အခန်း (၁၉၁၅)

အပိုင်း(၁၉၁၅)

ခရမ်းရောင် အဘိဿဲလ် ဂလက်ဆီဇုန်၏ အစွန်းတွင် ဖြစ်ပျက်ခဲ့သော အဖြစ်အပျက်များသည် တစ်ခါမျှ မကြုံဖူးသေးသော အရာများဖြစ်ပြီး ရက်အနည်းငယ်အတွင်း တစ်ဂလက်ဆီလုံးအား တုန်လှုပ်သွားစေသည့် လှုပ်ရှားမှုများကို ဖြစ်ပေါ်စေခဲ့သည်။

အဘိဿဲလ် လျှို့ဝှက်အရှင် လေးဦး၏ အာဏာ၊ ဩဇာနှင့် စွမ်းဆောင်ရည်များမှာ အလွန်ပင် ကြီးမားလှရာ သူတို့ ပူးတွဲကျင်းပမည့် လေလံပွဲ သတင်းကို ထုတ်ပြန်လိုက်သောအခါ ကျင့်ကြံသူများ၊ မဟာ ပုရောဟိတ်များနှင့် အဂ္ဂိရတ်ပညာရှင်များ အားလုံးမှာ မယုံကြည်နိုင် ဖြစ်ကာ ရုတ်ရုတ်သဲသဲ ဖြစ်သွားကြတော့သည်။

အထူးသဖြင့် ခရမ်းရောင် အဘိဿဲလ် ဂလက်ဆီဇုန်တွင် အန္တရာယ်ရှိနေပြီဟု ကြိုတင်ဟောကိန်းထုတ်ခဲ့ကြသော ဂလက်ဆီဇုံ သုံးခုမှ မဟာ ပုရောဟိတ်များမှာ ပို၍ပင် အံ့ဩနေကြသည်။

ထိုပုဂ္ဂိုလ်ကြီးများ၏ သတိပေးချက်များနှင့် ဇဝေဇဝါဖြစ်နေသည့် မျက်နှာများကို ဂရုမစိုက်ဘဲ၊ ဂလက်ဆီဇုံတစ်ခုစီ၏ အာဏာရှင် ရှန့်ထိုများသည် 'အာရုဏ်ဦး အဘိဿဲလ် လေလံပွဲ' သတင်းကို မကြုံစဖူး ထိရောက်မြန်ဆန်စွာ ကြေညာခဲ့ကြလေသည်။

ထိုသတင်း၏ အသေးစိတ် အချက်အလက်များကိုလည်း ဖုံးကွယ်မထားချေ။ အဂ္ဂိရတ်တာအိုတွင် ဂလက်ဆီကျော် အောင်မြင်မှုများ ရရှိထားသည့် နယ်မြေခြားမှ 'လောကရှန့်ထို' အဆင့် အဂ္ဂိရတ်ပညာရှင်တစ်ဦးသည် အဖြူရောင် အဘိဿဲလ် ဂလက်ဆီ၏ ရှားပါးပြီး အဖိုးတန်သော ရတနာများအတွက် သူ၏ မျိုးဆက် ထုတ်ကုန်များကို ရောင်းချရန် ဆုံးဖြတ်လိုက်ခြင်းပင် ဖြစ်သည်။

မည်သူမဆို လာရောက်နိုင်သည်။ မည်သူမဆို ကမ်းလှမ်းနိုင်သည်။

ရောင်းချမည့် ထုတ်ကုန်အချို့၏ အသေးစိတ် အချက်အလက်များ ပေါက်ကြားလာသောအခါ ပထမဆုံးသော သတင်းသည်ပင် အဂ္ဂိရတ်ပညာရှင်တိုင်း၏ နှလုံးသားကို တုန်လှုပ်သွားစေခဲ့သည်။

• အာရုဏ်ဦး နေမီးတောက် ဆေးလုံး

• အာရုဏ်ဦး နေကြယ်မျိုးစေ့ ဆေးလုံး

• အာရုဏ်ဦး မူလ ကောင်းကင် ဆေးအနှစ်

• အာရုဏ်ဦး ဝဲဂယက်ဇုံ ဆေးတောင့်

ထို့အပြင်... လျှို့ဝှက်-ဆန္ဒ ပေါင်းစည်းခြင်း ဆေးလုံး ကဲ့သို့သော သာမန် လျှို့ဝှက်မြေကြီးအဆင့် ထုတ်ကုန်များကိုလည်း ရောင်းချပေးမည် ဖြစ်သည်။ အံ့ဩစရာ အကောင်းဆုံးက အဘိဿဲလ် လူမျိုးတို့၏ လောကရှန့်ထို အဆင့် အဂ္ဂိရတ် မျိုးဆက် သုံးခုမှ ပစ္စည်းများဖြစ်သည့် ရှားပါး လျှို့ဝှက် မြေကြီးအဆင့်မှသည် အထွတ်အထိပ် လျှို့ဝှက်လောကအဆင့် အမွေအနှစ်များအထိ လေလံပွဲတွင် ပါဝင်လာနိုင်ခြင်းပင် ဖြစ်သည်။

