လှည့်လည်နေသော သင်္ဘော

လျိုစန်း ပေးပို့သော သတင်းအချက်အလက်များကို ကြည့်ပြီးနောက် ယန်ကျန့် ခန့်မှန်းမိသည်မှာ ဘုရင်အဖွဲ့အစည်း သည် အချိန်ဆွဲချင်ယောင် ဆောင်နေသော်လည်း တကယ်တမ်းတွင် တစ္ဆေသင်္ဘော ကို အမြန်ဆုံး ကမ်းကပ်စေချင်နေခြင်း ဖြစ်သည်။ ယန်ကျန့် တို့၏ ရေလွှမ်းမိုးခြင်း စီမံကိန်း ကို ဂရုမစိုက်ဘဲ သူတို့၏ တစ္ဆေသင်္ဘောကသာ အောင်ပွဲရစေနိုင်မည်ဟု ယုံကြည်နေကြပုံ ရသည်။

"တစ္ဆေသင်္ဘော ကို ထိန်းချုပ်တဲ့ သတင်းတော့ မရသေးဘူး ကမ်းရိုးတန်း ဒေသတချို့မှာ အစောင့်အကြပ်တွေ ချထားတယ် ဌာနချုပ်ကလည်း ပင်လယ်ပြင်မှာ ကင်းလှည့်သင်္ဘောတွေ လွှတ်ထားတယ် ဒါပေမဲ့ ဘာသတင်းမှ မရသေးဘူး တစ္ဆေသင်္ဘော ကို ပုံမှန် နည်းလမ်းတွေနဲ့ ရှာလို့ မရတာလည်း ဖြစ်နိုင်တယ် ဒါပေမဲ့ လူအင်အား အများကြီး သုံးပြီး ရှာဖို့လည်း မဖြစ်နိုင်တော့ စောင့်ကြည့်နေရုံပဲ ရှိတယ်"

လုကျီဝမ် က အသံအက်အက်ဖြင့် ပြောလိုက်သည်။

"ဒီ ၂ ရက် အတွင်း သူတို့ ငြိမ်လွန်းနေတယ် တစ်ခုခု လုပ်နေသလို ခံစားရတယ် သူတို့က အချိန်ဆွဲနေရင် သူတို့ပဲ နစ်နာမှာ သင်္ဘော စီမံကိန်း စနေပြီလေ အဆင်မပြေရင် သူတို့လည်း ထိခိုက်မှာပဲ အဲဒီကျရင် စီမံကိန်း အောင်မြင်လည်း အလကားပဲ"

လင်းပေ ခေါင်းတုံးကို ပွတ်ရင်း စဉ်းစားလိုက်သည်။

"ဟုတ်တယ် သူတို့က အကျိုးစီးပွားကြောင့် ပေါင်းထားကြတာ သိပ်မညီညွတ်ကြဘူး အမြတ်မထွက်ရင် ကိုယ်လွတ်ရုန်းကြမှာပဲ ခေါင်းဆောင်ပိုင်းက ဒါကို သိလို့ တစ္ဆေသင်္ဘော ကို အတင်း ကမ်းကပ်ခိုင်းပြီး ငါတို့ကို အမြန် အနိုင်ယူချင်နေတာ ဖြစ်မယ်"

ယန်ကျန့် ထောက်ခံလိုက်သည်။

"ရန်သူက ဘယ်မှာလဲ ဘယ်တော့ တိုက်ရမှာလဲ တစ္ဆေလောက က လူတွေ ငါ့ကို စောင့်ကြည့်နေကြတယ် ငါ ဘာမှ မလုပ်ရင် ငါ့နာမည် ကျသွားလိမ့်မယ် 'ဘုရင်' တစ်ပါးလောက် သတ်ပြမှ ရမယ်"

ရဲကျန့် စိတ်မရှည် ဖြစ်လာသည်။ တိုက်ချင်ခိုက်ချင် စိတ်တွေ တဖွားဖွား ပေါ်နေပြီ။

"စိတ်ရှည်ပါ ရဲကျန့်... အခွင့်အရေး ရလာမှာပါ"

ယန်ကျန့် ပြောလိုက်သည်။

"မင်း အဲဒီစကား ပြောတာ ကြာပြီ အခု အားနေတုန်း ငါတို့ ၂ ယောက် ချကြမလား လက်ရည်သွေးတဲ့ သဘောပေါ့"

"မချပါဘူး ဘယ်သူက အားနေလို့ အပျော်တမ်း ချနေမှာလဲ"

ယန်ကျန့် ငြင်းလိုက်သည်။

တစ္ဆေဆရာတွေ ချရင် အပျော်တမ်း မရှိဘူး။ အထူးသဖြင့် ရဲကျန့်လို လူမျိုးနဲ့ ဆိုရင် ပိုဆိုးသေးတယ်။

"နှမြောစရာပဲ ငါ့စွမ်းရည် အသစ်တွေကို ပြချင်နေတာ"

