အခန်း (၁၀၂၁)

အခန်း ၁၀၂၁: လမ်းတစ်ဝက်တွင် ချုံခိုတိုက်ခိုက်မှု (အပိုင်းတစ်)

“ ကျွန်တော်တို့ ချမ်းဘော့ဒ် ရဲ့ နယ်မြေကို ရောက်တော့မှာပါ ချမ်းဘော့ဒ် ဘုရင်ရဲ့ မင်္ဂလာပွဲက မကြာသေးခင်ကမှ ကျင်းပခဲ့တာလို့ ကြားသိရပြီး အင်ပါယာအများအပြားက ပြဿနာရှာဖို့ သခင်တွေ စေလွှတ်ခဲ့တယ်လို့ သိရပါတယ် အမှန်တော့သန့်ရှင်းတဲ့ ဘုရားကျောင်းရဲ့ သခင်တွေတောင် ပါဝင်လာတယ်လို့ ကြားရပါတယ် နောက်ဆုံးမှာတော့ သူတို့ဟာ ချမ်းဘော့ဒ်သား တွေရဲ့ ဖျက်ဆီးခြင်းကို ခံခဲ့ရပါတယ် ဒီ ချမ်းဘော့ဒ် နိုင်ငံတော်က ဒီလောက်ရိုးရှင်းတဲ့ပုံ မပေါ်ပါဘူး ကျွန်တော်တို့ သတိထားသင့်တယ် ” အသက် ၅၀ခန့် လောက်ရှိသည့် ငွေရောင်ဆံပင်နှင့်လူက သူ့ အပေါင်းအသင်းများကိုဆိုသည်။

“ဟားဟား ငွေဆံနွယ်ဆရာသခင် ဒီလို ရယ်စရာကောင်းတဲ့ ကောလာဟလတွေကို ဘယ်လိုယုံနိုင်တာလဲ အသက်ကြီးလာလေလေ ပိုကြောက်လာလေလေလို့ ထင်ရတယ် ” ကြွက်သားတွေ သန်မာပြီး ကြေးစားစစ်သားလို ထင်ရသည့် လအဆင့်လက်ရွေးစင် အိုလီဗီယာက ဆိုသည်။

“ဟားဟား ဟုတ်တယ် ချမ်းဘော့ဒ်မြို့မှာ မြို့မှာ ရွှေသူတော်စင် လို့လူသိများတဲ့ လအဆင့် ဆယ်ယောက်ကျော်ရှိပြီး နေအဆင့်က တောင် နိုင်ငံတော်ကို ကာကွယ်နေတယ်လို့ ကောလာဟလတွေ ထွက်နေတယ် ရယ်စရာကောင်းလိုက်တာ... စဉ်းစားကြည့်ပါဦး သူ့ရဲ့ မိခင်အင်ပါယာ ဇင်းနစ် တောင်မှ ဒီလောက်အင်အားမရှိဘူး ချမ်းဘော့ဒ် က မကြာသေးခင်ကမှ လူတွေရဲ့ အာရုံစိုက်မှုကို ရရှိခဲ့တဲ့ အဆင့်တစ်ပဏာဆက် နိုင်ငံတော်တစ်ခုသာ ဖြစ်ပါတယ် သူ့မှာ ဘယ်လောက်အထိ အစွမ်းရှိနိုင်မှာလဲ ကျွန်တော့်အမြင်အရတော့ ဒီညစ်ပတ်တဲ့ ချမ်းဘော့ဒ်သား တွေက ကျွန်တော်တို့ရှေ့မှာ ကြက်တွေနဲ့ ခွေးတွေလိုပါပဲ ကျွန်တော်တို့ သူတို့ကို အလွယ်တကူ သတ်နိုင်သင့်ပါတယ် ” အသက် ၃၀ လောက်ရှိသည့် အိုဟင်နရီ က မာနကြီးလှသော်လည်း သူက လအဆင့် မှာပဲ ရှိသေးကာ အဆင့်တွင်ခိုင်မာနေခြင်းလည်း မရှိသေးချေ။