ဂလက်ဆီ တစ်ခုလုံးသည် ချက်ချင်းပင် ဆွေးနွေးငြင်းခုံမှုများ၊ စိတ်လှုပ်ရှားမှုများဖြင့် ပြည့်နှက်သွားတော့၏။ မည်သူမျှ ဤဖြစ်ရပ်၏ မှန်ကန်မှုကို သံသယမဝင်သလို၊ ဆိုးကျိုးများ ရှိနိုင်သည်ဟုလည်း မတွေးဝံ့ကြချေ။ အကြောင်းကား အာဏာရှင် ရှန့်ထို လေးဦးစလုံးက ဤပွဲကို ကြီးကြပ်ပေးမည်ဖြစ်ပြီး တရားမျှတမှုကို အပြည့်အဝ အာမခံထားသောကြောင့် ဖြစ်သည်။ သင့်တွင် ငွေနှင့် ရတနာရှိပါက မည်သည့်အရာကိုမဆို ဝယ်ယူနိုင်သည်။

မည်သည့်အရာကိုမဆိုပင်...။

လေလံအောင်မြင်သူတိုင်းကိုလည်း မိမိရရှိလာသော ထုတ်ကုန်များကို လုံခြုံစွာ သန့်စင်နိုင်မည့် နေရာများနှင့် အခြားသူများ လုယူမည်ကို စိုးရိမ်ပါက အမျိုးမျိုးသော အကာအကွယ်များကို ပေးအပ်မည် ဖြစ်သည်။ ထို့အပြင်... ဤကာလအတွင်း မည်သည့်အဖွဲ့အစည်းမျှ အခြားသူများကို တိုက်ခိုက်ခြင်း မပြုရန် ပြင်းပြင်းထန်ထန် တားမြစ်ထားသည်။ ဆိုလိုသည်မှာ 'အတင်းအကျပ် ငြိမ်းချမ်းရေး' ကို ဖော်ဆောင်ထားခြင်းမျိုးပင် ဖြစ်သည်။

၎င်းမှာ ယာယီမျှသာ ဖြစ်သော်လည်း အာဏာရှင် ရှန့်ထို လေးဦး၏ အမိန့်ကို မည်သူက မနာခံဝံ့ဘဲ နေမည်နည်း။ အကယ်၍ မနာခံပါက လျှို့ဝှက်အာဏာရှင်များ၏ ရက်စက်ကြမ်းကြုတ်သော အပြစ်ပေးမှုကို မြန်ဆန်စွာ ခံစားရမည်မှာ အသေအချာပင်။

အာဏာရှင် ရှန့်ထိုများက လျှို့ဝှက်လောကအဆင့် အဂ္ဂိရတ် မျိုးဆက်များကို ထိုအဂ္ဂိရတ်ပညာရှင်ထံ ရောင်းချလိုက်ပြီဟူသော သတင်းလည်း ပေါက်ကြားလာသည်။ ထိုအချက်အပေါ် မည်သူမျှ ဒေါသတထွက် မဖြစ်ကြဘဲ အေးဆေးစွာသာ နေကြသည်။ အဘယ်ကြောင့်ဆိုသော် ထိုအဂ္ဂိရတ်ပညာရှင်မှာ နှစ်ပေါင်းများစွာ ဖုန်တက်နေသည့် ထိုဖော်စပ်နည်းများကို အောင်မြင်စွာ ပြန်လည် ဖော်စပ်နိုင်သည့် 'လောကရှန့်ထို' အဆင့် အစစ်အမှန် ပညာရှင် ဖြစ်နေသောကြောင့် ဖြစ်သည်။ ချမ်းသာကြွယ်ဝသည့် ကျင့်ကြံသူများနှင့် ထိပ်တန်း ပုဂ္ဂိုလ်ကြီးများ အဖို့ လက်တွေ့၌ အသုံးမကျသည့် မျိုးဆက်ပညာရပ်များထက် အစစ်အမှန် ဆေးလုံးများကိုသာ ပိုမို အလိုရှိကြသည်။