ရဲကျန့် သက်ပြင်းချလိုက်သည်။

သူတို့ စကားပြောနေစဉ် လျိုစန်း ရောက်လာသည်။

ဒီတစ်ခါ စက္ကူလူ မဟုတ်ဘူး။ လူအစစ် ဖြစ်သည်။

"လူစုံနေပါလား မသိတဲ့ မျက်နှာတွေလည်း ပါတယ်"

လျိုစန်း ရဲကျန့် နဲ့ မျက်နှာမဲ့ လူ ကို ကြည့်လိုက်သည်။

ဟဲယင်အာ လျိုစန်းကို မုန်းတီးစွာ ကြည့်လိုက်သည်။

လျိုစန်း ဂရုမစိုက်ဘူး။

"ယန်ကျန့်... 'ဘုရင်' ၁၅ ပါးရဲ့ အချက်အလက်တွေကို ငါ ပြုစုပြီး ချောင်ယန်ဟွာဆီ ပို့လိုက်ပြီ မကြာခင် ဖုန်းထဲ ဝင်လာလိမ့်မယ်"

ပြောတုန်း ရှိသေး ဖုန်းတွေ အသံမြည်လာသည်။

"လုပ်တာ ကောင်းတယ်"

ယန်ကျန့် ဖုန်းကို ကြည့်လိုက်သည်။

'ဘုရင်' ၁၅ ပါးရဲ့ အချက်အလက်တွေ ရောက်လာသည်။ ဒါပေမဲ့ သေပြီးသား ၃ ပါးနဲ့ ခြံဝင်းပိုင်ရှင် အကြောင်းတွေလည်း ပါတယ်။

"အခု ဒါတွေ ကြည့်ရမယ့် အချိန် မဟုတ်ဘူး အရေးကြီးတာ ပြောစရာ ရှိတယ်"

လျိုစန်း ဆက်ပြောသည်။

"ပြောလေ ဘာတွေ ထိမ်ချန်နေတာလဲ"

လင်းပေ ပြောလိုက်သည်။

"ငါ စက္ကူလူတွေကို ကမ်းရိုးတန်း ဒေသတွေမှာ ဖြန့်ထားတယ် ခုနက ကမ်းစပ်နား ရောက်နေတဲ့ စက္ကူလူ တစ်ရုပ်က ထူးဆန်းတာ တစ်ခု မြင်လိုက်ရတယ် ခဏလေးပဲ မြင်လိုက်ရတာ ပျောက်သွားတယ် ဒါပေမဲ့ တစ္ဆေသင်္ဘော နဲ့ ပတ်သက်နေတာ သေချာတယ်"

အားလုံး တိတ်ဆိတ်သွားကြသည်။

"ဘာမြင်တာလဲ တစ္ဆေနယ်မြေ နဲ့ ပြန်ပြကြည့်"

ယန်ကျန့် ပြောလိုက်သည်။

"ကောင်းပြီ"

လျိုစန်း တစ္ဆေနယ်မြေ ကို ဖွင့်လိုက်သည်။

လေထု အေးစက်သွားပြီး ပုံရိပ်တစ်ခု ပေါ်လာသည်။ ညအချိန် ပင်လယ်ပြင်မှာ မြူခိုးတွေ အုပ်ဆိုင်းနေသည်။

မြူခိုးတွေ ကြားထဲမှာ ဟောင်းနွမ်း စုတ်ပြတ်နေတဲ့ သင်္ဘောကြီး တစ်စင်း ပေါ်လာသည်။ သင်္ဘောက ဆွေးမြေ့နေပေမယ့် ပင်လယ်ပြင်မှာ မောင်းနှင်နေတုန်းပဲ။ ပြတင်းပေါက် တချို့ကနေ မီးရောင် ဝါကျင့်ကျင့်လေးတွေ ထွက်နေတယ်။ လူနေသလိုလိုပဲ။

သင်္ဘော တစ်နေရာမှာ နှင်းတွေ ဖုံးနေတယ်။ ကုန်းပတ်ပေါ်မှာ သွေးကွက်ကြီး ရှိနေသည်။ ထူးဆန်းတဲ့ အဖြစ်အပျက်တွေ အများကြီးပဲ။

တစ္ဆေ မမြင်ရပေမယ့် တစ္ဆေတွေ ရှိနေတာ သေချာတယ်။

"ဒါ တစ္ဆေသင်္ဘော လား" လုကျီဝမ် သေချာ ကြည့်လိုက်သည်။

ပုံရိပ်က ခဏလေးနဲ့ ပျောက်သွားသည်။ ပင်လယ်ပြင် ပြန်ငြိမ်သက်သွားသည်။ ဘာမှ မရှိတော့သလိုပဲ။

တစ္ဆေသင်္ဘော က ပုံသေ မရှိဘဲ ပျောက်လိုက် ပေါ်လိုက် ဖြစ်နေတာ။

"ဒီလောက်ပဲ မြင်ရတယ် လိုက်ရှာပေမယ့် မတွေ့တော့ဘူး ပင်လယ်ပြင်မှာ ပျောက်သွားတယ် ငါ ထင်တာက တစ္ဆေသင်္ဘော က လက်တွေ့ကမ္ဘာမှာ မရှိဘဲ တစ္ဆေနယ်မြေ ထဲမှာ ရှိနေတာ ဖြစ်မယ် တခါတလေမှ လက်တွေ့ကမ္ဘာမှာ အရိပ်လာထင်တာ နေမှာ ဘတ်စ်ကား လိုမျိုးပေါ့"