"ဟုတ်တယ် မိတ်ဆွေတို့ စိတ်မပူကြနဲ့ လုပ်ငန်းစဉ်ကို အရှိန်မြှင့်ကြရအောင် ကျွန်တော်တို့ရဲ့ ရည်မှန်းချက်က မစ္စတာ ဒီအလက်ဇန္ဒရို စိန့်ပီတာဘတ်ကို မရောက်ခင် ချမ်ဘော့ဒ်ရဲ့ သခင်အားလုံးကို သတ်ပြီး ချမ်ဘော့ဒ်ရဲ့ အရာရှိအားလုံးကို ဖယ်ရှားပစ်ဖို့ပါ ကျွန်တော်တို့ ကောင်းကောင်း ညှိနှိုင်းပြီး ချက်ချင်း လွှမ်းမိုးမှုကို တည်ဆောက်ဖို့ လိုပါတယ် ဒီညစ်ပတ်တဲ့ အလက်ဇန္ဒားကို ထောက်ခံနေသူတွေကို ဒါက သူတို့အတွက် အဆုံးသတ်ပဲဆိုတာ ပြောပြပါ့မယ် "

ပုပုနဲ့ ဝဝနှင့် ဇီမန်းက အဖွဲ့ထဲမှာ တစ်ဦးတည်းသော နေမင်းအဆင့် သခင် အယ်လ်ဘီဒါကို ပြုံးရွှင်စွာ ကြည့်လိုက်သည်။ သူ့မျက်လုံးများက သေးငယ်ပြီး သူ့ခေါင်းက ကြွက်တစ်ကောင်လို ခပ်ချွန်ချွန်ဖြစ်သည်။ သူ ခဏလောက် စဉ်းစားပြီး " မစ္စတာ အယ်လ်ဘီဒါနဲ့အတူ နတ်ဘုရားတွေက ချမ်ဘော့ဒ်လူမျိုးတွေကို ကာကွယ်ပေးနေရင်တောင် မစ္စတာ အယ်လ်ဘီဒါရဲ့ စွမ်းအားရှေ့မှာ သူတို့က အသုံးမဝင်ဘူး ကျွန်တော်တို့ စိုးရိမ်စရာ ဘာမှ မရှိဘူး "

သူ အယ်လ်ဘီဒါကို မြှောက်ပင့်နေသည်က အထင်အရှားပင်။

တခြားသူတော်တော်များများက ဇီမန်းစကားကို ချက်ချင်း သဘောတူကြသည်။ စကားပြောခွင့်မရခဲ့သည့် လအဆင့် လက်ရွေးစင်များကလည်း အန်ဂျီအင်ပါယာက နေအဆင့် သခင်အပေါ် သူတို့ရဲ့ လေးစားမှုကို ပြသခဲ့ကြသည်။ ဤလူများက အာဏာရှိသူ အစွမ်းထက်သူကို ဖားရသည်ကို ကြိုက်ပြီး လအဆင့်အတန်းအစား၏ ဂုဏ်သိက္ခာလည်းမရှိကြပေ။

"ဒီစကားတွေ ကျွန်တော်တို့ မပြောချင်ဘူး" ဟု အယ်လ်ဘီဒါက မာနထောင်လွှားပြီး မြင့်မြတ်သည့် မျက်နှာထားနှင့်ပြောသည်။ "ချမ်းဘော့ဒ်ဘုရင်က အလွန်အစွမ်းထက်တယ်လို့ ကျွန်တော်ကြားတယ် ငယ်ရွယ်ပေမယ့် နေအဆင့် သခင်တစ်ယောက် ဖြစ်နေပါပြီ သူက ထူးကဲတဲ့ ကျင့်ကြံမှုပါရမီရှင်တစ်ယောက်ပါ ကံမကောင်းစွာပဲ ဒီလူက ပင်လယ်မျိုးနွယ်စုထဲ ဝင်ပြီး လူသားမျိုးနွယ်ကို သစ္စာဖောက်ခဲ့တယ် သူက ကျွန်တော့်ရဲ့ အာရုံစိုက်မှုကို ထိုက်တန်တဲ့သူပါ ကျွန်တော် သူနဲ့ တိုက်ခိုက်ဖို့ စိတ်ဝင်စားပါတယ် ဒါပေမယ့် ကျွန်တော်တို့မှာ သူ ဘယ်ရောက်နေလဲမသိဘူး သူကလွဲလို့ ဘယ်သူမှ ကျွန်တော့်ရဲ့ စိတ်ဝင်စားမှုကို နှိုးဆွနိုင်မှာ မဟုတ်ဘူး "