မျိုးဆက်ပညာရပ်များကို ရောင်းချလိုက်ခြင်းကြောင့် သူတို့ထံမှ ပျောက်ကွယ်သွားမည် မဟုတ်ချေ။ ထို့အပြင်... ၎င်းတို့မှာ အဘိဿဲလ် လူမျိုးများအတွက်သာ ကန့်သတ်ထားသည်က များလှသည်။ ထို့ကြောင့် ကန့်ကွက်နေစရာ အကြောင်းမရှိချေ။

အကယ်၍ ထိုပညာရှင်သာ ဆယ်စုနှစ်များစွာ သို့မဟုတ် ရာစုနှစ်များစွာ အချိန်ပေး၍ ထိုဆေးလုံးများကို ဖော်စပ်ပေးမည်ဆိုပါက သူတို့အတွက် ပို၍ပင် ကောင်းမွန်လှသည်။

နောက်ရက်များတွင် ဂလက်ဆီတစ်ခွင်၌ စက်ဝိုင်း ပုံသဏ္ဌာန်နှင့် ကျောက်ဆူးပုံသဏ္ဌာန်ရှိသည့် ဟင်းလင်းပြင် သင်္ဘောများစွာမှာ ဒက်ပေါ်တယ် ဟု ခေါ်ဆိုသည့် ဟင်းလင်းပြင် တံခါးများကို အသုံးပြု၍ နေရာတစ်ခုတည်းသို့ စုရုံးလာကြတော့သည်။

၎င်းတို့၏ ဆုံမှတ်ကတော့ ခရမ်းရောင် အဘိဿဲလ် ဂလက်ဆီဇုန်ပင် ဖြစ်လေတော့သည်။

...

ဝေ့ဝူယင်သည် ကုတင်အစွန်းတွင် ထိုင်နေ၏။ လှပသည့် ဆံနွယ်ရှည်များရှိသည့် ဦးခေါင်းနှစ်ခုမှာ အောက်ရှိ မာန်ဖီနေသော နဂါးကြီးကို စိုစွတ်သော လျှာများ၊ နူးညံ့ ပျော့ပျောင်းသော နှုတ်ခမ်းများ၊ နွေးထွေးသော လည်ချောင်းများကို အသုံးပြု၍ အပြိုင်အဆိုင် တိုက်ခိုက် ဆင်နွှဲနေကြသည်။

ချောင်စွေ့ဖုန်းနှင့် လျူစုယင်တို့၏ လက်တွဲညီမှုမှာ အပြစ်ပြောစရာ မရှိလှဘဲ အတူတူ နေတိုင်း ဖော်ပြ၍မရနိုင်လောက်အောင် ကျေနပ်ဖွယ်ကောင်းသည့် အကျိုးသက်ရောက်မှုကို ဖြစ်ပေါ်စေသည်။ နဂါးကြီးသည် မိန်းကလေးများ၏ မျှော်လင့်တောင့်တနေသော မျက်နှာများမှသည် ရင်သားများအထိ ဖုံးလွှမ်းသွားစေသည့် ပြင်းထန်သော ယန်အမတေများကို ထုတ်လွှတ်လိုက်၏။

နဂါးကြီးနှင့် ကိုယ်ပေါ်တွင် တင်ကျန်နေသည့် ယန်အမတေ တစ်စက်မကျန်ကို နူးညံ့သော နှုတ်ခမ်းများ၊ လျှာများဖြင့် အလုအယက် လျက်ယူနေကြသည့် မိန်းကလေးများကို မြင်သောအခါ ဝေ့ဝူယင်သည် မိမိကိုယ်ကိုယ် အစစ်အမှန် ဧကရာဇ်တစ်ပါးကဲ့သို့ ခံစားလိုက်ရသည်။

“အခုထိ တော်တော်လေး ပြင်းထန်နေတုန်းပဲနော်...”

ချောင်စွေ့ဖုန်း၏ ဆွဲဆောင်မှုရှိသော အသံမှာ မျှော်လင့်ချက်များဖြင့် ပြည့်နှက်နေ၏။

“ရှန်းရှဲ့... ဒါကို အနိုင်ယူဖို့ ငါတို့ နောက်ထပ် အများကြီး လုပ်ရဦးမယ် ထင်တယ်... ဒါက ‘ကောင်းကင်ရှန့်ထို’ အဆင့်ကို တက်လှမ်းတော့မယ့် အတိုင်းအတာမျိုးပဲ”

“အင်း...”