လျိုစန်း သုံးသပ်ပြသည်။

"ဖြစ်နိုင်တယ် လက်တွေ့ကမ္ဘာမှာ မရှိရင် ရှာလို့ မရဘူး တစ္ဆေနယ်မြေ ထဲ ရှိရင်တောင် ရှာလို့ ရသေးတယ်"

လုကျီဝမ် ထောက်ခံလိုက်သည်။

"ပြဿနာက အဲဒါ မဟုတ်ဘူး သင်္ဘောက ကမ်းနဲ့ နီးနေပြီ အချိန်မရွေး ကမ်းကပ်နိုင်တယ်"

ဟဲယင်အာ သတိပေးလိုက်သည်။

"ငါတို့ ဆွေးနွေးခဲ့တာတွေ တကယ် ဖြစ်လာတော့မယ် သူတို့ တစ္ဆေသင်္ဘော ကို စောစော ကမ်းကပ်ခိုင်းတော့မယ် လျိုစန်း... ဘုရင်အဖွဲ့အစည်း ဘက်က ဘာထူးလဲ"

"ဘာမှ မထူးဘူး မြို့ကြီးတွေမှာ သူတို့ အရိပ်အယောင် မတွေ့ရဘူး ပြီးခဲ့တဲ့ တစ်ခေါက်က အကုန် ဆုတ်ခွာသွားပုံ ရတယ် ဒီတစ်ခေါက် သူတို့ ကိုယ်တိုင် မပါဘဲ တစ္ဆေသင်္ဘော ကိုပဲ သုံးပြီး တိုက်ခိုင်းမယ့် ပုံစံပဲ"

"တစ္ဆေသင်္ဘော နဲ့ ငါတို့ကို အင်အားချိနဲ့အောင် လုပ်ချင်နေတာ ငါတို့ရဲ့ ရေလွှမ်းမိုးခြင်း စီမံကိန်း ကိုလည်း ဂရုမစိုက်ကြဘူး ဒီကောင်တွေ ဘာတွေးနေလဲ မသိဘူး တစ္ဆေလောက ပျက်စီးသွားရင် ဘယ်သူ့အတွက်မှ မကောင်းဘူး ဆိုတာ သိရက်နဲ့"

လင်းပေ ဒေါသထွက်နေသည်။

"သူတို့က အရူးတွေပဲလေ" ဟဲယင်အာ ပြောလိုက်သည်။

"သူတို့ ဘာတွေးတွေး အရေးမကြီးဘူး တစ္ဆေသင်္ဘော ရောက်လာပြီ ဒီည ကမ်းကပ်နိုင်တယ် ငါတို့ ပြင်ဆင်ထားမှ ရမယ်"

ယန်ကျန့် ပြောလိုက်သည်။

"သူတို့က တစ္ဆေသင်္ဘော သုံးရင် ငါတို့လည်း တစ္ဆေရေကန် ကို ထုတ်သုံးလိုက်ကြမလား" လျိုစန်း အကြံပေးလိုက်သည်။

"လွယ်ပါတယ် ဒါပေမဲ့ နောက်ဆုံး အဆင့်ကျမှ သုံးမယ် တစ္ဆေလွှတ်ဖို့ လွယ်ပေမယ့် ပြန်ဖမ်းဖို့ ခက်တယ် အခု လောလောဆယ် တစ္ဆေသင်္ဘော ဘယ်မှာ ရှိလဲ ဆိုတာ ရှာရမယ် ကမ်းကပ်ရင်တောင် နေရာ သိမှ ရမယ်"

"ဒါ့ကြောင့် ဒီည ခေါင်းဆောင်တွေ အဖွဲ့ခွဲပြီး ရှာကြမယ်"

"ဟုတ်တယ် နေရာ သိမှ ရမယ် မဟုတ်ရင် ခံရလိမ့်မယ်"

လျိုစန်း ခေါင်းငြိမ့်လိုက်သည်။

"ကဲ... အစည်းအဝေး ပြီးပြီ လှုပ်ရှားကြတော့ တစ်ခုခု ထူးခြားရင် ဆက်သွယ်ကြ တစ်ယောက်တည်း မသွားနဲ့ အုပ်စုလိုက် သွားကြ ထောင်ချောက် ဖြစ်နိုင်တယ်"

"လေရှည်လိုက်တာ သင်္ဘော တစ်စင်း ရှာရုံပဲကို ငါ့တာဝန် ထားလိုက် ငါ တစ်ယောက်တည်း သွားမယ် ငါက တစ်ယောက်တည်း ဆိုပေမယ့် စစ်တပ် တစ်တပ် လိုပဲ"

ရဲကျန့် နားလည်သွားပြီး ချက်ချင်း ထွက်ခွာသွားသည်။