"ဟားဟား မှန်ပါတယ် မစ္စတာ အယ်လ်ဘီဒါ ဘာမှ လုပ်စရာမလိုပါဘူး ဒါက အဆင့် ၁ အင်ပါယာရဲ့ အဆင့် ၁ ပဏ္ဏာဆက် နိုင်ငံတော်တစ်ခုပါပဲ ကျွန်တော်တို့ အရာအားလုံးကို ကိုင်တွယ်နိုင်ပါတယ် " ဇီးမန်းက အယ်လ်ဘီဒါနောက်ကို တင်းတင်းကျပ်ကျပ် လိုက်သွားပြီး အဆက်မပြတ် မြှောက်ပင့်နေသည်။

“ဟုတ်တယ် ကျွန်တော်တို့ အကုန်လုံး အပြတ်ဖြတ်နိုင်ပါတယ် ချမ်းဘောဒ့် မြို့က ချမ်းသာကြွယ်ဝတယ်လို့ ကောလာဟလတွေ ထွက်နေတယ် ဒီမြို့ကို ကျွန်တော်တို့ သိမ်းပိုက်ပြီးရင် မစ္စတာနဲ့ မစ္စတာ ဒီအလက်ဇန္ဒရို ရတနာအားလုံးကို ယူသွားနိုင်တယ် မစ္စတာအတွက် ဆောင်ရွက်ပေးရတာက ကျွန်တော်တို့အတွက် ဂုဏ်ယူစရာပါ " တခြားတစ်ယောက်က မြှောက်ပင့်ပြန်သည်။

“မလိုပါဘူး ချမ်းဘော့ဒ် နိုင်ငံတော်မှာရှိတာကို ခင်ဗျားတို့ ခွဲဝေယူနိုင်ပါတယ် ပဏ္ဏာဆက် နိုင်ငံတော်ငယ်လေးတစ်ခုပါပဲ။

မစ္စတာ ဒီအလက်ဇန္ဒရို နဲ့ ကျွန်တော်ရဲ့ စိတ်ဝင်စားမှုကို ဆွဲဆောင်နိုင်တဲ့ ဘယ်လိုရတနာမျိုး ရှိနိုင်မှာလဲ” အယ်လ်ဘီဒါ က မထီမဲ့မြင်ပြုစွာ ပြန်ဖြေသည်။ အန်ဂျီ ဧကရာဇ်က ချမ်းဘော့ဒ်သား တွေကို လျှော့မတွက်ဖို့ အကြိမ်ကြိမ် သတိပေးခဲ့ပေမယ့် သူက နေအဆင့်အရှင်သခင် တစ်ယောက်ဖြစ်ပြီး သူ့ရဲ့ မာနက ပဏ္ဏာဆက် နိုင်ငံတော်ကို လုံးဝအလေးမထားခဲ့ပေ။ သူ့ကို စိတ်လှုပ်ရှားစေမယ့် အရာများ ရှိမည်ဟုပင် သူမထင်ပေ။

အခန်း ၁၀၂၁ လမ်းတစ်ဝက်တွင် ချောင်းမြောင်းတိုက်ခိုက်မှု (အပိုင်းနှစ်)

ဇီမန်းသည် ရုတ်တရက် ဆိုးသွမ်းစွာပြုံးလိုက်ပြီး “ချန်ဘော့ဒ်မိဖုရားနှစ်ပါးက ဘယ်အလှတရားကမှ မယှဉ်နိုင်တဲ့ အလှအပလေးတွေလို့ ကောလဟာလတွေရှိတယ် အဲ့အမျိုးသမီးနှစ်ဦးကိုသာ ကျုပ်တို့ဖမ်းနိုင်ရင် နေ့ခင်းဘက်တွင် အိမ်မှုကိစ္စများကို လုပ်ဆောင်စေပြီး ညဘက်မှာ သူတို့နဲ့အတူ အိပ်စက်ရတာက အလွန်ပျော်စရာကောင်းပြီး စိတ်ဝင်စားစရာလိမ့်မယ် ”