လျူစုယင်က သဘောတူလိုက်၏။ နောက်တစ်စက္ကန့်တွင်ပင် သူမ၏ ပါးစပ်မှာ ပြန်လည် ပြည့်နှက်သွားတော့သည်။ မိန်းကလေး၏ ရမ္မက်ဇော ကြွနေသော မျက်ဝန်းများတွင် ဝေ့ဝူယင် မကြာသေးမီက ပြုလုပ်ခဲ့သည့် ပြောင်မြောက်လှသော စွမ်းဆောင်ရည် ပုံရိပ်များ ထင်ဟပ်နေ၏။

တိုက်ပွဲ၏ နောက်ဆုံး၌... သူမတို့ ရှုံးနိမ့်သွားခဲ့သည်။ သို့သော် အလွန်ပင် ကျေနပ်စရာကောင်းသော ရှုံးနိမ့်မှုမျိုး ဖြစ်လေသည်။

...

အဂ္ဂိရတ်ခန်းမအတွင်း၌ အာရုဏ်ဦး အဂ္ဂိရတ်ရှန့်ထို ကိုယ်တိုင်သည် သူ၏ စားပွဲရှေ့တွင် ရပ်နေ၏။ စားပွဲပေါ်တွင် ဆေးပုလင်းများ၊ ဆေးရည်အိုးများ၊ ဆေးမှုန့်အိတ်များနှင့် ဆေးအနှစ်ဘူးများမှာ အဂ္ဂိရတ်မှော်သန့်စင် ဆေးအိုးကြီး တစ်ခုနှင့် အတူ ပျံ့ကျဲလျက်ရှိသည်။

လေထုထဲတွင် လျှို့ဝှက်တာအို၏ ထူးခြားဆန်းကြယ်သည့် အရည်အသွေးများ စိမ့်ဝင်နေသည့် အလွန် ကြွယ်ဝလှသော အဂ္ဂိရတ်အော်ရာများ သင်းပျံ့နေသည်။ ထုတ်ကုန်တစ်ခုစီတွင် လျှို့ဝှက် သင်္ကေတများသည် တောက်ပနေခြင်း၊ ရွေ့လျားနေခြင်း သို့မဟုတ် လက်ခနဲ ဖြစ်နေခြင်းများဖြင့် တည်ရှိနေကြသည်။

ဝေ့ဝူယင်၏ မျက်နှာထက်တွင် အတွေးနက်နေသည့် မျက်မှောင်ကြုတ်မှု တစ်ခု တစ်ခု ရှိနေ၏။ ဂလက်ဆီအဆင့် လေလံပွဲကို ကြေညာခဲ့သည်မှာ ဆယ်ရက်ရှိပြီဖြစ်ပြီး ယခုအခါ အရှိန်အဟုန်ဖြင့် ကျင်းပနေပြီ ဖြစ်သည်။ ထုတ်ကုန်များ၊ ရတနာများနှင့် အခြားကိစ္စရပ်များကို လော့နင်၊ ချောင်စွေ့ဖုန်းနှင့် စုမေ့တို့က ကိုင်တွယ်ဖြေရှင်းပေးနေကြသည်။

ဝေ့ဝူယင်သည် သူကိုယ်တိုင် အသေးစိတ် ကြီးကြပ်ရန် သို့မဟုတ် လူကိုယ်တိုင် ရှိနေရန် မလိုချေ။ သူ၏ ဟင်းလင်းပြင် ပုံရိပ် တစ်ခုသာ လေလံပွဲတွင် ရှိနေပြီး အဖြူရောင် အဘိဿဲလ် ဂလက်ဆီ၏ ချမ်းသာကြွယ်ဝသော ပုဂ္ဂိုလ်များနှင့် ဆက်ဆံခြင်း၊ အာဏာရှင် ရှန့်ထို လေးဦးနှင့် စကားပြောဆိုခြင်းတို့ကို လုပ်ဆောင်နေသည်။

သူ၏ အစစ်အမှန် ခန္ဓာကိုယ်ကတော့ ဤနေရာတွင် ဆေးဖော်စပ်နေခြင်း ဖြစ်သည်။ အထူးသဖြင့် သူသည် အဘိဿဲလ် လူမျိုးတို့၏ လျှို့ဝှက်မြေကြီးအဆင့် အမွေအနှစ်များကို စတင်လေ့လာနေခြင်း ဖြစ်သည်။ သိပ်သည်းဆ မြင့်မားလှသော မန်နာ ကုန်ကြမ်းများကို ကိုင်တွယ်ရာတွင်ဖြစ်စေ၊ ဖော်စပ်မှု ထိန်းချုပ်နည်းများတွင် ဖြစ်စေ သူသည် မည်သည့် အခက်အခဲမျှ မရှိခဲ့ချေ။

