို တိုက်ရင် စိတ်ရှည်ရတယ် ပြီးတော့ လျိုစန်း ဆီက သတင်းရတယ် ဘုရင်အဖွဲ့အစည်း က စောစော လှုပ်ရှားချင်နေတယ်တဲ့ အချိန်မဆွဲချင်တော့ဘူး တဲ့ သူတို့ ၂ ခါ ရှုံးထားတော့ ခွေးရူးလို ဖြစ်နေတာ"

"ဒါ့ကြောင့် ငါတို့ သတိထားရမှာက တစ္ဆေသင်္ဘော ကမ်းကပ်လာမယ့် ကိစ္စပဲ ငါ့မှာ ရေလွှမ်းမိုးခြင်း စီမံကိန်း ရှိပေမယ့် သူတို့က ဂရုမစိုက်ဘဲ တိုက်ဖို့ ဆုံးဖြတ်လိုက်တာ အံ့သြစရာပဲ"

ယန်ကျန့် လေးလေးနက်နက် ပြောလိုက်သည်။