အယ်လ်ဘီဒါ၏မျက်လုံးများတွင် အလင်းရောင်တစ်ခု လက်သွားပြီး သူက ခေါင်းညိတ်ကာ တစ်စုံတစ်ခုကို တွေးလိုက်သကဲ့သို့ ပြန်ဖြေလိုက်သည်။ “ အဲဒီအကြံက မဆိုးပါဘူး အန်ဂျီတော်ဝင်နန်းတော်မှာ ခက်ခဲတဲ့ အိမ်မှုကိစ္စတွေကို လုပ်ဆောင်နိုင်တဲ့ အိမ်ဖော်နှစ်ယောက် လိုအပ်ပါတယ် ချန်ဘော့ဒ်မိဖုရားတွေက တကယ်ပဲ အဲဒီလောက်လှရင် တော်ဝင်နန်းတော်မှာ ကျွန်ုပ်ရဲ့အရှင်ကို အမှုထမ်းဖို့ အရည်အချင်းပြည့်မီပါတယ် ”

အယ်လ်ဘီဒါသည် သူ၏အကြံပြုချက်ကို လက်ခံသည်ကိုမြင်သောအခါ ဇီမန်းသည် ဝမ်းသာအားရဖြစ်သွားသည်။

မည်သည့်လက္ခဏာမျှမပြဘဲ သတ်ဖြတ်လိုသော အေးစက်စက်အသံတစ်ခု ကောင်းကင်တွင် ရုတ်တရက် ထွက်ပေါ်လာသည်။ “ ကျုပ်ဆရာအရှင်ကို ဘယ်လိုစော်ကားရဲတာလဲ သင်‌ေသထိုက်တယ် ”

မည်သူမျှ တုံ့ပြန်နိုင်ခြင်းမပြုမီ လအဆင့် အထက်တန်းစား ဇီမန်း၏ဦးခေါင်းသည် ဖရဲသီးတစ်လုံးကဲ့သို့ ပေါက်ကွဲသွားသည်။ အနီနှင့်အဖြူရောင်အရည်များသည် အရပ်မျက်နှာအားလုံးသို့ ပက်ဖျန်းသွားပြီး အစွမ်းထက်သော ဆရာသခင်တစ်ဦးမှာ မြေပြင်ပေါ်သို့ ပြုတ်ကျလာသည်နှင့် ဝဖြိုးသောအလောင်းအဖြစ်သို့ ချက်ချင်းပြောင်းလဲသွားခဲ့သည်။

တစ်ချိန်တည်းမှာပင် ဇီမန်းနှင့်အနီးဆုံးရှိ လအဆင့် လက်ရွေးစင်အများအပြားသည် ကြီးမားသောအင်အားတစ်ခုက ၎င်းတို့ကိုလည်း ရိုက်နှက်သကဲ့သို့ သူတို့၏မျက်နှာများသည် ချက်ချင်းနီရဲသွားသည်။ အားနည်းသော လအဆင့်လက်‌ရွေးစင်အနည်းငယ်သည် အံ့အားသင့်သွားကြပြီး သွေးစက်များ နှုတ်ခမ်းပေါ်မှ စီးကျလာရာ ကြောက်လန့်တကြား အော်ဟစ်လိုက်ကြသည်။ သူတို့သည် ၎င်းတို့၏ အပြည့်အဝအင်အားကို လျင်မြန်စွာထုတ်လွှတ်ပြီး သတိရှိရှိဖြင့် ပတ်ပတ်လည်ကို ကြည့်ကြသည်။