မူလ မိုးကုပ်စက်ဝိုင်း အဆင့် ရှိသည့် ကြယ်တာရာ ဝိညာဉ် လေးခုကြောင့်ပင် သူ၏ မန်နာ လွှမ်းမိုးနိုင်စွမ်းမှာ သေမျိုးများကြားတွင် ပြိုင်ဘက်ကင်းလှပြီး ကောင်းကင်ရှန့်ထိုများပင်လျှင် သူ၏ ထိန်းချုပ်မှု အဆင့်အတန်းကို လိုက်မီရန် ခက်ခဲလိမ့်မည် ဖြစ်သည်။

“နင်ကတော့ တကယ်ကို ပုံမှန်မဟုတ်ဘူး...”

ကောင်းကင်စစ်ဝိညာဉ် ထိုကဲ့သို့ ပြောခဲ့သည်မှာ ၁၃ ကြိမ်မြောက် ရှိနေပြီ ဖြစ်သည်။ သေမျိုးတစ်ဦးမျှသာ ဖြစ်သည့် ဝေ့ဝူယင်၏ အဂ္ဂိရတ်တာအိုမှာ မည်မျှအထိ ရူးသွပ်စရာ ကောင်းလှသည်ကို သူမ အခုထိ နားမလည်နိုင်သေးချေ။

လူငယ် လောကရှန့်ထို အဂ္ဂိရတ်ပညာရှင် ဖြစ်နေသည်မှာပင် ကြောက်စရာကောင်းလှပြီ ဖြစ်သော်လည်း၊ လျှို့ဝှက်မြေကြီးအဆင့် ထုတ်ကုန်များကို ဖော်စပ်ရာတွင် အောင်မြင်မှုနှုန်းနှင့် မြန်နှုန်းမှာမူ ပို၍ပင် ထိတ်လန့်စရာ ကောင်းလှသည်။

ထို့အပြင် ယခုအချိန်အထိ ပထမဆုံးအကြိမ် ဖော်စပ်သည့် ပစ္စည်းများပင်လျှင် တစ်ခုမှ ကျရှုံးခြင်း မရှိခဲ့ချေ။

ဝေ့ဝူယင်က အဘိဿဲလ် လူမျိုးတို့၏ လျှို့ဝှက်မြေကြီးအဆင့် ထုတ်ကုန်များကို ကြည့်နေစဉ် သူမက ဆက်ပြောလိုက်၏။

“နင့်ရဲ့ အဂ္ဂိရတ်စွမ်းအင်တွေက ဆေဘာ သွေးကြောရဲ့ အစွမ်းထက်မှုမျိုးနဲ့ ဆင်တူတဲ့ အသွင်ပြောင်းလဲမှုကို ဖြတ်သန်းထားသလိုပဲ... ဒါပေမဲ့ ငါ အသေအချာတော့ မပြောတတ်ဘူး...”

“ဒါက ပါရဂွန် ခန္ဓာကိုယ်ရဲ့ အကျိုးသက်ရောက်မှုလား... ဒါမှမဟုတ် နင့်ရဲ့ မွေးရာပါ ပါရမီတွေက ကောင်းကင်ဘုံ ရွေးချယ်ခံ အဆင့်ကို ကျော်လွန်သွားတဲ့အတွက် ရရှိလာတဲ့ အကျိုးကျေးဇူးလား... အဲ့လိုမှ မဟုတ်ရင် နင့်ရဲ့ မွေးရာပါ စွမ်းအင်တွေက သတ်မှတ်ချက်တစ်ခုကို ကျော်လွန်သွားတာလား...”

ကောင်းကင် စစ်ဝိညာဉ်မှာ ဆက်တိုက် မေးနေသော်လည်း ဝေ့ဝူယင်ထံမှ ပြန်ကြားချက် မရရှိခဲ့ချေ။ သူမသည် လွန်ခဲ့သော သုံးနာရီလုံးလုံး ကိုယ့်ဘာသာ စကားပြောနေခြင်း ဖြစ်သဖြင့် အဖြေရရန်လည်း မမျှော်လင့်ထားချေ။

“ဒါက ဖြစ်နိုင်တယ်...”

ရုတ်တရက်... ဝေ့ဝူယင်၏ မျက်လုံးများထဲ၌ ဝိညာဉ် အလင်းတန်း တဟုန်ထိုး တောက်ပလာ၏။ သူသည် စိတ်ကူးစိတ်သန်း တစ်ခုကို ရရှိသွားပြီ ဖြစ်သည်။

***