“မလှုပ်ရှားနဲ့!” လူအုပ်အလယ်တွင်ရှိသော နေတန်းစား လော့ဒ် အယ်လ်ဘီဒါသည် မျက်နှာအရောင်ပြောင်းသွားသည်နှင့် အော်ဟစ်လိုက်သည်။ ထို့နောက် သူသည် လက်ကိုဝှေ့ယမ်းလိုက်ရာ အစိမ်းရောင်အလင်းတန်းတစ်ခု သူ့ရှေ့တွင် လင်းလက်သွားသည်။ တစ်ချိန်တည်းမှာပင်၊ မမြင်ရသောအင်အားတစ်ခုသည် အစိမ်းရောင်အလင်းပေါ်သို့ တိုက်မိပြီး ကြည်လင်သောအသံများကြားပြီးနောက် နှစ်ဦးစလုံး ပျောက်ကွယ်သွားကြသည်။

“ဘယ်သူက ငါတို့ကို ခိုးဝင်တိုက်ခိုက်နေတာလဲ ထွက်လာစမ်း”

အယ်လ်ဘီဒါသည် ထိုထူးဆန်းသောအင်အား၏ရင်းမြစ်ကို ချက်ချင်းသိရှိသွားပြီး သူ၏ညာဘက်လက်ဖြင့် လေထဲကို လှမ်းဆုတ်ကိုင်လိုက်သည်။ သူ့ခန္ဓာကိုယ်ကမှ စွမ်းအားအများအပြား ထွက်လာပြီး သူ့ရှေ့က နေရာကို ဆွဲဖြဲလိုက်၏။ မီတာ ၁၀၀ လောက်အကွာတွင် ဆောင်းဦးလေတိုက်ခတ်ခံရသည့်ရေကန်၏ မျက်နှာပြင်သဖွယ် လှိုင်းတွန့်များ ပေါ်လာသည်။ လှိုင်းတွန့်များ ပျောက်ကွယ်သွားပြီးနောက်တွင်တော့ ပုံရိပ်လေးခု ပေါ်လာသည်။

ရှေ့ဆုံးမှာ ရပ်နေသူက အသက် ၁၃ နှစ် သို့မဟုတ် ၁၄ နှစ်အရွယ်ဟု ထင်ရသည့် လူငယ်‌လေးဖြစ်သည် ။ သူက ချောမောပြီး သန်မာပုံရသည်။ သူက အနက်ရောင်ဝတ်ရုံရှည်ကို ဝတ်ဆင်ထားပြီး လက်တွေကို လက်အိတ်ထဲထည့် ဝှက်ထားသည်။ သူ့ဆီမှ စွမ်းအင်တွေ ထွက်လာတာကို မခံစားရဘဲ သာမန်လူတစ်ယောက်ပုံစံပေါက်ကာ မျက်လုံးတွေကို တင်းတင်းမှိတ်ထားခြင်းကြောင့် ထူးဆန်းသည့် ခံစားချက်တစ်ခု ကိုပေးစွမ်းနိုင်သည်။ ယခု သူက နည်းနည်းဒေါသထွက်နေပုံရပြီး သေမင်ူခေါ်သံလို ကြောက်စရာကောင်းသည့် လျှို့ဝှက်တိုက်ခိုက်မှုက သူ့ဆီကနေ လာတယ်ဆိုတာ ထင်ရှားသည်။

ထိုလူငယ်လေး၏ နောက်ကွယ်တွင်တော့ လှပသည့်အမျိုးသမီးတစ်ဦး ရပ်နေသည်။ သူမတွင် ဆံပင်ရှည်နီနီရှိပြီး ငွေရောင်သံချပ်ကာကို ဝတ်ဆင်ထားသည်။ အယ်လ်ဘီဒါ သူမကို မြင်လိုက်သည့်အချိန်တွင် မသိစိတ်က တုန်ခါသွားပြီး အလွန်အမင်း အန္တရာယ်ကို ခံစားလိုက်ရသည်။

ထိုဆံပင်နီနှင့် အမျိုးသမီးဘေးတွင် သန့်ရှင်းတဲ့စွမ်းအားများ အပြည့်ရှိသော ချောမောလှပကာ ငယ်ရွယ်သည့် ဘုန်းတော်ကြီးတစ်ပါး ရှိနေသည်။ သူ့တွင် အညိုရောင်ဆံပင်ရှိပြီး အနက်ရောင်ဘုရားကျောင်းဝတ်စုံကို ဝတ်ဆင်ထား၏။ ထို့ပြင် သူ့နောက်တွင်လည်း ချောမောပြီး ပိန်ပိန်ပါးပါး လူငယ်တစ်ယောက်လည်း ရှိနေသေးသည်။ ထိုလူငယ်လေးတွင် ရှည်လျားသည့် အနက်ရောင်ဆံပင်ရှိပြီး နတ်ဘုရားတစ်ပါးသဖွယ် အသက်ရှူကြပ်စေသည့် ဖိအားတစ်ခုလည်း သူ့ထံမှ ထွက်ပေါ်နေသည်။

ထိုလူလေးယောက်ဟာ ကောင်းကင်မှာ ရပ်နေပြီး လှောင်ပြောင်ကာ သိုးအုပ်ရှေ့မှာ ကျားလေးကောင်လို ကျူးကျော်သူများကို ရပ်တန့်သွားစေသည်။

"မင်းတို့က ဘယ်သူလဲ ဘာလို့ ငါတို့ကို ခိုးဝင်တိုက်ခိုက်တာလဲ" ဟု အယ်လ်ဘီဒါက ဒေါသတကြီး မေးသည်။

End

အခန်း ၁၀၂၂: အေးရိစ် ပထမဆုံး အစစ်အမှန်တိုက်ပွဲ ရွှေသူတော်စင် (အပိုင်းတစ်)

“ ငါတို့ မင်းကို သတ်ဖို့ ရောက်လာတာ ”

မျက်လုံးများကို တင်းတင်းကျပ်ကျပ် မှိတ်ထားသော အနက်ရောင်ဝတ်ရုံဝတ် လူငယ်သည် သတ်ဖြတ်လိုသော အရှိန်အဝါဖြင့် ပြည့်နှက်နေကာ သူသည် ထက်မြက်သော ဓားတစ်ချောင်းကဲ့သို့ ထင်ရသည်။ သူ့တွင် စစ်သည်စွမ်းအင် သို့မဟုတ် မှော်စွမ်းအင် အတက်အကျများ မရှိသော်လည်း သူသည် လေထဲတွင် ရပ်နေနိုင်သည်။ ၎င်းသည် စည်းမျဉ်းများကိုချိုးဖောက်သကဲ့သို့ ထင်ရသောကြောင့် ယခုခေတ် လူတိုင်း၏ နားလည်မှုနှင့် စိတ်ကူးဉာဏ်ထက် ကျော်လွန်နေသည်။

လူငယ် စကားပြောပြီးသည်နှင့် စစ်သည်စွမ်းအင်ကို ထုတ်လွှတ်ခြင်း မရှိသလို စိတ်ကူးယဉ် မှော်ပညာများကိုလည်း ရွတ်ဆိုခြင်း မပြုခဲ့ပါ။ သို့သော် ထူးဆန်းသော စွမ်းအားတစ်ခု ရွေ့လျားလာသည်။ ၎င်းသည် လေကဲ့သို့ပင် ရှာဖွေတွေ့ရှိရန် ခက်ခဲပြီး အလွန်အန္တရာယ်များသောကြောင့် အယ်လ်ဘီဒါ၏ လအဆင့်လက်‌ရွေးစင်များ၏ နှလုံးသားများကို လှုပ်ခါစေခဲ့သည်။

ဘမ်း

ရုတ်တရက် ပေါက်ကွဲမှုတစ်ခု ထွက်ပေါ်လာသည်။

အနီနှင့် အဖြူရောင် သွေးနှင့် ဦးနှောက်ရောစပ်နေသည့် အရာများ ပတ်ဝန်းကျင်တစ်ခုလုံးတွင် လွင့်ပျံသွားတော့သည်။

မာနကြီးသော်လည်း အားနည်းသော အိုဟင်နရီသည် ဖလက်တာ ဇီမန်း နောက်လိုက်သွားရပြီဖြစ်သည်။ သူ သတိထားပြီး အာရုံစိုက်ထားခဲ့သော်လည်း သူ့ရဲ့ကံကြမ္မာကို ပြောင်းလဲနိုင်ခြင်းမရှိခဲ့ချေ။ ဘာဖြစ်နေသည်ဆိုသည်ကို မယုံနိုင်သလို မျက်နှာပေါ်၌ အံ့အားသင့်တဲ့ အမူအရာတစ်ခု ပေါ်လာပြီး သူ့ခေါင်းလည်း ဖရဲသီးကွဲသွားသလို ပေါက်ကွဲသွား‌တော့သည်။ ဇီမန်းကဲ့သို့ပင် သူ၏အလောင်းက ကောင်းကင်မှ ပြုတ်ကျလာ၏။

“ ဒီစွမ်းအားက ဘာလဲ ကြောက်စရာကောင်းလိုက်တာ ”

“ ငါ ဒါကို တားဆီးနိုင်တဲ့နည်းလမ်းမရှိဘူး ”

“ ဒီစွမ်းအားဟာ လူသားတွေပိုင်တာမဟုတ်ဘူး ဒီအနက်ရောင်ဝတ်ရုံဝတ်ထားတဲ့ လူငယ်က ဘယ်သူလဲ”

“ဒါဟာ မှော်စွမ်းအင်မဟုတ်ဘူး စစ်သည်စွမ်းအင်လည်း မဟုတ်ဘူး ဒါက နတ်ဘုရားတစ်ပါးရဲ့ စွမ်းအား ဖြစ်နိုင်တယ်”

လအဆင့်လက်ရွေး‌စင်များမှာ ယုံကြည်မှုအပြည့်ရှိပြီး ချမ်ဘော့မြို့ထဲကို အပြေးအလွှားဝင်ကာ ခဏလေးအတွင်းမှာပဲ အားလုံးကိုအနိုင်ယူပြီး ရတနာများကို လုယက်ဖို့ မစောင့်နိုင်ခဲ့ကြပေမယ့် ယခုတော့ သူတို့အားလုံးဟာ လင်းယုန်ရှေ့ ရှိနေတဲ့ ကြက်အိုတွေလို ကြောက်ရွံ့နေကြသည်။ သူတို့ နှလုံးသားတွေက တုန်လှုပ်သွားပြီး အကုန်လုံး နောက်ဆုတ်လိုက်ကာ ထိုဆန်းကြယ်သော လအဆင့် အရှင်သခင်လေးဦးနှင့် အကွာအဝေးတစ်ခု ခွာလိုက်ကြသည်။

သူတို့အားလုံးက သဘာဝတရားရဲ့ ဥပဒေသတွေကို နားလည်သည့် အစွမ်းထက် ပါရမီရှင်မိားဖြစ်ပြီး အမြင်လည်း ထက်မြက်ကြသည်။ သူတို့ကို အံ့အားသင့်စေဖို့ထိတ်လန့်စေဖို့ကအလွန်ခက်၏။ သို့သော်လည်း ယခုတော့ သူတို့ တစ်ခါမျှ မမြင်ဖူးသည့် စွမ်းအင်တစ်မျိုးကို မြင်လိုက်ရပြီး သူတို့ ထိတ်လန့်သွားကြသည်။

“ဒါက… ဝိညာဉ်စွမ်းအင်ပဲ”

နေမင်းအဆင့် အရှင်သခင်တစ်ယောက်အနေနှင့် အယ်လ်ဘီဒါဟာ ပိုပြီး ဗဟုသုတကြွယ်ဝရာ အံ့သြတကြီးနှင့် အော်ဟစ်လိုက်သည်။

သူက လအဆင့်လက်ရွေးစင်များထက် ပိုမို ထက်မြက်ပြီး အမြင်အာရုံလည်းထက်ရှသည်။ ခဏမျှ စောင့်ကြည့်ပြီးနောက်တွင် ဤချောမောလှပသည့် အနက်ရောင်ဝတ်ရုံဝတ် လူငယ်၏ အစွမ်းကို နောက်ဆုံးတွင် နားလည်သွားသည်။

ဝိညာဉ်စွမ်းအင်က ထူးခြားသည့် စွမ်းအင်တစ်ခုဖြစ်သည်။ လေ့ကျင့်သူဟာ ရှားပါးတဲ့ ပါရမီနှင့်ထိုပါရမီကို ဖွံ့ဖြိုးတိုးတက်အောင် လုပ်ဆောင်ဖို့ ဘဝအခွင့်အလမ်းကောင်းများ ရှိရန် လိုအပ်သည်။ ထို့အပြင် လေ့ကျင့်သူက ဝိညာဉ်စွမ်းအင်မှာထူးချွန်ကောင်းမွန်သည့် ဆရာတစ်ဦးနှင့် လေ့ကျင့်ရန်လမ်းစဉ်တစ်ခုလည်း ရှိရန်လိုအပ်သည်။ ထို့ကြောင့် စစ်သည်စွမ်းအင်နှင့် မှော်စွမ်းအင်ဟာ အဇာရို့သ်တိုက်ကြီး၏ အဓိက စွမ်းအင်နှစ်ခုဖြစ်ပြီး လူတွေက ဝိညာဉ်စွမ်းအင်ကို သင်ယူသည်က ရှားပါးသည်။

ထို့ကြောင့် အယ်လ်ဘီဒါသည် ဝိညာဉ်စွမ်းအင်ကို လေ့ကျင့်သူတစ်ဦးနှင့် ကြုံတွေ့လိုက်ရပြီး ထိုသူက လအဆင့်တွင် ရောက်ရှိနေသည်ကို အံ့အားသင့်နေသည်။

သူတို့စကားပြောနေစဉ်တွင် ပြောင်းလဲမှုများ ထပ်မံဖြစ်ပွားခဲ့သည်။

ကြေးစားစစ်သားတစ်ဦးနှင့်တူသော လအဆင့်လက်ရွေးစင် အိုလီဗရာ သည် ရုတ်တရက် အသက်ရှူမဝတော့ဘဲ ပါးစပ်ဟကာ သွေးတစ်ငုံထွေးထုတ်လိုက်သည်။ ထို့နောက် သူ့မျက်နှာသည် ဖြူဖျော့သွားပြီး ပြင်းထန်စွာဒဏ်ရာရရှိသကဲ့သို့ ယိုင်ထိုးသွားသည်။ သူ့ခေါင်းတစ်ဝက် ပြုတ်ကျသွားပြီး ရင်ဘတ်တွင် ကြောက်မက်ဖွယ်ကောင်းသော အပေါက်များစွာ ပေါ်လာသည်။ သူသည် တိုက်ခိုက်မှုများစွာကို ချက်ချင်းခံရပုံရသည်။ သူသည် လေထဲတွင် ဆက်လက်မနေနိုင်တော့ပေ။

ဤ အိုလီဗရာ သည် အလွန်အကျွံပြောဆိုနေသော လအဆင့်လက်ရွေးစင် များထဲမှ တစ်ဦးလည်းဖြစ်သည်။

ဇီမန်းနှင့် အိုဟင်နရီပြီးနောက် သူသည် အနက်ရောင်ဝတ်ရုံဝတ် လူငယ်၏ပစ်မှတ်ဖြစ်ကြောင်း ထင်ရှားသည်။

အယ်လ်ဘီဒါက ဤစွမ်းအင်ကို အော်ဟစ်ပြီး ဖော်ပြခဲ့သောကြောင့် လအဆင့်လက်ရွေးစင် များသည် ကြောက်ရွံ့မှု မရှိတော့ပေ။ သို့သော်လည်း မမြင်နိုင်သော မည်သည့်အရိပ်အယောင်မျှ မကျန်ခဲ့သော ထိုဝိညာဉ်စွမ်းအင်ကို ပိုင်ဆိုင်ထားသူနှင့် တစ်ခါမှ မတိုက်ခိုက်ဖူးသောကြောင့် သူတို့ အသက်အတွက်ပင် ကြောက်နေကြဆဲဖြစ်သည်။